Vaishnavakhanda 69
Vaiṣṇavakhaṇḍa 69
- Language
- Sanskrit
Contents
- 69.14 — 1 part
69.1
cha
nārada uvāca || || ityuktvā madirāttasmānnirjagāma himādrijā || tasyāṃ vrajaṃtyāṃ cakruśca gaṇāḥ kilakiladhvanim
69.2
ka mātargaccha
sītyuktā rudanto dhāvitāḥ puraḥ || viṣṭabhya caraṇau devyā vīrako bāṣpagadgadam
69.3
provāca mātaḥ kiṃ nvetatka yāsi kupitā tvarā || ahaṃ tvāmanu
yāsyāmi mātaraṃ snehavatsalām
69.4
nāhaṃ sahiṣye paruṣaṃ girīśasya tvayojjhitaḥ || putraḥ pāruṣyapātraṃ hi bhavenmātrā vinā pituḥ
69.5
unnāsya
vadanaṃ paścādakṣiṇena tu pāṇinā || uvāca vīrakaṃ mātā mā śokaṃ putra bhāvaya
69.6
śailāgrātpatituṃ naiva nyāyyaṃ gaṃtuṃ mayā saha || vakṣyāmi putra
te yogyaṃ tacca kāryaṃ tvayā śṛṇu
69.7
kṛṣṇetyuktā hareṇāhaṃ niṃditā ca tṛṇāyitā || sāhaṃ tapaḥ kariṣyāmi yathā gaurītvamāpnuyām
69.8
gaurāṃgī
laṃpaṭo hyeṣa yātāyāṃ mayyanaṃtaram || dvārarakṣā tvayā kāryā nityaṃ raṃdhrānyavekṣiṇā
69.9
yathā na kācitpraviśedyoṣidatra harāṃtike || haṭṭvā parāṃ striyaṃ
cātra vadethā mama putraka
69.10
śīghrameva kariṣyāmi tato yuktamanaṃtaram || evamastviti tāṃ devīṃ vīrakaḥ prāha sāṃpratam
69.11
māturājñā suto dvāda
ddhāvitāṅgo gatajvaraḥ || jagāma tryakṣaṃ saṃdraṣṭuṃ praṇipatya ca mātaram
69.12
gajavakraṃ tataḥ prāha praṇamya samavasthitam || sāśrukaṃṭhaṃ prayācaṃtaṃ naya māmapi
pārvati
69.13
gajavakraṃ hi tvāṃ bāla māmivopaham̐siṣyati || tadāgaccha mayā sārdhaṃ yā gatirme tavāpi sā
69.14
parābhavāddhi dhūrtānāṃ maraṇaṃ
sādhu putraka || evamuktvā samādāya himādriṃ prati sā yayau
69.14.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvara khaṇḍe kaumārikākhaṇḍe kumāreśvaramāhātmye pārvatyāstaporthaṃ gamanavarṇanaṃnāmāṣṭāviṃśo'dhyāyaḥ
Linked texts (8)
- Skandamahāpurāṇa (vulgate) — Sanskrit
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Matsya — Sanskrit