Vaishnavakhanda 51
Vaiṣṇavakhaṇḍa 51
- Language
- Sanskrit
Contents
- 51.41 — 1 part
51.1
cha || || nārada uvāca || || gṛdhrasyaitadvacaḥ śrutvā duḥkhavismayasaṃyutaḥ || indradyumnastamā
pṛcchya maraṇāyopacakrame
51.2
tatastamālokya tathā mumūrṣuṃ kauśikādibhiḥ || sa saṃhitaṃ viciṃtyāha dīrghāyuṣamathātmanaḥ
51.3
maivaṃ kārṣīḥ śṛṇu giraṃ bhadraka tvaṃ ciraṃtanaḥ || matto'pyasti sphuṭaṃ caiva jñāsyati tvadabhīpsitam
51.4
mānase sarasi khyātaḥ kūrmo
maṃtharakākhyayā || tasya nāviditaṃ kiṃcidehi tatra vrajāmahe
51.5
tataḥ pratītāste bhūpamunigṛdhrabakāstathā || ulūkasahitā jagmuḥ sarve kūrma
dihakṣavaḥ
51.6
sarastīre sthitaḥ kūrmastānnirīkṣya vidūragān || kāṃdiśīko viveśāsau jalaṃ śīghrataraṃ tadā
51.7
kauśiko'tha tamāhedaṃ prahasya
vacanaṃ svayam || kasmātkūrma pranaṣṭodya vimukho'bhyāgateṣvapi
51.8
agnirdvijānāṃ vipraśca varṇānāṃ ramaṇaḥ striyām || guruḥ pitā ca putrāṇāṃ sarva
syābhyāgato guruḥ
51.9
vihāya tamimaṃ dharmamātithyavimukhaḥ katham || gṛhṇāsi pāpaṃ sarveṣāṃ brūhi kūrmārdhunottaram
51.10
kūrma uvāca
ciraṃtano hi jānāmi kartumātithyasatkriyām || abhyāgateṣvapacitiṃ dharmaśāstreṣu niścitam
51.11
sumahatkāraṇaṃ cātra śrūyatāṃ tadvadāmi vaḥ
nāhaṃ parāṅmukho jāta etāvaṃti dinānyapi
51.12
abhyāgatasya kasyāpi sarvasatkārasadratī || kiṃ tveṣa paṃcamo yo vo dṛśyate saralākṛtiḥ
51.13
iṃdradyumno mahīpālo bibhemyasmādalaṃtarān || amunā yajamānena raucakākhye purā pure
51.14
yajñapāvakadagdhā me pṛṣṭhirnādyāpi nirvraṇā
tanme bhayaṃ punarjātaṃ kimayaṃ punareva mām
51.15
āsutīvalamādhāya bhuvi dhakṣyati saṃprati || iti vākyāvasāne tu kūrmasya kurusattama
51.16
papāta puṣpavṛṣṭiḥ khādvimuktāpsarasāṃ gaṇaiḥ || sasvanurdevavādyāni kīrtyudvāre mahīpateḥ
51.17
vismitāste ca daddaśurvimānaṃ purataḥ sthitam
iṃdradyumnakṛte devadūtenādhiṣṭhitaṃ tadā
51.18
ayātayāmāḥ pradadurāśiṣo'smai suradvijāḥ || sādhuvādo divi mahānāsīttasya mahīpateḥ
51.19
tato vimānamālambya devadūtastamucakaiḥ || indradyumnamuvācedaṃ śṛṇvatāṃ nākavāsinām
51.20
devadūta uvāca || || navīkṛtādhunā
kīrtistava bhūpāla nirmalā || trilokyāmapi tacchīghraṃ vimānamidamāruha
51.21
gamyatāṃ brahmaṇo lokamākalpaṃ tapasorjitam || preṣito'hamane
neva tavānayanakāraṇāt
51.22
yāvatkīrtirmanuṣyasya pṛthivyāṃ sthitā bhavet || tāvāneva bhavetsvargī sati puṇye hyanaṃtake
51.23
surālayasaro
vāpīkūpārāmādikalpanā || etadarthaṃ hi pūrtākhyā dharmaśāstreṣu niścitā
51.24
indradyumna uvāca || || amī mamaiva suhṛdo mārkaṇḍavakakau
śikāḥ || gṛdhrakūrmau prabhāvo'yamamīṣāṃ mama vṛddhaye
51.25
taccedamī mayā sākaṃ brahmalokaṃ prayāṃtyuta || puraḥsthitāstadāyāsye brahmalokaṃ ca
nānyathā
51.26
pareṣāmanapekṣyaiva kṛtapratikṛtaṃ hi yaḥ || pravartate hitāyaiva sa suhṛtprocyate budhaiḥ
51.27
svārthodyuktadhiyo ye syuranvarthāste
pyasuṃdharāḥ || maraṇaṃ prakṛtiścaiva jīvitaṃ vikṛtiryadā
51.28
prāṇināṃ paramo lābhaḥ kevalaṃ prāṇisauhṛdam || daridrā rāgiṇo'satyapratijñātā guru
druhaḥ
51.29
mitrāvasāninaḥ pāpāḥ prāyo narakamaṃḍanāḥ || parārthanaṣṭāstadamī paṃca saṃprati sādhavaḥ
51.30
mama kīrtisamuddhāraḥ sa prabhāvo mahā
tmanām || amīṣāṃ yadi te svargaṃ prayāsyanti mayā saha || tadāhamapi yāsyāmi devadūtānyathā na hi
51.31
devadūta uvāca || || ete
haragaṇāḥ sarveśāpabhraṣṭāḥ kṣitiṃ gatāḥ
51.32
śāpāṃte harapārśve tu yāsyaṃti pṛthivīpate || vihāyemānato bhūpa tvamāgaccha mayā saha
51.33
na caiṣāṃ rocate svargo hitvā devaṃ maheśvaram || || indradyumna uvāca || || yadyevaṃ gaccha tadūta nāyāsyehaṃ triviṣṭapam
51.34
tathā tathā
yati ṣyāmi bhaviṣyāmi yathā gaṇaḥ || aviśuddhikṣayādhikyadūṣaṇaireṣa niṃditaḥ
51.35
svargaḥ sadānuśravikastasmādenaṃ na kāmaye
tatrasthasya punaḥ pāto bhayaṃ na vyeti mānasāt
51.36
punaḥ pāto yataḥ puṃsastasmātsvargaṃ na kāmaye || sati puṇye svayaṃ tena pātito
nijalokataḥ
51.37
caturmukhena vailakṣyaṃ gato'smi kathamemi tam || itīdamuktā dūtaṃ taṃ śṛṇvato'syaiva vismayāt
51.38
aprākṣīdbhūpatiḥ
kūrmaṃ tadāyuḥkāraṇaṃ tadā || idamāyuḥ kathaṃ jātaṃ kūrmaṃ dīrghatamaṃ tava
51.39
suhanmitraṃ gurustvaṃ me yena kīrtirmasoddhṛtā
51.40
kūrma
uvāca || || śṛṇu bhūpa kathāṃ divyāṃ śravaṇātpāpanāśinīm || kathāṃ sumadhurāmetāṃ śivamāhātmyasaṃyutām
51.41
śṛṇvannimāmapi kathāṃ nṛpate ma
nuṣyaḥ suśraddhayā bhavati pāpavimuktadehaḥ || śaṃbhoḥ prasādamabhigamya yathāyurevamāsītprasādata iyaṃ mama kūrmatā ca
51.41.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe mahīprādurbhāve daśamo'dhyāyaḥ
Linked texts (3)
- Kumārikākhaṇḍa — Sanskrit
- Kaumārīkākhaṇḍa — Sanskrit
- Hāṭakeśvaramāhātmya — Sanskrit