[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.41 # Vayupurana 1.41: adhyāyaḥ 41 Vāyupurāṇa 1.41 - **Language:** Sanskrit ### adhyāyaḥ 41 ### [1.41.1](https://indike.org/pramana/in.purana.vayu.1.41.1) ..sūta uvāca .. ### [1.41.2](https://indike.org/pramana/in.purana.vayu.1.41.2) viviktacāruśikharaṃ patritaṃ śaṅkhavarcasam. kailāsaṃ devabhaktānāmālayaṃ sukṛtātmanām .. 41.1 .. ### [1.41.3](https://indike.org/pramana/in.purana.vayu.1.41.3) tasya kūṭataṭe ramye madhyame kundasannibhe. yojanānāṃ śatāyāme pañcāśacca tathāyatam .. 42.2 .. ### [1.41.4](https://indike.org/pramana/in.purana.vayu.1.41.4) suvarṇamaṇicitrābhi anekābhiralaṃkṛtam. mahābhavanamālābhirbhūṣitaṃ naikavistaram .. 41.3 .. ### [1.41.5](https://indike.org/pramana/in.purana.vayu.1.41.5) dhanādhyakṣasya devasya kuberasya mahātmanaḥ. nagarantadanādhṛṣyamṛddhiyuktaṃ mudāyutam .. 41.4 .. ### [1.41.6](https://indike.org/pramana/in.purana.vayu.1.41.6) tasya madhye sabhā ramyā nānākanakamaṇḍitā. vipulā nāma vikhyātā vipulastambhatoraṇā .. 41.5 .. ### [1.41.7](https://indike.org/pramana/in.purana.vayu.1.41.7) tatra tatpuṣpakaṃ nāma nānāratnavibhūṣitam. mahāvimānaṃ ruciraṃ sarvakāmaguṇairyutam .. 41.6 .. ### [1.41.8](https://indike.org/pramana/in.purana.vayu.1.41.8) manojavaṃ kāmagamaṃ hemajālavibhūṣitam. vāhanaṃ yakṣarājasya kuberasya mahātmanaḥ .. 41.7 .. ### [1.41.9](https://indike.org/pramana/in.purana.vayu.1.41.9) tatraikapiṅgalo devo mahādevasakhaḥ svayam. vasati sma sa yakṣendraḥ sarvabhūtanamaskṛtaḥ .. 41.8 .. ### [1.41.10](https://indike.org/pramana/in.purana.vayu.1.41.10) tatrāpsarogaṇairyyakṣairgandharvaiḥ siddhacāraṇaiḥ. vasati sma mahātmā'sau kubero devasattamaḥ .. 41.9 .. ### [1.41.11](https://indike.org/pramana/in.purana.vayu.1.41.11) tatra padmamahāpadmau tathā makarakacchapau. kumudaḥ śaṅkha nīlau ca nandano nidhisattamaḥ .. 41.10 .. ### [1.41.12](https://indike.org/pramana/in.purana.vayu.1.41.12) aṣṭāvete'kṣayā divyā dhaneśasya mahātmanaḥ. mahānidhānāstiṣṭhanti sabhāyāṃ ratnasañcitāḥ .. 41.11 .. ### [1.41.13](https://indike.org/pramana/in.purana.vayu.1.41.13) tathendrāgniyamādīnāṃ devānāmapsarogaṇaiḥ. teṣāṃ kailāsa āvāso yatra yakṣeśvaraḥ prabhuḥ .. 41.12 .. ### [1.41.14](https://indike.org/pramana/in.purana.vayu.1.41.14) kṛtvā pūrvamupasthānaṃ yakṣendrasya mahātmanaḥ. paścādgacchanti ye yasya vihitāḥ paricārakāḥ .. 41.13 .. ### [1.41.15](https://indike.org/pramana/in.purana.vayu.1.41.15) tatra mandākinī nāma suramyā vipulodakā. suvarṇamaṇisopānā nānāpuṣpotkaṭotkaṭā .. 41.14 .. ### [1.41.16](https://indike.org/pramana/in.purana.vayu.1.41.16) jāmbūnadamayaiḥ padmairgandhasparśaguṇānvitaiḥ. nīlavaidūryyapatraiśca gandhopaitairmahotpalaiḥ .. 41.15 .. ### [1.41.17](https://indike.org/pramana/in.purana.vayu.1.41.17) tathā kumudakhaṇḍaiśca mahāpadmairalaṅkṛtā . yakṣagandharvanārībhirapsarobhiśca śobhitā .. 41.16 .. ### [1.41.18](https://indike.org/pramana/in.purana.vayu.1.41.18) devadānavagandharvairyakṣarākṣasapannagaiḥ. upaspṛṣṭajalā ramyā vāpī mandākinī tathā .. 41.17 .. ### [1.41.19](https://indike.org/pramana/in.purana.vayu.1.41.19) tathā alakanandā ca nandā ca saritāṃ varā . etaireva guṇairyuktā nadyo devarṣisevitāḥ .. 41.18 .. ### [1.41.20](https://indike.org/pramana/in.purana.vayu.1.41.20) tasyaiva śailarājasya pūrve kūṭe pariśrutāḥ. sahasrayojanāyāmāstriṃśadyojana vistarāḥ .. 41.19 .. ### [1.41.21](https://indike.org/pramana/in.purana.vayu.1.41.21) daśa gandharvanagarāḥ samṛddhyā parayā yutāḥ. mahābhavanamālābhiranekābhirvibhūṣitāḥ .. 41.20 .. ### [1.41.22](https://indike.org/pramana/in.purana.vayu.1.41.22) subāhuharikeśādyā ścitrasenajarādayaḥ. daśa gandharvarājāno dīptavahniparākramāḥ .. 41.21 .. ### [1.41.23](https://indike.org/pramana/in.purana.vayu.1.41.23) tasyaiva paścime kūṭe kundendusadṛśaprabhe. nānādhātuśataiścitraiḥ siddha devarṣisevite .. 41.22 .. ### [1.41.24](https://indike.org/pramana/in.purana.vayu.1.41.24) aśītiyojanāyāmaṃ catvāriṃśatpravistaram. ekaikayakṣabhavanaṃ mahābhavanamālinam .. 41.23 .. ### [1.41.25](https://indike.org/pramana/in.purana.vayu.1.41.25) mahāyakṣālayānyatra triṃśadāḍhyāni me śrṛṇu. mudā'tha paramaddharyā ca saṃyuktāni samantataḥ .. 41.24 .. ### [1.41.26](https://indike.org/pramana/in.purana.vayu.1.41.26) mahāmālisunetrādyāstathā maṇivarādayaḥ. udīrṇā yakṣarājānastatra triṃśatsadā babhuḥ .. 41.25 .. ### [1.41.27](https://indike.org/pramana/in.purana.vayu.1.41.27) ityete kathitā yakṣā vāyvagnisamatejasaḥ. yeṣāmadhipatirdevaḥ śrīmān vaiśravaṇaḥ prabhuḥ .. 41.26 .. ### [1.41.28](https://indike.org/pramana/in.purana.vayu.1.41.28) tasyaiva dakṣiṇe pārśve himavatyacalottame. nikuñjanirjharaguhānaikasānudarītaṭe .. 41.27 .. ### [1.41.29](https://indike.org/pramana/in.purana.vayu.1.41.29) arṇavādarṇavaṃ yāvat pūrvapaścāyate'cale. kinnarāṇāṃ puraśataṃ niviṣṭaṃ vai vkacit vkacit .. 41.28 .. ### [1.41.30](https://indike.org/pramana/in.purana.vayu.1.41.30) naikaśrṛṅgakalāpasya śailarājasya kukṣiṣu. naranārīpramuditaṃ hṛṣṭapuṣṭajanākulam .. 41.29 .. ### [1.41.31](https://indike.org/pramana/in.purana.vayu.1.41.31) drumasugrīvasainyādyā bhagadattapuraḥsarāḥ . yatra rājaśataṃ teṣāṃ dīptānāṃ balaśālinām .. 41.30 .. ### [1.41.32](https://indike.org/pramana/in.purana.vayu.1.41.32) vivāho yatra rudrasya mahādevyomayā saha. tapastaptavatī caiva yatra devī varāṅganā .. 41.31 .. ### [1.41.33](https://indike.org/pramana/in.purana.vayu.1.41.33) kirātarūpiṇā caiva yatra rudreṇa krīḍitam. yatra caiva kṛtaṃ tābhyāṃ jambūdvīpāvalokanam .. 41.32 .. ### [1.41.34](https://indike.org/pramana/in.purana.vayu.1.41.34) yatra tāḥ sammudā yuktā nānābhūtagaṇairyutāḥ. citrapuṣpaphalopetā rudrasyākrīḍabhūmayaḥ .. 41.33 .. ### [1.41.35](https://indike.org/pramana/in.purana.vayu.1.41.35) hṛṣṭā giridarīvāsāḥ kṛśodaryyo manoramāḥ. kundaryo yatra kinnaryyo ramante sma sulocanāḥ .. 41.34 .. ### [1.41.36](https://indike.org/pramana/in.purana.vayu.1.41.36) viśālākṣāstathā yakṣā anyāścāpsarasāṅgaṇāḥ. gandharvāścāṅgaśālinyo yatra tatra mudā yutāḥ .. 41.35 .. ### [1.41.37](https://indike.org/pramana/in.purana.vayu.1.41.37) tatraivomāvanaṃ nāma sarvalokeṣu viśrutam. ardhanārīnaraṃ rupaṃ dhṛtavān yatra śaṃkaraḥ .. 41.36 .. ### [1.41.38](https://indike.org/pramana/in.purana.vayu.1.41.38) tathā śaravaṇaṃ nāma yatra jātaḥ ṣaḍānanaḥ . yatra caiva kṛtotsāhaḥ krauñcaśailavanaṃ prati .. 41.37 .. ### [1.41.39](https://indike.org/pramana/in.purana.vayu.1.41.39) dhvajāpatākinañcaiva kiṅkiṇījālamālinam. yatra siṃharathaṃ yuktaṃ kārtikeyasya dhīmataḥ .. 41.38 .. ### [1.41.40](https://indike.org/pramana/in.purana.vayu.1.41.40) citrapuṣpanikuñjasya krauñcasya ca girestaṭe. devāriskandanaḥ skando yatra śaktiṃ vimuktavān .. 41.39 .. ### [1.41.41](https://indike.org/pramana/in.purana.vayu.1.41.41) yatrābhiṣiktaśca guhaḥ sendropendraiḥ surottamaiḥ. senāpatye ca daityārirdvādaśārkapratāpavān .. 41.40 .. ### [1.41.42](https://indike.org/pramana/in.purana.vayu.1.41.42) bhūtasaṅghāvakīrṇāni etānyanyāni ca dvijāḥ. tatra tatra kumārasya sthānānyāyatanāni ca .. 41.41 .. ### [1.41.43](https://indike.org/pramana/in.purana.vayu.1.41.43) tathā pāṇḍuśilā nāma hyākrīḍā krauñcaghātinaḥ. nānābhūtagaṇākīrṇe pṛṣṭhe himavataḥ śubhe .. 41.42 .. ### [1.41.44](https://indike.org/pramana/in.purana.vayu.1.41.44) tasya pūrve taṭe ramye siddhāvāsamudāhṛtam. kalāpagrāmamityevaṃ nāmnā khyātaṃ manīṣibhiḥ .. 41.43 .. ### [1.41.45](https://indike.org/pramana/in.purana.vayu.1.41.45) mṛkaṇḍasya vasiṣṭhasya bharatasya nalasya ca. viśvāmitrasya viprarṣestathaivoddālakasya ca .. 41.44 .. ### [1.41.46](https://indike.org/pramana/in.purana.vayu.1.41.46) anyeṣāñcogratapasāmṛṣīṇāṃ bhāvitātmanām. himavatyāśramāṇāñca sahasrāṇi śatāni ca .. 41.45 .. ### [1.41.47](https://indike.org/pramana/in.purana.vayu.1.41.47) naikasidhdagaṇāvāsaṃ sthānāyatanamaṇḍitam. yakṣagandharvacaritaṃ nānāmlecchagaṇairyutam .. 41.46 .. ### [1.41.48](https://indike.org/pramana/in.purana.vayu.1.41.48) nānāratnākarāpūrṇaṃ nānāsattvaniṣevitam. nānānadīsahasrāṇāṃ sambhavaṃ varaparvatam .. 41.47 .. ### [1.41.49](https://indike.org/pramana/in.purana.vayu.1.41.49) paścimasyācalendrasya niṣadhasya yathārthavat. kīrttyamānamaśeṣeṇa viśeṣaṃ śrṛṇuta dvijāḥ .. 41.48 .. ### [1.41.50](https://indike.org/pramana/in.purana.vayu.1.41.50) vistīrṇe madhyame kūṭe hemadhā tuvibūṣite. dīptamāyatanaṃ viṣṇoḥ siddharṣigaṇasevitam. yakṣāpsaraḥsamākīrṇaṃ gandharvagaṇasevitam .. 41.49 .. ### [1.41.51](https://indike.org/pramana/in.purana.vayu.1.41.51) tatra sākṣānmahādevaḥ pītāmbaradharo hariḥ. varadaḥ sevyate sirddhairlokakarttā sanātanaḥ .. 41.50 .. ### [1.41.52](https://indike.org/pramana/in.purana.vayu.1.41.52) tasyaivābyantare kūṭe nānādhātuvibhūṣite. taṭe niṣadhakūṭasya ślakṣṇacāruśilātale .. 41.51 .. ### [1.41.53](https://indike.org/pramana/in.purana.vayu.1.41.53) rukmakāñcananiryūhaṃ taptakāñcanatoraṇam. anekavalabhīkūṭapralolīśatasaṅkaṭam .. 41.52 .. ### [1.41.54](https://indike.org/pramana/in.purana.vayu.1.41.54) harmyaprāsādamatulaṃ taptakāñcanabhūṣitam. harmyaprāsādabaddhañca muditañcātivistaram .. 41.53 .. ### [1.41.55](https://indike.org/pramana/in.purana.vayu.1.41.55) udyānamālākalitaṃ triṃśadyojanamāyatam. duḥprasahyamamitraistat pūrṇamāśīviṣopamaiḥ. ulaṅghīnāṃ pramuditaṃ rakṣasāṃ rākṣasaṃ puram .. 41.54 .. ### [1.41.56](https://indike.org/pramana/in.purana.vayu.1.41.56) tasyaiva dakṣiṇe pārśve naikadaityagaṇālaye. guhāpraveśaṃ nagaraṃ śailakukṣau durāsadam .. 41.55 .. ### [1.41.57](https://indike.org/pramana/in.purana.vayu.1.41.57) tathaiva paścime kūṭe pārijātaśiloccaye. devadānavabhāgānāṃ samṛddhāni purāṇi tu .. 41.56 .. ### [1.41.58](https://indike.org/pramana/in.purana.vayu.1.41.58) tatra somaśilā nāma girestasya mahātaṭe. somo yatrāvatarati sadā parvasu parvasu .. 41.57 .. ### [1.41.59](https://indike.org/pramana/in.purana.vayu.1.41.59) upāsate'tra śrīmantaṃ tārā patimaninditam. ṛṣikinnaragandharvāḥ sākṣāddevaṃ tamonudam .. 41.58 .. ### [1.41.60](https://indike.org/pramana/in.purana.vayu.1.41.60) tatraiva cottare kūṭe brahmapārśvamiti smṛtam. sthānaṃ tatra sureśasya brahmaṇaḥ prathitaṃ divi .. 41.59 .. ### [1.41.61](https://indike.org/pramana/in.purana.vayu.1.41.61) ijyāpūjānamaskāraistatra siddhāḥ svayambhuvam. upāsate mahātmānaṃ yakṣagandharvadānavāḥ .. 41.60 .. ### [1.41.62](https://indike.org/pramana/in.purana.vayu.1.41.62) tathaivāyatanaṃ vahneḥ sarvalokeṣu viśrutam. tatra vigrahavān vāhniḥ sevyate siddhacāraṇaiḥ .. 41.61 .. ### [1.41.63](https://indike.org/pramana/in.purana.vayu.1.41.63) tathaiva cottare ramye triśrṛṅge varaparvate. ṛṣisiddhānucarite nānābhūtagaṇālaye. puraṃ tat triṣu lokeṣu hemacitrantu viśrutam .. 41.62 .. ### [1.41.64](https://indike.org/pramana/in.purana.vayu.1.41.64) trayāṇāṃ devamukhyānāṃ trīṇyevāyatanāni ca. nārāyaṇasyāyatanaṃ pūrvakūṭe dvijottamāḥ . madhyame brahmaṇaḥ sthānaṃ śaṅkarasya tu paścime .. 41.63 .. ### [1.41.65](https://indike.org/pramana/in.purana.vayu.1.41.65) daityadānavagandharvairyakṣarākṣasapannagaiḥ. ijānā abhipūjyante devadevā mahābalāḥ .. 41.64 .. ### [1.41.66](https://indike.org/pramana/in.purana.vayu.1.41.66) tathā purāṇi ramyāṇi deśe caiva vkacit vkacit. yakṣagandharvanāgānāṃ triśrṛṅge varaparvate .. 41.65 .. ### [1.41.67](https://indike.org/pramana/in.purana.vayu.1.41.67) tathaiva cottare deśe cārudhau devaparvate. anekaśrṛṅgakalite siddhasādhu niṣevite .. 41.66 .. ### [1.41.68](https://indike.org/pramana/in.purana.vayu.1.41.68) yakṣāṇāṃ kinnarāṇāñca gandharvāṇāṃ sahasraśaḥ. nāgānāṃ rākṣasānāñca daityānāñca mahābale .. 41.67 .. ### [1.41.69](https://indike.org/pramana/in.purana.vayu.1.41.69) kūṭe tu madhyame tasya siddhasaṅgha niṣevite. ramye devarṣicarite ratnadhātuvibhūṣite .. 41.68 .. ### [1.41.70](https://indike.org/pramana/in.purana.vayu.1.41.70) pajhotpalavanaiḥ phullaiḥ saugandhikavanaistathā. tathā kumudakhaṇḍaiśca vikacairupaśobhite .. 41.69 .. ### [1.41.71](https://indike.org/pramana/in.purana.vayu.1.41.71) vihaṅgasaṅghasaṃghuṣṭaṃ nānāsatvaniṣevitam. haṃsakāraṇḍavākīrṇaṃ mattaṣaṭ‌padasevitam .. 41.70 .. ### [1.41.72](https://indike.org/pramana/in.purana.vayu.1.41.72) nānāsatvagaṇākīrṇaṃ vihaṅgairupaśobhitam. cārutīrthasusambādhaṃ triṃśadyojanamaṇḍalam .. 41.71 .. ### [1.41.73](https://indike.org/pramana/in.purana.vayu.1.41.73) siddhairupaspṛṣṭajalaṃ jaladoṣavivarjitam. tatrānandajalannāma mahāpuṇyajalaṃ saraḥ .. 41.72 .. ### [1.41.74](https://indike.org/pramana/in.purana.vayu.1.41.74) tatra nāgapati ścaṇḍa ścaṇḍo nāma durāsadaḥ. śataśīrṣā mahābhāgo viṣṇucakrāṅkacihnitaḥ. ityevamaṣṭau vijñeyā vicitrā devaparvatāḥ .. 41.73 ... ### [1.41.75](https://indike.org/pramana/in.purana.vayu.1.41.75) purairāyatanaiḥ puṇyaiḥ puṇyodaiśca sarovaraiḥ. suvarṇaparvatairnaikaistathā rajataparvataiḥ .. 41.74 .. ### [1.41.76](https://indike.org/pramana/in.purana.vayu.1.41.76) nānāratnaprabhāsaiśca naikaiśca maṇiparvataiḥ. haritālaparvatairnaikaistathā hiṅgulakāñcanaiḥ .. 41.75 .. ### [1.41.77](https://indike.org/pramana/in.purana.vayu.1.41.77) śuddhairmanaḥ śilājālairbhāsvarairaruṇaprabhaiḥ . nānādhātuvicitraiśca naikaiśca maṇiparvataiḥ .. 41.76 .. ### [1.41.78](https://indike.org/pramana/in.purana.vayu.1.41.78) pūrṇā vasumatī sarvā giribhirnaikavistaraiḥ. nadīkandaraśailādyairanekaiścitrasānubhiḥ .. 41.77 .. ### [1.41.79](https://indike.org/pramana/in.purana.vayu.1.41.79) ityevamacalairyuktairdaityarākṣasasādhubhiḥ. kinnaroragagandharvairvicitraiḥ siddhacāraṇaiḥ .. 41.78 .. ### [1.41.80](https://indike.org/pramana/in.purana.vayu.1.41.80) gandharvairapsarobhiśca sevitā naika vistarāḥ. puṇyakṛdbhiḥ samākīrṇā kesarākṛtayo nagāḥ .. 41.79 .. ### [1.41.81](https://indike.org/pramana/in.purana.vayu.1.41.81) girijālantu tanmeroḥ siddhalokamiti smṛtam. citraṃ nānāśrayopetaṃ pracāraṃ sukṛtātmanām .. 41.80 .. ### [1.41.82](https://indike.org/pramana/in.purana.vayu.1.41.82) nātyugrakarmasiddhānāṃ pratimā madhyamāḥ smṛtāḥ. sa hi svarga iti khyātaḥ kramastveṣa prakīrtitaḥ .. 41.81 .. ### [1.41.83](https://indike.org/pramana/in.purana.vayu.1.41.83) caturmahādvīpavatī seyamurvī prakīrtitā .. ### [1.41.84](https://indike.org/pramana/in.purana.vayu.1.41.84) nānāvarṇapramāṇairhi nānāvarṇabalaistathā .. 41.82 .. ### [1.41.85](https://indike.org/pramana/in.purana.vayu.1.41.85) nānābhakṣyānnapānaiśca nānācchādanabhūṣaṇaiḥ. prajāvikārairvividhaiścitrairadhyuṣitaiḥ saha.. 41.83 .. ### [1.41.86](https://indike.org/pramana/in.purana.vayu.1.41.86) catvāro naikavarṇādyā mahādvīpāḥ pariśrutāḥ. bhadrāśca bharatāścaiva ketumālāśca paścimāḥ. uttarāḥ kuravaścaiva kṛtapuṇyapratiśrayāḥ .. 41.84 .. ### [1.41.87](https://indike.org/pramana/in.purana.vayu.1.41.87) saiṣā caturmahādvīpā nānādvīpasamākulā. pṛthivī kīrtitā kṛtsnā padmākārā mayā dvijāḥ .. 41.85 .. ### [1.41.88](https://indike.org/pramana/in.purana.vayu.1.41.88) tadeṣā sāntaradvīpā saśailavanakānanā. padmetyabhihitā kṛtsnā pṛthivī bahuvistarā .. 41.86 .. ### [1.41.89](https://indike.org/pramana/in.purana.vayu.1.41.89) sabrahmasadanaṃ lokaṃ sadevāsuramānuṣam. trilokamiti vikhyātaṃ yatsattvairvyavahāryate .. 41.87 .. ### [1.41.90](https://indike.org/pramana/in.purana.vayu.1.41.90) candrādityāvataptaṃ yattajjagat parigīyate. gandhavarṇarasopetaṃ śabdasparśaguṇānvitam .. 41.88 .. ### [1.41.91](https://indike.org/pramana/in.purana.vayu.1.41.91) taṃ lokapadmaṃ śrutibhiḥ padmamityabhidhīyate. eṣa sarvapurāṇeṣu kramaḥ supariniścitaḥ .. 41.89 .. ### [1.41.92](https://indike.org/pramana/in.purana.vayu.1.41.92) iti śrīmahāpurāṇe vāyuprokte bhuvanavinyāso nāmaikacatvāriṃśo'dhyāyaḥ .. 41 .. ## Linked texts (3) - [Liṅgapurāṇa](https://indike.org/pramana/in.purana.linga.1.51.22) — Vyāsa, Sanskrit - [Garuḍapurāṇa](https://indike.org/pramana/in.purana.garuda.1.15.58) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.57.24) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.41](https://indike.org/pramana/in.purana.vayu.1.41) · Pramāṇa