Vaishnavakhanda 71

Vaiṣṇavakhaṇḍa 71

Language: Sanskrit

71.73 — 1 part

71.1

cha || || nārada uvāca || || tataḥ skandaḥ suraiḥ sārdhaṃ śvetaparvata
mastakāt || uttīrya tārakaṃ hantuṃ dakṣiṇāṃ sa diśaṃ yayau

71.2

tataḥ sarasvatītīre yāni bhūtāni nārada || grahāścopagrahāścaiva vetālāḥ śākinī
gaṇāḥ

71.3

unmādā ye hyapasmāraḥ palādāśca piśācakāḥ || devaisteṣāmādhipatye so'bhyaṣicyata pāvakiḥ

71.4

yathā te naiva maryādāṃ saṃtya
jaṃti durāśayāḥ || etaistasmātsamākrāṃtaḥ śaraṇyaṃ pāvakiṃ vrajet

71.5

aprakīrṇendriyaṃ dāṃtaṃ śuciṃ nityamataṃdritam || āstikaṃ skandabhaktaṃ ca
varjayaṃti grahādikāḥ

71.6

maheśvaraṃ ca ye bhaktā bhaktā nārāyaṇaṃ ca ye || teṣāṃ darśanamātreṇa naśyaṃte te vidūrataḥ

71.7

tataḥ sarvaiḥ suraiḥ sārdhaṃ mahīṃ
tīraṃ yayau guhaḥ || tatra devaiḥ prakathitaṃ mahīmāhātmyamuttamam

71.8

śṛṇvannisiṣmiye skandaḥ praṇāma ca tāṃ nadīm || tato mahīdakṣiṇatastīramā
śritya dhiṣṭhitam

71.9

praṇamya śakrapramukhā guhaṃ vacanamabruvan || abhiṣiktaṃ vinā skanda senāpatimakalmaṣam

71.10

na śarma labhate senā tasmāttvamabhi
ṣecaya || mahīsāgarasaṃbhūtaiḥ puṇyaiścāpi śivairjalaiḥ

71.11

abhiṣekṣyāmahe tvāṃ ca tatra no draṣṭumarhasi || yathā hastipade sarvapadāṃtarbhāva iṣyate

71.12

sarvatīrthāntarasthānaṃ tathārṇavamahījale || sarvabhūtamayo yadvatryaṃbakaḥ parikīrtyate

71.13

sarvatīrthamayastadvanmahīsāgarasaṃgamaḥ || ardhanārīśvaraṃ rūpaṃ
yathā rudrasya sarvadam

71.14

tathā mahīsamudrasya snānaṃ sarvaphalapradam || yenātra pitaraḥ skanda tarpitā bhaktibhāvataḥ

71.15

tena sarveṣu tīrtheṣu tarpitā
nātra saṃśayaḥ || na caitadvadi maṃtavyaṃ kṣārametajjalaṃ hi yat

71.16

yathā hi kaṭutiktādi gavā srastaṃ hi kṣīradam || evametattvidaṃ toyaṃ pitṝṇāṃ tṛpti
dāyakam

71.17

evaṃ bruvatsu deveṣu kapilo'pi munirjagau || satyametadumāputra sarvatīrthamayī mahī

71.18

kardamo yastvahamapi jñātvā tīrthamahā
guṇān || sarvā bhuvaṃ parityajya kṛtvā hyāśramamāsthitaḥ

71.19

tato maheśvaraḥ prāha satyametatsuroditam || brahmādyāstaṃ tathā prāhuratra bhūyo'pyatho
guruḥ

71.20

atrābhiṣekaṃ te vīra kariṣyāmaḥ samādiśa || tataḥ suvismitastatra snātvā skando mahāmanāḥ

71.21

abhiṣiñcantu māṃ devā iti
tānabravīdguruḥ || tato'bhiṣekasaṃbhārānsarvānsaṃbhṛtya śāstrataḥ

71.22

juhuvurmaṃtrapūte'gnau catvāro mukhyaṛtvijaḥ || brahmā ca kapilo jīvo viśvā
mitraścaturthakaḥ

71.23

anye ca śataśastatra munayo vedapāragāḥ || tatrādbhutaṃ mahādevo darśayāmāsa bhārata

71.24

yadagnikuṇḍamadhyastho liṃgamūrtiṃ
vyadṛśyata || ahamevāgnimadhyastho havirgṛhṇāmi nityaśaḥ

71.25

etatsaṃdarśanārthāya liṃgamūrtirabhūdvibhuḥ || talliṃgamatulaṃ devā namaścakrumudā
nvitāḥ

71.26

sarvapāpāpahaṃ pārtha sarvakāmaphalapradam || tatra homāvasāne ca datte himavatā śubhe

71.27

divyaratnānvite skando niṣaṇṇaḥ paramā
sane || sarvamaṃgalasaṃbhārairvidhimaṃtrapuraskṛtam

71.28

abhyaṣiṃcaṃstato devāḥ kumāraṃ śaṃkarātmajam || iṃdro viṣṇurmahāvīryo brahmarudrau ca phālguna

71.29

ādityādyā grahāḥ sarve tathobhāvanilānalau || ādityā vasavo rudrāḥ sādhyāścaivāśvināvubhau

71.30

viśvedevāśca maruto gaṃdharvāpsarasastathā || devabrahmarṣayaścaiva bālakhilyā marīcipāḥ

71.31

vidyādharā yogasiddhāḥ pulastyapulahādayaḥ || pitaraḥ kaśyapo'triśca marīcirbhṛguraṃgirāḥ

71.32

dakṣo'tha manavo ye ca jyotīṃṣi ṛtavastathā || mūrtimatyaśca sarito mahīprabhṛtikāstathā

71.33

lavaṇādyāḥ samudrāśca prabhāsādyāśca tīrthakāḥ
pṛthivī dyaurdiśaścaiva pādapāḥ pārvatāstathā

71.34

ādityādyā mātaraśca kurvaṃtyo guhamaṃgalam || vāsukipramukhā nāgāstathobhau garuḍāruṇau

71.35

varuṇo dhanadaścaiva yamaḥ sānucarastathā || rākṣaso nirṛtiścaiva bhūtāni ca palāśanāḥ

71.36

dharmo bṛhaspatiścaiva kapilo gādhinaṃdanaḥ
bahulatvācca ye noktā vividhā devatāgaṇāḥ

71.37

te ca sarve mahīkūle hyabhyaṣiṃcanmudā guham || tato mahāsvanāmugrāṃ devadaityādidarpahām

71.38

dadau paśupatistasmai sarvabhūtamahācamūm || viṣṇurdadau vaijayaṃtīṃ mālāṃ balavivardhinīm

71.39

umā dadau cārajasī vāsasī sūryasaprabhā || gaṃgā kamaṃ
ḍaluṃ divyamṛtodbhavamuttamam

71.40

mahī mahānadī tasya cākṣamālāṃ sasāgarā || dadau mudā kumārāya daṃḍaṃ caiva bṛhaspatiḥ

71.41

garuḍo
dayitaṃ putraṃ mayūraṃ citrabarhiṇam || aruṇastāmracūḍaṃ ca pradadau caraṇāyudham

71.42

chāgaṃ ca varuṇo rājā balavīryasamanvitam || kṛṣṇājinaṃ tathā
brahmā brahmaṇyāya dadau jayam

71.43

caturo'nucarāṃścaiva mahāvīryānbalotkaṭān || naṃdisenaṃ lohitākṣaṃ ghaṇṭākarṇaṃ ca mānasān

71.44

caturthaṃ
cāpyatibalaṃ khyātaṃ kusumamālinam || tataḥ sthāṇurdadau devo mahāpāriṣadaṃ kratum

71.45

sa hi devāsure yuddhe daityānāṃ bhīmakarmaṇām || jaghāna
dorbhyāṃ saṃkuddhaḥ prayutāni caturdaśa

71.46

yamaḥ prādādanucarau yamakālopamau tadā || unmārthaṃ ca pramāthaṃ ca mahāvīryau mahādyutī

71.47

suprājau
bhāskarasyaiva yo sadā cānuyāyinau || tau sūryaḥ kārtikeyāya dadau pārtha mudānvitaḥ

71.48

kailāsaśrṛṃgasaṃkāśau śvetamālyānulepanau || somo'pyanucarau prādānmaṇiṃ sumaṇimeva ca

71.49

jvālājihvaṃ jyotiṣaṃ ca dadāvagnirmahābalau || parighaṃ ca balaṃ caiva bhīmaṃ ca sumahābalam

71.50

skaṃdāya trīnanucarāndadau viṣṇururukramaḥ || utkośaṃ paṃcajaṃ caiva vajradaṃḍadharāvubhau

71.51

dadau maheśaputrāya vāsavaḥ paravīrahā || tau hi śatrūnmahendrasya
jaghnatuḥ samare bahūn

71.52

vardhanaṃ baṃdhanaṃ caiva āyurvedaviśāradau || skandāya dadatuḥ prītāvaśvinau bharatarṣabha

71.53

balaṃ cātibalaṃ caiva mahāvakrau
mahāvalau ||pradadau kārtikeyāya vāyuścānucarābubhau

71.54

ghasaṃ cātighasaṃ vīro varuṇaśca dadau prabhuḥ || suvarcasaṃ mahātmānaṃ tathaivāpyativarcasam

71.55

himavānpradadau pārtha sākṣāddauhitrakāya vai || kāṃcanaṃ ca dadau merurmeghamālinameva ca

71.56

ucchritaṃ cātiśṛṃgaṃ ca mahāpāṣāṇayodhinau
svāheyāya dadau prītaḥ sa viṃdhyaḥ pārṣadau śubhau

71.57

saṃgrahaṃ vigrahaṃ caiva samudro'pi gadādharau || pradadau pārṣadau vīrau mahīnadyā samanvitaḥ

71.58

unmādaṃ puṣpadaṃtaṃ ca śaṃkukarṇaṃ tathaiva ca || pradadāvagniputrāya pārvatī śubhadarśanā

71.59

jayaṃ mahājayaṃ caiva nāgau jvalanasūnave || pradadurbalinā śreṣṭhau
suparṇaḥ pārṣadābubhau

71.60

evaṃ sādhyāśca rudrāśca vasavaḥ pitarastathā || sarve jagati ye mukhyā daduḥ skaṃdāya pārṣadān

71.61

nānāvīryānmahāvīryāṃ
jñānāyudhavibhūṣaṇān || bahulatvānna śakyaṃte saṃkhyātuṃ te ca phālguna

71.62

mātaraśca dadustasmai tadā mātṛgaṇānprabho || yāmirvyāptā imaṃ
yo lokāḥ kalyāṇībhiścarācarāḥ

71.63

prabhāvatī viśālākṣī gopālā gonasā tathā || apsujātā bṛhadaṃḍī kālikā bahuputrakā

71.64

bhayaṃkarī ca cakrāṃgī tīrthanemiśca mādhavī || gītapriyā alātākṣī caṃṭulā śalabhāmukhī

71.65

vidyujihvā rudrakālī śatolūkhalamekhalā || śata
ghaṃṭākiṃkiṇikā cakrākṣī catvarālayā

71.66

pūtanā rodanā tvāṃmā koṭarā meghavāhinī || ūrdhvaveṇīdharā caiva jarāyurjarjarāānanā

71.67

khaṃ
ṭakheṭī dahadahā tathā dhamadhamā jayā || bahuveṇī bahuśirā bahupādā bahustanī

71.68

śatolūkamukhī kṛṣṇā karṇaprāvaraṇā tathā || śūnyālayā
dhānyavāsā paśudā dhānyadā sadā

71.69

etāścānyāśca bahvacaśca mātaro bharatarṣabha || bahulatvādahaṃ tāsāṃ na saṃkhyātumihotsahe

71.70

vṛkṣacatva
vāsinyaścatuṣpathaniveśanāḥ || guhāsmaśānavāsinyaḥ śailaprasravaṇālayāḥ

71.71

nānābharaṇaveṣāṃstā nānāmūrtidharāstathā || nānābhāṣāyudhadharāḥ
parivabrustadā guham

71.72

tataḥ sa śuśubhe śrīmānguho guhaṃ ivāparaḥ || saināpatye cābhiṣikto devairnānāmunīśvaraiḥ

71.73

tataḥ praṇamya sarvāstā
nekaikatvena pāvakiḥ || triyatāṃ vara ityāha bhavannahmapurogamān

71.73.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kārtikeyasya senānītve'bhiṣekavarṇanaṃnāma triṃśo'dhyāyaḥ

Vaishnavakhanda 71

Contents

Linked texts (7)