Pramāṇa · Search · About · API

Vaishnavakhanda 80

Vaiṣṇavakhaṇḍa 80

Language
Sanskrit

Contents

80.1

cha || || nārada uvāca || || sahasrasatatyucchrāyai pātālāni parasparam || atalaṃ vitalaṃ caiva nitalaṃ
ca rasātalam

80.2

talātalaṃ ca sutalaṃ pātālaṃ cāpi saptamam || kṛṣṇaśukrāruṇāḥ pītāḥ śarkarāśailakāṃcanāḥ

80.3

bhūmayo yatra kauravya varaprā
sādaśobhitāḥ || teṣu dānavadaiteyanāgāścaiva sahasraśaḥ

80.4

svarlokādapi ramyāṇi hṛdyāni bahuśo mayā || āhādakāriṇo nānāmaṇayo yatra
pannagāḥ

80.5

daityadānavakanyābhirmahārūpābhiranvite || pātāle kasya na prītirvimuktasyāpi jāyate

80.6

yatra noṣṇaṃ na vā śītaṃ na varṣaṃ duḥkha
meva ca || bhakṣyabhojyamahābhogakālo yatrāpi jāyate

80.7

pātāle saptame cāsti liṃgaṃ śrīhāṭakeśvaram || brahmaṇā sthāpitaṃ pārtha sahasrayojano
cchritam

80.8

hāṭakasya tu liṃgasya prāsādo yojanāyutaḥ || sarvaratnamayo divyo nānāścayavibhūṣitaḥ

80.9

taccārcayaṃti talliṃgaṃ nānānāgendra
ttamāḥ || tadadhastājjalaṃ bhūri tasyādho narakāḥ smṛtāḥ

80.10

pāpino yeṣu pātyaṃte tāñchṛṇuṣva mahāmate || koṭayaḥ paṃcapaṃcāśadrājānaścaikaviṃśati

80.11

rauravaḥ śūkaro rodhastālo viśasanastathā || mahājvālastaptakumbho lavaṇotha vimohakaḥ

80.12

rudhirāṃdho vaitaraṇī kṛmiśaḥ kṛmibho
janaḥ || asipatravanaṃ kṛṣṇo lālābhakṣyaśca dāruṇaḥ

80.13

tathā pūyavahaḥ pāpo vahnijvālo'pyadhaḥśirāḥ || saṃdaṃśaḥ kṛṣṇasūtraśca tamaśvāvīcireva
ca

80.14

śvabhojano visūciśvāpyavīciśca tathā'paraḥ || kūṭasākṣī rauravaṃ ca rodhaṃ goviprarodhakaḥ

80.15

surāpaḥ sūkaraṃ yāti tālaṃ mithyāma
uṣyahā || gurutalpī taptakumbhaṃ taptalohaṃ ca bhaktahā

80.16

gurūṇāmavamaṃtā yo mahājvāle nipātyate || lavaṇaṃ śāstrahaṃtā ca nirmaryādo vimohake

80.17

kṛmibhakṣye devadreṣṭā kṛmiśe tu duriṣṭakṛt || pitṛdevātpūrvamaścālābhakṣye prayāti ca

80.18

mithyājīvavirodhī viśasane kūṭaśāstrakṛt
adhomukhe hyasadgrāhī ekāśī pūyavāhake

80.19

mārjārakukkuṭaśvānapakṣipoṣṭā prayāti ca || badhirāṃdhagṛhakṣetratṛṇadhānyādijvālakaḥ

80.23

nakṣatraṃ
gajīvī ca yāti vaitaraṇīṃ naraḥ || dhanayauvanamatto yo dhanahā kṛṣṇameti saḥ||20||asipatravanaṃ yāti vṛkṣacchedī vṛthaiva yat||kuhakājīvinaḥ sarve vahni
jvāle pataṃti te||21||parastrīṃ ca parānnaṃ ca gacchansaṃdaṃśameti cā|| divāsvapnaparā ye ca vratalopaparāśca ye||22||śarīramadamattāśca yāṃti caite śvabhojanam
śivaṃ hariṃ na manyaṃte yāṃtyavīcinameva ca

80.24

ityevamādibhiḥ pāpairaśāstraughasya sevanaiḥ || pataṃtyeva mahāghoranarakeṣu sahasraśaḥ

80.25

tasmādya icchedetebhyo vimokṣaṃ buddhimānnaraḥ || śrutimārgeṇa tenārcyo devau hariharāvubhau

80.26

narakāṇāmadhobhāge sthitaḥ kālāgnisaṃjñakaḥ
tadadho haṭṭakaścaiva anaṃtastadadhaḥ smṛtaḥ

80.27

yasyaitatsakalaṃ viśvaṃ mūrdhnāgre sarpapāyate || ityanaṃtaprabhāvātsa hyanaṃta iti kīrtyate

80.28

diśāṃ
gajāstatra padmakumudāṃjanavāmanāḥ || tadadhoṃ'ḍakaṭāhaśca ekavīrāsti tatra ca

80.29

caturlakṣasahasrāṇi navatiśca śatāni ca || etenaiva pramāṇena
udakaṃ ca tataḥ smṛtam

80.30

tadadho narakāḥ koṭyo dvikovyo'gnistato mahān || catvāriṃśatsahasraiśca tadadhastama ucyate

80.31

catvāriṃśacca
koṭyastu catasraśca tataḥ parāḥ || ekonanavatirlakṣāḥ sahasrāśītireva ca

80.32

tadadhoṃ'ḍakaṭāhotha koṭimātrastathāparaḥ || devī yuktā kapālīśā
daṃḍahastena cāpi sā

80.33

devīnāṃ koṭikoṭībhiḥ saṃvṛtā tatra pālinī || saṃkarṣaṇasya niḥśvāsaprerito dāhako'nalaḥ

80.34

kālāgniṃ preraya
tyeva kalpāṃte dahyate jagat || evaṃvidhamadhaḥsūtraṃ nirmitaṃ cātra bhārata

80.35

madhyasūtre kaṭāhe ca pālakāṃstāñchṛṇuṣva me || vasudhāmā sthitaḥ
pūrve śaṃkhapālaśca dakṣiṇe

80.36

takṣakeśaḥ sthitaḥ paścāduttare ketumāniti || harṣasiddhiḥ suparṇākṣī bhāskarā yoganaṃdinī

80.37

koṭikoṭī
yutā devī devīnāṃ pālayatyadaḥ || evametanmahāścaryaṃ brahmāṃḍaṃ sthāpitaṃ ca yaiḥ

80.38

namāmi tānahaṃ nityaṃ brahmaviṣṇumaheśvarān || viṣṇuloko
rudraloko bahiścāsmātprakīrtyaṃte

80.39

taṃ ca varṇayituṃ brahmā śakto naivāsmadādayaḥ || vimuktā yatra saṃyāṃti nityaṃ hariharavratāḥ

80.40

brahmāṃḍa
saṃvṛtaṃ hyetatkaṭāhena samaṃtataḥ || kapitthasya yathā bījaṃ kaṭāhena susaṃvṛtam

80.41

daśottareṇa payasā vṛtaṃ taccāpi tejasā || tejaśca vāyunā vāyurnabha
sāhaṃtayā ca tat

80.42

ahaṃkāraśca mahatā taṃ cāpi prakṛtiḥ parā || daśottarāṇi sarvāṇi ṣaḍāhuḥ saptamaṃ ca tat

80.43

prākṛtaṃ caraṇaṃ pārtha tadanaṃtaṃ
prakīrtitam || aṃḍānāṃ tu sahasrāṇāṃ sahasrāṇyayutāni ca

80.44

īhaśānāṃ tathā cātra koṭikoṭiśatāni ca || sarvaṇyevaṃvidhānyeva yāhaśaṃ kīrtitaṃ
tvidam

80.45

yasyaivaṃ vaibhavaṃ pārtha taṃ namāmi sadāśivam || aho maṃdaḥ sa pāpātmā ko vā tasmādyacetanaḥ

80.46

ya evaṃvidhasaṃmohatārakaṃ na
śivaṃ bhajet || atha te kīrtayiṣyāmi kālamānaṃ nibodha taṃt

80.47

kāṣṭhā nimeṣā daśa paṃca cāṣṭatriṃśacca kāṣṭhā gaṇayetkalā hi || triṃśatkalā
śvāpi bhavenmuhūrttaṃ triṃśatā rājyahanī ubhe ca

80.48

divase paṃca kālāḥ syustrimuhūrtāḥ śṛṇuṣva tān || prātastataḥ saṃgavaśca madhyāhnaścāparāhṇakaḥ
ṛkḥ

80.49

sāyāhnaḥ paṃcamaścāpi muhūrtā daśa paṃca ca || ahorātrāḥ paṃcadaśa pakṣa ityabhidhīyate

80.50

māsaḥ pakṣadvayenokto dvau māsau
cārkajāvṛtuḥ || ṛtutrayaṃ cāpyayanaṃ dveyanee varṣamucyate

80.51

caturbhedaṃ māsamāhuḥ paṃcabhedaṃ ca vatsaram || saṃvatsarastu prathamo dvitīyaḥ pari
vatsaraḥ

80.52

idvatsarastṛtīyo'sau caturthaścānuvatsaraḥ || paṃcamaśca yugonāma gaṇanāniścayo hi saḥ

80.53

māsena ca manuṣyā
ṇāmahorātraṃ ca paitṛkam || kṛṣṇapakṣastvahaḥ proktaḥ śuklapakṣaśca śarvarī

80.54

mānuṣeṇa ca varṣeṇa daiviko divasaḥ smṛtaḥ || ahastatro
dagayanaṃ rātriḥ syāddakṣiṇāyanam

80.55

varṣeṇa caiva devānāṃ mataḥ saptarṣivāsaraḥ || saptarṣīṇāṃ ca varṣeṇa dhrauvaśca divasaḥ smṛtaḥ

80.56

manuṣyāṇāṃ ca varṣāṇi lakṣasaptadaśaiva tu || aṣṭāviṃśatisahasrāṇi kṛtaṃ tretāyugaṃ tataḥ

80.57

lakṣadvādaśasāhasraṣaṇṇava
tyadhikāḥ parāḥ || ardhau lakṣāścatuḥṣaṣṭisahasrāṇi ca dvāparaḥ

80.58

caturlakṣaṃ tu dvātriṃśatsahasrāṇi kaliḥ smṛtaḥ || caturbhiretairdevānāṃ
yugamityabhidhīyate

80.59

āyurmanoryugānāṃ ca sādhikā hyekasaptatiḥ || caturdaśamanūnāṃ ca kālena brahmaṇo dinam

80.60

yugānāṃ
ca sahasreṇa sa ca kalpaḥ śṛṇuṣva tān || bhavodbhavastapobhavya ṛturvahnirvarāhakaḥ

80.61

sāvitra āsikaścāpi gāṃdhāraḥ kuśikastathā
ṛṣabhaśca tathā khaḍgo gāṃdhārīyaśca madhyamaḥ

80.62

vairājaśca niṣādaśca meghavāhanapaṃcamau || citrako jñāna ākṛtirmīno daṃśaśca bṛhakaḥ

80.63

śveto lohitaraktau ca pītavāsāḥ śivaḥ prabhuḥ || sarvarūpaśca māso'yamevaṃ varṣaśatāvadhiḥ

80.64

pūrvārdhamaparārdhaṃ ca brahmamānamidaṃ smṛtam
viṣṇośca śaṃkarasyāpi nāhaṃ śakraśca varṇane

80.65

kāhamalpamatiḥ pārtha kāparo hariryaṃbakau || daivikenaiva mānena pātāleṣvapi gaṇyate

80.66

iti te sūcitaṃ buddhyā śṛṇu tatprākṛtaṃ punaḥ

80.67

iti vaidhātravyavasthitiḥ || || śrīnārada uvāca || || ṛṣabhonāma yannāmnā nānāpāṣaṃḍa
kalpanāḥ || kalau pārtha bhaviṣyaṃti lokānāṃ mohanātmikāḥ

80.68

tasya putrastu bharataḥ śataśṛṃgastu tatsutaḥ || tasya putrāṣṭakaṃ jātaṃ tathaikā
ca kumārikā

80.69

iṃdradvīpaḥ kaseruśca tāmradvīpo gabhastimān || nāgaḥ saumyaśca gāṃdharvo varuṇaśca kumārikā

80.70

vadanaṃ cāpi
kanyāyāḥ pārtha barkarikākṛti || śṛṇu tatkāraṇaṃ sarvaṃ mahāścaryasamanvitam

80.71

mahīsāgaraparyaṃtaṃ vṛkṣarājivirājite || jālīgulmalatākīrṇe
staṃbhatīrthasya saṃnidhau

80.72

ajāsamaṃjato madhyātkācidekā ca barkarī || bhrāṃtā satī samāyātā pradeśe tatra duścare

80.73

itastato bhramaṃtī
sā jālimadhye samaṃtataḥ || nirgaṃtuṃ naiva śaknoti kṣutpipāsārditā śubhā

80.74

vilagnā jālimadhye tu tataḥ paṃcatvamāgatā || kālena kiyatā
tasya truṭitvā śiraso ghraghaḥ

80.75

papāta śaṃnidarśe ca mahīsāgarasaṃgame || sarvatīrthamaye tatra sarvapāpapramocane

80.76

śirastu tadavasthaṃ
hi samathaṃ tatra saṃsthitam || jāligulmāvalagnaṃ ca tasyā naivāpatajjale

80.77

śeṣakāyaprapātena mahīsāgarasaṃgame || tattīrthasya prabhāvena barkarī
sā kurūdvaha

80.78

śataśṛṃgasya vai rājñaḥ siṃhaleṣvabhavatsutā || mukhaṃ barkarīkātulyaṃ vyaktaṃ tasyā vyajāyata

80.79

divyanārī śubhākārā śeṣa
kāye babhau śubhā || pūrvaṃ tasyāpyaputrasya rājñaḥ putraśatopamā

80.80

putrī jātā pramodena svajanānaṃdavardhinī || tatastasyā vilokyātha mukhaṃ
barkarīkākṛti

80.81

vismayaṃ samanuprāptāḥ sarve te rājapūruṣāḥ || viṣādaṃ paramāpanno rājā sāṃtaḥpurastadā

80.82

khinnāḥ prakṛtayaḥ sarvāstāha
yūpavilokanāt || tatkimityetadāścaryamūcuḥ paurāḥ suvismitāḥ

80.83

tataḥ sā yauvanaṃ prāptā sākṣāddevasutopamā || svamukhaṃ darpaṇe vīkṣya
smṛtaḥ pūrvo bhavastayā

80.84

tattīrthasya prabhāvena mātṛpitrorniveditam || viṣādo naiva kartavyo madarthe tāta niścitam

80.85

mā śokaṃ kuru me mātaḥ pūrvajanmārjitaṃ phalam || tataḥ pūrvaṃ svavṛttāṃtamuktvā sā ca kumārikā

80.86

pūrvajanmodbhavaḥ kāyasta
syā yatrāpatattathā || gamanāya tamuddeśaṃ vijñato pitarau tayā

80.87

ahaṃ tāṃta gamiṣyāmi mahīsāgarasaṃgamam || bhavāmi tatra
saṃprātā yathā kuru tathā nṛpa

80.88

tataḥ pitrā pratijñātaṃ śataśṛṃgeṇa tattathā || tasyāḥ saṃvāhanaṃ cakre rājā potaiḥ saratnakaiḥ

80.89

staṃbhatīrthaṃ tataḥ sāpi prāpya potārthasaṃyutā || bhūridānaṃ tataścake dānaṃ sarvasvalakṣaṇam

80.90

jāligulmāṃtare'nviṣya tato dṛṣṭaṃ nijaṃ śiraḥ
asthicarmāvaśeṣaṃ ca tadādāya prayatnataḥ

80.91

dagdhvā saṃgamasāṃnidhye kṣiptānyasthīni saṃgame || tatastīrthaprabhāveṇa mukhaṃ jātaṃ śaśiprabham

80.92

na tāhagdevakanyānāṃ na tāhaṅnāgayoṣitām || na tāhaṅmartyanārīṇāṃ tasyā yādṛṅmukhaṃ mukham

80.93

surāsuranarāḥ sarve tasyā
rūpeṇa mohitāḥ || bahudhā prārthayaṃtyenāṃ na sā varamabhīpsati

80.94

kaṣṭaṃ tayā mudā tatra prārabdhaṃ duścaraṃ tapaḥ || tataḥ saṃvatsare pūrṇe devadevo mahe
śvaraḥ

80.95

pratyakṣatāṃ gatastasyai varado'smīti cābravīt || tatastaṃ pūjayitvā ca kumārī vākyamabravīt

80.96

yadi tuṣṭo'si deveśa yadi
deyo varo mama || sāṃnidhyaṃ kriyatāmatra sarvakālaṃ hi śaṃkara

80.97

evamastvati śarveṇa prokte hṛṣṭā kumārikā || yatra dagdhaṃ śirastasyā barkaryāḥ
kurusattama

80.98

barkareśaḥ śivastatra tayā saṃsthāpitastadā || manmukhānmahadāścaryaṃ śrutvedaṃ ca talātalāt

80.99

svastikonāma nāgeṃdraḥ
kumārīṃ draṣṭumāgataḥ || śirasā gacchatā tena yatrotkṣiptā ca bhūrabhūt

80.100

īśāne barkareśasya kūpo'bhūtsvastikābhidhaḥ || pūrito gaṃgayā pārtha
sarvatīrthaphalapradaḥ

80.101

dṛṣṭvā ca sthāpitaṃ liṃgaṃ śivastuṣṭo varaṃ dadau || yeṣāṃ mṛtaśarīrāṇāmatra dāhaḥ prajāyate

80.102

kṣipyaṃte'thau tathā
sthīni teṣāṃ syādakṣayā gatiḥ || te svarge suciraṃ kālaṃ vasitvātra samāgatāḥ

80.103

rājānaḥ sarvasaṃpūrṇāḥ sapratāpā bhavaṃti te || barkareśaṃ ca
yo bhaktyā saṃpūjayati mānavaḥ

80.104

snātvārṇavamahītoye tasya syānmanasepsitam || kārtike ca caturdaśyāṃ kṛṣṇāyāṃ śraddhayānvitaḥ

80.105

kūpe snānaṃ naraḥ kṛtvā saṃtarpya ca pitṝndvijān || pūjayedbarkareśaṃ yaḥ sarvapāpaiḥ sa mucyate

80.106

evaṃ labdhvā varānsarvānsā punaḥ siṃhalaṃ yayau
śataśṛṅgāya pitre ca vṛttāṃtaṃ svaṃ nyavedayat

80.107

tacchrutvā vismito rājā lokāḥ sarve ca phālguna || praśaśaṃsurmahītīrthamājagmuśca kṛtādarāḥ

80.108

snātvā dattvā ca dānāni vividhāni ca te tataḥ || siṃhalaṃ ca yayurbhūyastīrthamāhātmyaharṣitāḥ

80.109

anicchaṃtyāṃ kumāryāṃ ca varaṃ
dravyaṃ ca pārthivaḥ || tathānyadapi prītyāsau yaddau nṛpatiḥ śṛṇu

80.110

idaṃ bhāratakhaṃḍaṃ ca navadhaiva vibhajya saḥ || dadyāvaṣṭau svaputrāṇāṃ kumāryai
navamaṃ tathā

80.111

teṣāṃ vibhedānvakṣyāmi parvatairupaśobhitān || putranāmāni varṣāṇi parvatāṃśca śṛṇuṣva me

80.112

mahendro malayaḥ sahyaḥ
śuktimānṛkṣaparvataḥ || viṃdhyaśca pāriyātraśca saptātra kulaparvatāḥ

80.113

mahendraparataścaiva indradvīpo nigadyate || pāriyātrasya caivārvākkhaṃḍaṃ kaumā
rikaṃ smṛtam

80.114

sahasramekamekaṃ ca sarvakhaṇḍānyamūni ca || nadīnāṃ saṃbhavaṃ cāpi saṃkṣepācchṛṇu phālguna

80.115

vedasmṛtimukhā nadyaḥ
pāriyātrodbhavā matāḥ || narmadāsarasādyāśca nadyo viṃdhyādvinirgatāḥ

80.116

śatadrūcandrabhāgādyā ṛkṣaparvatasaṃbhavāḥ || ṛṣikulyākumāryādyāḥ
śuktimatpādasaṃbhavāḥ

80.117

tāpī payoṣṇī nirviṃdhyā kāverī ca mahīnadī || kṛṣṇā veṇī bhīmarathī sahyapādodbhavāḥ smṛtāḥ

80.118

kṛtamālātāmraparṇīpramukhā malayodbhavāḥ || trisāmaṛṣyakulyādyā mahendraprabhavāḥ smṛtāḥ

80.119

evaṃ vibhajya putrebhyaḥ kumāryai ca mahī
patiḥ || śataśṛṃgo giriṃ gatvā udīcyāṃ taptavāṃstapaḥ

80.120

tatra taptvā tapo ghoraṃ brahmalokaṃ jagāma saḥ || śataśṛṃgo nṛpaśreṣṭhaḥ śa
taśrṛṃge nagottame

80.121

yatra jāto'si kauṃteya pāṃḍostvaṃ sodaraiḥ saha || kumārī ca mahābhāgā staṃbhatīrthasthitā satī

80.122

khaṃḍodvena
dravyeṇa tepe dānāni yacchatī || tataḥ kenāpi kālena bhrātṛbhyo'ṣṭabhya eva ca

80.123

mahāvīryabalotsāhā jātā nava navātmajāḥ || te sametya
samāgamya kumārīṃ procire tataḥ

80.124

kuladevī tvamasmākaṃ prasādaṃ kuru naḥ śubhe || aṣṭau khaṇḍāni cāsmākaṃ vibhajya svayameva ca || dehi
dvāsaptatīnāṃ no vibhedaḥ syādyathā na naḥ

80.125

ityuktā sarvadharmajñā vijñāne brahmaṇā samā || dvāsaptativibhedaiḥ sā nava khaṃḍānyacīkarat

80.126

teṣāṃ nāmāni grāmāṃśca pattanāni ca phālguna || velākūlāni saṃkhyāṃ ca vakṣyāmi tava tattvataḥ

80.127

koṭiścatasro grāmāṇāṃ nīvṛdāṃsīñca
maṃḍale || sārdhakoṭidvayagrāmairdeśo bālāka ucyate

80.128

sapādakoṭirgrāmāṇāṃ purasāhaṇake viduḥ || lakṣāścatvāra evāpi grāmāṇāṃmaṃdhale
smṛtāḥ

80.129

eko lakṣaśca nepāle grāmāṇāṃ parikīrtitaḥ || ṣaṭtriṃśallakṣamānaṃ tu kānyakubje prakīrtitam

80.130

dvāsaptatistathā lakṣā grāmā
gājaṇake smṛtāḥ || aṣṭādaśa tathā lakṣā grāmāṇāṃ gauḍadeśake

80.131

kāmarūpe ca grāmāṇāṃ navalakṣāḥ prakīrtitāḥ || ḍāॅhale vedasaṃjñe tu grāmāṇāṃ
navam̐lakṣakam

80.132

navaiva lakṣā grāmāṇāṃ kāṃtipure prakīrtitāḥ || navalakṣāstathā caiva mācipūre prakīrtitāḥ

80.133

oḍḍiyāṇe tathā deśe
navam̐lakṣāḥ prakīrtitāḥ || jālaṃdhare tathā deśe navalakṣāḥ prakīrtitāḥ

80.134

lohapūre tathā deśe lakṣāḥ proktā navaiva ca || grāmāṇāṃ saptalakṣaṃ ca pāṃbī
pure prakīrtitam

80.135

grāmāṇāṃ saptalakṣaṃ ca raṭarāje prakīrtitam || harīāle ca grāmāṇāṃ lakṣapaṃcakasaṃmitam

80.136

sārdhalakṣatrayaṃ proktaṃ iḍasya
viṣaye tathā || sārdhalakṣatrayaṃ proktaṃ tathāvaṃbhaṇavāhake

80.137

ekaviṃśatisāhasraṃ grāmāṇāṃ nīlapūrake || tathāmalaviṣaye pārtha grāmāṇāmekalakṣakam

80.138

nareṃdunāmadeśe tu lakṣamekaṃ sapādakam || atilāṃgaladeśe ca lakṣaḥ proktaḥ sapādakaḥ

80.139

lakṣāṣṭādaśasāhasraṃ navatī dve ca mālave
sayaṃbhare tathā deśe lakṣaḥ proktaḥ sapādakaḥ

80.140

mevāḍe ca tathā prokto lakṣaścaikaḥsapādakaḥ || aśītiśca sahasrāṇi vāyuriḥ parikīrtitaḥ

80.141

grāmasaptatisāhasro gurjarātraḥ prakīrtitaḥ || tathā saptatisāhasraḥ pāṃḍorviṣaya eva ca

80.142

jahāhutisahasrāṇi dvācatvāriṃśadeva ca
aṣṭaṣaṣṭisahasrāṇi proktaṃ kāśmīramaṃḍalam

80.143

ṣaṣṭitriṃśatsahasrāṇi grāmāṇāṃ kauṃkaṇe viduḥ || caturdaśaśataṃ dve ca viṃśatīladhrukauṃkaṇam

80.144

siṃdhuḥ sahasradaśake grāmāṇāṃ parikīrtitaḥ

80.145

caturdaśaśate dve ca viṃśatiḥ kacchamaṃḍalam || paṃcapaṃcāśatsahasraṃ grāmāḥ saurāṣṭramucyate

80.146

ekaviṃśatisāhasro lāḍadeśaḥ prakīrtitaḥ || atisiṃdhuśca grāmāṇāṃ daśasāhasra ucyate || tathā cāśvamukhaṃ pārtha daśasāhasramucyate

80.147

sahasradaśa
kaṃ cāpi ekapādaḥ prakīrtitaḥ

80.148

tathaiva daśasāhasro deśaḥ sūryamukhaḥ smṛtaḥ || ekabāhustathā deśo daśasāhasramucyate

80.149

sahasradaśakaṃ
caiva saṃjāyuriti deśakaḥ || śivanāmā tathā deśaḥ sahasradaśakaḥ smṛtaḥ || sahasrāṇi daśa khyātaṃ tathā kālahayaṃjayaḥ

80.150

liṃgodbhavastathā deśaḥ
sahasrāṇi daśaiva ca || bhadraśca devabhadraśca pratyekaṃ daśakau smṛtau

80.151

ṣaṭtriṃśacca sahasrāṇi smṛtau caṭavirāṭakau || ṣaṭtriṃśacca sahasrāṇi yamakoṭiḥ
prakīrtitā

80.152

aṣṭādaśa tathā koṭyo rāmako deśa ucyate || tomaraścāpi karṇāṭo yugalaṃśca trayastvime

80.153

sapādalakṣagrāmāṇāṃ
pratyekaṃ parikīrtitaḥ || paṃcalakṣāśca grāmāṇāṃ strīrājyaṃ parikīrtitam

80.154

puṃlastyaviṣayaścāpi daśalakṣaka ucyate || pratyekaṃ lakṣadaśakau deśau
kāṃborjakośalau

80.155

grāmāṇāṃ ca caturlakṣo bālhikaḥ parikīrtyate || ṣaṭtriṃśacca sahasrāṇi laṃkādeśaḥ prakīrtitaḥ

80.156

catuḥṣaṣṭisahasrāṇi
kurudeśaḥ prakīrtitaḥ || sārdhalakṣastathā proktaḥ kirātavijayo jayaḥ

80.157

paṃca prāhustathā lakṣānvidarbhāyāṃ ca grāmakān || caturdaśasahasrāṇi varṣa
mānaṃ prakīrtitam

80.158

sahasradaśakaṃ cāpi siṃhaladvīpamucyate || ṣaṭtriṃśacca sahasrāṇi grāmāṇāṃ pāṃḍudeśakaḥ

80.159

lakṣaikaṃ ca tathā proktaṃ
grāmāṇāṃ tu bhayāṇakam || ṣaṭṣaṣṭiṃ ca sahasrāṇi deśo māgadha ucyate

80.160

ṣaṣṭisahasrāṇi tathā grāmāṇāṃ pāṃgudeśakaḥ || triṃśatsāhasra uktaśca
grāmāṇāṃ ca vareṃdukaḥ

80.161

paṃcaviṃśatisāhasraṃ mūlasthānaṃ prakīrtitam || catvāriṃśatsahasrāṇi grāmāṇāṃ yāvanaḥ smṛtaḥ

80.162

catvāyeṃva
sahasrāṇi paiṃkṣabāhurudīryate || dvāsaptatiramī deśāḥ grāmasaṃkhyāḥ prakīrtitāḥ

80.163

evaṃ bharatakhaṃḍe'sminṣaṇṇavatyeva koṭayaḥ || dvāsaptatistathā
lakṣāḥ pattanānāṃ prakīrtitāḥ

80.164

ṣaṭtriṃśacca sahasrāṇi velākūlāni bhārata || evaṃ vibhajya khaṃḍāni ātṛvyāṇāṃ dadau nava

80.165

ātmī
yamapi sā devī anicchuṣvapi teṣu ca || yato mānyeti bhaginī prati krudhyaṃti bhrātaraḥ

80.166

bhrātṛnprati bhaginī ca vicāryaiva dadau śubhā
tatkṛtvā sānumānyaitānstaṃbhatīrthamupāgatā

80.167

tadā teṣu ca deśeṣu caturvargasya sādhanam || sarveṣāṃ pravaraṃ proktaṃ kumārīśvarameva ca

80.168

tatrāpi guptakṣetraṃ ca vedaitatsā kumārikā || guptakṣetre kumāreśaṃ pūjayaṃtī mahāvratā

80.169

tasthau hṛdeṣu snāyaṃtī ṣaṭsu caivāpi saṃgame || tataḥ kāla
prakarṣācca prāsāde skaṃdanirmite

80.170

jīrṇe navyaṃ svarṇamayaṃ prāsādaṃ sāpyakārayat || tatastuṣṭo mahādevastasyā bhaktyātitoṣitaḥ

80.171

kumāraliṃgādutthāya pratyakṣastāmavocata || bhadre tavāhaṃ bhaktyā ca vijñānena ca toṣitaḥ

80.172

jīrṇaḥ punaruddhato'yaṃ prāsādastena toṣitaḥ
tava nāmnā ca vikhyāto bhaviṣyāmi kumārike

80.173

kartā cāpi tathoddhartā dvau vai samaphalau smṛtau || kumāreśaḥ kumārīśa iti vakṣyaṃti
māṃ tataḥ

80.174

barkareśe ca ye dattā varā dattāḥ sadaiva te || tavāpi prātaḥ kālaśca samīpe varavarṇini

80.175

abhartṛkāyā nāryāśca na svargo
mokṣa eva ca || yathaiva vṛddhakanyāyāḥ sarasvatyāstaṭe śubhe

80.176

tasmāttvamatra tīrthe ca mahākālamiti smṛtam || siddhiṃ gataṃ vṛṇu bhadre patitve
varavarṇini

80.177

tataḥ sā rudravākyena varayāmāsa taṃ patim || rudralokaṃ yayau cāpi mahākālasamanvitā

80.178

tatra tāṃ pārvatī prāha
samāliṃgya praharṣitā || yasmāttvayā citravacca likhitā pṛthivī śubhe

80.179

citralekhetināmnā tvaṃ tasmādva sakhī mama || tataḥ sakhī sama
bhavaccitralekheti sā śubhā

80.180

yatāniruddhaḥ kathita upāyaḥ patiruttamaḥ || yoginīnāṃ variṣṭhā yā mahākālasya vallabhā

80.181

apsu
sā vārṣikaṃ biṃduṃ pūrṇaṃ varṣaśate tapau || tapaścaraṃtī tasmātsā procyate cāpsarā divi

80.182

evaṃvidhā kumārī sā liṃgametaddhi phālguna
sthāpayāmāsa śivadaṃ varkareśvarasaṃjñitam

80.183

tasmādatra nṛṇāṃ dāhaścāsthikṣepaśca bhārata || prayāgādadhikau proktau maheśasya vaco yathā

80.183.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe barkareśvaramāhātmyavarṇanaṃnāmaikonacatvā riṃśo'dhyāyaḥ

Linked texts (7)