[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.51 # Vayupurana 1.51: adhyāyaḥ 51 Vāyupurāṇa 1.51 - **Language:** Sanskrit ### adhyāyaḥ 51 ### [1.51.1](https://indike.org/pramana/in.purana.vayu.1.51.1) ..sūta uvāca.. ### [1.51.2](https://indike.org/pramana/in.purana.vayu.1.51.2) svāyambhuve nisarge tu vyākhyātānyuttarāṇi tu. bhaviṣyāṇi ca sarvāṇi teṣāṃ vakṣyāmyanukramam .. 51.1 .. ### [1.51.3](https://indike.org/pramana/in.purana.vayu.1.51.3) etacchrutvā tu munayaḥ papracchurlomaharṣaṇam. sūryācandramasoścāraṃ grahāṇāñcaiva sarvaśaḥ .. 51.2 .. ### [1.51.4](https://indike.org/pramana/in.purana.vayu.1.51.4) ..ṛṣaya ūcuḥ .. ### [1.51.5](https://indike.org/pramana/in.purana.vayu.1.51.5) bhramante kathametāni jyotīṃṣi divi maṇḍalam. tiryagvyūhena sarvāṇi tathaivāsaṅkareṇa ca. kaśca bhrāmayate tāni bhramanti yadi vā svayam .. 51.3 .. ### [1.51.6](https://indike.org/pramana/in.purana.vayu.1.51.6) etadveditumicchāmastanno nigada sattam. bhūtasammohanantvetacchrotumicchā pravarttate .. 51.4 .. ### [1.51.7](https://indike.org/pramana/in.purana.vayu.1.51.7) ..sūta uvāca.. ### [1.51.8](https://indike.org/pramana/in.purana.vayu.1.51.8) bhūtasammohanaṃ hyetad bruvato me nibodhata. pratyakṣamapi dṛsyaṃ yattat saṃmohayate prajāḥ .. 51.5 .. ### [1.51.9](https://indike.org/pramana/in.purana.vayu.1.51.9) yo'sau caturdiśaṃ pucche śiśumāre vyavasthitaḥ. uttānapādaputro'sau meḍhībhūto dhruvo divi .. 51.6 .. ### [1.51.10](https://indike.org/pramana/in.purana.vayu.1.51.10) sa hi bhraman bhrāmayate candrādityau grahaiḥ saha. bhramantamanugacchanti nakṣatrāṇi ca cakravat .. 51.7 .. ### [1.51.11](https://indike.org/pramana/in.purana.vayu.1.51.11) dhruvasya manasā cāsau sarpate bhagaṇaḥ svayam. sūryācandramasau tārā nakṣatrāṇi grahaiḥ saha .. 51.8 .. ### [1.51.12](https://indike.org/pramana/in.purana.vayu.1.51.12) vātānīkamayairbandhairdhruve baddhāni tāni vai. teṣāṃ yogasva bhedāśca kālacārastathaiva ca .. 51.9 .. ### [1.51.13](https://indike.org/pramana/in.purana.vayu.1.51.13) astodayau tathotpātā ayane dakṣiṇottare. viṣuvad‌grahavarṇāśca dhruvātsarvaṃ pravarttate .. 51.10 .. ### [1.51.14](https://indike.org/pramana/in.purana.vayu.1.51.14) varṣā gharmo himaṃ rātriḥ sandhyā caiva dinaṃ tathā . śubhāśubhaṃ prajānāñca dhruvātsarvaṃ pravarttate .. 51.11 .. ### [1.51.15](https://indike.org/pramana/in.purana.vayu.1.51.15) dhruveṇādhikṛtāṃścaiva sūryo'pāvṛttya tiṣṭhati. tadeṣa dīptakiraṇaḥ sa kālāgnirddivākaraḥ .. 51.12 .. ### [1.51.16](https://indike.org/pramana/in.purana.vayu.1.51.16) parivartta kramādviprā bhābhirālokayan diśaḥ. sūryaḥ kiraṇajālena vāyuyuktena sarvaśaḥ. jagato jalamādatte kṛtsnasya dvijasattamāḥ .. 51.13 .. ### [1.51.17](https://indike.org/pramana/in.purana.vayu.1.51.17) ādhityapītaṃ sūryāgneḥ somaṃ saṃkramate jalam. nāḍībhirvāyuyuktābhirlokādhānaṃ pravarttate .. 51.14 .. ### [1.51.18](https://indike.org/pramana/in.purana.vayu.1.51.18) yatsomāt sravate sūryastadagreṣvavatiṣṭhate. meghā vāyunighātena visṛjanti jalambhuvi .. 51.15 .. ### [1.51.19](https://indike.org/pramana/in.purana.vayu.1.51.19) ekamutkṣipyate caiva patate ca punarjjalam. nānāprakāramudakantadeva parivarttate .. 51.16 .. ### [1.51.20](https://indike.org/pramana/in.purana.vayu.1.51.20) sandhāraṇārthaṃ bhūtānāṃ māyaiṣā viśvanirmitā. anayā māyayā vyāptaṃ trailokyaṃ sacarācaram .. 51.17 .. ### [1.51.21](https://indike.org/pramana/in.purana.vayu.1.51.21) viśveśo lokakṛddevaḥ sahasrāṃśuḥ prajāpatiḥ. dhātā kṛtsnasya lokasya prabhu rviṣṇurdivākaraḥ .. 51.18 .. ### [1.51.22](https://indike.org/pramana/in.purana.vayu.1.51.22) sarvalaukikamambho vai yatsomānnabhasaḥ snutam. somādhāraṃ jagatsarvametattathyaṃ prakīrtitam .. 51.19 .. ### [1.51.23](https://indike.org/pramana/in.purana.vayu.1.51.23) sūryāduṣṇaṃ nisravate somācchītaṃ pravarttate. śītoṣṇavīryau dvāvetau yuktau dhārayato jagat .. 51.20 .. ### [1.51.24](https://indike.org/pramana/in.purana.vayu.1.51.24) somādhārā nadī gaṅgā pavitrā vimalodakā. somaputrapurogāśca mahānadyo dvijottamāḥ .. 51.21 .. ### [1.51.25](https://indike.org/pramana/in.purana.vayu.1.51.25) sarvabhūtaśarīreṣu āpo hyanugatāśca yāḥ . teṣu sandahyamāneṣu jaṅgamasthāvareṣu ca. dhūmabhūtāstu tā āpo niṣkrāmantīha sarvaśaḥ .. 51.22 .. ### [1.51.26](https://indike.org/pramana/in.purana.vayu.1.51.26) tena cābhrāṇi jāyante sthānamatrāmbhasāṃ smṛtam . ārkantejo hi bhūtebhyo hyādatte raśmibhirjalam .. 51.23 .. ### [1.51.27](https://indike.org/pramana/in.purana.vayu.1.51.27) samudrādvāyusaṃyogādvahantyāpo gabhastayaḥ. yatastvṛtuvaśāt kāle parivartto divākaraḥ. yacchatyapo hi meghebhyaḥ śuklāḥ śuklagabhastibhiḥ .. 51.24 .. ### [1.51.28](https://indike.org/pramana/in.purana.vayu.1.51.28) abhrasthā prapatantyāpo vāyunā samudīritāḥ. sarvabhūtahitārthāya vāyubhiśca samantataḥ .. 51.25 .. ### [1.51.29](https://indike.org/pramana/in.purana.vayu.1.51.29) tato varṣati ṣaṇmāsān sarvabhūtavivṛddhaye. vāyavyaṃ stanitañcaiva vaidyutañcāgnisaṃbhavam .. 51.26 .. ### [1.51.30](https://indike.org/pramana/in.purana.vayu.1.51.30) mehanācca miherddhātormeghatvaṃ vyañjayanti ca. na bhraśyanti yatastvāpastadabhraṃ kavayo viduḥ .. 51.27 .. ### [1.51.31](https://indike.org/pramana/in.purana.vayu.1.51.31) meghānāṃ punarutpattistrividhā yonirucyate. āgneyā brahmajāścaiva pakṣajāśca pṛthagvidhāḥ. tridhā ghanāḥ samākhyātāsteṣāṃ vakṣyāmi sambhavam .. 51.28 .. ### [1.51.32](https://indike.org/pramana/in.purana.vayu.1.51.32) āgneyāstvarṇajāḥ proktāsteṣāṃ tasmāt pravarttanam. śītadurdinavātā ye svaguṇāste vyavasthitāḥ .. 51.29 .. ### [1.51.33](https://indike.org/pramana/in.purana.vayu.1.51.33) mahiṣāśca varāhāśca mattamātaṅgagāminaḥ. bhūtvā dharaṇimabhyetya vicaranti ramanti ca .. 51.30 .. ### [1.51.34](https://indike.org/pramana/in.purana.vayu.1.51.34) jīmūtā nāma te meghā etebhyo jīvasambhavāḥ. vidyudguṇavihīnāśca jaladhārāvalambinaḥ .. 51.31 .. ### [1.51.35](https://indike.org/pramana/in.purana.vayu.1.51.35) mūkā ghanā mahākāyā pravāhasya vaśānugāḥ. krośamātrācca varṣanti krośārddhādapi vā punaḥ .. 51.32 .. ### [1.51.36](https://indike.org/pramana/in.purana.vayu.1.51.36) parvatāgranitambeṣu varṣanti ca ramanti ca. balākāgarbhadāścaiva balākāgarbhadhāriṇaḥ .. 51.33 .. ### [1.51.37](https://indike.org/pramana/in.purana.vayu.1.51.37) brahmajānāma te meghā brahmaniḥśvāsasambhavāḥ. te hi vidyudguṇopetāḥ stanayanti svanapriyāḥ .. 51.34 .. ### [1.51.38](https://indike.org/pramana/in.purana.vayu.1.51.38) teṣāṃ śabdapraṇādena bhūmiḥ svāṅgaruhodghamā. rājñī rājñābhiṣikteva punaryauvanamaśrute. teṣviyaṃ prītimāsaktā bhūtānāṃ jīvitodbhavā .. 51.35 .. ### [1.51.39](https://indike.org/pramana/in.purana.vayu.1.51.39) jīmūtā nāma te meghāstebhyo jīvasya sambhavaḥ. dvitīyaṃ pravahaṃ vāyuṃ meghāste tu samāśritāḥ .. 51.36 .. ### [1.51.40](https://indike.org/pramana/in.purana.vayu.1.51.40) ete yojanamātrācca sārddhārddhānniṣkṛtādapi. vṛṣṭisargastathā teṣāṃ dhārāsārāḥ prakīrttitāḥ. puṣkarāvarttakā nāma ye meghāḥ pakṣasambhavāḥ .. 51.37 .. ### [1.51.41](https://indike.org/pramana/in.purana.vayu.1.51.41) śakreṇa pakṣāśchinnā ye parvatānāṃ mahojasām. kāmagānāṃ pravṛddhānāṃ bhūtānāṃ śivamicchatā .. 51.38 .. ### [1.51.42](https://indike.org/pramana/in.purana.vayu.1.51.42) puṣkarā nāma te meghā bṛhantastoya matsarāḥ. puṣkarāvarttakāstena kāraṇeneha śabditāḥ .. 51.39 .. ### [1.51.43](https://indike.org/pramana/in.purana.vayu.1.51.43) nānārūpadharāścaiva mahāghoratarāśca te. kalpāntavṛṣṭeḥ sraṣṭāraḥ saṃvarttāgnerniyāmakāḥ .. 51.40 .. ### [1.51.44](https://indike.org/pramana/in.purana.vayu.1.51.44) varṣantyete yugānteṣu tṛtīyāste prakīrttitāḥ. anekarūpasaṃsthānāḥ pūrayanto mahītalam . vāyuṃ paraṃ vahantaḥ syurāśritāḥ kalpasādhakāḥ .. 51.41 .. ### [1.51.45](https://indike.org/pramana/in.purana.vayu.1.51.45) yānyasyāṇḍakapālasya prākṛtasyābhavaṃstadā. tasmādbrahmā samutpannaścaturvaktraḥ svayambhuvaḥ. tānyevāṇḍakapālasya sarve meghāḥ prakīrttitāḥ .. 51.42 .. ### [1.51.46](https://indike.org/pramana/in.purana.vayu.1.51.46) teṣāmāpyāyanaṃ dhūmaḥ sarveṣāmaviśeṣataḥ . teṣāṃ śreṣṭhastu parjjanyaścatvāraścaiva diggajāḥ .. 51.43 .. ### [1.51.47](https://indike.org/pramana/in.purana.vayu.1.51.47) gajānāṃ parvatānāñca meghānāṃ bhogibhiḥ saha. kulamekaṃ pṛthagbhūtaṃ yonirekā jalaṃ smṛtam .. 51.44 .. ### [1.51.48](https://indike.org/pramana/in.purana.vayu.1.51.48) parjanyo diggajāścaiva hemante śītasambhavāḥ. tuṣāravṛṣṭiṃ varṣanti sarvasasyavivṛddhaye .. 51.45 .. ### [1.51.49](https://indike.org/pramana/in.purana.vayu.1.51.49) śreṣṭhaḥ parivaho nāma teṣāṃ vāyurapāśrayaḥ. yo'sau bibhartti bhagavān gaṅgāmākāśagocarām. divyāmatijalāṃ puṇyāṃ vidyāṃ svargapathisthitām .. 51.46 .. ### [1.51.50](https://indike.org/pramana/in.purana.vayu.1.51.50) tasyāviṣpandajantoyaṃ diggajāḥ pṛthubhiḥ karaiḥ. śīkaraṃ sampramuñcanti nīhāra iti sa smṛtaḥ .. 51.47 .. ### [1.51.51](https://indike.org/pramana/in.purana.vayu.1.51.51) dakṣiṇena giriryo'sau hemakūṭa iti smṛtaḥ. udag himavataḥ śailāduttarasya ca dakṣiṇe. puṇḍraṃ nāma samākhyātaṃ nagaraṃ tatra vai smṛtam .. 51.48 .. ### [1.51.52](https://indike.org/pramana/in.purana.vayu.1.51.52) tasminnipatitaṃ varṣaṃ yattuṣārasamudbhavam . tatastadāvaho vāyurhimaśailāt samudvahan. ānayatyātmayogena siñcamāno mahāgirim .. 51.49 .. ### [1.51.53](https://indike.org/pramana/in.purana.vayu.1.51.53) himavantamatikramya vṛṣṭiśeṣaṃ tataḥ param. ihābhyeti tataḥ paścādaparāntavivṛddhaye .. 51.50 .. ### [1.51.54](https://indike.org/pramana/in.purana.vayu.1.51.54) meghāvāpyāyataścaiva sarvametat prakīrttitam . sūrya eva tu vṛṣṭināṃ sraṣṭā samupadiśyate .. 51.51 .. ### [1.51.55](https://indike.org/pramana/in.purana.vayu.1.51.55) dhruveṇā veṣṭitaḥ sūryastābhyāṃ vṛṣṭiḥ pravarttate. dhruveṇāveṣṭito vāyurvṛṣṭiṃ saṃharate punaḥ .. 51.52 .. ### [1.51.56](https://indike.org/pramana/in.purana.vayu.1.51.56) grahānniḥsṛtya sūryāttu kṛtsne nakṣatramaṇḍale . vārasyānte viśatyarkaṃ dhruveṇa pariveṣṭitam .. 51.53 .. ### [1.51.57](https://indike.org/pramana/in.purana.vayu.1.51.57) ataḥ sūryarathasyātha sanniveśaṃ nibodhata. saṃsthitainaikacakreṇa pañcāreṇa trinābhinā .. 51.54 .. ### [1.51.58](https://indike.org/pramana/in.purana.vayu.1.51.58) hiraṇmayena bhagavān parvaṇā tu mahaujasā. naṣṭavartmāndhakāreṇa ṣaṭ‌prakāraikaneminā. cakreṇa bhāsvatā sūryaḥ syandanena prasarppati .. 51.55 .. ### [1.51.59](https://indike.org/pramana/in.purana.vayu.1.51.59) daśa yojanasāhasro vistārāyāmataḥ smṛtaḥ. dviguṇo'sya rathopasthādīṣādaṇḍapramāṇataḥ .. 51.56 .. ### [1.51.60](https://indike.org/pramana/in.purana.vayu.1.51.60) sa tasya brahmaṇā sṛṣṭo ratho hyarthavaśena tu. asaṅgaḥ kāñcano divyo yuktaḥ paramagairhayaiḥ .. 51.57 .. ### [1.51.61](https://indike.org/pramana/in.purana.vayu.1.51.61) chandobhirvājirūpaistu yataḥ śukrastataḥ sthitaḥ. varuṇasyandanasteha lakṣaṇaiḥ sadṛśastu saḥ. te nā'sau sarpativyomni bhāsvatā tu divākaraḥ .. 51.58 .. ### [1.51.62](https://indike.org/pramana/in.purana.vayu.1.51.62) athemāni tu sūryasya pratyaṅgāni rathasya tu. saṃvatsarasyāvayavaiḥ kalpitāni yathā kramam .. 51.59 .. ### [1.51.63](https://indike.org/pramana/in.purana.vayu.1.51.63) ahastu nābhiḥ sūryasya ekacakraḥ sa vai smṛtaḥ. ārāḥ pañcarttavastasya nemiḥ ṣaḍhṛtavaḥ smṛtāḥ .. 51.60 .. ### [1.51.64](https://indike.org/pramana/in.purana.vayu.1.51.64) rathanīḍaḥ smṛto hyabdastvayane kūbarāvubhau . muhūrtā bandhurāstasya śamyā tasya kalāḥ smṛtāḥ .. 51.61 .. ### [1.51.65](https://indike.org/pramana/in.purana.vayu.1.51.65) tasya kāṣṭhāḥ smṛtā ghoṇā īṣādaṇḍaḥ kṣaṇāṃstu vai. nimeṣāścānukarṣo'sya īṣā cāsya lavāḥ smṛtāḥ .. 51.62 .. ### [1.51.66](https://indike.org/pramana/in.purana.vayu.1.51.66) rātrirvarūtho gharmo'sya dhvaja ūrddhvasamucchritaḥ. yugākṣakoṭī te tasya arthakāmāvubhau smṛtau .. 51.63 .. ### [1.51.67](https://indike.org/pramana/in.purana.vayu.1.51.67) saptāśvarūpāśchandāṃsi vahante vāmato dhurām. gāyatrī caiva triṣṭup ca anuṣṭub jagatī tathā .. 51.64 .. ### [1.51.68](https://indike.org/pramana/in.purana.vayu.1.51.68) paṅktiśca bṛhatī caiva uṣṇik caiva tu saptamam. akṣe cakraṃ nibaddhantu dhruve tvakṣaḥ samarpitaḥ .. 51.65 .. ### [1.51.69](https://indike.org/pramana/in.purana.vayu.1.51.69) sahacakro bhramatyakṣaḥ sahākṣo bhramati dhruvaḥ. akṣaḥ sahaiva cakreṇa bhramate'sau dhruveritaḥ .. 51.66 .. ### [1.51.70](https://indike.org/pramana/in.purana.vayu.1.51.70) evamartha vaśāttasya sanniveśo rathasya tu. tathā saṃyogabhāgena saṃsiddho bhāsvaro rathaḥ .. 51.67 .. ### [1.51.71](https://indike.org/pramana/in.purana.vayu.1.51.71) tenā'sau taraṇirdevastarasā sarpate divi. yugākṣakoṭisambaddhau raśmī dvau syandanasya hi .. 51.68 .. ### [1.51.72](https://indike.org/pramana/in.purana.vayu.1.51.72) dhruveṇa bhramato raśmī vicakrayugayostu vai. bhramato maṇḍalāni syuḥ khecarasya rathasya tu .. 51.69 .. ### [1.51.73](https://indike.org/pramana/in.purana.vayu.1.51.73) yugākṣakoṭī te tasya dakṣiṇe syandanasya tu. dhruveṇa saṃgṛhīte vai dvicakraśvetarajjuvat .. 51.70 .. ### [1.51.74](https://indike.org/pramana/in.purana.vayu.1.51.74) bhramantamanugacchetāṃ dhruvaṃ raśmī tu tāvubhau . yugākṣa koṭī te tasya vātormī syandanasya tu .. 51.71 .. ### [1.51.75](https://indike.org/pramana/in.purana.vayu.1.51.75) kīlāsakto yathā rajjurbhramate sarvato diśam. hrasatastasya raśmī tau maṇḍaleṣūttarāyaṇe .. 51.72 .. ### [1.51.76](https://indike.org/pramana/in.purana.vayu.1.51.76) varddhete dakṣiṇe caiva bhramato maṇḍalāni tu. dhruveṇa saṃgṛhītau tu rasmī vai nayato ravim .. 51.73 .. ### [1.51.77](https://indike.org/pramana/in.purana.vayu.1.51.77) ākṛṣyete yadā tau vai dhruveṇa samadhiṣṭhitau. tadā so'bhyantaraṃ sūryo bhramate maṇḍalāni tu .. 51.74 .. ### [1.51.78](https://indike.org/pramana/in.purana.vayu.1.51.78) aśītimaṇḍalaśataṃ kāṣṭhayorubhayoścaran . dhruveṇa mucyamānābhyāṃ raśmibhyāṃ punareva tu .. 51.75 .. ### [1.51.79](https://indike.org/pramana/in.purana.vayu.1.51.79) tathaiva bāhyataḥ sūryo bhramate maṇḍalāni tu. udveṣṭayan sa vegena maṇḍalāni tu gacchati .. 51.76 .. ### [1.51.80](https://indike.org/pramana/in.purana.vayu.1.51.80) iti śrīmahāpurāṇe vāyuprekte jyotiṣpracāro nāmaikapañcā śo'dhyāyaḥ .. 51 .. ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.1.22.1) — Vyāsa, Sanskrit - [Matsyapurāṇa](https://indike.org/pramana/in.purana.matsya.125.3) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.54.67) — Vyāsa, Sanskrit - [Sāmbapurāṇa](https://indike.org/pramana/in.purana.upa.surya.samba.20.7) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.9.10) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.60.67) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.51](https://indike.org/pramana/in.purana.vayu.1.51) · Pramāṇa