Pramāṇa · Search · About · API

Vaishnavakhanda 65

Vaiṣṇavakhaṇḍa 65

Language
Sanskrit

Contents

65.1

nārada uvāca || || evaṃ śrutvā sabhāryaḥ sa pramodaplutamānasaḥ || praṇamya māmiti prāha yadyevaṃ puṇyavānaham

65.2

punaḥ kiṃcitpravakṣyāmi putryā me dakṣiṇaḥ karaḥ || uttānaḥ kāraṇaṃ kiṃ tacchrotumicchāmi nārada

65.3

iti
pṛṣṭho'smi śailena prāvocaṃ kāraṇaṃ tadā || sarvaṃdaiva karo hyasyāḥ sarveṣāṃ prāṇināṃ prati

65.4

abhayasya pradātā'sāvuttānastu karastataḥ || eṣā bhāryā
jagaddharturvṛṣāṃkasya mahīdhara

65.5

jananī sarvalokasya bhāvinī bhūtabhāvinī || tadyathā śīghramevaiṣā yogaṃ yātu pinākinā

65.6

tvayā vidheyaṃ
vidhivattathā śailendrasattama || astyatra sumahatkāryaṃ devānāṃ himabhūdhara

65.7

iti procya tamāpṛcchya prāvocaṃ vāsavāya tat || mama bhūyastu kartavyaṃ
tanmayā kṛtameva hi

65.8

kiṃ tu paṃcaśaraḥ preyaḥ kāryaśeṣe'tra vāsava || ityādiśya gataścāhaṃ tārakaṃ prati phālguna

65.9

kalimpi
yatvāttasyainamarthaṃ kathayituṃ sphuṭam || himādrirapi me vākyapreritaḥ pārvatīṃ prati

65.10

bhavasyārādhanāṃ kartuṃ sasakhīmādiśattadā
sā taṃ paricacāreśaṃ tasyā dṛṣṭvā suśīlatām

65.11

puṣpatoyaphalādyāni niyuktā pārvatī vyadhāt || mahendropi ca madvākyātsmaraṃ smāra
bhārata

65.12

sa ca tatsmaraṇaṃ jñātvā vasaṃtaratisaṃyutaḥ || cūtāṃkurāgraḥ sahasā prādurāsīnmanobhavaḥ

65.13

tamāha ca vaco dhīmā
nsmayanniva ca taṃ spṛśan || upadeśena bahunā kiṃ tvāṃ prati ratipriya

65.14

citte vasasi tena tvaṃ vetsi bhūtamanogatam || tathāpi tvāṃ
vadiṣyāmi svakāryaparatāṃ smaran

65.15

mamaikaṃ sumahatkāryaṃ kartumarhasi manmatha || maheśvaraṃ kṛpānāthaṃ satībhāryāviyojitam

65.16

saṃyo
jaya punardevyā himādrigṛhajātayā || devī devaśca tuṣṭau te kariṣyata ihepsitam

65.17

madana uvāca || || alīkametaddevendra sa hi devasta
poratiḥ || nānyāsādayitavyāni tejāṃsi manurabravīt

65.18

vedānteṣu ca māṃ viprā garhayaṃti punaḥpunaḥ || mahāśano mahāpāpmā kāmo'yama
nalo mahān

65.19

āvṛtaṃ jñānametena jñānināṃ nityavairiṇā || tasmādayaṃ sadā tyājyaḥ kāmo'hiriva sattamaiḥ

65.20

evaṃ
śīlasya me kasmātpratuṣyati maheśvaraḥ || madyapasyeva pāpasya vāsudevo jagadguruḥ

65.21

iṃdra uvāca || || maivaṃ brūhi mahābhāga tvāṃ vinā
kaḥ pumānbhuvi || dharmamarthaṃ tathā kāmaṃ mokṣaṃ vā prārthumīśvaraḥ

65.22

yatkiṃcitsādhyate loke mūlaṃ tasya ca kāmanā || kathaṃ kāmaṃ viniṃdaṃti
tasmātte mokṣasādhakāḥ

65.23

satyaṃ cāpi śrutervākyaṃ tava rūpaṃ tridhāgatam || tāmasaṃ rājasaṃ caiva sāttvikaṃ cāpi manmatha

65.24

amuktitaḥ
kāmanayā rūpaṃ tattāmasaṃ tava || sukhabuddhcā spṛhā yā ca rūpaṃ tadrājasaṃ tava

65.25

kevalaṃ yāvadarthārthaṃ tadrūpaṃ sāttvikaṃ tava || tatte rūpatrayamidaṃ brūhi
nopāsate hi ke

65.26

tvaṃ sākṣātparamaḥ pūjyaḥ kuru kāryamidaṃ hi naḥ || atha vā pīḍitāndṛṣṭvā sāmānyānapi paṃḍitāḥ || svaprāṇairapi trāyaṃti
parametanmahāphalam

65.27

iti saṃcintya kāryaṃ tvaṃ sarvathā kuru tatsphuṭam

65.28

ityā karṇya tathetyuktā vasaṃtaratisaṃyutaḥ || pikādisainyasaṃpanno
himādriṃ prayayau smaraḥ

65.29

tatrāpaśyata śaṃbhoḥ sa puṇyamāśramamaṃḍalam || nānāvṛkṣasamākīrṇaṃ śāṃtasattvasamākulam

65.30

tatrāpaśyatrinetrasya
vīrakanāma dvārapam || yathā sākṣānmaheśānaṃ gaṇāṃścāyutaśoḍasya ca

65.31

dadarśa ca maheśānaṃ nāsāgrakṛtalocanam || devadārudrumacchāyāvedikā
madhyamāśritam || samakāyaṃ sukhāsīnaṃ samādhisthaṃ maheśvaram

65.32

nistaraṃgaṃ vinirgṛhya sthitamiṃdriyagocarān || ātmānamātmanā devaṃ praviṣṭaṃ
tapaso nidhim

65.33

taṃ tathāvidhamālokya soṃtarbhedāya yatnavān || bhramaradhvanivyājena viveśa madano manaḥ

65.34

etasminnaṃtare devo vi
kāsitavilocanaḥ || smasmāra nagarājasya tanayāṃ raktamānasaḥ

65.35

niveditā vīrakeṇa viveśa ca gireḥ sutā || tasminkāle mahābhāgā sadā
yadvadupaiti sā

65.36

tatastasyāṃ manaḥ svīyamanuraktamavekṣya ca || nigṛhya līlayā devaḥ svakaṃ pṛṣṭhamavaikṣata || tāvadāpūrṇadhanuṣamapaśyata ratipriyam

65.37

tannāśaknupayā devo nānāsthāneṣu so'gamat || tāvatpaśyati pṛṣṭhasthamākṛṣya dhanuṣaḥ śaram

65.38

sa nadīḥ parvatāścaiva āśramānsarasīsta
thā || paribhramanmahādevaḥ pṛṣṭhasthaṃ tamavaikṣata

65.39

jagattrayaṃ paribhramya punarāgātsvamāśramam || pṛṣṭhasthameva taṃ vīkṣya niḥśvāsaṃ mumuce haraḥ

65.40

tatastṛtīyanetrotyavahninā nākavāsinām || krośatāṃ gamitaḥ kāmo bhasmatvaṃ pāṃḍunaṃdana

65.41

sa tu taṃ bhasmasātkṛtvā haranetrodbhavo'nalaḥ
vyajṛṃbhata jagaddyuṃ jvālāpūritadiṅmukhaḥ

65.42

tato bhavo jagaddhvetorghyabhajajjātavedasam || sāhaṃkāre jane caṃdre sumanassu ca gītake

65.43

bhṛṃgeṣu kokilāsyeṣu vihāreṣu smarānalam || tatprāptau snehasaṃyuktaṃ kāmināṃ hṛdayaṃ kila

65.44

jvālayatyaniśaṃ so'gnirduścikitsyo'sukhāvahaḥ
vilokya haraniḥśvāsajvālābhasmīkṛtaṃ smaram

65.45

vilalāpa ratirdīnā madhunā baṃdhunā saha || vilapaṃtī bahuśo madhunā parisāṃtvitā

65.46

ratyāḥ pralāpamākarṇya devadevo vṛṣadhvajaḥ || kṛpayā parayā prāha kāmapatnīṃ nirīkṣya ca

65.47

amūrto'pi hyayaṃ bhadre kārya sarvaṃ patistava
ratikāle dhruvaṃ bāle kariṣyati na saṃśayaḥ

65.48

yadā viṣṇuśca bhavitā vasudevātmajo vibhuḥ || tadā tasya suto yaḥ syātsa
patiste bhaviṣyati

65.49

sā praṇamya tato rudramiti proktā ratistataḥ || jagāma svecchayā gatyā vasaṃtādibhiranvitā

65.49.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kāmadahanonāma caturviṃśo' dhyāyaḥ

Linked texts (11)