Pramāṇa · Search · About · API

Vaishnavakhanda 77

Vaiṣṇavakhaṇḍa 77

Language
Sanskrit

Contents

77.1

cha
nārad uvāca || || evaṃ dṛṣṭvā kṣitau tāni liṃgāni haramūrtunā || haribrahmeṃdrapramukhā devāḥ procuḥ parasparam

77.2

aho dhanyaḥ
kumāro'yaṃ mahīsāgarasaṃgame || yena catvāri liṃgāni sthāpitāni sudurlabhe

77.3

vayamapyatra śuddhacarthaṃ toṣārthaṃ skandarudrayoḥ || sādhvarthe
cātmalābhāya kumoṃ liṃgaparaṃparām

77.4

athavā koṭiśo devā munayo naiva saṃkhyayā || sarve cetsthāpayiṣyaṃti liṃgānyatra mahītaṭe

77.5

pūjā teṣāṃ kathaṃ bhāvi bahutvāccātra paṭhyate || yasya rāṣṭre rudraliṃgaṃ pūjyate naiva śaktitaḥ

77.6

tasya sīdati tadrāṣṭraṃ durbhikṣavyādhitaskaraiḥ
saṃbhūya sthāpayiṣyāmo liṃgamekaṃ tataḥ śubham

77.7

iti kṛtvā matiṃ sarve prāpyānujñāṃ maheśvarāt || praharṣitā guhaścaiva haribrahmapramu
khāḥ surāḥ

77.8

bhūmibhāgaṃ śubhaṃ vīkṣya vijane liṃgamuttamam || sthāpayāmāsuratha te svayaṃ brahmavinirmitam

77.9

siddhārthaiḥ sthāpitaṃ yasmā
devairveṃdrādibhiḥ svayam || siddheśvaramiti prāha nāma liṃgasya vai guhaḥ

77.10

sarveṃdevaistatra liṃge khānitaṃ sara uttamam || sarvatīrthodakaiḥ śubhraiḥ pūritaṃ
ca mahātmabhiḥ

77.11

etasminnaṃtare pārtha pātālā ccheṣanaṃdanaḥ || kumudonāma āgatya prāha śeṣāhipannagān

77.12

asmistārakayuddhe tu pralaṃ
bonāma dānavaḥ || palāyitvā skaṃdabhītyā pāpaḥ pātālamāviśat

77.13

sa vo vasūni putrāṃśca bhāryāḥ kanyā gṛhāṇi ca || vidhvaṃsayati
nāgeṃdrāḥ śīghraṃ dhāvatadhāvata

77.14

śeṣātmajasya tadvākyaṃ kumadasya niśamya te || autsukyamāpurnāgeṃdrā yāmayāmeti vādinaḥ

77.15

tāmri
vārya tataḥ skaṃdaḥ kuddhaḥ śaktimathādade || pātālāya mumocātha procya daityo nihanyatām

77.16

tataḥ skaṃdabhujotsṛṣṭā bhuvaṃ nirbhidya vegataḥ
praviṣṭā sahasā śaktiryathā daivaṃ naraṃ prati

77.17

sā taṃ haitvā pralaṃbaṃ ca koṭibhirdaiśabhirvṛtam || naṃdayitvā gatā nāgāñjalakallolapūrvikā

77.18

yāṃtyā śattyā tayā pārtha yatkṛtaṃ vivaraṃ bhuvi || pātālagaṃgātoyena pūritaṃ pāpahāriṇā

77.19

tasya nāma dadau skaṃdaḥ siddhakūpa iti smṛtaḥ
kṛṣṇāṣṭamyāṃ caturdaśyāmupavāsī naraḥ svayam

77.20

snātvā kūpe'rcayedīśaṃ siddheśvaramananyadhīḥ || prabhūtabhavasaṃbhūtapāpaṃ tasya vilīyate

77.21

siddha
kuṃḍe ca yaḥ snātvā śrāddhaṃ kuryādicakṣaṇaḥ || sarvakalmaṣanirmukto bhaktiyogyo bhavebhave

77.22

vaṭaścāpyakṣayastasya tuṣṭo rudro varaṃ dadau || prayāga
vaṭatulyo'yametatsatyaṃ na saṃśayaḥ

77.23

atrāgatya mahābhāgaḥ śrāddhaṃ kuryātsubhaktitaḥ || pitṝṇāmakṣayaṃ tacca sarveṣāṃ piṃḍapātanam

77.24

tato
brahmādayo devāḥ skaṃdena sahitāstadā || siddhāṃdikāṃ mahāśaktiṃ prārthayāmāsurīśvarīm

77.26

tvayāviṣṭo hi bhagavānmatsyarūpī janārdanaḥ
jagaduddhāraṇārthāya cakre karmāṇyanekaśaḥ

77.26-2

iti tāṃ prārthayāmāsuratra tyājyaṃ na te śubhe || atra sthitāḥ sarva ime kṣetrapālā mahābalāḥ

77.27

aṣṭamyāṃ vā caturdaśyāṃ balipuṣpaiśca tvāṃ śubhe || ye pūjayaṃti te pālyāḥ sarvāpatsu ca yā sadā

77.28

evamuktā siddhamātā tatheti pratyapadyata
sthāpayāmāsuratha tāṃ liṃgāduttarabhāgataḥ

77.29

tataḥ kṣetrapatīndevāścatuḥṣaṣṭiṃ maheśvaram || siddheyaṃ nāma kṣetrasya rakṣārthaṃ nidadhuḥ svayam

77.30

tvāṃ ca ye pūjayiṣyaṃti kāryāraṃbheṣu sarvadā || varṣe varṣe rājamāṣabalinā ca viśeṣataḥ

77.31

tānasau pālayettuṣṭaḥ pitā lokāniva svakān
siddhikṛto devāstatra siddhivināyakam

77.32

kapardiṃtanayaṃ prārthya sthāpayāṃcakrire mudā || taṃ ca ye pūjayaṃtyatra kāryāraṃbheṣu sarvadā

77.33

teṣāṃ siddhiṃ dadātyeṣa prabalo vighnarāḍbhavaḥ || yapyatra pūjayedyastu satataṃ siddhasaptakam

77.34

paśyeddā smarate vāpi sarvadoṣairvimucyate || siddhe
śvaraḥ siddhavaṭaśca sākṣātsiddhāṃbikā siddhavināyakaśca || siddheyakṣetrādhipatiśca siddhasarastathā siddhakūpaśca sapta

77.36

atra tuṣṭo dadau rudraḥ
surāṇāṃ durlabhānvarān || vaiśākhamāsasyāṣṭamyāṃ kṛṣṇāyāṃ siddhakūpake

77.37

snātvā piṃḍānvaṭe kṛtvā pūjayanmāṃ ca siddhabhāk || sadā
yo'bhyarcayenmāṃ ca brahmacārī jiteṃdriyaḥ

77.38

aṣṭāviṣṭakarā nityaṃ bhaveyustasya siddhayaḥ || maṃtrajāpyaṃ baliṃ homamaṃtra yaḥ kurute
naraḥ

77.39

ekacittaḥ śucirbhūtvā so'bhīṣṭāṃ siddhimāpnuyāt || samāhitamanāścātha siddheśaṃ yastu paśyati

77.40

tasya si
ddhirbhavatyeva vighnairyadi na hanyate || siddhāṃbikā mahādevī hyatra saṃnihitāsti yā

77.41

siddhidā sādhakeṃdrāṇāṃ mahāvidyāṃ japaṃti ye || dhīrebhyo
brahmacāribhyaḥ satyacittebhya eva ca

77.42

maṃtrajāpyāddātyeṣā sarvasiddhīryathepsitāḥ || pātālasya bilaṃ caitadbṛhaśaktyā kṛtaṃ mahat

77.43

siddhāṃ
bikāprasādena vighnakṣetrapayormama || pratyakṣaṃ bhavitā yatra nānāścaryāṇi bhūriśaḥ

77.44

atra siddhiṃ prayāsyaṃti koṭiśaḥ puruṣāḥ surāḥ || vidyādhara
tvaṃ devatvaṃ gaṃdharvatvaṃ ca nāgatā

77.45

yakṣatvaṃ cāmaratvaṃ ca prāpsyaṃtyatra ca sādhakāḥ || atra vai vijayonāma sthaṃḍilasya prabhāvataḥ

77.46

siddhāṃ
bikāṃ samārādhya siddhimāpsyati durlabhām || yo māṃ drakṣyati cātrasthaṃ yaśca māṃ pūjayiṣyati || vādapracārato vāpi puṇyāvāptirbhaviṣyati

77.47

nārada uvāca || tryaṃbakeṇa vareṣvevaṃ datteṣvapi surottamāḥ

77.48

prahṛṣṭāḥ samapadyaṃta gāthāṃ cemāṃ jagustadā || tena yajñairjapaiḥ stotraistapo
bhistoṣitā vayam

77.49

sarve devāḥ siddhiliṃgaṃ yo naraḥ pūjayiṣyati || sarvakāmaphalāvāptirityevaṃ śaṃkaro'bravīt

77.50

ityuktā te jayaṃ
prātāḥ skaṃdena sahitāḥ surāḥ || kāryāyyaṃ ramyaprāsādānnamyaistārakasaṃbhavaiḥ

77.51

caturvargaphalāvāptiṃ dattvā kṣetrasya saṃyayuḥ || kecitskaṃdaṃ praśaṃsaṃtastī
rthamanye hariṃ pare

77.52

kecilliṃgāni paṃcāpi yuddhaṃ kecidivaṃ yayuḥ || tato'tarikṣe cāliṃgya mahāsenaṃ haro'bravīt

77.53

saptame mārutaskaṃdhe va
sa nityaṃ priyātmaja || kāryeṣvahaṃ tvayā putra saṃpraṣṭavyaḥ sadaiva hi

77.54

darśanānmama bhaktyā ca śreyaḥ paramavāpsyasi || staṃbhatīrthe cam̐ vatsye'haṃ na
vimokṣyāmi karhiṃcit

77.55

ityuktā visasarjainaṃ pariṣvajya maheśvaraḥ || brahmaviṣṇumukhāṃścaiva bhaktyā tairabhinaṃditaḥ

77.56

visarjitāḥ surā
jagmuḥ svānisvānyālayām̐ni ca || śarvo jagāma kailāsaṃ skaṃdhaṃ vai saptamaṃ guhaḥ

77.57

ityetatkathitaṃ pārtha liṃgaṃpaṃcakasaṃbhavam || yaḥ paṭhetskaṃdeṃsaṃ
vaddhāṃ kathāṃ martyo mahāmatiḥ

77.58

śṛṇuyācchrāvayedyāpi sa bhavetkīrtimānnaraḥ || bahvāyuḥ subhagaḥ śrīmānkāṃtimāñchubhadarśanaḥ

77.59

bhūtebhyo
nirbhayaścāpi sarvaduḥkhavivarjitaḥ || śucirbhūtvā pumānyaśca kumāreśvarasannidhau

77.60

śṛṇuyātskaṃdacaritaṃ mahādhanapatirbhavet || bālānāṃ vyādhiduṣṭā
nāṃ rājadvāropasevinām

77.61

idaṃ tatparamaṃ dhanyaṃ sarvadoṣaharaṃ sadā || tanukṣaye ca sāyujyaṃ ṣaṇmukhasya vrajennaraḥ

77.62

varamenaṃ dadurdevāḥ skaṃda
syātha gatā divam

77.62.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe paṃcaliṃgopā khyānasamātivarṇanaṃnāma ṣaṭtriṃśo'dhyāyaḥ

Linked texts (8)