[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.43 # Vayupurana 1.43: adhyāyaḥ 43 Vāyupurāṇa 1.43 - **Language:** Sanskrit ### adhyāyaḥ 43 ### [1.43.1](https://indike.org/pramana/in.purana.vayu.1.43.1) ..sūta uvāca.. ### [1.43.2](https://indike.org/pramana/in.purana.vayu.1.43.2) gandhamādanapārśve tu sphītā copari gaṇḍikā. dvātriṃśataṃ sahasrāṇi yojanaiḥ pūrvapaścimā .. 43.1 .. ### [1.43.3](https://indike.org/pramana/in.purana.vayu.1.43.3) asyāyāmaśacavatustriṃśatsahasrāṇi pramāṇataḥ. tatra te śubhakarmāṇaḥ ketumālāḥ pariśrutāḥ .. 43.2 .. ### [1.43.4](https://indike.org/pramana/in.purana.vayu.1.43.4) tatra kālā narāḥ sarve mahāsattvā mahābalāḥ. striyaścotpalapatrābhāḥ sarvāstāḥ priya darśanāḥ .. 43.3 .. ### [1.43.5](https://indike.org/pramana/in.purana.vayu.1.43.5) tatra divyo mahāvṛkṣaḥ panasaḥ ṣaḍrasāśrayaḥ. īśvaro brahmaṇaḥ putraḥ kāmacārī manojavaḥ. tasya pītvā phalarasaṃ jīvanti hi samāyutam .. 43.4 .. ### [1.43.6](https://indike.org/pramana/in.purana.vayu.1.43.6) pārśve mālyavataścāpi pūrve purvā tu gaṇḍikā. āyāmato'tha vistārādyathaivāparagaṇḍikā .. 43.5 .. ### [1.43.7](https://indike.org/pramana/in.purana.vayu.1.43.7) bhadrāśvāstatra vijñeyā nityaṃ muditamānasā. bhadraṃ sālavanaṃ tatra kālāmrāśca mahādrumāḥ .. 43.6 .. ### [1.43.8](https://indike.org/pramana/in.purana.vayu.1.43.8) tatra te puruṣāḥ śvetā mahāsattvā mahābalāḥ. striyaḥ kumudavarṇābhāḥ sundaryyaḥ priyadarśanāḥ .. 43.7 .. ### [1.43.9](https://indike.org/pramana/in.purana.vayu.1.43.9) candraprabhāśvandravarṇāḥ pūrṇacandranibhānanāḥ. candraśītalagātrāśca striyaścotpalagandhikāḥ .. 43.8 .. ### [1.43.10](https://indike.org/pramana/in.purana.vayu.1.43.10) daśavarṣasahasrāṇi teṣāmāyurnirāmayam. kālāmrasya rasaṃ pītvā sarvadā sitharayauvanāḥ .. 43.9 .. ### [1.43.11](https://indike.org/pramana/in.purana.vayu.1.43.11) ..ṛṣaya ūcuḥ.. ### [1.43.12](https://indike.org/pramana/in.purana.vayu.1.43.12) pramāṇaṃ varṇamāyuśca yāthātathyena kīrtitam. caturṇāmapi dvīpānāṃ samāsānna tu vistarāt .. 43.10 .. ### [1.43.13](https://indike.org/pramana/in.purana.vayu.1.43.13) ..sūta uvāca.. ### [1.43.14](https://indike.org/pramana/in.purana.vayu.1.43.14) bhadrāśvānāṃ yathā cihnaṃ kīrtitaṃ kīrtivarddhanāḥ. tacchṛṇudhvaṃ tu kārtsnyena pūrvasiddhairudāhṛtam .. 43.11 .. ### [1.43.15](https://indike.org/pramana/in.purana.vayu.1.43.15) devakūṭasya sarvasya prathitasyeha yatparam. pūrveṇa dikṣu sarvāsu yathāvacca prakīrtitam .. 43.12 .. ### [1.43.16](https://indike.org/pramana/in.purana.vayu.1.43.16) kulācalānāṃ pañcānāṃ nadīnāñca viśeṣataḥ. tathā janapadānāñca yathā dṛṣṭaṃ yathāśrutam .. 43.13 .. ### [1.43.17](https://indike.org/pramana/in.purana.vayu.1.43.17) śaivālo varṇamālāgraḥ korañjaścācalottamaḥ. śvetavarṇaśca nīlaśca pañcaite kulaparvatāḥ .. 43.14 .. ### [1.43.18](https://indike.org/pramana/in.purana.vayu.1.43.18) teṣāṃ prasūtiranyepi parvatā bahuvistarāḥ. koṭikoṭiḥ kṣitau jñeyāḥ śataśo'tha sahasraśaḥ .. 43.15 .. ### [1.43.19](https://indike.org/pramana/in.purana.vayu.1.43.19) tairvimiśrā janapadairnānāsattvasamākulāḥ. nānāprakārajātīyāstvanekanṛpapālitāḥ .. 43.16 .. ### [1.43.20](https://indike.org/pramana/in.purana.vayu.1.43.20) nāmadheyaiśca nikrāntaiḥ śrīmadbhiḥ puruṣarṣabhaiḥ. adhyāsitā janapadāḥ kīrtanīyāśca śobhitāḥ .. 43.17 .. ### [1.43.21](https://indike.org/pramana/in.purana.vayu.1.43.21) teṣāntu nāmadheyāni rāṣṭrāṇi vividhāni ca. giryantaraniviṣṭāni sameṣu viṣameṣu ca .. 43.18 .. ### [1.43.22](https://indike.org/pramana/in.purana.vayu.1.43.22) tathā sumaṅgalāḥ śuddhāścandrakāntāḥ sunandanāḥ. vrajakā nīlaśaileyāḥ sauvīrā vijayasthalāḥ .. 43.19 .. ### [1.43.23](https://indike.org/pramana/in.purana.vayu.1.43.23) mahāsthalāḥ sukāmāśca mahākeśāḥ sumūrddhajāḥ. vātaraṃhāḥ sopasaṅgāḥ parivāyāḥ parācakāḥ .. 43.20 .. ### [1.43.24](https://indike.org/pramana/in.purana.vayu.1.43.24) sambhavakrā mahānetrāḥ śaivālāstanapāstathā. kumudāḥ śākamuṇḍāśca uraḥ saṅkīrṇabhaumakāḥ .. 43.21 .. ### [1.43.25](https://indike.org/pramana/in.purana.vayu.1.43.25) sodakā vatsakāścaike vārāhā hāravāmakāḥ. śaṅkhākhyā bhāvisandrāśca uttarā haimabhaumakāḥ .. 43.22 .. ### [1.43.26](https://indike.org/pramana/in.purana.vayu.1.43.26) kṛṣṇabhaumāḥ subhaumāśca mahābhaumāśca kīrtitāḥ. ete cānye ca vikhyātā nānājanapadā mayā .. 43.23 .. ### [1.43.27](https://indike.org/pramana/in.purana.vayu.1.43.27) te pibanti mahāpuṇyāṃ mahāgaṅgāṃ mahānadīm. ādau trailokyavikhyātā śītā śītāmbuvāhinī .. 43.24 .. ### [1.43.28](https://indike.org/pramana/in.purana.vayu.1.43.28) tathā ca haṃsavasatirmahācakrā ca nimnagā. cakrā vakrā ca kañcī ca surasā cāpagottamā .. 43.25 .. ### [1.43.29](https://indike.org/pramana/in.purana.vayu.1.43.29) śākhāvatī cendranadī meghā maṅgāravāhinī. kāverī haritoyā ca somāvarttā śatahradā .. 43.26 .. ### [1.43.30](https://indike.org/pramana/in.purana.vayu.1.43.30) vanamālā vasumatī pampā pampāvatī śubhā. suvarṇā pañca varṇā ca tathā puṇyā vapuṣmatī .. 43.27 .. ### [1.43.31](https://indike.org/pramana/in.purana.vayu.1.43.31) maṇivaprā suvaprā ca brahmabhāgā śilāśinī. kṛṣṇatoyā ca puṇyodā tathā nāgapadī śubhā .. 43.28 .. ### [1.43.32](https://indike.org/pramana/in.purana.vayu.1.43.32) śaivālinī maṇitaṭā kṣārodā cāruṇāvatī. tathā viṣṇupadī caiva mahāpuṇyā mahānadī .. 43.29 .. ### [1.43.33](https://indike.org/pramana/in.purana.vayu.1.43.33) hiraṇyavāhinīlā ca skandamālā surāvatī . vāmodā ca patākā ca vetālī ca mahānadī .. 43.30 .. ### [1.43.34](https://indike.org/pramana/in.purana.vayu.1.43.34) etā gaṅgā mahānadyo nāyikāḥ parikīrtitāḥ. kṣudranadyastvasaṃkhyātāḥ śataśo'tha sahasraśaḥ .. 43.31 .. ### [1.43.35](https://indike.org/pramana/in.purana.vayu.1.43.35) pūrvadvīpasya vohinyaḥ puṇyavatyaśca kīrtitāḥ. kīrttanenāpi caitāsāṃ pūtaḥ syāditi me matiḥ .. 43.32 .. ### [1.43.36](https://indike.org/pramana/in.purana.vayu.1.43.36) samṛddharāṣṭraṃ sphītañca nānājanapadākulam. nānāvṛkṣavanoddeśaṃ nānānaga suveṣṭitam .. 43.33 .. ### [1.43.37](https://indike.org/pramana/in.purana.vayu.1.43.37) naranārīgaṇākīrṇaṃ nityaṃ pramuditaṃ śivam. bahudhānyadhanopetaṃ nānānṛpatipālitam . upetaṃ kīrtanaśatairnānāratnākarākaram .. 43.34 .. ### [1.43.38](https://indike.org/pramana/in.purana.vayu.1.43.38) tasmindeśe samākhyātā hemaśaṅkhadalaprabhāḥ. mahākāyā mahāvīryāḥ puruṣāḥ puruṣarṣabhāḥ .. 43.35 .. ### [1.43.39](https://indike.org/pramana/in.purana.vayu.1.43.39) sambhāṣaṇaṃ darśanañca samasthānopasevanam . devaiḥ saha mahābhāgāḥ kurvate tatra vai prajāḥ .. 43.36 .. ### [1.43.40](https://indike.org/pramana/in.purana.vayu.1.43.40) daśavarṣasahasrāṇi teṣāmāyuḥ prakīrtitam. dharmādharmaviśeṣaśca na teṣvasti mahātmasu. ahiṃsā satyavākyañca prakṛtyaiva hi varttate .. 43.37 .. ### [1.43.41](https://indike.org/pramana/in.purana.vayu.1.43.41) te bhaktyā śaṅkaraṃ devaṃ gaurīṃ paramavaiṣṇavīm. ijyāpūjānamaskārāṃstābhyāṃ nityaṃ prayuñjate .. 43.38 .. ### [1.43.42](https://indike.org/pramana/in.purana.vayu.1.43.42) iti śrīmahāpurāṇe vāyuprokte bhuvanavinyāso nāma tricatvāriṃśo'dhyāyaḥ .. 43 ... ## Linked texts (2) - [Matsyapurāṇa](https://indike.org/pramana/in.purana.matsya.113.48) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.15.53) — Vyāsa, Sanskrit --- Source: [https://indike.org/pramana/in.purana.vayu.1.43](https://indike.org/pramana/in.purana.vayu.1.43) · Pramāṇa