[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.45 # Vayupurana 1.45: adhyāyaḥ 45 Vāyupurāṇa 1.45 - **Language:** Sanskrit ### adhyāyaḥ 45 ### [1.45.1](https://indike.org/pramana/in.purana.vayu.1.45.1) ..śāṃśapāyana uvāca .. ### [1.45.2](https://indike.org/pramana/in.purana.vayu.1.45.2) pūrvāparau samākhyātau dvau deśau nastvayā prabho. uttarāṇāñca varṣāṇāṃ dakṣiṇānāñca sarvaśaḥ. ācakṣva no yathātathyaṃ ye ca parvatavāsinaḥ .. 45.1 .. ### [1.45.3](https://indike.org/pramana/in.purana.vayu.1.45.3) ..sūta uvāca.. ### [1.45.4](https://indike.org/pramana/in.purana.vayu.1.45.4) dakṣiṇena tu śvetasya nīlasyaivottareṇa tu. varṣaṃ ramaṇakaṃ nāma jāyante tatra mānavāḥ .. 45.2 .. ### [1.45.5](https://indike.org/pramana/in.purana.vayu.1.45.5) sarvartukāmadāḥ sattvā jarādurgandhavarjitāḥ. śukrābhijanasampannāḥ sarve ca priyadarśanāḥ .. 45.3 .. ### [1.45.6](https://indike.org/pramana/in.purana.vayu.1.45.6) tatrāpi sumahān divyo nyagrodho rohiṇo mahān. tasya pītvā phalarasaṃ pibanto varttayantyuta .. 45.4 .. ### [1.45.7](https://indike.org/pramana/in.purana.vayu.1.45.7) daśavarṣasahasrāṇi śatāni daśapañca ca. jīvanti te mahābhāgā sadā hṛṣṭā narottamāḥ .. 45.5 .. ### [1.45.8](https://indike.org/pramana/in.purana.vayu.1.45.8) uttareṇa tu śvetasya śrṛṅgasāhvasya dakṣiṇe. varṣaṃ hiraṇyataṃ nāma yatra hairaṇyatī nadī .. 45.6 .. ### [1.45.9](https://indike.org/pramana/in.purana.vayu.1.45.9) mahābalāḥ sutejaskājāyantetatra mānavāḥ. sarvartukāmadāḥ satvā dhaninaḥ priya darśanāḥ .. 45.7 .. ### [1.45.10](https://indike.org/pramana/in.purana.vayu.1.45.10) ekādaśa sahasrāṇi varṣāṇāṃ te'mitaujasaḥ. āyuṣpramāṇaṃ jīvanti śatāni daśapañca ca .. 45.8 .. ### [1.45.11](https://indike.org/pramana/in.purana.vayu.1.45.11) tasmin varṣe mahāvṛkṣo lakucaḥ ṣaḍrasāśrayaḥ. tasyapītvā phalarasaṃ tatra jīvanti mānavāḥ .. 45.9 .. ### [1.45.12](https://indike.org/pramana/in.purana.vayu.1.45.12) trīṇi śrṛṅgavataḥ śrṛṅgāṇyucchritāni mahānti ca . ekaṃ maṇimayaṃ teṣāmekañcaiva hiraṇyayam. sarvaratna mayaṃ caikaṃ bhavanairupaśobhitam .. 45.10 .. ### [1.45.13](https://indike.org/pramana/in.purana.vayu.1.45.13) uttarasya samudrasya samudrānte ca dakṣiṇe. kuravastatra tadvarṣaṃ puṇyaṃ siddhaniṣevitam .. 45.11 .. ### [1.45.14](https://indike.org/pramana/in.purana.vayu.1.45.14) tatra vṛkṣā madhuphalā nityaṃ puṣpaphalopagāḥ. vastrāṇi ca prasūyante phaleṣvābharaṇāni ca .. 45.12 .. ### [1.45.15](https://indike.org/pramana/in.purana.vayu.1.45.15) sarvakāmaphalāstatra vkacidvṛkṣā manoramāḥ. gandharvāpsarasopetaṃ prakṣaranti madhūttamam .. 45.13 .. ### [1.45.16](https://indike.org/pramana/in.purana.vayu.1.45.16) apare kṣīriṇo nāma vṛkṣāstatra manoramāḥ. ye kṣaranti sadā kṣīraṃ ṣaḍrasaṃ hyamṛtopamam .. 45.14 .. ### [1.45.17](https://indike.org/pramana/in.purana.vayu.1.45.17) sarvā maṇimayī bhūmiḥ sūkṣmakāñcana vālukā. sarvātaḥ sukhasaṃsparśā niṣpaṅkā nīrujā śubhā .. 45.15 .. ### [1.45.18](https://indike.org/pramana/in.purana.vayu.1.45.18) devalokāccyutāstatra jāyante mānavāḥ śubhāḥ. śuklābhijanasampannāḥ sarve ca sthira yauvanāḥ .. 45.16 .. ### [1.45.19](https://indike.org/pramana/in.purana.vayu.1.45.19) mithunāni prasūyante striyaścātimanoharāḥ. te ca taṃ kṣīriṇaṃ vṛkṣaṃ pibanti hyamṛtopamam .. 45.17 .. ### [1.45.20](https://indike.org/pramana/in.purana.vayu.1.45.20) mithunaṃ jāyate sadyaḥ samañcaiva vivarddhate. samaṃ śīlañca rūpaṃ ca mriyante caiva te samam .. 45.18 .. ### [1.45.21](https://indike.org/pramana/in.purana.vayu.1.45.21) anyonyamanuraktāśca cakravākasadharmiṇaḥ. anāmayā hyaśokāśca nityaṃ sukhaniṣeviṇaḥ .. 45.19 .. ### [1.45.22](https://indike.org/pramana/in.purana.vayu.1.45.22) trayodaśa sahasrāṇi śatāni daśapañca ca. jīvanti te mahāvīryā na cānyastrīniṣeviṇaḥ .. 45.20 .. ### [1.45.23](https://indike.org/pramana/in.purana.vayu.1.45.23) kurūṇāmapi caiteṣāṃ śrṛṇudhvaṃ vistareṇa tu. jārudheḥ śailarājasyāpyuttareṇottarasya hi. dikṣu sarvāsu yadyatra kīrtyamānaṃ nibodhata .. 45.21 .. ### [1.45.24](https://indike.org/pramana/in.purana.vayu.1.45.24) anekakandaradarīguhānirjharamaṇḍitau. naikakuñjavanopetau citradhātuvibhūṣitau .. 45.22 .. ### [1.45.25](https://indike.org/pramana/in.purana.vayu.1.45.25) anekadhātukalilau sarvadhātuvibhūṣitau. puṣpamūlaphalopetau siddhacāraṇasevitau .. 45.23 .. ### [1.45.26](https://indike.org/pramana/in.purana.vayu.1.45.26) dvāvapyetau sumahatāvucchritau kula parvatau. tābhyāṃ kūṭaśatairnaikaistaddvīpamupasevitam .. 45.24 .. ### [1.45.27](https://indike.org/pramana/in.purana.vayu.1.45.27) candrakāntaśca śailaśca sūryakāntaśca sānumān . yayormadhye na sā yātā bhadrasomā mahānadī .. 45.25 .. ### [1.45.28](https://indike.org/pramana/in.purana.vayu.1.45.28) sahasraśaśca nadyo'nyāḥ prasannasurasodakāḥ. paryāptodāḥ kurūṇāṃ hi snānapānāvagāhanaiḥ .. 45.26 .. ### [1.45.29](https://indike.org/pramana/in.purana.vayu.1.45.29) tathā'nyāḥ kṣīravāhinyo mahānadyaḥ sahasraśaḥ. madhumaireyavāhinyo ghṛtavāhinya eva ca .. 45.27 .. ### [1.45.30](https://indike.org/pramana/in.purana.vayu.1.45.30) dadhnaḥ śatahradāścānyāstataḥ svādvannaparvataḥ. amṛtasvādukalpāni phalāni vividhāni ca .. 45.28 .. ### [1.45.31](https://indike.org/pramana/in.purana.vayu.1.45.31) gandhavarṇarasāḍhyāni mūlāni ca phalāni ca. pañcayojanamānāni mahāgandhāni sarvaśaḥ .. 45.29 .. ### [1.45.32](https://indike.org/pramana/in.purana.vayu.1.45.32) nānāvarṇaprakārāṇi puṣpāṇi ca sahasraśaḥ. upa bhogasahasrāṇi bhadrāṇi ca mahānti ca .. 45.30 .. ### [1.45.33](https://indike.org/pramana/in.purana.vayu.1.45.33) gandhavarṇarasāḍhyāni sparśopetāni sarvaśaḥ. tamālāgurugandhānāṃ candanānāṃ vanāni ca .. 45.31 .. ### [1.45.34](https://indike.org/pramana/in.purana.vayu.1.45.34) bhramarairupagītāni praphullāni sadaiva ca. vṛkṣagulmalatāḍhayāni vanāni susukhāni ca .. 45.32 .. ### [1.45.35](https://indike.org/pramana/in.purana.vayu.1.45.35) ṣaṭpadairupagītāni dvijaiścānyairdvijottamāḥ. pajhotpalavanāḍhyāni sarāṃsi ca sahasraśaḥ .. 45.33 .. ### [1.45.36](https://indike.org/pramana/in.purana.vayu.1.45.36) bhakṣyamālyasamṛddhāśca bahumālyānulepanāḥ. manoharamukhaiścitraiḥ pakṣisaṅghairnikūjitāḥ .. 45.34 .. ### [1.45.37](https://indike.org/pramana/in.purana.vayu.1.45.37) śayanāsanopabhogāśca anekaguṇavistarāḥ. vihārabhūmayo ramyāḥ sarvartuṣu sukhapradāḥ .. 45.35 .. ### [1.45.38](https://indike.org/pramana/in.purana.vayu.1.45.38) ākrīḍāḥ sarvataḥ sphītāḥ maṇihemapariṣkṛtāḥ. śilāgṛhā vṛkṣagṛhā vareṇyāḥ kadalī gṛhāḥ .. 45.36 .. ### [1.45.39](https://indike.org/pramana/in.purana.vayu.1.45.39) latāgṛhasahasrāṇi susukhāni samantataḥ. śuddhaśaṅkhadalābhāni bhūmiveśmaśatāni ca .. 45.37 .. ### [1.45.40](https://indike.org/pramana/in.purana.vayu.1.45.40) tapanīyagavākṣāṇi māṇijālāntarāṇi ca. suvarṇamaṇicitrāṇi sarvatra vipulāni ca .. 45.38 .. ### [1.45.41](https://indike.org/pramana/in.purana.vayu.1.45.41) mahāvṛkṣasahasrāṇi vareṇyāni ca sarvaśaḥ. nānākārāṇi vāsāṃsi sūkṣmāṇi susukhāni ca .. 45.39 .. ### [1.45.42](https://indike.org/pramana/in.purana.vayu.1.45.42) mṛdaṅga veṇupaṇavavīṇādyā bahuvistarāḥ. phalanti kalpavṛkṣāṇāṃ sahasrāṇi śatāni ca .. 45.40 .. ### [1.45.43](https://indike.org/pramana/in.purana.vayu.1.45.43) sarvatraiva tathodyānaṃ sarvatraiva hi tatpuram. sarvadvīpapramuditaṃ naranārī samākulam. pravāti cānilastatra nānāpuṣpādhivāsitaḥ .. 45.42 .. ### [1.45.44](https://indike.org/pramana/in.purana.vayu.1.45.44) nityamaṅgasukhāhlādastasmin dvīpe śramāpahe . tatra svargaparibhraṣṭā jāyante hi narāḥ sadā. bhaumaṃ tadapi hi svargaṃ tatrāpi ca guṇottamam .. 45.42 .. ### [1.45.45](https://indike.org/pramana/in.purana.vayu.1.45.45) candrakāntā naravarāḥ śyāmāṅkāḥ pūrvakūlajāḥ. śyāmāvadātāḥ sukhinaḥ sūryakāntā varāḥ prajāḥ .. 45.43 .. ### [1.45.46](https://indike.org/pramana/in.purana.vayu.1.45.46) tasmin deśe narāḥ śreṣṭhā devasattvaparākramāḥ. sadā vihāriṇaḥ sarve kāmavṛttyā suvarcasaḥ .. 45.44 .. ### [1.45.47](https://indike.org/pramana/in.purana.vayu.1.45.47) valayāṅgadakeyūrahārakuṇḍalabhūṣitāḥ . sragviṇaścitra mukuṭāścitrācchādanavāsasaḥ .. 45.45 .. ### [1.45.48](https://indike.org/pramana/in.purana.vayu.1.45.48) ajīrṇayauvanadharāḥ supriyāḥ priyadarśanāḥ. prajā varṣasahasrāṇi jīvanti subahūnyuta .. 45.46 .. ### [1.45.49](https://indike.org/pramana/in.purana.vayu.1.45.49) na tāḥ prasavadharmiṇyo na vaṃśaprakṣayo vidhiḥ. mithunaṃ jāyate vṛkṣādupakṣamamanīdṛśam .. 45.47 .. ### [1.45.50](https://indike.org/pramana/in.purana.vayu.1.45.50) sāmānyavibhavāḥ sarve mamatvaparivarjitāḥ. na tatra vidyate dharmo nādharmaḥ sampravarttate .. 45.48 .. ### [1.45.51](https://indike.org/pramana/in.purana.vayu.1.45.51) na vyadhirna jarā tatra na durmedhā na ca klamaḥ. pūrṇe kāle vinaśyanti jalabudbudavacca te .. 45.49 .. ### [1.45.52](https://indike.org/pramana/in.purana.vayu.1.45.52) evamatyantasukhinaḥ sarvaduḥkhavivarjitāḥ. raktā dharmaṃ na paśyanti duḥkhāddharmo'bhijāyate .. 45.50 .. ### [1.45.53](https://indike.org/pramana/in.purana.vayu.1.45.53) uttarāṇāṃ kurūṇāntu pārśve jñeyantu dakṣiṇe. samudramūrmimālāḍhyaṃ nānāsvaravibhūṣitam .. 45.51 .. ### [1.45.54](https://indike.org/pramana/in.purana.vayu.1.45.54) pañcayojanasāhasramatikramya surālayam. candradvīpamiti khyātaṃ cadramaṇḍalasaṃsthitam .. 45.52 .. ### [1.45.55](https://indike.org/pramana/in.purana.vayu.1.45.55) sahasrayojanānāntu sarvataḥ parimaṇḍalam. nānā puṣpaphalopetaṃ samṛddhyā parayā yutam. śatayojanavistīrṇamucchritaṃ tāvadeva tu .. 45.53 .. ### [1.45.56](https://indike.org/pramana/in.purana.vayu.1.45.56) tasya madhye girivaraḥ siddhacāraṇasevitaḥ. candra tulyaprabhaiḥ kāntaiścandrākāraiḥ sulakṣaṇaiḥ .. 45.54 .. ### [1.45.57](https://indike.org/pramana/in.purana.vayu.1.45.57) śvetavaiḍhūryakumudaiścitro'sau kumudaprabhaḥ. anekacitrakodyāno naikanirjharakandaraḥ. mahāsānudarīkuñjairvividhaiḥ samalaṃkṛtaḥ .. 45.55 .. ### [1.45.58](https://indike.org/pramana/in.purana.vayu.1.45.58) tasmācchailānmahāpuṇyā candrāṃśuvimalodakā. pravahatyuttamanadī candrāvarttā taraṅgiṇī .. 45.56 .. ### [1.45.59](https://indike.org/pramana/in.purana.vayu.1.45.59) tatra candramasaḥ sthānaṃ nakṣatrādhipatervaram. sadā'vatarate tatra candramā grahanāyakaḥ .. 45.57 .. ### [1.45.60](https://indike.org/pramana/in.purana.vayu.1.45.60) tatra candramaso nāmnā śailaḥ sa tu pariśrutaḥ. candradvīpaṃ mahādvīpaṃ prakāśaṃ divi ceha ca .. 45.58 .. ### [1.45.61](https://indike.org/pramana/in.purana.vayu.1.45.61) tatra candrapratīkāśāḥ pūrṇacandranibhānanāḥ. candrakāntāḥ prajāḥ sarvā vimalāścandradaivatāḥ .. 45.59 .. ### [1.45.62](https://indike.org/pramana/in.purana.vayu.1.45.62) atyantadhārmikāḥ saumyāḥ satyasandhāḥ sutejasaḥ. prajāstatra sadācārā daśavarṣaśatāyuṣaḥ .. 45.60 .. ### [1.45.63](https://indike.org/pramana/in.purana.vayu.1.45.63) paścimena tu dvīpasya paścimasya prakīrttitam. caturyojanasāhasraṃ samatītya mahodadhim .. 45.61 .. ### [1.45.64](https://indike.org/pramana/in.purana.vayu.1.45.64) daśayojanasāhasraṃ samantāt parimaṇḍalam. dvīpaṃ bhadrākaraṃ nāma nānāpuṣpopaśobhitam .. 45.62 .. ### [1.45.65](https://indike.org/pramana/in.purana.vayu.1.45.65) prabhūtadhanadhānyāḍhyamanekanṛpapālitam . nityaṃ pramuditaṃ sphītaṃ mahāśailaiśca śobhitam .. 45.63 .. ### [1.45.66](https://indike.org/pramana/in.purana.vayu.1.45.66) tatra bhadrāsanaṃ vāyornānāratnaiśca maṇḍitam. tatra vigrahavān vāyuḥ sadā parvasu pūjyate .. 45.64 .. ### [1.45.67](https://indike.org/pramana/in.purana.vayu.1.45.67) tapanīyasuvarṇābhāstapanīyavibhūṣitāḥ. virājante'mara prakhyāstatra citrāmbarasrajaḥ .. 45.65 .. ### [1.45.68](https://indike.org/pramana/in.purana.vayu.1.45.68) vīryavanto mahābhāgāḥ pañcavarṣaśatāyuṣaḥ. satyasandhā mudā yuktāḥ prajāstā vāyudaivatāḥ .. 45.66 .. ### [1.45.69](https://indike.org/pramana/in.purana.vayu.1.45.69) ..sūta uvāca.. ### [1.45.70](https://indike.org/pramana/in.purana.vayu.1.45.70) evameva nisargo'yaṃ varṣāṇāṃ bhārate yuge. dṛṣṭaḥ paramatattvajñairbhūyaḥ kiṃ kīrttayāmi te .. 45.67 .. ### [1.45.71](https://indike.org/pramana/in.purana.vayu.1.45.71) ākhyāte tvevamṛṣayaḥ sūtaputreṇa dhīmatā. uttaraśravaṇe bhūyaḥ papracchustadanantaram .. 45.68 .. ### [1.45.72](https://indike.org/pramana/in.purana.vayu.1.45.72) ..ṛṣaya ūcuḥ. yadidaṃ bhārataṃ varṣa yasmin svāyambhuvādayaḥ. caturdaśaite manavaḥ prajāsarge bhavantyuta .. 45.69 .. ### [1.45.73](https://indike.org/pramana/in.purana.vayu.1.45.73) etadveditumicchāmastanno nigada sattama. etat śrutvā vacasteṣāmabravīllomaharṣaṇaḥ .. 45.70 .. ### [1.45.74](https://indike.org/pramana/in.purana.vayu.1.45.74) paurāṇikastadā sūta ṛṣīṇāṃ bhāvitātmanām . eta dvistarato bhūyastānuvāca samāhitaḥ .. 45.71 .. ### [1.45.75](https://indike.org/pramana/in.purana.vayu.1.45.75) ..sūta uvāca.. ### [1.45.76](https://indike.org/pramana/in.purana.vayu.1.45.76) nisarga eṣa vikhyātaḥ kurūṇāntu yathārthavat. bhāratasya tu vakṣyāmi nisargaṃ taṃ nibodhata .. 45.72 .. ### [1.45.77](https://indike.org/pramana/in.purana.vayu.1.45.77) puṇyatīrthe himavato dakṣiṇasyācalasya hi. pūrvapaścāyatasyāsya dakṣiṇena dvijottamāḥ .. 45.73 .. ### [1.45.78](https://indike.org/pramana/in.purana.vayu.1.45.78) tathā janapadānāṃ ca vistaraṃ śrotumarhatha. atra vo varṇayiṣyāmi varṣe'smin bhārate prajāḥ .. 45.74 .. ### [1.45.79](https://indike.org/pramana/in.purana.vayu.1.45.79) idaṃ tu madhyamaṃ citraṃ śubhāśubhaphalodayam. uttaraṃ yatsamudrasya himavaddakṣiṇaṃ ca yat .. 45.75 .. ### [1.45.80](https://indike.org/pramana/in.purana.vayu.1.45.80) varṣaṃ yadbhārataṃ nāma yatreyaṃ bhāratī prajā. bharaṇāñca prajānāṃ vai manurbharata ucyate. niruktavacanāccaiva varṣaṃ tadbhārataṃ smṛtam .. 45.76 .. ### [1.45.81](https://indike.org/pramana/in.purana.vayu.1.45.81) tataḥ svargaśca mokṣaśca madhyaśrāntaśca gamyate. na khalvanyatra marttyānāṃ bhūmau karma vidhīyate .. 45.77 .. ### [1.45.82](https://indike.org/pramana/in.purana.vayu.1.45.82) bhāratasyāsya varṣasya nava bhedāḥ prakīrtitāḥ. samudrāntaritā jñeyāste tvagamyāḥ parasparam .. 45.78 .. ### [1.45.83](https://indike.org/pramana/in.purana.vayu.1.45.83) indradvīpaḥ kaseruśca tāmravarṇo gabhastimān. nāgadvīpastathā saumyo gandharvastvatha vāruṇaḥ .. 45.79 .. ### [1.45.84](https://indike.org/pramana/in.purana.vayu.1.45.84) ayantu navamasteṣāṃ dvīpaḥ sāgarasaṃvṛtaḥ. yojanāṃnāṃ sahasraṃ tu dvīpo'yaṃ dakṣiṇottaram .. 45.80 .. ### [1.45.85](https://indike.org/pramana/in.purana.vayu.1.45.85) āyato hyākumārikyādāṅgāprabhavācca vai. tiryaguttaravistīrṇaḥ sahasrāṇi navaiva tu .. 45.81 .. ### [1.45.86](https://indike.org/pramana/in.purana.vayu.1.45.86) dvīpo hyupaniviṣṭo'yaṃ mlecchairanteṣu nityaśaḥ. pūrve kirātā hyasyānte paścime yavanāḥ smṛtāḥ .. 45.82 .. ### [1.45.87](https://indike.org/pramana/in.purana.vayu.1.45.87) brāhmaṇāḥ kṣatriyā vaiśyā madhye śūdrāśca bhāgaśaḥ. ijyāyuddhavaṇijyābhirvarttayanto vyavasthitāḥ .. 45.83 .. ### [1.45.88](https://indike.org/pramana/in.purana.vayu.1.45.88) teṣāṃ saṃvyavahāro'yaṃ varttate tu parasparam. dharmārthakāmasaṃyukto varṇānāṃ tu svakarmasu .. 45.84 .. ### [1.45.89](https://indike.org/pramana/in.purana.vayu.1.45.89) saṅkalpapañcamānāṃ tu āśramāṇāṃ yathāvidhi. iha svargāpavargārthaṃ pravṛttiryeṣu mānuṣī .. 45.85 .. ### [1.45.90](https://indike.org/pramana/in.purana.vayu.1.45.90) yastvayaṃ navamo dvīpastiryagāyata ucyate. kṛtsnaṃ jayati yo hyenaṃ sa samrāḍiha kīrttyate .. 45.86 .. ### [1.45.91](https://indike.org/pramana/in.purana.vayu.1.45.91) ayaṃ lokastu vai samrāḍantarikṣo virāṭ smṛtaḥ. svarāḍanyaḥ smṛto lokaḥ punarvakṣyāmi vistaram .. 45.87 .. ### [1.45.92](https://indike.org/pramana/in.purana.vayu.1.45.92) sapta cāsmin suparvāṇo viśrutāḥ kulaparvatāḥ. mahendro malayaḥ sahyaḥ śuktimānṛkṣaparvataḥ. vindhyaśca pāriyātraśca saptaite kulaparvatāḥ .. 45.88 .. ### [1.45.93](https://indike.org/pramana/in.purana.vayu.1.45.93) teṣāṃ sahasraśaścānye parvatāstu samīpagāḥ. abhijātāḥ sarvaguṇā vipulāścitrasānavaḥ .. 45.89 .. ### [1.45.94](https://indike.org/pramana/in.purana.vayu.1.45.94) mandaraḥ parvata śreṣṭho vaihāro dardurastathā. kolāhalaḥ sasurasaḥ maināko vaidyutastathā .. 45.90 .. ### [1.45.95](https://indike.org/pramana/in.purana.vayu.1.45.95) pātandhamo nāma giristathā pāṇḍuraparvataḥ. gantuprasthaḥ kṛṣṇagirirgodhano girireva ca .. 45.91 .. ### [1.45.96](https://indike.org/pramana/in.purana.vayu.1.45.96) puṣpagiryujjayantau ca śailo raivatakastathā. śrīparvataśca kāruśca kūṭaśailo giristathā .. 45.92 .. ### [1.45.97](https://indike.org/pramana/in.purana.vayu.1.45.97) anye tebhyaḥ parijñātā hrasvāḥ svalpopajīvinaḥ. tairvimiśrā jatapadā āryamlecchāśca nityaśaḥ .. 45.93 .. ### [1.45.98](https://indike.org/pramana/in.purana.vayu.1.45.98) pīyante yairimā nadyo gaṅgā sindhuḥ sarasvatī. śatadruścandrabhāgā ca yamunā sarayūstathā .. 45.94 .. ### [1.45.99](https://indike.org/pramana/in.purana.vayu.1.45.99) irāvatī vitastā ca vipāśā devikā kuhūḥ . gomatī dhutapāpā ca bāhudā ca dṛṣadvatī .. 45.95 .. ### [1.45.100](https://indike.org/pramana/in.purana.vayu.1.45.100) kauśikī ca tṛtīyā tu niścīrā gaṇḍakī tathā. ikṣu rlohita ityetā himavatpādaniḥsṛtāḥ .. 45.96 .. ### [1.45.101](https://indike.org/pramana/in.purana.vayu.1.45.101) vedasmṛtirvedavatī vṛtraghnī sindhureva ca. varṇāśā candanā caiva satīrā mahatī tathā .. 45.97 .. ### [1.45.102](https://indike.org/pramana/in.purana.vayu.1.45.102) parā carmmaṇvatī caiva vidiśā vetravatyapi. śiprā hyavantī ca tathā pāriyātrāśrayāḥ smṛtāḥ .. 45.98 . śoṇo mahānadaścaiva narmadā sumahādrumā. mandākinī daśārṇā ca citrakūṭā tathaiva ca .. 45.99 .. ### [1.45.103](https://indike.org/pramana/in.purana.vayu.1.45.103) tamasā pippalā śroṇī karatoyā piśācikā. nīlotpalā vipāśā ca jambulā vāluvāhinī .. 45.100 .. ### [1.45.104](https://indike.org/pramana/in.purana.vayu.1.45.104) siterajā śuktimatī makuṇā tridivā kramāt . ṛkṣapādāt prasūtāstā nadyo maṇinibhodakāḥ .. 45.101 .. ### [1.45.105](https://indike.org/pramana/in.purana.vayu.1.45.105) tāpī payoṣṇī nirvindhyā madrā ca niṣadhā nadī. venvā vaitaraṇī caiva śitibāhuḥ kumudvatī .. 45.102 .. ### [1.45.106](https://indike.org/pramana/in.purana.vayu.1.45.106) toyā caiva mahāgaurī durgā cāntaśilā tathā. vindhyapādaprasūtāśca nadyaḥ puṇyajalāḥ śubhāḥ .. 45.103 .. ### [1.45.107](https://indike.org/pramana/in.purana.vayu.1.45.107) godāvarī bhīmarathī kṛṣṇā vaiṇyatha vañjulā. tuṅgabhadrā suprayogā kāverī ca tathāpagā. dakṣiṇāpathanadyastu sahyapādādviniḥsṛtāḥ .. 45.104 .. ### [1.45.108](https://indike.org/pramana/in.purana.vayu.1.45.108) kṛtamālā tāmravarṇā puṣpajātyutpalāvatī. malayābhijātāstā nadyaḥ sarvāḥ śītajalāḥ śubhāḥ .. 45.105 .. ### [1.45.109](https://indike.org/pramana/in.purana.vayu.1.45.109) trisāmā ṛtukulyā ca ikṣulā tridivā ca yā. lāṅgulinī vaṃśadharā mahendratanayāḥ smṛtāḥ .. 45.106 .. ### [1.45.110](https://indike.org/pramana/in.purana.vayu.1.45.110) ṛṣīkā sukumārī ca mandagā mandavāhinī. kūpā palāśinī caiva śuktimatprabhavāḥ smṛtāḥ .. 45.107 .. ### [1.45.111](https://indike.org/pramana/in.purana.vayu.1.45.111) sarvāḥ puṇyāḥ sarasvatyaḥ sarvā gaṅgāḥ samudragāḥ . viśvasya mātaraḥ sarvā jagatpāpaharāḥ smṛtāḥ .. 45.108 .. ### [1.45.112](https://indike.org/pramana/in.purana.vayu.1.45.112) tāsāṃ nadyupanadyo'pi śataśo'tha sahasraśaḥ. tāstvime kurupāñcālāḥ śālvāścaiva sajāṅgalāḥ .. 45.109 .. ### [1.45.113](https://indike.org/pramana/in.purana.vayu.1.45.113) śūrasenā bhadrakārā bodhāḥ śatapatheśvaraiḥ. vatsāḥ kisaṣṇāḥ kulyāś ca kuntalāḥ kāśikośalāḥ .. 45.110 .. ### [1.45.114](https://indike.org/pramana/in.purana.vayu.1.45.114) atha pārśve tilaṅgāśca magadhāśca vṛkaiḥ saha. madhyadeśā janapadāḥ prāyaśo'mī prakīrtitāḥ .. 45.111 .. ### [1.45.115](https://indike.org/pramana/in.purana.vayu.1.45.115) sahyasya cottarārddhe tu yatra godāvarī nadī. pṛthivyāmiha kṛtsnāyāṃ sapradeśo manoramaḥ .. 45.112 .. ### [1.45.116](https://indike.org/pramana/in.purana.vayu.1.45.116) tatra govarddhano nāma surarājena nirmitaḥ. rāmapriyārthaṃ svargo'yaṃ vṛkṣā oṣadhayastathā .. 45.113 .. ### [1.45.117](https://indike.org/pramana/in.purana.vayu.1.45.117) bharadvājena muninā tatpriyārthe'vatāritāḥ. antaḥpuravanoddeśastena jajñe manoramaḥ .. 45.114 .. ### [1.45.118](https://indike.org/pramana/in.purana.vayu.1.45.118) vāhlīkā vāḍhadhānāśca ābhīrāḥ kālatoyakāḥ. aparītāśca śūdrāśca pahnavāścarmakhaṇḍikāḥ .. 45.115 .. ### [1.45.119](https://indike.org/pramana/in.purana.vayu.1.45.119) gāndhārā yavanāścaiva sindhusauvīrabhadrakāḥ. śakā hradāḥ kulindāśca paritā hārapūrikāḥ .. 45.116 .. ### [1.45.120](https://indike.org/pramana/in.purana.vayu.1.45.120) ramaṭā raddhakaṭakāḥ kekayā daśamānikāḥ. kṣatriyopaniveśāśca vaiśyaśūdrakulāni ca .. 45.117 .. ### [1.45.121](https://indike.org/pramana/in.purana.vayu.1.45.121) kāmbojā daradāścaiva barbarāḥ priyalaukikāḥ. pīnāścaiva tuṣārāśca pahlavā bāhyatodarāḥ .. 45.118 .. ### [1.45.122](https://indike.org/pramana/in.purana.vayu.1.45.122) ātreyāśca bharadvājāḥ prasthalāśca kaserukāḥ. lampākā stanapāścaiva pīḍikā juhuḍaiḥ saha .. 45.119 .. ### [1.45.123](https://indike.org/pramana/in.purana.vayu.1.45.123) apagāścālimadrāśca kirātānāñca jātayaḥ. tomarā haṃsamārgāśca kāśmīrāstaṅgaṇāstathā .. 45.120 .. ### [1.45.124](https://indike.org/pramana/in.purana.vayu.1.45.124) cūlikāścāhukāścaiva pūrṇadarvāstathaiva ca. ete deśā hyudīcyāśca prācyān deśānnibodhata .. 45.121 .. ### [1.45.125](https://indike.org/pramana/in.purana.vayu.1.45.125) andhravākāḥ sujarakā antargiribahirgirāḥ. tathā pravaṅgavaṅgeyā māladā mālavartinaḥ .. 45.122 .. ### [1.45.126](https://indike.org/pramana/in.purana.vayu.1.45.126) brahmottarāḥ pravijayā bhārgavā geyamarthakāḥ. prāgjyotiṣāśca muṇḍāśca videhāstāmaliptakāḥ. mālā magadhagovindāḥ prācyāṃ janapadāḥ smṛtāḥ .. 45.123 .. ### [1.45.127](https://indike.org/pramana/in.purana.vayu.1.45.127) athāpare janapadā dakṣiṇāpatha vāsinaḥ . pāṇḍyāśca keralāścaiva caulyāḥ kulyāstathaiva ca .. 45.124 .. ### [1.45.128](https://indike.org/pramana/in.purana.vayu.1.45.128) setukā mūṣikāścaiva kumanā vanavāsikāḥ. mahārāṣṭrā māhiṣakāḥ kaliṅgāścaiva sarvaśaḥ .. 45.125 .. ### [1.45.129](https://indike.org/pramana/in.purana.vayu.1.45.129) abhīrāḥ saha caiṣīkāḥ āṭavyāśca varāśca ye. pulindrā vindhyamūlīkā vaidarbā daṇḍakaiḥ saha .. 45.126 .. ### [1.45.130](https://indike.org/pramana/in.purana.vayu.1.45.130) paunikā maunikāścaiva asmakā bhogavarddhanāḥ. nairmikāḥ kuntalā āndhrā udbhidā nalakālikāḥ .. 45.127 .. ### [1.45.131](https://indike.org/pramana/in.purana.vayu.1.45.131) dākṣiṇātyāśca vai deśā aparāṃstānnibodhata. śūrpākārāḥ kolavanāḥ durgāḥ kālītakaiḥ saha .. 45.128 .. ### [1.45.132](https://indike.org/pramana/in.purana.vayu.1.45.132) puleyāśca surālāśca rūpasāstāpasaiḥ saha. tathā turasitāścaiva sarve caiva parakṣarāḥ .. 45.129 .. ### [1.45.133](https://indike.org/pramana/in.purana.vayu.1.45.133) nāsikyādyośca ye cānye ye caivāntaranarmadāḥ. bhānukacchāḥ samā heyāḥ sahasā śāśvatairapi .. 45.130 .. ### [1.45.134](https://indike.org/pramana/in.purana.vayu.1.45.134) kacchīyāśca surāṣṭrāśca anarttāścārbudaiḥ saha. ityete samparītāśca śrṛṇudhvaṃ vindhyavāsinaḥ .. 45.131 .. ### [1.45.135](https://indike.org/pramana/in.purana.vayu.1.45.135) mālavāśca karūṣāśca mekalāścotkalaiḥ saha. uttamarṇā daśārṇāśca bhojāḥ kiṣkindhakaiḥ saha .. 45.132 .. ### [1.45.136](https://indike.org/pramana/in.purana.vayu.1.45.136) tosalāḥ kosalāścaiva traipurā vaidikāstathā. tumurāstumburāścaiva ṣaṭsurā niṣadhaiḥ saha .. 45.133 .. ### [1.45.137](https://indike.org/pramana/in.purana.vayu.1.45.137) anupāstuṇḍikerāśca vītihotrā hyavantayaḥ. ete janapadāḥ sarve vindhya pṛṣṭhanivāsinaḥ .. 45.134 .. ### [1.45.138](https://indike.org/pramana/in.purana.vayu.1.45.138) ato deśān pravakṣyāmi parvatāśrayiṇaśca ye. nigarharā haṃsamārgāḥ kṣupaṇāstaṅgaṇāḥ khasāḥ .. 45.135 .. ### [1.45.139](https://indike.org/pramana/in.purana.vayu.1.45.139) kuśaprāvaraṇāścaiva hūṇā darvāḥ sahūdakāḥ. trigarttā mālavāścaiva kirātāstāmasaiḥ saha .. 45.136 .. ### [1.45.140](https://indike.org/pramana/in.purana.vayu.1.45.140) catvāri bhārate varṣe yugāni kavayo viduḥ. kṛtaṃ tretā dvārapañca kaliśceti catuṣṭayam. teṣāṃ nisargaṃ vakṣyāmi upariṣṭānnibodhata .. 45.137 .. ### [1.45.141](https://indike.org/pramana/in.purana.vayu.1.45.141) iti śrīmahāpurāṇe vāyuprokte bhuvanavinyāso nāma pañcacatvā riṃśo'dhyāyaḥ .. 45 .. ## Linked texts (12) - [Brahmāṇḍapurāṇa](https://indike.org/pramana/in.purana.brahmanda.1.15.61) — Vyāsa, Sanskrit - [Matsyapurāṇa](https://indike.org/pramana/in.purana.matsya.113.67) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.57.5) — Vyāsa, Sanskrit - [Vāmanapurāṇa](https://indike.org/pramana/in.purana.vamana.13.12) — Vyāsa, Sanskrit - [Varāhapurāṇa](https://indike.org/pramana/in.purana.varaha.84.1) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.52.20) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.3.9) — Sanskrit - [Bhṛgusaṃhitā](https://indike.org/pramana/in.astro.samhita.rsi.bhrgusamhita.35.112) — Bhṛgu, Sanskrit - [Prakīrṇādhikāra](https://indike.org/pramana/in.sampradaya.vaisnava.vaikhanasa.bhrgu.prakirnadhikara.35.110) — Bhṛgu, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p34) — Mitramiśra, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.58.20) — Ativīrarāma Pāṇṭiyar 1500, Sanskrit - [Kālaviveka](https://indike.org/pramana/in.niti.dharma.nibandha.kalaviveka.76.33.p1.14) — Jīmūtavāhana, Sanskrit --- Source: [https://indike.org/pramana/in.purana.vayu.1.45](https://indike.org/pramana/in.purana.vayu.1.45) · Pramāṇa