Pramāṇa · Search · About · API

Vaishnavakhanda 85

Vaiṣṇavakhaṇḍa 85

Language
Sanskrit

Contents

85.1

cha || || || śrīnārada
uvāca || || tato'haṃ pārtha bhūyo'pi janānugrahakāmyayā || pratyakṣadevaṃ mārtaṇḍamarcanetumiyeṣa ha

85.2

sarveṣāṃ prāṇināṃ yasmāddurdapo bhagavānraviḥ
ihāmutra ca kauṃteya viśvoddhārī ravirmataḥ

85.3

ye smaraṃti raviṃ bhaktyā kīrtayaṃti ca ye narāḥ || pūjayaṃti ca ye nityaṃ kṛtārthāste na saṃśayaḥ

85.4

sūryabhaktiparā ye ca nityaṃ tadgatamānasāḥ || ye smaraṃti sadā sūryaṃ na te duḥkhasya bhājinaḥ

85.5

bhavanāni manojñāni vividhābharaṇāḥ striyaḥ
dhanaṃ cāddaṣṭaparyaṃtaṃ sūryapūjāvidheḥ phalam

85.6

durlabhā bhaktiḥ sūrye vā durlabhaṃ tasya cārcanam || dānaṃ ca durlabhaṃ tasmai tato homaśca durlabhaḥ

85.7

namaskārādisaṃyuktaṃ ravirityakṣaradvayam || jihvāgre vartate yasya saphalaṃ tasya jīvitam

85.8

ityahaṃ hṛdi saṃciṃtya māhātmyaṃ ravijaṃ mahat || pūrṇaṃ
varṣaśataṃ pārtha ravi bhaktyā hyatoṣayam

85.9

japena suviśuddhena cchandasāṃ vāyubhojanaḥ || tataḥ khādvitīyāṃ mūrtiṃ kṛtvā yogabalādvibhuḥ

85.10

tejasā durdṛśo bhāsvānpratyakṣaḥ samajāyata

85.11

tamahaṃ prāṃjalirbhūtvā namaskṛtya raviṃ prabhum || sāmabhirvividhairdevaṃ paryatoṣayamīśvaram

85.12

tuṣṭo māmāha varado devarṣe suciraṃ tvayā || tapasārādhito'smīti varaṃ vṛṇu yathepsitam

85.13

ityukto'haṃ lokanāthaṃ prāṃjaliḥ prāstuvaṃ vacaḥ
yadi tuṣṭo bhavānmahyaṃ yadi deyo varo mama

85.14

tataste kāmarūpe yā kalā nātha pravartate || rājavardhanarājā yā''rādhitā ca janaiḥ purā

85.15

tayā ca kalayā bhāno sadātra sthātumarhasi || tatastatheti devena prokte tuṣṭena bhārata

85.16

asthāpayamahaṃ sūryaṃ bhaiṃṭṭādityābhidhānakam || bhaṭṭena
sthāpitaṃ yasmānmayā tasmādvijaṃgo

85.17

tataḥ saṃpūjya taṃ puṣpaiḥ kṛtāveśamahaṃ ravim || bhaktyudrekāplutāṃgo'tha stutimetāmathācaram

85.18

sarvavedarahasyaiśca nāmabhiśca śatāṣṭabhiḥ || saptasaptiracityātmā mahākāruṇikottamaḥ

85.19

saṃjīvano jayo jīvo jīvanātho jagatpatiḥ
kālāśrayaḥ kālakartā mahāyogī mahāmatiḥ

85.20

bhūtāṃtakaraṇo devaḥ kamalānandanandanaḥ || sahasrapācca varado divyakuṇḍalamaṇḍitaḥ

85.21

dharmapriyocitātmā ca savitā vāyuvāhanaḥ || ādityo'krodhanaḥ sūryo raśmimālī vibhāvasuḥ

85.22

dinakṛddinahṛnmaunī suratho
rathināṃvaraḥ || rājñīpatiḥ svarṇaretāḥ pūṣā tvaṣṭā dviākaraḥ

85.23

ākāśatilako dhātā saṃvibhāgī manoharaḥ || prājñaḥ prajāpatirdhanyo viṣṇuḥ
śrīśo bhiṣagvaraḥ

85.24

ālokakṛcchokanātho lokapālanamaskṛtaḥ || viditāśayaśca sunayo mahātmā bhaktavatsalaḥ

85.25

kīrtiṃkīrtikaro
nityo rociṣṇuḥ kalmaṣāpahaḥ || jitānando mahāvīryo haṃsaḥ saṃhārakārakaḥ

85.26

kṛtakṛtyaḥ susaṃgaśca bahujño vacasāṃ patiḥ || viśvapūjyo
mṛtyuhārī ghṛṇī dharmasya kāraṇam

85.27

praṇatārtiharo'rogaḥ āyuṣmānsukhadaḥ sukhī || maṅgalaṃ puṇḍarīkākṣo vratī vrataphalapradaḥ

85.28

śuciḥ
pūrṇo mokṣamārgadātā bhoktā maheśvaraḥ || dhanvaṃtāriḥ priyābhāṣī dhanurvedavidekarāṭ

85.29

jagatpitā dhūmaketurvidhūto dhvāṃtahā guruḥ
gopatiśca kṛtātithyaḥ śubhācāraḥ śucipriyaḥ

85.30

sāmapriyo lokabandhurnaikarūpo yugādikṛt || dharmaseturlokasākṣī kheṭakaḥ sarvadaḥ
prabhuḥ

85.31

mayaivaṃ saṃstuto bhānurnāmnāmaṣṭaśatena ca || tuṣyatāṃ sarvalokānāṃ sarvalokapriyo vibhuḥ

85.32

ityevaṃ saṃstavātprīto bhāskaro
māmavocata || sadātra kalayā sthāsye devarṣe tvatpriyepsayā

85.33

yo māmatra mahābhaktyā caidyādityaṃ prapūjayet || sahasraśaḥ kā
marūpe saṃpūjyāpnoti tatphalam

85.34

māmuddiśya ca yo vipraḥ svalpaṃ vā yadi vā bahu || dāsyate'trākṣayaṃ tacca grahīṣye karajaṃ yathā

85.35

rakto
tpalaiśca kahlāraiḥ kesaraiḥ karavīrakaiḥ || śatatrayairmahāpadmai ravivāreṇa mānavaḥ

85.36

saptamyāmatha ṣaṣṭhyāṃ vā ye'rcayiṣyaṃti māmiha || yānyānprārtha
yate kāmāṃstāṃstānprāpsyati niścitam

85.37

darśanānnama bhaktyā ca nāśo vyādhidaridrayoḥ || praṇāmātsvargamāpnoti śrutvā mokṣaṃ ca nityaśaḥ

85.38

abhaktiṃ yaśca kartā me sa gacchenniścitaṃ kṣayam || aṣṭottaraśataṃ nāma mamāgre yattvayeritam

85.39

trikālamekakālaṃ vā paṭhataḥ śṛṇu
yatphalam || kīrtimānsubhago vidvānsusukhī priyadarśanaḥ

85.40

bhavedvarṣaśatāyuśca sarvarogavivarjitaḥ || yastvidaṃ śṛṇuyānnityaṃ paṭhedvā prayataḥ
śuciḥ

85.41

akṣayaṃ svalpamapyannaṃ bhavettasyopasādhitam || vijayī ca bhavennityaṃ tathā jātismaro bhavet

85.42

tasmādetattvayā jāpyaṃ paraṃ
svastyayanaṃ mahat || tathā mamāgre kuṃḍaṃ ca kuru snānārthamuttamam

85.43

kāmarūpakalā yatra tatra kuṃḍaṃ vane bhavet || evaṃ dattvā varānbhānustatraivāṃ
taradhīyata

85.44

tato bhāskaravākyena siddheśasya ca savyataḥ || vanamadhye mayā kuṃḍaṃ kṛtaṃ darbhaśalākayā

85.45

kāmarūpabhavaṃ kuṃḍaṃ vṛkṣāste
cāṃpi bhārata || saṃlīnāstanmahāścaryaṃ mamājāyata cetasi

85.46

māghamāsasya śuklāyāṃ saptamyāṃ strī naro'pi vā || snānaṃ kuṃḍe śubhaṃ kṛtvā
bhahnādityaṃ prapaśyati

85.47

tasyānaṃtaṃ bhavetpuṇyaṃ rathaṃ yaśca prapūjayet || rathayātrāṃ ca kurute yasminyasminnasau pathi

85.48

ye ca paśyaṃti
lokāste dhanyāḥ sarve na saṃśayaḥ || putradhānyadhanairyuktā nīrujastejasā'nvitāḥ

85.49

bhaviṣyaṃti narāste ye kārayaṃti rathotsavam || gaṃgādisarva
tīrtheṣu yatphalaṃ kīrtitaṃ budhaiḥ

85.50

bham̐hādityasya kuṃḍe ca tatphalaṃ saptamīdine || tatra kuṃḍe ca yaḥ snātvā sūryāyārghyaṃ prayacchati || kapilāgośa
tasyāsau dattasya phalamaśnute

85.51

arjuna uvāca || || vāsudevādayaḥ sarve vadaṃtyevaṃ mahāmune

85.52

bhāskarārghaṃ vinā prātaḥ kṛtaṃ sarvaṃ ca
niṣphalam || tasyāhaṃ śrotumicchāmi vidhiṃ vidhividāṃ vara

85.53

nārada uvāca || || yathā brahmādayo devā yacchaṃtyarghaṃ mahātmane
bhāskarāya śṛṇu tvaṃ taṃ vidhiṃ sarvāghanāśanam

85.54

prathamaṃ tāvatpratyūṣe udite sūrye śucirbhūtvā gomayakṛtamaṃḍalasyopari raktacaṃdanena maṃḍalakaṃ
kṛtvā tatastāmrapātre raktacaṃdanodakaśvetacaṃdanādidravyaiḥ prapūraṇaṃ kṛtvā tanmadhye hemākṣatadūrvādadhisarpīṃṣi parikṣipya sthāpayet

85.56

svaśarīramāla
bhet anena maṃtreṇa || oṃ khakholkāya namaḥ || saptavārānuccārya sthātavyam || tena śuddhirupasaṃjāyate dehasyārcāītā bhavati || paścādāsanasthaṃ devaṃ
savitāraṃ maṃḍalamadhye dvādaśātmakaṃ surādibhiḥ saṃpūjyamānaṃ dhyātvā pūrvoktamarghapātraṃ śirasi kṛtvā bhūmau jānunī nipātya sūryābhimukhastadgatamanā
bhūtvārghamaṃtramudāharet || taducyate sūryavaktrādvinirgatamiti

85.56-2

yasyoccāraṇaśabdena rathaṃ saṃsthāpya bhāskaraḥ || pratigṛhṇāti caivārghyaṃ
varamiṣṭaṃ ca yacchati

85.57

oṃyasyāhuḥ sapta.cchaṃdāṃsi rathe tiṣṭhaṃti vājinaḥ || aruṇaḥ sārathiryasya rathavāho'yataḥ sthitaḥ

85.58

jayā ca vijayā caiva jayaṃtī pāpanāśanī || iḍā ca piṃgalā caiva vahaṃto'śvamukhāstathā

85.59

ḍiṃḍiśca śeṣanāgaśca gaṇādhyakṣastathaiva ca
skaṃdarevaṃtatākryāśca tathā kalmāṣapakṣiṇau

85.60

rājñī ca nikṣubhā devī lalitā caiva saṃjñikā || tathā yajñabhujo devā ye cānye
parikīrtitāḥ

85.61

ebhiḥ parivṛto yo'sāvadharottaravāsibhiḥ || tamahaṃ lokakartāramāhvayāmi tamopaham

85.62

ammayo bhagavānbhā
nurasuṃ yajñaṃ pravartayan || idamarghyaṃ ca pādyaṃ ca pragṛhāṇa namonamaḥ

85.63

āvāhanam || sahasrakiraṇa varada jīvanarūpa te namaḥ
iti sāṃnidhyakaraṇam || oṃvaṣaṭ ityuccārya sūryasya caraṇayugalaṃ paśyan bhuvi padbhyāṃ pātrīṃ nirvāpayet pādyaṃ taducyate || evaṃ pādyaṃ dattvā baddhā
jaliḥ susvāgatamiti kuryāt || svāgataṃ bhagavannehi mama prasādaṃ vidhāya āsyatām || iha gṛhāṇa pūjāṃ ca prasādaṃ ca dhiyā kuru || tiṣṭha tvaṃ
tāvadeva yāvatpūjāṃ karomyaham

85.64

evaṃ vijñāpanaṃ dadyādanena maṃtreṇa kamalāsanam || tatkamalāsanaṃ kamalanaṃdana upāviśati || āsana
upaviṣṭasya śeṣāṃ pūjāṃ niyojayet anena vidhānena || oṃsomasūrtikṣīrodapataye namaḥ || iti kṣīrādisnapanam || oṃbhāskarāya nīrava.sine
namaḥ || iti jalasnānam || tato vāsoyugaṃ śubhraṃ dadyāt anena maṃtreṇa || idaṃ vāsoyugaṃ sūrya gṛhāṇa kṛpayā mama || kaṭibhūṣaṇamekaṃ te
dvitīyaṃ cāṃgaprāvaraṇam

85.65

tato yajñopavītaṃ dadyāt anena maṃtreṇa || sūtrataṃtumayaṃ śuddhaṃ pavitramidamuttamam || yajñopavītaṃ deveśa pragṛhāṇa
namo'stu te

85.66

tato yathāśakti śvetamukuṭamudrikādibhūṣaṇāni dadyāt anena maṃtreṇa || mukuṭo ratnanaddho'yaṃ mudrikāṃ bhūṣaṇāni ca || alaṃ
kāraṃ gṛhāṇemaṃ mayā bhaktyā samarpitam

85.67

evamalaṃkāraṃ nivedya paścātkeśarakuṃkumakarpūraraktacaṃdanamiśramanulepanaṃ dadyāt

85.68

oṃ tavātipriya
vṛkṣāṇāṃ raso'yaṃ tigmadīdhite || sa tavaivocitaḥ svāmingṛhāṇa kṛpayā mama

85.69

tataścaṃpakajapākaravīrakarṇakakesarakokanadādibhiḥ pūjāṃ
kuryāt

85.70

oṃvanaspatiraso divyo gaṃdhāḍhyo gaṃdha uttamaḥ || āhāraḥ sarvadevānāṃ dhūpo'yaṃ pratigṛhyatām

85.71

śallakīdhūṃpamaṃtraḥ || tataḥ
pāyasādiniṣpannaṃ naivedyaṃ nivedayedanena maṃtreṇa || naivedyamamṛtaṃ sarvabhūtānāṃ prāṇavardhanam || pūrṇapātre mayā dattaṃ pratigṛhṇa prasīda me

85.72

tataḥ
śaucodakatāṃbūladīpārtikaśītalikāpunaḥpūjādi nivedya yathāśaktyā stutvā sukṛtaṃ duṣkṛtaṃ vā kṣamasveti procya visarjayet || tato bhūyo
namasya hemavastropavītālaṃkārān brāhmaṇāya nivedya nirmālyaṃ saṃhatyāṃbhasi nikṣipet

85.73

ityarghyadānavidhiḥ || ya evaṃ bhāskarāyārghyaṃ mūrtau
maṃḍalake'pi vā || nityaṃ nivedayetprātaḥ syādverātmavatpriyaḥ

85.74

anena vidhinā karṇo bhāskarārghyaṃ prayacchati || tataḥ sūryasya pārthāsāvātma
vadvrahbho mataḥ

85.75

aśaktaścennityamekamarghyaṃ dadyādivākṛte || tato'tra rathasaptamyāṃ kuṃḍe deyaḥ prayatnataḥ

85.76

aśvamedhaphalaṃ prāpya sūryaloka
mavāpnuyāt || tasmātsarvaprayatnena dātavyo'rgho'tra bhārata

85.77

evaṃvidhastvasau devo bhaṭṭādityo'tra tiṣṭhati || bhūyānato'pi bahuśaḥ pāpahā dharma
vardhanaḥ

85.78

divyamaṣṭavidhaṃ cātra sadyaḥ pratyayakārakam || pāpānāṃ copasuktaṃ hi yathā pārtha halāhalam

85.78.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe sāgarasaṃgame bhaṭṭādityamāhātmyavarṇanaṃnāma tricatvāriṃśo'dhyāyaḥ

Linked texts (5)