[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.34 # Vayupurana 1.34: adhyāyaḥ 34 Vāyupurāṇa 1.34 - **Language:** Sanskrit ### adhyāyaḥ 34 ### [1.34.1](https://indike.org/pramana/in.purana.vayu.1.34.1) ..ṛṣaya ūcuḥ .. ### [1.34.2](https://indike.org/pramana/in.purana.vayu.1.34.2) evaṃ prajāsanniveśaṃ śrutvā ca ṛṣipuṅgavaḥ. papraccha nipuṇaḥ sūtaṃ pṛthivyāyāma vistarau .. 34.1 .. ### [1.34.3](https://indike.org/pramana/in.purana.vayu.1.34.3) kati dvīpāḥ samudrā vā parvatāśca kati prabhoḥ. kiyanti caiva varṣāṇi teṣu nadyaśca kāḥ smṛtāḥ .. 34.2 .. ### [1.34.4](https://indike.org/pramana/in.purana.vayu.1.34.4) mahābhūtapramāṇañca lokā lokau tathaiva ca. paryāyapārimāṇyañca gatiścandrārkayostathā. etat prabrūhi naḥ sarvaṃ vistareṇa yathā tathā .. 34.3 .. ### [1.34.5](https://indike.org/pramana/in.purana.vayu.1.34.5) ..sūta uvāca.. ### [1.34.6](https://indike.org/pramana/in.purana.vayu.1.34.6) ata ūrddhvaṃ pravakṣyāmi pṛthivyāyāmavistaram. saṅkhyāścaiva samudrāṇāṃ dvīpānāñcaiva vistaram .. 34.4 .. ### [1.34.7](https://indike.org/pramana/in.purana.vayu.1.34.7) yāvanti caiva varṣāṇi teṣu nadyaśca yāḥ smṛtāḥ. mahābhūtapramāṇañca lokālokau tathaiva ca. paryāyapārimāṇyañca gatiścandrārkayostathā .. 34.5 .. ### [1.34.8](https://indike.org/pramana/in.purana.vayu.1.34.8) dvīpabhedasahasrāṇi saptasvantargatāni vai. na śakyante pramāṇena vaktuṃ varṣaśatairapi .. 34.6 .. ### [1.34.9](https://indike.org/pramana/in.purana.vayu.1.34.9) saptadvīpantu vakṣyāmi candrādityagrahaiḥ saha. yeṣāṃ manuṣyāstarkeṇa pramāṇāni pracakṣate .. 34.7 .. ### [1.34.10](https://indike.org/pramana/in.purana.vayu.1.34.10) acintyāḥ khalu ye bhāvā na tāṃstarkeṇa bhāvayet. prakṛtibhyaḥ paraṃ yacca tannityañca prajakṣyate .. 34.8 .. ### [1.34.11](https://indike.org/pramana/in.purana.vayu.1.34.11) navavarṣaṃ pravakṣyāmi jambūdvīpaṃ yathā tathā . vistarānmaṇḍalāccaiva yojanaistannibodhata .. 34.9 .. ### [1.34.12](https://indike.org/pramana/in.purana.vayu.1.34.12) śatamekaṃ sahasrāṇāṃ yojanānāṃ pramāṇataḥ. nānājanapadākīrṇaiḥ puraiśca vividhaiḥ śubhaiḥ .. 34.10 .. ### [1.34.13](https://indike.org/pramana/in.purana.vayu.1.34.13) siddhacāraṇagandharvaparvatairupaśobhitam. sarvadhātunibaddhaiśca śilājālasamudbhavaiḥ . parvataprabhavābhiśca nadībhiḥ parvataistathā .. 34.11 .. ### [1.34.14](https://indike.org/pramana/in.purana.vayu.1.34.14) jambūdvīpaḥ pṛthuḥ śrīmān sarvvataḥ parivāritaḥ. navabhiścāvṛtaḥ sarvvairbhuvanairbhūtabhāvanaiḥ. lāvaṇena samudreṇa sarvvataḥ parivāritaḥ .. 34.12 .. ### [1.34.15](https://indike.org/pramana/in.purana.vayu.1.34.15) jambūdvīpasya vistārāt samena tu samantataḥ. jambūdvīpasya vistārāt samena tu samantataḥ. prāgāyatāḥ suparvāṇaḥ ṣaḍime varṣaparvvatāḥ. avagāḍhā ubhayataḥ samudrau pūrvapaśvimau .. 34.13 .. ### [1.34.16](https://indike.org/pramana/in.purana.vayu.1.34.16) himaprāyaśca himavān hemakūṭaśca hemavān. taruṇādityavarṇābho hairaṇyo niṣadhaḥ smṛtaḥ .. 34.14 .. ### [1.34.17](https://indike.org/pramana/in.purana.vayu.1.34.17) cāturvarṇastu sauvarṇo meruścocyatamaḥ smṛtaḥ. plutākṛtipramāṇaśca caturasraḥ samucchritaḥ .. 34.15 .. ### [1.34.18](https://indike.org/pramana/in.purana.vayu.1.34.18) nānāvarṇastu pārśveṣu prajāpatiguṇānvitaḥ. nābhivandhanasambhūto brahmaṇo'vyaktajanmanaḥ .. 34.16 .. ### [1.34.19](https://indike.org/pramana/in.purana.vayu.1.34.19) pūrvvataḥ śvetavarṇo'sau brahmaṇyastasya tena tat. pītaśca dakṣiṇenāsau tena vaiśyatvamiṣyate .. 34.17 .. ### [1.34.20](https://indike.org/pramana/in.purana.vayu.1.34.20) bhṛṅgapatranibhaśvāsau pakṣvimena mahābalaḥ. tenāsya śūdratā dṛṣṭā merornānārthakāraṇāt .. 34.18 .. ### [1.34.21](https://indike.org/pramana/in.purana.vayu.1.34.21) pārśvamuttaratastasya raktavarṇaṃ svabhāvataḥ. tenāsya kṣatratā casyāditi varṇāḥ prakīrtitāḥ. vyaktaḥ svabhāvataḥ prokto varṇataḥ parimāṇataḥ .. 34.19 .. ### [1.34.22](https://indike.org/pramana/in.purana.vayu.1.34.22) nīlaśca vaiḍhūryyamayaḥ śvetaśrṛṅgo hiraṇmayaḥ. mayūrabarhavarṇastu śātakaumbhastu śrṛṅgavān .. 34.20 .. ### [1.34.23](https://indike.org/pramana/in.purana.vayu.1.34.23) ete parvvatarājānaḥ siddhacāraṇasevitāḥ. teṣāmantaraviṣkambho navasāhasra ucyate .. 34.21 .. ### [1.34.24](https://indike.org/pramana/in.purana.vayu.1.34.24) madhye tvilāvṛtaṃ yastu mahāmeroḥ samantataḥ. navaiva tu sahasrāṇi vistīrṇaḥ parvvatastu saḥ. madhye tasya mahāmerornirdhūma iva pāvakaḥ .. 34.22 .. ### [1.34.25](https://indike.org/pramana/in.purana.vayu.1.34.25) vedyarddhaṃ dakṣiṇaṃ meroruttarārddhaṃ tathottaram. varṣāṇi yāni saptātra teṣāṃ ye varṣaparvvatāḥ. dve dve sahasre vistīrṇā yojanāni samucchrayāt .. 34.23 .. ### [1.34.26](https://indike.org/pramana/in.purana.vayu.1.34.26) jambūdvīpasya vistārātteṣāmāyāma ucyate. yojanānāṃ sahasrāṇi śate dve madhyamau girī .. 34.24 .. ### [1.34.27](https://indike.org/pramana/in.purana.vayu.1.34.27) nīlaśca niṣadhaścaiva tābhyāṃ hīnāstu ye'pare. śvetaśca hemakūṭaśca himavān śrṛṅgavāṃśca yaḥ .. 34.25 .. ### [1.34.28](https://indike.org/pramana/in.purana.vayu.1.34.28) navatirdvīvaśītirdvau sahasrāṇyāyatāstu ye . teṣāṃ madhye janapadāstāni varṣāṇi sapta vai .. 34.26 .. ### [1.34.29](https://indike.org/pramana/in.purana.vayu.1.34.29) sampātaviṣamaistaistu parvvatairāvṛtāni ca. santatāni nadībhedairagamyāni parasparam. vasanti teṣu satvāni nānā jātīni bhāgaśaḥ .. 34.27 .. ### [1.34.30](https://indike.org/pramana/in.purana.vayu.1.34.30) idaṃ haimavataṃ varṣaṃ bhārataṃ nāma viśrutam. hemakūṭaṃ paraṃ tasmānnāmnā kimpuruṣaṃ smṛtam .. 34.28 .. ### [1.34.31](https://indike.org/pramana/in.purana.vayu.1.34.31) naiṣadhaṃ hemakūṭantu harivarṣaṃ taducyate. harivarṣātparañcaiva merośca tadilāvṛtam .. 34.29 .. ### [1.34.32](https://indike.org/pramana/in.purana.vayu.1.34.32) ilāvṛtaparaṃ nīlaṃ ramyakaṃ nāma viśrutam. ramyātparataraṃ śvetaṃ viśrutantaddhiraṇmayam. hiraṇmayātparañcāpi śrṛṅgavāṃstu kurusmṛtam .. 34.30 .. ### [1.34.33](https://indike.org/pramana/in.purana.vayu.1.34.33) dhanuḥsaṃsthe ca vijñeye dve varṣe dakṣiṇottare. dīrghāṇi tatra catvāri madhyamantadilāvṛtam .. 34.31 .. ### [1.34.34](https://indike.org/pramana/in.purana.vayu.1.34.34) arvāk ca niṣadhasyātha vedyarddhaṃ dakṣiṇaṃ smṛtam. paraṃ nīlavato yacca vedyarddhantu taduttaram. vedyarddhaṃ dakṣiṇe trīṇi varṣāṇi trīṇi cottare .. 34.32 .. ### [1.34.35](https://indike.org/pramana/in.purana.vayu.1.34.35) tayormadhye tu vijñeyaṃ merumadhyamilāvṛtam. dakṣiṇena tu nīlasya niṣadhasyottareṇa tu .. 34.33 .. ### [1.34.36](https://indike.org/pramana/in.purana.vayu.1.34.36) udagāyato mahāśailo mālyavān nāma parvvataḥ. yojanānāṃ sahasrorurānīlaniṣadhāyataḥ. āyāmataśvatustriśatsahasrāṇi prakīrtitaḥ .. 34.34 .. ### [1.34.37](https://indike.org/pramana/in.purana.vayu.1.34.37) tasya pratīcyāṃ vijñeyaḥ parvato gandhamādanaḥ. āyāmādatha vistārān mālyavāniti viśrutaḥ .. 34.35 .. ### [1.34.38](https://indike.org/pramana/in.purana.vayu.1.34.38) parimaṇḍalayormadhye meruruttamaparvataḥ . caturvarṇaḥ susauvarṇaścaturasraḥ samucchritaḥ. avyaktā dhātavaḥ sarvve samutpannā jalādayaḥ .. 34.36 .. ### [1.34.39](https://indike.org/pramana/in.purana.vayu.1.34.39) avyaktāt pṛthivī padmaṃ meruparvatakarṇikam. catuṣpathaṃ samutpannaṃ vyaktaṃ pañcaguṇaṃ mahat .. 34.37 .. ### [1.34.40](https://indike.org/pramana/in.purana.vayu.1.34.40) tataḥ sarvvāḥ samutpannā vṛttayo dvijasattamāḥ. naikakalpārjitaiḥ puṇyaurve vidhaiḥ prāgupārjitaiḥ .. 34.38 .. ### [1.34.41](https://indike.org/pramana/in.purana.vayu.1.34.41) kṛtātmabhirvinītātmā mahātmā puruṣottamaḥ. mahādevo mahāyogī jagajjyeṣṭho maheśvaraḥ . sarvalokagato'nanto hyamūrtitvādajāyata .. 34.39 .. ### [1.34.42](https://indike.org/pramana/in.purana.vayu.1.34.42) na tasya prākṛtī mūrttirmāṃsamedo'sthisambhavā . yogāccaiveśvaratvācca sarvvātmāgata eva saḥ .. 34.40 .. ### [1.34.43](https://indike.org/pramana/in.purana.vayu.1.34.43) tannimittaṃ samutpannaṃ lokapadmaṃ sanātanam. kalpaśeṣasya tasyādau kālasya gatirīdṛśī .. 34.41 .. ### [1.34.44](https://indike.org/pramana/in.purana.vayu.1.34.44) tasmin padme samutpanno devadevaścaturmukhaḥ. prajāpatipatirbrahmā īśāno jagataḥ prabhuḥ .. 34.42 .. ### [1.34.45](https://indike.org/pramana/in.purana.vayu.1.34.45) tasya bījāni sargo hi puṣkarasya yathārthavat. kṛtsnaḥ prajānisargeṇa vistareṇeha kathyate .. 34.43 .. ### [1.34.46](https://indike.org/pramana/in.purana.vayu.1.34.46) yadabjaṃ vaiṣṇavaṃ kāryyaṃ tatastannābhito'bhavat. padmākārā samutpannā pṛthivī savanadrumā .. 34.44 .. ### [1.34.47](https://indike.org/pramana/in.purana.vayu.1.34.47) tadasya lokapadmasya vistareṇa prakāśitam. varṇamānaṃ vibhāgena kramaśaḥ śrṛṇuta dvijāḥ .. 34.45 .. ### [1.34.48](https://indike.org/pramana/in.purana.vayu.1.34.48) mahādvīpāstu vikhyātāścatvāraḥ patrasaṃsthitāḥ. tataḥ karṇikasaṃsthāno merurnāma mahābalaḥ .. 34.46 .. ### [1.34.49](https://indike.org/pramana/in.purana.vayu.1.34.49) nānāvarṇeṣu pārśveṣu pūrvataḥ śveta ucyate. pītantu dakṣiṇaṃ tasya śṛṅgaṃ kṛṣṇaṃ tathāparam .. 34.47 .. ### [1.34.50](https://indike.org/pramana/in.purana.vayu.1.34.50) uttaraṃ tasya raktaṃ vai śobhivarṇasamanvitam. merustu śobhate śubhro rājavatsa tu dhiṣṭhitaḥ .. 34.48 .. ### [1.34.51](https://indike.org/pramana/in.purana.vayu.1.34.51) taruṇādityavarṇābho vidhūma iva pāvakaḥ. caturaśītisāhasra utsedhena prakīrttitaḥ .. 34.49 .. ### [1.34.52](https://indike.org/pramana/in.purana.vayu.1.34.52) praviṣṭaḥ ṣoḍaśādhastādvistṛtastāvadeva tu . sa śarāvasthitaḥ pūrvaṃ dvātriṃśanmūrdhni vistṛtaḥ .. 34.50 .. ### [1.34.53](https://indike.org/pramana/in.purana.vayu.1.34.53) vistārāt triguṇaścāsya pariṇāhaḥ samantataḥ. maṇḍalena pramāṇena tryasre'rddhantu tadiṣyate .. 34.51 .. ### [1.34.54](https://indike.org/pramana/in.purana.vayu.1.34.54) catvāriṃśatsahasrāṇi yojanānāṃ samantataḥ. aṣṭābhiradhikāni syustryasre māne prakīrttitam .. 34.52 .. ### [1.34.55](https://indike.org/pramana/in.purana.vayu.1.34.55) caturasreṇa mānena pariṇāhaḥ samantataḥ. catuḥṣaṣṭisahasrāṇi yojanānāṃ vidhīyate .. 34.53 .. ### [1.34.56](https://indike.org/pramana/in.purana.vayu.1.34.56) sa parvato mahādivyo divyauṣadhisamanvitaḥ. bhuvanairāvṛtaḥ sarvo jātarūpamayaiḥ śubhaiḥ .. 34.54 .. ### [1.34.57](https://indike.org/pramana/in.purana.vayu.1.34.57) tatra devagaṇāḥ sarve gandharvoragarākṣasāḥ . śailarājaiḥ pradṛśyante śubhāścāpsarasāṅgaṇāḥ .. 34.55 .. ### [1.34.58](https://indike.org/pramana/in.purana.vayu.1.34.58) sa tumeruḥ parivṛto bhuvanairbhūtabhāvanaḥ. catvāro yasya deśā vai nānāpārśveṣvadhiṣṭhitāḥ .. 34.56 .. ### [1.34.59](https://indike.org/pramana/in.purana.vayu.1.34.59) bhadrāśvo bharataścaiva ketumālaśca paścimaḥ. uttarāḥ kuravaścaiva kṛtapuṇyapratiśrayāḥ .. 34.57 .. ### [1.34.60](https://indike.org/pramana/in.purana.vayu.1.34.60) karṇikā tasya padmasya samantātparimaṇḍalā. yojanānāṃ sahasrāṇi navatiḥ ṣaṭ prakīrttitāḥ. catvāraścāpyaśītiśca antarāntara dhiṣṭhitāḥ .. 34.58 .. ### [1.34.61](https://indike.org/pramana/in.purana.vayu.1.34.61) triśatañca sahasrāṇi yojanānāṃ pramāṇataḥ. tasya keśarajālāni vistīrṇāni samantataḥ .. 34.59 .. ### [1.34.62](https://indike.org/pramana/in.purana.vayu.1.34.62) śatasāhasrikāyāmā sāśītipṛthulāyatā. catvāri tasya patrāṇi yojanānāṃ caturddiśam .. 34.60 .. ### [1.34.63](https://indike.org/pramana/in.purana.vayu.1.34.63) tatra yāsau mayā pūrvaṃ karṇiketyabhiśabditā. tāṃ varṇyamānāmekāgrāḥ samāsena nibodhata .. 34.61 .. ### [1.34.64](https://indike.org/pramana/in.purana.vayu.1.34.64) śatāśrimenaṃ mene'triḥ sahasrāśrimṛṣirbhṛguḥ. aṣṭāśrimenaṃ sāvarṇiścaturasrantu bhāguriḥ .. 34.62 .. ### [1.34.65](https://indike.org/pramana/in.purana.vayu.1.34.65) vārṣāyaṇistu sāmudraṃ śarāvañcaiva gālavaḥ. ūrddhvaveṇīkṛtaṃ gārgyaḥ kroṣṭakiḥ parimaṇḍalam .. 34.63 .. ### [1.34.66](https://indike.org/pramana/in.purana.vayu.1.34.66) yadyadyasya hi yatpārśca parvatādhipaterṛṣiḥ. tattadevāsya vedāsau brahmainaṃ veda kṛtsnaśaḥ .. 34.64 .. ### [1.34.67](https://indike.org/pramana/in.purana.vayu.1.34.67) maṇiratnamayaṃ citraṃ nānāvarṇaprabhāyutam. anekavarṇanicayaṃ sauvarṇamaruṇaprabham .. 34.65 .. ### [1.34.68](https://indike.org/pramana/in.purana.vayu.1.34.68) kāntaṃ sahasraparvāṇaṃ sahasrodakakandaram. sahasra śatapatrantaṃ viddhi meruṃ nagottamam .. 34.66 .. ### [1.34.69](https://indike.org/pramana/in.purana.vayu.1.34.69) maṇiratnārpitastambhairmaṇicitritavedikaiḥ. suvarṇamaṇicitrāṅgaṃ tathā vidrumatoraṇaiḥ .. 34.67 .. ### [1.34.70](https://indike.org/pramana/in.purana.vayu.1.34.70) vimānayānaiḥ śrīmadbhiḥ śatasaṅkhyairdivaukasām. prabhādīpitaparyantaṃ meruṃ parvaṇi parvaṇi .. 34.68 .. ### [1.34.71](https://indike.org/pramana/in.purana.vayu.1.34.71) tasya parvasahasre'smin nānāśrayavibhūṣite. sarvadeva nikāyāni sanniviṣṭānyanekaśaḥ .. 34.69 .. ### [1.34.72](https://indike.org/pramana/in.purana.vayu.1.34.72) tamāvasaccorddhvatale devadevaścaturmukhaḥ. brahmā brahmavidāṃ śreṣṭho variṣṭhastridivaukasām .. 34.70 .. ### [1.34.73](https://indike.org/pramana/in.purana.vayu.1.34.73) mahābhuvanasampūrṇaiḥ sarvvaiḥ kāmaphalapradaiḥ . mahāsurasahasraistaṃ dikṣvanekasamākulam .. 34.71 .. ### [1.34.74](https://indike.org/pramana/in.purana.vayu.1.34.74) tatra brahmasabhā ramyā brahmarṣigaṇasevitā . nāmnā manovatī nāma sarvalokeṣu viśrutā .. 34.72 .. ### [1.34.75](https://indike.org/pramana/in.purana.vayu.1.34.75) tatreśānasya devasya sahasrādityavarcasam. mahāvimānaṃ saṃsthāpya mahimnā vartate sadā .. 34.73 .. ### [1.34.76](https://indike.org/pramana/in.purana.vayu.1.34.76) tatra sarṣigaṇā devāścaturvaktrasya te tadā. tadeva tejasāṃ rāśirdevānāṃ tatra kīrttyate .. 34.74 .. ### [1.34.77](https://indike.org/pramana/in.purana.vayu.1.34.77) tatrāste śrīpatiḥ śrīmān sahasrākṣaḥ purandaraḥ. upāsyamānastridaśairmahāyogaiḥ surarṣibhiḥ .. 34.75 .. ### [1.34.78](https://indike.org/pramana/in.purana.vayu.1.34.78) tatra lokapateḥ sthānamādityasamavarcasaḥ. mahendrasya mahārājñaḥ sarvvasiddhairnamaskṛtam .. 34.76 .. ### [1.34.79](https://indike.org/pramana/in.purana.vayu.1.34.79) tamindralokaṃ lokasya ṛddhyā paramayā yutam. dīpyate tvamaraśreṣṭhaistridaśairnityasevitam .. 34.77 .. ### [1.34.80](https://indike.org/pramana/in.purana.vayu.1.34.80) dvitīye'pyantarataṭe vaidiśye pūrvvadakṣiṇe. nānādhātuśataścitraiḥ suramyamatitejasam .. 34.78 .. ### [1.34.81](https://indike.org/pramana/in.purana.vayu.1.34.81) naikaratnārthitatalamanekastambhasaṃyutam. jāmbūnadakṛtodyānaṃ nānāratnasuvedikam .. 34.79 .. ### [1.34.82](https://indike.org/pramana/in.purana.vayu.1.34.82) kūṭāgārairvinikṣiptamanekairbhavanottamaiḥ . mahāvimānaṃ prathitaṃ bhāskaraṃ jātavedasam .. 34.80 .. ### [1.34.83](https://indike.org/pramana/in.purana.vayu.1.34.83) sā hi tejovatī nāma hutāśasya mahāsabhā. sākṣāttatra suraśreṣṭhaḥ sarvadevamukho'nalaḥ .. 34.81 .. ### [1.34.84](https://indike.org/pramana/in.purana.vayu.1.34.84) śikhāśatasahasrāḍhyo jvālāmālī vibhā vasuḥ. stūyate hūyate caiva tatra sarṣigaṇaiḥ suraiḥ .. 34.82 .. ### [1.34.85](https://indike.org/pramana/in.purana.vayu.1.34.85) adhidaivakṛtaṃ viprairviśeṣaḥ sa tu ucyate. sa vibhāgañca tejaśca sarva eva na saṃśayaḥ .. 34.83 .. ### [1.34.86](https://indike.org/pramana/in.purana.vayu.1.34.86) bhogāntaramanuprāpta ekatejo vibhuḥ smṛtaḥ. pṛthak‌tvañca hi yuktyā tu kāryakāraṇamiśritam .. 34.84 .. ### [1.34.87](https://indike.org/pramana/in.purana.vayu.1.34.87) tamagniṃ lokalokajñaistadvīryaiṃstatparā kramaiḥ . mahātmabhirmahāsiddhairmahābhāgairnamaskṛtam .. 34.85 .. ### [1.34.88](https://indike.org/pramana/in.purana.vayu.1.34.88) tṛtīye'pyantarataṭe evameva mahāsabhā. vaivasvatasya vijñeyā loke khyātā susaṃyamā .. 34.86 .. ### [1.34.89](https://indike.org/pramana/in.purana.vayu.1.34.89) tathā caturthadigdeśe nairṛtyādhipateḥ sabhā. nāmnā kṛṣṇāṅganā nāma virūpākṣasya dhīmataḥ .. 34.87 .. ### [1.34.90](https://indike.org/pramana/in.purana.vayu.1.34.90) pañcame'pyantarataṭe evameva mahāsabhā. vaivasvatasya vijñeyā nāmnā śubhavatī satī. udakādhipateḥ khyātā varuṇasya mahātmanaḥ .. 34.88 .. ### [1.34.91](https://indike.org/pramana/in.purana.vayu.1.34.91) parottare tathā deśe ṣaṣṭhe'ntarataṭe śive. vāyorgandhavatī nāma sabhā sarvaguṇottarā .. 34.89 .. ### [1.34.92](https://indike.org/pramana/in.purana.vayu.1.34.92) sapta me'pyantarataṭe nakṣatrādhipateḥ sabhā. nāmnā mahodayā nāma śuddhavaiḍhūryyavedikā .. 34.90 .. ### [1.34.93](https://indike.org/pramana/in.purana.vayu.1.34.93) tathāṣṭame'ntarataṭe īśānasya mahātmanaḥ ## Linked texts (5) - [Varāhapurāṇa](https://indike.org/pramana/in.purana.varaha.75.1) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.15.2) — Vyāsa, Sanskrit - [Matsyapurāṇa](https://indike.org/pramana/in.purana.matsya.113.1) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.48.34) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.54.34) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.34](https://indike.org/pramana/in.purana.vayu.1.34) · Pramāṇa