[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.3 # Vayupurana 1.3 Vāyupurāṇa 1.3 - **Language:** Sanskrit ### [1.3.1](https://indike.org/pramana/in.purana.vayu.1.3.1) sūta uvāca.. ### [1.3.2](https://indike.org/pramana/in.purana.vayu.1.3.2) maheśvarāyottamavīryakarmaṇe surarṣabhāyāmitabuddhitejase. sahasrasūryānalavarccase namastrilokasaṃhāravisṛṣṭaye namaḥ ..1.. ### [1.3.3](https://indike.org/pramana/in.purana.vayu.1.3.3) prajāpatīn lokanamaskṛtāṃ stathā svayambhurudraprabhṛtīn maheśvarān. bhṛguṃ marīciṃ parameṣṭhinaṃ manuṃ rajastamodharmamathāpi kaśyapam ..2.. ### [1.3.4](https://indike.org/pramana/in.purana.vayu.1.3.4) vasiṣṭhadakṣātripulastyakarddamān ruciṃ vivasvantamathāpi ca kratum. muniṃ tathaivāṅgirasaṃ prajāpatiṃ praṇamya mūrdhnā pulahaṃ ca bhāvataḥ ..3.. ### [1.3.5](https://indike.org/pramana/in.purana.vayu.1.3.5) tathaiva cukrodhanamekaviṃśatiṃ prajā vivṛddhyārpitakāryaśāsanam. purātanānapyaparāṃśca śāśvatāṃstathaiva cānyān sagaṇānavasthitān ..4.. ### [1.3.6](https://indike.org/pramana/in.purana.vayu.1.3.6) tathaiva cānyānapi dhairyaśobhino munīn bṛhaspatyuśanaḥpurogamān. tapaḥśubhācāraṛṣīn dayānvitān praṇamya vakṣye kalipāpanāśinīm ..5.. ### [1.3.7](https://indike.org/pramana/in.purana.vayu.1.3.7) prajāpateḥ sṛṣṭimimāmanuttamāṃ sureśa devarṣigaṇairalaṃkṛtām. śubāmatulyāmanaghāmṛṣipriyāṃ prajāpatīnāmapi colbaṇārcciṣām ..6.. ### [1.3.8](https://indike.org/pramana/in.purana.vayu.1.3.8) tapobhṛtāṃ brahmadinādikālikīṃ prabhūtamāviṣkṛtapauruṣaśriyam. śrutau smṛtau ca prasṛtāmudāhṛtāṃ parāṃ parāṇāmanilaprakīrttitām ..7.. ### [1.3.9](https://indike.org/pramana/in.purana.vayu.1.3.9) samāsabandhairniyatairyathātathaṃ viśabdanenāpi manaḥpraharṣiṇīm. yasyāñca baddhā prathamā pravṛttiḥ prādhānikī ceśvarakāritā ca ..8.. ### [1.3.10](https://indike.org/pramana/in.purana.vayu.1.3.10) yattatsmṛtaṃ kāraṇamaprameyaṃ brahma pradhānaṃ prakṛtiprasūtiḥ. ātmā guhā yonirathāpi cakṣuḥ kṣetraṃ tataivāmṛtamakṣarañca ..9.. ### [1.3.11](https://indike.org/pramana/in.purana.vayu.1.3.11) śukraṃ tapaḥ sattvamatiprakāśaṃ tadvyaṣṭi nityaṃ puruṣaṃ dvitīyam. tamaprameyaṃ puruṣeṇa yuktaṃ svayambhuvā lokapitāmahena ..10.. ### [1.3.12](https://indike.org/pramana/in.purana.vayu.1.3.12) utpādakatvādrajasotirekāt kālasya yogānnigamāvadheśca. kṣetrajñayuktān niyatānvikārān lokasya santānāvivṛddhihetūn. prakṛtyavasthā suṣuve tathāṣṭau saṅkalpamātreṇa maheśvarasya ..11.. ### [1.3.13](https://indike.org/pramana/in.purana.vayu.1.3.13) devāsurādridrumasāgarāṇāṃ manuprajeśarṣipitṛdvijānām. piśācayakṣoragarākṣasānāṃ tārāgra hārkkarkṣaniśācarāṇām ..12.. ### [1.3.14](https://indike.org/pramana/in.purana.vayu.1.3.14) māsarttu saṃvatsararātryahānāṃ dikkālayogādiyugāyanānām. vanauṣadhīnāmapi vīrudhāñca jalaukasāmapsarasāṃ paśūnām ..13.. ### [1.3.15](https://indike.org/pramana/in.purana.vayu.1.3.15) vidyutsarinmeghavihaṅgamānāṃ yatsūkṣmagaṃ yadbhuvi yadviyatstham. yatsthāvaraṃ yatra yadasti kiñcit sarvasya tasyāsti gatirvibhaktiḥ ..14.. ### [1.3.16](https://indike.org/pramana/in.purana.vayu.1.3.16) chandāṃsi vedāḥ saṛco yajūṃṣi sāmāni somasva tathaiva yajñaḥ. ājīvyameṣāṃ yadabhīpsitañca devasya tasyaiva ca vai prajāpateḥ ..15.. ### [1.3.17](https://indike.org/pramana/in.purana.vayu.1.3.17) vaivasvatasyāsya manoḥ purastāt sambhū tiruktā prasavaśca teṣām. yeṣāmidaṃ puṇyakṛtāṃ prasūtyā lokatrayaṃ lokanamaskṛtānām. sureśadevarṣimanupradhīnāmāpūritañcoparibhūṣitañca ..16.. ### [1.3.18](https://indike.org/pramana/in.purana.vayu.1.3.18) rudrasya śāpāt punarudbhavaśca dakṣasya cāpyatra manuṣyaloke. vāsaḥ kṣitau vā niyamādbhavasya dakṣasya cātra pratiśāpalābhaḥ ..17.. ### [1.3.19](https://indike.org/pramana/in.purana.vayu.1.3.19) manvantarāṇāṃ parivarttanāni yugeṣu sambhūtivikalpanañca. ṛṣitvamārṣasya ca saṃpravṛddhiryathā yugādiṣvapi cettadatra ..18.. ### [1.3.20](https://indike.org/pramana/in.purana.vayu.1.3.20) ye dvāpareṣu prathayanti vedān vyāsāśca te'jña kramaśo nibaddhāḥ. kalpasya saṃkhyā bhuvanasya saṃkhyā brāhmasya cāpyatra dinasya saṃkhyā ..19.. ### [1.3.21](https://indike.org/pramana/in.purana.vayu.1.3.21) aṇḍodbhijasvedajarāyujānāṃ dharmātmanāṃ svarganivāsināṃ vā. ye yātanāsthānagatāśca jīvāstarkeṇa teṣāmapi ca pramāṇam ..20.. ### [1.3.22](https://indike.org/pramana/in.purana.vayu.1.3.22) ātyantikaḥ prākṛtikaśca yo'yaṃ naimittikaśca pratisargahetuḥ. bandhaśca mokṣaśca viśiṣya tatra proktā ca saṃsāragatiḥ parā ca ..21.. ### [1.3.23](https://indike.org/pramana/in.purana.vayu.1.3.23) prakṛtyavasthaiṣu ca kāraṇeṣu yāca sthitiryā ca punaḥ pravṛttiḥ. tacchāstrayuktyā svamatiprayatnāt samastamāviṣkṛtadhīdhṛtibhyaḥ. viprā ṛṣibhyaḥ samudāhṛtaṃ yadyathātathaṃ tacchṛṇutocyamānam ..22.. ### [1.3.24](https://indike.org/pramana/in.purana.vayu.1.3.24) iti śrīmahāpurāṇe vāyuprokte sṛṣṭiprakaraṇaṃ nāma tṛtīyo'dhyāyaḥ .. 3 .. --- Source: [https://indike.org/pramana/in.purana.vayu.1.3](https://indike.org/pramana/in.purana.vayu.1.3) · Pramāṇa