Pramāṇa · Search · About · API

Vaishnavakhanda 52

Vaiṣṇavakhaṇḍa 52

Language
Sanskrit

Contents

52.1

cha || || kūrma uvāca
śāṃḍilya iti vikhyātaḥ purāhamabhavaṃ dvijaḥ || bālabhāve mayā bhūpa krīḍamānena nirmitam

52.2

purā prāvṛṣi pāṃśūtthaṃ śivāyatanamucchritam
jalārdravālukāprāyaṃ prāṃśuprākāraśobhitam

52.3

paṃcāyatanavinyāsamanoharataraṃ nṛpa || vināyakaśivāsūryamadhusūdanamūrtimat

52.4

pītamṛtsvarṇa
kalaśaṃ dhvajamālāvibhūṣitam || kāṣṭhatoraṇavinyastaṃ dolakena vibhūṣitam

52.5

haḍhaprāṃśusamudbhūtasopānaśreṇibhāsuram || sarvāścaryamayaṃ divyaṃ vaya
syaiḥ saṃvṛtena me

52.6

tatra jāgeśvaraṃ liṃgaṃ kṛtvātha viniveśitam || bālyādupalarūpaṃ tadvarṣāvāriviśuddhimat

52.7

bakapuṣpaistathānyaiśca kedāro
tthaiḥ samāhataiḥ || komalairaparaiḥ puṣpairvṛtivallīsamudbhavaiḥ

52.8

kūṣmāṃḍaiścaiva varṇāḍhyairunmattakusumāyutaiḥ || maṃdārairbilvapatraiśca dūrvādyaiśca navāṃkuraiḥ

52.9

pūjā viracitā ramyā śaṃbhoriti mayā nṛpa || tatastāṃḍavamārabdhamanapekṣitasatkriyam

52.10

śivasya purato bālyādgītaṃ ca svaravarjitam || a
kārṣaṃ sakṛdevāhaṃ bālye śiśugaṇāvṛtaḥ

52.11

tato mṛto'haṃ jātaśca vipro jātismaro nṛpa || vaidiśe nagare'kārṣaṃ śivapūjāṃ viśeṣataḥ

52.12

śivadīkṣāmupāgamyānugṛhītaḥ śivāgamaiḥ || śivaprāsāda ādhāya liṃgaṃ śraddhāsamanvitaḥ

52.13

kalpakoṭiṃ vasetsvargeyaḥ karoti śivālayam || yāvaṃti
paramāṇūni śivasyāyatane nṛpa

52.14

bhavaṃti tāvadvarṣāṇi kārakaḥ śivasaṃnidhau || iti paurāṇavākyāni smaranchailaṃ śivālayam

52.15

akāripamahaṃ ramyaṃ viśvakarmavidhānataḥ || mṛnmayaṃ kāṣṭhaniṣpannaṃ pākveṣṭaṃ śailameva vā

52.16

kṛtamāyatanaṃ dadyātkamādaśaguṇaṃ phalam || bhasmaśāyī
triṣavaṇo bhikṣāvratakṛtabhojanaḥ

52.17

jaṭādharastapasyaṃśca śivārādhanatatparaḥ || itthaṃ me kurvato jātaṃ punarbhūpa pramāpaṇam

52.18

jāto jāti
smarastatra tṛtīye'haṃ bhavāṃtare || sārvabhaumo mahīpālaḥ pratiṣṭhāne purottame

52.19

jayadatta iti khyātaḥ sūryavaṃśasamudbhavaḥ || tato mayā bahuvidhāḥ
prāsādāḥ kāritā nṛpa

52.20

tasminbhavāṃtare śaṃbhorāādhanapareṇa ca || tato nirūpitā jātā bakapuṣpapurassarāḥ

52.21

sauvarṇe rājata
ratnanirmitaiḥ kurvairnṛpa || tathāvidhe'nnadānādi karomi nṛpasattama

52.22

kevalaṃ śivaliṃgānāṃ pūjāṃ puṣpaiḥ karomyaham || tato me bha
vāñchaṃsuḥ samutthātha varaṃ dadau

52.23

ajarāmaratāṃ rājaṃstenaiva vapuṣā vṛtaḥ || tatastathāvidhaṃ prāpyānyasādhāraṇaṃ varam

52.24

vicarāmi
mahīmetāṃ madāṃdha iva vāraṇaḥ || śivabhaktiṃ vihāyātha nṛpo'haṃ madanāturaḥ

52.25

pradharṣayitumārabdhaḥ striyaḥ paraparigrahāḥ || ayupasta
pasaḥ kīrtestejaso yaśasaḥ śriyaḥ

52.26

vināśakāraṇaṃ mukhyaṃ paradārapradharṣaṇam || sakarṇaḥ śrutihīno'sau paśyannaṃdho vadañjaḍaḥ

52.27

acetanaścetanāvānmūkhoṃ vidvānapi sphuṭam || tadā bhavati bhūpāla puruṣaḥ kṣaṇamātrataḥ

52.28

yadaiva hariṇākṣīṇāṃ gocaraṃ yāti cakṣuṣām || sṛtasya
niraye vāso jīvataśceśvarājñayam

52.29

evaṃ lokadvayaṃ haṃtrī paradārapradharṣaṇā || jarāmaraṇahīnohamiti niścayamāsthitaḥ

52.30

aihikāmuṣmikabhayaṃ
vihāya nāhaṃ tataḥ param || pradharṣayitumārabdhastadā bhūpa parastriyaḥ

52.31

atha māṃ saṃparijñāya maryādārahitaṃ yamaḥ || varapradānādīśasya tadaṃtikamupā
yayau || vyajijñapanmadīyaṃ ca śaṃbhordharmavyatikramam

52.32

yama uvāca || || nāhaṃ tavānubhāvena guptasyāsya vinigraham

52.33

śaknomi
pāpīnro deva mantriyoge'nyamādiśa || jagadādhārūpā hi tvayeśoktāḥ pativratāḥ

52.34

gāvo viprāḥ sanigamā alubdhā dānaśīlinaḥ || satya
niṣṭhā iti svāmiṃsteṣāṃ mukhyatamā satī

52.35

tāstena dharṣitā lutaṃ madīyaṃ dharmaśāsanam || varadānapramattena tavaiva paribhūya mām

52.36

jaya
dattena deveśa pratiṣṭhānādhivāsinā || imāṃ dharmasya bhagavānnigamākarṇya kopitaḥ || śaśāpa māṃ samānīya vepamānaṃ kṛtāṃjalim

52.37

īśvara uvāca || || yasmādduṣṭasamācāra dharṣitāste pativratāḥ

52.38

kāmārtena mayā śaptastasmātkūrmaḥ kṣaṇādbhava || tataḥ praṇamya vijñaptaḥ
śāpatāpaharo mayā

52.39

prāha ṣaṣṭitame kalpe viśāpo bhavitā gaṇaḥ || madīya iti saṃprocya jagāmādarśanaṃ śivaḥ

52.40

ahaṃ kūrmastadā
jāto daśayojanavistṛtaḥ || samudrasalile nītastvayāhaṃ yajñasādhane

52.41

purastādyauyajūkena smaraṃstacca bibhemi te || dagdhastvayāhaṃ pṛṣṭhetra
vraṇānyetāni paśya me

52.42

cayanāni bahūnyatra kalpasūtravidhānataḥ || pṛṣṭhopari kṛtānyāsanniṃdradhumna tadā tvayā

52.43

bhūyaḥ saṃtāpitā yajñaiḥ
pṛthivī pṛthivīpate || susrāva sarvatīrthānāṃ sāraṃ sā'bhūnmahīnadī

52.44

tasyāṃ ca snānamātreṇa sarvapāpaiḥ pramucyate || tato naimittike kasminnapi
pralaya āgataḥ

52.45

bhruvamānamidaṃ rājanmānasaṃ śatayojanam || ṣaṭpaṃcāśatpramāṇena kalpā mama purā nṛpa

52.46

vyatītā iha catvāraḥ śeṣe
mokṣastataḥ param || evamāyuridaṃ dīrghamevaṃ śāpācca kūrmatā

52.47

mamābhūdīśvarasyaiva satīdharmadruho nṛpa || brūhi kiṃ kriyatāṃ śatrorapi te gṛhagāminaḥ

52.48

mama pṛṣṭhiściraṃ bhūpa tvayā dagdhāgninā'purā || ahaṃ jvalaṃtīmiva tāṃ paśyāmyadyāpi satriṇā

52.49

idaṃ vimānamāyātaṃ tvayā kasmānnirā
kṛtam || devadūtasamāyuktaṃ bhuṃkṣva bhogānvijārjitān

52.51

iṃdradyumna uvāca || || caturmukhena tenāhaṃ svargānnirvāsitaḥ svayam || vilajjyo

52.50

na prayāsyāmi pātādhikyādidūṣite

52.51-2

tasmādvivekavairāgyamavidyāpāpanāśanam || āliṃgyāhaṃ yatiṣyāmi prāpya bodhaṃ vimuktaye

52.52

tanme gṛhāgatasyādya yathātithyakaro bhavān || tadādiśa yathā'pārapāradaḥ kopi me guruḥ

52.53

kūrma uvāca || || lomaśonāma dīrghāyu
martto'pyasti mahāmuniḥ || mayā kalāpagrāme sa pūrvaṃ dṛṣṭaḥ kacinnṛpa

52.54

iṃdradyumna uvāca || || tasmādāgaccha gacchāmastameva sahitā
vayam || prāhuḥ pūtatamāṃ tīrthādapi satsaṃgatiṃ budhāḥ

52.55

itthaṃ niśamya nṛpatervacanaṃ tadānīṃ sarve'pi te ṣaḍatha taṃ munimukhyamāśu || citte vidhāya
muditāḥ prayayurdvijeṃdraṃ jijñāsavaḥ sucirajīvitahetumasya

52.55.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvara khaṇḍe kaumārikākhaṇḍe mahīprādurbhāve kūrmākhyānaṃnāmaikādaśo'dhyāyaḥ

Linked texts (5)