[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.40 # Vayupurana 1.40: adhyāyaḥ 40 Vāyupurāṇa 1.40 - **Language:** Sanskrit ### adhyāyaḥ 40 ### [1.40.1](https://indike.org/pramana/in.purana.vayu.1.40.1) ..sūta uvāca.. ### [1.40.2](https://indike.org/pramana/in.purana.vayu.1.40.2) maryyādāparvate śubhre devakūṭe nibodhata. vistīrṇe sikhare tasya kūṭe girivarasya ha .. 40.1 .. ### [1.40.3](https://indike.org/pramana/in.purana.vayu.1.40.3) samantādyojanaśataṃ mahābhavanamaṇḍitam. janmakṣetraṃ suparṇasya vainateyasya dhīmataḥ .. 40.2 .. ### [1.40.4](https://indike.org/pramana/in.purana.vayu.1.40.4) naikairmahā pakṣigaṇairgāruḍaiḥ śīgravikramaiḥ. sampūrṇavīryasampannairdamanairuragāribhiḥ .. 40.3 .. ### [1.40.5](https://indike.org/pramana/in.purana.vayu.1.40.5) pakṣirājasya bhavanaṃ prathamaṃ tanmahātmanaḥ. mahāvāyupraveśasya śālmali dvīpavāsinaḥ .. 40.4 .. ### [1.40.6](https://indike.org/pramana/in.purana.vayu.1.40.6) tasyaiva cārumūrdhnastu kūṭeṣu ca maharddhiṣu. dakṣiṇeṣu vicitreṣu saptasvapi tu śobhinaḥ .. 40.5 .. ### [1.40.7](https://indike.org/pramana/in.purana.vayu.1.40.7) sandhyābhrābhāḥ samuditā rukmaprākāratoraṇāḥ. mahābhavanamālābhiḥ śobhitā devanirmitāḥ .. 40.6 .. ### [1.40.8](https://indike.org/pramana/in.purana.vayu.1.40.8) triṃśadyojanavistīrṇāścatvāriṃśattamāyatāḥ. sapta gandharvanagarā nara nārīsamākulāḥ .. 40.7 .. ### [1.40.9](https://indike.org/pramana/in.purana.vayu.1.40.9) āgneyā nāma gandharvā mahābalaparākramāḥ. kuberānucarā dīptāsteṣānte bhavanottamāḥ .. 40.8 .. ### [1.40.10](https://indike.org/pramana/in.purana.vayu.1.40.10) tasya cottarakūṭeṣu bhuvanasya mahāgireḥ. harmyaprāsādabaddhaṃ ca udyānavanaśobhitam .. 40.9 .. ### [1.40.11](https://indike.org/pramana/in.purana.vayu.1.40.11) puramāśīviṣaiḥ purṇaṃ mahāprākāratoraṇam. vāditraśatanirghoṣairānanditavanāntaram .. 40.10 .. ### [1.40.12](https://indike.org/pramana/in.purana.vayu.1.40.12) duṣprasahyamamitrāṇāṃ triṃśadyojanamaṇḍalam. nagaraṃ saiṃhikeyānāmudīrṇaṃ devavidviṣām. siddhadevarṣicaritaṃ devakūṭe nibodhata .. 40.11 .. ### [1.40.13](https://indike.org/pramana/in.purana.vayu.1.40.13) dvitīye dvijaśārdūla maryyādāparvate śubhe. mahābhavanamālābhirnānāvarṇābhirāvṛtam .. 40.12 .. ### [1.40.14](https://indike.org/pramana/in.purana.vayu.1.40.14) suvarṇamaṇicitrābhiranekābhiralaṃkṛtam . viśālarathyaṃ durdharṣaṃ nityaṃ pramuditaṃ śivam .. 40.13 .. ### [1.40.15](https://indike.org/pramana/in.purana.vayu.1.40.15) naranārīgaṇākīrṇaṃ prāṃśuprākāratoraṇam . ṣaṣṭiyojanavistīrṇaṃ śatayojanamāyatam .. 40.14 .. ### [1.40.16](https://indike.org/pramana/in.purana.vayu.1.40.16) nagaraṃ kālakeyānāmasurāṇāṃ durāsadam. devakūṭataṭe ramye sanniviṣṭaṃ sudurjayam. mahābhracayasaṅkāśaṃ sunāsannāma viśrutam .. 40.15 .. ### [1.40.17](https://indike.org/pramana/in.purana.vayu.1.40.17) tasyaiva dakṣiṇe kūṭe viṃśadyojanavistaram. dviṣaṣṭiyojanāyāmaṃ hemaprākāratoraṇam .. 40.16 .. ### [1.40.18](https://indike.org/pramana/in.purana.vayu.1.40.18) hṛṣṭapuṣṭāvaliptānāmāvāsāḥ kāmarūpiṇām. autkacānāṃ pramuditaṃ rākṣasānāṃ mahāpuram .. 40.17 .. ### [1.40.19](https://indike.org/pramana/in.purana.vayu.1.40.19) madhyame tu mahākūṭe devakūṭasya vai gireḥ . suvarṇamaṇipāṣāṇaiścitraiḥ ślakṣaṇataraiḥ śubhaiḥ. śākhāśatasahasrādyairnaikārohasamākulam .. 40.18 .. ### [1.40.20](https://indike.org/pramana/in.purana.vayu.1.40.20) srigdha parṇamahāmūlamanekaskandhavāhanam. ramyaṃ hyaviralacchāyaṃ daśayojanamaṇḍalam .. 40.19 .. ### [1.40.21](https://indike.org/pramana/in.purana.vayu.1.40.21) tatra bhūtavaṭannāma nānābhūtagaṇālayam. mahādevasya prathitaṃ tryambakasya mahātmanaḥ. dīptamāyatanaṃ tatra sarvalokeṣu viśrutam .. 40.20 .. ### [1.40.22](https://indike.org/pramana/in.purana.vayu.1.40.22) varāhagajasiṃharkṣaśārdūlakarabhānanaiḥ. gṛdhrolūkamukhaiścaiva meṣoṣṭrājamahāmukhaiḥ .. 40.21 .. ### [1.40.23](https://indike.org/pramana/in.purana.vayu.1.40.23) kadambairvikaṭaiḥ sthūlairlambakeśatanūruhaiḥ. nānāvarṇākṛtidharairnānāsaṃsthānasaṃsthitaiḥ .. 40.22 .. ### [1.40.24](https://indike.org/pramana/in.purana.vayu.1.40.24) dīptairanekairugrāsyairbhūtairugraparākramaiḥ. aśūnyamabhavannityaṃ mahāpāriṣadaistathā .. 40.23 .. ### [1.40.25](https://indike.org/pramana/in.purana.vayu.1.40.25) tatra bhūtapaterbhūtā nityampūjāṃ prayuñjate. jharjharaiḥ śaṅkhapaṭahairbherīḍiṇḍimagomukhaiḥ .. 40.24 .. ### [1.40.26](https://indike.org/pramana/in.purana.vayu.1.40.26) raṇitālasitodgītai rnityaṃ valitavarjitaiḥ. visphūrjjitaśataistatra pūjāyuktā gaṇeśvarāḥ. prītāḥ purāripramathāstatra krīḍāparāḥ sadā .. 40.25 .. ### [1.40.27](https://indike.org/pramana/in.purana.vayu.1.40.27) siddhadevarṣigandharvayakṣanāgendra pūjitaḥ. sthāne tasmin mahādevaḥ sākṣāllokaśivaḥ śivaḥ .. 40.26 .. ### [1.40.28](https://indike.org/pramana/in.purana.vayu.1.40.28) iti śrīmahāpurāṇe vāyuprokte bhuvanavinyāso nāma catvāriṃśo'dhyāyaḥ .. 40 .. ## Linked texts (2) - [Liṅgapurāṇa](https://indike.org/pramana/in.purana.linga.1.51.7) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.57.7) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.40](https://indike.org/pramana/in.purana.vayu.1.40) · Pramāṇa