Vaishnavakhanda 38
Vaiṣṇavakhaṇḍa 38
- Language
- Sanskrit
Contents
- 38.153 — 1 part
38.1
cha || || lomaśa uvāca || || rājyaṃ cakāra kailāse devadevo
jagatpatiḥ || gaṇaiḥ sameto bahubhirvīrabhadrānvito mahān
38.2
ṛṣibhiḥ sahito rudro devairindrādibhiḥ saha || brahmā yasya stutiparo
viṣṇuḥ preṣyavadāsthitaḥ
38.3
iṃdro devagaṇaiḥ sārdhaṃ sevādharmaparo'bhavat || yasya cchatradharaścaṃdro vāyuścāmaradhṛktathā
38.4
sūpātrakartā
satataṃ jātavedā nirantaram || gaṃdharvā gāyakā yasya stāvakāśca pinākinaḥ
38.5
vidyādharāśca bahavastathā cāpsarasāṃ gaṇāḥ || nannṛtu
śrāyagā yasya so'sau kailāsaparvate
38.6
putrairgaṇeśaskaṃdādyaistathā girijayā saha || rājyaṃ pratāpibhiścake'śaṃkaścaṃkramaṇena ca
38.7
yenāṃdhako mahā
daityaḥ sa devānāmarirmahān || duṣṭo viddhaśtriśūlena gagane sthāpitaściram
38.8
hatvā gajāsuraṃ yena utkṛtya carma vai kṛtam || ciraṃ
prāvaraṇaṃ divyaṃ tathā tripuradīpanam || viṣṇunā pālyabhūtena reje sarvāṅgasundaraḥ
38.9
taṃ draṣṭukāmo bhagavānnārado divyadarśanaḥ || yayau ca
parvataśreṣṭhaṃ kailāsaṃ candrapāṃḍuram
38.10
sudhayāḥ parayā cāpi sevitaṃ paramādbhutam || karpūragauraṃ ca tadā dṛṣṭvā taṃ sumahābalam || nārado
vismayāviṣṭaḥ praviṣṭo gandhamādanam
38.11
anekāścaryasaṃyuktaṃ tapanaiśca suśobhitam || gāyadvidyādharībhiśca pūritaṃ ca mahāprabham
38.12
kalpadrumāśca bahavo latābhiḥ pariveṣṭitāḥ || ghanacchāyāsu tāsveva viśiṣṭāḥ kāmadhenavaḥ
38.13
pārijātavanāmodalaṃpaṭā bahavo'layaḥ
kalahaṃsāśca bahavaḥ krīḍamānāḥ sarassu ca
38.14
śikhaṃḍino mahaccakrastatra kekāravaṃ mudā || paṃcamālāpinaḥ sarve vihaṃgāḥ saṃmadānvitāḥ
38.15
kariṇaḥ kariṇībhiśca modamānāḥ suvarcasaḥ || siṃhāstathā garjamānāḥ śārdūlaiḥ saha saṃgatāḥ
38.16
vṛṣabhā naṃdimukhyāśca rebhamānā nirantaram || devadrumāśca bahavastathā caṃdanavāṭikāḥ
38.17
nāgapuṃnāgabakulāścaṃpakā nāgakesarāḥ || tathā ca vanajaṃbaśca tathā kanakaketakāḥ
38.18
kahlārāḥ karavīrāśca kumudāni hyanekaśaḥ || maṃdārāśca badaryaśca kramukāḥ pāṭalāstathā
38.19
tathānye bahavo vṛkṣāḥ śambhostoṣakarā
hyamī || ekapadyena dṛṣṭāste nānādrumalatānvitāḥ || ārāmā bahavastatra dviguṇāśca babhūvire
38.20
gaganānniḥsṛtaḥ sadyo gaṃgaughaḥ para
mādbhutaḥ || patito mastake tasya parvatasya suśobhite
38.21
kūpo hi payasāṃ ye na pavitraṃ vartate jagat || sopi dvidhā tadā dṛṣṭo nāradena mahā
tmanā
38.22
sarvaṃ tadā dvidhābhūtaṃ dṛṣṭaṃ tena mahātmanā || nāradena tadā viprāḥ parameṇa nirīkṣitaḥ
38.23
evaṃ vilokamāno'sau nārado
bhagavānṛṣiḥ || tvaritena tathā yātaḥ śivālokanatatparaḥ
38.24
yāvadvāri sthitopaśyanmahāścaryameva ca || dvārapālau tadā dṛṣṭau kṛtakau viśva
karmaṇā
38.25
nārado mohito hyāsītpapraccha ca sa tau tadā || ahaṃ praveṣṭumicchāmi śivadarśanalālasaḥ
38.26
tasmādanujñā dātavyā darśaṃ
nārthaṃ śivasya ca || aśrṛṇvantau tadā dṛṣṭvā nārado vismito'bhavat
38.27
jñānadṛṣṭyā vilokyātha tūṣṇīṃbhūto'bhavattadā || kṛtrimau hi ca tau
jñātvā praviṣṭo hi mahāmanāḥ
38.28
tathānye tatsarūpāśca dṛṣṭāstena mahātmanā || ṛṣiḥ praṇamitastaiśca nārado bhagavānmudā
38.29
evamādī
nyanekāni āścaryāṇi dadarśa saḥ || dadarśātha ca sucyaktaṃ tryaṃbakaṃ girijānvitam
38.30
ardhāsanagatā sādhvī śaṃkarasya mahātmanaḥ || tanayā
girirājasya yayā vyāptaṃ jagattrayam
38.31
gaurī sitekṣaṇā bālā tanvaṃgī cārulocanā || yayā rūpī kṛtaḥ śambhurupādeyaḥ kṛto mahān
38.32
nirvikāro vikāraiśca bahubhirvikalīkṛtaḥ || arddhāṃgalagnā sā devī dṛṣṭā tena śivasya ca
38.33
nāradena tathā śaṃsurdṛṣṭvibhuvaneśvaraḥ || śuddhacāmī
karaprakhyaḥ sevyamānaḥ surāsuraiḥ
38.34
śaṃkhena bhogivaryeṇa sevitaṃ cāṃghripaṃkajam || dhṛtarāṣṭreṇa ca tathā takṣakeṇa viśeṣataḥ || tathā padmena
mahatā śeṣeṇāpi viśeṣataḥ
38.35
anyaiśca nāgavaryaiśca sevito hi niraṃtaram || vāsukiḥ kaṃṭhalagno hi hārabhūto mahāprabhaḥ
38.36
kaṃbalāśvatarau
nityaṃ karṇabhūṣaṇabhūṣitau || jaṭāmūlagatāścānye mahāphaṇivarā hyamī
38.37
anekajātisaṃvītā nānāvarṇāśca padminaḥ || takṣakaḥ kulikaḥ śaṃkho
dhṛtarāṣṭro mahāprabhaḥ
38.38
padmo daṃbhaḥ sudaṃbhaśca karālo bhīṣaṇastathā || ete cānye ca bahavo nāgāścāśīviṣā hyamī
38.39
aṃgabhūtā harasyā
sanpūjyasyāsya jagattraye || phaṇaikayā śobhamānāḥ keciddhi pannagottamāḥ
38.40
phaṇānāṃ dvitayaṃ keṣāṃ tritayaṃ ca mahāprabham || catuṣkaṃ paṃcakaṃ
ṣaṭkaṃ saptakaṃ cāṣṭakaṃ tathā
38.41
navakaṃ daśakaṃ caiva tathaikāddaśakaṃ tvatha || dvādaśakaṃ cāṣṭādaśakamekonaviṃśakaṃ tathā
38.42
catvāriṃśatphaṇāḥ
ke'pi paṃcāśatkaṃ ca ṣaṣṭikam || saptatiścāpyaśītiśca navatiśca tathaiva ca
38.43
tathā śatasahasrāṇi dvayutaprayutāni ca || arbudāni ca ratnāni
tathā ṣaḍvṛsitāni ca
38.44
anaṃtāśca phaṇā yeṣāṃ te sarpāḥ śivabhūṣaṇāḥ || dṛṣṭāstadānīṃ te sarve nāradena mahātmanā
38.45
vidyāvaṃto'pi
te sarve bhogino'pi suśobhitāḥ || hārabhūṣaṇabhūtāste maṇimaṃto'mitaprabhāḥ
38.46
arddhacaṃdrāṃkito yasya kapardastvatisuṃdaraḥ || cakṣuṣā ca
tṛtīyena bhālasthena virājitaḥ
38.47
paṃcavakro mahādevo bāhubhirdaśabhirdhṛtaḥ || tathā marakataśyāmakaṃdharo'tīvasuṃdaram
38.48
uro yasya viśālaṃ
ca tathorujaghanaṃ param || caraṇadvayaṃ ca rudrasya śobhitaṃ paramaṃ mahat
38.49
taddṛṣṭaṃ caraṇāraviṃdamatulaṃ tejomayaṃ suṃdaraṃ saṃdhyārāgasumaṃgalaṃ ca paramaṃ
tāpāpanuttikaram || tejorāśikaraṃ parātparamidaṃ lāvaṇyalīlāspadaṃ sarveṣāṃ sukhavṛddhikāraṇaparaṃ śaṃbhoḥ padaṃ pāvanam
38.50
tathaiva dṛṣṭvā paramaṃ
parāṇāṃ parā satī rūpavatī ca suṃdarī || saubhāgyalāvaṇyamahāvibhūtyā virājamānā dyutisuṃdarī śubhā
38.51
dṛṣṭvā tau daṃpatī śuddhau rājamānau jagatraye
abhinnau bhedamāpannau nirguṇau guṇinau ca tau
38.52
sākārau ca nirākārau nirātaṃkau sukhapradau || vavaṃde ca mudā tau sa nārado bhagavatpriyaḥ
utthāyotthāya ca tadā tuṣṭāva jagadīśvarau
38.53
nārada uvāca || || nato'syahaṃ devavarau yuvābhyāṃ parātparābhyāṃ kalayā tathāpi || dṛṣṭau
mayā daṃpatī rājamānau yau bījabhūtau sacarācarasya
38.54
pitarau sarvalokasya jñātau cādyaiva tattvataḥ || mayā nāstyatra saṃdeho bhavatoḥ kṛpayā
tathā
38.55
evaṃ stutau tadā tena nāradena mahātmanā || tutoṣa bhagavāñchaṃbhuḥ pārvatyā sahitastadā
38.56
mahādeva uvāca || || sukhena
sthīyate brahmannika kāryaṃ karavāṇi te || tacchrutvā vacanaṃ śaṃbhornārado vākyamabravīt
38.57
darśanaṃ jātamadyaiva tena tuṣṭo'smyahaṃ vibho || darśanā
tsarvamevādya śaṃbho mama na saṃśayaḥ
38.58
krīḍanārthamihāyātaḥ kailāsaṃ parvatottamam || hṛdistho hi sadā nṛṇāmāsthito bhagavanprabho
38.59
tathāpi darśanaṃ bhāvyaṃ satataṃ prāṇināmiha
38.60
girijovāca || || kā krīḍā hi tvayā bhāvyā vada śīghraṃ samāgrataḥ || tasyāstadvacanaṃ
śrutvā uvāca prahasanniva
38.61
dyūtakrīḍā mahādevi dṛśyate vividhātra ca || bhavedvābhyāṃ ca dyūte hi ramaṇācca mahatsukham
38.62
ityevamuktvo
parataṃ satī bhṛśamuvāca vākyaṃ kupitā ṛṣiṃ prati || kathaṃ vijānāsi paraṃ prasiddhaṃ dyūtaṃ ca duṣṭodarakaṃ manasvinām
38.63
tvaṃ brahmaputro'si
munirmanīṣiṇāṃ śāstā hi vākyaṃ vividhaiḥ prasiddhaiḥ || cariṣyamāṇo bhuvanatraye sadā na hi tvadanyo hyaparo manasvī
38.64
evamuktastadā devyā
nārado devadarśanaḥ || uvāca ca vākyaṃ prahasangirijāṃ śivasannidhau
38.65
nārada uvāca || || dyūtaṃ na jānāmi na cāśrayāmi hyahaṃ tapasvī
śivakiṃkaraśca || kathaṃ ca māṃ pṛcchasi rājakanyake yogīśvarāṇāṃ paramaṃ pavitre
38.66
niśamya vākyaṃ girijā satī tadā hyuvāca vākyaṃ ca vihasya
taṃ prati || jānāsi sarvaṃ ca baṭo'dya paśya me dyūtaṃ maheśena karomi te'grataḥ
38.67
ityevamuktā girirājakanyakā jagrāha cākṣānbhuvanaikasuṃdarī
krīḍāṃ cakārātha maharṣisākṣyake tatrāsthitā sā hi bhavena saṃyutā
38.68
tau daṃpatī krīḍayā sajjamānau hṛṣṭau tadā ṛṣiṇā nāradena || savisma
yotphullamanā manasvī vilokamāno'titarāṃ tutoṣa
38.69
sakhījanena saṃvītā tadā dyūtaparā satī || śivena saha saṃgatya cchalāddyūtamakārayat
38.70
sa paṇaṃ ca tadā cakre chalena mahatā vṛtaḥ || jitā bhavānī ca tadā śivena prahasanniva
38.71
nārado'syāḥ śivenātha upahāsakaro'
bhavat || niśamya hāritaṃ dyūtamupahāsaṃ niśamya ca
38.72
nāradasya duruktaiśca kupitā pārvatī bhṛśam || uvāca tvaritā caiva dattvā caivārdhacaṃdra
kam
38.73
tathā śiromaṇī caiva tarale ca manohare || mukhaṃ suśobhanaṃ caiva tathā kupitasuṃdaram || dṛṣṭaṃ hareṇa ca punaḥ punardyūtamakārayat
38.74
tathā girijayā proktaḥ śaṃkaro lokaśaṃkaraḥ || hāritaṃ ca mayā dattaḥ paṇa eva ca nānyathā
38.75
kriyate ca tvayā śaṃbho kaḥ paṇo hi taducya
tām || tataḥ prahasya covāca pārvatīṃ ca trilocanaḥ
38.76
mayā paṇo'yaṃ kriyate bhavāni tvadarthametacca vibhūṣaṇaṃ mahat || sā caṃdralekhā hi
mahānhi hārastathaiva karṇotpalabhūṣaṇadvayam
38.77
idameva tvayā tanvi māṃ jitvā gṛhyatāṃ sukham || tataḥ pravartitaṃ dyūtaṃ śaṃkareṇa sahaiva ca
38.78
evaṃ vikrīḍamānau tāvakṣavidyāviśāradau || tadā jito bhavānyātha śaṃkaro bahubhūṣaṇaḥ
38.79
prahasya gaurī provāca śaṃkaraṃ tvatisuṃdarī || hāritaṃ
ca paṇaṃ dehi mama cādyaiva śaṃkara
38.80
tadā maheśaḥ prahasansatyaṃ vākyamuvāca ha || na jito'haṃ tvayā tanvi tattvato hi vimṛśyatām
38.81
ajeyo'haṃ prāṇināṃ sarvathaiva tasmānna vācyaṃ tu vaco hi sādhvi || dyūtaṃ kuruṣvādya yatheṣṭameva jeṣyāmi cāhaṃ ca punaḥ prapaśya
38.82
tadāmbikāha svapatiṃ
maheśaṃ mayā jito'syadya na vismayo'tra || evamuktā tadā śaṃbhuṃ kare gṛhya varānanā || jito'si tvaṃ na saṃdehastvaṃ na jānāsi śaṃkara
38.83
evaṃ
prahasya ruciraṃ girijā tu śaṃbhuṃ sā prekṣya narmavacasā sa tayābhibhūtaḥ || dehīti me sakalamaṃgalamaṃgaleśa yaddhāritaṃ smararipo vacasānumoditam
38.84
śiva uvāca || || ajeyo'haṃ viśālākṣi tava nāstyatra saṃśayaḥ || ahaṃkāreṇa yatproktaṃ tattvatastadvimṛśyatām
38.85
tasya tadvacanaṃ
śrutvā provāca ca vihasya sā || ajeyo hi mahādevaḥ sarveṣāmapi vai prabho
38.86
mayaikayā jito'si tvaṃ dyūtena vimalena hi || na jānāsi ca
kiṃcicca kāryākāryaṃ vivakṣitam
38.87
evaṃ vivadamānau tau daṃpatī parameśvarau || nāradaḥ mahāsanvākyamuvāca ṛṣisattamaḥ
38.88
nārada
uvāca || || ākarṇyā''karṇaviśālanetre vākyaṃ tadekaṃ jagadekamaṃgalam || asau mahābhāgyavatāṃ vareṇyastvayā jitaḥ kiṃ ca mṛṣā bravīṣi
38.89
ajito hi mahādevo devānāṃ paramo guruḥ || arūpo'yaṃ surūpo'yaṃ rūpātīto'yamucyate
38.90
eka eva paraṃ jyotisteṣāmapi ca yanmahaḥ
trailokyanātho viśvātmā śaṃkaro lokaśaṃkaraḥ
38.91
kathaṃ tvayā jito devi hyajeyo bhuvanatraye || śivamenaṃ na jānāsi hrībhāvācca varānane
38.92
nāradenaivamuktā sā kupitā pārvatī bhṛśam || babhāṣe matsaragrastā sākṣepaṃ vacanaṃ stī
38.93
pārvatyuvāca || || cāpalyācca na vaktavyaṃ
brahmaputra namostu te || tava bhītāsmi bhadraṃ te devarṣe maunamāvaha
38.94
kathaṃ śivo hi devarṣa utko'to hi tvayā bahu || matprasādācchivo jāta īśvaro
yo hi paśyate
38.95
mayā labdhapratiṣṭho'yaṃ jāto nāstyatra saṃśayaḥ
38.96
evaṃ bahuvidhaṃ śrutvā nārado maunamāśrayat || upasthitaṃ ca taddhvā
bhṛṃgī vākyamathābravīt
38.97
bhṛṃgyuvāca || || tvayā bahu na vaktavyaṃ punareva ca bhāmini || ajeyo nirvikāro hi svāmī mama sumadhyame
38.98
hrībhāvayuktāsi varānane tvaṃ devaṃ na jānāsi paraṃ parāṇām || kāmaṃ puraskṛtya purā bhavāni samāgatāsyeva maheśasugram
38.99
yathā kṛtaṃ tena
pinākinā purā etatsmṛtaṃ kiṃ subhage vadasva naḥ || kṛto hyanaṃgo hi tadā hyanena dagdhaṃ vanaṃ tasya gireḥ pituste
38.100
paścāttvayārādhita eva
eṣa śivaḥ parāṇāṃ paramaḥ parātmā
38.101
bhṛṃgiṇetyevamuktā sā hyuvāca kupitā bhṛśam || śṛṇvato hi maheśasya vākyaṃ ruṣṭā ca bhṛṃgiṇam
38.102
pārvatyuvāca || || he bhṛṃginpakṣapātitvādyaduktaṃ vacanaṃ mama || śivapriyo'si re manda bhedabuddhirato hyasi
38.103
ahaṃ śivā
tmikā mūḍha śivo nityaṃ mayi sthitaḥ || kathaṃ śivābhyāṃ bhinnatvaṃ tvayoktaṃ vāgbalena hi
38.104
śrutaṃ ca vākyaṃ śubhadaṃ pārvatyā bhṛṃgiṇā tadā
uvāca pārvatīṃ bhṛṃgī ruṣitaḥ śivasannidhau
38.105
pituryajñe ca dakṣasya śivaniṃdā tvayā śrutā || apriyaśravaṇātsadyastvayā tyaktaṃ kalevaram
38.106
tatkṣaṇādeva tanvaṃgi hyadhunā kiṃ kṛtaṃ tvayā || saṃbhramātkiṃ na jānāsi śivaniṃdakameva ca
38.107
kathaṃ vā parvataśreṣṭhāñjātāsi varavarṇini
kathaṃ vā tapasogreṇa saṃtaptāsi sumadhyame
38.108
sapremā ca śive bhaktistava nāstīha sāṃpratam || śivapriyāsi tanvaṃgi tasmādeva bravīmi te
38.109
śivātparataraṃ nānyatriṣu lokeṣu vidyate || śive bhaktistvayā kāryā sapremā varavarṇini
38.110
bhaktāsi tvaṃ mahādevi mahābhāgyavatāṃ
vare || saṃsevyatāṃ prayatnena tapasopārjitastvayā
38.111
śivo vareṇyaḥ sarveśo nānyathā kartumarhasi || bhṛṃgiṇo vacanaṃ śrutvā girijā tamuvāca
ha
38.112
girijovāca || || re bhṛṃginmaunamālaṃbya sthiro bhavātha vā vraja || vācyāvācyaṃ na jānāsi kiṃ bravīṣi piśācavat
38.113
tapasā kena cānītaḥ kayā cāpi śivo hyayam || kāhaṃ ko'sau tvayā jñāto bhedabuddhyā bravīṣi me
38.114
ko'si tvaṃ kena yukto'si kasmācca
bahu bhāṣase || śāpaṃ tava pradāsyāmi śivaḥ kiṃ kurute'dhunā
38.115
bhṛṃgiṇoktā tiraskṛtya tadā śāpaṃ dadau satī || nirmāso ava re manda re
bhṛṃgiñchaṃkarapriya
38.116
evamuktā tadā devī pārvatī śaṃkarapriyā || atha kopena saṃyuktā pārvatī śaṃkaraṃ tadā
38.117
kare gṛhya ca tanvaṃgī
bhujaṃgaṃ vāsukiṃ tathā || udtārayatkaṃṭhātsā tathānyāni bahūni ca
38.118
śaṃbhorjagrāha kupitā bhūṣaṇāni tvarānvitā || hṛtā caṃdrakalā tasya
gajājinamanuttamam
38.119
kaṃbalāśvatarau nāgau maheśakṛtabhūṣaṇau || hṛtau tayā mahādevyā chaloktyā ca prahasya vai
38.120
kaupīnācchā
danaṃ tasya cchaloktyā ca prahasya vai || tadā gaṇāśca sakhyaśca trapayā pīḍitā bhavan
38.121
parāṅmukhāśca saṃjātā bhṛṅgī caiva mahātapāḥ
tathā caṇḍo hi muṇḍaśca mahālomā mahodaraḥ
38.122
ete cānye ca bahavo gaṇāste duḥkhino'bhavan || tāṃśca dṛṣṭvā tathābhūtānmaheśo lajito'
bhavat
38.123
uvāca ca vākyaṃ ruṣitaḥ pārvatīṃ prati śaṃkaraḥ
38.124
rudra uvāca || || upahāsaṃ prakurvaṃti sarve hi ṛṣayo bhṛśam
tathā brahmā ca viṣṇuśca tathā cendrādayo hyamī
38.125
upahāsaparāḥ sarve kiṃ tvayādya kṛtaṃ śubhe || kule jātāsi tanvaṃgi
kathamevaṃ kariṣyasi
38.126
tvayā jito hyahaṃ suṣṭhu yadi jānāsi tattvataḥ || tarhevaṃ kuru me dehi kaupīnācchādanaṃ param || dehi kaupī
namātraṃ me nānyathā kartumarhasi
38.127
evamuktā satī tena śaṃbhunā yoginā tadā || prahasya vākyaṃ provāca pārvatī rucirānanā
38.128
kiṃ
kaupīnena te kāryaṃ muninā bhāvitātmanā || digambareṇaiva tadā kṛtaṃ dāruvanaṃ tathā
38.129
bhikṣāṭanamiṣeṇaiva ṛṣipatnyo vimohitāḥ || gaccha
taste tadā śaṃbho pūjanaṃ tairmahatkṛtam
38.130
kaupīnaṃ patitaṃ tatra munibhirnānyathoditam || tasmāttvayā prahatavyaṃ dyūte hāritameva tat
38.131
tacchrutvā kupito rudraḥ pārvatīṃ parameśvaraḥ || nirīkṣamāṇo'tiruṣā tṛtīyenaiva cakṣuṣā
38.132
kupitaṃ śaṃkaraṃ dṛṣṭvā sarve devagaṇāstadā
bhayena mahatāviṣṭāstathā gaṇakumārakāḥ
38.133
ūcuḥ sarve śanaistatra śaṃkitena parasparam || ayāyaṃ kupito rudro girijāṃ prati saṃprati
38.134
yathā hi madano dagdhastatheyaṃ nānyathā vacaḥ || evaṃ mīmāṃsamānāste gaṇā devarṣayastadā
38.135
vilokitāstayā devyā sarve saubhāgyamudrayā
uvāca prahasanneva satī satpuruṣaṃ tadā
38.136
kimālokaparo bhūtvā cakṣuṣā parameṇa hi || nāhaṃ kālo na kāmo'haṃ nāhaṃ dakṣasya vai makhaḥ
38.137
tripuro naiva vai śaṃbho nāṃdhako vṛṣabhadhvaja || vīkṣitenaiva kiṃ tena tava cādya bhaviṣyati || vṛthaiva tvaṃ virūpākṣo jāto'si mama cāgrataḥ
38.138
evamādīnyanekāni hyuvāca parameśvarī || niśamya devo vākyāni gamanāya mano dadhe
38.139
vanameva varaṃ cādya vijanaṃ paramārthataḥ || ekākī
yatacittātmā tyaktasarvaparigrahaḥ
38.140
sa sukhī paramārthajñaḥ sa vidvānsa ca paṃḍitaḥ || yena mukto kāmarāgo sa muktaḥ sa sukhī bhavet
38.141
evaṃ visṛśya ca tadā girijāṃ vihāya śrīśaṃkaraḥ paramakāruṇikastadānīm || yātaḥ priyāvirahito vanamadbhutaṃ ca siddhāṭavīṃ paramahaṃsayutāṃ
tathaiva
38.142
nirgataṃ śaṃkaraṃ dṛṣṭvā sarve kailāsavāsinaḥ || niryayuśca gaṇāḥ sarve vīrabhadrādayo'nu tam
38.143
chatraṃ bhṛṃgī samādāya jagāma
tasya pṛṣṭhataḥ || cāmare vījyamāne ca gaṃgāyamunasannibhe
38.144
tābhyāṃ yuktastadā naṃdī pṛṣṭhato'nvagamatsudhīḥ || vṛṣabho hyayato bhūtvā puṣpakeṇa
virājitaḥ
38.145
śobhamāno mahādeva ebhiḥ sarvaiḥ suśobhanaiḥ || aṃtaḥpuragatā devī pārvatī sā hi durmanāḥ
38.146
sakhībhirbahubhistatra
tathānyābhiḥ susaṃvṛtā || girijā ciṃtayāmāsa manasā parameśvaram
38.147
tato dūraṃ gataḥ śaṃbhurvisṛjya ca gaṇāṃstadā || gaṇeśaṃ ca kumāraṃ ca vīra
bhadraṃ tathā'parān
38.148
bhṛṃgiṇaṃ naṃdinaṃ caṃḍaṃ somanaṃdinameva ca || etānanyāṃśca sarvāṃśca kailāsapuravāsinaḥ
38.149
visṛjya ca mahādeva eka
eva mahātapāḥ || gato dūraṃ vanasyāṃte tathā siddhavaṭaṃ śivaḥ
38.150
kāśmīraratnopalasiddharatnavaidūryacitraṃ sudhayā pariṣkṛtam || divyāsanaṃ tasya ca
kalpitaṃ bhuvā tatrāsthito yogapatirmaheśaḥ
38.151
padmāsane copaviṣṭo maheśo yogavittamaḥ || kevalaṃ cātmanātmānaṃ dadhyau mīlitalocanaḥ
38.152
śuśubhe sa mahādevaḥ samādhau caṃdraśekharaḥ || yogapaṭṭaḥ kṛtastena śeṣasya ca mahātmanaḥ || vāsukiḥ sarparājaśca kaṭibaddhaḥ kṛto mahān
38.153
ātmānamātmātmatayā ca saṃstuto vedāṃtavedyo na hi viśvaceṣṭitaḥ || eko hyaneko hi duraṃtapārastathā hyatakryo nijabodharūpaḥ || sthita
stadānīṃ paramaṃ parāṇāṃ nirīkṣamāṇo bhuvanaikabhartā
38.153.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṃḍe śivaśāstre śivapārvatīdyūtaprasaṃgena pārvatīhāritasarvasvasya śivasya kailāsaṃ vihāya tapovanagamanavarṇanaṃnāma catustriṃśo'dhyāyaḥ
Linked texts (3)
- Skandamahāpurāṇa (vulgate) — Sanskrit
- Ānandarāmāyaṇa — Vālmīki, Sanskrit
- Kṛṣṇajanmakhaṇḍa — Sanskrit