[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.46 # Vayupurana 1.46: adhyāyaḥ 46 Vāyupurāṇa 1.46 - **Language:** Sanskrit ### adhyāyaḥ 46 ### [1.46.1](https://indike.org/pramana/in.purana.vayu.1.46.1) ..sūta uvāca.. ### [1.46.2](https://indike.org/pramana/in.purana.vayu.1.46.2) etacchrutvā tu ṛṣaya uttaraṃ punareva te. śuśrūṣavo mudā yuktāḥ papracchurlomaharṣaṇam .. 46.1 .. ### [1.46.3](https://indike.org/pramana/in.purana.vayu.1.46.3) ..ṛṣaya ūcuḥ.. ### [1.46.4](https://indike.org/pramana/in.purana.vayu.1.46.4) yacca kimpuruṣaṃ varṣaṃ harivarṣaṃ tathaiva ca. ācakṣva no yathātattvaṃ kīrttitaṃ bhārataṃ tvayā .. 46.2 .. ### [1.46.5](https://indike.org/pramana/in.purana.vayu.1.46.5) pṛṣṭatsvidaṃ yathā viprairyathā praśraṃ viśeṣataḥ. uvāca muninirdiṣṭaṃ purāṇaṃ vihitaṃ yathā .. 46.3 .. ### [1.46.6](https://indike.org/pramana/in.purana.vayu.1.46.6) ..sūta uvāca.. ### [1.46.7](https://indike.org/pramana/in.purana.vayu.1.46.7) śuśrūṣā yatra vo viprāstacchṛṇudhvaṃ mudā yutāḥ. pukṣakhaṇḍaḥ kimpuruṣe sumahānnandanopamaḥ .. 46.4 .. ### [1.46.8](https://indike.org/pramana/in.purana.vayu.1.46.8) daśavarṣasahasrāṇi sthitiḥ kimpuruṣe smṛtā. suvarṇavarṇāśca narāḥ striyaścāpsarasopamāḥ .. 46.5 .. ### [1.46.9](https://indike.org/pramana/in.purana.vayu.1.46.9) anāmayā hyaśokāśca sarve te śuddhamānasāḥ. jāyante mānavāstatra nistaptakanakaprabhāḥ .. 46.6 .. ### [1.46.10](https://indike.org/pramana/in.purana.vayu.1.46.10) varṣe kimpuruṣe puṇye plakṣo madhuvahaḥ śubhaḥ. tasya kimpuruṣāḥ sarve pibanti rasamuttamam .. 46.7 .. ### [1.46.11](https://indike.org/pramana/in.purana.vayu.1.46.11) ataḥparaṃ kiṃ puruṣāddharivarṣaḥ pracakṣyate. mahārajatasaṅkāśā jāyante tatra mānavāḥ .. 46.8 .. ### [1.46.12](https://indike.org/pramana/in.purana.vayu.1.46.12) devalokāccyutāḥ sarve devarūpāśca sarvaśaḥ. harivarṣe narāḥ sarve pibantīkṣurasaṃ śubham .. 46.9 .. ### [1.46.13](https://indike.org/pramana/in.purana.vayu.1.46.13) ekādaśa sahasrāṇi varṣāṇāṃ tu mudā yutāḥ. harivarṣe tu jīvanti sarve muditamānasāḥ. na jarā bādhate tatra jīryanti na ca te narāḥ .. 46.10 .. ### [1.46.14](https://indike.org/pramana/in.purana.vayu.1.46.14) madhyamaṃ yanmayā proktaṃ nāmnā varṣamilāvṛtam. na tatra sūryastapati na ca jīryanti mānavāḥ .. 46.11 .. ### [1.46.15](https://indike.org/pramana/in.purana.vayu.1.46.15) candrasūryau sanakṣatrāvaprakāśāvilāvṛte . padmavarṇāḥ padma prabhāḥ padmapatranibhekṣaṇāḥ. pakṣapatrasugandhāśca jāyante tatra mānavāḥ .. 46.12 .. ### [1.46.16](https://indike.org/pramana/in.purana.vayu.1.46.16) jambūrasaphalāhārā hyaniṣpandāḥ sugandhinaḥ. manasvino bhuktabhogāḥ satkarmaphalabhoginaḥ .. 46.13 .. ### [1.46.17](https://indike.org/pramana/in.purana.vayu.1.46.17) devalokāccyutāḥ sarve jāyante hyajarāmarāḥ. trayodaśasahasrāṇi varṣāṇānte narottamāḥ .. 46.14 .. ### [1.46.18](https://indike.org/pramana/in.purana.vayu.1.46.18) āyuṣpramāṇaṃ jīvanti te tu varṣe tvilāvṛte . meroḥ pratidiśaṃ te tu navasāhasravistṛte .. 46.15 .. ### [1.46.19](https://indike.org/pramana/in.purana.vayu.1.46.19) yojanānāṃ sahasrāṇi ṣaḍ‌viṃśastasya vistaraḥ. caturasraḥ samantācca śarāvākāra saṃsthitaḥ .. 46.16 .. ### [1.46.20](https://indike.org/pramana/in.purana.vayu.1.46.20) merostu paścime bhāge navasāhasrasaṃmite. catustriṃśatsahasrāṇi gandhamādanaparvataḥ .. 46.17 .. ### [1.46.21](https://indike.org/pramana/in.purana.vayu.1.46.21) udagdakṣiṇataścaiva ānīlaniṣadhāyataḥ. catvāriṃśatsahasrāṇi parivṛddho mahītalāt. sahasramavagāḍhastu tāvadeva tu dhiṣṭhitaḥ .. 46.18 .. ### [1.46.22](https://indike.org/pramana/in.purana.vayu.1.46.22) pūrveṇa mālyavān śailastatpramāṇaḥ prakīrtitaḥ. dakṣiṇena tu nīlasya niṣadhasyottareṇa tu .. 46.19 .. ### [1.46.23](https://indike.org/pramana/in.purana.vayu.1.46.23) teṣāṃ madhye mahāmeruḥ supramāṇaḥ prakīrtitaḥ. sarveṣāmeva śailānāmavagāḍho yathā bhavet .. 46.20 .. ### [1.46.24](https://indike.org/pramana/in.purana.vayu.1.46.24) vistarastatpramāṇaḥ syādāyāme niyutaḥ smṛtaḥ. vṛttabhāvāt samudrasya mahīmaṇḍalabhāvanaḥ .. 46.21 .. ### [1.46.25](https://indike.org/pramana/in.purana.vayu.1.46.25) āyāmāḥ parihīyante caturasrāḥ samastataḥ. anāvṛttāścatuṣkeṇa bhidyante madhyamāgatāḥ .. 46.22 .. ### [1.46.26](https://indike.org/pramana/in.purana.vayu.1.46.26) prabhinnāñjanasaṅkāśā jambūrasavatī nadī. merostu dakṣiṇe pārśve niṣadhasyottareṇa tu .. 45.23 .. ### [1.46.27](https://indike.org/pramana/in.purana.vayu.1.46.27) sudarśano nāma mahājambūvṛkṣaḥ sanātanaḥ. nityapuṣpaphalopetaḥ siddhacāraṇasevitaḥ .. 46.24 .. ### [1.46.28](https://indike.org/pramana/in.purana.vayu.1.46.28) tasya nāmnā samākhyāto jambūdvīpe vanaspatiḥ. yojanānāṃ sahasraṃ tu śatacānyamahādrumaḥ. utsedho vṛkṣarājaspa divaṃ spṛśati sarvaśaḥ .. 46.25 .. ### [1.46.29](https://indike.org/pramana/in.purana.vayu.1.46.29) aratnīnāṃ śatānyaṣṭau ekaṣaṣṭyadhikāni tu. phalapramāṇaṃ saṃkhyātamṛṣibhistattvadarśibhiḥ .. 46.26 .. ### [1.46.30](https://indike.org/pramana/in.purana.vayu.1.46.30) patamānāni tānyurvyāṃ kurvanti vipulaṃ svanam. tasyā jambvāḥ phalaraso nadībhūya prasarpati .. 46.27 .. ### [1.46.31](https://indike.org/pramana/in.purana.vayu.1.46.31) meruṃ pradakṣiṇīkṛtya jambū vṛkṣaṃviśatyadhaḥ. te pibanti sadā hṛṣṭā jambūrasaphalāvṛtāḥ .. 46.28 .. ### [1.46.32](https://indike.org/pramana/in.purana.vayu.1.46.32) jambūrasaphalaṃ pītvā na jarāṃ prāpnuvanti te. na ca dhruvaṃ na rogaṃ tu na ca mṛtyuṃ tathāvidham .. 46.29 .. ### [1.46.33](https://indike.org/pramana/in.purana.vayu.1.46.33) tatra jāmbūnadaṃ nāma kanakaṃ devabhūṣaṇam. indragopakaśaṅkāśaṃ jāyate bhāsvarantu tat .. 46.30 .. ### [1.46.34](https://indike.org/pramana/in.purana.vayu.1.46.34) sarveṣāṃ varṣavṛkṣāṇāṃ śubhaḥ phalarasastu saḥ. skannaṃ bhavati tacchukraṃ kanakaṃ devabhūṣaṇam .. 46.31 .. ### [1.46.35](https://indike.org/pramana/in.purana.vayu.1.46.35) teṣāṃ mūtraṃ purīṣañca dikṣu sarvāsu bhāgaśaḥ. īśvarānugrahādbhūmirmṛtāṃśca grasate tu tān .. 46.32 .. ### [1.46.36](https://indike.org/pramana/in.purana.vayu.1.46.36) rakṣaḥ piśācā yakṣāśca sarve haimavatāḥ smṛtāḥ. hemakūṭe tu gandharvā vijñeyāḥ sāpsarogaṇāḥ .. 46.33 .. ### [1.46.37](https://indike.org/pramana/in.purana.vayu.1.46.37) sarve nāgāstu niṣadhe śeṣavāsukitakṣakāḥ. mahāmerau trayastriṃśadbhramante yājñikāḥ surāḥ . nīle tu vaiḍūryamaye siddhabrahmarṣayo matāḥ .. 46.34 .. ### [1.46.38](https://indike.org/pramana/in.purana.vayu.1.46.38) daityānāṃ dānavānāñca śvetaparvata ucyate. śrṛṅgavān parvataḥ śreṣṭhaḥ pitṝṇāṃ pratisañcaraḥ .. 46.35 .. ### [1.46.39](https://indike.org/pramana/in.purana.vayu.1.46.39) navasveteṣu varṣeṣu yathābhāgasthiteṣu vai. bhūtānyupaniviṣṭāni gatimanti dhruvāṇi ca .. 46.36 .. ### [1.46.40](https://indike.org/pramana/in.purana.vayu.1.46.40) teṣāṃ vivṛddhirbahulā dṛśyate devamānuṣoḥ. na śakyā parisaṅkhyātuṃ śraddheyānu bubhūṣatā .. 46.37 .. ### [1.46.41](https://indike.org/pramana/in.purana.vayu.1.46.41) iti śrīmahāpurāṇe vāyuprokte bhuvanavinyāso nāma ṣaṭcatvāriṃśo'dhyāyaḥ .. 46 .. ## Linked texts (10) - [Brahmāṇḍapurāṇa](https://indike.org/pramana/in.purana.brahmanda.1.17.1) — Vyāsa, Sanskrit - [Matsyapurāṇa](https://indike.org/pramana/in.purana.matsya.114.58) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.52.33) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.60.4) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.58.33) — Ativīrarāma Pāṇṭiyar 1500, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.13.18) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.13.18) — Basava, Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.18.p8) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.18.p8) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.20.p8) — Hemādri, Sanskrit --- Source: [https://indike.org/pramana/in.purana.vayu.1.46](https://indike.org/pramana/in.purana.vayu.1.46) · Pramāṇa