Vaishnavakhanda 95
Vaiṣṇavakhaṇḍa 95
- Language
- Sanskrit
Contents
- 95.38 — 1 part
95.1
nārada uvāca || || athānyatsaṃpravakṣyāmi śālāmāhātmya
muttamam || saṃsthāpite purā sthāne proktohaṃ dvijapuṃgavaiḥ
95.2
sthānasya rakṣaṇārthāya upāyaṃ kuru suvrata || tato mayā pratijñātaṃ kariṣye sthāna
rakṣaṇam
95.3
ārādhitā mayā paścādbrahmaviṣṇumaheśvarāḥ || trayastvekāgracittena tatastuṣṭāḥ surottamāḥ
95.4
samāgamyātha māṃ procurnārada
priyatāṃ varaḥ || proktaṃ tānārcya ca mayā kriyatāṃ sthānarakṣaṇam
95.5
ayameva varo mahyaṃ deyo devaiḥ pratoṣitaiḥ || sthānalopo yathā na syādyathā
kīrtirbhavennama
95.6
evamastviti deveśaiḥ pratijñātaṃ tadā mune || svāṃśena prakariṣyāma dvijānāṃ tava rakṣaṇam
95.7
evamuktā kalā muktā devai
tripuruṣaiḥ svayam || aṃtardhānaṃ tataḥ prātāḥ sarve'pi surasattamāḥ
95.8
tato mayā dvijaiḥ sārdhaṃ śālāgre sthānarakṣaṇam || sthāpi
tāśca pṛthagdevāñyatribhuvaneśvarāḥ
95.9
pīḍyamānā yadā viprāḥ kenāpi ca bhavaṃti hi || pūrvāhne cāpi ṛgvedaṃ madhyāhne ca yajūṃṣyatha
95.10
yāme tṛtīye sāmāni tārasvaramadhītya ca || śāpaṃ yasya pradāsyaṃti śālāgre bhṛśaroṣitāḥ
95.11
saptāhādvarṣamadhyādvā
trivarpādvasmatāṃ vrajet || pratijñātā sthānarakṣā yadi vo' nāradāgrataḥ
95.12
satyena tena no vairī bhasmībhavatu ha kṣaṇāt || anena śāpa
maṃtreṇa bhasmībhavati niścitam
95.13
śālāṃ tripuruṣāṃ tatra yaḥ paśyati dinedine || arcayettoṣayeccāsau svargaloke mahīyate
95.14
iti tripuruṣaśālāmāhātmyam || || nārada uvāca || || athānyatsaṃpravakṣyāmi madīyasaraso mahat
95.19
māhātmyamatulaṃ pārtha devānā
mapi durlabham || mayā pūrvaṃ saraḥ khātaṃ darbhāṅkuraśalākayā
95.16
mṛttikā tāmrapātreṇa tyaktā bāhye tataḥ svayam || sarveṣāmeva tīrthānāmāhatyodaka
muttamam
95.17
tattra sarasi kṣiptaṃ tena saṃpūritaṃ saraḥ || āśvine māsi saṃprāpte bhānuvāre naraḥ śuciḥ
95.18
śrāddhaṃ yaḥ kurute tatra snātvā
dānaṃ viśeṣataḥ || pitarastasya tṛpyaṃti yāvadābhūtasaṃplavam
95.19-2
nāradīyaṃ saro hyetadkhyātaṃ jagatītale || mahatā puṇyayogena devairapi hi
labhyate
95.20
yadatra dīyate dānaṃ hūyate yacca pāvake || sarvaṃ tadakṣayaṃ vidyājjapānaśanasādhanāt
95.21
nāradīye saraḥśreṣṭhe snātvā yo nāradeśva
ram || pūjayecchraddhayā martyaḥ sarvapāpaiḥ pramucyate
95.22
atra tīrthe purā pārtha sarvanāgaistapaḥ kṛtam || kadrūśāpasya mokṣārthamātmano hitakā
myayā
95.23
tataḥ siddhiṃ parāṃ prāptā etattīrthaprabhāvataḥ || tato nāgeśvaraṃ liṃgaṃ sthāpayāmāsurarjitam
95.24
nāradāduttare bhāge sarve nāgāḥ
praharṣitāḥ || nāradīye saraḥśreṣṭhe yaḥ snātvā pūjayeddharam
95.25
nāgeśvaraṃ mahābhaktyā tasya puṇyamanantakam || teṣāṃ sarpabhayaṃ nāsti nāgānāṃ vacanaṃ
yathā
95.26
iti nāradīyasaromāhātmyam || || nārada uvāca || || aparadvārakānāma devī cātrāsti pāṃḍava
95.27
sā ca brahmāṇḍadvāre vai
sadaiva vihitālayā || caturviṃśatikoṭībhirdevībhiḥ parirakṣitā
95.28
tato dīrghaṃ tapastaptvā mayānītātra toṣitā || aparasmiṃstato dvāre sthāḥ
pitā parameśvarī
95.29
pūrvasminnagaradvāre sthāpitā dvāravāsinī || navamī caitramāsasya kṛṣṇapakṣe bhavettu yā
95.30
kuṇḍe snānaṃ naraḥ kṛtvā tāṃ
ca devīṃ prapūjayet || balibākulanaivedyairgandhadhūpādipūjanaiḥ
95.31
saptajanmakṛtaṃ pāpaṃ nāśamāyāti tatkṣaṇāt || yānyānprārthayate kāmāṃstāṃstānāpnoti mānavaḥ
95.32
vandhyā ca labhate putraṃ snānamātreṇa tatra vai || navamyāṃ caitramāsasya puṣpadhūpārghyapūjayā
95.33
vighnāni nāśayeddevī sarvasiddhiṃ prayacchati || bhaktānāṃ tatkṣaṇādeva satyametanna saṃśayaḥ
95.34
uttaradvārakāṃ cāpi pūjyaivaṃ vidhivannaraḥ || etadeva phalaṃ sopi prāpnuyānmānavottamaḥ
95.35
pūrvadvāre tu vai devī yā sthitā dvāravāsinī || tasyāḥ pūjanamātreṇa prāpnuyādvāṃchitaṃ phalam
95.36
āśvine māsi saṃprāpte nava rātre viśeṣataḥ || upoṣya navarātraṃ ca snātvā kuṇḍe samāhitaḥ
95.37
pūjayeddevatāṃ bhaktyā puṣpadhūpānnatarpaṇaiḥ || aputro labhate putrānnirdhano labhate dhanam
95.38
vandhyā prasūyate pārtha nātra kāryā vicāraṇā
95.38.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvara khaṇḍe kaumārikākhaṃḍe koṭitīrthādimāhātmyavarṇananāma tripaṃcāśattamo'dhyāyaḥ
Linked texts (6)
- Skandamahāpurāṇa (vulgate) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Jayasīṃhakalpadruma — Ratnākara 1688, Sanskrit