<!-- Pramāṇa, a library of Indian primary sources · https://indike.org/pramana/in.purana.vayu.1.44 -->

[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.44

# Vayupurana 1.44: adhyāyaḥ 44

Vāyupurāṇa 1.44

- **Language:** Sanskrit

### adhyāyaḥ 44

### [1.44.1](https://indike.org/pramana/in.purana.vayu.1.44.1)

..sūta uvāca ..

### [1.44.2](https://indike.org/pramana/in.purana.vayu.1.44.2)

nisarga eṣa vikhyāto bhadrāśvānāṃ yathārthavat .  
śrṛṇudhvaṃ ketumālānāṃ vistareṇa prakīrttanam .. 44.1 ..

### [1.44.3](https://indike.org/pramana/in.purana.vayu.1.44.3)

niṣadhasyācalendrasya paścimasya mahātmanaḥ.  
paścimena hi yattatra dikṣu sarvāsu kīrtitam .. 44.2 ..

### [1.44.4](https://indike.org/pramana/in.purana.vayu.1.44.4)

kulācalānāṃ saptānāṃ nadīnāñca viśeṣataḥ.  
tathā janapadānāñca vistaraṃ śrotumarhatha .. 44.3 ..

### [1.44.5](https://indike.org/pramana/in.purana.vayu.1.44.5)

viśālaḥ kambalaḥ kṛṣṇo jayanto hariparvataḥ.  
aśoko varddhamānaśca saptaite kulaparvvatāḥ .. 44.4 ..

### [1.44.6](https://indike.org/pramana/in.purana.vayu.1.44.6)

teṣāṃ prasūtiranye'pi parvatā bahuvistarāḥ.  
koṭikoṭiśatā jñeyāḥ śataśo'tha sahasraśaḥ .. 44.5 ..

### [1.44.7](https://indike.org/pramana/in.purana.vayu.1.44.7)

tairvimiśrā janapadā nānājātisamākulāḥ.  
nānāprakāravijñeyāstvanekanṛpapālitāḥ .. 44.6 ..

### [1.44.8](https://indike.org/pramana/in.purana.vayu.1.44.8)

te nāmadheyairvikrāntā vividhāḥ prathitāḥ bhuvi.  
adhyāsitā janapadaiḥ kīrttanaiśca vibhūṣitāḥ .. 44.7 ..

### [1.44.9](https://indike.org/pramana/in.purana.vayu.1.44.9)

teṣāṃ sanāmadheyāni rāṣṭrāṇi vividhāni ca.  
giryyantaraniviṣṭāni sameṣu viṣameṣu ca .. 44.8 ..

### [1.44.10](https://indike.org/pramana/in.purana.vayu.1.44.10)

yathaiha kathitāḥ paurā gomanuṣyakapotakāḥ.  
tatsukhā bhramarā yūthā māheyācalakūṭakāḥ .. 44.9 ..

### [1.44.11](https://indike.org/pramana/in.purana.vayu.1.44.11)

sumaulāḥ stāvakāḥ krauñcāḥ kṛṣṇāṅgamaṇipuñjakāḥ.  
kūṭakambalamauṣīyāḥ samudrāntarakāstathā .. 44.10 ..

### [1.44.12](https://indike.org/pramana/in.purana.vayu.1.44.12)

karambhavāḥ kucāḥ śvetāḥ suvarṇakaṭakāḥ śubhāḥ.  
śvetāṅgāḥ kṛṣṇapādāśca vihagā kapilakarṇikāḥ .. 44.11 ..

### [1.44.13](https://indike.org/pramana/in.purana.vayu.1.44.13)

atyākarālagojvālā hīnānāvanapātakāḥ.  
mahiṣāḥ kumudābhāśca karavāṭāḥ sahotkacāḥ .. 44.12 ..

### [1.44.14](https://indike.org/pramana/in.purana.vayu.1.44.14)

śu(nakā) kanāsā mahānāsā vanāsagajabhūmikāḥ.  
karañjamañjamā vāhāḥ kiṣkiṇḍīpāṇḍubhūmikīḥ .. 44.13 ..

### [1.44.15](https://indike.org/pramana/in.purana.vayu.1.44.15)

kuberā dhūmajā jaṅgā vaṅgā rājīvakokilāḥ.  
vācāṅgāśca mahāṅgāśca madhaureyāḥ surecakāḥ .. 44.14 ..

### [1.44.16](https://indike.org/pramana/in.purana.vayu.1.44.16)

pittalāḥ kācalāścaiva śravaṇā mattakāsikāḥ.  
godāvā bakulā vāṅgā vaṅgakā modakāḥ kalāḥ .. 44.15 ..

### [1.44.17](https://indike.org/pramana/in.purana.vayu.1.44.17)

te pibanti mahābhāgāḥ prathamāntu mahānadīm.  
suvaprāṃ puṇyasalilāṃ mahānāganiṣevitām .. 44.16 ..

### [1.44.18](https://indike.org/pramana/in.purana.vayu.1.44.18)

kambalāṃ tāmasīṃ śyāmāṃ sumedhāṃ bakulāṃ nadīm.  
vikīrṇāṃ śikhimālāñca tathā darbhāvatīmapi .. 44.17 ..

### [1.44.19](https://indike.org/pramana/in.purana.vayu.1.44.19)

bhadrānadīṃ śukanadīṃ palāśāñca mahānadīm.  
bhīmāṃ prabhañjanāṃ kāñcīṃ puṇyāñcaiva kuśāvatīm .. 43.18 ..

### [1.44.20](https://indike.org/pramana/in.purana.vayu.1.44.20)

dakṣāṃ śākavatīñcaiva puṇyo dāñca mahānadīm.  
candrāvatīṃ sumūlāñca ṛṣabhāñcāpagottamām .. 44.19 ..

### [1.44.21](https://indike.org/pramana/in.purana.vayu.1.44.21)

nadīṃ samudramālāñca tathā campāvatīmapi.  
ekākṣāṃ puṣkalāṃ vāhāṃ suvarṇāṃ nandi nīmapi .. 44.20 ..

### [1.44.22](https://indike.org/pramana/in.purana.vayu.1.44.22)

kālindīñcaiva puṇyodāṃ bhāratīñca mahānadīm .  
sītodāmpātikāṃ brāhmīṃ viśālāñca mahānadīm .. 44.21 ..

### [1.44.23](https://indike.org/pramana/in.purana.vayu.1.44.23)

pīvarīṃ kumbhakārīñca ruṣā ñcaivāpagottamām.  
mahiṣīṃ mānuṣīṃ daṇḍāṃ tathā nadanadīṃ śubhām .. 44.22 ..

### [1.44.24](https://indike.org/pramana/in.purana.vayu.1.44.24)

etāñcānyāñca pīyante bahvayo hi saritottamāḥ .  
devarṣisiddhacaritāḥ puṇyodāḥ pāpahāḥ śubhāḥ .. 44.23 ..

### [1.44.25](https://indike.org/pramana/in.purana.vayu.1.44.25)

nānājanapadāsphītaṃ mahāpagāvibhūṣitam.  
nānāratnaughasampūrṇaṃ nityaṃ pramuditaṃ śivam .. 44.24 ..

### [1.44.26](https://indike.org/pramana/in.purana.vayu.1.44.26)

udīrṇaṃ dhanadhānyārthairnaravāsaiḥ samantataḥ.  
sanniviṣṭaṃ mahādvīpaṃ paścimaṃ sukṛtātmanām .  
nisargaḥ ketumālānāmeṣa vaḥ parikīrttitaḥ .. 44.25 ..

### [1.44.27](https://indike.org/pramana/in.purana.vayu.1.44.27)

iti śrīmahāpurāṇe vāyuprokte bhuvanavinyāso nāma catuśvatvāriṃśo'dhyāyaḥ .. 44 ..

---
Source: [https://indike.org/pramana/in.purana.vayu.1.44](https://indike.org/pramana/in.purana.vayu.1.44) · Pramāṇa