[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.11 # Vayupurana 1.11: adhyāyaḥ 11 Vāyupurāṇa 1.11 - **Language:** Sanskrit ### adhyāyaḥ 11 ### [1.11.1](https://indike.org/pramana/in.purana.vayu.1.11.1) .. vāyuruvāca .. ### [1.11.2](https://indike.org/pramana/in.purana.vayu.1.11.2) ekaṃ mahāntaṃ divasamahorātramathāpi vā. arddhamāsaṃ tathā māsamayanābdayugāni ca .. 11.1 .. ### [1.11.3](https://indike.org/pramana/in.purana.vayu.1.11.3) mahāyugasahasrāṇi ṛṣayastapasi sthitāḥ. upāsate mahātmānaḥ prāṇaṃ divyena cakṣuṣā .. 11.2 .. ### [1.11.4](https://indike.org/pramana/in.purana.vayu.1.11.4) ataūrddhvaṃ pravakṣyāmi prāṇāyāmaprayojanam. phalañcaiva viśeṣeṇa yathāha bhagavān prabhuḥ .. 11.3 .. ### [1.11.5](https://indike.org/pramana/in.purana.vayu.1.11.5) prayojanāni catvāri prāṇāyāmasya viddhivai. śāntiḥ praśāntirdīptiśca prasādaśca catuṣṭayam .. 11.4 .. ### [1.11.6](https://indike.org/pramana/in.purana.vayu.1.11.6) ghorākāraśivānāntu karmaṇāṃ phalasambhavam. svayaṃkṛtāni kālena ihāmutra ca dehinām .. 11.5 .. ### [1.11.7](https://indike.org/pramana/in.purana.vayu.1.11.7) pitṛmātṛ praduṣṭānāṃ jñātisambandhisaṅkaraiḥ. kṣapaṇaṃ hi kaṣāyāṇāṃ pāpānāṃ śāntirucyate .. 11.6 .. ### [1.11.8](https://indike.org/pramana/in.purana.vayu.1.11.8) lobhamānātmakānāṃ hi pāpānāmapi saṃyamaḥ . ihāmutra hitārthāya praśāntistapa ucyate .. 11.7 .. ### [1.11.9](https://indike.org/pramana/in.purana.vayu.1.11.9) sūryendugrahatārāṇāṃ tulyastu viṣayo bhavet. ṛṣīṇāñca prasiddhānāṃ jñānavijñānasampadām .. 11.8 .. ### [1.11.10](https://indike.org/pramana/in.purana.vayu.1.11.10) atītānāgatānāñca darśanaṃ sāmpratasya ca . buddhasya samatāṃ yānti dīptiḥ syāttapa ucyate .. 11.9 .. ### [1.11.11](https://indike.org/pramana/in.purana.vayu.1.11.11) indriyāṇīndriyārthāṃśca manaḥ pañca ca mārutān . prasādayati yenāsau prasāda iti saṃjñitaḥ .. 11.10 .. ### [1.11.12](https://indike.org/pramana/in.purana.vayu.1.11.12) ityeṣa dharmaḥ prathamaḥ prāṇāyāmaścaturvidhaḥ. sannikṛṣṭaphalo jñeyaḥ sadyaḥkālaprasādajaḥ .. 11.11 .. ### [1.11.13](https://indike.org/pramana/in.purana.vayu.1.11.13) ata ūrddhvaṃ pravakṣyāmi prāṇāyāmasya lakṣaṇam. āsanaṃ ca yathātattvaṃ yuñjato yogameva ca .. 11.12 .. ### [1.11.14](https://indike.org/pramana/in.purana.vayu.1.11.14) oṅkāraṃ prathamaṃ kṛtvā candrasūyauṃ praṇamya ca. āsanaṃ svastikaṃ kṛtvā pajhamarddhāsanantathā .. 11.13 .. ### [1.11.15](https://indike.org/pramana/in.purana.vayu.1.11.15) samajānurekajānuruttānaḥ susthito'pi ca. samo dṛḍhāsano bhūtvā saṃhṛtya caraṇāvubhau .. 11.14 .. ### [1.11.16](https://indike.org/pramana/in.purana.vayu.1.11.16) saṃvṛtāsyo'vabaddhākṣa uro viṣṭabhya cāgrataḥ. pārṣṇibhyāṃ vṛṣaṇe chādya tathā prajananaṃ tataḥ .. 11.15 .. ### [1.11.17](https://indike.org/pramana/in.purana.vayu.1.11.17) kiñcidunnāmitaśirāḥ śiro grīvāṃ tathaiva ca. samprekṣya nāsikāgraṃ svaṃ diśaścānavalokayan .. 11.16 .. ### [1.11.18](https://indike.org/pramana/in.purana.vayu.1.11.18) tamaḥ pracchādya rajasā rajaḥ sattvena cchādayet . tataḥ sattvasthito bhūtvā yogaṃ yuñjan samāhitaḥ .. 11.17 .. ### [1.11.19](https://indike.org/pramana/in.purana.vayu.1.11.19) indriyāṇīndriyārthāṃśca manaḥ pañca sa mārutān. vigṛhya samavāyeva pratyāhāramupakramet .. 11.18 .. ### [1.11.20](https://indike.org/pramana/in.purana.vayu.1.11.20) yastu pratyāharet kāmān kūrmo'ṅgānīva sarvataḥ. tathātmaratirekasthaḥ paśyatyātmānamātmani .. 11.19 .. ### [1.11.21](https://indike.org/pramana/in.purana.vayu.1.11.21) pūrayitvā śarīrantu sa bāhyābhyantaraṃ śuciḥ. ākaṇṭhanābhiyogena pratyāhāramupakramet .. 11.20 .. ### [1.11.22](https://indike.org/pramana/in.purana.vayu.1.11.22) kalāmātrastu vijñeyo nimeṣonmeṣa eva ca. tathā dvādaśamātrastu prāṇāyāmo vidhīyate .. 11.21 .. ### [1.11.23](https://indike.org/pramana/in.purana.vayu.1.11.23) dhāraṇā dvādaśāyāmo yogo vai dhāraṇādvayam. tathā vai yogayuktaśca aiśvaryaṃ pratipadyate . vīkṣate paramātmānaṃ dīpyamānaṃ svatejasā .. 11.22 .. ### [1.11.24](https://indike.org/pramana/in.purana.vayu.1.11.24) prāṇāyāmena yuktasya viprasya niyatātmanaḥ. sarve doṣāḥ praṇaśyanti sattvasthaścaiva jāyate .. 11.23 .. ### [1.11.25](https://indike.org/pramana/in.purana.vayu.1.11.25) evaṃ vai niyatāhāraḥ prāṇāyāmaparāyaṇaḥ. jitvā jitvā sadā bhūmimārohettu sadā muniḥ .. 11.24 .. ### [1.11.26](https://indike.org/pramana/in.purana.vayu.1.11.26) ajitā hi mahābhūmirdoṣānutpādayedbahūn . vivarddhayati sammohaṃ na rohedajitāṃ tataḥ .. 11.25 .. ### [1.11.27](https://indike.org/pramana/in.purana.vayu.1.11.27) nālena tu yathā toyaṃ yantreṇaiva balānvitaḥ. āpibeta prayatnena tathā vāyuñjitaśramaḥ .. 11.26 .. ### [1.11.28](https://indike.org/pramana/in.purana.vayu.1.11.28) nābhyāṃ ca hṛdaye caiva kaṇṭhe urasi cānane. nāsāgre tu tathā netre bhruvormadhye'tha mūrddhani .. 11.27 .. ### [1.11.29](https://indike.org/pramana/in.purana.vayu.1.11.29) kiñcidūrddhvaṃ parasmiṃśca dhāraṇā paramā smṛtā. prāṇāpānasamārodhāt prāṇāyāmaḥ sa kathyate .. 11.28 .. ### [1.11.30](https://indike.org/pramana/in.purana.vayu.1.11.30) manaso dhāraṇā caiva dhāraṇeti prakīrtitā. nivṛtti rviṣayāṇāntu pratyāhārastu saṃjñitaḥ .. 11.29 .. ### [1.11.31](https://indike.org/pramana/in.purana.vayu.1.11.31) sarveṣāṃ samavāye tu siddhiḥ syādyogalakṣaṇā. tayotpannasya yogasya dhyānaṃ vai siddhilakṣaṇam. dhyānayuktaḥ sadā paśyedātmānaṃ sūryacandravat .. 11.30 .. ### [1.11.32](https://indike.org/pramana/in.purana.vayu.1.11.32) sattvasyānupapattau tu darśanantu nava vidyate. adeśakālayogasya darśanantu na vidyate .. 11.31 .. ### [1.11.33](https://indike.org/pramana/in.purana.vayu.1.11.33) agnyabhyāśe vane vāpi śuṣkaparṇacaye tathā. jantuvyāpte śmaśāne vā jīrṇagoṣṭhe catuṣpathe .. 11.32 .. ### [1.11.34](https://indike.org/pramana/in.purana.vayu.1.11.34) saśabde sabhaye vāpi caityavalmīkasaṃcaye. udapāne tathā nadyānna bādhātaḥ kadācana .. 11.33 .. ### [1.11.35](https://indike.org/pramana/in.purana.vayu.1.11.35) kṣudhāviṣstathā'prito na ca vyākulacetanaḥ. yuñjīta paramaṃ dhyānaṃ yogī dhyānaparaḥ sadā .. 11.34 .. ### [1.11.36](https://indike.org/pramana/in.purana.vayu.1.11.36) etān doṣān viniścitya pramādādyo yunakti vai. tasya doṣāḥ prakupyanti śarīre vighnakārakāḥ .. 11.35 .. ### [1.11.37](https://indike.org/pramana/in.purana.vayu.1.11.37) jaḍatvaṃ badhiratvaṃ ca mūkatvaṃ cādhigacchati. andhatvaṃ smṛtilopaśca jarā rogastathaiva ca .. 11.36 .. ### [1.11.38](https://indike.org/pramana/in.purana.vayu.1.11.38) tasya doṣāḥ prakupyanti ajñānādyo yunakti vai. tasmājjñānena śuddhena yogī yuñjetsamāhitaḥ .. 11.37 .. ### [1.11.39](https://indike.org/pramana/in.purana.vayu.1.11.39) apramattaḥ sadā caiva na doṣān prāpruyāt vkacit . teṣāṃ cikitsāṃ vakṣyāmi doṣāṇāṃ ca yathākramam. yathā gacchanti te doṣāḥ prāṇāyāmasamutthitāḥ .. 11.38 .. ### [1.11.40](https://indike.org/pramana/in.purana.vayu.1.11.40) snigdhāṃ yavāgūmatyuṣṇāṃ bhuktvāṃ tatrāvadhārayet . etena kramayogena vātagulmaṃ praśāmyati .. 11.39 .. ### [1.11.41](https://indike.org/pramana/in.purana.vayu.1.11.41) gudāvarttapratīkāramidaṃ kuryyāccikitsitam. bhuktvā dadhi yavāgūrvā vāyurūrddhvaṃ tato vrajeta .. 11.40 .. ### [1.11.42](https://indike.org/pramana/in.purana.vayu.1.11.42) vāyugraṃthiṃ tato bhittvā vāyudeśe prayojayet . tathāpi na viśeṣaḥ syāddhāraṇāṃ mūrdhni dhārayet .. 11.41 .. ### [1.11.43](https://indike.org/pramana/in.purana.vayu.1.11.43) yuñjānasya tanuṃ tasya sattavasthasyaiva dehinaḥ. gudāvarttapratīghāte etat kuryyāccikitsitam .. 11.42 .. ### [1.11.44](https://indike.org/pramana/in.purana.vayu.1.11.44) sarvagātraprakampena samārabdhasya yoginaḥ . imāṃ cikitsāṃ kurvvīta tayā saṃpadyate sukhī .. 11.43 .. ### [1.11.45](https://indike.org/pramana/in.purana.vayu.1.11.45) manasā yadvrataṃ kiñcidviṣṭambhīkṛtya dhārayet. uroddhāte uraḥsthānaṃ kaṇṭhadeśe ca dhārayet .. 11.44 .. ### [1.11.46](https://indike.org/pramana/in.purana.vayu.1.11.46) tvaco'vadhāte tāṃ vāci bādhirye śrotrayostathā. jihvāsthāne tṛṣārttastu agre snehāṃśca tantubhiḥ. phalaṃ vai cintayedyogī tataḥ saṃpadyate sukhī .. 11.45 .. ### [1.11.47](https://indike.org/pramana/in.purana.vayu.1.11.47) kṣaye kuṣṭhe sakīlāse dhārayetsarvasātvikīm. yasmin yasmin rajodeśe tasmin yukto vinirddiśet .. 11.46 .. ### [1.11.48](https://indike.org/pramana/in.purana.vayu.1.11.48) yogotpannasya viprasya idaṃ kuryāccikitsitam. vaṃśakīlena mūrddhānaṃ dhārayāṇasya tāḍayet. mūrdhni kīlaṃ pratiṣṭhāpya kāṣṭhaṃ kāṣṭhena tāḍayet .. 11.47 .. ### [1.11.49](https://indike.org/pramana/in.purana.vayu.1.11.49) bhayabhītasya sā saṃjñā tataḥ pratyāgamiṣyati. atha vā luptasaṃjñasya hastābhyāṃ tatra dhārayet .. 11.48 .. ### [1.11.50](https://indike.org/pramana/in.purana.vayu.1.11.50) pratilabhya tataḥ saṃjñāṃ dhāraṇāṃ mūrdhni dhārayet. srigdhamalpaṃ ca bhuñjīta tataḥ saṃpadyate sukhī .. 11.49 .. ### [1.11.51](https://indike.org/pramana/in.purana.vayu.1.11.51) amānuṣeṇa sattvena yadā budhyati yogavit . divaṃ ca pṛthivīñcaiva vāyumagniṃ ca dhārayet .. 11.50 .. ### [1.11.52](https://indike.org/pramana/in.purana.vayu.1.11.52) prāṇāyāmena tatsarvaṃ dahyamānaṃ vaśībhavet. athāpi praviśeddehaṃ tatastaṃ pratiṣedhayet .. 11.51 .. ### [1.11.53](https://indike.org/pramana/in.purana.vayu.1.11.53) tataḥ saṃstabhya yogena dhārayānasya mūrddhāni. prāṇāyāmāgninā dagdhaṃ tatsarvaṃ vilayaṃ vrajet .. 11.52 .. ### [1.11.54](https://indike.org/pramana/in.purana.vayu.1.11.54) kṛṣṇasarpāparādhaṃ tu dhārayeddhṛdayodare . maharjanastapaḥ satyaṃ hṛdi kṛtvā tu dhārayet .. 11.53 .. ### [1.11.55](https://indike.org/pramana/in.purana.vayu.1.11.55) viṣasya tu phalaṃ pītvā viśalyāṃ dhārayettataḥ . sarvataḥ sanagāṃ pṛthvīṃ kṛtvā manasi dhārayet .. 11.54 .. ### [1.11.56](https://indike.org/pramana/in.purana.vayu.1.11.56) hṛdi kṛtvā samudrāṃśca tathā sarvāśca devatāḥ . sahasreṇa ghaṭānāñca yuktaḥ snāyīta yogavit .. 11.55 .. ### [1.11.57](https://indike.org/pramana/in.purana.vayu.1.11.57) udake kaṇṭhamātre tu dhāraṇāṃ mūdhni dhārayet. pratisrotoviṣāviṣṭo dhārayet sarvagātrikīm .. 11.56 .. ### [1.11.58](https://indike.org/pramana/in.purana.vayu.1.11.58) śīrṇo'rkapatrapuṭakaiḥ pibedvalmīkamṛttikām . cikitsitavidhirhyeṣa viśruto yoganirmitaḥ .. 11.57 .. ### [1.11.59](https://indike.org/pramana/in.purana.vayu.1.11.59) vyākhyātastu samāsena yogadṛṣṭena hetunā. bruvato lakṣaṇaṃ viddhi viprasya kathayet vkacit .. 11.58 .. ### [1.11.60](https://indike.org/pramana/in.purana.vayu.1.11.60) athāpi kathayenmohāttadvijñānaṃ pralīyate. tasmāt pravṛttiryyogasya na vaktavyā kathañcana .. 11.59 .. ### [1.11.61](https://indike.org/pramana/in.purana.vayu.1.11.61) sattvaṃ tathārogyamalolupatvaṃ varṇaprabhā susvarasaumyatā ca. gandhaḥ śubho mūtrapurīṣa malpaṃ yogapravṛttiḥ prathamā śarīre .. 11.60 .. ### [1.11.62](https://indike.org/pramana/in.purana.vayu.1.11.62) ātmānaṃ pṛthivīñcaiva jvalantīṃ yadi paśyati. kṛtvānyaṃ viśate caiva vidyāt siddhimupasthitām . 11.61 .. ### [1.11.63](https://indike.org/pramana/in.purana.vayu.1.11.63) iti śrīmahāpurāṇe vāyuprokte pāśupatayogo nāmaikādaśo'dhyāyaḥ .. 11 .. ## Linked texts (3) - [Yogacintāmaṇi (Śivānanda Sarasvatī)](https://indike.org/pramana/in.darsana.yoga.yogacintamani-sivananda-sarasvati.3.110) — Śivānanda Sarasvatī 1650, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p324) — Lakṣmīdhara Bhaṭṭa, Sanskrit - [Śārṅgadharapaddhati](https://indike.org/pramana/in.lit.subhasita.subhasita.kosa.sarngadharapaddhati.180.46) — Śārṅgadhara, Sanskrit --- Source: [https://indike.org/pramana/in.purana.vayu.1.11](https://indike.org/pramana/in.purana.vayu.1.11) · Pramāṇa