Vaishnavakhanda 72
Vaiṣṇavakhaṇḍa 72
- Language
- Sanskrit
Contents
- 72.48 — 1 part
72.1
nārada uvāca
te cainaṃ yojya cāśīrbhirayācaṃta varaṃ guham || eṣa eva varo'smākaṃ yatpāpaṃ tārakaṃ jahi
72.2
evamastviti tānuktā yogoyoga iti bruvan
tārakārimahātejā mayūraṃ cādhyarohata
72.3
śaktihasto vinadyātha guho devāṃstadābravīt || yadyadya tārakaṃ pāpaṃ nāhaṃ hanmi surottamāḥ
72.4
gobrāhmaṇāvamantṝṇāṃ tato yāmi gatiṃ sphuṭam || evaṃ tena pratijñāte śando'tisumahānabhūt
72.5
yogoyoga iti prāhurājñayā śarajanmanaḥ || arajo
vāsasī rakte vasānaḥ pārvatīsutaḥ
72.6
athāgre sarvadevānāṃ sthito vīro yayau mudā || tasya keturalaṃ bhāti caraṇāyudhaśobhitaḥ
72.7
caraṇābhyāṃ
girīnchakto yo vidārayituṃ raṇe || yā ceṣṭā sarvabhūtānāṃ prabhā śāṃtirbalaṃ yathā
72.8
tanmayā guhaśaktiḥ sā bhṛśaṃ haste vyarocata || yadvāḍhatyaṃ
sarvalokeṣu tanmayaṃ kavacaṃ tathā
72.9
yotsyamānasya vīrasya deheprādurabhūtsvayam || dharmaḥ satyamasaṃmohastejaḥ kāṃtatvamakṣatiḥ
72.10
balamojaḥ
kṛpā ca vabddhā karayugaṃ tathā || ādeśakārīṇyagre'sya svayaṃ tasthurmahātmanaḥ
72.11
tamagre cāpi gacchaṃtaṃ pṛṣṭhato'nuyayau haraḥ || rathenādityavarṇena
pārvatyā sahitaḥ prabhuḥ
72.12
nirmitena hareṇaivaṃ svayamīśena līlayā || sahasraṃ tasya siṃhānāṃ tasminyuktaṃ rathottame
72.13
abhīṣūnapuruṣavyāghra
brahmā ca jagṛhe svayam || te pibaṃta ivākāśaṃ trāsayaṃtaścarācaram
72.14
siṃhā rathasya gacchaṃto nardaṃtaścārukesarāḥ || tasminrathe paśupatiḥ sthito
ātmumayā saha
72.15
vidyutā maṃḍitaḥ sūryaḥ seṃdracāpaghano yathā || athatastasya bhagavāndhaneśo guhyakaiḥ saha
72.16
āsthāya ruciraṃ yāti
puṣpakaṃ naravāhanaḥ || airāvaṇaṃ samāsthāya śakraścāpi suraiḥ saha
72.17
pṛṣṭhato'nuyayau yāṃtaṃ varadaṃ vṛṣabhadhvajam || tasya dakṣiṇato devā marutaśca
trayodhinaḥ
72.18
gacchaṃti vasubhiḥ sārdhaṃ rudraiśca saha saṃgatāḥ || yamaśca mṛtyunā sārdhaṃ sarvataḥ parivāritaḥ
72.19
ghorairghyādhiśataiḥ
ścāpi savyato yāti kopitaḥ || yamasya pṛṣṭhataścāpi ghoraśiśiśikharaḥ sitaḥ
72.20
vijayonāma rudrasya yāti śūlaḥ svayaṃ kṛtaḥ
tamugrapāśo bhagavānvaruṇaḥ salileśvaraḥ
72.21
parivārya śatairyāti yādobhirvividhairvṛtaḥ || pṛṣṭhato vijayasyāpi yāti rudrasya paṭṭiśaḥ
72.22
gadāmuśalaśaktyādyairvarapraharaṇairvṛtaḥ || paṭṭiśaṃ cānvagātpārtha astraṃ pāśupataṃ mahat
72.23
bahuśīrṣaṃ mahāghoramekapādaṃ bahūdaram
kamaṃḍaluścāsya paścānmaharṣigaṇasevitaḥ
72.24
tasya dakṣiṇato bhāti daṇḍo gacchanjihvayā vṛtaḥ || bhṛguvaṃgirobhiḥ sahito devairapya
bhipūjitaḥ
72.25
rākṣasāścānyadevāśca gandharvā bhujagāstathā || nadyo nadāḥ samudrāśca munayo'psarasāṃ gaṇāḥ
72.26
nakṣatrāṇi grahāścaiva
jaṃgamaṃ sthāvaraṃ tathā || mātaraśca mahādevamanujagmuḥ kṣudhānvitāḥ
72.27
sarveṣāṃ pṛṣṭhataścāsīttākṣyastho buddhimānhariḥ || pālayanpṛtanāṃ sarvāṃ
svaparīvārasaṃvṛtaḥ
72.28
evaṃ sainyasamopeta uttaraṃ taṭamāgataḥ || tāmraprākāramāśritya tasthau tryaṃbakanaṃdanaḥ
72.29
sa tārakapurasyāpi pūrvanṛddhi
manuttamām || visiṣmiye mahāsenaḥ praśaśaṃsa tapo'sya ca
72.30
sthitaḥ paśyansa śuśubhe mayūrastho guhastadā || chatreṇa ghriyamāṇena svayaṃ soma
samastviṣā
72.31
vījyamānaścāmarābhyāṃ vāyvagnibhyāṃ mahādyutiḥ || mātṛbhiśca surairdattaiḥ svairgaṇairapi saṃvṛtaḥ
72.32
tataḥ praṇamya taṃ śakro deva
madhye vaco'bravīt || paśyapaśya mahāsena daityānāṃ balaśālinām
72.33
ye tvāṃ kālaṃ na jānaṃti martyā gṛharatā iva || eteṣāṃ ca gṛhe dūto
yastvāṃ śaṃsatu tārakam
72.34
vīrāṇāmucitaṃ tvetatkīrtidaṃ ca mahājane || anujñayā tataḥ skandabhaktaṃ śakro dhanaṃjaya
72.35
māmādiśyāsure
ndrāya prāhiṇoddautyayogyakam || ahaṃ svayaṃ gantukāmaḥ śakreṇāpi ca preṣitaḥ
72.36
prāsāde strīsahasrāṇāṃ prāvocaṃ madhyato'pyaham || asurādhama
durbuddhe śakrastvāmāha tacchṛṇu
72.37
yajjagaddalanādātaṃ kilbiṣaṃ dānava tvayā || tasyāhaṃ nāśakaste'dya puruṣaśredviṣyasi
72.38
śīghraṃ niḥ
sara pāpiṣṭa niḥsariṣyasi cenna hi || kṣaṇāttava puraṃ kṣepsye pāviśyāyaiva sāgare
72.39
iti śrutvā rūkṣavācaṃ kruddhaḥ strīgaṇasaṃvṛtaḥ || muṣṭimudyamya
māṃḍāvaddhītaścāhaṃ palāyitaḥ
72.40
vyākulastatra vṛttāṃtaṃ kumārāya nyavedayam || mayi cāpyāgate daityaściṃtayāmāsa cetasi
72.41
nālandha
saṃśayaḥ śakro vaktumetaddihārhati || nimittāni ca ghorāṇi saṃtrāsaṃ janayaṃti me
72.42
evaṃ viciṃtya cotthāya gavākṣaṃ sodhyarohata || sahasrabhau
mikāvāsaścuṅgavātāyanasthitaḥ
72.43
apaśyadevasainyaṃ sa divaṃ bhūmiṃ ca saṃvṛtam || rathairgajairhayaiścāpi nāditāśca diśo daśa
72.44
vimānai
ścādbhutākāraiḥ kiṃnarodgītanādiaiḥ || dundubhibhirgoviṣāṇaistālaiḥ śaṃkhaiśca nāditaiḥ
72.45
akṣobhyāmiva tāṃ senāṃ dṛṣṭvā so'ciṃtayattadā || ete
mayā jitāḥ pūrvaṃ kasmādbhūyaḥ samāgatāḥ
72.46
iti ciṃtāparo daityaḥ śuśrāva kaṭukākṣaram || devabaṃdibhiruddhuṣṭaṃ ghoraṃ hṛdayadāraṇam
72.47
jayātu
laśaktidīdhitipiṃjararucāruṇamaṃḍalamujodbhāsitadevasainya puravadanakumudakānanavikāsaneṃdo kumāranātha jaya ditikulamahodadhivaḍavānala madhuraravamayū
raravāsurasukuṭakūṭakuṭṭitacaraṇanakhāṃkura mahāsena tārakavaṃśaśuṣkatṛṇadāvānala yogīśvara yogijanahṛdayagaganavitataticiṃtāsaṃtānasaṃtamasanodanakharakira
ṇakalpanakhanikaravirājitacaraṇakamala skanda jaya bāla saptavāsara bhuvanāvaliśokasaṃdahana
72.48
namo namastestu manoramāya namostu te
sādhubhayāpahāya || namostu te bālakṛtācalāya namonamo nāśaya devaśatrūn
72.48.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśvaramāhātmye kumārasya tārakāsuranagaraṃ prati gamanavarṇanaṃnāmaikatriṃśo'dhyāyaḥ
Linked texts (9)
- Skandamahāpurāṇa (vulgate) — Sanskrit
- Southern recension — Sanskrit
- Matsyapurāṇa — Vyāsa, Sanskrit
- Padmapurāṇa — Vyāsa, Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Matsya — Sanskrit