[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Varahapurana](https://indike.org/pramana/in.purana.varaha) › 59.1 # Varahapurana 59.1 Varāhapurāṇa 59.1 - **Language:** Sanskrit ### [59.1](https://indike.org/pramana/in.purana.varaha.59.1) agastya uvāca . athāvighnakaraṃ rājan kathayāmi śrṛṇuṣva me . yena samyak kṛtenāpi na vighnamupajāyate .. 59.1 .. caturthyāṃ phālgune māsi grahītavyaṃ vrataṃ tvidam . naktāhāreṇa rājendra tilānnaṃ pāraṇaṃ smṛtam . tadevāgnau tu hotavyaṃ brāhmaṇāya ca tad bhavet .. 59.2 .. cāturmāsyaṃ vrataṃ caitat kṛtvā vai pañca me tathā . sauvarṇaṃ gajavaktraṃ tu kṛtvā viprāya dāpayet .. 59.3 .. pāyasaiḥ pañcabhiḥ pātrairupetaṃ tu tilaistathā . evaṃ kṛtvā vrataṃ caitat sarvavighnairvimucyate .. 59.4 .. hayamedhasya vighne tu saṃjāte sagaraḥ purā . etadeva caritvā tu hayamedhaṃ samāptavān .. 59.5 .. tathā rudreṇa devena tripuraṃ nighnatā purā . etadeva kṛtaṃ tasmāt tripuraṃ tena pātitam . mayā samudraṃ pibatā etadeva kṛtaṃ vratam .. 59.6 .. anyairapi mahīpālairetadeva kṛtaṃ purā . tapo'rthibhirjñānakṛtairnirvighnārthe paraṃtapa .. 59.7 .. śūrāya dhīrāya gajānanāya lambodarāyaikadaṃṣṭrāya caiva . evaṃ pūjyastaddine tat punaśca homaṃ kuryād vighnavināśahetoḥ .. 59.8 .. anena kṛtamātreṇa sarvavighnairvimucyate . vināyakasya kṛpayā kṛtakṛtyo naro bhavet .. 59.9 .. .. iti śrīvarāhapurāṇe bhagavacchāstre navapañcāśo'dhyāyaḥ .. 59 .. - [Previous: 58.18](https://indike.org/pramana/in.purana.varaha.58.18) - [Next: 60.1](https://indike.org/pramana/in.purana.varaha.60.1) - [Up: 59](https://indike.org/pramana/in.purana.varaha.59) ## Linked texts (2) - [Samayapradīpa (Śrīdatta Upādhyāya)](https://indike.org/pramana/in.darsana.suddhadvaita.vitthala.samayapradipa-sridatta-upadhyaya.p220) — Śrīdatta Upādhyāya, Sanskrit - [Samayapradīpa](https://indike.org/pramana/in.niti.dharma.kala.samayapradipa.p220) — Viṭhṭhaladīkṣita, Sanskrit --- Source: [https://indike.org/pramana/in.purana.varaha.59.1](https://indike.org/pramana/in.purana.varaha.59.1) · Pramāṇa