Pramāṇa · Search · About · API

Vaishnavakhanda 75

Vaiṣṇavakhaṇḍa 75

Language
Sanskrit

Contents

75.1

nārada uvāca || || tatastṛtīyaliṃgasya cikīrṣuṃ sthāpanaṃ guham || brahmā
prāhāsya prītyarthaṃ svayamanyaṃ prakurmahe

75.2

yadyapyetacchubhaṃ liṃgaṃ sarvadoṣavivarjitam || tathāpyanyatkariṣye'haṃ sarvaśreṣṭhatamaṃ hi yat

75.3

tato brahmā
sarvadopavimuktaṃ nirmame svayam || dṛṣṭikāṃtaṃ manaḥkāṃtaṃ phalakāṃtaṃ suliṃgakam

75.4

tatra skaṃdasya prītyarthaṃ sarvadevairvinirmitam || saraḥ suramyaṃ tīrthāni
tatra te nidadhustathā

75.5

gaṃgādikāni tīrthāni yāni procurdivaukasaḥ || idaṃ yāvatsarastāvatsarvairatra samuṣyatām

75.6

evamastviti tānyūcuḥ
prītyarthaṃ śarajanmanaḥ || tato brahmā svayaṃ tatra raudrairmaṃtrairhutāśanam || gādhiputrādibhirvipraistarpayāmāsa saṃyutaḥ

75.7

tato vaiśākhamāsasya caturdaśyāṃ
śubhe dine || pratiṣṭhāṃ cakrire liṃge ciraṃ vipramukhā dvijāḥ

75.8

jagurgaṃdharvapatayo nanṛtuścāpsarogaṇāḥ || tataḥ skaṃdaḥ prītiyuktaḥ snātvā sarasi śobhane

75.9

sarvatīrthodakaiḥ snāpya talliṃgaṃ bhaktisaṃyutaḥ || vividhaiḥ pūjayāmāsa puṣpairmaṃtraiśca paṃcabhiḥ

75.10

pūjākāle svayaṃ tatra liṃgamadhye sthito haraḥ || jaṃgamā
jaṃgamaiḥ sārdhaṃ svayaṃ jagrāha pūjanam

75.11

tatastaṃ pūjayanprāha skaṃdo bhaktipariplutaḥ || kena kenopahāreṇa tvayi drattena kiṃ phalam

75.12

śrīmahādeva uvāca || || mama yaḥ sthāpayelliṃgaṃ śubhaṃ sajña ca kārayet || marṣloke vasate'sau ca yāvaccaṃdradivākarau

75.13

mama sajña
sudhāśubhraṃ yāvatsaṃkhyaṃ karoti yaḥ || tāvaṃtyeva ca janmāni yaśasāsau virājate

75.14

dhvajabhūto dhvajaṃ dattvā vipāpaḥ syātpatākayā || vidhāya citra
vinyāsa gaṃdharvaiḥ saha modate

75.15

rajaḥsaṃśodhanaṃ kṛtvā naro rogaiḥ pramucyate || prāmoti dehaṃ hārdaṃ ca surasajhānulepanāt

75.16

puṣpakṣīrādi
bhirdattaistilāṃo'kṣatadarbhakaiḥ || śaṃbhoḥ śirasi dattvārghyaṃ divi varṣāyutaṃ vaset

75.17

ghṛtena haṃtpāpaḥ syānmadhunā subhago bhavet || virogo dadhi
dugdhābhyāṃ liṃgaṃ saṃsnāpya jāyate

75.18

pānīyadadhidugdhādyaiḥ kramāddaśaguṇaṃ phalam || māṃsaṃ saṃsnāpya vai bhaktyā piṣṭādyaiśca virūkṣayet

75.19

kapilāpaṃcagavyena surasiṃdhujalena vā || māṃ ca saṃsnāpya cābhyarcya mallokamadhigacchati

75.20

kuśodakādyaṃdhajalaṃ tasmāttīrthodakaṃ varam || tīrthe
bhyaśca jalaṃ darśe mahīsāgarasaṃbhavam

75.21

kapilāṃ dattvā yadāpnoti tatphalaṃ kalaśe pṛthak || mṛttāmrarāpyasauvarṇaiḥ kramācchataguṇaṃ phalam

75.22

śrīkhaṃḍāgarukāśmīraśaśinaḥ kramaśo'dhikāḥ || māṃ ca taiśca samālabhya syācchrīmānsubhagaḥ sukhī

75.23

praśasto guggulo dhūpastasmāccaṃdro'garu
varaḥ || dhūpānetāñcaro dattvā sukhaṃ svargamavāpnuyāt

75.24

dīpadaḥ kīrtimāpnoti cakṣuruttamameva ca || naivedyasya pradānena naro sṛṣṭāśano bhavet

75.25

puṣpeṇa hemakarṇasya prabaddhena dvisaṃguṇam || phalamāpnoti puruṣaḥ satyasaṃdhaśca jāyate

75.26

akhaṃḍairbilvapatraiśca puṣpairvā vividhairapi
liṃgaṃ prapūraṇaṃ kṛtvā lakṣamekaṃ vaseddivi

75.27

yastu puṣpagṛhaṃ kuryānnaraḥ śuddhāśayo bhavet || puṣpakeṇa vimānena divi saṃkrīḍate ciram

75.28

bhūṣaṇāṃbaradānena naro bhavati bhogabhāk || saccāmarapradānena jāyate pārthivo naraḥ

75.29

ramyaṃ vitānaṃ yo dadyācchubhirnābhibhūyate || gītaṃ
vādyaṃ nṛtyaṃ ca kṛtvā śuddho vrajetsa mām

75.30

śaṃkhaghaṃṭāpradānena vidrānbhavati śabdavān || vidhāya rathayātrāṃ ca ciraṃ śokaiḥ pramucyate

75.31

namaskāraṃ praṇāmaṃ ca kṛtvā jāyenmahākule || vācayaṃścāgrataḥ śāstraṃ mama jñānī prajāyate

75.32

vimucyate manomohairbhaktyā stutvā ca māṃ
naraḥ || godānaphalamāpnoti nirmālyaspheṭanānmama

75.33

ārārtikaṃ bhrāmayitvā artihīnaḥ prajāyate || kṛtvā śītalikāṃ tāpairmucyate doṣaṃ
saṃbhavaiḥ

75.34

nartvā dattvātha śaktyā ca dānaṃ liṃgasya saṃnidhau || phalaṃ śataguṇaṃ prāpya iha cāmutra modate

75.35

praṇāmātpaṃcadaśa ca snā
nādbhiśatiṃ pūjayā || śataṃ yathāproktavidheraparādhānahaṃ kṣame

75.36

etatsarvaṃ yathoddiṣṭaṃ kumārātra bhaviṣyati || ye māṃ prapūjayiṣyaṃti kumāreśvara
saṃsthitam

75.37

vārāṇasyāṃ yathā vatsa viśvanātho'smi saṃsthitaḥ

75.38

guptakṣetre tathā sthāsye kumāreśvaramadhyataḥ

75.39

śrutveti vacanaṃ
rudrādevānāṃ śṛṇvatāṃ guhaḥ || vismitaḥ praṇipatyainaṃ tuṣṭāva girijāpatim

75.40

namaḥ śivāyāstu nirāmayāya namaḥ śivāyāstu manomayāya
namaḥ śivāyāstu surāciṃtāya tubhyaṃ sadā bhaktakṛpāparāya

75.41

namo bhavāyāstu bhavodbhavāya namostu te dhvastamanobhavāya || namo'stu
te gūḍhamahāvratāya namo'stu māyāgahanāśrayāya

75.42

namostu śarvāya namaḥ śivāya namostu siddhāya purātanāya || namostu kālāya
namaḥ kalāya namo'stu te kālakalātigāya

75.43

namo nisargātmakabhūtikāya namo'stvameyokṣamaharddhikāya || namaḥ śaraṇyāya namo'
guṇāya namo'stu te bhīmaguṇānugāya

75.44

namo'stu nānābhuvanādhikartre namo'stu bhaktābhimatapradātre || namo'stu karmaprasavāya dhātre namaḥ
sadā te bhagavansukartre

75.45

anaṃtarūpāya sadaiva tubhyamasahyakopāya sadaiva tubhyam || ameyamānāya namostu tubhyaṃ vṛṣeṃdrayānāya namo'stu
tubhyam

75.46

namaḥ prasiddhāya mahauṣadhāya namo'stu te vyādhigaṇāpahāya || carācarāyātha vicāradāya kumāranāthāya namaḥ śivāya

75.47

mameśa bhūteśa maheśvarosi kāmeśa vāgīśa baleśa dhīśa || krodheśa moheśa parāpareśa namostu mokṣeśa guhāśayeśa

75.48

iti saṃstūya varadaṃ śūlapā
ṇisumāpatim || praṇipatya umāputro namonama uvāca ha

75.49

evaṃ bhaktiparākrāṃtamātmayogyaṃ stavaṃ śivaḥ || abhinandya ciraṃ kālamidaṃ vacanam
bravīt

75.50

tvayā duḥkhaṃ na saṃciṃtyaṃ mama bhaktavadhātmakam || karmaṇānena śghyo'si munīnāmapi putraka

75.51

ye ca sāyaṃ tathā prātastva
tṛkṛtena stavena mā mām || stoṣyaṃti parayā bhaktyā śṛṇu teṣāṃ ca yatphalam

75.52

na vyādhirna ca dāridryaṃ na caiveṣṭaviyojanam || bhuktvā bhogānḍu
rlabhāṃśca mama yāsyaṃti sadma te

75.53

tathānyānapi dāsyāmi varānparamadurlabhān || bhaktyā tavātituṣṭo'haṃ prītyarthaṃ tava putraka

75.54

mahīsā
garakūle tu ye māṃ stoṣyaṃti pūjayā || teṣāṃ tadakṣayaṃ sarvaṃ vaiśākhyāṃ dānapūjanam

75.55

sarasyatra ca ye snānaṃ prakariṣyaṃti mānavāḥ || sarvatīrthaphalā
vāptirvaiśākhyāṃ prabhaviṣyati

75.56

kumāreśaṃ tu māṃ bhaktyā mahīsāgarasaṃgame || snātvā saṃpūjayennityaṃ tasya jātismṛtirbhavat

75.57

jātis
tiriyaṃ putra yasyāṃ jātau prajāyate || smaratesyāḥ prakartavyaṃ śreyorūpaṃ sudurlabham

75.58

yasminkāle hyanāvṛṣṭirjāyate kṛttikāsuta || snāpayen
dhivanmāṃ ca kalaśairvividhaiḥ śubhaiḥ

75.59

ekarātraṃ trirātraṃ vā pañcarātraṃ ca sapta vā || snāpayedgaṃdhatoyena kuṃkumena vilepayet

75.60

karavīraie rakta
puṣpairjāpuṣpaistathaiva ca || arcayetpuṣpamālābhiḥ paridhāyāruṇavāsasī

75.61

bhojayedbrāhmaṇāṃścaiva tāpasāñchaṃsitavratān || lakṣahomaṃ prakurvīta
śivahomaṃ grahādikam

75.62

bhūmidānaṃ tataḥ kuryāttato dadyādgavāṃhnikam || āghoṣayecchivāṃ śāṃtiṃ rudrajāpyaṃ hi kārayet

75.63

anenaiva
vidhānena kṛtena tu dvijottamaiḥ || agarbhitāstadā meghā varṣaṃte nātra saṃśayaḥ

75.64

vividhaiḥ pūryate dhānyaiḥ śādvalaiśca vasundharā || ārogyaṃ hi
bhaveccaiva jane gopakule tathā

75.65

dharmayukto bhavedrājā paracakrairna pīḍyate || ghṛtena snāpayenmāṃ ca arkāṃkrāṃtau naro'tra yaḥ

75.66

kanyādāna
phalaṃ tasya nātra kāryā vicāraṇā || kṣīreṇa snāpayeddevaṃ tathā paṃcāmṛtena yaḥ

75.67

agniṣṭomasya yajñasya phalaṃ tasyopajāyate || kumāreśvaratīrthe
yaḥ prāṇatyāgaṃ karoti hi

75.68

rudraloke vasettāvadyāvadbhūtasaṃplavam || ayane viṣuve caiva grahaṇe caṃdrasūryayoḥ

75.69

paurṇamāsyāmamāvāsyāṃ
saṃkrāṃtau vaidhṛte tathā || kumāreśaṃ naraḥ snātvā mahīsāgarasaṃgame

75.70

bhaktyā yo'bhyarcayenmāṃ ca tasya puṇyaphalaṃ śṛṇu || yanmahītalatīrtheṣu snāne
syāttu mahatphalam

75.71

yaccārciteṣu liṃgeṣu sarveṣu syātphalaṃ ca tat || ārogyaṃ putralābhaṃ ca dhanalābhaṃ sukhaṃ sutam

75.72

niścitaṃ labhate martyaḥ
kumāreśvarasevayā || brahmacārī śucirbhūtvā yastiṣṭhedatra tāpasaḥ

75.73

paraṃ pāśupataṃ yogaṃ prāpya yāti layaṃ mayi || pāpātmanāṃ ca martyānāṃ sadyo'smi
phaladarśakaḥ

75.74

divyenāṣṭavidhenātra kośaḥ sādhāraṇo'tra ca || aghorādyaiḥ paṃcamaṃtraiḥ snāpya liṃgaṃ mahojjvalam

75.75

aghoreṇaiva tattoyaṃ dadyādi
vyasya kāraṇe || pibedetadudīryā || prasṛtitrayameva ca

75.76

yadi dharmastathā satyamīśvaro'tra jagattraye || kośapānātphalaṃ sadyo drakṣyāmyasminśubhā
śubham

75.77

yāsye ceti kulaṃ hanyādgamane caiva kuṭumbakam || darśane ca śubhaṃ pāne hanyāddehaṃ ca mithyayā

75.78

tribhirdinaistribhiḥ pakṣaistribhi
māsaistribhiḥ samaiḥ || atyugrapuṇyapāpānāṃ mānenaiva phalamaśnute

75.79

etevarā mayā liṃge dattāsteṃ sthāpite tvayā || tava prītyabhivṛddhyarthaṃ brūhi bhūyo'
pyumātmaja

75.80

skanda uvāca || || kṛtakṛtyo varairdettaistvayā caitairmaheśvara || namonamo namastestu nātra tyājyaṃ tvayā vibho

75.81

evaṃ
praṇamya devaṃ sa mātaraṃ praṇato'bravīt || tvayāpi mātarnaivātra tyājyaṃ mama priyepsayā

75.82

tvāmapyatra sthāpayiṣye varadā bhava pārvati

75.83

śrīdevyuvāca || || yatra śarvaḥ svabhāvena tatra tiṣṭhāmyahaṃ suta

75.84

tava bhaktyā viśeṣeṇa sthāsye strīṇāṃ varapradā || yuddheṣu tava
karmāṇi rudrabhakteṣu te' kṛpām

75.85

paśyaṃtī putriṇāṃ mukhyā prīṇitā ca bhṛśaṃ tvayā || garbhakkeśaḥ striyo manye sāphalyaṃ bhajate tadā

75.86

suto yadā rudrabhaktaḥ sānaṃdaṃ siddhirīryate || bhava tasmātpriyārthāya tiṣṭhāmyatra ṣaḍānana

75.87

strībhirārādhitā dāsye saubhāgyaṃ supārtiṃ sutān
caitre cāpi tṛtīyāyāṃ snātvā śītena vāriṇā

75.88

arcayiṣyaṃti māṃ yāśca puṣpairdhūpairvilepanaiḥ || dāsyāmi cāṣṭasaubhāgyaṃ yā nārī bhakti tparā

75.89

pitarau śvaśurau putrānpatiṃ saubhāgyasaṃpadaḥ || kuṃkumaṃ puṣpaśrīkhaṃḍaṃ tāṃbūlāṃjanamiśravaḥ

75.90

saptamaṃ lavaṇaṃ proktamaṣṭamaṃ ca sujīra kam || tolayettulayā vāpi sāṃghriśca tulitā bhavet

75.91

suvarṇenātha saugandhyadravyaiḥ śubhaphalairapi || bhuṃkte vā lavaṇaṃ paścānnāsau vai vidhavā bhavet

75.92

māghe vā kārtike vāpi caitre snātvārcayeta mām || daurbhāgyaduḥkhadāridryairna sā saṃyogamāpnuyāt

75.93

śrutveti girijāvācaṃ sānaṃdaḥ pārvatīsutaḥ || sthāpayitvā girisutāṃ karpardinamathābravīt

75.94

puṣpairdhūpairmodakaiśca pūrvamabhyarcya tvāṃ prabho || pūjayaṃti kumāreśaṃ teṣāṃ vighnaharo bhava

75.95

kapardyuvāca || || bhrāṃtastvayā sthāpite'smiṃchiṃge bhaktāśca ye narāḥ || na teṣāṃ mama vighnāni mama vāganugāminī

75.96

evamukte vighna rājñā pratīte'sthāpayacca tam || tasmādasau sadābhyarcyaścaturthyāṃ ca viśeṣataḥ

75.97

evaṃ sthāpya kumāreśaṃ labdhvā caitānvarāñchivāt || manasā kṛtakṛtyaṃ cātmānaṃ mene ṣaḍānanaḥ

75.98

tasthāvaṃśena tatraiva kumāreśvarasaṃnidhau || atra sthitaṃ kumāraṃ ye paśyanti svāmiyātriṇaḥ

75.99

saphalā svāmiyātrā ca teṣāṃ bhavati bhārata || kārtikyāṃ ca viśeṣeṇa kārtikeyaṃ samarcayet

75.100

yatphalaṃ svāmiyātrāyāṃ tatphalaṃ samavāpnuyāt || evaṃvi dhamidaṃ pārtha mahīsāgarasaṃgamam

75.101

nimittīkṛtya cātmānaṃ sādhvartheṃ liṃgamarcitam || rogābhibhūto rogairvā nāmnāmaṣṭottaraṃ śatam

75.102

jatvā śucirbrahmacārī māsaṃ mucyata pātakāt || etadārādhya saṃjātā rajirādayaḥ purā

75.103

śatasaṃkhyābalaṃ rājyaṃ rudraloka ca bhejire || jāmadagyastvidaṃ liṃgamārādhya ca samāyutam

75.104

lebhe kuṭhāramujjve yenārjunabhujānyudhi || agrato devadevasya jñātvā tīrtheṃ mahāguṇān

75.105

rāmeśvaramiti khyātaṃ sthāpitaṃ liṃgamuttamam || tacca yo'bhyarcayedbhattyā rudralokaṃ sa gacchati

75.106

prītaḥ syāttasya rāmaśca kumāreśaśca
phālguna || iti saṃkṣepataḥ proktaṃ kumāreśasya varṇanam

75.107

kumāreśasya māhātmyaṃ kīrtayedyastadagrataḥ || ye ca śṛṇvaṃtyanudinaṃ rudraloke vasaṃti te

75.108

asya liṃgasya māhātmyaṃ śrāddhakāle tu yaḥ paṭhet || pitṝṇāmakṣayaṃ śrāddhaṃ jāyate nātra saṃśayaḥ

75.109

asya liṃgasya māhātmyaṃ gurviṇīṃ śrāva
yedyadi || guṇavāñjāyate putraḥ kanyā cāpi pativratā

75.110

etatpuṇyaṃ pāpaharaṃ dharmyaṃ cāhlādakārakam || paṭhatāṃ śṛṇvatāṃ cāpi sarvābhīṣṭaphala
pradam

75.110.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe kumāreśasthāpanapūrvakamāhātmya varṇanaṃ nāma catustriṃśo'dhyāyaḥ

Linked texts (6)