[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.32 # Vayupurana 1.32: adhyāyaḥ 32 Vāyupurāṇa 1.32 - **Language:** Sanskrit ### adhyāyaḥ 32 ### [1.32.1](https://indike.org/pramana/in.purana.vayu.1.32.1) ..vāyu ruvāca.. ### [1.32.2](https://indike.org/pramana/in.purana.vayu.1.32.2) ata ūrddhvaṃ pravakṣyāmi praṇavasya viniśvayam. oṅkāramakṣaraṃ brahma trivarṇañcāditaḥ smṛtam .. 32.1 .. ### [1.32.3](https://indike.org/pramana/in.purana.vayu.1.32.3) yo yo yasya yathā varṇo vihito devatāstathā. ṛco yajūṃṣi sāmāni vāyuragnistathā jalam .. 32.2 .. ### [1.32.4](https://indike.org/pramana/in.purana.vayu.1.32.4) tasmāttu akṣarādeva punaranye prajajñire. caturddaśa mahātmāno devānāṃ ye tu daivatāḥ .. 32.3 .. ### [1.32.5](https://indike.org/pramana/in.purana.vayu.1.32.5) teṣu sarvagataścaiva sarvagaḥ sarvayogavit . anugrahāya lokānāmādimadhyānta ucyate .. 32.4 .. ### [1.32.6](https://indike.org/pramana/in.purana.vayu.1.32.6) saptarṣayastathendrā ye devāśca pitṛbhiḥ saha. akṣarānniḥ sṛtāḥ sarve devadevānmaheśvarāt .. 32.5 .. ### [1.32.7](https://indike.org/pramana/in.purana.vayu.1.32.7) ihāmutra hitārthāya vadanti paramaṃ padam. pūrvameva mayoktaste kālastu yugasaṃjñitaḥ .. 32.6 .. ### [1.32.8](https://indike.org/pramana/in.purana.vayu.1.32.8) kṛtaṃ tretā dvāparañca yugādiḥ kalinā saha. parivarttamānaistaireva bhramamāṇeṣu cakravat .. 32.7 .. ### [1.32.9](https://indike.org/pramana/in.purana.vayu.1.32.9) devatāstu tadodvignāḥ kālasya vaśamāgatāḥ. na śaknuvanti tanmānaṃ saṃssthāpayitumātmanā .. 32.8 .. ### [1.32.10](https://indike.org/pramana/in.purana.vayu.1.32.10) tadā te vāgyatā bhūtvā ādau manvantarasya vai. ṛṣayaścaiva devāśca indraścaiva mahātapāḥ .. 32.9 .. ### [1.32.11](https://indike.org/pramana/in.purana.vayu.1.32.11) samādhāya manastīvraṃ sahasraṃ parivatsarān. prapannāste mahādevaṃ bhītāḥ kālasya vai tadā .. 32.10 .. ### [1.32.12](https://indike.org/pramana/in.purana.vayu.1.32.12) ayaṃ hi kālo deveśaścaturmūrtiścaturmukhaḥ . ko'sya vidyānmahādeva agādhasya maheśvara .. 32.11 .. ### [1.32.13](https://indike.org/pramana/in.purana.vayu.1.32.13) atha dṛṣṭvā mahādevastaṃ tu kālañcaturmukham. na bhetavyamiti prāha ko vaḥ kāmaḥ pradīyatām .. 32.12 .. ### [1.32.14](https://indike.org/pramana/in.purana.vayu.1.32.14) tatkariṣyāmyahaṃ sarvaṃ na vṛthāyaṃ pariśramaḥ . uvāca devo bhagavān svayaṅkālaḥ sudurjayaḥ .. 32.13 .. ### [1.32.15](https://indike.org/pramana/in.purana.vayu.1.32.15) yadetasya mukhaṃ śvetaṃ caturjihvaṃ hi lakṣyate. etat kṛtayugaṃ nāma tasya kālasya vai mukham. asau devaḥ suraśreṣṭho brahmā vaivasvato mukhaḥ .. 32.14 .. ### [1.32.16](https://indike.org/pramana/in.purana.vayu.1.32.16) yadetadraktavarṇābhaṃ tṛtīyaṃ vaḥ smṛtaṃ mayā . trijihvaṃ lelihānaṃ tu etat tretāyugaṃ dvijāḥ .. 32.15 .. ### [1.32.17](https://indike.org/pramana/in.purana.vayu.1.32.17) atra yajñapravṛttistu jāyate hi maheśvarāt. tato'tra ijyate yajñastisro jihvāstrayo'gnayaḥ . iṣṭvā caivāgnayo viprāḥ kālajihvā pravarttate .. 32.16 .. ### [1.32.18](https://indike.org/pramana/in.purana.vayu.1.32.18) yadetadvai mukhaṃ bhīmaṃ dvijihvaṃ raktapiṅgalam. dvipādo'tra bhaviṣyāmi dvāparaṃ nāma tadyugam .. 32.17 .. ### [1.32.19](https://indike.org/pramana/in.purana.vayu.1.32.19) yadetat kṛṣṇavarṇābhaṃ turīyaṃ raktalocanam. ekajihvaṃ pṛthuśyāmaṃ lelihānaṃ punaḥ punaḥ .. 32.18 .. ### [1.32.20](https://indike.org/pramana/in.purana.vayu.1.32.20) tataḥ kaliyugaṃ ghoraṃ sarvalokabhayaṅkaram. kalpasya tu mukhaṃ hyetaccaturthaṃ nāma bhīṣaṇam .. 32.19 .. ### [1.32.21](https://indike.org/pramana/in.purana.vayu.1.32.21) na mukhaṃ nāpi nirvāṇaṃ tasmin bhavati vai yuge. kālagrastā prajā cāpi yuge tasmin bhaviṣyati .. 32.20 .. ### [1.32.22](https://indike.org/pramana/in.purana.vayu.1.32.22) brahmā kṛtayuge pūjyastretāyāṃ yajña icyate. dvāpare pūjyate viṣṇurahampūjyaścaturṣvapi .. 32.21 .. ### [1.32.23](https://indike.org/pramana/in.purana.vayu.1.32.23) brahmā viṣṇuśca yajñaśca kālasyaiva kalāstrayaḥ. sarveṣveva hi kāleṣu caturmūrtirmaheśvaraḥ .. 32.22 .. ### [1.32.24](https://indike.org/pramana/in.purana.vayu.1.32.24) ahaṃ jano janayitā (vaḥ) kālaḥ kālapravarttakaḥ. yugakartā tathā caiva paraṃ paraparāyaṇaḥ .. 32.23 .. ### [1.32.25](https://indike.org/pramana/in.purana.vayu.1.32.25) tasmāt kaliyugaṃ prāpya lokānāṃ hitakāraṇāt. abhayārthañca devānāmubhayorlokayorapi .. 32.24 .. ### [1.32.26](https://indike.org/pramana/in.purana.vayu.1.32.26) tadā bhavyaśca pūjyaśca bhaviṣyāmi surottamāḥ. tasmādbhayaṃ na kāryaṃ ca kaliṃ prāpya mahaujasaḥ .. 32.25 .. ### [1.32.27](https://indike.org/pramana/in.purana.vayu.1.32.27) evamuktā stataḥ sarvā devatā ṛṣibhiḥ saha. praṇamya śirasā devaṃ punarūcurjagatpatim .. 32.26 .. ### [1.32.28](https://indike.org/pramana/in.purana.vayu.1.32.28) ..devarṣaya ūcuḥ.. ### [1.32.29](https://indike.org/pramana/in.purana.vayu.1.32.29) mahātejā mahākāyo mahāvīryo mahādyutiḥ. bhīṣaṇaḥ sarvabhūtānāṃ kathaṃ kālaścaturmukhaḥ .. 32.27 .. ### [1.32.30](https://indike.org/pramana/in.purana.vayu.1.32.30) ..mahādeva uvāca.. ### [1.32.31](https://indike.org/pramana/in.purana.vayu.1.32.31) eṣa kālaścaturmūrtiścaturdaṃṣṭraścaturmukhaḥ. lokasaṃrakṣaṇārthāya atikrāmati sarvaśaḥ .. 32.28 .. ### [1.32.32](https://indike.org/pramana/in.purana.vayu.1.32.32) nāsādhyaṃ vidyate cāsya sarvasmin sacarācare. kālaḥ sṛjati bhūtāni punaḥsaṃharati kramāt .. 32.29 .. ### [1.32.33](https://indike.org/pramana/in.purana.vayu.1.32.33) sarve kālasya vaśagā na kālaḥ kasyacidvaśe. tasmāttu sarvabhūtāni kālaḥ kalayate sadā .. 32.30 .. ### [1.32.34](https://indike.org/pramana/in.purana.vayu.1.32.34) vikramasya padānyasya pūrvoktānyekasaptatiḥ. tāni manvantarāṇīha parivṛttayugakramāt .. 32.31 .. ### [1.32.35](https://indike.org/pramana/in.purana.vayu.1.32.35) ekaṃ padaṃ parikramya padānāmekasaptatiḥ. yadā kālaḥ prakramate tadā manvantarakṣayaḥ .. 32.32 .. ### [1.32.36](https://indike.org/pramana/in.purana.vayu.1.32.36) evamuktvā tu bhagavān devarṣipitṛdānavān. namaskṛtaśca taiḥ sarvaistatraivāntaradhīyata .. 32.33 .. ### [1.32.37](https://indike.org/pramana/in.purana.vayu.1.32.37) evaṃ sa kāle bhagavān devarṣipitṛdānavān. punaḥ punaḥ saṃharate sṛjate ca punaḥ punaḥ .. 32.34 .. ### [1.32.38](https://indike.org/pramana/in.purana.vayu.1.32.38) ato manvantare caiva devarṣipitṛdānavaiḥ. pūjyate bhagavānīśo bhayāt kālasya tasya vai .. 32.35 .. ### [1.32.39](https://indike.org/pramana/in.purana.vayu.1.32.39) tasmāt sarvaprayatnena kalau kuryāttapo dvijaḥ. prapannasya mahādevaṃ tasya puṇyaphalaṃ mahat. tasmāddevā divaṃ gatvā avatīrya ca bhūtale .. 32.36 .. ### [1.32.40](https://indike.org/pramana/in.purana.vayu.1.32.40) ṛṣayaścaiva devāśca kalimprāpya sudāruṇam. tapa icchanti bhūyiṣṭhaṃ karttuṃ dharmaparāyaṇāḥ. avatārān kaliṃ prāpya karoti ca punaḥ punaḥ .. 32.37 .. ### [1.32.41](https://indike.org/pramana/in.purana.vayu.1.32.41) evaṃ kālāntare sarve ye'tītā vai sahasraśaḥ. vaivasvate'ntare tasmin devarājarṣayastathā .. 32.38 .. ### [1.32.42](https://indike.org/pramana/in.purana.vayu.1.32.42) devāpiḥ poravo rājā manuśvekṣvākuvaṃśajāḥ. mahāyogabalopetāḥ kālāntaramupāsate ..32.39 .. ### [1.32.43](https://indike.org/pramana/in.purana.vayu.1.32.43) kṣīṇe kaliyuge tasmistiṣye tretāyuge kṛte. saptarṣibhiścaiva sārddhaṃ bhāvye tretāyuge punaḥ gotrāṇāṃ kṣatriyāṇāñca bhaviṣyāste prakīrtitāḥ .. 32.40. dvāparānte pratiṣṭhante kṣatriyā ṛṣibhiḥ saha. kṛte tretāyuge caiva tathā kṣīṇe ca dvāpare. narāḥ pātakino ye vai varttante te kalau smṛtāḥ .. 32.41 .. ### [1.32.44](https://indike.org/pramana/in.purana.vayu.1.32.44) manvantarāṇāṃ saptānāṃ sāntānārthā śrutiḥ smṛtiḥ. evameteṣu sarveṣu yugakṣayakramastathā .. 32.42 .. ### [1.32.45](https://indike.org/pramana/in.purana.vayu.1.32.45) parasparaṃ yugānāñca brahmakṣatrasya codbhavaḥ. yathā vai prakṛtistebhyaḥ pravṛttānāṃ yathā kṣayam .. 32.43 .. ### [1.32.46](https://indike.org/pramana/in.purana.vayu.1.32.46) jāmadagnyena rāmeṇa kṣatre niravaśoṣite. kriyante kulaṭāḥ sarvāḥ kṣatriyairvasudhādhipaiḥ. divaṃ gatānahaṃ tubhyaṃ kīrttayiṣye nibodhata .. 32.44 .. ### [1.32.47](https://indike.org/pramana/in.purana.vayu.1.32.47) aiḍamikṣvākuvaṃśasya prakṛtiṃ paricakṣate. rājānaḥ śreṇibandhāstu takṣānye kṣatriyā bhuvi .. 32.45 .. ### [1.32.48](https://indike.org/pramana/in.purana.vayu.1.32.48) aiḍavaṃśe'tha sambhūtā yathā cekṣvākavo nṛpāḥ. tebhya eva śataṃ pūrṇaṃ kulānāmabhiṣecitam .. 32.46 .. ### [1.32.49](https://indike.org/pramana/in.purana.vayu.1.32.49) tāvadeva tu bhojānāṃ vistaro dviguṇaḥ smṛtaḥ . bhojantu triśataṃ kṣatraṃ caturddhā tadyathādiśam .. 32.47 .. ### [1.32.50](https://indike.org/pramana/in.purana.vayu.1.32.50) teṣvatītāstu rājāno bruvatastānnibodhata. śataṃ vai prativindhyānāṃ haihayānāṃ tathā śatam .. 32.48 .. ### [1.32.51](https://indike.org/pramana/in.purana.vayu.1.32.51) dhārttarāṣṭrāstvekaśataṃ aśītirjanamejayāḥ. śataṃ vai brahmadattānāṃ kulānāṃ vīryiṇāṃ śatam .. 32.49 .. ### [1.32.52](https://indike.org/pramana/in.purana.vayu.1.32.52) tataḥ śatantu paulānāṃ śataṃ kāśikuśādayaḥ . tathāparaṃ sahasrantu ye'tītāḥ śaśabindavaḥ. ijānāste'śvamedhaistu sarve niyutadakṣiṇaiḥ .. 32.50. evaṃ saṃkṣepataḥ proktā na śakyā vistareṇa tu. vaktuṃ rājarṣayaḥ kṛtsnā ye'tītāstairyukaiḥsaha .. 32.51 .. ### [1.32.53](https://indike.org/pramana/in.purana.vayu.1.32.53) ete yayātivaṃśasya babhūvurvaṃśavarddhanāḥ. kīrtitā dyutimantaste ye lokān dhārayanti vai .. 32.52 .. ### [1.32.54](https://indike.org/pramana/in.purana.vayu.1.32.54) labhante ca varān pañca durlabhān brahmalaukikān . āyuḥ putrā dhanaṃ kīrtiraiśvaryaṃ bhūtireva ca .. 32.53 .. ### [1.32.55](https://indike.org/pramana/in.purana.vayu.1.32.55) dhāraṇācchravaṇāccaiva pañcavargasya dhīmatām. tathoktā laukikāścaiva brahmalokaṃ vrajanti vai .. 32.54 .. ### [1.32.56](https://indike.org/pramana/in.purana.vayu.1.32.56) catvāryāhuḥ sahasrāṇi varṣāṇāṃ ca kṛtaṃ yugam . tasya tāvacchatī sandhyā sandhyāṃśaśca tathāvidhaḥ .. 32.55 .. ### [1.32.57](https://indike.org/pramana/in.purana.vayu.1.32.57) kṛte vai prakriyāpādaścatuḥsāhasra ucyate. tasmāccatuḥśataṃ sandhyā sandhyāṃśaśca yathāvidhaḥ .. 32.56 .. ### [1.32.58](https://indike.org/pramana/in.purana.vayu.1.32.58) tretādīni sahasrāṇi saṃkhyayā munibhiḥ saha. tasyāpi triśatī sandhyā sandhyāṃśastriśataḥ smṛtaḥ .. 32.57 .. ### [1.32.59](https://indike.org/pramana/in.purana.vayu.1.32.59) anuṣaṅgapādastretāyāstrisāhasrastu saṅkhyayā. dvāpare dve sahasre tu varṣāṇāṃ samprakīrtitam .. 32.58 .. ### [1.32.60](https://indike.org/pramana/in.purana.vayu.1.32.60) tasyāpi dviśatī sandhyā sandhyāṃśo dviśatastathā. upodvātastṛtīyastu dvāpare pāda ucyate .. 32.59 .. ### [1.32.61](https://indike.org/pramana/in.purana.vayu.1.32.61) kaliṃ varṣasahasrantu prāhuḥ saṅkhyāvido janāḥ. tasyāpi śatikā sandhyā sandhyāṃśaḥ śatameva ca .. 32.60 .. ### [1.32.62](https://indike.org/pramana/in.purana.vayu.1.32.62) saṃhārapādaḥ saṃkhyātaśvaturtho vai kalau yuge. sasandhyāni sahāṃśāni catvāri tu yugāni vai .. 32.61 .. ### [1.32.63](https://indike.org/pramana/in.purana.vayu.1.32.63) etad dvādaśasāhasraṃ caturyugamiti smṛtam. evaṃ pādaiḥ sahasrāṇi ślokānāṃ pañca pañca ca .. 32.62 .. ### [1.32.64](https://indike.org/pramana/in.purana.vayu.1.32.64) sandhyāsandhyāṃśakaireva dve sahasre tathā'pare. evaṃ dvādaśasāhasraṃ purāṇaṃ kavayo viduḥ .. 32.63 .. ### [1.32.65](https://indike.org/pramana/in.purana.vayu.1.32.65) yathā vedaścatuṣpādaścatuṣpādaṃ tathā yugam. yathā yugaṃ catuṣpādaṃ vidhātrā vihitaṃ svayam. chacatuṣpādaṃ surāṇāntu brahmaṇā vihitaṃ purā .. 32.64 .. ### [1.32.66](https://indike.org/pramana/in.purana.vayu.1.32.66) iti śrīmahāpurāṇe vāyuprokte yugadharmanirūpaṇaṃ nāma dvātriṃśo 'dhyāyaḥ .. 32 .. ## Linked texts (1) - [Kūrmapurāṇa](https://indike.org/pramana/in.vernacular.tamil.kappiyam.kurmapurana.11.p4) — Ativīrarāma Pāṇṭiyar, Sanskrit --- Source: [https://indike.org/pramana/in.purana.vayu.1.32](https://indike.org/pramana/in.purana.vayu.1.32) · Pramāṇa