[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.19 # Vayupurana 1.19: adhyāyaḥ 19 Vāyupurāṇa 1.19 - **Language:** Sanskrit ### adhyāyaḥ 19 ### [1.19.1](https://indike.org/pramana/in.purana.vayu.1.19.1) .. vāyuruvāca .. ### [1.19.2](https://indike.org/pramana/in.purana.vayu.1.19.2) ata ūrddhvaṃ pravakṣyāmi ariṣṭāni nibodhata. yena jñānaviśeṣeṇa mṛtyuṃ paśyati cātmanaḥ .. 19.1 .. ### [1.19.3](https://indike.org/pramana/in.purana.vayu.1.19.3) arundhatīṃ dhruvañcaiva somacchāyāṃ mahāpatham. yo na paśyetsa no jīvennaraḥ saṃvatsarātparam .. 19.2 .. ### [1.19.4](https://indike.org/pramana/in.purana.vayu.1.19.4) araśmivantamādityaṃ raśmivantañca pāvakam. yaḥ paśyenna ca jīveta māsādekādaśātparam .. 19.3 .. ### [1.19.5](https://indike.org/pramana/in.purana.vayu.1.19.5) vamenmūtraṃ karīṣaṃ vā suvarṇaṃ rajataṃ tathā. pratyakṣamatha vā svapne daśamāsān sa jīvati .. 19.4 .. ### [1.19.6](https://indike.org/pramana/in.purana.vayu.1.19.6) agrataḥ pṛṣṭhato vāpi khaṇṭaṃ yasya padambhavet. pāṃsule kardame vāpi saptamāsān sa jīvati .. 19.5 .. ### [1.19.7](https://indike.org/pramana/in.purana.vayu.1.19.7) kākaḥ kapoto gṛdhro vā nilīyedyasya mūrddhani. kravyādo vā khagaḥ kaścit ṣaṇmāsānnātivarttate .. 19.6 .. ### [1.19.8](https://indike.org/pramana/in.purana.vayu.1.19.8) badhye dvāyasapaṅktībhiḥ pāṃśuvarṣaiṇa vā punaḥ. chāyāṃ vā vikṛtāṃ paśyeccatuḥpañca sa jīvati .. 19.7 .. ### [1.19.9](https://indike.org/pramana/in.purana.vayu.1.19.9) anabhre vidyutaṃ paśyeddakṣiṇāṃ diśamāśritām. udakendradha nurvāpi trayo dvauvā sa jīvati .. 19.8 .. ### [1.19.10](https://indike.org/pramana/in.purana.vayu.1.19.10) apsu vā yadi vā''darśe ātmānaṃ yo na paśyati. aśiraskaṃ tathātmānaṃ māsādūrddhvaṃ na jīvati .. 19.9 .. ### [1.19.11](https://indike.org/pramana/in.purana.vayu.1.19.11) śavagandhi bhavedgātraṃ vasāgandhi hyathāpi vā. mṛtyurhyupasthitastasya arddhamāsaṃ sa jīvati .. 19.10 .. ### [1.19.12](https://indike.org/pramana/in.purana.vayu.1.19.12) sambhinno māruto yasya marmasthānāni kṛntati . adbhiḥ spṛṣṭo na dṛṣyecca tasya mṛtyurupasthitaḥ .. 19.11 .. ### [1.19.13](https://indike.org/pramana/in.purana.vayu.1.19.13) ṛkṣavānarayuktena rathenāśāntu dakṣiṇām . gāyannatha vrajet svapne vidyānmṛtyurupasthitaḥ .. 19.12 .. ### [1.19.14](https://indike.org/pramana/in.purana.vayu.1.19.14) kṛṣṇāmba radharā śyāmā gāyantī vātha cāṅganā. yannayeddakṣiṇāmāśāṃ svapne so'pi na jīvati .. 19.13 .. ### [1.19.15](https://indike.org/pramana/in.purana.vayu.1.19.15) chidraṃ vāsaśacava kṛṣṇañca svapre yo vidhṛyānnaraḥ . bhagnaṃ vā śravaṇaṃ dṛṣṭvā vidyānmṛtyurupasthitaḥ .. 19.14 .. ### [1.19.16](https://indike.org/pramana/in.purana.vayu.1.19.16) āmastakatalādyastu nimajjetpaṅkasāgare. dṛṣṭvā tu tādṛśaṃ svapnaṃ sadya eva na jīvati .. 19.15 .. ### [1.19.17](https://indike.org/pramana/in.purana.vayu.1.19.17) bhasmāṅgārāśca keśāṃśca nadīṃ śuṣkāṃ bhujaṅgamān. paśyedyo daśarātrantu na sa jīveta tādṛśaḥ .. 19.16 .. ### [1.19.18](https://indike.org/pramana/in.purana.vayu.1.19.18) kṛṣṇaiśca vikaṭaiścaiva puruṣairudyatāyudhaiḥ. pāṣāṇaistāḍyate svapne yaḥ sadyo na sa jīvati .. 19.17 .. ### [1.19.19](https://indike.org/pramana/in.purana.vayu.1.19.19) sūryodaye pratyuṣasi pratyakṣaṃ yasya vai śivā. krośantī sammukhābhyeti ma gatāyurbhavennaraḥ .. 19.18 .. ### [1.19.20](https://indike.org/pramana/in.purana.vayu.1.19.20) yasya vai srātamātrasya hṛdayaṃ pīṅyate bhṛśam. jāyate dantaharṣaśca taṃ gatāyuṣamādiśet .. 19.19 .. ### [1.19.21](https://indike.org/pramana/in.purana.vayu.1.19.21) bhūyo bhūyaḥ śvasedyastu rātrau vā yadi vā divā. dīpagandhañca no vetti vidyānmṛtyumupasthitam .. 19.20 .. ### [1.19.22](https://indike.org/pramana/in.purana.vayu.1.19.22) rātrau cendrāyudhaṃ paśyeddivā nakṣatramaṇḍalam. paranetreṣu cātmānaṃ na paśyenna sa jīvati .. 19.21 .. ### [1.19.23](https://indike.org/pramana/in.purana.vayu.1.19.23) netramekaṃ sravedyasya karṇau sthānācca bhraśyataḥ. nāsā ca vakrā bhavati sa jñeyo gatajīvitaḥ .. 19.22 .. ### [1.19.24](https://indike.org/pramana/in.purana.vayu.1.19.24) yasya kṛṣṇā kharā jihvā paṅkabhāsañca vai mukham. gaṇḍe cipiṭake rakte tasya mṛtyurupasthitaḥ .. 19.23 .. ### [1.19.25](https://indike.org/pramana/in.purana.vayu.1.19.25) muktakeśo hasaṃścaiva gāyan nṛtyaṃśca yo naraḥ. yāmyāśābhimukho gacchettadantaṃ tasya jīvitam .. 19.24 .. ### [1.19.26](https://indike.org/pramana/in.purana.vayu.1.19.26) yasya svedasamudbhūtāḥ śvetasarṣapasannibhāḥ. svedā bhavanti hyasakṛttasya mṛtyurupaśthitaḥ .. 19.25 .. ### [1.19.27](https://indike.org/pramana/in.purana.vayu.1.19.27) uṣṭhrā vā rāsabhā vāpi yuktāḥ svpare rathe'śubhāḥ. yasya sopi na jīveta dakṣiṇābhimukho gataḥ .. 19.26 .. ### [1.19.28](https://indike.org/pramana/in.purana.vayu.1.19.28) dve cātra parame'riṣṭe etadrūpaṃ paraṃ bhavet. ghoṣaṃ na śrṛṇuyāt karṇe jyotirnnetre na paśyati .. 19.27 .. ### [1.19.29](https://indike.org/pramana/in.purana.vayu.1.19.29) śvabhreyo nipatet svapne dvārañcāsya na vidyate. na cotiṣṭhati yaḥ śvabrāttadantaṃ tasya jīvitam .. 19.28 .. ### [1.19.30](https://indike.org/pramana/in.purana.vayu.1.19.30) ūrddhvā ca dṛṣṭirna ca sampratiṣṭhā raktā punaḥ samparivarttamānā. mukhasya coṣmā muṣirā ca nābhiratyuṣṇamūtro viṣamastha eva .. 19.29 .. ### [1.19.31](https://indike.org/pramana/in.purana.vayu.1.19.31) divā vā yati vā rātrau pratyakṣaṃ yo'bhihanyate. taṃ paśyedatha hantāraṃ sa hatastu na jīvati .. 19.30 .. ### [1.19.32](https://indike.org/pramana/in.purana.vayu.1.19.32) agnipraveśaṃ kurute svapnānte yastu mānavaḥ. smṛtiṃ nopalabheccāpi tadantaṃ tasya jīvitam .. 19.31 .. ### [1.19.33](https://indike.org/pramana/in.purana.vayu.1.19.33) yastu prāvaraṇaṃ śuklaṃ svakaṃ paśyati mānavaḥ. raktaṃ kṛṣṇamapi svapne tasya mṛtyurupasthitaḥ .. 19.32 .. ### [1.19.34](https://indike.org/pramana/in.purana.vayu.1.19.34) ariṣṭasūcite dehe tasmin kāla upāgate. tyaktvā bhayaviṣādañca udgacchedūbhuddhimānnaraḥ .. 19.33 .. ### [1.19.35](https://indike.org/pramana/in.purana.vayu.1.19.35) prācīṃ vā yadi vodīcīṃ diśaṃ niṣkramya vai śuciḥ. same'tisthāvare deśe vivikte janavarjjite .. 19.34 .. ### [1.19.36](https://indike.org/pramana/in.purana.vayu.1.19.36) udaṅmukhaḥ prāṅmukho vā svasthaḥ svācānta eva ca. svastikopaniviṣṭaśca namaskṛtya maheśvaram. samakāyaśirogrīvaṃ dhāryennāvalokayet .. 19.35 .. ### [1.19.37](https://indike.org/pramana/in.purana.vayu.1.19.37) yathā dīpo nivātasyo neṅgate sopamā smṛtā. prāgudakpravaṇe deśe tasmādyuñjīta yogavit .. 19.36 .. ### [1.19.38](https://indike.org/pramana/in.purana.vayu.1.19.38) prāṇe ca ramate nityaṃ cakṣuṣoḥ sparśane tathā. śrotre manasi buddhau ca tathā vakṣasi dhārayet. na tasya dhāraṇāyogādvāyuḥ sarvaṃ pravarttate .. 19.37 .. ### [1.19.39](https://indike.org/pramana/in.purana.vayu.1.19.39) kālagharmajhca vijñāya samūha़ñcaiva sarvaśaḥ. dvādaśādhyātmamityevaṃ yogadhāraṇamucyate .. 19.38 .. ### [1.19.40](https://indike.org/pramana/in.purana.vayu.1.19.40) śatamaṣṭa śataṃ vāpi dhāraṇāṃ mūrdhni dhārayet. na tasya dhāraṇāyogādvāyuḥ sarvaṃ pravartate .. 19.39 .. ### [1.19.41](https://indike.org/pramana/in.purana.vayu.1.19.41) tatastvāpūrayeddehamoṅkāreṇa samāhitaḥ. athoṅkāramayo yogī na kṣarettvakṣarī bhavet . 19.40 .. ### [1.19.42](https://indike.org/pramana/in.purana.vayu.1.19.42) iti śrīmahāpurāṇe vāyuprokte ariṣṭāni nāmaikonaviṃśo'dhyāyaḥ .. 19 .. ## Linked texts (3) - [Adbhutasāgara](https://indike.org/pramana/in.astro.samhita.adbhuta.adbhutasagara.47.84) — Ballālasena & Lakṣmaṇasena, Sanskrit - [Yogacintāmaṇi (Śivānanda Sarasvatī)](https://indike.org/pramana/in.darsana.yoga.yogacintamani-sivananda-sarasvati.3.2235) — Śivānanda Sarasvatī 1650, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p461) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.vayu.1.19](https://indike.org/pramana/in.purana.vayu.1.19) · Pramāṇa