[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.28 # Vayupurana 1.28: adhyāyaḥ 28 Vāyupurāṇa 1.28 - **Language:** Sanskrit ### adhyāyaḥ 28 ### [1.28.1](https://indike.org/pramana/in.purana.vayu.1.28.1) ..sūta uvāca.. ### [1.28.2](https://indike.org/pramana/in.purana.vayu.1.28.2) bhṛgoḥ khyātirvijajñe'tha īśvarau sukhaduḥkhayoḥ. śubhāśubhapradātārau sarvaprāṇabhṛtāmiha. devau dhātāvidhātārau manvantaravicāriṇau .. 28.1 .. ### [1.28.3](https://indike.org/pramana/in.purana.vayu.1.28.3) tayorjyeṣṭhā tu bhaginī devī śrīrlokabhāvinī. sā tu nārāyaṇaṃ devaṃ patimāsādya śobhanam. nārāyaṇātmajau sādhvī balotsāhau vyajāyata .. 28.2 .. ### [1.28.4](https://indike.org/pramana/in.purana.vayu.1.28.4) tasyāstu mānasāḥ putrā ye cānye divyacāriṇaḥ. ye vahanti vimānāni devānāṃ puṇyakarmaṇām .. 28.3 .. ### [1.28.5](https://indike.org/pramana/in.purana.vayu.1.28.5) dve tu kanye smṛte bhāryye vidhāturdhātureva ca. āyatirniyatiścaiva tayoḥ putrau dṛḍhavratau .. 28.4 .. ### [1.28.6](https://indike.org/pramana/in.purana.vayu.1.28.6) pāṇḍuścaiva mṛkaṇḍuśca brahmakośau sanātanau. manasvinyāṃ mṛkaṇjośca mārkkaṇḍeyo babhūva ha .. 28.5 .. ### [1.28.7](https://indike.org/pramana/in.purana.vayu.1.28.7) suto ve daśirāstasya mūrddhanyāyāmajāyata. pīvaryyāṃ vedaśirasaḥ putrā vaṃśakarāḥ smṛtāḥ. mārkkaṇḍeyā iti khyātā ṛṣayo vedapāragāḥ .. 28.6 .. ### [1.28.8](https://indike.org/pramana/in.purana.vayu.1.28.8) pāṇḍośca puṇḍarīkāyāṃ dyutimānātmajo'bhavat. utpannau dyutimantaśca sṛjavānaśca tāvubhau. tayoḥ putrāśca pautrāśca bhārgavāṇāṃ parasparam. svāyambhuve'ntare'tīte marīceḥ śrṛṇuta prajāḥ .. 28.7 .. ### [1.28.9](https://indike.org/pramana/in.purana.vayu.1.28.9) patnī marīceḥ sambhūtirvijajñe sātmasambhavam. prajāyate pūrṇamāsaṃ kanyāśvemā vibodhata. kuṣṭiḥ pṛṣṭistviṣā caiva tathā cāpacitiḥ śubhā .. 28.8 .. ### [1.28.10](https://indike.org/pramana/in.purana.vayu.1.28.10) pūrṇamāsaḥ sarasvatyāṃ dvau putrāvudapādayat. virajañcaiva dharmiṣṭhaṃ parvvasañcaiva tāvubhau .. 28.9 .. ### [1.28.11](https://indike.org/pramana/in.purana.vayu.1.28.11) virajasyātmajo vidvān sudhāmā nāma viśrutaḥ. sudhāmasutavairājaḥ prācyāndiśi samamāśritaḥ .. 28.10 .. ### [1.28.12](https://indike.org/pramana/in.purana.vayu.1.28.12) lokapālaḥ sudharmmātmā gaurīputraḥ pratāpavān . parvasaḥ sarvagaṇānāṃ praviṣṭaḥ sa mahāyaśāḥ .. 28.11 .. ### [1.28.13](https://indike.org/pramana/in.purana.vayu.1.28.13) parvasaḥ parvasāyāntu janayāmāsa vai sutau. yajñavāmañca śrīmantaṃ sutaṃ kāśyapameva ca. tayorgotrakarau putrau tau jātau dharmaniśvitau .. 28.12 .. ### [1.28.14](https://indike.org/pramana/in.purana.vayu.1.28.14) smṛtiścāṅgirasaḥ patnī jajñe tāvātmasambhavau. putrau kanyāśvatasraśca puṇyāstā lokaviśrutāḥ .. 28.13 .. ### [1.28.15](https://indike.org/pramana/in.purana.vayu.1.28.15) sinīvālī kuhūścaiva rākā cānumatistathā. tathaiva bharatāgniñca kīrttimantañca tāvubhau .. 28.14 .. ### [1.28.16](https://indike.org/pramana/in.purana.vayu.1.28.16) agneḥ putrantu parjanyaṃ saṃhūtī suṣuve prabhum. hiraṇyaromā parjanyo mārīcyāmudapādayat. ābhūtasaṃplavasthāyī lokapālaḥ savai smṛtaḥ .. 28.15 .. ### [1.28.17](https://indike.org/pramana/in.purana.vayu.1.28.17) jajñe kīrtimataścāpi dhenukā tāvakalmaṣau. variṣṭhaṃ dhṛtimantañcāpyubhāvaṅgirasāṃ varau .. 28.16 .. ### [1.28.18](https://indike.org/pramana/in.purana.vayu.1.28.18) tayoḥ putrāśca pautrāśca ye'tītā vai sahasraśaḥ. anasūyāpi jajñe tān pulahasya prajāpateḥ .. 28.17 .. ### [1.28.19](https://indike.org/pramana/in.purana.vayu.1.28.19) kanyāñcaiva śrutiṃ nāma mātā śaṅkhapadasya yā. kardamasya tu yā patnī pulahasya prajāpateḥ .. 28.18 .. ### [1.28.20](https://indike.org/pramana/in.purana.vayu.1.28.20) satyanetraśca havyaśca āpomūrtiḥ śanīvaraḥ. somaśca pañcamasteṣāmāsīt svāyambhuve'ntare. yāme'tīte sahātītāḥ pañcātreyāḥ prakīrtitāḥ .. 28.19 .. ### [1.28.21](https://indike.org/pramana/in.purana.vayu.1.28.21) teṣāṃ putrāśca pautrāśca hyatriṇā vai mahātmanā. svāyambhuve'ntare yāme śataśo'tha sahasraśaḥ .. 28.20 .. ### [1.28.22](https://indike.org/pramana/in.purana.vayu.1.28.22) prītyāṃ pulastyabhāryāyāṃ dattālistatsūto'bhavat. pūrvajanmani so'gastyaḥ smṛtaḥ svāyambhuve'ntare. madhyamo devabāhuśca vinīto nāma te trayaḥ .. 28.21 .. ### [1.28.23](https://indike.org/pramana/in.purana.vayu.1.28.23) svasā yavīyasī teṣāṃ sadvatī nāma viśrutā. parjanyajananī śubhrā patnī tvagneḥ smṛtā śubhā paulastyasya ṛṣeścāpi prītiputrasya dhīmataḥ. dattāleḥ suṣuve patnī sujaṅghādīn bahūn sutān. paulastyā iti vikhyātāḥ smṛtāḥ svāyambhuve'ntare .. 28.23 .. ### [1.28.24](https://indike.org/pramana/in.purana.vayu.1.28.24) kṣamā tu suṣuve putrān pulahasya prajāpateḥ. te nāgnivarcasaḥ sarve yeṣāṃ kīrtiḥ pratiṣṭhitā .. 28.24 .. ### [1.28.25](https://indike.org/pramana/in.purana.vayu.1.28.25) kardamaścāmbarīṣaśca sahiṣṇuśceti te trayaḥ . ṛṣirdhanakapīvāṃśca śubhā kanyā ca pīvarī .. 28.25 .. ### [1.28.26](https://indike.org/pramana/in.purana.vayu.1.28.26) kardamasya śrutiḥ patnī ātreyya janayatsutān. putraṃ śaṅkhapadañcaiva kanyāṃ kāmyāṃ tathaiva ca .. 28.26 .. ### [1.28.27](https://indike.org/pramana/in.purana.vayu.1.28.27) sa vai śahkhapadaḥ śrīmān lokapālaḥ prajāpatiḥ. dakṣiṇasyāṃ diśi rataḥ sāmyāṃ dattvā priyavrate .. 28.27 .. ### [1.28.28](https://indike.org/pramana/in.purana.vayu.1.28.28) kāmyā priyavratāllebhe svāyambhuvasamān sutān. daśakanyādvayañcaiva yaiḥ kṣatraṃ sampravartitam .. 28.28 .. ### [1.28.29](https://indike.org/pramana/in.purana.vayu.1.28.29) putro dhanakapīvāṃśca sahiṣṇurnāma viśrutaḥ. yaśodhārī vijajñe vai kāmadevaḥ sumadhyamaḥ .. 28.29 .. ### [1.28.30](https://indike.org/pramana/in.purana.vayu.1.28.30) ṛtoḥ kratusamaḥ putro vijajñe santatiḥ śubhā. naiṣāṃ bhāryasti putro vā sarve te hyūrddhva retasaḥ. ṣaṣṭyetāni sahasrāṇi vālakhilyā iti śrutāḥ .. 28.30 .. ### [1.28.31](https://indike.org/pramana/in.purana.vayu.1.28.31) aruṇasyāgrato yānti parivārya divākaram. ābhūtasaṃplavātsarve pataṅgasahacāriṇaḥ .. 28.31 .. ### [1.28.32](https://indike.org/pramana/in.purana.vayu.1.28.32) svasārau tu yavīyasyau puṇyātmasumatī ca te. parvasasya snuṣe te vai pūrṇamāsasutasya vai .. 28.32 .. ### [1.28.33](https://indike.org/pramana/in.purana.vayu.1.28.33) ūrjāyāntu vasiṣṭhasya putrā vai sapta jajñire. jyāyasī ca svasā teṣāṃ puṇḍarīkā sumadhyamā .. 28.33 .. ### [1.28.34](https://indike.org/pramana/in.purana.vayu.1.28.34) jananī sā dyutimataḥ pāṇḍostu mahiṣī priyā . asyāṃ tvime yavīyāṃso vāsiṣṭhāḥ sapta viśrutāḥ .. 28.34 .. ### [1.28.35](https://indike.org/pramana/in.purana.vayu.1.28.35) rajaḥ putro'rddhabāhuśca savanaścādhanaśca yaḥ. sutapāḥ śukla ityete sarve saptarṣayaḥ smṛtāḥ .. 28.35 .. ### [1.28.36](https://indike.org/pramana/in.purana.vayu.1.28.36) rajaso vāpyajanayanmārkaṇḍeyī yaśasvinī. pratīcyāṃ diśi rājanyaṃ ketumantaṃ prajāpatim .. 28.36 .. ### [1.28.37](https://indike.org/pramana/in.purana.vayu.1.28.37) gotrāṇi nāmabhisteṣāṃ vāsiṣṭhānāṃ mahātmanām. svāyambhuventare'tītāstvagnestu śrṛṇuta prajāḥ .. 28.37 .. ### [1.28.38](https://indike.org/pramana/in.purana.vayu.1.28.38) ityeṣa ṛṣisargastu sānubandhaḥ prakīrttitaḥ. vistareṇānupūrvyā cāpyagnestu śrṛṇuta prajāḥ .. 28.38 .. ### [1.28.39](https://indike.org/pramana/in.purana.vayu.1.28.39) iti śrīmahāpurāṇe vāyuprokte ṛṣivaṃśānukīrttanaṃ nāmāṣṭāviṃśo'dhyāyaḥ .. 28 .. ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.1.11.2) — Vyāsa, Sanskrit - [Garuḍapurāṇa](https://indike.org/pramana/in.purana.garuda.1.5.12) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.10.7) — Sanskrit - [Kūrmapurāṇa](https://indike.org/pramana/in.purana.kurma.1.12.6) — Vyāsa, Sanskrit - [Nandipurāṇa](https://indike.org/pramana/in.purana.upa.saiva.nandi.1.5-2.9) — Sanskrit - [Śivapurāṇa (complete text)](https://indike.org/pramana/in.purana.siva*complete.9.17.26) — Sanskrit --- Source: [https://indike.org/pramana/in.purana.vayu.1.28](https://indike.org/pramana/in.purana.vayu.1.28) · Pramāṇa