[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.16 # Vayupurana 1.16: adhyāyaḥ 16 Vāyupurāṇa 1.16 - **Language:** Sanskrit ### adhyāyaḥ 16 ### [1.16.1](https://indike.org/pramana/in.purana.vayu.1.16.1) .. vāyuruvāca .. ### [1.16.2](https://indike.org/pramana/in.purana.vayu.1.16.2) ata ūddhvaṃ pravakṣyāmi śaucācārasya lakṣaṇam. yadanuṣṭhāya śuddhātmā pretya svargaṃ hi cāpnuyāt .. 16.1 .. ### [1.16.3](https://indike.org/pramana/in.purana.vayu.1.16.3) udakārthī tu śaucānāṃ munīnāmuttamaṃ padam . yastu teṣvapramattaḥ syāt sa munirnnāvasīdati .. 16.2 .. ### [1.16.4](https://indike.org/pramana/in.purana.vayu.1.16.4) mānāvamānau dvovetau tāvevāhurviṣāmṛte . avamānaṃ viṣaṃ tatra mānantvamṛtamucyate .. 16.3 .. ### [1.16.5](https://indike.org/pramana/in.purana.vayu.1.16.5) yastu teṣvapramattaḥ syāt sa munirnnāvasīdati . guroḥ priyahite yuktaḥ sa tu saṃvatsaraṃ vaset .. 16.4 .. ### [1.16.6](https://indike.org/pramana/in.purana.vayu.1.16.6) niyameṣvapramattastu yameṣu ca sadā bhavet . prāpyānujñāntataścaiva jñānāgamanamuttamam. avirodhena dharmasya vicaret pṛthivīmimām .. 16.5 .. ### [1.16.7](https://indike.org/pramana/in.purana.vayu.1.16.7) cakṣuḥ pūtaṃ vrajenmārgaṃ vastrapūtaṃ jalaṃ pibet. satyapūtāṃ vadedvāṇīmiti dharmānuśāsanam .. 16.6 .. ### [1.16.8](https://indike.org/pramana/in.purana.vayu.1.16.8) ātithyaṃ śrāddhayajñeṣu na gacchedyogavit vkacit. evaṃ hyahiṃsako yogī bhavediti vicāraṇā .. 16.7 .. ### [1.16.9](https://indike.org/pramana/in.purana.vayu.1.16.9) vahnau vidhūme vyaṅgāre sarvṛsmin bhuktavajjane. vicarenmatimān yogī na tu teṣveva nityaśaḥ .. 16.8 .. ### [1.16.10](https://indike.org/pramana/in.purana.vayu.1.16.10) yathaivamavamanyante yathā paribhavanti ca. yuktastathā caredbhaikṣaṃ satāṃ dharmamadūṣayan .. 16.9 .. ### [1.16.11](https://indike.org/pramana/in.purana.vayu.1.16.11) bhaikṣaṃ caredgṛhastheṣu yathācāragṛheṣu ca. śreṣṭhā tu paramā ceyaṃ vṛttirasyopadiśyate .. 16.10 .. ### [1.16.12](https://indike.org/pramana/in.purana.vayu.1.16.12) ata ūrddhvaṃ gṛhastheṣu śālīneṣu cared‌dvijaḥ. śraddadhāneṣu dānteṣu śrotriyeṣu mahātmasu .. 16.11 .. ### [1.16.13](https://indike.org/pramana/in.purana.vayu.1.16.13) ata ūrddhvaṃ punaścāpi aduṣṭapatiteṣu ca. bhaikṣacaryā vivarṇeṣu jaghanyā vṛttirucyate .. 16.12 .. ### [1.16.14](https://indike.org/pramana/in.purana.vayu.1.16.14) bhaikṣaṃ yavāgūṃ takraṃ vā payo yāvakameva ca. phaḻamūlaṃ vipavkaṃ vā piṇyākaṃ śaktitopi vā .. 16.13 .. ### [1.16.15](https://indike.org/pramana/in.purana.vayu.1.16.15) ityete vai mayā proktā yogināṃ siddhivarddhanāḥ. āhārāsteṣu siddheṣu śreṣṭhaṃ bhaikṣamiti smṛtam .. 16.14 .. ### [1.16.16](https://indike.org/pramana/in.purana.vayu.1.16.16) abbinduṃ yaḥ kuśāgreṇa māse māse samaśnute. nyāyato yastu bhikṣeta sa pūrvoktādviśiṣyate .. 16.15 .. ### [1.16.17](https://indike.org/pramana/in.purana.vayu.1.16.17) yogināṃ caiva sarveṣāṃ śreṣṭhaṃ cāndrāyaṇaṃ smṛtam . ekaṃ dve trīṇi catvāri śaktito vā samācaret .. 16.16 .. ### [1.16.18](https://indike.org/pramana/in.purana.vayu.1.16.18) asteyaṃ brahmacaryañca alobhastyāga eva ca. vratāni caiva bhikṣūṇāmahiṃsā paramārthitā .. 16.17 .. ### [1.16.19](https://indike.org/pramana/in.purana.vayu.1.16.19) akrodho guruśuśrūṣā śaucamāhāralāghavam. nityaṃsvādhyāya ityete niyamāḥ parikīrtitāḥ .. 16.18 .. ### [1.16.20](https://indike.org/pramana/in.purana.vayu.1.16.20) bīcayonirguṇavapurbaddhaḥ karmabhireva ca. yathā dvipa ivāraṇye manuṣyāṇāṃ vidhīyate .. 16.19 .. ### [1.16.21](https://indike.org/pramana/in.purana.vayu.1.16.21) prāpyate vācirādevāṅkuśeneva nivāritaḥ. evaṃ jñānena śuddhena dagdhabīco hyakalmaṣaḥ. vimuktabandhaḥ śānto'sau mukta ityabhidhīyate .. 16.20 .. ### [1.16.22](https://indike.org/pramana/in.purana.vayu.1.16.22) vedaistutyā sarvayajñakriyāstu yajñe japyaṃ jñānināmāhuragrayam. jñānāddhayānaṃ saṅgarāgavyapetaṃ tasmin prāpte śāśvatasyopalabdhiḥ .. 16.21 .. ### [1.16.23](https://indike.org/pramana/in.purana.vayu.1.16.23) damaḥ śamaḥ satyamakalmaṣatvaṃ maunaṃ ca bhūteṣvakhileṣvathārjjavam. atīndriyajñānamidaṃ tathārjjavaṃ prāhustathā jñānaviśuddhasattvāḥ .. 16.22 .. ### [1.16.24](https://indike.org/pramana/in.purana.vayu.1.16.24) samāhito brahmaparo'pramādī śucistathaivātmaratirjītendriyaḥ. samāpnuyuryogamimaṃ mahādhiyo maharṣayaścaivamaninditāmalāḥ .. 16.23 .. ### [1.16.25](https://indike.org/pramana/in.purana.vayu.1.16.25) iti śrīmahāpurāṇe vāyu prokte śaucācāralakṣaṇaṃ nāma ṣoḍaśo'dhyāyaḥ .. 16 .. ## Linked texts (4) - [Yogacintāmaṇi (Śivānanda Sarasvatī)](https://indike.org/pramana/in.darsana.yoga.yogacintamani-sivananda-sarasvati.3.814) — Śivānanda Sarasvatī 1650, Sanskrit - [Prakriyāpāda](https://indike.org/pramana/in.purana.prakriyapada.16.1) — Sanskrit - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.8.1429) — Kāśīnātha Pāṇḍuraṅga Paraba 1886, Sanskrit - [The Social and Military Position of the Ruling Caste in Ancient India, as Represented by the Sanskrit Epic](https://indike.org/pramana/ins.polity.hopkins-1889.c2.s5.402) — E. W. Hopkins, English --- Source: [https://indike.org/pramana/in.purana.vayu.1.16](https://indike.org/pramana/in.purana.vayu.1.16) · Pramāṇa