[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.31 # Vayupurana 1.31: adhyāyaḥ 31 Vāyupurāṇa 1.31 - **Language:** Sanskrit ### adhyāyaḥ 31 ### [1.31.1](https://indike.org/pramana/in.purana.vayu.1.31.1) ..sūta uvāca .. ### [1.31.2](https://indike.org/pramana/in.purana.vayu.1.31.2) ityeṣā samanujñātā kathā pāpapraṇāśinī. yā dakṣamadhikṛtyeha kathā śarvādupāgatā .. 31.1 .. ### [1.31.3](https://indike.org/pramana/in.purana.vayu.1.31.3) pitṛvaṃśaprasaṅgena kathā hyeṣā prakīrtitā. pitṝṇāmānupūrvyeṇa devān vakṣyāmyataḥ param .. 31.2 .. ### [1.31.4](https://indike.org/pramana/in.purana.vayu.1.31.4) tretāyugamukhe pūrvamāsan svāyambhuve'ntare . devā yāmā iti khyātāḥ pūrvaṃ ye yajñasūnavaḥ .. 31.3 .. ### [1.31.5](https://indike.org/pramana/in.purana.vayu.1.31.5) ajitā brahmaṇaḥ putrā jitā jidajitāśca ye. putrāḥ svāyambhuvasyaite śukranāmnā mānasāḥ .. 31.4 .. ### [1.31.6](https://indike.org/pramana/in.purana.vayu.1.31.6) tṛptimanto gaṇā hyete devānāntu trayaḥ smṛtāḥ . chandogāstu trayastriṃśatsarve svāyambhuvasya ha .. 31.5 .. ### [1.31.7](https://indike.org/pramana/in.purana.vayu.1.31.7) yaduryayātirdvau devau dīdhayaḥ sravaso matiḥ. vibhāsaśca kratuścaiva prajātirviśato dyutiḥ .. 31.6 .. ### [1.31.8](https://indike.org/pramana/in.purana.vayu.1.31.8) vāyaso maṅgalaścaiva yāmā dvādaśa kīrtitāḥ. abhimanyurugradṛṣṭiḥ samayo'tha śuciśravāḥ. kevalo viśvarūpaśca supakṣo madhupastathā .. 31.7 .. ### [1.31.9](https://indike.org/pramana/in.purana.vayu.1.31.9) turīyo nirhapuścaiva yukto grāvājinastu te. yamino viśvadevādyaṃ yaviṣṭho'mṛtavānapi .. 31.8 .. ### [1.31.10](https://indike.org/pramana/in.purana.vayu.1.31.10) ajiro vibhurvibhāvaśca mṛliko'tha didehakaḥ. śrutiśrṛṇo bṛhacchukro devā dvādaśa kīrtitāḥ .. 31.9 .. ### [1.31.11](https://indike.org/pramana/in.purana.vayu.1.31.11) āsan svāyambhuvasyaite antare somapāyinaḥ. tviṣimanto gaṇā hyete vīryavanto mahābalāḥ .. 31.10 .. ### [1.31.12](https://indike.org/pramana/in.purana.vayu.1.31.12) teṣāmindraḥ sadā hyāsīdviśvabhuk prathamo vibhuḥ. asurā yetadā teṣāmāsan dāyādabāndhavāḥ .. 31.11 .. ### [1.31.13](https://indike.org/pramana/in.purana.vayu.1.31.13) suparṇayakṣagandharvāḥ piśācoragarākṣasāḥ. aṣṭau te pitṛbhiḥ sārddhaṃ nāsatyā devayonayaḥ .. 31.12 .. ### [1.31.14](https://indike.org/pramana/in.purana.vayu.1.31.14) svāyambhuve'ntare'tītāḥ prajāstvāsāṃ sahasraśaḥ. prabhāvarūpasampannā āyuṣā ca balena ca .. 31.13 .. ### [1.31.15](https://indike.org/pramana/in.purana.vayu.1.31.15) vistarādiha nocyante mā prasaṅgo bhavatviha. svāyambhuvo nisargaśca vijñeyaḥ sāmprataṃ manuḥ .. 31.14 .. ### [1.31.16](https://indike.org/pramana/in.purana.vayu.1.31.16) atīte varttamānena dṛṣṭo vaivasvatena saḥ. prajābhirdevatābhiśca ṛṣibhiḥ pitṛbhiḥ saha .. 31.15 .. ### [1.31.17](https://indike.org/pramana/in.purana.vayu.1.31.17) teṣāṃ saptarṣayaḥ pūrvamāsanye tān nibodhata. bhṛgvaṅgirā marīciśca pulastyaḥ pulahaḥ kratuḥ .. 31.16 .. ### [1.31.18](https://indike.org/pramana/in.purana.vayu.1.31.18) atriścaiva vasiṣṭhaśca sapta svāyambhuve'ntare. agnīdhraścātibāhuśca medhā medhātithirvasuḥ .. 31.17 .. ### [1.31.19](https://indike.org/pramana/in.purana.vayu.1.31.19) jyotiṣmān dyutimān havyaḥ savanaḥ putra eva ca .. ### [1.31.20](https://indike.org/pramana/in.purana.vayu.1.31.20) manoḥ svāyambhuvasyaite daśa putrā mahaujasaḥ .. 31.18 .. ### [1.31.21](https://indike.org/pramana/in.purana.vayu.1.31.21) vāyuproktā mahāsattvā rājānaḥ prathame'ntare. sāsurantatsagandharvaṃ sayakṣoragarākṣasam. sapiśācamanuṣyañca suparṇāpsarasāṅgaṇam .. 31.19 .. ### [1.31.22](https://indike.org/pramana/in.purana.vayu.1.31.22) no śakyamānupūrvyeṇa vaktuṃ varṣaśatairapi. bahutvānnāmadheyānāṃ saṅkhyā teṣāṃ kule tathā .. 31.20 .. ### [1.31.23](https://indike.org/pramana/in.purana.vayu.1.31.23) yā vai vrajakulākhyāstu āsan svāyambuve'ntare. kālena bahunātītā ayanābdayugakramaiḥ .. 31.21 .. ### [1.31.24](https://indike.org/pramana/in.purana.vayu.1.31.24) ..ṛṣaya ūcuḥ.. ### [1.31.25](https://indike.org/pramana/in.purana.vayu.1.31.25) ka eṣa bhagavān kālaḥ sarvabhūtāpahārakaḥ. kasya yoniḥ kimādiśca kintattvaṃ sa kimātmajaḥ .. 31.22 .. ### [1.31.26](https://indike.org/pramana/in.purana.vayu.1.31.26) kimasya cakṣuḥ kā mūrtiḥ ke cāsyāvayavāḥ smṛtāḥ. kiṃnāmadheyaḥ ko'syātmā etat prabrūhi pṛcchatām .. 31.23 .. ### [1.31.27](https://indike.org/pramana/in.purana.vayu.1.31.27) ..sūta uvāca.. ### [1.31.28](https://indike.org/pramana/in.purana.vayu.1.31.28) śrūyatāṃ kālasadbhāvaḥ śrutvā caivāvadhāryatām. sūryayonirnimeṣādiḥ saṅkhyācakṣuḥ sa ucyate .. 31.24 .. ### [1.31.29](https://indike.org/pramana/in.purana.vayu.1.31.29) mūrttirasya tvahorātre nimeṣāvayavaśca saḥ. saṃvatsaraśataṃ tvasya nāma cāsya kalātmakam. sāmpratānāgatātītakālātmā sa prajāpatiḥ .. 31.25 .. ### [1.31.30](https://indike.org/pramana/in.purana.vayu.1.31.30) pañcānāṃ pravibhaktānāṃ kālāvasthāṃ nibhodhata. dinārddhamāsamāsaistu ṛtubhistvayanaistathā .. 31.26 .. ### [1.31.31](https://indike.org/pramana/in.purana.vayu.1.31.31) saṃvatsarastu prathamo dvitīyaḥ parivatsaraḥ. idvatsarastṛtīyastu caturthaścānuvatsaraḥ .. 31.27 .. ### [1.31.32](https://indike.org/pramana/in.purana.vayu.1.31.32) vatsaraḥ pañcamasteṣāṃ kālaḥ sa yugasaṃjñitaḥ. teṣāntu tattvaṃ vakṣyāmi kīrttyamānaṃ nibodhata .. 31.28 .. ### [1.31.33](https://indike.org/pramana/in.purana.vayu.1.31.33) ṛturagnistu yaḥ proktaḥ sa tu saṃvatsaro mataḥ. āditye yastvasau sāraḥ kālāgniḥ parivatsaraḥ .. 31.29 .. ### [1.31.34](https://indike.org/pramana/in.purana.vayu.1.31.34) śuklakṛṣṇā gatiścāpi apāṃ sāramayaḥ khagaḥ. sa iḍāvatsaraḥ somaḥ purāṇe niścayo mataḥ .. 31.30 .. ### [1.31.35](https://indike.org/pramana/in.purana.vayu.1.31.35) yaścāyaṃ tapate lokāṃstanubhiḥ saptasaptabhiḥ. āśukarttā ca lokasya savāyuriti vatsaraḥ .. 31.31 .. ### [1.31.36](https://indike.org/pramana/in.purana.vayu.1.31.36) ahaṅkārāt rudan rudraḥ sadbhūto brahmaṇastrayaḥ. sa rudro vatsarasteṣāṃ vijajñe nīlalohitaḥ. teṣāṃ hi tattvaṃ vakṣyāmi kīrtyamānaṃ nibodhata .. 31.32 .. ### [1.31.37](https://indike.org/pramana/in.purana.vayu.1.31.37) aṅgapratyaṅgasaṃyogāt kālātmā prapitāmahaḥ. ṛksāma yajuṣāṃ yoniḥ pañcānāṃ patirīśvaraḥ .. 31.33 .. ### [1.31.38](https://indike.org/pramana/in.purana.vayu.1.31.38) so'gniryajuśca somaśca sa bhūtaḥ sa prajāpatiḥ. proktaḥ saṃvatsaraśceti sūryo yo'gnirmanīṣibhiḥ .. 31.34 .. ### [1.31.39](https://indike.org/pramana/in.purana.vayu.1.31.39) yasmāt kālavibhāgānāṃ māsartvayanayorapi. grahanakṣatraśītoṣṇavarṣāyuḥkarmaṇāṃ tathā. yojitaḥ pravibhāgānāṃ divasānāñca bhāskaraḥ .. 31.35 .. ### [1.31.40](https://indike.org/pramana/in.purana.vayu.1.31.40) vaikārikaḥ prasannātmā brahmaputraḥ prajāpatiḥ. ekenaiko'tha divaso māso'thartuḥ pitāmahaḥ .. 31.36 .. ### [1.31.41](https://indike.org/pramana/in.purana.vayu.1.31.41) ādityaḥ savitā bhānurjīvano brahmasatkṛtaḥ. prabhavaścātya yaścaiva bhūtānāṃ tena bhāskaraḥ .. 31.37 .. ### [1.31.42](https://indike.org/pramana/in.purana.vayu.1.31.42) tārābhimānī vijñeyastṛtīyaḥ parivatsaraḥ. somaḥ sarvauṣadhipatiryasmātsa prapitāmahaḥ .. 31.38 .. ### [1.31.43](https://indike.org/pramana/in.purana.vayu.1.31.43) ājīvaḥ sarvabhūtānāṃ yogakṣemakṛdīśvaraḥ. avekṣaṇāṇaḥ satataṃ bibharti jagadaṃśubhiḥ .. 31.39 .. ### [1.31.44](https://indike.org/pramana/in.purana.vayu.1.31.44) tithīnāṃ parvasandhīnāṃ pūrṇimādarśayorapi. yonirniśākaro yaśca yo'mṛtātmā prajāpatiḥ .. 31.40 .. ### [1.31.45](https://indike.org/pramana/in.purana.vayu.1.31.45) tasmāt sa pitṛmān soma ṛgyajuśchandaātmakaḥ. prāṇāpānasamānādyairvyānodānātmakairapi .. 31.41 .. ### [1.31.46](https://indike.org/pramana/in.purana.vayu.1.31.46) karmabhiḥ prāṇināṃ loke sarvaceṣṭāpravarttakaḥ. prāṇāpānasamānānāṃ vāyūnāñca pravarttakaḥ .. 31.42 .. ### [1.31.47](https://indike.org/pramana/in.purana.vayu.1.31.47) pañcānāñcendriyamanobuddhismṛti jalātmanām. samānakālakaraṇaḥ kriyāḥ sampādayanniva .. 31.43 .. ### [1.31.48](https://indike.org/pramana/in.purana.vayu.1.31.48) sarvātmā sarvalokānāmāvahaḥ pravahādibhiḥ. vidhātā sarvabhūtānāṃ kṣamī nityaṃ prabhañjanaḥ .. 31.44 .. ### [1.31.49](https://indike.org/pramana/in.purana.vayu.1.31.49) yoniragnerapāṃ bhūme raveścandramasaścayaḥ. vāyuḥ prajāpirbhūtaṃ lokātmā prapitāmahaḥ .. 31.45 .. ### [1.31.50](https://indike.org/pramana/in.purana.vayu.1.31.50) prajāpati mukhairdevaiḥ samyagiṣṭaphalārthibhiḥ. tribhireva kapālaistu ambakairoṣadhikṣaye. ijyate bhagavān yasmāttasmāt tryambaka ucyate .. 31.46 .. ### [1.31.51](https://indike.org/pramana/in.purana.vayu.1.31.51) gāyatrī caiva triṣṭup ca jagatī caiva yā smṛtā. tryambakā nāmataḥ proktā yonayaḥ savanasya tāḥ .. 31.47 .. ### [1.31.52](https://indike.org/pramana/in.purana.vayu.1.31.52) tābhirekatvabhūtābhistrividhābhiḥ svavīryataḥ. trisādhanapuroḍāśastri kapālaḥ sa vai smṛtaḥ .. 31.48 .. ### [1.31.53](https://indike.org/pramana/in.purana.vayu.1.31.53) ityetatpañcavarṣaṃ hi yugaṃ proktaṃ manīṣibhiḥ. yaccaiva pañcadhātmā vai proktaḥ saṃvatsaro dvijaiḥ. saikaṃ ṣaṭkaṃ vijajñe'tha madhvādīnṛtavaḥkila .. 31.49 .. ### [1.31.54](https://indike.org/pramana/in.purana.vayu.1.31.54) ṛtuputrārttavaḥ pañca iti sargaḥ samāsataḥ. ityeṣa pavamāno vai prāṇināṃ jīvitāni tu .. 31.50 .. ### [1.31.55](https://indike.org/pramana/in.purana.vayu.1.31.55) nadī vegasamāyuktaṃ kālo dhāvati saṃharan. ahorātrakarastasmāt sa vāyurabhavatpunaḥ .. 31.51 .. ### [1.31.56](https://indike.org/pramana/in.purana.vayu.1.31.56) ete prajānāṃ patayaḥ pradhānāḥ sarvadehinām . pitaraḥ sarva lokānāṃ lokātmānaḥ prakīrtitāḥ .. 31.52 .. ### [1.31.57](https://indike.org/pramana/in.purana.vayu.1.31.57) dhyāyato brahmaṇo vakrādudyan samabhavadbhavaḥ. ṛṣirvipro mahādevo bhūtātmā prapitāmahaḥ .. 31.53 .. ### [1.31.58](https://indike.org/pramana/in.purana.vayu.1.31.58) īśvaraḥ sarvabhūtānāṃ praṇavāyopapadyate. ātmaveśena bhūtānāmaṅgapratyaṅgasambhavaḥ .. 31.54 .. ### [1.31.59](https://indike.org/pramana/in.purana.vayu.1.31.59) agniḥ saṃvatsaraḥ sūryaścandramā vāyureva ca. yugābhimānī kālātmā nityaṃ saṃkṣepakṛdvibhuḥ. unmādako'nugrahakṛtsa idvatsara ucyate .. 31.55 .. ### [1.31.60](https://indike.org/pramana/in.purana.vayu.1.31.60) rudrāviṣṭo bhagavatā jagatyasmin svatejasā. āśrayāśrayasaṃyogāttanubhirnāmabhistathā .. 31.56 .. ### [1.31.61](https://indike.org/pramana/in.purana.vayu.1.31.61) tatastasya tu vīryeṇa lokānugrahakārakam. dvitīyaṃ bhadrasaṃyogaṃ santatasyaikakārakam .. 31.57 .. ### [1.31.62](https://indike.org/pramana/in.purana.vayu.1.31.62) devatvañca pitṛtvañca kālatvañcāsya yatparam. tasmādvai sarvathā bhadrastadvadbhirabhipūjyate .. 31.58 .. ### [1.31.63](https://indike.org/pramana/in.purana.vayu.1.31.63) patiḥ patīnāṃ bhagavān prajeśānāṃ prajāpatiḥ. bhavanaḥ sarvabhūtānāṃ sarveṣāṃ nīlalohitaḥ. oṣadhīḥ pratisandhatte rudraḥ kṣīṇāḥ punaḥ punaḥ .. 31.59 .. ### [1.31.64](https://indike.org/pramana/in.purana.vayu.1.31.64) ityeṣāṃ yadapatyaṃ vai na tacchakyaṃ pramāṇataḥ. bahutvāt parisaṅkhyātuṃ putrapautramanantakam .. 31..60 .. ### [1.31.65](https://indike.org/pramana/in.purana.vayu.1.31.65) imaṃ vaṃśaṃ prajeśānāṃ mahatāṃ puṇyakarmaṇām. kīrttayan sthirakīrttīnāṃ mahatīṃ siddhimāpnuyāt .. 31.61 .. ### [1.31.66](https://indike.org/pramana/in.purana.vayu.1.31.66) iti śrīmahāpurāṇe vāyuprokte devavaṃśavarṇanaṃ nāmai katriṃśo'dhyāyaḥ .. 31 .. ## Linked texts (3) - [Brahmāṇḍapurāṇa](https://indike.org/pramana/in.purana.brahmanda.1.13.87) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.46.18) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.52.18) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.31](https://indike.org/pramana/in.purana.vayu.1.31) · Pramāṇa