[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.36 # Vayupurana 1.36: adhyāyaḥ 36 Vāyupurāṇa 1.36 - **Language:** Sanskrit ### adhyāyaḥ 36 ### [1.36.1](https://indike.org/pramana/in.purana.vayu.1.36.1) ..sūta uvāca.. ### [1.36.2](https://indike.org/pramana/in.purana.vayu.1.36.2) teṣāṃ caturṇāṃ vakṣyāmi śailendrāṇāṃ yathākramam. anubandhāni ramyāṇi sarvakālarttukāni ca .. 36.1 .. ### [1.36.3](https://indike.org/pramana/in.purana.vayu.1.36.3) sārikābhirmayūraiśca cakoraiśca madotkaṭaiḥ. śukaiśca bhṛṅgarājaiśca citrakaiśca samantataḥ .. 36.2 .. ### [1.36.4](https://indike.org/pramana/in.purana.vayu.1.36.4) jīvañjīvakanādaiśca hemakānāñca nāditaiḥ. mattakokilanādaiśca valgūnāñca nināditaiḥ .. 36.3 .. ### [1.36.5](https://indike.org/pramana/in.purana.vayu.1.36.5) sugrīvakāñcanaravaiḥ kalaviṅkarutaistathā. kūjitāntaraśabdaiśca suramyāṇi ca sarvaśaḥ .. 36.4 .. ### [1.36.6](https://indike.org/pramana/in.purana.vayu.1.36.6) madātkaṭairmadhuraiśca bhramaraiśca mahālasaiḥ. upagītavanāntāni kinnaraiśca vkacit vkacit .. 36.5 .. ### [1.36.7](https://indike.org/pramana/in.purana.vayu.1.36.7) puṣpavṛṣṭiṃ vimuñcanti mandamārutakampitāḥ. taravo yatra dṛśyante cārupallavaśobhitāḥ .. 36.6 .. ### [1.36.8](https://indike.org/pramana/in.purana.vayu.1.36.8) stabakairmañjarībhiśca tāmraiḥ kisalayaistathā. mandavātavaśāllolairdolayadbhiryutāni ca .. 36.7 .. ### [1.36.9](https://indike.org/pramana/in.purana.vayu.1.36.9) nānādhātuvicitraiśca kāntarūpaiḥ śilāśataiḥ. śallaiḥ vkaciddvijaśreṣṭhā vinyastaiḥ śobhitāni ca .. 36.8 .. ### [1.36.10](https://indike.org/pramana/in.purana.vayu.1.36.10) devadānavagandharvairyakṣarākṣasapannagaiḥ. siddhāpsarogaṇaiścaiva sevitāni tatastataḥ .. 36.9 .. ### [1.36.11](https://indike.org/pramana/in.purana.vayu.1.36.11) manoharāṇi catvāri devākrīḍanakānyatha. caturdiśamudārāṇi nāmnā śrṛṇuta tāni me .. 36.10 .. ### [1.36.12](https://indike.org/pramana/in.purana.vayu.1.36.12) pūrvañcaitrarathaṃ nāma dakṣiṇaṃ nandanaṃ vanam. vaibhrājaṃ paścimaṃ vidyāduttaraṃ saviturvanam .. 36.11 .. ### [1.36.13](https://indike.org/pramana/in.purana.vayu.1.36.13) mahāvaneṣu caiteṣu niviṣṭāni yathākramam. anubandhāni ramyāṇi vihaṅgaiḥ kūjitāni ca .. 36.12 .. ### [1.36.14](https://indike.org/pramana/in.purana.vayu.1.36.14) vanairvistīrṇatīrthāni mahāpuṇyāvanāni ca. mahānāgādhivāsāni sevitāni mahātmabhiḥ .. 36.13 .. ### [1.36.15](https://indike.org/pramana/in.purana.vayu.1.36.15) surasāmalaloyāni śivāni susukhāni ca. siddhadevāsuravarairupaspṛṣṭajalāni ca .. 36.14 .. ### [1.36.16](https://indike.org/pramana/in.purana.vayu.1.36.16) chatrapramāṇairvikacairmahāgandhairmanoharaiḥ. puṇḍarīkairmahāpatrairutpalaiḥ śobhitāni ca. mahāsarāṃsi catvāri tāni vakṣyāmi nāmataḥ .. 36.15 .. ### [1.36.17](https://indike.org/pramana/in.purana.vayu.1.36.17) aruṇodaṃ saraḥ pūrvaṃ dakṣiṇaṃ mānasaṃ smṛtam. sitodaṃ paścimasaro mahābhadrantathottaram .. 36.16 .. ### [1.36.18](https://indike.org/pramana/in.purana.vayu.1.36.18) aruṇodañca pūrveṇa ye ca śailāstataḥ smṛtāḥ. tān kīrtyamānāṃstattvena śrṛṇudhvaṃ vistarānmama .. 36.17 .. ### [1.36.19](https://indike.org/pramana/in.purana.vayu.1.36.19) śītāntaśca kumuñjaśca suvīraścācalottamaḥ. vikaṅko maṇiśīlaśca vṛṣabhaścācalottamaḥ .. 36.18 .. ### [1.36.20](https://indike.org/pramana/in.purana.vayu.1.36.20) mahānīlo'tha rucakaḥ sabindurmandarastathā. veṇumāṃśca sumedhaśca niṣadho devaparvataḥ .. 36.19 .. ### [1.36.21](https://indike.org/pramana/in.purana.vayu.1.36.21) ityete parvatavarā anye ca girayastathā. pūrveṇa mandarasyaite siddhavāsā udāhṛtāḥ .. 36.20 .. ### [1.36.22](https://indike.org/pramana/in.purana.vayu.1.36.22) saraso mānasasyeha dakṣiṇā ye mahācalāḥ. ye kīrtitā mayā te vai nāmatastānnibodhata .. 36.21 .. ### [1.36.23](https://indike.org/pramana/in.purana.vayu.1.36.23) śailastriśikharaścāpi śiśiraścācalottamaḥ. kaliṅgaśca pataṅgaśca rucakaścaiva sānumān .. 36.22 .. ### [1.36.24](https://indike.org/pramana/in.purana.vayu.1.36.24) tāmrābhaśca viśākhaśca tathā śvetodaro giriḥ. samūlo viṣadhāraśca ratnadhāraśca parvataḥ .. 36.23 .. ### [1.36.25](https://indike.org/pramana/in.purana.vayu.1.36.25) ekaśrṛṅgo mahāmūlo gajaśailaḥ piśācakaḥ. pañcaśailo'tha kailāso himavaṃścācalottamaḥ .. 36.24 .. ### [1.36.26](https://indike.org/pramana/in.purana.vayu.1.36.26) ityete devacaritā hyutkṛṣṭāḥ parvatottamāḥ. digbhāgo dakṣiṇe proktā meroramaravarccasaḥ .. 36.25 .. ### [1.36.27](https://indike.org/pramana/in.purana.vayu.1.36.27) apareṇa sitodasya saraso dvijasattamāḥ. uttamā ye mahāśailāstān pravakṣye yathākramam .. 36.26 .. ### [1.36.28](https://indike.org/pramana/in.purana.vayu.1.36.28) suvakṣāḥ śikhiśailaśca kālo vaiḍhūryaparvataḥ. kapilaḥ piṅgalo rudraḥ surasaśca mahācalaḥ .. 36.27 .. ### [1.36.29](https://indike.org/pramana/in.purana.vayu.1.36.29) kumudo madhumāṃścaiva añjanīmukuṭastathā. kṛṣṇaśca pāṇḍaraścaiva sahasraśikharaścaha .. 36.28 .. ### [1.36.30](https://indike.org/pramana/in.purana.vayu.1.36.30) pāriyātraśca śailendrastriśrṛṅgaścācalottamaḥ. ityete parvatavarā digbhāge paścime smṛtāḥ .. 36.29 .. ### [1.36.31](https://indike.org/pramana/in.purana.vayu.1.36.31) mahābhadrasya sarasa uttareṇāpi śrīmataḥ. ye mayā pūrvataḥ proktāstānvadiṣye yathākramam .. 36.30 .. ### [1.36.32](https://indike.org/pramana/in.purana.vayu.1.36.32) śaṅkukūṭo mahāśailo vṛṣabho haṃsaparvataḥ. nāgaśca kapilaścaiva indraśailaśca sānumān .. 36.31 .. ### [1.36.33](https://indike.org/pramana/in.purana.vayu.1.36.33) nīlaḥ kanaka śrṛṅgaśca śataśrṛṅgaśca parvataḥ. puṣpako meghaśailaśca virājaścācalottamaḥ. jārudhiścaiva śailendra ityete uttarāḥ smṛtāḥ .. 36.32 .. ### [1.36.34](https://indike.org/pramana/in.purana.vayu.1.36.34) eteṣāṃ śailamukhyānāmantareṣu yathākramam. sthalyo'hyantaradroṇyaśca sarāṃsi ca nibodhata .. 36.33 .. ### [1.36.35](https://indike.org/pramana/in.purana.vayu.1.36.35) iti śrīmahāpurāṇe vāyuprokte bhuvanavinyāso nāma ṣaṭ‌triṃśo'dhyāyaḥ .. 36 .. ## Linked texts (7) - [Liṅgapurāṇa](https://indike.org/pramana/in.purana.linga.1.49.43) — Vyāsa, Sanskrit - [Varāhapurāṇa](https://indike.org/pramana/in.purana.varaha.78.12) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.43.25) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.55.8) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.55.43) — Ativīrarāma Pāṇṭiyar 1500, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.12.12) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.12.12) — Basava, Sanskrit --- Source: [https://indike.org/pramana/in.purana.vayu.1.36](https://indike.org/pramana/in.purana.vayu.1.36) · Pramāṇa