[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.48 # Vayupurana 1.48: adhyāyaḥ 48 Vāyupurāṇa 1.48 - **Language:** Sanskrit ### adhyāyaḥ 48 ### [1.48.1](https://indike.org/pramana/in.purana.vayu.1.48.1) ..sūta uvāca.. ### [1.48.2](https://indike.org/pramana/in.purana.vayu.1.48.2) dakṣiṇenāpi varṣasya bhāratasya nibodhata. daśayojanasāhasraṃ samatītya mahārṇavam .. 48.1 .. ### [1.48.3](https://indike.org/pramana/in.purana.vayu.1.48.3) trīṇyeva tu sahasrāṇi yojanānāṃ samāyatam. atastribhāgavistīrṇaṃ nānāpuṣpaphalodayam .. 48.2 .. ### [1.48.4](https://indike.org/pramana/in.purana.vayu.1.48.4) vidyutvantaṃ mahāśailaṃ tatraikaṃ kulaparvatam. yena kūṭataṭairnaikaistaddvīpaṃ samalaṃkṛtam .. 48.3 .. ### [1.48.5](https://indike.org/pramana/in.purana.vayu.1.48.5) prasannasvādusalilāstatra nadyaḥ sahasraśaḥ. vāpyastasya tu dvīpasya pravṛttā vimalodakāḥ .. 48.4 .. ### [1.48.6](https://indike.org/pramana/in.purana.vayu.1.48.6) tasya śailasya chidreṣu vistīrṇeṣvāyateṣu ca. anekeṣu samṛddhāni nānākārāṇi sarvvaśaḥ .. 48.5 .. ### [1.48.7](https://indike.org/pramana/in.purana.vayu.1.48.7) naranārīsamāḍhyāni muditāni mahānti ca. teṣāṃ talapraveśāni sahasrāṇi śatāni ca .. 48.6 .. ### [1.48.8](https://indike.org/pramana/in.purana.vayu.1.48.8) purāṇi sanniviṣṭāni parvatāntargatāni ca. susambaddhāni cānyonyamekadvārāṇi cānyatha .. 48.7 .. ### [1.48.9](https://indike.org/pramana/in.purana.vayu.1.48.9) dīrghaśmaśrudharātmāno nīlā meghasamaprabhāḥ. jātamātrāḥ prajāstatra aśītiparamāyuṣaḥ .. 48.8 .. ### [1.48.10](https://indike.org/pramana/in.purana.vayu.1.48.10) śākhāmṛgasadharmāṇaḥ phalamūlāśinastathā. godharmāṇo hyanirdiṣṭāḥ śaucācāravivarjitāḥ .. 48.9 .. ### [1.48.11](https://indike.org/pramana/in.purana.vayu.1.48.11) taddvīpaṃ tādṛśaiḥ pūrṇaṃ manujaiḥ kṣudramānuṣaiḥ . evamete'ntaradvīpā vyākhyātā ānupūrvaśaḥ .. 48.10 .. ### [1.48.12](https://indike.org/pramana/in.purana.vayu.1.48.12) viṃśatrriṃśacca pañcāśat ṣaṣṭyaśītiḥ śataṃ tathā. sahasramapi cāpyuktaṃ yojanānāṃ samantataḥ .. 48.11 .. ### [1.48.13](https://indike.org/pramana/in.purana.vayu.1.48.13) vistīrṇāścāyatāścaiva nānāsattvasamākulāḥ. barhiṇadvīpaparvāṇi kṣudradvīpāḥ sahasraśaḥ .. 48.12 .. ### [1.48.14](https://indike.org/pramana/in.purana.vayu.1.48.14) jambūdvīpapradeśāttu ṣaḍanye vividhāśrayāḥ. atra dvīpāḥ samākhyātā nānāratnākarāḥ kṣitau .. 48.13 .. ### [1.48.15](https://indike.org/pramana/in.purana.vayu.1.48.15) aṅgadvīpaṃ yamadvīpaṃ malayadvīpameva ca. śaṅkhadvīpaṃ kuśadvīpaṃ varāhadvīpameva ca .. 48.14 .. ### [1.48.16](https://indike.org/pramana/in.purana.vayu.1.48.16) aṅgadvīpaṃ nibodha tvaṃ nānāsaṅghasamākulam. nānāmlecchagaṇākīrṇaṃ taddvīpaṃ bahuvistaram .. 48.15 .. ### [1.48.17](https://indike.org/pramana/in.purana.vayu.1.48.17) hemavidrumapūrṇānāṃ ratnānāmākaraṃ kṣitau. nadīśailavanaiścitraṃ sannibhaṃ lavaṇāmbhasā .. 48.16 .. ### [1.48.18](https://indike.org/pramana/in.purana.vayu.1.48.18) tatra cakragirirnāma naika nirjharakandaraḥ. tatra sā tu darī cāsya nānāsatvasamāśrayā .. 48.17 .. ### [1.48.19](https://indike.org/pramana/in.purana.vayu.1.48.19) sa madhye nāgadeśasya naikadeśo mahāgiriḥ. koṭibhyāṃ nāganilayaṃ prāpto nadanadī patim .. 48.18 .. ### [1.48.20](https://indike.org/pramana/in.purana.vayu.1.48.20) yamadvīpamiti proktaṃ nānāratnākarācitam . tatrāpi dyutimānnāma parvato dhātumaṇḍitaḥ. samudragānāṃ prabhavaḥ prabhavaḥ kāñcanasya tu .. 48.19 .. ### [1.48.21](https://indike.org/pramana/in.purana.vayu.1.48.21) tathaiva malayadvīpamevameva susaṃvṛtam. maṇiratnākaraṃ sphītamākaraṃ kanakasya ca .. 48.20 .. ### [1.48.22](https://indike.org/pramana/in.purana.vayu.1.48.22) ākaraṃ candanānāñca samudrāṇāṃ tathākaram. nānāmlecchagaṇākīrṇaṃ nadīparvatamaṇḍitam .. 48.21 .. ### [1.48.23](https://indike.org/pramana/in.purana.vayu.1.48.23) tatra śrīmāṃstu malayaḥ parvato rajatākaraḥ. mahāmalaya ityevaṃ vikhyāto varaparvataḥ .. 48.22 .. ### [1.48.24](https://indike.org/pramana/in.purana.vayu.1.48.24) dvitīyaṃ mandaraṃ nāma prathitañca sadā kṣitau. āgastyabhavanaṃ tatra devāsuranamaskṛtam .. 48.23 .. ### [1.48.25](https://indike.org/pramana/in.purana.vayu.1.48.25) tathā kāñcanapādasya malayasyāparasya hi. nikuñjaistṛṇasomāṅgairāśramaṃ puṇyasevitam .. 48.24 .. ### [1.48.26](https://indike.org/pramana/in.purana.vayu.1.48.26) nānāpuṣpaphalopetaṃ svargādapi viśiṣyate. tatrāvatarate svargaḥ sadā parvasu parvasu .. 48.25 .. ### [1.48.27](https://indike.org/pramana/in.purana.vayu.1.48.27) tathā trikūṭanilaye nānādhātuvibhūṣite . anekayojanotsedhe citrasānudarīgṛhe .. 48.26 .. ### [1.48.28](https://indike.org/pramana/in.purana.vayu.1.48.28) tasya kūṭataṭe ramye hemaprākāratoraṇā. niryūhavalabhīcitrā harmyaprāsādamālinī .. 48.27 .. ### [1.48.29](https://indike.org/pramana/in.purana.vayu.1.48.29) śatayojanavistīrṇā triṃśadāyāmayojanā. nityapramuditā sphītā laṅkā nāma mahāpurī .. 48.28 .. ### [1.48.30](https://indike.org/pramana/in.purana.vayu.1.48.30) sā kāmarūpiṇāṃ sthānaṃ rākṣasānāṃ mahātmanām . āvāso baladṛptānāṃ tadvidyāddevavidviṣām. mānuṣāṇāmasambādhā hyagamyā sā mahāpurī .. 48.29 .. ### [1.48.31](https://indike.org/pramana/in.purana.vayu.1.48.31) tasya dvīpasya vai pūrve tīre nadanadīpateḥ. gokarṇanāmadheyasya śaṅkarasyālayaṃ mahat .. 48.30 .. ### [1.48.32](https://indike.org/pramana/in.purana.vayu.1.48.32) tathaikarājyaṃ vijñeyaṃ śaṅkhadvīpasamāsthitam. śatayojanavistīrṇaṃ nānāmlecchagaṇālayam .. 48.31 .. ### [1.48.33](https://indike.org/pramana/in.purana.vayu.1.48.33) tatra śaṅkhagirirnāma dhautaśaṅkhadalaprabhaḥ. nānāratnākaraḥ puṇyaḥ puṇyakṛdbhirniṣevitaḥ .. 48.32 .. ### [1.48.34](https://indike.org/pramana/in.purana.vayu.1.48.34) śaṅkha nāgā mahāpuṇyā yasmāt prabhavate nadī. yatra śaṅkhamukho nāma nāgarājaḥ kṛtālayaḥ .. 48.33 .. ### [1.48.35](https://indike.org/pramana/in.purana.vayu.1.48.35) tathaiva kumudadvīpaṃ nānāpuṇyopaśobhitam. nānāgrāmasamā kīrṇaṃ nānāratnākaraṃ śivam .. 48.34 .. ### [1.48.36](https://indike.org/pramana/in.purana.vayu.1.48.36) kumudākhyā mahābhāgā duṣṭacittanibarhaṇī. mahādevasya bhaginī prabhābhistābhirijyate .. 48.35 .. ### [1.48.37](https://indike.org/pramana/in.purana.vayu.1.48.37) tathā varāhadvīpe ca nānāmlecchagaṇākule. nānājālisamākīrṇe nānādhiṣṭhānapattane .. 48.36 .. ### [1.48.38](https://indike.org/pramana/in.purana.vayu.1.48.38) dhanadhānyayute sphīte dharmmiṣṭhajanasaṅkule. nadīśailavanaiścitrairbahupuṣpaphalopagaiḥ .. 48.37 .. ### [1.48.39](https://indike.org/pramana/in.purana.vayu.1.48.39) varāhaparvvato nāma tatra ramyaḥ śiloccayaḥ. anekakandaradarīguhānirjharaśobhitaḥ .. 48.38 .. ### [1.48.40](https://indike.org/pramana/in.purana.vayu.1.48.40) tasmātsurasapānīyā puṇyatīrthataraṅgiṇī. vārāhī nāma varadā pravṛttāsya mahānadī .. 48.39 .. ### [1.48.41](https://indike.org/pramana/in.purana.vayu.1.48.41) vārāharūpiṇe tatra viṣṇave prabhaviṣṇave. ananyadevatāstasmai namaskurvanti viprajāḥ .. 48.40 .. ### [1.48.42](https://indike.org/pramana/in.purana.vayu.1.48.42) evaṃ ṣaḍete kathitā anudvīpāḥ samantataḥ. bhāratadvīpadeśo vai dakṣiṇe bahuvistaraḥ ..48.41 .. ### [1.48.43](https://indike.org/pramana/in.purana.vayu.1.48.43) evamekamidaṃ varṣaṃ bahudvīpamihocyate. samudrajalasambinnaṃ khaṇḍaṃ khaṇḍīkṛtaṃ smṛtam .. 48.42 .. ### [1.48.44](https://indike.org/pramana/in.purana.vayu.1.48.44) evañcaturmahādvīpaḥ sāntaradvīpamaṇḍitaḥ. sānudvīpaḥ samākhyāto jambūdvīpasya vistaraḥ .. 48.43 .. ### [1.48.45](https://indike.org/pramana/in.purana.vayu.1.48.45) iti mahāpurāṇe vāyuprokte bhuvanavinyāso nāmāṣṭacatvāriṃśo dhyāyaḥ .. 48 .. --- Source: [https://indike.org/pramana/in.purana.vayu.1.48](https://indike.org/pramana/in.purana.vayu.1.48) · Pramāṇa