Vaishnavakhanda 97
Vaiṣṇavakhaṇḍa 97
- Language
- Sanskrit
Contents
- 97.146 — 1 part
97.1
cha || || sūta uvāca || || iti bābhravyavacanamākarṇya kuruna
ndanaḥ || praṇamannāradaṃ bhaktyā vismitaḥ pulakānvitaḥ
97.2
praśasya ca ciraṃ kālaṃ punarnāradamabravīt
97.3
guptakṣetrasya māhātmyaṃ śṛṇvānastva
nmukhānmune || tṛptiṃ naivādhigacchāmi bhūyastadvaktumarhasi
97.4
nārada uvāca || || mahāliṃgasya vakṣyāmi mahimānaṃ kurūdvaha || gautameśvara
liṃgasya sāvadhānaḥ śṛṇuṣva tat
97.5
akṣapādo mahāyogī gautamākhyo'bhavanmuniḥ || godāvarīsamānetā ahalyāyāḥ patiḥ prabhuḥ
97.6
gupta
kṣetrasya māhātmyaṃ sa ca jñātvā mahottamam || yogasaṃsādhanaṃ kurvannatra tepe tapo mahat
97.7
yogasiddhiṃ tataḥ prāpya gautamena mahātmanā || atra
saṃsthāpitaṃ liṃgaṃ gautameśvarasaṃjñayā
97.8
saṃsthāpyaitanmahāliṃgaṃ candanena vilipya ca || saṃpūjya puṣpairvividhairguggulaṃ dāhayetpuraḥ || sarvapāpavinirmukto
rudraloke mahīyate
97.9
arjuna uvāca || || yogasvarūpamicchāmi śrotuṃ nārada tattvataḥ || yo sarve praśaṃsaṃti yataḥ sarvottamottamam
97.10
nārada uvāca || || samāsāttava vakṣyāmi yogatattvaṃ kurūdvaha || śravaṇādapi yasya syātsevanātkimu
97.11
cittavṛttinirodhākhyaṃ yogatattvaṃ prakīrtyate || tadaṣṭāṃgaprakāreṇa sādhayaṃtīha yoginaḥ
97.12
yanna ... tṛtīyakaḥ
pratyāhāro dhāraṇā ca dhyeyaṃ dhyānaṃ ca saptamam
97.13
samādhiriti cāṣṭāṃgo yogaḥ saṃparikīrtitaḥ || pratyekaṃ lakṣaṇaṃ teṣāmaṣṭānāṃ śṛṇu pāṃḍava
97.14
anukramānnaro yeṣāṃ sādhanādyogamaśnute || ahiṃsā satyamasteyaṃ brahmacaryāparigrahau
97.15
ete paṃca yamāḥ proktāḥ śṛṇveṣāmapi lakṣaṇam
ātmavatsarvabhūteṣu yo hitāya pravartate
97.16
ahiṃsaiṣā samākhyātā vedasaṃvihitā ca yā || dṛṣṭaṃ śrutaṃ cānumitaṃ svānubhūtaṃ yathārthataḥ
97.17
kathanaṃ satyamityuktaṃ parapīḍāvivarjitam || anādānaṃ parasvānāmāpadyapi kathaṃcana
97.18
manasā karmaṇā vācā tadasteyaṃ prakīrtitam
amaithunaṃ yatīnāṃ ca manovākkāyakarmabhiḥ
97.19
ṛtau svadāragamanaṃ gehināṃ brahmacaryatā || yatīnāṃ sarvasaṃnyāso manovākkāyakarmaṇā
97.20
gṛhasthānāṃ ca manasā smṛta eṣo'parigrahaḥ || ete yamāstava proktāḥ paṃcaiva niyamāñchṛṇu
97.21
śaucaṃ tuṣṭistapaścaiva japo bhaktirgurostathā || eteṣāmapi paṃcānāṃ pṛthaksaṃśṛṇu lakṣaṇam
97.22
bāhyamābhyaṃtaraṃ caiva dvividhaṃ śaucamucyate || bāhyaṃ tu mṛjjalaiḥ proktamāṃtaraṃ śuddhamānasam
97.23
nyāye nāgatayā vṛttyā bhikṣayā vārtayāpi ca || saṃtoṣo yasya satataṃ sā tuṣṭiriti cocyate
97.24
cāṃdrāyaṇādīni punastapāṃsi vihitāni ca || āhāralāghavaparaḥ kuryāttattapa ucyate
97.25
svādhyāyastu japaḥ proktaḥ praṇavābhyasanādikaḥ || śive jñāne gurau bhaktirgurubhaktiriti smṛtā
97.26
evaṃ saṃsādhya niyamānsaṃyamāṃśca vicakṣaṇaḥ || prāṇāyāmāya saṃdadhyānnānyathā yogasādhakaḥ
97.27
yato'śuciśarīrasya vāyukopo mahānbhavet || vāyukopātkuṣṭhatā ca jaḍatvādīnupāśnute
97.28
tasmādvicakṣaṇaḥ śuddhaṃ kṛtvā dehaṃ yatetparam || prāṇāyāmasya vakṣyāmi lakṣaṇaṃ śṛṇu pāṃḍava
97.29
prāṇāpānanirodhaśca prāṇāyāmaḥ prakīrtitaḥ || laghumadhyottarīyākhyaḥ sa ca dhīrairiti smṛtaḥ
97.30
laghurdvādaśamātrastu mātrā nimiṣa unmiṣaḥ || dviguṇo madhyamaścoktastriguṇaścottamaḥ smṛtaḥ
97.31
prathamena jayetsvedaṃ madhyamena tu vepathum || viṣādaṃ ca tṛtīyena jaye doṣānanukramāt
97.32
padmāsyamāsanaṃ kṛtvā recakaṃ pūrakaṃ tathā || kuṃbhakaṃ ca sukhāsīnaḥ prāṇāyāmaṃ tridhābhyaset
97.33
prāṇānāmupasaṃrodhātprāṇāyāma iti smṛtaḥ || yathā parvatadhātūnāṃ dhmātānāṃ dahyate malaḥ
97.34
tatheṃdriyakṛto doṣaḥ prāṇāyāmena dahyate || gośataṃ kāpilaṃ dattvā yatphalaṃ tatphalaṃ bhavet
97.35
prāṇāyāmena yogajñastasmātprāṇaṃ sadā yamet || prāṇāyāmena siddhyanti divyāḥ śāntyādayaḥ kramāt
97.36
śāṃtiḥ praśāntirdīptiśca prasādaśca yathākramam || sahajāgaṃtukāmānāṃ pāpānāṃ ca pravartatām
97.37
vāsanāśāṃtirityākhyaḥ prathamo jāyate guṇaḥ || lobhamohātmakāndoṣānnirākṛtyaiva kṛtsnaśaḥ
97.38
tapasāṃ ca yadā prāptiḥ sā śāṃtiriti cocyate || sarvendriyaprasādaśca buddhervai marutā
mapi
97.39
prasāda iti sa proktaḥ prāpyamevaṃ catuṣṭayam || evaṃphalaṃ sadā yogī prāṇāyāmaṃ samabhyaset
97.40
mṛdutvaṃ sevyamānāstu siṃhaśārdū
lakuṃjarāḥ || yathā yānti tathā prāṇo vaśyo bhavati sādhitaḥ
97.41
prāṇāyāmastvayaṃ proktaḥ pratyāhāraṃ tataḥ śṛṇu || viṣayeṣu pravṛttasya
cetaso vinivartanam
97.42
pratyāhāraṃ vinirdiṣṭaṃ tasya saṃyamanaṃ hi yat || pratyāhārastvayaṃ prokto dhāraṇālakṣaṇaṃ śṛṇu
97.43
yathā toyārthina
stoyaṃ patranālādibhiḥ śanaiḥ || āpibeyustathā vāyuṃ yogī nayati sādhitam
97.44
prāñcyām hṛdaye vāyuratha tālau bhruvoṃ'tare || caturdale ṣaḍdaśe
ca dvādaśe ṣoḍaśadvike
97.45
ākuṃcanenaivamūrdhvamunnīya pavanaṃ śanaiḥ || mūrdhani brahmaraṃdhre taṃ prāṇaṃ saṃdhārayetkṛtī
97.46
prāṇāyāmā daśa dvau ca
dhāraṇeṣā prakīrtyate || darśaitā dhāraṇāḥ sthāpya prāpnotyakṣarasāmyatām
97.47
dhāraṇāsthasya yadyacceyaṃ tasya tvaṃ śṛṇu lakṣaṇam || dhyeyaṃ bahuvidhaṃ
pārtha yasyāṃto nopalabhyate
97.48
kecicchivaṃ hariṃ kecitkecitsūryaṃ vidhiṃ pare || keciddevīṃ mahadbhūtāmuta dhyāyanti kecana
97.49
tatra
yo yacca dhyāyeta sa ca tatra pralīyate || tasmātsadā śivaṃ devaṃ paṃcavakraṃ haraṃ smaret
97.50
padmāsanasthaṃ taṃ gauraṃ bījapūrakaraṃ sthitam || daśahastaṃ
suprasannavadanaṃ dhyānamāsthitam
97.51
dhyeyametattava proktaṃ tasmāddhyānaṃ samācaret || dhyānasya lakṣaṇaṃ caitannimeṣārdhamapi sphuṭam
97.52
na
pṛthagjāyate dhyeyāddhāraṇāṃ yaḥ samāsthitaḥ || evametāṃ durārohāṃ bhūmimāsthāya yogavit
97.53
na kiṃciccintayetpaścātsamādhiriti kīrtyate
samādherlakṣaṇaṃ samyagbhruvato me niśāmaya
97.54
śabdasparśarasairhīnaṃ gaṃdharūpavivarjitam || paraṃ puruṣaṃ saṃprāptaḥ samādhisthaḥ prakīrtitaḥ
97.55
tāṃ tu prāpya naro vighnairnābhibhūyeta karhicit || samādhisthaśca duḥkhena guruṇāpi na cālyate
97.56
śaṃkhādyāḥ śataśastasya vādyante yadi karṇayoḥ
bheryaśca yadi hanyaṃte śabdaṃ bāhyaṃ na vindati
97.57
kaśāprahārābhihato vahnidagdhatanustathā || śītāḍyevasthito ghore sparśaṃ bāhyaṃ na vindati
97.58
rūpe gaṃdhe rase bāhye tāhaśasya tu kā kathā || dṛṣṭvā ya ātmanātmānaṃ samādhiṃ labhate punaḥ
97.59
tṛṣṇā vātha bubhukṣā vā bādhete
taṃ na karhicit
97.60
na svarge na ca pātāle mānuṣye ka ca tatsukham || samādhiṃ niścalaṃ prāpya yatsukhaṃ vindate naraḥ
97.61
evamārūḍhayogasya
tasyāpi kurunaṃdana || paṃcopasargāḥ kaṭṭakāḥ pravartaṃte yathā śṛṇu
97.62
prātibhaḥ śrāvaṇo daivo bhramāvarto'tha bhīṣaṇaḥ || pratibhā sarvaśāstrāṇāṃ
pratibho'yaṃ ca sāttvikaḥ
97.63
tana yo madamādyādyogī śīghraṃ ca cetasaḥ || yojanānāṃ sahasrebhyaḥ śravaṇaṃ śrāvaṇastu saḥ
97.64
dvitīyaḥ
sāttvikaścāyamasmānmatto vinaśyati || aṣṭau paśyati yonīśca devānāṃ daiva ityasau
97.65
ayaṃ ca sāttviko doṣo madādasmādvinaśyati
āvarta iva toyasya janāvartaṃ yadākulaḥ
97.66
āvartākhyastvayaṃ doṣo rājasaḥ sa mahābhayaḥ || bhrāsyate yannirālambaṃ mano doṣaiśca
yoginaḥ
97.67
samastādhāravibhraṃśādbhramākhyastāmaso guṇaḥ || etairnāśitayogāśca sakalā devayonayaḥ
97.68
upasargairmahādorairāvartyaṃte
punaḥpunaḥ || prāvṛtya kaṃbalaṃ śuklaṃ yogī tasmānmanomayam
97.69
ciṃtayetparamaṃ brahma kṛtvā tatpravaṇaṃ manaḥ || āhārāḥ sāttvikāścaiva saṃsevyāḥ
siddhimicchatā
97.70
rājasaistāmasaiścaiva yogī siddhena karhiṃcit || śraddhāneṣu dāṃteṣu śrotriyeṣu mahātmasu
97.71
svadharmādanapeteṣu
bhikṣā yācyā ca yoginā || bhaikṣaṃ yavānnaṃ takraṃ vā payo yāvakameva vā
97.72
phalamūlaṃ vipakvaṃ vā kaṇapiṇyākasaktavaḥ || śrutā ityeta āhārā
yogināṃ siddhikārakāḥ
97.73
mṛtyukālaṃ viditvā ca nimittairyogasādhakaḥ || yogaṃ yuṃjīta kālasya vaṃcanārthaṃ samāhitaḥ
97.74
nimittā
ni ca vakṣyāmi mṛtyuṃ yo vetti yogavit || raktakṛṣṇāṃbaradharā gāyaṃtīha satī ca yam
97.75
dakṣiṇāśāṃ nayennārī svapne so'pi na jīvati
nagnaṃ kṣapaṇakaṃ svapne hasamānaṃ prahaśya ca
97.76
enaṃ ca vīkṣya valgantaṃ taṃ vidyānmṛtyumāgatam || ṛkṣavānarayugyastho gāyanyo dakṣiṇāṃ diśam
97.77
yāti majjedyau paṃke gomaye vā na jīvati || keśāṃgāraistathā bhasmabhujaṃgairnirjalāṃ nadīm
97.78
eṣāmanyatamaiḥ pūrṇāṃ dṛṣṭvā svapne na
jīvati || karālairvikaṭairhṛkṣaiḥ puruṣairudyatāyudhaiḥ
97.79
pāṣāṇaistāḍitaḥ svapne sadyo mṛtyuṃ bhajennaraḥ || sūryodaye yasya śivā kośaṃtī yāti sammukham
97.80
viparītaṃ parītaṃ vā sa sadyo mṛtyumṛcchati || dīpādhigaṃdhaṃ no vetti vamatyagniṃ tathā niśi
97.81
nātmānaṃ paranetrasthaṃ vīkṣate na
sa jīvati || śakrāyudhaṃ cārdharātre divā vā grahaṇaṃ tathā
97.82
dṛṣṭvā manyeta sa kṣīṇamātmajīvitamātmavān || nāsikā vakratāmeti karṇayorbhramano
vratī
97.83
netraṃ ca vāmaṃ sravati yasya tasyāyurudgatam || āraktatāmeti mukhaṃ jihvā cāpyasitā yadā
97.84
tadā prājño vijānīyādāsannaṃ mṛtyumātmanaḥ || ucchvāsabhayānena svapne yo yāti dakṣiṇām
97.85
diśaṃ karṇau pidhāyāpi nirghoṣaṃ śṛṇuyānna ca || na sa jīvettathā svapne pati tasya pidhīyate
97.86
dvāraṃ na cottiṣṭhati ca śubhrā hṛdbhiśca lohitā || svapne'gniṃ praviśedyaśca na ca niṣkramate punaḥ
97.87
jalapraveśādapi
vā tadaṃtaṃ tasya jīvitam || yaścābhihanyate duṣṭairbhūtaie rātrāvatho divā
97.88
prakṛtairvikṛtairvāpi tasyāsannau yamāṃtakau || devatānāṃ gurūṇāṃ ca pitrorjñā
navidāṃ tathā
97.89
nindāmavajñāṃ kurute bhakto bhūtvā na jīvati || evaṃ dṛṣṭvā nimittāni viparītāni yogavit
97.90
dhāraṇāṃ samyagā
sthāya samādhāvacalo bhavet || yadi necchaṃti te mṛtyuṃ tato nāsau prapadyate
97.91
vimuktimathavā vāṃchedvisṛjeddehamūrdhani || saṃti dehe vimukte ca
upasargāśca ye punaḥ
97.92
yoginaṃ samupāyāṃti śṛṇu tānapi pāṃḍava || aiśānye rākṣasapure yakṣo gandharva eva ca
97.93
aindre saumye prajāpatye
brāhme cāṣṭasu siddhayaḥ || bhavaṃti cāṣṭau śṛṇu tāḥ pārthivī yā ca taijasī
97.94
vāyavī vyomātmikā caiva mānasāhambhavā matiḥ || pratyekamaṣṭadhā
bhinnā dviguṇā dviguṇā kramāt
97.95
pūrve cāṣṭau catuḥṣaṣṭirante śṛṇuṣva tadyathā || sthūlatā hrasvatā bālyaṃ vārdhakyaṃ yauvanaṃ tathā
97.96
nānājāti
svarūpaṃ ca caturbhirdehadhāraṇam || pārthivāṃśaṃ vinā nityamaṣṭau pārthivasiddhayaḥ
97.97
vijite pṛthivītattve yadaiśānye bhavanti ca || bhūmāviva jale
vāso nāturo'rṇavamāpivet
97.98
sarvatra jalaprāptiśca api śuṣkaṃ dravaṃ phalam || tribhirdehasya dharaṇaṃ nadīrvā sthāpayetkare
97.99
avraṇatvaṃ
śarīrasya kāṃtiścāthāṣṭakaṃ smṛtam || aṣṭau pūrvā imāścāṣṭau rākṣasānāṃ pure smṛtāḥ
97.100
dehādagnivinirmāṇaṃ tattāpabhayavarjanam || śaktidatvaṃ ca
lokānāṃ jalamadhyegnijvālanam
97.101
agnigrahaśca hastena smṛtimātreṇa pāvanam || bhasmībhūtasya nirmāṇaṃ drābhyāṃ dehasya dhāraṇam
97.103
pūrvāḥ ṣoḍaśa cāpyaṣṭau tejaso yakṣasadmani || manogatitvaṃ bhūtānāmantarniveśanaṃ tathā||102||parvatādimahābhāravahanaṃ līlayaiva ca || laghutvaṃ gauravatvaṃ
ca pāṇibhyāṃ vāyuvāraṇam
97.104
aṃgulyagranipātena bhūmeḥ sarvatra kampanam || ekena dehaniṣpattirgādharve vāṃti siddhayaḥ
97.105
caturviṃśatiḥ pūrvā
śrāpyaṣṭāvetāśca siddhayaḥ || gandharvaloke dvātriṃśadata ūrdhvaṃ niśāmaya
97.106
chāyāvihīnaniṣpattirindriyāṇāmadarśanam || ākāśagamanaṃ nitya
mindriyādiśamaḥ svayam
97.107
dūre ca śabdagrahaṇaṃ sarvaśabdāvagāhanam || tanmātraliṃgagrahaṇaṃ sarvaprāṇinidarśanam
97.108
aṣṭau vātā
tmikāścendre dvātriṃśadapi pūrvakāḥ || yathākāmopalabdhiśca yathākāmavinirgamaḥ
97.109
sarvatrābhibhavaścaiva sarvaguhyanidarśanam || saṃsāradarśanaṃ cāpi
mānasyo'ṣṭau ca siddhayaḥ
97.110
catvāriṃśacca pūrvāśca somaloke smṛtāstvimāḥ || chedanaṃ tāpanaṃ bandhaḥ saṃsāraparivartanam
97.111
sarvabhūta
prasādatvaṃ mṛtyukālajayastathā || ahaṃkārodbhavaścāṣṭau prājāpatye ca pūrvikāḥ
97.112
ākāreṇa jagatsṛṣṭistathānugraha eva ca || pralayasyādhikāraṃ
ca lokacitrapravartanam
97.113
asāhaśyamidaṃ vyaktaṃ nirvāṇaṃ ca pṛthakpṛthak || śubhetarasya kartṛtvamadhau buddhibhavāstvamī
97.114
ṣaṭcāśa
ttathā pūrvāścatuḥṣaṣṭirime guṇāḥ || brāhmaye pade pravartante guhyametattaveritam
97.115
jīvato dehabhede vā siddhaścaitāstu yoginām || saṃgo naiva vidhā
tavyo bhayātpatanasaṃbhavāt
97.116
etānguṇānnirākṛtya yuñjato yoginastadā || siddhyo'ṣṭau pravartante yogasaṃsiddhikārakāḥ
97.117
aṇimā
laghimā caiva mahimā prātireva ca || prākāmyaṃ ca tatheśitvaṃ vaśitvaṃ ca tathāpare
97.118
yatra kāmāvasāyitvaṃ māheśvarapadasthitāḥ || sūkṣmātsūkṣma
tvamaṇimā śīghratvācchimā smṛtā
97.119
mahimā śeṣapūjyatvātprātirnāprāpyamasya yat || prākāmyamasya vyāpitvādīśitvaṃ ceśvaro yataḥ
97.120
vaśitvādvaśitā nāma saptamī siddhiruttamā || yatrecchā tatra ca sthānaṃ tatra kāmāvasāyitā
97.121
aiśvaraṃ padamātrasya bhavaṃtyetāśca siddhayaḥ
tato na jāyate naiva vardhate na vinaśyati
97.122
eṣa mukta iti prokto ya evaṃ muktimāpnuyāt || yathā jalaṃ jalenaikayaṃ nikṣiptamupagacchati
97.123
tathaivaṃ sātmyamabhyeti yogināmātmā parātmanā || evaṃ jñātvā phalaṃ yogī sadā yogaṃ samabhyaset
97.124
atropamāṃ vyāharaṃti yogārthe yogino'
malāḥ || śaśāṃkaraśmisaṃyogādarkāṃto hutāśanam
97.125
samutsṛjati naikaḥ sannupamā sāsti yoginaḥ || kapiṃjalākhunakulā vasaṃti svāmiva
dvahe
97.126
dhvaste yāṃtyanyato duḥkhaṃ na teṣāṃ sopamā yateḥ || mṛdehakalpadeho'pi mukhāgreṇa kanīyasā
97.127
karoti mṛdvāgacayamupadeśaḥ
sa yoginaḥ || paśupakṣimanuṣyādyaiḥ patrapuṣpaphalānvitam
97.128
vṛkṣaṃ vilupyamānaṃ ca labdhvā sidhyaṃti yoginaḥ || rurugātraviṣāṇāśramā
lakṣya tilakākṛtim
97.129
saha tena vivardheta yogī siddhimupāśnute || dravyaṃ pūrṇamupādāya pātramārohate bhuvaḥ
97.130
tuṃgamārga vilo
kyaivaṃ vijñātaṃ kiṃ na yoginām || tadvehaṃ yatra vasati tadbhojyaṃ yena jīvati
97.131
yena niṣpādyate cārthaḥ svayaṃ syādyogasiddhye || tathā jñānamu
pāsīta yogī yatkāryasādhakam
97.132
jñānānāṃ bahutā yeyaṃ yogavighnakarī hi sā || idaṃ jñeyamidaṃ jñeyamiti yastṛṣitaścaret
97.133
api
kalpasahasrāyunaiva jñeyamavāpnuyāt|| tyaktasaṃgo jitakrodho labdhāhāro jiteṃdriyaḥ
97.134
pidhāya budcyā dvārāṇi mano dhyāne niveśayet || āhāraṃ
sāttvikaṃ sevenna taṃ yena vicetanaḥ
97.135
syādayaṃ taṃ ca bhuṃjāno rauravasya priyātithiḥ || vāgdaṇḍaḥ karmadaṇḍaśca manodaṃḍaśca te trayaḥ
97.137
yasyaite
niyatā daṃḍāḥ sa tridaṃḍī yatiḥ smṛtaḥ || anurāgaṃ jano yāti parokṣe guṇakīrtanam ||:136|| na bibhyati ca sattvāni siddherlakṣaṇamucyate
97.138
alaulyamārogyamaniṣṭhuratvaṃ gaṃdhaḥ śubho mūtrapurīṣayośca || kāṃtiḥ prasādaḥ svarasaumyatā ca yogapravṛtteḥ prathamaṃ hi cihnam
97.139
samāhito brahmapa
ro'pramādī śucistathaikāṃtaratirjitendriyaḥ || samāpnuyādyogamimaṃ mahāmanā vimuktimāpnoti tataśca yogataḥ
97.140
kulaṃ pavitraṃ jananī kṛtārthā
vasundharā bhāgyavatī ca tena || abāhyamārge sukhasindhumagnaṃ lagnaṃ pare brahmaṇi yasya cetaḥ
97.141
viśuddhabuddhiḥ samaloṣṭakāṃcanaḥ samastabhūteṣu
vasansamo hi yaḥ || sthānaṃ paraṃ śāśvatamavyayaṃ ca yatirhi gatvā na punaḥ prajāyate
97.142
idaṃ mayā yogarahasyamuktamevaṃvidhaṃ gautamaḥ prāpa
yogam || tenaitacca sthāpitaṃ pārtha liṃgaṃ saṃdarśanādarcanātkalmaṣaghnam
97.143
yaścāśvine kṛṣṇacaturdaśīdine rātrau samabhyarcati liṃgametan
snātvā ahalyāsarasi pradhāne śraddhāya sarvaṃ pravidhāya bhaktitaḥ
97.144
mahopakāreṇa vimuktapāpaḥ sa yāti yatrāsti sa gautamo muniḥ
97.145
idaṃ mayā pārtha tava praṇītaṃ guptasya kṣetrasya samāsayogāt || māhātmyametatsakalaṃ śṛṇoti yaḥ sa syādviśuddhaḥ kimu vacmi bhūyaḥ
97.146
ya idaṃ
śṛṇuyādbhaktyā gautamākhyānamuttamam || putrapautrapriyaṃ prāpya sa yāti padamavyayam
97.146.p1
iti śrīskāṃde mahāpurāṇe ekāśītisāhasryāṃ saṃhitāyāṃ prathame māheśvarakhaṇḍe kaumārikākhaṇḍe gautameśvaramāhātmyasavistarayogalakṣaṇavarṇanaṃnāma pañcapaṃcāśattamo'dhyāyaḥ
Linked texts (11)
- Skandamahāpurāṇa (vulgate) — Sanskrit
- Mārkaṇḍeyapurāṇa — Vyāsa, Sanskrit
- Yogacintāmaṇi (Śivānanda Sarasvatī) — Śivānanda Sarasvatī 1650, Sanskrit
- Garuḍapurāṇa — Vyāsa, Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Kṛtyakalpataru — Lakṣmīdhara Bhaṭṭa, Sanskrit
- Śārṅgadharapaddhati — Śārṅgadhara, Sanskrit
- Mokṣakāṇḍa — Lakṣmīdhara Bhaṭṭa, Sanskrit