[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.22 # Vayupurana 1.22: adhyāyaḥ 22 Vāyupurāṇa 1.22 - **Language:** Sanskrit ### adhyāyaḥ 22 ### [1.22.1](https://indike.org/pramana/in.purana.vayu.1.22.1) .. ṛṣaya ūcuḥ .. ### [1.22.2](https://indike.org/pramana/in.purana.vayu.1.22.2) atyadbhutamidaṃ sarvvaṃ kalpānānte mahāmune. rahasyaṃ vai samākhyātaṃ mantrāṇāñca prakalpanam .. 22. 1 .. ### [1.22.3](https://indike.org/pramana/in.purana.vayu.1.22.3) na tavāviditaṃ kiñcit triṣu lokeṣu vidyate. tasmādvistarataḥ sarvvāḥ kalpasaṃkhyā bravīhi naḥ .. 22.2 .. ### [1.22.4](https://indike.org/pramana/in.purana.vayu.1.22.4) ..vāyuruvāca .. ### [1.22.5](https://indike.org/pramana/in.purana.vayu.1.22.5) atra vaḥ kathayiṣyāmi kalpasaṃkhyāṃ yathā tathā. yugāgraṃ ca varṣāgrantu brahmaṇaḥ parameṣṭhinaḥ .. 22.3 .. ### [1.22.6](https://indike.org/pramana/in.purana.vayu.1.22.6) ekaṃ kalpasahasrantu brahmaṇo'bdaḥ prakīrttitaḥ. etadaṣṭasahasrantu brahmaṇastadyugaṃ smṛtam .. 22.4 .. ### [1.22.7](https://indike.org/pramana/in.purana.vayu.1.22.7) ekaṃ yugasahasrantu savanaṃ tat prajāpateḥ. savanānāṃ sahasrantu dviguṇaṃ trivṛtaṃ tathā .. 22.5 .. ### [1.22.8](https://indike.org/pramana/in.purana.vayu.1.22.8) brahmaṇaḥ sthitikālasya caitat sarvaṃ prakīrtitam. tasya saṃkhyāṃ pravakṣyāmi purastādvai yathākramam .. 22.6 .. ### [1.22.9](https://indike.org/pramana/in.purana.vayu.1.22.9) aṣṭāviṃśatirye kalpā nāmataḥ parikīrtitāḥ. taiṣāṃ purastādvakṣyāmi kalpasaṃjñāṃ, yathākramam .. 22.7 .. ### [1.22.10](https://indike.org/pramana/in.purana.vayu.1.22.10) rathantarasya sāmnastu upariṣṭānnibodhata. kalpānte nāma dheyāni mantrotpattiśca yasya yā .. 22.8 .. ### [1.22.11](https://indike.org/pramana/in.purana.vayu.1.22.11) ekonaviṃśakaḥ kalpo vijñeyaḥ śrṛtalohitaḥ. yasmiṃstat paramadhyānaṃ dhyāyato brahmaṇastathā .. 22.9 .. ### [1.22.12](https://indike.org/pramana/in.purana.vayu.1.22.12) śvetoṣṇīṣaḥ śvetamālyaḥ śvetāmbaradharaḥ śikhī. utpannastu mahātejāḥ kumāraḥ pāvakopamaḥ .. 22.10 .. ### [1.22.13](https://indike.org/pramana/in.purana.vayu.1.22.13) bhīmaṃ mukhaṃ mahāraudraṃ sughoraṃ śvetalohitam. dīptaṃ dīptena vapuṣā mahāsyaṃ śvetavarccasam .. 22.11 .. ### [1.22.14](https://indike.org/pramana/in.purana.vayu.1.22.14) taṃ dṛṣṭvā puruṣaḥ śrīmān brahmā vai viśvatomukhaḥ. kumāraṃ lokadhātāraṃ viśvarūpaṃ maheśvaram .. 22.12 .. ### [1.22.15](https://indike.org/pramana/in.purana.vayu.1.22.15) purāṇapuruṣaṃ devaṃ viśvātmā yogināṃ ciram. vavande devadeveśaṃ brahmā lokapitāmahaḥ .. 22.13 .. ### [1.22.16](https://indike.org/pramana/in.purana.vayu.1.22.16) hṛdi kṛtvā mahādevaṃ paramātmānamīśvaram. sadyojātaṃ tato brahma brahmā vai sama cintayat. jñātvā mumoca deveśo hṛṣṭo hāsaṃ jagatpatiḥ .. 22.14 .. ### [1.22.17](https://indike.org/pramana/in.purana.vayu.1.22.17) tato'sya pārśvataḥ śvetā ṛṣayo brahmavarccasaḥ. prādurbhūtā mahātmānaḥ śvetamālyānulepanāḥ .. 22.15 .. ### [1.22.18](https://indike.org/pramana/in.purana.vayu.1.22.18) sunando nandakaśacavaiva viśvanando'tha nandanaḥ. śiṣyāste vai mahātmāno yaistu brahma tato vṛtam .. 22.16 .. ### [1.22.19](https://indike.org/pramana/in.purana.vayu.1.22.19) tasyāgre śveta varṇābhaḥ śvetanāmā mahāmuniḥ. vijajñe'tha mahātejā yasmājjajñe narastvasau .. 22.17 .. ### [1.22.20](https://indike.org/pramana/in.purana.vayu.1.22.20) tatra te ṛṣayaḥ sarvve sadyojātaṃ maheśvaram. tasmādviśveśvaraṃ devaṃ ye prapaśyanti vai dvijāḥ. prāṇāyāmaparā yuktā brahmaṇi vyavasāyinaḥ .. 22.18 .. ### [1.22.21](https://indike.org/pramana/in.purana.vayu.1.22.21) te sarve pāpanirmmuktā vimalā brahmavarccasaḥ. brahmalo kamatikramya brahmalokaṃ vrajanti ca .. 22.19 .. ### [1.22.22](https://indike.org/pramana/in.purana.vayu.1.22.22) ..vāyuruvāca.. ### [1.22.23](https://indike.org/pramana/in.purana.vayu.1.22.23) tatastriṃśattamaḥ kalpo rakto nāma prakīrttitaḥ. rakto yatra mahātejā raktavarṇa madhārayat .. 22.20 .. ### [1.22.24](https://indike.org/pramana/in.purana.vayu.1.22.24) dhyāyataḥ putrakāmasya brahmaṇaḥ parameṣṭhinaḥ. prādurbhūto mahātejāḥ kumāro raktavigrahaḥ. raktamālyāmbaradharo raktanetraḥ pratāpavān .. 22.21 .. ### [1.22.25](https://indike.org/pramana/in.purana.vayu.1.22.25) sa taṃ dṛṣṭvā mahādevaṃ kumāraṃ raktavāsasam. dhyānayogaṃ paraṅgatvā bubudhe viśvamīśvaram .. 22.22 .. ### [1.22.26](https://indike.org/pramana/in.purana.vayu.1.22.26) sa taṃ praṇamya bhagavān brahmā paramayantritaḥ. vāmadevaṃ tato brahmā brahmātmakaṃ vyacintayat .. 22.23 .. ### [1.22.27](https://indike.org/pramana/in.purana.vayu.1.22.27) evaṃ dhyāto mahādevo brahmaṇā parameṣṭhinā. manasā prītiyuktena pitāmahamathābravīt .. 22.24 .. ### [1.22.28](https://indike.org/pramana/in.purana.vayu.1.22.28) dhyāyatā putrakāmena yasmāttehaṃ pitāmahaḥ. dṛṣṭaḥ paramayā bhaktyā dhyānayogena sattama .. 22.25 .. ### [1.22.29](https://indike.org/pramana/in.purana.vayu.1.22.29) tasmāddhayānaṃ paraṃ prāpya kalpe kalpe mahātapāḥ. vetsyase māṃ mahāsattva lokadhātāramīśvaram. evamuktvā tataḥ śarvaḥ aṭṭahāsaṃ mumoca ha .. 22.26 .. ### [1.22.30](https://indike.org/pramana/in.purana.vayu.1.22.30) tatastasya mahātmānaścatvāraśca kumārakāḥ. sambabhūvurmamāhātmāno virejuḥ śuddhabuddhayaḥ .. 22.27 .. ### [1.22.31](https://indike.org/pramana/in.purana.vayu.1.22.31) virajasva vivāhaśca viśoko viśvabhāvanaḥ. brahmaṇyā brahmaṇastulyā vīrā adhyavasāyinaḥ .. 22.28 .. ### [1.22.32](https://indike.org/pramana/in.purana.vayu.1.22.32) raktāmbaradharāḥ sarve raktamālyānulepanāḥ. raktabhasmānuliptāṅgā raktāsyā raktalocanāḥ .. 22.29 .. ### [1.22.33](https://indike.org/pramana/in.purana.vayu.1.22.33) tato varṣasahasrānte brahmaṇyā vyavasāyinaḥ. gṛṇantaśacava mahātmāno brahma tadvāmadaivakam .. 22.30 .. ### [1.22.34](https://indike.org/pramana/in.purana.vayu.1.22.34) anugrahārthaṃ lokānāṃ śiṣyāṇāṃ hitakāmyayā. dharmopadeśamakhilaṃ kṛtvā te brāhmaṇāḥ svayam . punareva mahāmadevaṃ praviṣṭā rudramavyayam .. 22.31 .. ### [1.22.35](https://indike.org/pramana/in.purana.vayu.1.22.35) ye'pi cānye dvijaśreṣṭhā yuñjānā vāmamīśvaram. prapadyanti mahādeṃ tadbhaktāstatparāyaṇāḥ .. 22.32 .. ### [1.22.36](https://indike.org/pramana/in.purana.vayu.1.22.36) te sarve pāpanirmuktā vimalā brahmavarccasaḥ. rudralokaṃ gamiṣyanti punarāvṛttidurlabham .. 22.33 .. ### [1.22.37](https://indike.org/pramana/in.purana.vayu.1.22.37) iti śrīmahāpurāṇe vāyuprokte kalpasaṃkhyānirūpaṇaṃ nāma dvāviṃśo'dhyāyaḥ .. 22 .. ## Linked texts (2) - [Liṅgapurāṇa](https://indike.org/pramana/in.purana.linga.1.11.3) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.14.3) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.22](https://indike.org/pramana/in.purana.vayu.1.22) · Pramāṇa