[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.2 # Vayupurana 1.2 Vāyupurāṇa 1.2 - **Language:** Sanskrit ### [1.2.1](https://indike.org/pramana/in.purana.vayu.1.2.1) śuka uvāca.. ### [1.2.2](https://indike.org/pramana/in.purana.vayu.1.2.2) pratyabruvan punaḥ sūtamṛṣayaste tapodhanāḥ. kutra satraṃ samabhavat teṣāmadbhutakarmaṇām ..1.. ### [1.2.3](https://indike.org/pramana/in.purana.vayu.1.2.3) kiyantaṃ caiva tatkālaṃ kathaṃ ca samavarttata. ācacakṣa purāṇaṃ ca kathaṃ tebhyaḥ prabhañcanaḥ ..2.. ### [1.2.4](https://indike.org/pramana/in.purana.vayu.1.2.4) ācakṣva vistareṇedaṃ paraṃ kautūhalaṃ hi naḥ. iti sannoditaḥ sūtaḥ pratyuvāca śubhaṃ vacaḥ ..3.. ### [1.2.5](https://indike.org/pramana/in.purana.vayu.1.2.5) śrṛṇudhvaṃ yatra te dhīrā ījire satramuttamam. yāvantaṃ cābhavat kālaṃ yathā ca samavartata ..4.. ### [1.2.6](https://indike.org/pramana/in.purana.vayu.1.2.6) sisṛkṣamāṇā viśvaṃ hi yatra viśvasṛjaḥ purā. satraṃ hi ījire puṇyaṃ sahasraṃ parivatsarān ..5.. ### [1.2.7](https://indike.org/pramana/in.purana.vayu.1.2.7) tapo gṛhapatiryatra brahmā brahmā'bhavat svayam. ilāyā yatra patnītvaṃ śāmitraṃ yatra buddhimān. mṛtyuścakre mahātejāstasmin satre mahātmanām ..6.. ### [1.2.8](https://indike.org/pramana/in.purana.vayu.1.2.8) vibudhā ījire tatra sahasraṃ prativatsarān. bhramato dharmacakrasya yatra nemiraśīryata. karmaṇā tena vikhyāta naimiṣaṃ munipūjitam ..7.. ### [1.2.9](https://indike.org/pramana/in.purana.vayu.1.2.9) yatra sā gomatī puṇyā siddhacāraṇa sevitā. rohiṇī suṣuve tatra tataḥ saumyo'bhavat sutaḥ ..8.. ### [1.2.10](https://indike.org/pramana/in.purana.vayu.1.2.10) śaktirjyeṣṭhaḥ samabhavadvasiṣṭhasya mahātmanaḥ. arundhatyāḥ sutā yatra śatamuttamatejasaḥ ..9.. ### [1.2.11](https://indike.org/pramana/in.purana.vayu.1.2.11) kalmāṣapādo nṛpatiryatra śaptaśca śaktinā. yatra vairaṃ samabhavadviśvāmitravasiṣṭhayoḥ ..10.. ### [1.2.12](https://indike.org/pramana/in.purana.vayu.1.2.12) adṛśyantyāṃ samabhavanmuniryatra parāśaraḥ. parābhavo vasiṣṭhasya yasmin jāte'pyavarttata ..11.. ### [1.2.13](https://indike.org/pramana/in.purana.vayu.1.2.13) tatra te ījire satraṃ naimiṣe brahmavādinaḥ. naimiṣe ījire yatra naimiṣeyāstataḥ smṛtāḥ ..12.. ### [1.2.14](https://indike.org/pramana/in.purana.vayu.1.2.14) tatsatramabhavatteṣāṃ samā dvādaśa dhīmatām. purūravasi vikrānte praśāsati vasundharām ..13.. ### [1.2.15](https://indike.org/pramana/in.purana.vayu.1.2.15) aṣṭādaśa samudrasya dvīpānaśnan purūravāḥ. tutoṣa naiva ratnānāṃ lobhāditi hi naḥ śrutam ..14.. ### [1.2.16](https://indike.org/pramana/in.purana.vayu.1.2.16) urvaśī cakame yaṃ ca devahūtipraṇoditā. ājahāra ca tatsatraṃ svarveśyāsahasaṅgataḥ ..15.. ### [1.2.17](https://indike.org/pramana/in.purana.vayu.1.2.17) tasminnarapatau satraṃ naimiṣeyāḥ pracakrire. yaṃ garbhe suṣuve gaṅgā pāvakāddīptatejasam. tadulbaṃ parvate nyastaṃ hiraṇyaṃ pratyapadyata ..16.. ### [1.2.18](https://indike.org/pramana/in.purana.vayu.1.2.18) hiraṇmayaṃ tataścakre yajñavāṭaṃ mahātmanām. viśvakarmā svayaṃ devo bhāvayan lokabhāvanam ..17.. ### [1.2.19](https://indike.org/pramana/in.purana.vayu.1.2.19) bṛhaspatistatastatra teṣāmamitatejasām. ailaḥ purūravā bheje taṃ deśaṃ mṛgayāṃ caran ..18.. ### [1.2.20](https://indike.org/pramana/in.purana.vayu.1.2.20) taṃ dṛṣṭvā mahadāścāryaṃ yajñavāṭaṃ hiraṇmayam. lobhena hatavijñānastadādātuṃ pracakrame ..19.. ### [1.2.21](https://indike.org/pramana/in.purana.vayu.1.2.21) naimiṣeyāstatastasya cukrudhurnṛpaterbhṛśam. nijaghnuścāpi saṃkruddhāḥ kuśavajrairmanīṣiṇaḥ. tato niśānte rājānaṃ munayo daivanoditāḥ ..20.. ### [1.2.22](https://indike.org/pramana/in.purana.vayu.1.2.22) kuśavajrairviniṣpiṣṭaḥ sa rājā vyajahāttanum . aurvaśeyaṃ tatastasya putrañcakrurnṛpaṃ bhuvi ..21.. ### [1.2.23](https://indike.org/pramana/in.purana.vayu.1.2.23) nahuṣasya mahātmānaṃ pitaraṃ yaṃ pracakṣate. sa teṣu varttate samyag dharmaśīlo mahīpatiḥ. āyurārogyamatyugraṃ tasmin sa narasattamaḥ ..22.. ### [1.2.24](https://indike.org/pramana/in.purana.vayu.1.2.24) sāntvayitvā ca rājānaṃ tato brahmavidāṃ varāḥ. satramārebhire karttuṃ yathāvaddharmabhūtaye ..23.. ### [1.2.25](https://indike.org/pramana/in.purana.vayu.1.2.25) babhūva satraṃ tatteṣāṃ bahvāścaryaṃ mahātmanām. viśvaṃ sisṛkṣamāṇānāṃ purā viśvasṛjāmiva ..24.. ### [1.2.26](https://indike.org/pramana/in.purana.vayu.1.2.26) vaikhānasaiḥ priyasakhairvālakhilyairmarīcikaiḥ. anyaiśca munibhirjuṣṭaṃ sūryavaiśvānaraprabhaiḥ ..25.. ### [1.2.27](https://indike.org/pramana/in.purana.vayu.1.2.27) pitṛdevāpsaraḥsiddhairgandharvoragacāraṇaiḥ. sambhāraistu śubhairjuṣṭaṃ tairevendrasado yathā ..26.. ### [1.2.28](https://indike.org/pramana/in.purana.vayu.1.2.28) stotrasatragrahairdevān pitṛn pitryaiśca karmabhiḥ. ānarcuśca yathājāti gandharvādīn yathāvidhi ..27.. ### [1.2.29](https://indike.org/pramana/in.purana.vayu.1.2.29) ārādhayitumicchantastataḥ karmāntareṣvatha. jaguḥ sāmāni gandharvā nanṛtuścāpsarogaṇāḥ ..28.. ### [1.2.30](https://indike.org/pramana/in.purana.vayu.1.2.30) vyājahurmunayo vācaṃ citrākṣarapadāṃ śubhām. mantrāditattvavidvāṃso jagaduśca parasparam ..29.. ### [1.2.31](https://indike.org/pramana/in.purana.vayu.1.2.31) vitaṇḍāvacanāścaike nijaghnuḥ prativādinaḥ. ṛṣayastatra vidvāṃsaḥ sāṅkhyārthanyāyakovidāḥ ..30.. ### [1.2.32](https://indike.org/pramana/in.purana.vayu.1.2.32) na tatra duritaṃ kiṃcidvidadhurbrahmarākṣasāḥ. na ca yajñahano daityā na ca yajñamuṣo'surāḥ ..31.. ### [1.2.33](https://indike.org/pramana/in.purana.vayu.1.2.33) prāyaścittaṃ duriṣṭaṃ vā na tatra samajāyata. śaktiprajñā kriyāyogairvidhirāsīt svanuṣṭhitaḥ ..32.. ### [1.2.34](https://indike.org/pramana/in.purana.vayu.1.2.34) evaṃ vitenire satraṃ dvādaśābdaṃ manīṣiṇaḥ. bhṛgvādyā ṛṣayo dhīrā jyotiṣṭomān pṛthak pṛthak. cakrire pṛṣṭhagamanān sarvānayutadakṣiṇān ..33.. ### [1.2.35](https://indike.org/pramana/in.purana.vayu.1.2.35) samāptayajñāste sarve vāyumeva mahādhipam. papracchuramitātmānaṃ bhavadbhiryadahaṃ dvijāḥ. praṇoditaśca vaṃśārthaṃ sa ca tānabravītprabhuḥ ..34.. ### [1.2.36](https://indike.org/pramana/in.purana.vayu.1.2.36) śiṣyaḥ svayambhuvo devaḥ sarvapratyakṣadṛgvaśī. aṇimādibhiraṣṭābhiraiśvaryairyaḥ samanvitaḥ ..35.. ### [1.2.37](https://indike.org/pramana/in.purana.vayu.1.2.37) tiryagyonyādibhirdharmaiḥ sarvalokānbibhartti yaḥ. saptaskandhādikaṃ śaśvat plavate yojanādvaraḥ ..36.. ### [1.2.38](https://indike.org/pramana/in.purana.vayu.1.2.38) viṣaye niyatā yasya saṃsthitāḥ saptakā gaṇāḥ. vyūhāṃstrayāṇāṃ bhūtānāṃ kurvan yaśca mahābalaḥ. tejasaścāttyupadhyānandadhātīmaṃ śarīriṇam ..37.. ### [1.2.39](https://indike.org/pramana/in.purana.vayu.1.2.39) prāṇādyā vṛttayaḥ pañca karaṇānāṃ ca vṛttibhiḥ. preryamāṇāḥ śarīrāṇāṃ kurvate yāstu dhāraṇam ..38.. ### [1.2.40](https://indike.org/pramana/in.purana.vayu.1.2.40) ākāśayonirhi guṇaḥ śabdasparśasamanvitaḥ. taijasaprakṛtiścokto'pyayaṃ bhāvo manīṣibhiḥ ..39.. ### [1.2.41](https://indike.org/pramana/in.purana.vayu.1.2.41) tatrābhi mānī bhagavān vāyuścātikriyātmakaḥ. vātāraṇiḥ samākhyātaḥ śabdaśāstraviśāradaḥ ..40.. ### [1.2.42](https://indike.org/pramana/in.purana.vayu.1.2.42) bhāratyā ślakṣṇayā sarvān munīn prahlādayanniva. purāṇajñaḥ sumanasaḥ purāṇāśrayayuktayā ..41.. ### [1.2.43](https://indike.org/pramana/in.purana.vayu.1.2.43) iti śrīvāyumahāpurāṇe vāyuprokte dvādaśavārṣikasatranirūpaṇaṃ nāma dvitīyo'dhyāyaḥ .. 2 ..\* ### [1.2.44](https://indike.org/pramana/in.purana.vayu.1.2.44) 1.2.6 tapo gṛhapatiḥ -- dra. pañcaviṃśa brāhmaṇam 25.18 ## Linked texts (4) - [Brahmāṇḍapurāṇa](https://indike.org/pramana/in.purana.brahmanda.1.2.2) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.3.27.p63) — Vyāsa, Sanskrit - [Bhṛgusaṃhitā](https://indike.org/pramana/in.astro.samhita.rsi.bhrgusamhita.21.68) — Bhṛgu, Sanskrit - [Prakīrṇādhikāra](https://indike.org/pramana/in.sampradaya.vaisnava.vaikhanasa.bhrgu.prakirnadhikara.21.67) — Bhṛgu, Sanskrit --- Source: [https://indike.org/pramana/in.purana.vayu.1.2](https://indike.org/pramana/in.purana.vayu.1.2) · Pramāṇa