[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.52 # Vayupurana 1.52: adhyāyaḥ 52 Vāyupurāṇa 1.52 - **Language:** Sanskrit ### adhyāyaḥ 52 ### [1.52.1](https://indike.org/pramana/in.purana.vayu.1.52.1) ..sūta uvāca.. ### [1.52.2](https://indike.org/pramana/in.purana.vayu.1.52.2) sa ratho'dhiṣṭhito devairādityaiṛṣibhistathā. gandharvairapsarobhiśca grāmaṇīsarparākṣasaiḥ .. 52.1 .. ### [1.52.3](https://indike.org/pramana/in.purana.vayu.1.52.3) ete vasanti vai sūrye dvau dvau māsau krameṇa tu. dhātāryamā pulastyaśca pulahaśca prajāpatiḥ .. 52.2 .. ### [1.52.4](https://indike.org/pramana/in.purana.vayu.1.52.4) urago vāsukiścaiva saṅkīrṇāraśca tāvubhau. tumbururnāradaścaiva gandharvau gāyatāṃ varau .. 52.3 .. ### [1.52.5](https://indike.org/pramana/in.purana.vayu.1.52.5) kratusthalyapsarāścaiva tathā vai puñjikasthalī. grāmaṇī rathakṛcchraśca taporyaścaiva tāvubhau .. 52.4 .. ### [1.52.6](https://indike.org/pramana/in.purana.vayu.1.52.6) rakṣo hetiḥ prahetiśca yātudhānāvudāhṛtau. madhumādhavayoreṣa gaṇo vasati bhāskare .. 52.5 .. ### [1.52.7](https://indike.org/pramana/in.purana.vayu.1.52.7) vāsantau graiṣmikau māsau mitraśca varuṇaśca ha. ṛṣiratrirvasiṣṭhaśca takṣako rambha eva ca .. 52.6 .. ### [1.52.8](https://indike.org/pramana/in.purana.vayu.1.52.8) menakā sahajanyā ca gandharvau ca hahā huhūḥ. rathasvanaśca grāmaṇyo rathacitraśca tāvubhau .. 52.7 .. ### [1.52.9](https://indike.org/pramana/in.purana.vayu.1.52.9) pauruṣeyo dhavaścaiva yātudhānāvudāhṛtau. ete vasanti vai sūrye māsayoḥ śuciśukrayoḥ .. 52.8 .. ### [1.52.10](https://indike.org/pramana/in.purana.vayu.1.52.10) tataḥ sūrye punastvanyā nivasantīha devatāḥ. indraścaiva vivasvāṃśca aṅgirā bhṛgureva ca .. 52.9 .. ### [1.52.11](https://indike.org/pramana/in.purana.vayu.1.52.11) elāparṇastathā sarpaḥ śaṅkhapālaśca tāvubhau. viśvāvasūgrasenau ca prātaścaivāruṇaśca ha .. 52.10 .. ### [1.52.12](https://indike.org/pramana/in.purana.vayu.1.52.12) pramloceti ca vikhyātā nimloceti ca te ubhe. yātudhānastathā sarpo vyāghraḥ śvetaśca tāvubhau. nabhonabhasyayoreṣa gaṇo vasati bhāskare .. 52.11 .. ### [1.52.13](https://indike.org/pramana/in.purana.vayu.1.52.13) śaradṛ-tau punaḥ śubhrā vasanti muni devatāḥ. parjjanyaścātha pūṣā ca bharadvājaḥ sagautamaḥ .. 52.12 .. ### [1.52.14](https://indike.org/pramana/in.purana.vayu.1.52.14) viśvāvasuśca gandharvāstathaiva surabhiśca yaḥ. viśvācī ca ghṛtācī ca ubhe te śubhalakṣaṇe .. 52.13 .. ### [1.52.15](https://indike.org/pramana/in.purana.vayu.1.52.15) nāga airāvataścaiva viśrutaśca dhanañjayaḥ. senajicca suṣeṇaśacava senānīrgrāmaṇīśca tau .. 52.14 .. ### [1.52.16](https://indike.org/pramana/in.purana.vayu.1.52.16) āpo vātaśca tāvetau yātudhānāvubhau smṛtau. vasantyete tu vai sūrye māsayośca iṣorjayoḥ .. 52.15 .. ### [1.52.17](https://indike.org/pramana/in.purana.vayu.1.52.17) haimantikau tu dvau māsau vasanti tu divākare. aṃśo bhagaśca dvāvetau kaśyapaśca ṛtuśca ha .. 52.16 .. ### [1.52.18](https://indike.org/pramana/in.purana.vayu.1.52.18) bhujaṅgaśca mahāpajhaḥ sarpaḥ karkoṭakastathā. citrasenaśca gandharva ūrṇāyuścaiva tāvubhau .. 52.17 .. ### [1.52.19](https://indike.org/pramana/in.purana.vayu.1.52.19) urvaśī vipracittiśca tathaivāpsarasau śubhe. tārkṣyaścāriṣṭanemiśca senānīrgrāmaṇīśca tau .. 52.18 .. ### [1.52.20](https://indike.org/pramana/in.purana.vayu.1.52.20) vidyutsphūrjjaśca tāvugrau yātudhānāvudāhṛtau. sahe caiva sahasye ca vasantyete divākare .. 52.19 .. ### [1.52.21](https://indike.org/pramana/in.purana.vayu.1.52.21) tataḥ śaiśirayośvāpi māsayornivasanti vai. tvaṣṭā viṣṇurjamadagnirviśvāmitrastathaiva ca .. 52.20 .. ### [1.52.22](https://indike.org/pramana/in.purana.vayu.1.52.22) kādraveyau tathā nāgau kambalāśvatarāvubhau. gandharvo dhṛtarāṣṭraśca sūryavarccāstathaiva ca .. 52.21 .. ### [1.52.23](https://indike.org/pramana/in.purana.vayu.1.52.23) tilottamāpsarāścaiva devī rambā manoramā. ṛtajitsatyajiccaiva grāmaṇyau lokaviśrutau .. 52.22 .. ### [1.52.24](https://indike.org/pramana/in.purana.vayu.1.52.24) brahmopetastathā dakṣo yajñopetaśca sa smṛtaḥ. ete devā vasantyarke dvau māsau tu krameṇa tu .. 52.23 .. ### [1.52.25](https://indike.org/pramana/in.purana.vayu.1.52.25) sthānābhimānino hyete gaṇā dvādaśa saptakāḥ. sūryamāpyāyayantyete tejasā teja uttamam .. 52.24 .. ### [1.52.26](https://indike.org/pramana/in.purana.vayu.1.52.26) prathitaistairvacobistu stuvanti munayo ravim. gandharvāpsarasaścaiva gītanṛtyairupāsate .. 52.25 .. ### [1.52.27](https://indike.org/pramana/in.purana.vayu.1.52.27) grāmaṇīyakṣabhūtāstu kurvate bhīmasaṃgraham. sarpā vahanti sūryañca yātudhānānuyānti ca. vālakhilyā nayantyastaṃ paricāryodayādravim .. 52.26 .. ### [1.52.28](https://indike.org/pramana/in.purana.vayu.1.52.28) eteṣāmeva devānāṃ yatāvīryaṃ yathātapaḥ. yathāyogaṃ yathāsatyaṃ yathādharmaṃ yatābalam .. 52.27 .. ### [1.52.29](https://indike.org/pramana/in.purana.vayu.1.52.29) yathā tapatyasau sūryasteṣāṃ siddhastu tejasā. ityete vai vasantīha dvau dvau māsau divākare .. 52.28 .. ### [1.52.30](https://indike.org/pramana/in.purana.vayu.1.52.30) ṛṣayo devagandharvāḥ pannagāpsarasāṅgaṇāḥ . grāmaṇyaśca tathā yakṣā yātudhānāśca bhūriśaḥ .. 52.29 .. ### [1.52.31](https://indike.org/pramana/in.purana.vayu.1.52.31) ete tapanti varṣanti bhānti vānti sṛjanti ca. bhūtānāmaśubhaṃ karma vyapohantīha kīrtitāḥ .. 52.30 .. ### [1.52.32](https://indike.org/pramana/in.purana.vayu.1.52.32) mānavānāṃ śubhaṃ hyete haranti duritātmanām. duritaṃ hi pracārāṇāṃ vyapohanti vkacit vkacit .. 52.31 .. ### [1.52.33](https://indike.org/pramana/in.purana.vayu.1.52.33) vimāne'vasthitā divye kāmagā vātaraṃhasaḥ. ete sahaiva sūryeṇa bhramanti divasānugāḥ .. 52.32 .. ### [1.52.34](https://indike.org/pramana/in.purana.vayu.1.52.34) varṣantaśca tapantaśca hlādayantaśca vai prajāḥ. gopāyanti tu bhūtāni sarvānīhāmanukṣayāt .. 52.33 .. ### [1.52.35](https://indike.org/pramana/in.purana.vayu.1.52.35) sthānābhimānināmetat sthānaṃ manvantareṣu vai. atītānāgatānāṃ vai varttante sāmpratantu ye .. 52.34 .. ### [1.52.36](https://indike.org/pramana/in.purana.vayu.1.52.36) evaṃ vasanti vai sūrye saptakāste caturddiśam. caturddaśasu sargeṣu gaṇā manvantareṣu ca .. 52.35 .. ### [1.52.37](https://indike.org/pramana/in.purana.vayu.1.52.37) grīṣme hime ca varṣāsu muñcamānā gharmaṃ hima़ñca varṣañca dinaṃ niśāñca. kālena gacchatyṛtuvaśāt parivṛttaraśmi rdevān pitṝṃśca manujāṃśca tarpayan vai .. 52.36 .. ### [1.52.38](https://indike.org/pramana/in.purana.vayu.1.52.38) prīṇāti devānamṛtena sūryaḥ somaṃ suṣumnena vivarddhayitvā . śukle tu pūrṇaṃ divasakrameṇa taṃ kṛṣṇapakṣe vibudhāḥ pibanti .. 52.37 .. ### [1.52.39](https://indike.org/pramana/in.purana.vayu.1.52.39) pītantu somaṃ dvikālāvaśiṣṭaṃ kṛṣṇakṣaye raśmibhistaṃ kṣarantam. sudhāmṛtaṃ tatpitaraḥ pibanti devāśca saumyāśca tathaiva kavyam .. 52.38 .. ### [1.52.40](https://indike.org/pramana/in.purana.vayu.1.52.40) sūryeṇa gobhistu samuddhṛtābhiradbhiḥ punaścaiva samuddhṛtābhiḥ. vṛṣṭyātivṛddhābhirathauṣadhībhirmartyāḥ kṣudhantvannapānairjayanti .. 52.39 .. ### [1.52.41](https://indike.org/pramana/in.purana.vayu.1.52.41) amṛtena tṛptistvarddhamāsaṃ surāṇāṃ māsārddhatṛptiḥ svadhayā pitṝṇām. annena śaśvattu dadhāti martyān sūryaḥ svayaṃ tacca bibharti gobhiḥ .. 52.40 .. ### [1.52.42](https://indike.org/pramana/in.purana.vayu.1.52.42) ayaṃ haristairharibhisturaṅgamairayan hi cāpo haratīti raśmibhiḥ. visargakāle visṛjaṃśca tāḥ punarbibharti śaśvat savitā carācaram .. 52.41 .. ### [1.52.43](https://indike.org/pramana/in.purana.vayu.1.52.43) harirharidbhirhriyate turaṅgamaiḥ pibatyathāpo haribhiḥ sahasradhā. tataḥ pramuñcatyapi tāstvasau hariḥ sa muhyamāno haribhisturaṅgamaiḥ .. 52.42 .. ### [1.52.44](https://indike.org/pramana/in.purana.vayu.1.52.44) ityeṣa ekacakreṇa sūryastūrṇaṃ rathena tu. bhadraistairakṣatairaśvaiḥ sarpate'sau divi kṣaye .. 52.43 .. ### [1.52.45](https://indike.org/pramana/in.purana.vayu.1.52.45) ahorātrādrathaināsau ekacakreṇa tu bhraman. saptadvīpasamudrāntaṃ saptabhiḥ saptabhirhayaiḥ .. 52.44 .. ### [1.52.46](https://indike.org/pramana/in.purana.vayu.1.52.46) chandobhiraśvarūpaistairyataścakrantataḥ sthitaiḥ. kāmarūpaiḥ sakṛdyuktairamitaistairmanojavaiḥ .. 52.45 .. ### [1.52.47](https://indike.org/pramana/in.purana.vayu.1.52.47) haritairavyayaiḥ piṅgairīśvarairbrahmavādibhiḥ. aśīti maṇḍalaśataṃ bhramantyabdena te hayāḥ .. 52.46 .. ### [1.52.48](https://indike.org/pramana/in.purana.vayu.1.52.48) bāhyamabhyantarañcaiva maṇḍalaṃ divasakramāt . kalpādau samprayuktāste vahantyābhūtasamplavāt. āvṛtā vālakhilyaiste bhramante rātryahāni tu .. 52.47 .. ### [1.52.49](https://indike.org/pramana/in.purana.vayu.1.52.49) prathitairvacobhaṅiragryaiḥ stūyamāno maharṣibhiḥ. saivyate gītavṛtyaiśca gandharvairapsarogaṇaiḥ. pataṅgaḥ pata gairaśvairbhramamāṇo divaspatiḥ .. 52.48 .. ### [1.52.50](https://indike.org/pramana/in.purana.vayu.1.52.50) vīthyāśrayāṇi carati nakṣatrāṇi tathā śaśī. hrāsavṛddhī tathaivāsya raśmīnāṃ sūryavat smṛte .. 52.49 .. ### [1.52.51](https://indike.org/pramana/in.purana.vayu.1.52.51) tricakrobhayapārśvastho vijñeyaḥ śaśino rathaḥ. apāṃ garbhasamutpanno rathaḥ sāśvaḥ sasārathiḥ. śatāraiśca tribhiścakrairyuktaḥ śulkairhayottamaiḥ .. 52.50 .. ### [1.52.52](https://indike.org/pramana/in.purana.vayu.1.52.52) daśa bhistu kṛśairdivyairasaṅgaistairmanojavaiḥ. sakṛdyukte rathe tasmin vahante cāyugakṣayāt .. 52.51 .. ### [1.52.53](https://indike.org/pramana/in.purana.vayu.1.52.53) saṃgṛhīte rathe tasmin śvetaścakṣuḥśravāstu vai. aśvā stamekavarṇāste vahante śaṅkhavarccasam .. 52.52 .. ### [1.52.54](https://indike.org/pramana/in.purana.vayu.1.52.54) yayuśca trimanāścaiva vṛṣo rājīvalo hayaḥ. asvo vāmasturaṇyaśca haṃso vyomī mṛgastathā .. 52.53 .. ### [1.52.55](https://indike.org/pramana/in.purana.vayu.1.52.55) ityete nāmabhiḥ sarve daśa candramaso hayāḥ . ete candramasaṃ devaṃ vahanti divasakṣayāt .. 52.54 .. ### [1.52.56](https://indike.org/pramana/in.purana.vayu.1.52.56) devaiḥ parivṛtaḥ saumyaḥ pitṛbhiścaiva gacchati. somasya śukla pakṣādau bhāskare purataḥ sthite. āpūryate purasyāntaḥ satataṃ divasakramāt .. 52.55 .. ### [1.52.57](https://indike.org/pramana/in.purana.vayu.1.52.57) devaiḥ pītaṃ kṣaye somamāpyāyayati nityadā. pītaṃ pañcadaśāhantu raśminaikena bhāskaraḥ .. 52.56 .. ### [1.52.58](https://indike.org/pramana/in.purana.vayu.1.52.58) āpūrayan suṣumnena bhāgaṃ bhāgamahaḥkramāt . suṣumnāpyāyamānasya śuklā varddhanti vai kalāḥ .. 52.57 .. ### [1.52.59](https://indike.org/pramana/in.purana.vayu.1.52.59) tasmāddhrasanti vai kṛṣṇe śukla āpyāyayanti ca. ityevaṃ sūryavīryeṇa candrasyāpyāyitā tanuḥ .. 52.58 .. ### [1.52.60](https://indike.org/pramana/in.purana.vayu.1.52.60) paurṇamāsyāṃ sa dṛśyeta śuklaḥ sampūrṇamaṇḍalaḥ . evamāpyāyitaḥ somaḥ śuklapakṣe dinakramāt .. 52.59 .. ### [1.52.61](https://indike.org/pramana/in.purana.vayu.1.52.61) tato dvitīyāprabhṛti bahulasya caturddaśī. apāṃ sāramayasyendo rasamātrātmakasya ca. pibantyambumayaṃ devā madhu saumyaṃ sudhāma yam .. 52.60 .. ### [1.52.62](https://indike.org/pramana/in.purana.vayu.1.52.62) sambhṛtañcārddhamāsena amṛtaṃ sūryatejasā . bhakṣārthamamṛtaṃ saumyaṃ paurṇamāsyāmupāsate .. 52.61 .. ### [1.52.63](https://indike.org/pramana/in.purana.vayu.1.52.63) ekarātraṃ suraiḥ sarvaiḥ pitṛbhiśca maharṣibhiḥ. somasya kṛṣṇapakṣādau bhāskarābhimukhasya ca .. 52.62 .. ### [1.52.64](https://indike.org/pramana/in.purana.vayu.1.52.64) prakṣīyate purasyāntaḥ pīyamānāḥ kalāḥ kramāt. kṣīyante tasmāt kṛṣṇe yāḥ śukle hyāpyāyayanti tāḥ .. 52.63 .. ### [1.52.65](https://indike.org/pramana/in.purana.vayu.1.52.65) evaṃ dinakramātīte vibudhāstu niśākaram . pītvā'rddhamāsaṅgacchanti amāvāsyāṃ surottamāḥ . pitaraścopatiṣṭhanti amāvāsyāṃ niśākaram .. 52.64 .. ### [1.52.66](https://indike.org/pramana/in.purana.vayu.1.52.66) tataḥ pañcadaśe bhāge kiñcicchiṣṭe kalātmake. aparāhne pitṛgaṇairjaghanyaḥ paryupāsyate .. 52.65 .. ### [1.52.67](https://indike.org/pramana/in.purana.vayu.1.52.67) pibanti dvikalākālaṃ śiṣṭā tasya tu yā kalā. niḥsṛtaṃ tadamāvāsyāṅgabhastibhyaḥ svadhāmṛtam. tāṃ svadhāṃ māsatṛptyai tu pītvā gacchanti te'mṛtam .. 52.66 .. ### [1.52.68](https://indike.org/pramana/in.purana.vayu.1.52.68) saumyā barhiṣadaścaiva agniṣvāttāstathaiva ca. kavyāścaiva tu ye proktāḥ pitaraḥ sarva eva te .. 52.67 .. ### [1.52.69](https://indike.org/pramana/in.purana.vayu.1.52.69) saṃvatsarāstu vai kavyāḥ pañcābdā ye dvijaiḥ smṛtāḥ. saumyāstu ṛtavo jñeyā māsā barhiṣadaḥ smṛtāḥ. agniṣvāttārtavaścaiva pitṛsargā hi vai dvijāḥ .. 52.68 .. ### [1.52.70](https://indike.org/pramana/in.purana.vayu.1.52.70) pitṛbhiḥ pīyamānasya pañcadaśyāṃ kalā tu vai. yāvanna kṣīyate tasya bhāgaḥ pañcadaśa stu saḥ .. 52.69 .. ### [1.52.71](https://indike.org/pramana/in.purana.vayu.1.52.71) amāvasyāntadā tasya antamāpūryate param. vṛddhikṣayau vai pakṣādau ṣoḍaśyāṃ śaśinaḥ smṛtau .. 52.70 .. ### [1.52.72](https://indike.org/pramana/in.purana.vayu.1.52.72) evaṃ sūryanimittaiṣā kṣayavṛddhi rniśākare. tārāgrahāṇāṃ vakṣyāmi svarbhānośca rathaṃ punaḥ .. 52.71 .. ### [1.52.73](https://indike.org/pramana/in.purana.vayu.1.52.73) toyatejomayaḥ śubhraḥ somaputrasya vai rathaḥ. yukto hayaiḥ piśaṅgaistu aṣṭābhirvātaraṃhasaiḥ .. 52.72 .. ### [1.52.74](https://indike.org/pramana/in.purana.vayu.1.52.74) savarūthaḥ sānukarṣaḥ sūto divyo rathe mahān. sopāsaṅgapatākastu sadhvajo meghasannibhaḥ .. 52.73 .. ### [1.52.75](https://indike.org/pramana/in.purana.vayu.1.52.75) bhārgavasya rathaḥ śrīṇāṃstejasā sūryasannibhaḥ. pṛthivīsambhavairyukto nānāvarṇairhayottamaiḥ .. 52.74 .. ### [1.52.76](https://indike.org/pramana/in.purana.vayu.1.52.76) śvetaḥ piśaṅgaḥ sāraṅgo nīlaḥ pīto vilohitaḥ. kṛṣṇaśca haritaścaiva pṛṣataḥ pṛṣṇireva ca. daśabhi stairmahābhāgairakṛśairvātavegitaiḥ .. 52.75 .. ### [1.52.77](https://indike.org/pramana/in.purana.vayu.1.52.77) aṣṭāśvaḥ kāñcanaḥ śrīmān somasyāpi ratho'bhavat. asaṅgairlauhitairaśvaiḥ sarvagairagnisambhavaiḥ. sarpate'sau kumāro vai ṛjuvakrānucakragaḥ .. 52.76 .. ### [1.52.78](https://indike.org/pramana/in.purana.vayu.1.52.78) tatastvāṅgiraso vidvān devācāryo bṛhaspatiḥ. śoṇairaśvaiḥ kāñcanena syandanena prasarpati .. 52.77 .. ### [1.52.79](https://indike.org/pramana/in.purana.vayu.1.52.79) yuktastu vājibhirdivyairaṣṭābhirvātasammitaiḥ. nakṣatre'bdannivasati savegastena gacchati .. 52.78 .. ### [1.52.80](https://indike.org/pramana/in.purana.vayu.1.52.80) tataḥ śanaiśvaropyaśvaiḥ śabalairvyomasambhavaiḥ. kārṣṇāyasaṃ samāruhya syandanaṃ yāti vai śanaiḥ .. 52.79 .. ### [1.52.81](https://indike.org/pramana/in.purana.vayu.1.52.81) svarbhānostu tathaivāśvāḥ kṛṣṇā hyaṣṭau manojavāḥ. rathantamomayantasya sakṛdyuktā vahantyuta .. 52.80 .. ### [1.52.82](https://indike.org/pramana/in.purana.vayu.1.52.82) ādityānniḥsṛto rāhuḥ somaṃ gacchati parvasu. ādityameti somācca punaḥ saureṣu parvasu .. 52.81 .. ### [1.52.83](https://indike.org/pramana/in.purana.vayu.1.52.83) atha keturathasyāśvā aṣṭāṣṭau vātaraṃhasaḥ. palāladhūmasaṅkāśāḥ śabalā rāsabhāruṇāḥ .. 52.82 .. ### [1.52.84](https://indike.org/pramana/in.purana.vayu.1.52.84) ete vāhā grahāṇāṃ vai mayā proktā rathaiḥ saha. sarve dhruvanibaddhāste prabaddhā vātaraśmibhiḥ .. 52.83 .. ### [1.52.85](https://indike.org/pramana/in.purana.vayu.1.52.85) ete vai bhrāmyamāṇāstu yathā yogaṃ bhramanti vai. vāyavyābhiradṛśyābhiḥ prabaddhā vātaraśmibhiḥ .. 52.84 .. ### [1.52.86](https://indike.org/pramana/in.purana.vayu.1.52.86) paribhramanti tadbaddhāścandrasūryagrahā divi. bhramantamanugacchanti dhruvante jyotiṣāṃ gaṇāḥ .. 52.85 .. ### [1.52.87](https://indike.org/pramana/in.purana.vayu.1.52.87) yathā nadyudake naustu salilena sahohyate. tathā devālayā hyete uhyante vātaraśmibhiḥ. tasmātsarveṇa dṛsyante vyomni devagaṇāstu te .. 52.86 .. ### [1.52.88](https://indike.org/pramana/in.purana.vayu.1.52.88) yāvantyaścaiva tārāstu tāvanto vātaraśmayaḥ. sarvā dhruvanibaddhāstā bramantyo bhrāmayanti tam .. 52.87 .. ### [1.52.89](https://indike.org/pramana/in.purana.vayu.1.52.89) tailapīḍākaraṃ cakraṃ bhramadbhrāmayate yathā. tathā bhramanti jyotīṃṣi vāyabaddhāni sarvaśaḥ .. 52.88 .. ### [1.52.90](https://indike.org/pramana/in.purana.vayu.1.52.90) alātacakravadyānti vātacakreritāni tu. tasmājjyotīṃṣi vahate pravahaṃstena sa smṛtaḥ .. 52.89 .. ### [1.52.91](https://indike.org/pramana/in.purana.vayu.1.52.91) evaṃ dhruvanibaddho'sau sarpate jyotiṣāṃ gaṇaḥ. saiṣa tārāmayojñeyaḥ śiśumāro dhruvo divi. yadahnā kurute pāpaṃ dṛṣṭavā taṃ niśi mucyate .. 52.90 .. ### [1.52.92](https://indike.org/pramana/in.purana.vayu.1.52.92) yāvatyaścaiva tārāstāḥ śiśūmārāśritā divi. tāvantyeva tu varṣāṇi jīvantyabhyadhikāni tu .. 52.91 .. ### [1.52.93](https://indike.org/pramana/in.purana.vayu.1.52.93) śāśvataḥ śiśumāro'sau vijñeyaḥ pravibhāgaśaḥ. uttānapādastasyātha vijñeyo hyuttaro hanuḥ .. 52.92 .. ### [1.52.94](https://indike.org/pramana/in.purana.vayu.1.52.94) yajño'dharastu vijñeyo dharmo mūrddhānamāśritaḥ. hṛdi nārāyaṇaḥ sādhyaḥ aśvinau pūrvapādayoḥ .. 52.93 .. ### [1.52.95](https://indike.org/pramana/in.purana.vayu.1.52.95) varuṇaścāryamā caiva paścime tasya sasthini. śiśraḥ saṃvatsarastasya mitro'pāne samāśritaḥ .. 52.94 .. ### [1.52.96](https://indike.org/pramana/in.purana.vayu.1.52.96) pucche'gniśca mahendraśca marīciḥ kaśyapo dhruvaḥ. tārakāḥ śiśumāraśca nāstameti catuṣṭayam .. 52.95 .. ### [1.52.97](https://indike.org/pramana/in.purana.vayu.1.52.97) nakṣatracandrasūryāśca grahāstārāgaṇeḥ saha. unmukhābhimukhāḥ sarve cakrībhūtāśritā divi .. 52.96 .. ### [1.52.98](https://indike.org/pramana/in.purana.vayu.1.52.98) dhruveṇādhiṣṭhitāḥ sarve dhruvameva pradakṣiṇam . prayāntīha varaṃ śreṣṭhamedhībhūtaṃ dhruvandivi .. 52.97 .. ### [1.52.99](https://indike.org/pramana/in.purana.vayu.1.52.99) dhruvāgnikaśyapānāntu varasvāsau dhruvaḥ smṛtaḥ. eka eva bhramatyeṣa meruparvatamūrddhani .. 52.98 .. ### [1.52.100](https://indike.org/pramana/in.purana.vayu.1.52.100) jyotiṣāñcakrametaddhi sadā karṣatyavāṅmukhaḥ. merumālokayatyeṣa prayātīha pradakṣiṇam .. 52.99 .. ### [1.52.101](https://indike.org/pramana/in.purana.vayu.1.52.101) iti śrīmahāpurāṇe vāyuprokte dhruvacaryā nāma dvipañcāśo'dhyāyaḥ .. 52 .. ## Linked texts (9) - [Brahmāṇḍapurāṇa](https://indike.org/pramana/in.purana.brahmanda.1.23.8) — Vyāsa, Sanskrit - [Matsyapurāṇa](https://indike.org/pramana/in.purana.matsya.126.4) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.55.46) — Vyāsa, Sanskrit - [Sāmbapurāṇa](https://indike.org/pramana/in.purana.upa.surya.samba.20.34) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.12.22) — Sanskrit - [Varāhapurāṇa](https://indike.org/pramana/in.purana.varaha.123.25) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.61.46) — Ativīrarāma Pāṇṭiyar 1500, Sanskrit - [Gṛhastharatnākara](https://indike.org/pramana/in.niti.dharma.acara.ahnika.grhastharatnakara.25.p4) — Caṇḍeśvara, Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.108.31.p1.33) — Hemādri, Sanskrit --- Source: [https://indike.org/pramana/in.purana.vayu.1.52](https://indike.org/pramana/in.purana.vayu.1.52) · Pramāṇa