[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.30 # Vayupurana 1.30: adhyāyaḥ 30 Vāyupurāṇa 1.30 - **Language:** Sanskrit ### adhyāyaḥ 30 ### [1.30.1](https://indike.org/pramana/in.purana.vayu.1.30.1) ..sūta uvāca.. ### [1.30.2](https://indike.org/pramana/in.purana.vayu.1.30.2) brahmaṇaḥ sṛjataḥ putrān pūrve svāyambhuve'ntare. ambhāṃsi jajñire tāni manuṣyāsuradevatāḥ .. 30.1 .. ### [1.30.3](https://indike.org/pramana/in.purana.vayu.1.30.3) pitṛvanmanyamānasya jajñire pitaro'sya vai. teṣānnisargaḥ prāgukto vistarastasya vakṣyate .. 30.2 .. ### [1.30.4](https://indike.org/pramana/in.purana.vayu.1.30.4) devāsuramanuṣyāṇāṃ dṛṣṭvā devo'bhyabhāṣata. pitṛvanmanyamānasya jajñire vopayakṣitāḥ .. 30.3 .. ### [1.30.5](https://indike.org/pramana/in.purana.vayu.1.30.5) madhvādayaḥ ṣaḍṛtavastān pitṝn paricakṣate. ṛtavaḥ pitaro devā ityeṣā vaidikī śrutiḥ .. 30.4 .. ### [1.30.6](https://indike.org/pramana/in.purana.vayu.1.30.6) manvantareṣu sarveṣu hyatītānāgateṣvapi. ete svāyambhuve pūrvamutpannā hyantare śubhe .. 30.5 .. ### [1.30.7](https://indike.org/pramana/in.purana.vayu.1.30.7) agniṣvāttāḥ smṛtā nāmnā tathā barhiṣadaśca vai. ayajvānastathā teṣāmāsan vai gṛhamedhinaḥ. agniṣvāttāḥ smṛtāste vai pitaro'nāhitāgnayaḥ .. 30.6 .. ### [1.30.8](https://indike.org/pramana/in.purana.vayu.1.30.8) yajvānasteṣu ye hyāsan pitaraḥ somapīthinaḥ. smṛtā barhiṣadaste vai pitarastvagnihotriṇaḥ. ṛtavaḥ pitaro devāḥ śāstre'sminniścayo mataḥ .. 30.7 .. ### [1.30.9](https://indike.org/pramana/in.purana.vayu.1.30.9) madhumādhavau rasau jñeyau śuciśukrau tu śuṣmiṇau. nabhaścaiva nabhastaśca jīvāvetāvudāhṛtau .. 30.8 .. ### [1.30.10](https://indike.org/pramana/in.purana.vayu.1.30.10) iṣaścaiva tathorjaśca sudhāvantāvudāhṛtau. sahaścaiva sahasyaśca manyumantau tu tau smṛtau. tapaścaiva tapasyaśca ghorāvetau tu śaiśirau .. 30.9 .. ### [1.30.11](https://indike.org/pramana/in.purana.vayu.1.30.11) kālāvasthāstu ṣaṭ teṣāmmāsākhyā vai vyavasthitāḥ. ta ime ṛtavaḥ proktāścetanācetanāstu vai .. 30.10 .. ### [1.30.12](https://indike.org/pramana/in.purana.vayu.1.30.12) ṛtavo brahmaṇaḥ putrā vijñeyāste'bhimāninaḥ. māsārddhamāsasthāneṣu sthānañca ṛtavorttavāḥ .. 30.11 .. ### [1.30.13](https://indike.org/pramana/in.purana.vayu.1.30.13) sthānānāṃ vyatirekeṇa jñeyāḥ sthānābhimāninaḥ. ahorātrañca māsāśca ṛtavaścāyanāni ca .. 30.12 .. ### [1.30.14](https://indike.org/pramana/in.purana.vayu.1.30.14) saṃvatsarāśca sthānāni kālāvasthābhimāninaḥ. nimeṣāśca kalāḥ kāṣṭhā muhūrttā vai dinakṣapāḥ .. 30.13 .. ### [1.30.15](https://indike.org/pramana/in.purana.vayu.1.30.15) eteṣu sthānino ye tu kālāvasthāsvavasthitāḥ. tanmayatvāttadātmānastān vakṣyāmi nibodhata .. 30.14 .. ### [1.30.16](https://indike.org/pramana/in.purana.vayu.1.30.16) parvvaṇyāstithayaḥ sandhyāḥ pakṣā māsārddhasaṃjñitāḥ. dvāvarddhamāsau māsastu dvau māsāvṛturucyate .. 30.15 .. ### [1.30.17](https://indike.org/pramana/in.purana.vayu.1.30.17) ṛtutrayaṃ cāyanaṃ dve ayane dakṣiṇottare . saṃvatsaraḥ sumekastu sthānānyetāni sthāninām .. 30.16 .. ### [1.30.18](https://indike.org/pramana/in.purana.vayu.1.30.18) ṛtavaḥ sumekaputrā vijñeyā hyaṣṭadhā tu ṣaṭ. ṛtuputrāḥ smṛtāḥ pañca prajāstvārttavalakṣaṇāḥ .. 30.17 .. ### [1.30.19](https://indike.org/pramana/in.purana.vayu.1.30.19) yasmāccaivārttaveyāstu jāyante sthāṇujaṅgamāḥ. ārttavāḥ pitaraścaiva ṛtavaśca pitāmahāḥ .. 30.18 .. ### [1.30.20](https://indike.org/pramana/in.purana.vayu.1.30.20) sumekāttu prasūyante mriyante ca prajātayaḥ. tasmāt smṛtaḥ prajānāṃ vai sumekaḥ prapitāmahaḥ .. 30.19 .. ### [1.30.21](https://indike.org/pramana/in.purana.vayu.1.30.21) sthāneṣu sthānino hyete sthānātmānaḥ prakīrtitāḥ. tadākhyāstanmayatvācca tadātmanaśca te smṛtāḥ .. 30.20 .. ### [1.30.22](https://indike.org/pramana/in.purana.vayu.1.30.22) prajāpatiḥ smṛto yastu sa tu saṃvatsaro mataḥ. saṃvatsaraḥ smṛto hyagniḥ ṛtamityucyate dvajaiḥ .. 30.21 .. ### [1.30.23](https://indike.org/pramana/in.purana.vayu.1.30.23) ṛtāttu ṛtavo yasmājjajñire ṛtavastataḥ. māsāḥ ṣaḍṛtavo jñeyāsteṣāṃ pañcārttavāḥ sutāḥ .. 30.22 .. ### [1.30.24](https://indike.org/pramana/in.purana.vayu.1.30.24) dvipadāñcatuṣpadāñcaiva pakṣisaṃsarpatāmapi. sthāvarāṇāṃ ca pañcānāṃ puṣpaṃ kālārttavaṃ smṛtam .. 30.23 .. ### [1.30.25](https://indike.org/pramana/in.purana.vayu.1.30.25) ṛtutvamārttavatvañca pitṛtvañca prakīrtitam. ityete pitaro jñeyā ṛtavaścārttavāśca ye .. 30.24 .. ### [1.30.26](https://indike.org/pramana/in.purana.vayu.1.30.26) sarvabhūtāni tebhyo'tha ṛtukālādvijajñire. tasmādete'pi pitara ārttavā iti naḥ śrutam .. 30.25 .. ### [1.30.27](https://indike.org/pramana/in.purana.vayu.1.30.27) manvantareṣu sarveṣu sthitāḥ kālābhimāninaḥ. sthānābhimānino hyete tiṣṭhantīha prasaṃyamāt .. 30.26 .. ### [1.30.28](https://indike.org/pramana/in.purana.vayu.1.30.28) agniṣvāttā barhiṣadaḥ pitaro dvividhāḥ smṛtāḥ. jajñāte ca pitṛbhyastu dve kanye lokaviśrute .. 30.27 .. ### [1.30.29](https://indike.org/pramana/in.purana.vayu.1.30.29) menā ca dhāriṇī caiva yābhyāṃ viśvamidaṃ dhṛtam. pitaraste nije kanye dharmārthaṃ pradaduḥ śubhe. ta ubhe vrahmavādinyau yoginyau caiva te ubhe .. 30.28 .. ### [1.30.30](https://indike.org/pramana/in.purana.vayu.1.30.30) agniṣvāttāstu ye proktāsteṣāṃ menā tu mānasī. dhāraṇī mānasī caiva kanyā barhiṣadāṃ smṛtā .. 30.29 .. ### [1.30.31](https://indike.org/pramana/in.purana.vayu.1.30.31) merostu dhāraṇīṃ nāma patnyarthaṃ vyasṛjan śubhām. pitaraste barhiṣadaḥ smṛtā ye somapīthinaḥ .. 30.30 .. ### [1.30.32](https://indike.org/pramana/in.purana.vayu.1.30.32) agniṣvāttāstu tāṃ menāṃ patnīṃ himavate daduḥ. smṛtāste vai tu dauhitrāstaddauhitrān nibodhata .. 30.31 .. ### [1.30.33](https://indike.org/pramana/in.purana.vayu.1.30.33) menā himavataḥ patnī mainākaṃ sānvasūyata. gaṅgā saridvarā caiva patnī yā lavaṇo dadheḥ. mainākasyānujaḥ krauñcaḥ krauñcadvīpo yataḥ smṛtaḥ .. 30.32 .. ### [1.30.34](https://indike.org/pramana/in.purana.vayu.1.30.34) merostu dhāraṇī patnī divyauṣadhisamanvitam. mandaraṃ suṣuve putraṃ tisraḥ kanyāśca viśrutāḥ .. 30.33 .. ### [1.30.35](https://indike.org/pramana/in.purana.vayu.1.30.35) velā ca niyatiścaiva tṛtīyā cāyatiḥ punaḥ. dhātuścaivāyatiḥ patnī vidhāturniyatiḥ smṛtā .. 30.34 .. ### [1.30.36](https://indike.org/pramana/in.purana.vayu.1.30.36) svāyambhuve'ntare pūrvantayorvai kīrtitāḥ prajāḥ. suṣuve sāgarādvelā kanyāmekāmaninditām .. 30.35 .. ### [1.30.37](https://indike.org/pramana/in.purana.vayu.1.30.37) sāvarṇinā ca sāmudrī patnī prācīnabarhiṣaḥ. savarṇā sātha sāmudrī daśaprācīnabarhiṣaḥ. sarve pracetaso nāma dhanurvedasya pāragāḥ .. 30.36 .. ### [1.30.38](https://indike.org/pramana/in.purana.vayu.1.30.38) teṣāṃ svāyambhuvau dakṣaḥ putratve jajñivān prabhuḥ. tryambakasyābhiśāpena cākṣuṣasyāntare manoḥ .. 30.37 .. ### [1.30.39](https://indike.org/pramana/in.purana.vayu.1.30.39) etacchutvā tataḥ sūtamapṛcchacchāṃśapāyanaḥ. utpannaḥ sa kathaṃ dakṣo hyabhiśāpādbhavasya tu. cākṣuṣasyānvaye pūrvaṃ tannaḥ prabrūhi pṛcchatām .. 30.38 .. ### [1.30.40](https://indike.org/pramana/in.purana.vayu.1.30.40) ityuktaḥ kathayāmāsa sūto dakṣāśritāṃ kathām. śāṃśapāyanamāmantrya tryambakācchāpakāraṇam .. 30.39 .. ### [1.30.41](https://indike.org/pramana/in.purana.vayu.1.30.41) dakṣasyāsan sutā hyaṣṭau kanyā yāḥ kīrtitā mayā. svebyo gṛhebhyo hyānāyya tāḥ pitābhyarccayadgṛhe. tatastvabhyarcitāḥ sarvā nyavasaṃstāḥ piturgṛhe .. 30.40 .. ### [1.30.42](https://indike.org/pramana/in.purana.vayu.1.30.42) tāsāṃ jyeṣṭhā satī nāma patnī yā tryambakasya vai. nājuhāvātmajāṃ tāṃ vai dakṣo rudramabhidviṣan .. 30.41 .. ### [1.30.43](https://indike.org/pramana/in.purana.vayu.1.30.43) akarotsa natiṃ dakṣe na kadācinmaheśvaraḥ. jāmātā śvaśure tasmin svabhāvāt tejasi sthitaḥ .. 30.42 .. ### [1.30.44](https://indike.org/pramana/in.purana.vayu.1.30.44) tato jñātvā satī sarvāḥ svasraḥ prāptāḥ pitṛrgṛham. jagāma sāpyanāhūtā satī tat svaṃ piturgṛham .. 30.43 .. ### [1.30.45](https://indike.org/pramana/in.purana.vayu.1.30.45) tato'bravīt sā pitaraṃ devī krodhādamarṣitā. yavīyasībyo jyāyasīṃ kintu pūjāmimāṃ prabho. asammatāmavajñāya kṛtavānasi garhitām .. 30.44 .. ### [1.30.46](https://indike.org/pramana/in.purana.vayu.1.30.46) ahaṃ jyeṣṭhā variṣṭhā hi na tvasat karttumarhasi. evamukto'bravīdenāṃ dakṣaḥ saṃraktalocanaḥ .. 30.45 .. ### [1.30.47](https://indike.org/pramana/in.purana.vayu.1.30.47) tvantu śreṣṭha variṣṭhā ca pūjyā bālā sadā mama. tāsāṃ ye caiva bharttāraste me bahumatāḥ sadā .. 30.46 .. ### [1.30.48](https://indike.org/pramana/in.purana.vayu.1.30.48) brahnamaṣṭhāśca tapiṣṭhāśca mahāyogāḥ sudhārmikāḥ. guṇaiścaivādhikāḥ ślāghyāḥ sarve te tryambakātsati .. 30.47 .. ### [1.30.49](https://indike.org/pramana/in.purana.vayu.1.30.49) vasiṣṭho'triḥ pulastyaśca aṅgirāḥ pulahaḥ kratuḥ. bhṛgurmarīciśca tathā śreṣṭhā jāmātaro mama .. 30.48 .. ### [1.30.50](https://indike.org/pramana/in.purana.vayu.1.30.50) tasyātmā sa ca te śarvo bhaktā cāsi hi taṃ sadā. tena tvāṃ na bubhūṣāmi pratikūlo hi me bhavaḥ .. 30.49 .. ### [1.30.51](https://indike.org/pramana/in.purana.vayu.1.30.51) ityuvāca tadā dakṣaḥ saṃpramūḍhena cetasā. śāpārthamātmanaścaiva ye coktāḥ paramarṣayaḥ .. 30.50 .. ### [1.30.52](https://indike.org/pramana/in.purana.vayu.1.30.52) tathoktā pitaraṃ sā vai kruddhā devīdamabravīt . vāṅmanaḥkarmabhiryasmādaduṣṭhāṃ māṃ vigarhase. tasmāttyajāmyahandehamidantāta tavātmajam .. 30.51 .. ### [1.30.53](https://indike.org/pramana/in.purana.vayu.1.30.53) tatastenāvamānena satī duḥkhādamarṣitā. abravīdvacanaṃ tevī namaskṛtya maheśvaram .. 30.52 .. ### [1.30.54](https://indike.org/pramana/in.purana.vayu.1.30.54) yatrāhamupapatsyehaṃ punardehena bhāsvatā. tatrāpyahamasaṃmūḍhā sambhūtā dhārmikī punaḥ. gaccheyaṃ dharmapatnītvaṃ tryambakasyaiva dharmataḥ .. 30.53 .. ### [1.30.55](https://indike.org/pramana/in.purana.vayu.1.30.55) tatraivātha samāsīnā yuktātmānaṃ samādadhe. dhārayāmāsa cāgneyīṃ dhāraṇāṃ manasātmanaḥ .. 30.54 .. ### [1.30.56](https://indike.org/pramana/in.purana.vayu.1.30.56) tata āgneyīsamutthena vāyunā samudīritaḥ. sarvāṅgebhyo viniḥ sṛtya vahnirbhasma cakāra tām .. 30.55 .. ### [1.30.57](https://indike.org/pramana/in.purana.vayu.1.30.57) tadupaśrutya nidhanaṃ satyā devo'tha śūladhṛk. saṃvādañca tayorbuddhvā yāthātathyena śaṅkaraḥ. dakṣasyātha ṛṣīṇāñca cukopa bhagavān prabhuḥ .. 30.56 .. ### [1.30.58](https://indike.org/pramana/in.purana.vayu.1.30.58) yasmādavamatā dakṣa matkṛte māna sā satī. praśastāścetarāḥ sarvāḥ svasutā bhartṛbhiḥ saha .. 30.57 .. ### [1.30.59](https://indike.org/pramana/in.purana.vayu.1.30.59) tasmādvaivasvataṃ prāpya punareva maharṣayaḥ. utpatsyante dvitīye vai mama yajñe hyayonijāḥ .. 30.58 .. ### [1.30.60](https://indike.org/pramana/in.purana.vayu.1.30.60) hute vai brahmaṇā śukte cākṣuṣasyāntare manoḥ. abhivyāhṛtya ca ṛṣīn dakṣamabhyagamat punaḥ .. 30.59 .. ### [1.30.61](https://indike.org/pramana/in.purana.vayu.1.30.61) bhavitā cākṣuṣo rājā cāśruṣasya samanvaye. prācīnabarhiṣaḥ pautraḥ putraścaiva pracetasaḥ .. 30.60 .. ### [1.30.62](https://indike.org/pramana/in.purana.vayu.1.30.62) dakṣa ityeva nāmnā tvaṃ mārṣāyāṃ janayiṣyasi. kanyāyāṃ śākhināñcaiva prāpte vai cākṣuṣe'ntare .. 30.61 .. ### [1.30.63](https://indike.org/pramana/in.purana.vayu.1.30.63) ..dakṣa uvāca.. ### [1.30.64](https://indike.org/pramana/in.purana.vayu.1.30.64) ahaṃ tatrāpi te vighnamācariṣyāmi durmate. dharmārthakāmayukteṣu karmasviha punaḥ punaḥ .. 30.62 .. ### [1.30.65](https://indike.org/pramana/in.purana.vayu.1.30.65) yasmāt tvaṃ matkṛte krūramṛṣīn vyāhṛtavānasi. tasmātsārddhaṃ surairyajñe na tvāṃ yakṣyanti vai dvijāḥ .. 30.63 .. ### [1.30.66](https://indike.org/pramana/in.purana.vayu.1.30.66) hutvāhutiṃ tataḥ krūraḥ apastyakṣyanti karmasu. ihaiva vatsyasi tathā divaṃ hitvā yugakṣayāt .. 30.64 .. ### [1.30.67](https://indike.org/pramana/in.purana.vayu.1.30.67) ..rudra uvāca.. ### [1.30.68](https://indike.org/pramana/in.purana.vayu.1.30.68) sarveṣāmeva lokānāṃ bhūrlokastvādirucyate. tamahaṃ dhārayiṣyāmi nideśāt parameṣṭhinaḥ .. 30.65 .. ### [1.30.69](https://indike.org/pramana/in.purana.vayu.1.30.69) asyāṃ kṣitau vṛtā lokāḥ sarve tiṣṭhanti bhāskarāḥ. tānahaṃ dhārayāmīha satataṃ na tavājñayā .. 30.66 .. ### [1.30.70](https://indike.org/pramana/in.purana.vayu.1.30.70) cāturvarṇyaṃ hi devānāṃ te cāpyekatra bhuñjate. nāhaṃ taiḥ saha bhokṣyāmi tato dāsyanti te pṛthak. tato devaiḥ sa taiḥ sārddhaṃ nejyate pṛthagijyate .. 30.67 .. ### [1.30.71](https://indike.org/pramana/in.purana.vayu.1.30.71) tato'bhivyāhṛto dakṣo rudreṇāmitatejasā. svāyambhuve'ntare tyaktvā utpanno mānuṣeṣviha .. 30.68 .. ### [1.30.72](https://indike.org/pramana/in.purana.vayu.1.30.72) jñātvā gṛhapatiṃ dakṣaṃ jñānānāmīśvaraṃ prabhum. dakṣo nāma mahāyajñaiḥ so'yajaddaivataiḥ saha .. 30.69 .. ### [1.30.73](https://indike.org/pramana/in.purana.vayu.1.30.73) atha devī satī yā tu prāpte vaivasvate'ntare. maināyāṃ tāmumāṃ devīṃ janayāmāsa śailarāṭ .. 30.70 .. ### [1.30.74](https://indike.org/pramana/in.purana.vayu.1.30.74) sā tu devī satī pūrvaṃ tataḥ paścādumā'bhavat. saha vratā bhavasyaiṣā na tayā mucyate bhavaḥ. yāvadicchati saṃsthātuṃ prabhurmanvantareṣviha .. 30.71 .. ### [1.30.75](https://indike.org/pramana/in.purana.vayu.1.30.75) mārīcaṃ kaśyapaṃ devī yathāhitiranuvratā. sādhyaṃ nārāyaṇaṃ śrīstu maghavantaṃ śacī yathā .. 30.72 .. ### [1.30.76](https://indike.org/pramana/in.purana.vayu.1.30.76) viṣṇuṃ kīrtī ruciḥ sūryaṃ vasiṣṭhañcāpyarūndhatī. naitāstu vijahatyetān bhartṝn devyaḥ kathaṃcana. āvarttamānakalpeṣu punarjāyanti taiḥ saha .. 30.73 .. ### [1.30.77](https://indike.org/pramana/in.purana.vayu.1.30.77) evaṃ prācetaso dakṣo jajñe vai cākṣuṣe'ntare. prācīnabarhiṣaḥ pautraḥ putraścaiva pracetasaḥ .. 30.74 .. ### [1.30.78](https://indike.org/pramana/in.purana.vayu.1.30.78) daśabhyastu pracetobhyo mārṣāyāñca punarnṛpaḥ. jajñe rudrābhiśāpena dvitīye'sminniti śrutiḥ .. 30.75 .. ### [1.30.79](https://indike.org/pramana/in.purana.vayu.1.30.79) bhṛgvādayastu te sarve jajñire vai maharṣayaḥ. ādye tretāyuge pūrvaṃ manorvaivasvatasya ha. devasya mahato yajñe rudrābhiśāpena dvitīye'sminniti śrutiḥ .. 30.76 .. ### [1.30.80](https://indike.org/pramana/in.purana.vayu.1.30.80) iti sānuśayo'hyāsīttayorjātyantarāgataḥ. prajāpatestu dakṣasya tryambakasya ca dhīmataḥ .. 30.77 .. ### [1.30.81](https://indike.org/pramana/in.purana.vayu.1.30.81) tasmānnānuśayaḥ kāryo vairiṣviha kadācana. jātyantaragatasyāpi bhāvitasya śubhāśubhaiḥ. jantuṃ na muñcati khyātistatra kāryaṃ vijānatā .. 30.78 .. ### [1.30.82](https://indike.org/pramana/in.purana.vayu.1.30.82) ..ṛṣaya ūcuḥ.. ### [1.30.83](https://indike.org/pramana/in.purana.vayu.1.30.83) prācetasasya dakṣasya kathaṃ vaivasvate'ntare. vināśāmagamat sūta hayamedhaḥ prajāpateḥ .. 30.79 .. ### [1.30.84](https://indike.org/pramana/in.purana.vayu.1.30.84) devyā mṛtyuṃ kṛtaṃ matvā kruddhaṃ sarvātmakaṃ prabhum. kathaṃ prasādayaddakṣaḥ sa yajñaḥ sādhitaḥ katham. etadveditumicchāmastanno brūhi yathātatham .. 30.80 .. ### [1.30.85](https://indike.org/pramana/in.purana.vayu.1.30.85) ..sūta uvāca.. ### [1.30.86](https://indike.org/pramana/in.purana.vayu.1.30.86) pūrā merordvijaśreṣṭhāḥ śrṛṅgaṃ trailokyaviśrutam. jyotiṣkaṃ nāma sāvitraṃ sarvaratnavibhūṣitam .. 30.81 .. ### [1.30.87](https://indike.org/pramana/in.purana.vayu.1.30.87) aprameyamanādhṛṣyaṃ sarvalokanamaskṛtam. tasmin devo giriśreṣṭhe sarvadhātu vibhūṣite. paryaṅka iva vibhrājannupaviṣṭo babhūva ha .. 30.82 .. ### [1.30.88](https://indike.org/pramana/in.purana.vayu.1.30.88) śailarājasutā cāsya nityaṃ pārśvasthitā'bhavat. ādhityāśca mahātmāno vasavaścāmitaujasaḥ .. 30.83 .. ### [1.30.89](https://indike.org/pramana/in.purana.vayu.1.30.89) tathaiva ca mahātmānāvaśvinau bhiṣajāṃ varau. tathā vaiśravaṇo rājā guhyakaiḥ parivāritaḥ .. 30.84 .. ### [1.30.90](https://indike.org/pramana/in.purana.vayu.1.30.90) yakṣāṇāmīśvaraḥ śrīmān kailāsanilayaḥ prabhuḥ. upāsate mahātmānaṃ uśanā ca mahāmuniḥ. sanatkumārapramukhāste caiva paramarṣayaḥ .. 30.85 .. ### [1.30.91](https://indike.org/pramana/in.purana.vayu.1.30.91) aṅgiraḥpramukhāścaiva tathā devarṣayo'pare. viśvāvasuśca gandharvastathā nāradaparvatau .. 30.86 .. ### [1.30.92](https://indike.org/pramana/in.purana.vayu.1.30.92) apsarogaṇasaṅghāśca samājagmuranekaśaḥ. vavau śivaḥ sukho vāyurnānāgandhavahaḥ śuciḥ .. 30.87 .. ### [1.30.93](https://indike.org/pramana/in.purana.vayu.1.30.93) sarvartukusumopetāḥ puṣpavanto drumā stathā. tathā vidyādharāścaiva siddhāścaiva tapodhanāḥ .. 30.88 .. ### [1.30.94](https://indike.org/pramana/in.purana.vayu.1.30.94) mahādevaṃ paśupatiṃ paryupāsanti tatra vai. bhūtāni ca tathānyāni nānārūpadharāṇyatha .. 30.89 .. ### [1.30.95](https://indike.org/pramana/in.purana.vayu.1.30.95) rākṣasāśca mahāraudrāḥ piśācāśca mahābalāḥ. bahurūpadharā hṛṣṭā nānāpraharaṇodyatāḥ .. 30.90 .. ### [1.30.96](https://indike.org/pramana/in.purana.vayu.1.30.96) devasyānucarāstatra tasthurvaiśvānaropamāḥ. nandīśvaraśca bhagavān devasyānuma te sthitaḥ .. 30.91 .. ### [1.30.97](https://indike.org/pramana/in.purana.vayu.1.30.97) pragṛhya jvalitaṃ śūlaṃ dīpyamānaṃ svatejasā. gaṅgā ca saritāṃ śveṣṭhā sarvatīrthajalodbhavā. paryupāsata tandevarūpiṇī dvijasattamāḥ .. 30.92 .. ### [1.30.98](https://indike.org/pramana/in.purana.vayu.1.30.98) evaṃ sa bhagavāṃstatra dīpyamānaḥ surarṣibhiḥ. devaiśca sumahābāgairmahādevo vyavasthitaḥ .. 30.93 .. ### [1.30.99](https://indike.org/pramana/in.purana.vayu.1.30.99) purā himavataḥ pṛṣṭhe dakṣo vai yajñamārabhat. gaṅgādvāre śubhe deśe ṛṣisiddhaniṣevite .. 30.94 .. ### [1.30.100](https://indike.org/pramana/in.purana.vayu.1.30.100) tatastasya makhe devāḥ śatakratupurogamāḥ. gamanāya samāgamya buddhimāpedire tadā .. 30.95 .. ### [1.30.101](https://indike.org/pramana/in.purana.vayu.1.30.101) svairvimānairmahātmāno jvaladbhirjvalanaprabhāḥ. devasyānumane'gacchan gaṅgādvāra iti śrutiḥ .. 30.96 .. ### [1.30.102](https://indike.org/pramana/in.purana.vayu.1.30.102) gandharvāpsarasākīrṇaṃ nānādrumalatāvṛtam. ṛṣisaṅghaiḥ parivṛtaṃ dakṣaṃ dharmabhṛtāṃ varam .. 30.97 .. ### [1.30.103](https://indike.org/pramana/in.purana.vayu.1.30.103) pṛthivyāmantarikṣe vā ye ca svarlokavāsinaḥ. sarve prāñjalayo bhūtvā upatasthuḥ prajāpatim .. 30.98 .. ### [1.30.104](https://indike.org/pramana/in.purana.vayu.1.30.104) ādityā vasavo rudrāḥ sādhyāḥ saha marudgaṇaiḥ. jiṣṇunā sahitāḥ sarve āgatā yajñabhāginaḥ .. 30.99 .. ### [1.30.105](https://indike.org/pramana/in.purana.vayu.1.30.105) ūṣmapāḥ somapāścaiva ājyapā dhūmapāstathā. aśvinau pitaraścaiva āgatā brahmaṇā saha .. 30.100 .. ### [1.30.106](https://indike.org/pramana/in.purana.vayu.1.30.106) ete cānye ca bahavo bhūtagrāmāstathaiva ca. jarāyujāṇḍajāścaiva svedajodbhijjakāstathā .. 30.101 .. ### [1.30.107](https://indike.org/pramana/in.purana.vayu.1.30.107) āhūtā mantrataḥ sarve devāśca saha patnibhiḥ. virājante vimānasthā dīpyamānā ivāgnayaḥ .. 30.102 .. ### [1.30.108](https://indike.org/pramana/in.purana.vayu.1.30.108) tān daṣṭvā manyumāviṣṭo dadhīco vākyamabravīt. apūjyapūjane caiva pūjyānāṃ cāpyapūjane. naraḥ pāpamavāpnoti mahadvai nātra saṃśayaḥ .. 30.103 .. ### [1.30.109](https://indike.org/pramana/in.purana.vayu.1.30.109) evamuktvā tu viprarṣiḥ punardakṣamabhāṣata. pūjyantu paśubharttāraṃ kasmānnāhvayase prabhum .. 30.104 .. ### [1.30.110](https://indike.org/pramana/in.purana.vayu.1.30.110) ..dakṣa uvāca.. ### [1.30.111](https://indike.org/pramana/in.purana.vayu.1.30.111) santi me bahavo rudrāḥ śūlahastāḥ kaparddinaḥ. ekādaśāvasthagatā nānyaṃ vejhi maheśvaram .. 30.105 .. ### [1.30.112](https://indike.org/pramana/in.purana.vayu.1.30.112) ..dadhīca uvāca.. ### [1.30.113](https://indike.org/pramana/in.purana.vayu.1.30.113) sarve nimantritā devā yena īśo nimantritaḥ. yathāhaṃ śaṅkarādūrddhvaṃ nānyaṃ paśyāmi daivatam. tathā dakṣasya vipulo yajño'yaṃ na bhaviṣyati .. 30.106 .. ### [1.30.114](https://indike.org/pramana/in.purana.vayu.1.30.114) ..dakṣa uvāca.. ### [1.30.115](https://indike.org/pramana/in.purana.vayu.1.30.115) etanmakhe śūra suvarṇapātre haviḥ samastaṃ vidhimantrapūtam. viṣṇornayāmyapratimasya sarvaṃ prabhorvibho hyāhavanīyanityam .. 30.107 .. ### [1.30.116](https://indike.org/pramana/in.purana.vayu.1.30.116) gatāstu devatā jñātvā śailarājasutā tadā. uvāca vacanaṃ sādhvī devaṃ paśupatiṃ tadā .. 30.108 .. ### [1.30.117](https://indike.org/pramana/in.purana.vayu.1.30.117) ..umovāca.. ### [1.30.118](https://indike.org/pramana/in.purana.vayu.1.30.118) bhagavan vka gatā hyete devā- śakrapurogamāḥ . būhi tattvena tattvajña saṃśayo me mahānayam .. 30.109 .. ### [1.30.119](https://indike.org/pramana/in.purana.vayu.1.30.119) ..maheśvara uvāca.. ### [1.30.120](https://indike.org/pramana/in.purana.vayu.1.30.120) dakṣo nāma mahābhāgo prajānāṃ patirūttamaḥ. hayamedhena yajate tatra yānti divaukasaḥ .. 30.110 .. ### [1.30.121](https://indike.org/pramana/in.purana.vayu.1.30.121) ..devyuvāca.. ### [1.30.122](https://indike.org/pramana/in.purana.vayu.1.30.122) yajñametaṃ mahābhāga kimarthaṃ na gato'si vai. kena vā pratiṣedhena gamanaṃ pratiṣidhyate .. 30.111 .. ### [1.30.123](https://indike.org/pramana/in.purana.vayu.1.30.123) ..maheśvara uvāca .. ### [1.30.124](https://indike.org/pramana/in.purana.vayu.1.30.124) suraireva mahābhāge sarvametadanuṣṭhitam. yajñeṣu mama sarveṣu na bhāga upakalpitaḥ .. 30.112 .. ### [1.30.125](https://indike.org/pramana/in.purana.vayu.1.30.125) pūrvopāyopapannena mārgeṇa varavarṇini. na me surāḥ prayacchanti bhāgaṃ yajñasya dhīmataḥ .. 30.113 .. ### [1.30.126](https://indike.org/pramana/in.purana.vayu.1.30.126) ..devyuvāca.. ### [1.30.127](https://indike.org/pramana/in.purana.vayu.1.30.127) bhagavan sarvadeveṣu prabhāvānadhiko guṇaiḥ . ajeyaścāpyadhṛṣyaśca tejasā yaśasā śriyā .. 30.114 .. ### [1.30.128](https://indike.org/pramana/in.purana.vayu.1.30.128) anena tu mahābhāga pratiṣedhena nāmataḥ . atīva duḥkhamāpannā vepathuśca mamānagha .. 30.115 .. ### [1.30.129](https://indike.org/pramana/in.purana.vayu.1.30.129) kiṃ nāma dānaṃ niyamantapo vā kuryyāmahaṃ yena patirmamādya. labheta bhāgaṃ bhagavānacintyo yajñasya cārddhaṃ tvatha vā tṛtīyam .. 30.116 .. ### [1.30.130](https://indike.org/pramana/in.purana.vayu.1.30.130) evaṃ bruvāṇāṃ bhagavānacintyaḥ patnīṃ prahṛṣṭaḥ kṣubhitāmuvāca. na vetsi deveśi kṛśodarāṅgi kiṃ nāma yuktaṃ vacanantavedam .. 30.117 .. ### [1.30.131](https://indike.org/pramana/in.purana.vayu.1.30.131) ahaṃ hi jānāmi viśālanetre dhyānena sarvaṃ hi vadanti santaḥ. na vādya mohena mahendradevo lokatrayaṃ sarvathā saṃpramūḍham .. 30.118 .. ### [1.30.132](https://indike.org/pramana/in.purana.vayu.1.30.132) māmadhvare śaṃsitāraḥ stuvanti rathantare sāma gāyanti geyam. māṃ brāhmaṇā brahmasatre yajante mādhvaryyavaḥ kalpayante ca bhāgam .. 30.119 .. ### [1.30.133](https://indike.org/pramana/in.purana.vayu.1.30.133) ..devyuvāca.. ### [1.30.134](https://indike.org/pramana/in.purana.vayu.1.30.134) aprākṛto'pi bhagavān sarvastrījanasaṃsadi. stauti gopā yate vāpi svamātmānaṃ na saṃśayaḥ .. 30.120 .. ### [1.30.135](https://indike.org/pramana/in.purana.vayu.1.30.135) ..bhagavānuvāca.. ### [1.30.136](https://indike.org/pramana/in.purana.vayu.1.30.136) nātmānaṃ staumi deveśi paśya tvamupagaccha ca. yaṃ srakṣyāmi varārohe bhāgārthaṃ varavarṇini .. 30.121 .. ### [1.30.137](https://indike.org/pramana/in.purana.vayu.1.30.137) evamuktvā tu bhagavān patnīṃ prāṇairapi priyām. so'sṛjadbhagavānvakrādbhūtaṃ krodhāgnisannibham .. 30.122 .. ### [1.30.138](https://indike.org/pramana/in.purana.vayu.1.30.138) sahasraśīrṣaṃ devañca sahasracaraṇe kṣaṇam. sahasramudgaradharaṃ sahasraśarapāṇinam .. 30.123 .. ### [1.30.139](https://indike.org/pramana/in.purana.vayu.1.30.139) śaṅkhacakragadāpāṇiṃ dīptakārmukadhāriṇam. paraśvasidharaṃ devaṃ mahāraudraṃ bhayāvaham .. 30.124 .. ### [1.30.140](https://indike.org/pramana/in.purana.vayu.1.30.140) ghora rūpeṇa dīpyantaṃ candrārdhakṛtabhūṣaṇam. vasānaṃ carma vaiyāghraṃ mahārudhiraniḥsravam .. 30.125 .. ### [1.30.141](https://indike.org/pramana/in.purana.vayu.1.30.141) daṃṣṭrākarālaṃ vibhrāntaṃ mahāvaktraṃ mahodaram. vidyujjihvaṃ pralamboṣṭhaṃ lambakarṇaṃ durāsadam .. 30.126 .. ### [1.30.142](https://indike.org/pramana/in.purana.vayu.1.30.142) kuliśodyotitakarambhābhirjvalitamūrddhajam. jvālāmālāparikṣiptaṃ muktādāmavibhūṣitam .. 30.127 .. ### [1.30.143](https://indike.org/pramana/in.purana.vayu.1.30.143) tejasā caiva dīpyantaṃ yugāntamiva pāvakam. ākarṇadāritāsyāntañcaturdikṣu bhayānakam .. 30.128 .. ### [1.30.144](https://indike.org/pramana/in.purana.vayu.1.30.144) mahābalaṃ mahātejaṃ mahāpuruṣamīśvaram. viśvahartṛmahā kāyaṃ mahānyagrodhamaṇḍalam. yugapaccandraśatavaddīpyantaṃ manmathāgnivat .. 30.129 .. ### [1.30.145](https://indike.org/pramana/in.purana.vayu.1.30.145) caturmahāsyaṃ sitatīkṣṇadaṃṣṭraṃ mahogratejobalakautukāḍhayam. yugāntasūryyāgnisahasrabhāsaṃ sahasracandrāmalakāntikāntam. pradīptasarvauṣadhimandarābhaṃ sumerukailāsahimādritulyam .. 30.130 .. ### [1.30.146](https://indike.org/pramana/in.purana.vayu.1.30.146) yugārkābhaṃ mahāvīryyaṃ cārunāsaṃ mahānanam. pracaṇḍagaṇḍaṃ dīptākṣamagnijvālāvilānanam .. 30.131 .. ### [1.30.147](https://indike.org/pramana/in.purana.vayu.1.30.147) mṛgendrakṛttivasanaṃ mahābhujagaveṣṭitam. uṣṇīṣiṇaṃ candradharaṃ vkacidugraṃ vkacitsamam .. 30.132 .. ### [1.30.148](https://indike.org/pramana/in.purana.vayu.1.30.148) nānākusumamūrddhānaṃ nānāgandānulepanam . nānāratnavicitrāṅgaṃ nānābharaṇabhūṣitam .. 30.133 .. ### [1.30.149](https://indike.org/pramana/in.purana.vayu.1.30.149) karṇikārasrajaṃ dīptaṃ krodhādudbhrāntalocanam. vkacinnṛtyati citrāṅgaṃ vkacidvadati susvaram .. 30.134 .. ### [1.30.150](https://indike.org/pramana/in.purana.vayu.1.30.150) vkaciddhyāyati yuktātmā vkacitstūlaṃ pramārjati. vkacidgāyati viśvātmā vkacidrauti muhurmuhuḥ .. 30.135 .. ### [1.30.151](https://indike.org/pramana/in.purana.vayu.1.30.151) jñānaṃ vairāgyamaiśvaryyaṃ tapaḥ satyaṃ kṣamā dhṛtiḥ. prabhutvamātmasaṃbodho hyadhiṣṭhānaguṇairyutaḥ .. 30.136 .. ### [1.30.152](https://indike.org/pramana/in.purana.vayu.1.30.152) jānubhyāmavaniṃ gatvā praṇataḥ prāñjaliḥ sthitaḥ. ājñāpaya tvaṃ deveśa kiṃ kāryyaṃ karavāṇi te .. 30.137 .. ### [1.30.153](https://indike.org/pramana/in.purana.vayu.1.30.153) tamuvācākṣipa makhaṃ dakṣasyeha maheśvaraḥ. devasyānumatiṃ śrutvā vīrabhadro mahābalaḥ. praṇamya śirasā pādau deveśasya umāpateḥ .. 30.138 .. ### [1.30.154](https://indike.org/pramana/in.purana.vayu.1.30.154) tato bandhāt pramuktena siṃheneveha līlayā. devyā manyukṛtaṃ matvā hato dakṣasya sa kratuḥ .. 30.139 .. ### [1.30.155](https://indike.org/pramana/in.purana.vayu.1.30.155) manyunā ca mahābhīmā bhadrakālī maheśvarī. ātmanaḥ sarvasākṣitve tena sārddha sahānugā .. 30.140 .. ### [1.30.156](https://indike.org/pramana/in.purana.vayu.1.30.156) sa eṣa bhagavān kruddhaḥ pretāvāsakṛtālayaḥ. vīrabhadra iti khyāto devyā manyupramārjakaḥ .. 30.141 .. ### [1.30.157](https://indike.org/pramana/in.purana.vayu.1.30.157) so'sṛjadromakūpebhyo raudrānnāma gaṇeśvarān. rudrānugā mahāvīryyā rudravīryaparākramāḥ .. 30.142 .. ### [1.30.158](https://indike.org/pramana/in.purana.vayu.1.30.158) rudrasyānucarāḥ sarve sarve rudrasamaprabhāḥ. te nipetustatastūrṇaṃ śataśo'tha sahasraśaḥ .. 30.143 .. ### [1.30.159](https://indike.org/pramana/in.purana.vayu.1.30.159) tataḥ kilakilāśabda ākāśaṃ pūrayanniva. tena śabdena mahatā trastāḥ sarve divaukasaḥ.. 30.144 .. ### [1.30.160](https://indike.org/pramana/in.purana.vayu.1.30.160) parvatāśca vyaśīryanta kampate ca vasundharā. meruśca ghūrṇate viprāḥ kṣubhyante varuṇālayāḥ .. 30.145 .. ### [1.30.161](https://indike.org/pramana/in.purana.vayu.1.30.161) agnayo naiva dīpyante na ca dīpyanti bhāskarāḥ. grahā naiva prakāśante nakṣatrāṇi na tārakāḥ .. 30.146 .. ### [1.30.162](https://indike.org/pramana/in.purana.vayu.1.30.162) ṛṣayo nābhyabhāṣanta na devā na ca dānavāḥ. evaṃ hi timirībhūtaṃ nirddahanti vimānitāḥ .. 30.147 .. ### [1.30.163](https://indike.org/pramana/in.purana.vayu.1.30.163) siṃhanādaṃ pramuñcante ghorarūpā mahābalāḥ. prabhañjante pare ghorā yūpānutpāṭayanti ca .. 30.148 .. ### [1.30.164](https://indike.org/pramana/in.purana.vayu.1.30.164) pramarddanti tathā cānye vinṛtyanti tatā'pare. ādhāvanti pradhāvanti vāyuvegā manojavāḥ .. 30.149 .. ### [1.30.165](https://indike.org/pramana/in.purana.vayu.1.30.165) cūrṇante yajñapātrāṇi yāgasyāyatanāni ca. śīryamāṇāni dṛśyante tārā iva nabhastalāt .. 30.150 .. ### [1.30.166](https://indike.org/pramana/in.purana.vayu.1.30.166) divyānnapānabhakṣāṇāṃ rāśayaḥ parvatopamāḥ. kṣīra nadyastathā cānyā ghṛtapāyasakardamāḥ. madhumaṇḍodakā divyāḥ khaṇḍaśarkaravālukāḥ .. 30.151 .. ### [1.30.167](https://indike.org/pramana/in.purana.vayu.1.30.167) ṣaḍrasānnivahantyanyā guḍakulyā manoramāḥ. uccāvacāni māṃsāni bhakṣyāṇi vividhāni ca .. 30.152 .. ### [1.30.168](https://indike.org/pramana/in.purana.vayu.1.30.168) yāni kāni ca divyāni lehyañcoṣyaṃ tathāpare. bhuñjate vividhairvaktrairviluṇṭhanti ca sarvasaḥ. krīḍanti vividhākārāścikṣipuḥ surayoṣitaḥ .. 30.153 .. ### [1.30.169](https://indike.org/pramana/in.purana.vayu.1.30.169) rudrakopaprayuktāstu sarvadevaiḥ surakṣitam. taṃ yajñamahanan śīghraṃ rudrakalpāḥ samīpataḥ .. 30.154 .. ### [1.30.170](https://indike.org/pramana/in.purana.vayu.1.30.170) cakruranye tathā nādān sarvabhūtabhayaṃkarān. chittvā śiro'nye yajñasya vinadanti bhayaṅkarāḥ .. 30.155 .. ### [1.30.171](https://indike.org/pramana/in.purana.vayu.1.30.171) dakṣo dakṣapatiścaiva devo yajñapatistathā. mṛgarūpeṇa cākāśe prapalāyitumārabhat .. 30.156 .. ### [1.30.172](https://indike.org/pramana/in.purana.vayu.1.30.172) vīrabhadro'prameyātmā jñātvā tasya balantadā. antarikṣagatasyāśu cicchedāsya śiro mahān .. 30.157 .. ### [1.30.173](https://indike.org/pramana/in.purana.vayu.1.30.173) dakṣaḥ prajāpatiścaiva vinaṣṭa bhrāntacetanaḥ. kruddhena vīrabhadreṇa śiraḥ pādena pīḍitaḥ. jarābhibhūtatīvrātmā nipapāta mahītale .. 30.158 .. ### [1.30.174](https://indike.org/pramana/in.purana.vayu.1.30.174) trayastriṃśaddevatānāṃ tāḥ koṭayo vimalātmakāḥ. pāśenāgnibalenāśu baddhāḥ siṃhabalena ca .. 30.159 .. ### [1.30.175](https://indike.org/pramana/in.purana.vayu.1.30.175) tato jagmurmahātmānaṃ sarve devā mahābalam. prasīda bhagavan rudra bṛtyānāṃ mā kudhaḥ prabho .. 30.160 .. ### [1.30.176](https://indike.org/pramana/in.purana.vayu.1.30.176) tato brahmādayo devā dakṣaścaiva prajāpatiḥ. ūcuḥ prāñjalayo bhūtvā kathyatāṃ ko bhavāniti .. 30.161 .. ### [1.30.177](https://indike.org/pramana/in.purana.vayu.1.30.177) ..vīrabhadra uvāca.. ### [1.30.178](https://indike.org/pramana/in.purana.vayu.1.30.178) na ca devo na cādityo na ca bhoktumihāgataḥ. naivadraṣṭuṃ hi devendrānna ca kautūhalānvitaḥ .. 30.162 .. ### [1.30.179](https://indike.org/pramana/in.purana.vayu.1.30.179) dakṣayajñavināśārthaṃ samprāptaṃ viddhi māmiha. vīrabhadra iti khyātaṃ rudrakopādvinirgatam .. 30.163 .. ### [1.30.180](https://indike.org/pramana/in.purana.vayu.1.30.180) bhadrakālī ca vijñeyā devyāḥ krodhādvinirgatā. preṣitā devadevena yajñāntikamihāgatā .. 30.164 .. ### [1.30.181](https://indike.org/pramana/in.purana.vayu.1.30.181) śāraṇaṃ gaccha rājendra devaṃ te tvamumāpatim. varaṃ krodho'pi rudrasya varadānaṃ na devataḥ .. 30.165 .. ### [1.30.182](https://indike.org/pramana/in.purana.vayu.1.30.182) vīrabhadravacaḥ śrutvā dakṣo dharmmabhṛtāṃ varaḥ. toṣayāmāsa deveśaṃ śūlapāṇiṃ maheśvaram .. 30.166 .. ### [1.30.183](https://indike.org/pramana/in.purana.vayu.1.30.183) praduṣṭe yajñavāde tu vidruteṣu dvijātiṣu. tārāmṛgamaye dīpte raudre bhīmamahānale .. 30.167 .. ### [1.30.184](https://indike.org/pramana/in.purana.vayu.1.30.184) śūlanirbhinnavadanaiḥ kūjadbhiḥ paricārakaiḥ. nikhātotpāṭitairyūpairapaviddhai ryyatastataḥ .. 30.168 .. ### [1.30.185](https://indike.org/pramana/in.purana.vayu.1.30.185) utpatdbhiḥ patadbhiśca gṛdhrairāmiṣagṛdhrubhiḥ. pakṣapātavinirdhūtaiḥ śivāśatanināditaiḥ .. 30.169 .. ### [1.30.186](https://indike.org/pramana/in.purana.vayu.1.30.186) prāṇāpānau sannirudhya tataḥ sthānena yatnataḥ. vicārya sarvato dṛṣṭiṃ bahudṛṣṭiramitrajit .. 30.170 .. ### [1.30.187](https://indike.org/pramana/in.purana.vayu.1.30.187) sahasā devadeveśaḥ agnikuṇḍādupāgataḥ. candrasūryyasahasrasya tejaḥ saṃvarttakopamam .. 30.171 .. ### [1.30.188](https://indike.org/pramana/in.purana.vayu.1.30.188) prahasya cainaṃ bhagavānidaṃ vacanamabravīt. naṣṭaste jñānato dakṣa prītiste mayi sāṃpratam .. 30.172 .. ### [1.30.189](https://indike.org/pramana/in.purana.vayu.1.30.189) smitaṃ kṛtvābravīdvākyaṃ brūhi kiṃ karavāṇi te. śrāvitañca samākhyāya devānāṃ gurubhiḥ saha .. 30.173 .. ### [1.30.190](https://indike.org/pramana/in.purana.vayu.1.30.190) tamuvācāñjaliṃ kṛtvā dakṣo devaṃ prajāpatiḥ. bhītaśaṅkitavitrastaḥ sabāṣpavadanekṣaṇaḥ .. 30.174 .. ### [1.30.191](https://indike.org/pramana/in.purana.vayu.1.30.191) yadi prasanno bhagavān yadi vāhaṃ tava priyaḥ. yadi vāhamanugrāhyo yadi deyo varo mama .. 30.175 .. ### [1.30.192](https://indike.org/pramana/in.purana.vayu.1.30.192) yajjagdhaṃ bhakṣitaṃ pītamaśitaṃ yacca nāśitam. cūrṇīkṛtañjāpaviddhaṃ yajñasambhāramīdṛśam .. 30.176 .. ### [1.30.193](https://indike.org/pramana/in.purana.vayu.1.30.193) dīrghakālena mahatā prayatnena ca sañcitam. tanna mithyā bhavenmahyaṃ varametaṃ vṛṇomyaham .. 30.177 .. ### [1.30.194](https://indike.org/pramana/in.purana.vayu.1.30.194) tathāstvityāha bhagavān bhaganetrahayo haraḥ. dharmādhyakṣaṃ mahādevaṃ tryakṣantaṃ vai prajāpatiḥ .. 30.178 .. ### [1.30.195](https://indike.org/pramana/in.purana.vayu.1.30.195) jānubhyāmavaniṃ gatvā dakṣo labdhvā bhavādvaram. nāmnāmaṣṭasahasreṇa stutavān vṛṣabhadhvajam .. 30.179 .. ### [1.30.196](https://indike.org/pramana/in.purana.vayu.1.30.196) ..dakṣa uvāca.. ### [1.30.197](https://indike.org/pramana/in.purana.vayu.1.30.197) namaste devadeveśa devāribalasūdana. devendra hyamaraśreṣṭha devadānavapūjita .. 30.180 .. ### [1.30.198](https://indike.org/pramana/in.purana.vayu.1.30.198) sahasrākṣa virūpākṣa tryakṣa yakṣādhipapriya. sarvataḥ pāṇipādastvaṃ sarvato'kṣiśiromukhaḥ. sarvataḥ śrutimān loke sarvānāvṛtya tiṣṭhasi .. 30.181 .. ### [1.30.199](https://indike.org/pramana/in.purana.vayu.1.30.199) śaṅkukarṇa mahākarṇa kumbhakarṇārṇavālaya. gajendrakarṇa gokarṇa pāṇikarṇa namo'stu te .. 30.182 .. ### [1.30.200](https://indike.org/pramana/in.purana.vayu.1.30.200) śatodara śatāvartta śatajihva śatānana. gāyanti tvāṃ gāyatriṇo hyarccayanti tathārccinaḥ .. 30.183 .. _First 200 of 338 passages. [Read on](https://indike.org/pramana/in.purana.vayu.1.30)_ ## Linked texts (8) - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.12.283.5) — Sanskrit - [Brahmāṇḍapurāṇa](https://indike.org/pramana/in.purana.brahmanda.1.13.5) — Vyāsa, Sanskrit - [Saromāhātmya](https://indike.org/pramana/in.purana.vamana.saromahatmya.26.70) — Sanskrit - [Kūrmapurāṇa](https://indike.org/pramana/in.purana.kurma.1.14.26) — Vyāsa, Sanskrit - [Garuḍapurāṇa](https://indike.org/pramana/in.purana.garuda.1.6.11) — Vyāsa, Sanskrit - [Bhṛgusaṃhitā](https://indike.org/pramana/in.astro.samhita.rsi.bhrgusamhita.24.156) — Bhṛgu, Sanskrit - [Prakīrṇādhikāra](https://indike.org/pramana/in.sampradaya.vaisnava.vaikhanasa.bhrgu.prakirnadhikara.24.156) — Bhṛgu, Sanskrit - [Śivapurāṇa (complete text)](https://indike.org/pramana/in.purana.siva*complete.9.17.56) — Sanskrit --- Source: [https://indike.org/pramana/in.purana.vayu.1.30](https://indike.org/pramana/in.purana.vayu.1.30) · Pramāṇa