[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.10 # Vayupurana 1.10: adhyāyaḥ 10 Vāyupurāṇa 1.10 - **Language:** Sanskrit ### adhyāyaḥ 10 ### [1.10.1](https://indike.org/pramana/in.purana.vayu.1.10.1) ..sūta uvāca.. ### [1.10.2](https://indike.org/pramana/in.purana.vayu.1.10.2) evaṃbhūteṣu lokeṣu brahmaṇā lokakartṛṇā. yadā tā na pravarttante prajāḥ kenāpi hetunā .. 10.1 .. ### [1.10.3](https://indike.org/pramana/in.purana.vayu.1.10.3) tamomātrāvṛto brahmā tadāprabhṛti duḥkhitaḥ. tataḥ sa vidadhe buddhimarthaniścayagāminīm .. 10.2 .. ### [1.10.4](https://indike.org/pramana/in.purana.vayu.1.10.4) athātmani samasrākṣīttamomātrāṃ niyāmikām . rājasatvaṃ parājitya varttamānaṃ sa dharmataḥ .. 10.3 .. ### [1.10.5](https://indike.org/pramana/in.purana.vayu.1.10.5) tapyate tena duḥkhena śokañcakre jagatpatiḥ. tamaśca vyanudattasmādrajastamasamāvṛṇot .. 10.4 .. ### [1.10.6](https://indike.org/pramana/in.purana.vayu.1.10.6) tattamaḥ pratinuttaṃ vai mithunaṃ sa vyajāyata. adharmāccaraṇājjajñe hiṃsā śokādajāyata .. 10.5 .. ### [1.10.7](https://indike.org/pramana/in.purana.vayu.1.10.7) tatastasmin samudbhūte mithune caraṇātmani. tataśca bhagavānāsīt prītaścaivamaśiśriyat .. 10.6 .. ### [1.10.8](https://indike.org/pramana/in.purana.vayu.1.10.8) svāṃ tanuṃ sa tato brahmā tāmapohadabhāsvarām. dvidhākarotsa taṃ dehamarddhena puruṣo'bhavat .. 10.7 .. ### [1.10.9](https://indike.org/pramana/in.purana.vayu.1.10.9) arddhena nārī sā tasya śatarūpā vyajāyata. prākṛtāṃ bhūtadhātrīṃ tāṃ kāmānvai sṛṣṭavān vibhuḥ .. 10.8 .. ### [1.10.10](https://indike.org/pramana/in.purana.vayu.1.10.10) sā divaṃ vṛthivīñcaiva mahimnā vyāpya dhiṣṭhitā. brahmaṇaḥ sā tanuḥ pūrvā divamāvṛttya tiṣṭhati .. 10.9 .. ### [1.10.11](https://indike.org/pramana/in.purana.vayu.1.10.11) yā tvarddhāt sṛjate nārī śatarūpā vyajāyata. sā devī niyutantaptvā tapaḥ paramaduścaram .. 10.10 .. ### [1.10.12](https://indike.org/pramana/in.purana.vayu.1.10.12) bhartārandīptayaśasaṃ puruṣaṃ pratyapadyata. sa vai svāyambhuvaḥ pūrvaṃ puruṣo manurucyate .. 10.11 .. ### [1.10.13](https://indike.org/pramana/in.purana.vayu.1.10.13) tasyaivasaptatiyugaṃ manvantaramihocyate . labdhā tu puruṣaḥ patnīṃ śatarūpāmayonijām .. 10.12 .. ### [1.10.14](https://indike.org/pramana/in.purana.vayu.1.10.14) tayā sa ramate sārddhaṃ tasmātsā ratirucyate. prathamaḥ saṃprayogaḥ sa kalpādau samavarttata .. 10.13 .. ### [1.10.15](https://indike.org/pramana/in.purana.vayu.1.10.15) virājamasṛjat brahmā so'bhavat puruṣo virāṭ . samrāṇmānasarūpāttu vai rājastu manuḥ smṛtaḥ .. 10.14 .. ### [1.10.16](https://indike.org/pramana/in.purana.vayu.1.10.16) sa vairājaḥ prajāsargaḥ sa sarge puruṣo manuḥ. vairājātpuruṣādvīrācchatarūpā vyajāyata .. 10.15 .. ### [1.10.17](https://indike.org/pramana/in.purana.vayu.1.10.17) priyavratottānapādau putrau putravatāṃ varau . kanye dve ca mahābhāge yābhyāṃ jātāḥ prajāstvimāḥ .. 10.16 .. ### [1.10.18](https://indike.org/pramana/in.purana.vayu.1.10.18) devī nāmnā tathākūtiḥ prasūtiścaiva te śubhe. svāyambhuvaḥ prasūtintu dakṣāya vyasṛjat prabhuḥ .. 10.17 .. ### [1.10.19](https://indike.org/pramana/in.purana.vayu.1.10.19) prāṇo dakṣastu vijñeyaḥ saṅkalpo manurucyate. ruceḥ prajāpateścaiva ākūtiṃ pratyapādayat .. 10.18 .. ### [1.10.20](https://indike.org/pramana/in.purana.vayu.1.10.20) ākūtyāṃ mithunaṃ yajñe mānasasya ruceḥ śubham. yajñaśca dakṣiṇā caiva yamakau sambabhūvatuḥ .. 10.19 .. ### [1.10.21](https://indike.org/pramana/in.purana.vayu.1.10.21) yajñasya dakṣiṇāyāñca putrā dvādaśa jajñire. yāmā iti samākhayātā devāḥ svāyambhuve'ntare .. 10.20 .. ### [1.10.22](https://indike.org/pramana/in.purana.vayu.1.10.22) yamasya putrā yajñasya tasmādyāmāstu te smṛtāḥ. ajitāścaiva śūkāśca gaṇau dvau brahmaṇaḥ smṛtau .. 10.21 .. ### [1.10.23](https://indike.org/pramana/in.purana.vayu.1.10.23) yāmāḥ pūrvaṃ parikrāntā yataḥ saṃjñā divaukasaḥ. svāyambhūvasutāyāntu prasūtyāṃ lokamātaraḥ .. 10.22 .. ### [1.10.24](https://indike.org/pramana/in.purana.vayu.1.10.24) tasyāṃ kanyāścaturviṃśaddakṣastvajanayat prabhuḥ. sarvāstāśca mahābhāgāḥ sarvāḥ kamalalocanāḥ .. 10.23 .. ### [1.10.25](https://indike.org/pramana/in.purana.vayu.1.10.25) yogapatnyaśca tāḥ sarvāḥ sarvāstā yogamātaraḥ. śraddhā lakṣmī dhṝtistuṣṭiḥ puṣṭirmedhā kriyā tathā. buddhirllajjā vapuḥ śāntiḥ siddhiḥ kīrttistrayodaśī .. 10.24 .. ### [1.10.26](https://indike.org/pramana/in.purana.vayu.1.10.26) patnyarthe pratijagrāha dharmo dākṣāyaṇīḥ prabhuḥ. dvārāṇyetāni caivāsya vihitāni svayambhuvā .. 10.25 .. ### [1.10.27](https://indike.org/pramana/in.purana.vayu.1.10.27) tābhyaḥ śiṣṭā yavīyasya ekādaśa sulocanāḥ. khyātiḥ satyatha saṃbhūtiḥ smṛtiḥ prītiḥ kṣamā tathā .. 10.26 .. ### [1.10.28](https://indike.org/pramana/in.purana.vayu.1.10.28) sannatiśacavānasūyā ca ūrjjā svāhā svadhā tathā. tāstataḥ pratyapadyanta punaranye maharṣayaḥ .. 10.27 .. ### [1.10.29](https://indike.org/pramana/in.purana.vayu.1.10.29) rudro bhṛgurmarīciśca aṅgirāḥ pulahaḥ kratuḥ . pulastyo'trirvasiṣṭhaśca pitaro'gristathaiva ca .. 10.28 .. ### [1.10.30](https://indike.org/pramana/in.purana.vayu.1.10.30) satīṃ bhavāya prāyacchat khyātiñca bhṛgave tathā. marīcaye ca sambhūtiṃ smṛtimāṅgirase dadau .. 10.29 .. ### [1.10.31](https://indike.org/pramana/in.purana.vayu.1.10.31) prītiṃ caiva pulastyāya kṣamāṃ vai pulahāya ca. kratave sannatiṃ nāma anasūyāntathātraye .. 10.30 .. ### [1.10.32](https://indike.org/pramana/in.purana.vayu.1.10.32) ūrjjaṃ dadau vasiṣṭhāya svāhāṃ vai hyagnaye dadau . svadhāṃ caiva pitṛbhyastu tāsvapatyāni vakṣyate .. 10.31 .. ### [1.10.33](https://indike.org/pramana/in.purana.vayu.1.10.33) ete sarve mahābhāgāḥ prajñāḥ svānuṣṭhitāḥ sthitāḥ. manvantareṣu sarveṣu yāvadābhūtasaṃplavam .. 10.32 .. ### [1.10.34](https://indike.org/pramana/in.purana.vayu.1.10.34) śraddhā kāmaṃ vijajñe vai darpo lakṣmīsutaḥ smṛtaḥ. dhṛtyāstu niyamaḥ putrastuṣṭayāḥ santoṣa ucyate .. 10.33 .. ### [1.10.35](https://indike.org/pramana/in.purana.vayu.1.10.35) puṣṭyā lābhaḥ sutaścāpi medhāputraḥ śrutastathā. kriyāyāstu nayaḥ prokto daṇḍaḥ samaya eva ca .. 10.34 .. ### [1.10.36](https://indike.org/pramana/in.purana.vayu.1.10.36) buddhervaudhasutaścāpi apramādaśca tāvubhau . lajjāyā vinayaḥ putro vyavasāyo vapuḥsutaḥ .. 10.35 .. ### [1.10.37](https://indike.org/pramana/in.purana.vayu.1.10.37) kṣemaḥ śāntisutaścāpi sukhaṃ siddhervyajāyata. yaśaḥ kīrtteḥ sutaścāpi ityete dharmasūnavaḥ .. 10.36 .. ### [1.10.38](https://indike.org/pramana/in.purana.vayu.1.10.38) kāmasya harṣaḥ putro vai devyā ratyā vyajāyata. ityeṣa vai sukhodarkkaḥ sargo dharmasya kīrttitaḥ .. 10.37 .. ### [1.10.39](https://indike.org/pramana/in.purana.vayu.1.10.39) jajñe hiṃsā tvadharmāddhai nikṛtiścānṛtāvubhau . nikṛtyānṛtayorjajñe bhayaṃ naraka eva ca .. 10.38 .. ### [1.10.40](https://indike.org/pramana/in.purana.vayu.1.10.40) māyā ca vedanā cāpi mithunadvayametayoḥ. bhayājjajñe'tha sā māyā mṛtyuṃ bhūtāpahāriṇam .. 10.39 .. ### [1.10.41](https://indike.org/pramana/in.purana.vayu.1.10.41) vedanāyāstataścāpi duḥkhaṃ jajñe'tha rauravāt . mṛtyayorvyādhijvarā śokāḥ krodho'sūyā ca jajñire . duḥkhāntarā smṛtā hyete sarve cādharmalakṣaṇāḥ .. 10.40 .. ### [1.10.42](https://indike.org/pramana/in.purana.vayu.1.10.42) teṣāṃ bhāryā'sti putro vā te sarve nidhanāḥ smṛtāḥ . ityeṣa tāmasaḥ sargo jajñe dharmaniyāmakaḥ .. 10.41 .. ### [1.10.43](https://indike.org/pramana/in.purana.vayu.1.10.43) prajāḥ sṛjeti vyādiṣṭo brahmaṇā nīlalohitaḥ . so'bhidhyāya satīṃ bhāryānnirmame hyātmasambhavām .. 10.42 .. ### [1.10.44](https://indike.org/pramana/in.purana.vayu.1.10.44) nādhikānna ca hīnāṃstānmānasānātmanaḥ samān. sahasraṃ hi sahasrāṇāmasṛjat kṛmivāsasā. tulyā ścaivātmanaḥ sarve rūpatejobalaśrutaiḥ .. 10.43 .. ### [1.10.45](https://indike.org/pramana/in.purana.vayu.1.10.45) piṅgalānsanniṣaṅgāṃśca sakaparddān vilohitān . vivāsān hari keśāṃśca dṛṣṭighnāṃśca kapālinaḥ .. 10.44 .. ### [1.10.46](https://indike.org/pramana/in.purana.vayu.1.10.46) bahurūpān virūpāṃśca viśvarūpāṃścarūpiṇaḥ. rathino varmiṇaścaiva dharmiṇaśca varūthinaḥ .. 10.45 .. ### [1.10.47](https://indike.org/pramana/in.purana.vayu.1.10.47) sahasraśata bāhūṃśca divyān bhaumāntarikṣagān. sthūlaśīrṣānaṣṭadaṃṣṭrānudvijihvāṃstrilocanān .. 10.46 .. ### [1.10.48](https://indike.org/pramana/in.purana.vayu.1.10.48) annādān piśitādāṃśa cava ājyapān somapāṃstathā. medapāṃ svātikāyāṃśca śitikaṇṭhogramanyavaḥ .. 10.47 .. ### [1.10.49](https://indike.org/pramana/in.purana.vayu.1.10.49) sopāsaṅgatalatrāṃśca dhanvino hyupavarmiṇaḥ. āsīnān dhāvataścaiva jṛmbhinaścaiva dhiṣṭhitān .. 10.48 .. ### [1.10.50](https://indike.org/pramana/in.purana.vayu.1.10.50) adhyā pino'tha japato yuñjato'dhyāyatastathā. jvalato varṣataścaiva dyotamānān pradhūpitān .. 10.49 .. ### [1.10.51](https://indike.org/pramana/in.purana.vayu.1.10.51) buddhān buddhatamāṃścaiva brahmiṣṭhān śubhadarśanān . nīlagrī vān sahasrākṣān saṃrvāścātha kṣapācarān .. 10.50 .. ### [1.10.52](https://indike.org/pramana/in.purana.vayu.1.10.52) adṛśyān sarvabhūtānāṃ mahāyogān mahaujasaḥ. rūdatodravataścaiva evaṃyuktān sahasraśaḥ. apātayāmānasṛjat rudrarūpān surottamān .. 10.51 .. ### [1.10.53](https://indike.org/pramana/in.purana.vayu.1.10.53) brahmā dṛṣṭvā'bravīdetānmāsrākṣīrīdṛśīḥ prajāḥ. sraṣṭavyā nātmanastulyāḥ prajā naivādhikāstvayā. anyāḥ sṛjatvaṃ bhadrante sthitohantvaṃ sṛja prajāḥ .. 10.52 .. ### [1.10.54](https://indike.org/pramana/in.purana.vayu.1.10.54) ete ye vai mayā mṛṣṭā virūpā nīlalehitāḥ . sahasrāṇāṃ sahasrantu ātmanopamaniścitāḥ .. 10.53 .. ### [1.10.55](https://indike.org/pramana/in.purana.vayu.1.10.55) ete devā bhaviṣyanti rūdrā nāma mahābalāḥ. pṛthivyāmantārīkṣe ca rudranāmnā pratiśrutāḥ .. 10.54 .. ### [1.10.56](https://indike.org/pramana/in.purana.vayu.1.10.56) śatarudrasamāmnātā bhaviṣyantīha yajñiyāḥ. yajñabhājo bhaviṣyanti sarve devayugaiḥ saha .. 10.55 .. ### [1.10.57](https://indike.org/pramana/in.purana.vayu.1.10.57) manvantareṣu ye devā bhaviṣyantīha cchandajāḥ. taiḥ sārddhamījyamānāste sthāsyantīha yugakṣayāt .. 10.56 .. ### [1.10.58](https://indike.org/pramana/in.purana.vayu.1.10.58) evamuktastadā brahmā mahādevena dhīmatā. pratyuvāca tadā bhīmaṃ hṛṣyamāṇaḥ prajāpatiḥ .. 10. 57 .. ### [1.10.59](https://indike.org/pramana/in.purana.vayu.1.10.59) evaṃ bhavatu bhadraṃ te yathā te vyāhṛtaṃ prabho. brahmaṇā samanujñā te sadā sarvamabhūt kila .. 10.58 .. ### [1.10.60](https://indike.org/pramana/in.purana.vayu.1.10.60) tataḥprabhṛti deveśo na prāsūyata vai prajāḥ. ūrddhvaretāḥ sthitaḥ sthāṇuryāvadābhūtasaṃplavam. yasmāccoktaṃ sthito'smīti tataḥ sthāṇuriti smṛtaḥ .. 10.59 .. ### [1.10.61](https://indike.org/pramana/in.purana.vayu.1.10.61) jñānaṃ vairāgyamaiśvaryaṃ tapaḥ sacatyaṃ kṣamā dhṛtiḥ. sraṣṭṛtvamātmasambodhastvadhiṣṭhātṛtvameva ca. atha yāni daśaitāni nityantiṣṭhanti śaṅkare .. 10.60 .. ### [1.10.62](https://indike.org/pramana/in.purana.vayu.1.10.62) sarvān devān ṛṣīṃścaiva sametānasuraiḥ saha. atyeti tejasā devo mahādevastataḥ smṛtaḥ .. 10.61 .. ### [1.10.63](https://indike.org/pramana/in.purana.vayu.1.10.63) atyeti devānaiścaryādbalena ca mahāsurān. jñānena ca munīn sarvān yogādbhūtāni sarvaśaḥ .. 10.62 .. ### [1.10.64](https://indike.org/pramana/in.purana.vayu.1.10.64) ..ṛṣaya ūcuḥ .. ### [1.10.65](https://indike.org/pramana/in.purana.vayu.1.10.65) yogaṃ tapaśca satyañca dharmañcāpi mahāmune. māheśvarasya jñānasya sādhanañca prajakṣva naḥ .. 10.63 .. ### [1.10.66](https://indike.org/pramana/in.purana.vayu.1.10.66) yena yena ca dharmeṇa gatiṃ prāpsyanti vai dvijāḥ. tatsarvaṃ śrotumicchāmi yogaṃ māheśvaraṃ prabho .. 10.64 .. ### [1.10.67](https://indike.org/pramana/in.purana.vayu.1.10.67) .. vāyuruvāca.. ### [1.10.68](https://indike.org/pramana/in.purana.vayu.1.10.68) pañca dharmāḥ purāṇe tu rudreṇa samudāhṛtāḥ. māheśvaryaṃ yathā proktaṃ rudrairakliṣṭakarmabhiḥ .. 10.65 .. ### [1.10.69](https://indike.org/pramana/in.purana.vayu.1.10.69) ādityairvasubhiḥ sādhyairaśvibhyāñcaiva sarvaśaḥ. marudbhirbhṛgubhiścaiva ye cānye vibudhālayāḥ .. 10.66 .. ### [1.10.70](https://indike.org/pramana/in.purana.vayu.1.10.70) yamaśukrapurogaiśca pitṛkālāntakaistathā. etaiśvānyaiśacava bahubhiste dharmāḥ paryupāsitāḥ .. 10.67 .. ### [1.10.71](https://indike.org/pramana/in.purana.vayu.1.10.71) te vai prakṣīṇakarmāṇaḥ śāradāmbaranirmalāḥ. upāsate munigaṇāḥ sandhāyātmānamātmani .. 10.68 .. ### [1.10.72](https://indike.org/pramana/in.purana.vayu.1.10.72) gurupriyahite yuktā gurūṇāṃ vai priyepsavaḥ. vimucya mānuṣaṃ janma viharanti ca devavat .. 10.69 .. ### [1.10.73](https://indike.org/pramana/in.purana.vayu.1.10.73) maheśvareṇa ye proktāḥ pañca dharmāḥ sanātanāḥ. tān sarvān kramayogena ucyamānānnibodhata .. 10.70 .. ### [1.10.74](https://indike.org/pramana/in.purana.vayu.1.10.74) prāṇāyāmastathā dhyānaṃ pratyāhāro'tha dhāraṇā. smaraṇañcaiva yoge'smin pañca dharmāḥ prakīrttitāḥ .. 10.71 .. ### [1.10.75](https://indike.org/pramana/in.purana.vayu.1.10.75) teṣāṃ kramaviśeṣeṇa lakṣaṇaṃ kāraṇaṃ tathā. pravakṣyāmi tathā tattvaṃ yathā rudreṇa bhāṣitam .. 10.72 .. ### [1.10.76](https://indike.org/pramana/in.purana.vayu.1.10.76) prāṇāyāmagatiśvāpi prāṇasyāyāma ucyate . sa cāpi trividhaḥ prokto mando madhyottamastathā .. 10.73 .. ### [1.10.77](https://indike.org/pramana/in.purana.vayu.1.10.77) prāṇānāñca nirodhastu sa prāṇāyāmasaṃjñitaḥ . prāṇāyāmapramāṇantu mātrā vai dvādaśa smṛtāḥ .. 10.74 .. ### [1.10.78](https://indike.org/pramana/in.purana.vayu.1.10.78) mando dvādaśamātrastu udvātā dvādaśa smṛtāḥ . madhyamaśca dvirudvātaścaturviṃśatimātrikaḥ .. 10.75 .. ### [1.10.79](https://indike.org/pramana/in.purana.vayu.1.10.79) uttamastatrtrirudvāto mātrāḥ ṣaṭ‌triṃśaducyate. svedakampaviṣādānāṃ janano hyuttamaḥ smṛtaḥ .. 10.76 .. ### [1.10.80](https://indike.org/pramana/in.purana.vayu.1.10.80) ityetat trividhaṃ proktaṃ prāṇāyāmasya lakṣaṇam. pramāṇañca samāsena lakṣaṇañca nibodhata .. 10.77 .. ### [1.10.81](https://indike.org/pramana/in.purana.vayu.1.10.81) siṃho vā kuñjaro vāpi tathā'nyo vā mṛgo vane. gṛhītaḥ sevyamānastu mṛduḥ samupajāyate .. 10.78 .. ### [1.10.82](https://indike.org/pramana/in.purana.vayu.1.10.82) tathā prāṇo durādharṣaḥ sarveṣāmakṛtātmanām . yogataḥ sevyamānastu sa evābhyāsato vrajet .. 10.79 .. ### [1.10.83](https://indike.org/pramana/in.purana.vayu.1.10.83) sa caiva hi yathā siṃhaḥ kuñjaro vāpi durbalaḥ. kālāntaravaśādyogādgamyate parimarddanāt .. 10.80 .. ### [1.10.84](https://indike.org/pramana/in.purana.vayu.1.10.84) paridhāya mano mandaṃ vaśyatvaṃ cādhigacchati . paridhāya manodevaṃ tathā jīvati mārutaḥ .. 10.81 .. ### [1.10.85](https://indike.org/pramana/in.purana.vayu.1.10.85) vaśyatvaṃ hi yathā vāyurgacchate yogamāsthitaḥ. tadā svacchandataḥ prāṇaṃ nayate yatra cecchati .. 10.82 .. ### [1.10.86](https://indike.org/pramana/in.purana.vayu.1.10.86) yathā siṃho gajo vāpi vaśyatvādavatiṣṭhate. abhayāya manuṣyāṇāṃ mṛgebhyaḥ saṃpravarttate .. 10.83 .. ### [1.10.87](https://indike.org/pramana/in.purana.vayu.1.10.87) yathā paricitaścāyaṃ vāyurvai viśvatomukhaḥ. paridhyāyamānaḥ saṃruddhaḥ śarīre kilbiṣaṃ dahat .. 10.84 .. ### [1.10.88](https://indike.org/pramana/in.purana.vayu.1.10.88) prāṇāyāmena yuktasya viprasya niyatātmanaḥ. sarve doṣāḥ praṇaśyanti sattvasthaścaiva jāyate .. 10.85 .. ### [1.10.89](https://indike.org/pramana/in.purana.vayu.1.10.89) tapāṃsi yāni tapyante vratāni niyamāśca ye. sarvayajñaphalañcaiva prāṇāyāmaśca tatsamaḥ .. 10.86 .. ### [1.10.90](https://indike.org/pramana/in.purana.vayu.1.10.90) abbinduṃ yaḥ kuśāgreṇa māsi māsi samaśrute. saṃvatsaraśataṃ sāgraṃ prāṇāyāmañca tatsamam .. 10.87 .. ### [1.10.91](https://indike.org/pramana/in.purana.vayu.1.10.91) prāṇāyāmairdaherdoṣān dhāraṇābhiśca kilbiṣam. pratyāhāreṇa viṣayān dhyānenānāśvarān guṇān .. 10.88 .. ### [1.10.92](https://indike.org/pramana/in.purana.vayu.1.10.92) tasmādyuktaḥ sadā yogī prāṇāyāmaparo bhavet . sarvapāpaviśuddhātmā paraṃ brahmādhigacchati .. 10.89 .. ### [1.10.93](https://indike.org/pramana/in.purana.vayu.1.10.93) iti śrīma hāpurāṇe vāyuprokte manvantarādivarṇanaṃ nāma daśamo'dhyāḥ .. 10 .. ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.1.9.11) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.8.3) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.14.17) — Vyāsa, Sanskrit - [Varāhapurāṇa](https://indike.org/pramana/in.purana.varaha.28.21) — Vyāsa, Sanskrit - [Vīraśaivānandacandrikā (Maritontadārya)](https://indike.org/pramana/in.sampradaya.saiva.virasaiva.virasaivanandacandrika-maritontadarya.11.53) — Maritontadārya 1725, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.8.p2) — Ativīrarāma Pāṇṭiyar, Sanskrit --- Source: [https://indike.org/pramana/in.purana.vayu.1.10](https://indike.org/pramana/in.purana.vayu.1.10) · Pramāṇa