Pramāṇa · Search · About · API

Vaishnavakhanda 63

Vaiṣṇavakhaṇḍa 63

Language
Sanskrit

Contents

63.1

cha || || nārada uvāca || || evaṃ viprakṛtā devā maheṃdrasahitāstadā || yayuḥ
svāyaṃbhuvaṃ dhāma markarūpaṃpupāśritāḥ

63.2

tataśca vismito brahmā prāha tānsurapuṃgavān || svarūpeṇeha tiṣṭhadhvaṃ nātra vastārakādvayam

63.3

tato
devāḥ svarūpasthāḥ mlānavadanāṃbujāḥ || tuṣṭuvuḥ praṇatāḥ sarve pitaraṃ putrakā yathā

63.4

namo jagatprasūtyai te hetave pālakāya ca || saṃhartre ca nama
stubhyaṃ tiro'vasthāstava prabho

63.5

tvamapaḥ prathamaṃ sṛṣṭvā tāsu vīryamavāsṛjaḥ || tadaṇḍamabhavaddhaimaṃ yasmim̐llokāścarācarāḥ

63.6

vedeṣvāhurvirā
ḍrūpaṃ tvāmekarūpamidaśam || pātālaṃ pādamūlaṃ ca pārṣṇipāde rasātalam

63.7

mahātalaṃ cāsya gulphau jaṃghe cāpi talātalam || sutalaṃ jānunī
cāsya ūrū ca vitalātale

63.8

mahītalaṃ ca jaghanaṃ nābhiścāsya nabhastalam || jyotiḥpadmasuraḥsthānaṃ svaloko bāhurucyate

63.9

grīvā mahaśca
vadanaṃ janalokaḥ prakīrtyate || lalāṭaṃ ca tapolokaḥ śīrṣa satyamudāhṛtam

63.10

candrasūryau ca nayane diśaḥ śrotre nāsikāśvinau || ātmānaṃ
brahmaraṃdhrasthamāhustvāṃ vedavādinaḥ

63.11

evaṃ ye te virāḍrūpaṃ saṃsmaraṃta upāsate || janmabandhavinirmuktā yāṃti tvāṃ paramaṃ padam

63.12

evaṃ
sthūlaṃ prāṇimadhyaṃ ca sūkṣmaṃ bhāvebhāve bhāvitaṃ tvāṃ gṛṇaṃti || sarvatrasthaṃ tvāmataḥ prāhurvedāstasmai tubhyaṃ padmaja iddhidhema

63.13

evaṃ stuto viriṃcistu
kṛpayābhipariplutaḥ || jānannapi tadā prāha teṣāmāśvāsahetave

63.14

sarve bhavanto duḥkhārtāḥ parimlānamukhāṃbujāḥ || aṣṭāyudhāstathā'kasmādgṛhā
bharaṇavāsasaḥ

63.15

mamaiveyaṃ kṛtirdevā bhavatāṃ yadviḍambanā || yadvairājaśarīre me bhavanto bāhusaṃjñakāḥ

63.16

yadyadvibhūtimatsattvaṃ dhārmikaṃ
corjitaṃ mahat || tatrāsīdvāhunāśo me bāhusthāne ca te mama

63.17

tannūnaṃ mama aśvau ca bāhū tena durātmanā || yena copehṛtaṃ devāstanmamākhyātu
maheya

63.18

devā ūcuḥ || || yo'sau vajrāṃgatanayastvayā dattavaraḥ prabho || bhṛśaṃ viprakṛtāstena tattvaṃ jānāsi tattvataḥ

63.19

yattanyahīsamudrasya taṭaṃ śārvikatīrthakam || tadākramya kṛtaṃ tena marubhūmisamaṃ prabho

63.20

ṛddhayaḥ sarvadevānāṃ gṛhītāstena sarvataḥ || mahābhūtasvarū
peṇa sa eva ca jagatpatiḥ

63.21

caṃdrasūryau grahāstārā yajñānyadevapakṣataḥ || tacca sarvaṃ nirākṛtya sthāpito daityapakṣakaḥ

63.22

vayaṃ ca vidhṛtā
stena bahūpahasitāstathā || viṣṇoḥ prasādānmuktāśca kathaṃcidiva kṛcchataḥ

63.23

tadvayaṃ śaraṇaṃ prāptāḥ pīḍitāḥ kṣuttṛṣārditāḥ || dharmarakṣā
karāśceti saṃciṃtya trātumarhasi

63.24

ityuktaḥ svātmabhūrdevaḥ surairdaityaviceṣṭitam || surānuvāca bhagavānataḥ saṃciṃtya tattvataḥ

63.25

avadhyastārako daityaḥ sarvairapi surāsuraiḥ || yasya vadhyaśca nādyāpi sa jāto bhagavānpunaḥ

63.26

mayā ca varadānena cchandayitvā
nivāritaḥ

63.27

tapasā sa hi dīpto'bhūtrailokyadahanātmakaḥ || sa ca vatre vadhaṃ daityaḥ śiśutaḥ saptavāsarāt

63.28

sa ca saptadino bālaḥ
śaṃkarādyo bhaviṣyati || tārakasya ca vīrasya vadhakartā bhaviṣyati

63.29

satīnāmā tu yā devī vinaṣṭā dakṣahelayā || sā bhaviṣyati
kalyāṇī himācalaśarīrajā

63.30

śaṃkarasya ca tasyāśca yatnaḥ kāryaḥ samāgame || ahamapyasya kāryasya śeṣaṃ kartā na saṃśayaḥ

63.31

ityuktvā'bjidaśāstena sākṣātkamalayoninā || jagmurmeruṃ praṇamyeśaṃ markarūpeṇa saṃvṛtāḥ

63.32

tato gateṣu deveṣu brahmā lokapitāmahaḥ || niśāṃ
smāra bhagavānsvāṃ tanuṃ pūrvasaṃbhavām

63.33

tato bhagavatī rātrirupatasthe pitāmaham || tāṃ vivikte samālokya tathovāca vibhāvarīm

63.34

vibhāvari mahatkāryaṃ vibudhānāmupasthitam || tatkartavyaṃ tvayā devi śṛṇu kāryasya niścayam

63.35

tārakonāma daityeṃdraḥ suraketuranirjitaḥ
tasyābhāvāya bhagavām̐ enayiṣyati yaṃ śivaḥ

63.36

sutaḥ sa bhavitā tasya tārakasyāṃtakārakaḥ || ahaṃ tvādau yadā jātastadāpaśyaṃ puraḥsthitam

63.37

ardhanārīśvaraṃ devaṃ vyāpya viśvamavasthitam || dṛṣṭvā tamabruvaṃ devaṃ bhajasveti ca bhaktitaḥ

63.38

tato nārī pṛthagjātā puruṣaśca tathā
pṛthak || tasyāścaivāṃśajāḥ sarvāḥ striyastribhuvane smṛtāḥ

63.39

ekādaśa ca rudrāśca puruṣāstasya cāṃśajāḥ || tāṃ nārīmahamālokya putraṃ dakṣamathābravam

63.40

bhajasva putrīṃ jagaṃtī mamāpi ca tavāpi ca || puṃḍuḥ khanarakātrātrī putrī te bhāvinī tviyam

63.41

evamukto mayā dakṣaḥ putrītve pari
kalpitām || rudrāya dattavānbhaktyā nāma dattvā satīti yat

63.42

tataḥ kāle cam̐ kasmiṃścidavamene ca tāṃ pitā || mumūrṣuḥ pāpasaṃkalpo durātmā
kulakajjalaḥ

63.43

ye rudraṃ naiva manyaṃte te sphuṭaṃ kulakajjalāḥ || piśācāste durātmāno bhavaṃti brahmarākṣasāḥ

63.44

avamānena tasyāpi
yathā devī jahau tanum || yathā yajñaḥ sa ca dhvasto bhavena viditaṃ hi te

63.45

adhunā himaśailasya bhavitrī duhitā ca sā || maheśvaraṃ
patiṃ sā ca punaḥ prāpsyati niścitam

63.46

tadidaṃ ca tvayā kāryaṃ menāgarbhe praviśya ca || tasyāśchaviṃ kuru kṛṣṇāṃ yathā kālī bhavettu sā

63.47

yadā rudropahasitā tapastapsyati sā mahat || samāptaniyamā devī yadā cogrā bhaviṣyati

63.48

svayameva yadā rūpaṃ sugauraṃ pratipa
syate || viraheṇa haraśvāsyā matvā śūnyaṃ jagattrayam

63.49

tasyaina himaśailasya kandare siddhasevite || pratīkṣamāṇastāṃ devīmukhaṃ saṃtapsyate tapaḥ

63.50

tayoḥ sutastapasorbhavitā yo mahānsutaḥ || bhaviṣyati sa daityasya tārakasya nivārakaḥ

63.51

tapaso hi vinā nāsti siddhiḥ kutrāpi
śobhane || sarvāsāṃ karmasiddhīnāṃ mūlaṃ hi tapa ucyate

63.52

tvayāpi dānavo devi dehanirgatayā tadā || caṃḍamuṃḍapurogāśca haṃtavyā lokaḍu
rjayāḥ

63.53

yasmāccaṃḍaṃ ca muṃḍaṃ ca tvaṃ devi nihaniṣyasi || cāmuṃḍeti tato loke khyātā devi bhaviṣyasi

63.54

tatastvāṃ varade devi
lokaḥ saṃpūjayiṣyati || bhedairbahuvidhākāraiḥ sarvagāṃ kāmasādhanīm

63.55

oṃkāravakrāṃ gāyatrīṃ tvāmarcaṃti dvijottamāḥ || ūrjitāṃ baladāṃ cāpi
rājānaḥ sumahābalāḥ

63.56

vaiśyāśca bhūtimityeva śivāṃ śūdrāstathā śubhe || kṣāṃtirmunīnāmakṣobhyā dayā niyamināmapi

63.57

tvaṃ mahopāya
sandohā nītirnayavisarpiṇām || paristhitistvamarthānāṃ tvamaho prāṇikā matā

63.58

tvaṃ yuktiḥ sarvabhūtānāṃ tvaṃ gatiḥ sarvadehinām || ratistvaṃ
raticittānāṃ prītistvaṃ hṛdyadarśinām

63.59

tvaṃ kāṃtiḥ śubharūpāṇāṃ tvaṃ śāṃtiḥ śubhakarmiṇām || tvaṃ bhrāṃtirmūḍhacittānāṃ tvaṃ phalaṃ katuyājinām

63.60

jaladhīnāṃ mahāvalā tvaṃ ca līlā vilāsinām || saṃbhūtistvaṃ padārthānāṃ sthitistvaṃ lokapālinī

63.61

tvaṃ kālarātrirniḥśeṣa
bhuvanāvalināśinī || priyakaṃṭhayahānandadāyinī tvaṃ vibhāvarī

63.62

prasīda praṇatānasmānsaumyahṛṣṭacā vilokaya

63.63

iti stuvaṃto ye devi
pūjayiṣyaṃti tvāṃ śubhe || te sarvakāmānāpsyaṃti niyatā nātra saṃśayaḥ

63.64

ityuktvā tu niśādevī tathetyuktvā kṛtāṃjaliḥ || jagāma tvaritā
pūrvaṃ gṛhaṃ himagirermahat

63.65

tatrāsīnāṃ mahāharmye ratnabhittisamāśraye || dadarśa menāmāpāṃḍucchavikasaroruhām

63.66

kiṃci
cchayāmasukhodyastanabhāgāvanāmitām || mahauṣadhigaṇābaddhamaṃtrarājaniṣevitam

63.67

tataḥ kiṃcitpramilite menānetrāṃbujadvaye || āviveśa
sukhaṃ rātrirjhillaṇo vacanāttadā

63.68

janmadāyā jaganmātuḥ krameṇa jaṭharāṃtaram || araṃjayacchaviṃ devyā guhamāturvibhāvarī

63.69

tato jaganma
galadā menā himagireḥ priyā || brāhme muhūrte subhage prāsūyata śubhānanām

63.70

tasyāṃ tu jāyamānāyāṃ jaṃtavaḥ sthāṇujaṃgamāḥ || abhavansukhinaḥ
sarve sarvalokanivāsinaḥ

63.71

abhavatkarasattvānāṃ cetaḥ śāṃtaṃ ca dehinām || jyotiṣāmapi tejastvamabhavatsutarāṃ tadā

63.72

vanāśritā
śrauṣadhayaḥ svādavaṃti phalāni ca || gaṃdhavaṃti ca mālyāni vimalaṃ ca nabho'bhavat

63.73

mārutaśca sukhasparśo diśaśca sumanoharāḥ || vismṛtā
ni ca śāstrāṇi prādurbhāvaṃ prapedire

63.74

prabhāvastīrthamukhyānāṃ tadā puṇyatamo'bhavat || satye dharme cādhyayane yajñe dāne tapasyapi

63.75

sarveṣāmabhavacchraddhā janmakāle guhāraṇeḥ || aṃtarikṣemarāścāpi praharṣotphullalocanāḥ

63.76

haribrahmamaheṃdrārkavāyuvahnipurogamāḥ || puṣpavṛṣṭiṃ pramuñcustasminmenāgṛhe śubhe

63.77

meruprabhṛtayaścāpi mūrtimaṃto mahānagāḥ || tasminmahotsave prāptā vīraṃkāṃsyopaśobhitāḥ

63.78

sāgarāḥ saritaḥ
śraiva samājagmuśca sarvaśaḥ

63.79

himaśailo'bhavalloke tadā sarveśvarācaraiḥ || sevyaścāpyabhigamyaśca pūjanīyaśca bhārata

63.80

anubhūyotsavaṃ
te ca jagmuḥ svānālayāṃstadā

63.80.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṃḍe kumāreśa māhātmye pārvatījanmavarṇanaṃnāma dvāviṃśo'dhyāyaḥ

Linked texts (8)