[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.53 # Vayupurana 1.53: adhyāyaḥ 53 Vāyupurāṇa 1.53 - **Language:** Sanskrit ### adhyāyaḥ 53 ### [1.53.1](https://indike.org/pramana/in.purana.vayu.1.53.1) .. śāṃśapāyana uvāca .. ### [1.53.2](https://indike.org/pramana/in.purana.vayu.1.53.2) etacchrutvā tu munayaḥ punaste saṃśayānvitāḥ. papracchuruttaraṃ bhūyastadā te lomaharṣaṇam .. 53.1 .. ### [1.53.3](https://indike.org/pramana/in.purana.vayu.1.53.3) ..ṛṣaya ucuḥ .. ### [1.53.4](https://indike.org/pramana/in.purana.vayu.1.53.4) yadetaduktambhavatā gṛhāṇyetāni viśritam. kathaṃ devagṛhāṇi syuḥ kathaṃ jyotīṃṣi varṇaya .. 53.2 .. ### [1.53.5](https://indike.org/pramana/in.purana.vayu.1.53.5) etatsarvaṃ samācakṣva jyotiṣāñcaiva niścayam. śrutvā tu vacanaṃ teṣāṃ tadā sūtaḥ samāhitaḥ .. 53.3 .. ### [1.53.6](https://indike.org/pramana/in.purana.vayu.1.53.6) asminnarthe mahāprājñairyaduktaṃ jñānabuddhibhiḥ. tadvo'haṃ sampravakṣyāmi sūryācandramasorbhavam. yathā devagṛhāṇīha sūryācandramasorgṛham .. 53.4 .. ### [1.53.7](https://indike.org/pramana/in.purana.vayu.1.53.7) ataḥ paraṃ trividhāgnervakṣye'hantu samudbhavam. divyasya bhautikasyāgnerathāgneḥ pārthivasya ca .. 53.5 .. ### [1.53.8](https://indike.org/pramana/in.purana.vayu.1.53.8) vyuṣṭāyāntu rajanyāṃ vai brahmaṇo'vyaktajanmanaḥ. avyākṛtamidantvāsīnnaiśena tamasāvṛtam .. 53.6 .. ### [1.53.9](https://indike.org/pramana/in.purana.vayu.1.53.9) caturbhūtāvaśiṣṭe'smin pārthivaḥ so'gnirucyate. yaścādau tapate sūrye śuciragnistu sa smṛtaḥ .. 53.7 .. ### [1.53.10](https://indike.org/pramana/in.purana.vayu.1.53.10) vaidyutākhyastu vijñeyasteṣāṃ vakṣye'tha lakṣaṇam. vaidyuto jāṭharaḥ sauro hyapāṅgarbhāstrayo'gnayaḥ. tasmādapaḥ piban sūryo gobhidīrpyatyasau divi .. 53.8 .. ### [1.53.11](https://indike.org/pramana/in.purana.vayu.1.53.11) vaidyutena samāviṣṭo vārkṣo nādbhiḥ praśāmyati . mānavānāñca kukṣistho nādbhiḥ śāmyati pāvakaḥ .. 53.9 .. ### [1.53.12](https://indike.org/pramana/in.purana.vayu.1.53.12) arcciṣmān paramaḥ so'gniḥ prabhavo jāṭharaḥ smṛtaḥ. yaścāyaṃ maṇḍalī śuklo nirūṣmā saṃprakāśate .. 53.10 .. ### [1.53.13](https://indike.org/pramana/in.purana.vayu.1.53.13) prabhā hi saurī pādena hyastaṃ yāti divākare. agnimāviśate rātrau tasmād‌dūrāt prakāśate .. 53.11 .. ### [1.53.14](https://indike.org/pramana/in.purana.vayu.1.53.14) udyantañca punaḥ sūryamauṣṇyamāgneyamāviśat. pādena pārthivasyāgnestasmādagnistapatyasau .. 53.12 .. ### [1.53.15](https://indike.org/pramana/in.purana.vayu.1.53.15) prakāśaśca tathauṣṇyañca saurāgneye tu tejasī. parasparānupraveśādāpyāyete divāniśam .. 53.13 .. ### [1.53.16](https://indike.org/pramana/in.purana.vayu.1.53.16) uttare caiva bhūmyarddhe tasmādasmiṃśca dakṣiṇe. uttiṣṭhati punaḥ sūrye rātrirāviśate tvapaḥ. tasmāttāmrā bhavantyāpo divārātripraveśanāt .. 53.14 .. ### [1.53.17](https://indike.org/pramana/in.purana.vayu.1.53.17) astaṃ yāti punaḥ sūrye aharvai praviśatyapaḥ. tasmānnaktaṃ punaḥ śuklā āpo viśyanti bhāskare .. 53.15 .. ### [1.53.18](https://indike.org/pramana/in.purana.vayu.1.53.18) etena kramayogena bhūmyarddhe dakṣiṇottare . udayāstamaye nityamahorātraṃ viśatyapaḥ .. 53.16 .. ### [1.53.19](https://indike.org/pramana/in.purana.vayu.1.53.19) yaścāsau tapate sūrye pibannambho gabhastibhiḥ. pārthivo hi vimiśro'sau divyaḥ śuciriti smṛtaḥ .. 53.17 .. ### [1.53.20](https://indike.org/pramana/in.purana.vayu.1.53.20) sahasrapādaḥ so'gnistu vṛttaḥ kumbhanibhaḥ śuciḥ. ādatte tattu raśmīnāṃ sahasreṇa samantataḥ .. 53.18 .. ### [1.53.21](https://indike.org/pramana/in.purana.vayu.1.53.21) nādeyīścaiva sāmudrīḥ kaupyāścaiva sadhānvanīḥ. sthāvarā jaṅgamāścaiva yaśca sūryo hiraṇmayaḥ. tasya raśmisahasrantu varṣaśītoṣṇaniḥsravam .. 53.19 .. ### [1.53.22](https://indike.org/pramana/in.purana.vayu.1.53.22) tāsāñcatuḥśatā nāḍyo varṣanti citramūrttayaḥ. vandanāścaiva vandyaśca ṛtanā nūtanāstathā. amṛtā nāmataḥ sarvvā raśmayo vṛṣṭisarjanāḥ .. 53.20 .. ### [1.53.23](https://indike.org/pramana/in.purana.vayu.1.53.23) himavāhāśca tābhyo'nyā raśmayastriśatāḥ punaḥ. dṛśyā medhyāśca vāhyāśca hrādinyo himasarjanāḥ .. 53.21 .. ### [1.53.24](https://indike.org/pramana/in.purana.vayu.1.53.24) candrāstā nāmataḥ sarvāḥ pītābhāstu gabhastayaḥ. śuklāśca kakubhaścaiva gāvo viśvabhṛtastathā .. 53.22 .. ### [1.53.25](https://indike.org/pramana/in.purana.vayu.1.53.25) śuklāstā nāmataḥ sarvāstriśatā gharmasarjanāḥ. samaṃ bibharti tābhistu manuṣyapitṛdevatāḥ .. 53.23 .. ### [1.53.26](https://indike.org/pramana/in.purana.vayu.1.53.26) manuṣyānauṣadheneha svadhayā ca pitṝnapi. amṛtena surān sarvāṃstrīṃstribhistarpayatyasau .. 53.24 .. ### [1.53.27](https://indike.org/pramana/in.purana.vayu.1.53.27) vasante caiva grīṣme ca sataiḥ sutapate tribhiḥ. varṣāsvatho śaradi ca caturbhiḥ samprakarṣati .. 53.25 .. ### [1.53.28](https://indike.org/pramana/in.purana.vayu.1.53.28) hemante śiśire caiva himaṃ sa sṛja te tribhiḥ. oṣadhīṣu balandhatte svadhayā ca pitṝnapi. sūryo'maratvamamṛtatrayantriṣu niyacchati .. 53.26 .. ### [1.53.29](https://indike.org/pramana/in.purana.vayu.1.53.29) evaṃ raśmisahasrantat sauraṃ lokārtha sādhakam. bhidyate ṛtumāsādya jalaśītoṣṇaniḥsravam .. 53.27 .. ### [1.53.30](https://indike.org/pramana/in.purana.vayu.1.53.30) ityetanmaṇḍalaṃ śuklaṃ bhāsvaraṃ sūryasaṃjñitam. nakṣatragrahasomānāṃ pratiṣṭhāyonireva ca. ṛkṣacandragrahāḥ sarve nijñeyāḥ sūryasambhavāḥ .. 53.28 .. ### [1.53.31](https://indike.org/pramana/in.purana.vayu.1.53.31) nakṣatrādhipatiḥ somo graharājo divākaraḥ. śeṣāḥ pañcagrahā jñeyā īśvarāḥ kāmarūpiṇaḥ .. 53.29 .. ### [1.53.32](https://indike.org/pramana/in.purana.vayu.1.53.32) paṭhyate cāgnirāditya audakaścandramāḥ smṛtaḥ. śeṣāṇāṃ prakṛtiṃ samyagvarṇyamānāṃ nibodhata .. 53.30 .. ### [1.53.33](https://indike.org/pramana/in.purana.vayu.1.53.33) surasenāpati skandaḥ paṭhyate'ṅgārako grahaḥ . nārāyaṇaṃ budhaṃ prāhurdevaṃ jñānavido viduḥ .. 53.31 .. ### [1.53.34](https://indike.org/pramana/in.purana.vayu.1.53.34) rudro vaivasvataḥ sākṣāddharmo loke prabhuḥ svayam. mahāgraho dvijaśreṣṭho mandagāmī śanaiścaraḥ .. 53.32 .. ### [1.53.35](https://indike.org/pramana/in.purana.vayu.1.53.35) devāsuragurū dvau tu bhānumantau mahāgrahau. prajāpatisutāvetāvubhau śukrabṛhaspatī. daityo mahendraśca tayorādhipatye vinirmitau .. 53.33 .. ### [1.53.36](https://indike.org/pramana/in.purana.vayu.1.53.36) ādityamūlamakhilaṃ trilokaṃ nātra saṃśayaḥ. bhavatyasya jagatkṛtsnaṃ sadevāsuramānuṣam .. 53.34 .. ### [1.53.37](https://indike.org/pramana/in.purana.vayu.1.53.37) rudrendropendracandrāṇāṃ viprendrāstridivaukasām. dyutirdyutimatāṃ kṛtsnā yattejaḥ sārvalaukikam .. 53.35 .. ### [1.53.38](https://indike.org/pramana/in.purana.vayu.1.53.38) sarvātmā sarvalokeśo mūlaṃ paramadaivatam. tataḥ saṃjāyate sarvaṃ tatra caiva pralīyate .. 53.36 .. ### [1.53.39](https://indike.org/pramana/in.purana.vayu.1.53.39) bāvābhāvau hi lokānāmādityānniḥ sṛtau purā. jagajjñeyo graho viprā dīptimān sugrāho raviḥ .. 53.37 .. ### [1.53.40](https://indike.org/pramana/in.purana.vayu.1.53.40) yatra gacchanti nidhanaṃ jāyante ca punaḥ punaḥ. kṣaṇā muhūrttā divasā niśāḥ pakṣāśca kṛtsnaśaḥ. māsāḥ saṃvatsarāścaiva ṛtavo'ndayugāni ca .. 53.38 .. ### [1.53.41](https://indike.org/pramana/in.purana.vayu.1.53.41) tadādityādṛte teṣāṃ kālasaṃkhyā na vidyate. kālādṛte na nigamo na dīkṣā nāhnikakramaḥ .. 53.39 .. ### [1.53.42](https://indike.org/pramana/in.purana.vayu.1.53.42) ṛtunāmavibhāgaśca puṣpamūlaphalaṃ kutaḥ. kutaḥ sasyābhiniṣpattirguṇauṣadhigaṇādi vā .. 53.40 .. ### [1.53.43](https://indike.org/pramana/in.purana.vayu.1.53.43) abhāvo vyavahārāṇāṃ devānāṃ divi ceha ca. jagatpratāpanamṛte bhāskaraṃ vāritaskaram .. 53.41 .. ### [1.53.44](https://indike.org/pramana/in.purana.vayu.1.53.44) sa eva kālaścāgniśca dvādaśātmā prajāpatiḥ. tapatyeṣa dvijaśreṣṭāstrailokyaṃ sacarācaram .. 53.42 .. ### [1.53.45](https://indike.org/pramana/in.purana.vayu.1.53.45) sa eṣa tejasāṃ rāśiḥ samastaḥ sārvalaukikaḥ. uttamaṃ mārgamāsthāya vāyobhābhiridañjagat. pārśvamūrddhvamadhaścaiva tāpayatyeṣa sarvaśaḥ .. 53.43 .. ### [1.53.46](https://indike.org/pramana/in.purana.vayu.1.53.46) raveraśmisahasraṃ yat prāṅmayā samudāhṛtam . teṣāṃ śreṣṭhāḥ punaḥ sapta raśmayo grahayonayaḥ .. 53.44 .. ### [1.53.47](https://indike.org/pramana/in.purana.vayu.1.53.47) suṣumno harikeśaśca viśvakarmā tathaiva ca. viśvaśravāḥ punaścānyaḥ saṃyadvasurataḥ param . arvāvasuḥ punaścānyo mayā cātra prakīrttitaḥ .. 53.45 .. ### [1.53.48](https://indike.org/pramana/in.purana.vayu.1.53.48) suṣumnaḥ sūryaraśmistu kṣīṇaṃ śaśinamedhayan. tiryagūrddhvaprabhāvo'sau suṣumnaḥ parikīrtyate .. 53.46 .. ### [1.53.49](https://indike.org/pramana/in.purana.vayu.1.53.49) harikeśaḥ purastvādyā ṛkṣayoniḥ prakīrtyate. dakṣiṇe viśvakarmā tu raśmirvarddhayate budham .. 53.47 .. ### [1.53.50](https://indike.org/pramana/in.purana.vayu.1.53.50) viśvaśravāstu yaḥ paścāt śukrayoniḥ smṛto budhaiḥ. saṃyadvasuśca yo raśmiḥ sā yonirlohitasya ca .. 53.48 .. ### [1.53.51](https://indike.org/pramana/in.purana.vayu.1.53.51) ṣaṣṭhastvarvāvasū raśmiryonistu sa bṛhaspateḥ. śanaiścaraṃ punaścāpi raśmirāpyāyate svarāṭ .. 53.49 .. ### [1.53.52](https://indike.org/pramana/in.purana.vayu.1.53.52) evaṃ sūryaprabhāveṇa grahanakṣatratārakāḥ. varddhante viditāḥ sarvā viśvañcaidaṃ punarjagat . nakṣīyante punastāni tasmānnakṣatratā smṛtā .. 53.50 .. ### [1.53.53](https://indike.org/pramana/in.purana.vayu.1.53.53) kṣetrāṇyetāni vai pūrvamāpatanti gabhastibhiḥ. teṣāṃ kṣetrāṇyathādatte sūryo nakṣatratāṅgataḥ .. 53.51 .. ### [1.53.54](https://indike.org/pramana/in.purana.vayu.1.53.54) tīrṇānāṃ sukṛteneha sukṛtānte grahāśrayāt . tārāṇāṃ tārakā hyetāḥ śuklatvāccaiva tārakāḥ .. 53.52 .. ### [1.53.55](https://indike.org/pramana/in.purana.vayu.1.53.55) divyānāṃ pārthivānāñca naiśānāñcaiva sarvaśaḥ . ādānānnityamādityastamasāṃ tejasāṃ mahān .. 53.53 .. ### [1.53.56](https://indike.org/pramana/in.purana.vayu.1.53.56) suvati spandanārthe ca dhātureṣa vibhāvyate. savanāttejaso'pāñca tenāsau savitā mataḥ .. 53.54 .. ### [1.53.57](https://indike.org/pramana/in.purana.vayu.1.53.57) bahvarthaścandra ityeṣa hlādane dhāturiṣyate . śuklatve cāmṛtatve ca śītatve ca vibhāvyate .. 53.55 .. ### [1.53.58](https://indike.org/pramana/in.purana.vayu.1.53.58) suryācandramasordivye maṇḍale bhāsvare khage. jvalattejomaye śukle vṛttakumbhanibhe śubhe .. 53.56 .. ### [1.53.59](https://indike.org/pramana/in.purana.vayu.1.53.59) ghanatoyātmakaṃ tatra maṇḍalaṃ śaśinaḥ smṛtam. ghanatejomayaṃ śuklaṃ maṇḍalaṃ bhāskarasya tu .. 53.57 .. ### [1.53.60](https://indike.org/pramana/in.purana.vayu.1.53.60) viśanti sarvadevāstu sthānānyetāni sarvaśaḥ. manvantareṣu sarveṣu ṛkṣasūryagrahāśrayāḥ .. 53.58 .. ### [1.53.61](https://indike.org/pramana/in.purana.vayu.1.53.61) tāni devagṛhāṇyeva tadākhyāste bhavanti ca. sauraṃ sūryo viśasthānaṃ saumyaṃ somastathaiva ca .. 53.59 .. ### [1.53.62](https://indike.org/pramana/in.purana.vayu.1.53.62) śaukraṃ śukro viśasthānaṃ ṣoḍaśārcciḥ pratāpavān. bṛhadbṛhaspatiścaiva lohitaścaiva lauhitaḥ . śānaiścaraṃ tathā sthānaṃ deva ścaiva śanaiścaraḥ .. 53.60 .. ### [1.53.63](https://indike.org/pramana/in.purana.vayu.1.53.63) ādityaraśmisaṃyogāt saṃprakāśātmikāḥ smṛtāḥ . navayojanasāhasro viṣkambhaḥ savituḥ smṛtaḥ .. 53.61 .. ### [1.53.64](https://indike.org/pramana/in.purana.vayu.1.53.64) triguṇastasya vistāro maṇḍalañca pramāṇataḥ. dviguṇaḥ sūryavistārādvistāraḥ śaśinaḥ smṛtaḥ .. 53.62 .. ### [1.53.65](https://indike.org/pramana/in.purana.vayu.1.53.65) tulyastayostu svarbhānurbhūtvādhastāt prasarpati. uddhṛtya pārthivacchāyāṃ nirmito maṇḍalākṛtiḥ .. 53.63 .. ### [1.53.66](https://indike.org/pramana/in.purana.vayu.1.53.66) svarbhānostu bṛhat sthānannirmitaṃ yattamomayam. ādityāttacca niṣkramya somaṃ gacchati parvasu .. 53.64 .. ### [1.53.67](https://indike.org/pramana/in.purana.vayu.1.53.67) ādityameti somācca punaḥ somañca parvasu. svarbhāsānudate yasmāttataḥ svarbhānurucyate .. 53.65 .. ### [1.53.68](https://indike.org/pramana/in.purana.vayu.1.53.68) candrasya ṣoḍaśo bhāgo bhārgavaśca nidhīyate. viṣkambhānmaṇḍalāccaiva yojanāgrāt pramāṇataḥ .. 53.66 .. ### [1.53.69](https://indike.org/pramana/in.purana.vayu.1.53.69) bhārgavātpādahīnastu vijñeyo vai bṛhaspatiḥ. buhaspateḥ pādahīnau kujasaurāvubhau smṛtau . vistārānmaṇḍalāccaiva pādahīnastayorbudhaḥ .. 53.67 .. ### [1.53.70](https://indike.org/pramana/in.purana.vayu.1.53.70) tārānakṣatrarūpāṇi svapuṣmantīha yāni vai. budhena samatulyāni vistārānmaṇḍalādatha .. 53.68 .. ### [1.53.71](https://indike.org/pramana/in.purana.vayu.1.53.71) prāyaśaścandrayogāni vidyādṛkṣāṇi tattvavit. tārānakṣatrarūpāṇi hīnāni tu parasparam .. 53.69 .. ### [1.53.72](https://indike.org/pramana/in.purana.vayu.1.53.72) śatāni pañca catvāri trīṇi dve caiva yojane. pūrvāparanikṛṣṭāni tārakāmaṇḍalāni tu. yojanānyarddhamātrāṇi tebhyo hrasvaṃ na vidyate .. 53.70 .. ### [1.53.73](https://indike.org/pramana/in.purana.vayu.1.53.73) upariṣṭātrayasteṣāṃ grahā ye dūrasarpiṇaḥ. sauro'ṅgirāśca vakraśca jñeyā mandavicāriṇaḥ .. 53.71 .. ### [1.53.74](https://indike.org/pramana/in.purana.vayu.1.53.74) tebhyo'dhastāttu catvāraḥ punaranye mahāgrahāḥ. sūryaḥ somo budhaścaiva bhārgavaścaiva śīghragāḥ .. 53.72 .. ### [1.53.75](https://indike.org/pramana/in.purana.vayu.1.53.75) yāvantya stārakāḥ koṭyastāvadṛkṣāṇi sarvaśaḥ. vīthīnāṃ niyamāccaivamṛkṣamārgo vyavasthitaḥ .. 53.73 .. ### [1.53.76](https://indike.org/pramana/in.purana.vayu.1.53.76) gatistāstveva sūryasya nīcoccatve'yanakramāt. uttarāyaṇa mārgastho yadā parvasu candramāḥ. baudhaṃ baudho'tha svarbhānuḥ svarbhānoḥ sthānamāsthitaḥ .. 53.74 .. ### [1.53.77](https://indike.org/pramana/in.purana.vayu.1.53.77) nakṣatrāṇi ca sarvāṇi nakṣatrāṇi viśantyuta. gṛhāṇye tāni sarvāṇi jyotīṃṣi sukṛtātmanām .. 53.75 .. ### [1.53.78](https://indike.org/pramana/in.purana.vayu.1.53.78) kalpādau saṃpravṛttāni nirmitāni svayambhuvā. sthānānyetāni tiṣṭhanti yāvadābhūtasaṃplavam .. 53.76 .. ### [1.53.79](https://indike.org/pramana/in.purana.vayu.1.53.79) manvantareṣu sarveṣu devatāyatanāni vai. abhimānino'vatiṣṭanti yāvadābhūtasaṃplavam .. 53.77 .. ### [1.53.80](https://indike.org/pramana/in.purana.vayu.1.53.80) atītaistu sahātītā bhāvyābhāvyaiḥ surāsuraiḥ . varttante varttamānaiśca sthānāni svaiḥ suraiḥ saha .. 53.78 .. ### [1.53.81](https://indike.org/pramana/in.purana.vayu.1.53.81) asmin manvantare caiva grahā vaimānikāḥ smṛtāḥ. vivasvānaditeḥ putraḥ sūryo vaivasvate'ntare .. 53.79 .. ### [1.53.82](https://indike.org/pramana/in.purana.vayu.1.53.82) tviṣimāndharmaputrastu somadevo vasuḥ smṛtaḥ. śukro devastu vijñeyo bhārgavo'surarājakaḥ .. 53.80 .. ### [1.53.83](https://indike.org/pramana/in.purana.vayu.1.53.83) bṛhattejāḥ smṛto devo devācāryo'ṅgiraḥsutaḥ. budho manoharaścaiva tviṣiputrastu sa smṛtaḥ .. 53.81 .. ### [1.53.84](https://indike.org/pramana/in.purana.vayu.1.53.84) agnirvikalpāt saṃjajñe yuvā'sau lohitādhipaḥ. nakṣatraṛkṣagāminyo dākṣāyaṇyaḥ smṛtāstu tāḥ .. 53.82 .. ### [1.53.85](https://indike.org/pramana/in.purana.vayu.1.53.85) svarbhānuḥ siṃhikāputro bhūtasantāpano'suraḥ. somarkṣagrahasūrye tu kīrtitāstvabhimāninaḥ .. 53.83 .. ### [1.53.86](https://indike.org/pramana/in.purana.vayu.1.53.86) sthānānyetānyathoktāni sthāninyaścaiva devatāḥ. śuklamagnimayaṃ sthānaṃ sahasrāṃśorvivasvataḥ .. 53.84 .. ### [1.53.87](https://indike.org/pramana/in.purana.vayu.1.53.87) sahasrāṃśostviṣaḥ sthānamammayaṃ śuklameva ca. atha śyāmaṃ manojñasya pañcaraśmergṛhaṃ smṛtam .. 53.85 .. ### [1.53.88](https://indike.org/pramana/in.purana.vayu.1.53.88) śukrasyāpyammayaṃ sthānaṃ sadma ṣoḍaśaraśmivat. navaraśmestu yūno hi lohitasthānamammayam .. 53.86 .. ### [1.53.89](https://indike.org/pramana/in.purana.vayu.1.53.89) hariścāpyaṃ bṛhaccāpi dvādaśāṃśorbṛhaspateḥ. aṣṭa raśmergṛhaṃ proktaṃ kṛṣṇaṃ buddhasya ammayam .. 53.87 .. ### [1.53.90](https://indike.org/pramana/in.purana.vayu.1.53.90) svarbhānostāmasaṃ sthānaṃ bhūtasantāpanālayam. vijñeyāstārakāḥ sarvāstvammayāstvekaraśmayaḥ .. 53.88 .. ### [1.53.91](https://indike.org/pramana/in.purana.vayu.1.53.91) āśrayāḥ puṇyakīrtīnāṃ suśuklāścaiva varṇataḥ. ghanatoyātmikā jñeyāḥ kalpādau vedanirmitāḥ .. 53.89 .. ### [1.53.92](https://indike.org/pramana/in.purana.vayu.1.53.92) uccatvāddṛśyate śīghramabhivyaktairgabhastibhiḥ. tathā dakṣiṇamārgastho nīvivīthīsamākṣitaḥ .. 53.90 .. ### [1.53.93](https://indike.org/pramana/in.purana.vayu.1.53.93) bhūmilekhāvṛtaḥ sūryaḥ pūrṇāmāvāsyayostathā. nadṛśyate yathākālaṃ śāghrato'stamupaiti ca .. 53.91 .. ### [1.53.94](https://indike.org/pramana/in.purana.vayu.1.53.94) tasmāduttaramārgastho hyamāvāsyāṃ niśākaraḥ. dṛśyate dakṣiṇe mārge niyamāddṛśyate na ca .. 53.92 .. ### [1.53.95](https://indike.org/pramana/in.purana.vayu.1.53.95) jyotiṣāṃ gatiyogena sūryācandramasāvubhau. samānakālāstamayau viṣuvatsu samodayau .. 53.93 .. ### [1.53.96](https://indike.org/pramana/in.purana.vayu.1.53.96) uttarāsu ca vīthīṣu vyantarāstamayodayau. pūrṇāmāvāsyayorjñeyau jyotiścakrānuvarttinau .. 53.94 .. ### [1.53.97](https://indike.org/pramana/in.purana.vayu.1.53.97) dakṣiṇāyanamārgastho yadā bhavati raśmivān. tadā sarvagrahāṇāṃ sa sūryo'dhastāt prasarpati .. 53.95 .. ### [1.53.98](https://indike.org/pramana/in.purana.vayu.1.53.98) vistīrṇaṃ maṇḍalaṃ kṛtvā tasyorddhvañcarate śaśī. nakṣatramaṇḍalaṃ kṛtsnaṃ somādūrddhvaṃ prasarpati .. 53.96 .. ### [1.53.99](https://indike.org/pramana/in.purana.vayu.1.53.99) nakṣatrebhyo budhaśvorddhvaṃ budhādūrddhvaṃ bṛhaspatiḥ. tasmācchanaiścaraścorddhvaṃ tasmātsaptarṣimaṇḍalam . ṛṣīṇāñcaiva saptānāṃ dhruva ūrddhvaṃ vyavasthitaḥ .. 53.97 .. ### [1.53.100](https://indike.org/pramana/in.purana.vayu.1.53.100) dviguṇeṣu sahasreṣu yojanānāṃ śateṣu ca. tārāgrahāntarāṇi syurupariṣṭādyathākramam .. 53.98 .. ### [1.53.101](https://indike.org/pramana/in.purana.vayu.1.53.101) grahāśca candrasūryau tu divi divyena tejasā. nityamṛkṣeṣu yujyanti gacchanti niyamakramāt .. 53.99 .. ### [1.53.102](https://indike.org/pramana/in.purana.vayu.1.53.102) grahanakṣatrasūryāstu nīcoccamṛdvavasthitāḥ. samāgame ca bhede ca paśyanti yugapat prajāḥ .. 53.100 .. ### [1.53.103](https://indike.org/pramana/in.purana.vayu.1.53.103) parasparasthitāḥ hyete yujyante ca parasparam. asaṅkareṇa vijñeyasteṣāṃ yogastu vai budhaiḥ .. 53.101 .. ### [1.53.104](https://indike.org/pramana/in.purana.vayu.1.53.104) ityeṣa sanniveśo vaḥ pṛthivyāṃ jyautiṣasya ca. dvīpānāmudnadhīnāṃ ca parvatānāṃ tathaiva ca .. 53.102 .. ### [1.53.105](https://indike.org/pramana/in.purana.vayu.1.53.105) varṣāṇāṃ ca nadīnāñca yeṣu teṣu vasanti vai. ete caiva grahāḥ pūrvaṃ nakṣatreṣu samutthitāḥ .. 53.103 .. ### [1.53.106](https://indike.org/pramana/in.purana.vayu.1.53.106) vivasvānaditeḥ putraḥ sūryo vai cākṣuṣe'ntare. viśākhāsu samutpanno grahāṇāṃ prathamo grahaḥ .. 53.104 .. ### [1.53.107](https://indike.org/pramana/in.purana.vayu.1.53.107) tviṣimān dharmmaputrastu somo viśvāvasustathā. śītaraśmiḥ samutpannaḥ kṛttikāsu niśākaraḥ .. 53.105 .. ### [1.53.108](https://indike.org/pramana/in.purana.vayu.1.53.108) ṣoḍaśārcirbhṛgoḥ putraḥ śukraḥ sūryādanantaram. tārāgrahāṇāṃ pravarastiṣyakṣetre samutthitaḥ .. 53.106 .. ### [1.53.109](https://indike.org/pramana/in.purana.vayu.1.53.109) grahaścāṅgirasaḥ putro dvādaśārccirbṛhaspatiḥ. phālgunīṣu samutpannaḥ sarvāsu ca jagadguruḥ .. 53.107 .. ### [1.53.110](https://indike.org/pramana/in.purana.vayu.1.53.110) navārcirlohitāṅgastu prajāpatisuto grahaḥ . āṣāḍhāsviha pūrvāsu samutpanna iti śrutiḥ .. 53.108 .. ### [1.53.111](https://indike.org/pramana/in.purana.vayu.1.53.111) revatīṣveva saptārci stathā sauraśanaiścaraḥ. rohiṇīṣu samutpannau grahau candrārkamarddanau .. 53.109 .. ### [1.53.112](https://indike.org/pramana/in.purana.vayu.1.53.112) ete tārāgrahāścaiva boddhavyā bhārgavādaya. janmanakṣatrapīḍāsu yānti vaiguṇyatāṃ yataḥ. spṛśante tena doṣeṇa tatastā grahabhaktiṣu .. 53.110 .. ### [1.53.113](https://indike.org/pramana/in.purana.vayu.1.53.113) sarvagrahāṇāmeteṣāmādirāditya ucyate. tārāgrahāṇāṃ śukrastu ketūnāñcaiva dhūmavān .. 53.111 .. ### [1.53.114](https://indike.org/pramana/in.purana.vayu.1.53.114) dhruvaḥ kālo grahāṇāṃ tu vibhaktānāṃ caturdiśam . nakṣatrāṇāṃ śraviṣṭhā syādayanānāṃ tathottaram .. 53.112 .. ### [1.53.115](https://indike.org/pramana/in.purana.vayu.1.53.115) varṣāṇāñcāpi pañcānāmādyaḥ saṃvatsaraḥ smṛtaḥ. ṛtūnāṃ śiśirañcāpi māsānāṃ māgha eva ca .. 53.113 .. ### [1.53.116](https://indike.org/pramana/in.purana.vayu.1.53.116) pakṣāṇāṃ śuklapakṣastu tithīnāṃ pratipattathā. ahorātravibhāgānāmahaścāpi prakīrtitam .. 53.114 .. ### [1.53.117](https://indike.org/pramana/in.purana.vayu.1.53.117) muhūrttānāṃ tathaivādirmuhūrtto rudradaivataḥ. akṣṇoścāpi nimeṣādiḥ kālaḥ kālavido mataḥ .. 53.115 .. ### [1.53.118](https://indike.org/pramana/in.purana.vayu.1.53.118) śravaṇāntaṃ śraviṣṭhādiyugaṃ syāt pañcavārṣikam. bhānorgativiśeṣeṇa cakravat parivarttate .. 53.116 .. ### [1.53.119](https://indike.org/pramana/in.purana.vayu.1.53.119) divākaraḥ smṛtastasmātkālastaṃ viddhi ceśvaram. caturvanidhānāṃ bhūtānāṃ pravarttakanivarttakaḥ .. 53.117 .. ### [1.53.120](https://indike.org/pramana/in.purana.vayu.1.53.120) ityeṣa jyotiṣāmeva sanniveśo'rthaniścayāt. lokasaṃvyavahārārthamīśvareṇa vinirmitaḥ .. 53.118 .. ### [1.53.121](https://indike.org/pramana/in.purana.vayu.1.53.121) utpannaḥ śravaṇenāsau saṃkṣiptaśca dhruve tathā. sarvato'nteṣu vistīrṇo vṛkṣākāra iti sthitiḥ .. 53.119 .. ### [1.53.122](https://indike.org/pramana/in.purana.vayu.1.53.122) buddhipūrvambhagavatā kalpādau saṃprakīrtitaḥ. sāśrayaḥ so'bhimānī ca sarvasya jyotirātmakaḥ. viśvarūpaḥ pradhānasya pariṇāmo'yamadbhutaḥ .. 53.120 .. ### [1.53.123](https://indike.org/pramana/in.purana.vayu.1.53.123) naiva śakyaṃ prasaṃkhyātuṃ yāthātathyena kenacit. gatāgataṃ manuṣyeṣu jyotiṣāṃ māṃsacakṣuṣā .. 53.121 .. ### [1.53.124](https://indike.org/pramana/in.purana.vayu.1.53.124) āgamādanumānācca pratyakṣādupapattitaḥ. parīkṣya nipuṇaṃ bhaktyā śraddhātavyaṃ vipaścitā .. 53.122 .. ### [1.53.125](https://indike.org/pramana/in.purana.vayu.1.53.125) cakṣuḥ śāstraṃ jalaṃ lekhyaṃ gaṇitaṃ buddhisattamāḥ. pañcaite hetavo jñeyā jyotirgaṇavicintane .. 53.123 .. ### [1.53.126](https://indike.org/pramana/in.purana.vayu.1.53.126) iti śrīmahāpurāṇe vāyuprokte jyotiḥsanniveśo nāma tripañcāśo'dhyāyaḥ .. 53 ... ## Linked texts (5) - [Brahmāṇḍapurāṇa](https://indike.org/pramana/in.purana.brahmanda.1.24.1) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.59.1) — Vyāsa, Sanskrit - [Matsyapurāṇa](https://indike.org/pramana/in.purana.matsya.128.3) — Vyāsa, Sanskrit - [Mudgalapurāṇa](https://indike.org/pramana/in.purana.upa.surya.mudgala.2.12.21) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.65.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.vayu.1.53](https://indike.org/pramana/in.purana.vayu.1.53) · Pramāṇa