Vaishnavakhanda 94
Vaiṣṇavakhaṇḍa 94
- Language
- Sanskrit
Contents
- 94.47 — 1 part
94.1
arjuna uvāca || || koṭitīrthaṃ kathaṃ jātaṃ kena vā nirmitaṃ mune
kasmādvā koṭitīrthānāṃ phalamatrocyate mune
94.2
nārada uvāca || || yadā me sthāpitaṃ sthānaṃ prasādyātha mayā prabhuḥ || brahmalokātsamā
nītaḥ sākṣādbrahmā pitāmahaḥ
94.3
tato madhyāhnasamaye snānārthe bhagavānvidhiḥ || smasāra koṭitīrthānāṃ smṛtānyatrāgatāni ca
94.4
svargātri
daśalakṣāṇi saptatiśca mahītalāt || pātālādviṃśalakṣāṇi smṛtānyabhyāgatāni ca
94.5
anena pravibhāgena liṃgānyapi kurūdvaha || āyātāni
yathā pūjāṃ vidadhāti pitāmahaḥ
94.6
tato'bhiṣecanaṃ kṛtvā liṃgānyabhyarcya padmabhūḥ || madhyāhnakṛtyaṃ saṃsādhya mama premṇā varaṃ dadau
94.7
tato
bhagavatā hyatra manasā nirmitaṃ saraḥ || bhagavānarcitastīrthairidamūce prajāpatiḥ
94.8
kiṃ kurma bhagavanghātarādeśaṃ dehi naḥ prabho || teṣāṃ tadvacanaṃ śrutvā
brahmā prāha prajāpatiḥ
94.9
etasminsarasi stheyaṃ tīrthaiḥ sarvairathātra ca || ekasmiśca tathā liṃge sarvaliṃgairsamārcanāt
94.10
koṭīnāmeva tīrthānāṃ
liṃgānāṃ snānapūjayā || dānena ca phalaṃ tvatra yadi satyaṃ vaco mama
94.11
yaḥ śrāddhaṃ kurute cātra piṃḍadānaṃ yathāvidhi || pitṛṇāmakṣayā tṛptiḥ
jāyate nātra saṃśayaḥ
94.12
snātvā yo'bhyarcayeddevaṃ koṭīśvaramananyadhīḥ || koṭiliṃgārcanaphalaṃ vyaktaṃ tasyopajāyate
94.13
tralokye yāni
tīrthāni gaṃgādyāḥ saritastathā || teṣāṃ sa phalamāpnoti koṭitīrthāvagāhanāt
94.14
evaṃ dattvā varaṃ brahmā brahmalokaṃ yayā prabhuḥ || koṭitīrthaṃ ca
saṃjātaṃ tataḥ prabhṛti viśrutam
94.15
asya tīre purā pārtha brahmādyairdevasattamaiḥ || yajñānbahuvidhānkṛtvā tataḥ siddhiṃ parāṃ yayuḥ
94.16
vasiṣṭhādyairmunivaraistapaścīrṇaṃ purānagha || manaso'bhīpsitānkāmānprāpuranye tapodhanāḥ
94.17
atra tīrthe purā pārtha atriṇā vihitaṃ tapaḥ || koṭitīrthāddakṣiṇataḥ
sthāpitaṃ liṃgamuttamam
94.18
atrīśvarābhisaṃjñaṃ tu mahāpāpaharaṃ param || sthāpayitvā ca talliṃgamagre cakre sarovaram
94.19
tatra snātvā ca yo
martyaḥ śrāddhaṃ kuryātprayatnataḥ || atrīśvaraṃ samabhyarcya rudraloke vasecciram
94.20
bharadvājena muninā koṭitīrthe sarovare || tapaścīrṇaṃ mahābāho yajñāśca
vihitāḥ kila
94.21
bharadvājeśvaraṃ liṃgaṃ sthāpitaṃ sumanoharam || tatra kṛtvā saro ramyaṃ parāṃ mudamavāptavān
94.22
tatra snātvā naro
bhaktyā śrāddhaṃ kuryādvidhānataḥ || bharadvājeśvaraṃ pūjya śivaloke mahīyate
94.23
tataśca koṭitīrthe'smingautamo bhagavānṛṣiḥ || atapyata
tapo ghoramahalyāsaṃgamāśayā
94.24
taṃ kāmaṃ prāptavāndhīmānparāṃ mudamupāgataḥ || ahalyayā samāyogametattīrthaprabhāvataḥ
94.25
asminkṣetre mahāliṃgaṃ gautameśvarasaṃjñitam || sthāpayāmāsa bhagavānahalyāsarasastaṭe
94.26
arjuna uvāca || || ahalyayā kadā
brahmankhānitaṃ vai mahatsaraḥ || tanmama brūhi sakalamahalyāsaraḥkāraṇam
94.27
nārada uvāca || || ahalyā śāpamāpannā gautamāttkila
phālguna || purā ceṃdrasamāyoge paraṃ duḥkhamupāgatā
94.28
tato duḥkhārtaḥ sa muniḥ koṭitīrthe'karottapaḥ || tapasā tena vai pārthāhalyayā saha
saṃgataḥ
94.29
tataḥ sādhvī paraṃ hṛṣṭā atra kṣetre sarovaram || cakāra sumahatpuṇyaṃ tīrthodaiḥ paripūritam
94.30
ahalyāsarasi snānaṃ piṃḍadānaṃ
samācaret || gautameśaṃ ca saṃpūjya brahmalokaṃ sa gacchati
94.31
koṭitīrthe naraśreṣṭha aneke munayo'malāḥ || tapastaptvā sughoraṃ ca parāṃ siddhimu
pāgatāḥ
94.32
rājabhirbahubhiḥ pūrvaṃ tapo dānaṃ tathādhvarāḥ || asmiṃstīrthe suvihitāḥ parāṃ siddhimupāgatāḥ
94.33
asyai tīre dvijaṃ caikaṃ snṛṣṭvā
brairyaśca tarpayet || tena śraddhāsahāyena koṭirbhavati tarpitā
94.34
asya tīre naraḥ pārtha ratnāni vividhāni ca || gobhūmitiladhānyāni vāsāṃsi
vividhāni ca
94.35
śraddhayā parayā pārtha dvijebhyaḥ saṃprayacchati || śatakoṭiguṇaṃ puṇyaṃ koṭitīrthaprabhāvataḥ || koṭitīrthe pratiśrutya dvijebhyo
na prayacchati
94.36
narake pātayitvā ca kulamekottaraṃ śatam || ātmānaṃ pātayetpaścāddāruṇaṃ rauravaṃ mahat
94.37
māghamāse tu saṃprāpte
prātaḥkāle tathā'male || yaḥ snāti makarāditye tasya puṇyaṃ śṛṇuṣva me
94.38
sarvatīrtheṣu yatpuṇyaṃ sarvayajñeṣu yatphalam || sarvadānavratairyacca koṭi
tīrthe dinedine
94.39
tatpuṇyaṃ labhate martyo nātra kāryā vicāraṇā || kanyāgate savitāri yaḥ śrāddhaṃ kurute naraḥ
94.40
pitarastasya
tuṣyaṃti gayāśrāddhaśatairna tu || kārtiṃke māsi saṃprāpte snānādi kurute yadi
94.41
tadakṣayaphalaṃ sarvaṃ brahmaṇo vacanaṃ yathā || iṅgātra yajñamekaṃ
tu koṭiyajñaphalaṃ labhet
94.42
kanyāṃ brāhmeṇa vidhinā dattvā koṭiguṇaṃ phalam || sarvadānaṃ koṭiguṇaṃ koṭitīrtheṃ bhavedyataḥ
94.43
koṭi
tīrthe tyajetprāṇānhadi kṛtvā tu mādhavam || tasya pārtha ciraṃ svarge hrakṣayā śāśvatī gatiḥ
94.44
koṭitīrthe tīrthavare dehatyāgaṃ karoti yaḥ
tasya pūjāṃ prakurvaṃti brahmādyā devatāgaṇāḥ
94.45
asya tīre dehadāho yasya kasya prajāyate ||asthikṣepo yasya bhavenmahīsāgarasaṃgame
94.46
tatphalaṃ gadituṃ pārtha vāgīśo'pi na vai kṣamaḥ || etajjñātvā paraṃ pārtha koṭitīrthaṃ prasevate
94.47
dinedine phalaṃ tasya kāṃpilaṃ gosahasrakam
svarge martye ca pātāle tasmādetatsudurlabham
94.47.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe koṭitīrthamāhātmyavarṇanaṃnāma dvipañcāśattamo'dhyāyaḥ
Linked texts (5)
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit