[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.18 # Vayupurana 1.18: adhyāyaḥ 18 Vāyupurāṇa 1.18 - **Language:** Sanskrit ### adhyāyaḥ 18 ### [1.18.1](https://indike.org/pramana/in.purana.vayu.1.18.1) .. vāyuruvāca .. ### [1.18.2](https://indike.org/pramana/in.purana.vayu.1.18.2) ata ūrddhvaṃ pravakṣyāmi yatīnāmiha niścayam. prāyaścittāni tattvena yānyakāmakṛtāni tu. atha kāmakṛtepyāhuḥ sūkṣmadharmavido janāḥ .. 18.1 .. ### [1.18.3](https://indike.org/pramana/in.purana.vayu.1.18.3) pāpañca trividhaṃ proktaṃ vāṅmanaḥkāyasambhavam. satataṃ hidivā rātrau yenedaṃ badhyate jagat .. 18.2 .. ### [1.18.4](https://indike.org/pramana/in.purana.vayu.1.18.4) na karmāṇi na cāpyeṣa tiṣṭha tītiparā śrutiḥ. kṣaṇameva prayojyantu āyuṣastu vidhāraṇāt .. 18.3 .. ### [1.18.5](https://indike.org/pramana/in.purana.vayu.1.18.5) bhaveddhīro'pramattastu yogo hi paramaṃ balam. na hi yogātparaṃ kiñcinnarāṇāmiha dṛśyate. tasmādyogaṃ praśaṃsanti dharmayuktā manīṣiṇaḥ .. 18.4 .. ### [1.18.6](https://indike.org/pramana/in.purana.vayu.1.18.6) avidyāṃ vidyayā tīrtvā prāpyaiśvayarmanuttamam. dṛṣṭvā parāparaṃ dhīrāḥ paraṃ gacchanti tatpadam .. 18.5 .. ### [1.18.7](https://indike.org/pramana/in.purana.vayu.1.18.7) vratāni yāni bhikṣūṇāṃ tathaivopavratāni ca. ekaikāpakrame teṣāṃ prāyaścittaṃ vidhīyate .. 18.6 .. ### [1.18.8](https://indike.org/pramana/in.purana.vayu.1.18.8) upetya tu striyaṃ kāmāt prāyaścittaṃ vinirdiśet . prāṇāyāmasamāyuktaṃ kuryātsāntapanaṃ tathā .. 18.7 .. ### [1.18.9](https://indike.org/pramana/in.purana.vayu.1.18.9) tata ścarati nirddeśaṃ kṛcchrasyānte samāhitaḥ. punarāśramamāgamya caredbhikṣuratandritaḥ . na marmayuktaṃ vacanaṃ hinastīti manīṣiṇaḥ .. 18.8 .. ### [1.18.10](https://indike.org/pramana/in.purana.vayu.1.18.10) tathāpi ca na karttavyaḥ prasaṅgo hyeṣa dāruṇaḥ. ahorātrādhikaḥ kaścinnāstyadharma iti śrutiḥ .. 18.9 .. ### [1.18.11](https://indike.org/pramana/in.purana.vayu.1.18.11) hiṃsā hyeṣā parā sṛṣṭā daivatairmunibhistathā. yadetaddraviṇaṃ nāma prāṇā hyete bahiścarāḥ. sa tasya harati prāṇān yo yasya harate dhanam .. 18.10 .. ### [1.18.12](https://indike.org/pramana/in.purana.vayu.1.18.12) evaṃ kṛtvā sa duṣṭātmā bhinnavṛtto vratāccyutaḥ. bhūyo nirvedamāpannaścareccāndrāyaṇaṃ vratam .. 18.11 .. ### [1.18.13](https://indike.org/pramana/in.purana.vayu.1.18.13) vidhinā śāstradṛṣṭena saṃvatsaramiti śrutiḥ. tataḥ saṃvatsarasyānte bhūyaḥ prakṣīṇakalmaṣaḥ. bhūyo nirvedamāpannaścareccāndrāyaṇaṃ vratam .. 18.12 .. ### [1.18.14](https://indike.org/pramana/in.purana.vayu.1.18.14) ahiṃsā sarvabhūtānāṃ karmaṇā manasā girā . akāmādapi hiṃseta yadi bhikṣuḥ paśūn mṛgān. kṛcchrātikṛcchraṃ kurvīta cāndrāyaṇamathīpi vā .. 18.13 .. ### [1.18.15](https://indike.org/pramana/in.purana.vayu.1.18.15) skandedindriyadaurbalyāt striyaṃ dṛṣṭvā yatiryadi. tena dhārayitavyā vai prāṇāyāmāstu ṣoḍaśa .. 18.14 .. ### [1.18.16](https://indike.org/pramana/in.purana.vayu.1.18.16) divā skannasya viprasya prāyaścittaṃ vidhīyate. trirātramupavāsaśca prāṇāyāmaśataṃ tathā .. 18.15 .. ### [1.18.17](https://indike.org/pramana/in.purana.vayu.1.18.17) rātrau skannaḥ śuciḥ srātodvādaśaiva tu dhāraṇāḥ. prāṇāyāmena śuddhātmā virajā jāyate dvijaḥ .. 18.16 .. ### [1.18.18](https://indike.org/pramana/in.purana.vayu.1.18.18) ekānnaṃ madhu māṃsaṃ vā hyāmaśrāddhaṃ tathaiva ca. abhojyāni yatīnāñca pratyakṣalavaṇāni ca .. 18.17 .. ### [1.18.19](https://indike.org/pramana/in.purana.vayu.1.18.19) ekaikātikrame teṣāṃ prāyaścittaṃ vidhīyate. prājāpatyena kṛcchreṇa tataḥ pāpāt pramucyate .. 18.18 .. ### [1.18.20](https://indike.org/pramana/in.purana.vayu.1.18.20) vyatikramācca ye kecidvāṅmanaḥkāyasambhavam. sadbhiḥ saha viniścitya yadbrūyustatsamācaret .. 18.19 .. ### [1.18.21](https://indike.org/pramana/in.purana.vayu.1.18.21) viśuddhabuddhiḥ samaloṣṭakāñcanaḥ samastabhūteṣu caran sa māhitaḥ . sthānaṃ dhruvaṃ śāśvatamavyayaṃ satāṃ paraṃ sa gatvā na punarhi jāyate .. 18.20 .. ### [1.18.22](https://indike.org/pramana/in.purana.vayu.1.18.22) iti śrīmahāpurāṇe vāyuprokte yatiprāyaśvittavidhirnāmāṣṭādaśo'dhyāyaḥ .. 18 .. --- Source: [https://indike.org/pramana/in.purana.vayu.1.18](https://indike.org/pramana/in.purana.vayu.1.18) · Pramāṇa