[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.54 # Vayupurana 1.54: adhyāyaḥ 54 Vāyupurāṇa 1.54 - **Language:** Sanskrit ### adhyāyaḥ 54 ### [1.54.1](https://indike.org/pramana/in.purana.vayu.1.54.1) ..ṛṣaya ūcuḥ.. ### [1.54.2](https://indike.org/pramana/in.purana.vayu.1.54.2) kasmin deśe mahāpuṇyametadākhyānamuttamam. vṛttaṃ brahmapurogāṇāṃ kasmin kāle mahādyute. etadākhyāhi naḥ samyag yathā vṛttaṃ tapodhana .. 54.1 .. ### [1.54.3](https://indike.org/pramana/in.purana.vayu.1.54.3) ..sūta uvāca.. ### [1.54.4](https://indike.org/pramana/in.purana.vayu.1.54.4) yathā śrutaṃ mayā pūrvaṃ vāyunā jagadāyunā. kathyamānaṃ dvijaśreṣṭhāḥ satre varṣasahasrake .. 54.2 .. ### [1.54.5](https://indike.org/pramana/in.purana.vayu.1.54.5) nīlatā yena kaṇṭhasya devadevasya śūlinaḥ. tadahaṃ kīrttayiṣyāmi śrṛṇudhvaṃ śaṃsitavratāḥ .. 54.3 .. ### [1.54.6](https://indike.org/pramana/in.purana.vayu.1.54.6) uttare śailarājasya sarāṃsi sarito hradāḥ. puṇyodyāneṣu tīrtheṣu devatāyataneṣu ca. giriśrṛṅgeṣu tuṅgeṣu gahvaropavaneṣu ca .. 54.4 .. ### [1.54.7](https://indike.org/pramana/in.purana.vayu.1.54.7) devabhaktā mahātmāno munayaḥ śaṃsitavratāḥ. stuvanti ca mahādevaṃ yatra yathāvidhi .. 54.5 .. ### [1.54.8](https://indike.org/pramana/in.purana.vayu.1.54.8) ṛgyajuḥsāmavedaiśca nṛtyagītārccanādibhiḥ. oṅkāreṇa namaskārairarccayanti sadā śivam .. 54.6 .. ### [1.54.9](https://indike.org/pramana/in.purana.vayu.1.54.9) pravṛtte jyotiṣāṃ cakre madhyavyāpte divākare. devatā niyatātmānaḥ sarve tiṣṭhanti tāṃ kathām . atha niyamapravṛttāśca prāṇaśeṣavyavasthitāḥ .. 54.7 .. ### [1.54.10](https://indike.org/pramana/in.purana.vayu.1.54.10) namaste nīlakaṇṭhāya ityuvāca sadāgatiḥ. tacchutvā bhāvitātmāno munayaḥ śaṃśitavratāḥ. vālakhilyeti vikhyātāḥ pataṅgasahacāriṇaḥ .. 54.8 .. ### [1.54.11](https://indike.org/pramana/in.purana.vayu.1.54.11) aṣṭāśītisahasrāṇi munīnāmūrddhvaretasām. tasmāt pṛcchanti vai vāyuṃ vāyuparṇāmbubhojanāḥ .. 54.9 .. ### [1.54.12](https://indike.org/pramana/in.purana.vayu.1.54.12) ..ṛṣaya ūcuḥ.. ### [1.54.13](https://indike.org/pramana/in.purana.vayu.1.54.13) nīlakaṇṭheti yat proktaṃ tvayā pavanasattama. etadduhyaṃ pavitrāṇāṃ puṇyaṃ puṇyakṛtāṃ varāḥ .. 54.10 .. ### [1.54.14](https://indike.org/pramana/in.purana.vayu.1.54.14) tadvayaṃ śrotumicchāmastvatprasādātprabhañjana. nīlatā yena kaṇṭhasya kāraṇenāmbikāpateḥ .. 54.11 .. ### [1.54.15](https://indike.org/pramana/in.purana.vayu.1.54.15) śrotumicchā mahe samyak tava vakrādviśeṣataḥ. yāvadvācaḥ pravarttante sārthāstāśca tvayeritāḥ .. 54.12 .. ### [1.54.16](https://indike.org/pramana/in.purana.vayu.1.54.16) varṇasthānagate vāyau vāgvidhiḥ saṃpravartate. jñānaṃ pūrvamathotsāha stvatto vāyo pravartate .. 54.13 . tvayi niṣpandamāne tu śeṣā varṇapravṛttayaḥ. yatra vāco nivartante dehabandhāśca durlabhāḥ .. 54.14 .. ### [1.54.17](https://indike.org/pramana/in.purana.vayu.1.54.17) tatrāpi te'sti sadbhāvaḥ sarvagastvaṃ sadānila. nānyaḥ sarvagato devastvadṛteśa़sti samīraṇa .. 54.15 .. ### [1.54.18](https://indike.org/pramana/in.purana.vayu.1.54.18) eṣa vai jīvalokaste pratyakṣaḥ sarvato'nila. vettha vācaspatiṃ devaṃ manonāyakamīsvaram .. 54.16 .. ### [1.54.19](https://indike.org/pramana/in.purana.vayu.1.54.19) brūhi tatkaṇṭhadeśasya kiṃ kṛtā rūpavikriyā. śrutvā vākyantatasteṣāmṛṣīṇāṃ bhāvitātmānām. pratyuvāca mahātejā vāyurloka namaskṛtaḥ .. 54.17 .. ### [1.54.20](https://indike.org/pramana/in.purana.vayu.1.54.20) ..vāyuruvāca.. ### [1.54.21](https://indike.org/pramana/in.purana.vayu.1.54.21) purā kṛtayuge vipro vedanirṇayatatparaḥ. vasiṣṭho nāma dharmātmā mānaso vai prajāpateḥ .. 54.18 .. ### [1.54.22](https://indike.org/pramana/in.purana.vayu.1.54.22) prapaccha kārtikeyaṃ vai mayūravaravāhanam. mahiṣāsuranārīṇāṃ nayanāñjanataskaram .. 54.19 .. ### [1.54.23](https://indike.org/pramana/in.purana.vayu.1.54.23) mahāsenaṃ mahātmānaṃ meghastanitaniḥsvanam. umāmanaḥpraharṣeṇa bālakaṃ chajharūpiṇam .. 54.20 .. ### [1.54.24](https://indike.org/pramana/in.purana.vayu.1.54.24) krauñcajīvitaharttāraṃ pārvatīhṛdi nandanam. vasiṣṭhaḥ pṛcchate bhaktyā kārtikeyaṃ mahābalam .. 54.21 .. ### [1.54.25](https://indike.org/pramana/in.purana.vayu.1.54.25) ..vasiṣṭha uvāca.. ### [1.54.26](https://indike.org/pramana/in.purana.vayu.1.54.26) namaste haranandāya umāgarbha namo 'stu te. namaste agnigarbhāya gaṅgāgarbha namo'stu te .. 54.22 .. ### [1.54.27](https://indike.org/pramana/in.purana.vayu.1.54.27) namaste śaragarbhāya namaste kṛttikāsuta. namo dvādaśanetrāya ṣaṇmukhāya namo'stu te .. 54.23 .. ### [1.54.28](https://indike.org/pramana/in.purana.vayu.1.54.28) namaste śaktihastāya divyaghaṇṭāpatākine. evaṃ stutvā mahāsenaṃ papraccha śikhivāhanam .. 54.24 .. ### [1.54.29](https://indike.org/pramana/in.purana.vayu.1.54.29) yadetaddṛśyate varṇaṃ śubhaṃ śubhrāñjanaprabham. tatkimarthaṃ samutpannaṃ kaṇṭhe kundendusaṃprabhe .. 54.25 .. ### [1.54.30](https://indike.org/pramana/in.purana.vayu.1.54.30) etadāptāya bhaktāya dāntāya brūhi pṛcchate. kathāṃ maṅgalasaṃyuktāṃ pavitrāṃ pāpanāśinīm . matpriyārthaṃ mahābhāga vaktumarhasyaśeṣataḥ .. 54.26 .. ### [1.54.31](https://indike.org/pramana/in.purana.vayu.1.54.31) śrutvā vākyaṃ tatastasya vasiṣṭhasya mahātmanaḥ. pratyuvāca mahātejāḥ surāribalasūdanaḥ .. 54.27 .. ### [1.54.32](https://indike.org/pramana/in.purana.vayu.1.54.32) śrṛṇuṣva vadatāṃ śreṣṭha kathyamānaṃ vaco mama. umotsaṅganiviṣṭena mayā pūrvaṃ yathāśrutam .. 54.28 .. ### [1.54.33](https://indike.org/pramana/in.purana.vayu.1.54.33) pārvatyā saha saṃvādaḥ śarvasya ca mahātmanaḥ. tadahaṅkīrttayiṣyāmi tvatpriyārthaṃ mahāmune .. 54.29 .. ### [1.54.34](https://indike.org/pramana/in.purana.vayu.1.54.34) kailāsaśikhare ramye nānādhātuvicitrite. nānādrumalatākīrṇe cakravākopaśobhite .. 54.30 .. ### [1.54.35](https://indike.org/pramana/in.purana.vayu.1.54.35) ṣaṭ‌padodgītabahule dhārāsampātanādite. mattakrauñcamayūrāṇāṃ nādairudghuṣṭakandare .. 54.31 .. ### [1.54.36](https://indike.org/pramana/in.purana.vayu.1.54.36) apsarogaṇasaṅkīrṇe kinnaraiścopaśobhite . jīvañjīvakajātīnāṃ vīrudbhirupaśobhite .. 54.32 .. ### [1.54.37](https://indike.org/pramana/in.purana.vayu.1.54.37) kokilārāvamadhure siddha cāraṇasevite. saurabhaiyīninādāḍhye adhastanitaniḥsvane .. 54.33 .. ### [1.54.38](https://indike.org/pramana/in.purana.vayu.1.54.38) vināyakabhayodvigne kuñjarairyuktakandare. vīṇāvāditranirghoṣaiḥ śrotrendriyamanoramaiḥ .. 54.34 .. ### [1.54.39](https://indike.org/pramana/in.purana.vayu.1.54.39) dolālambitasampāte vanitāsaṅghasevite. dhvajairlambitadolānāṃ ghaṇṭhānāṃ ninadākule .. 54.35 .. ### [1.54.40](https://indike.org/pramana/in.purana.vayu.1.54.40) mukhamardalavāditrairbalināṃ sphoṭitaistathā. krīḍāravavicārāṇāṃ nirghoṣaiḥ pūrṇamandire .. 54.36 .. ### [1.54.41](https://indike.org/pramana/in.purana.vayu.1.54.41) hāsaiḥ santrāsajananairvikarālamukhaistathā. dehagandhairvicitraiśca prakrīḍitagaṇeścaraiḥ .. 54.37 .. ### [1.54.42](https://indike.org/pramana/in.purana.vayu.1.54.42) vajrasphaṭikasopāna citrapaṭṭiśilātalaiḥ. vyādhrasiṃhamukhaiśacavānyairgajavājimukhaistathā .. 54.38 .. ### [1.54.43](https://indike.org/pramana/in.purana.vayu.1.54.43) biḍālavadanaiścograiḥ kroṣṭukākāramūrtibhiḥ . hrasvairdīrghaiḥ kṛśaiḥ sthūlairlambodara mahodaraiḥ .. 54.39 .. ### [1.54.44](https://indike.org/pramana/in.purana.vayu.1.54.44) hrasvajaṅghaiśca lamboṣṭhaistālajaṅghaistathāparaiḥ. gaukarṇairekakarṇaiśca mahākarṇairakarṇakaiḥ .. 54.40 .. ### [1.54.45](https://indike.org/pramana/in.purana.vayu.1.54.45) bahupādairmahāpādairekapādairapādakaiḥ. bahuśīrṣairmahāśīrṣairekaśīrṣairaśīrṣakaiḥ .. 54.41 .. ### [1.54.46](https://indike.org/pramana/in.purana.vayu.1.54.46) bahunetrairmahānetrairekanaitrairanaitrakaiḥ . evaṃvidhairmahāyogibhūtairbhūtapatirvṛtaḥ .. 54.42 .. ### [1.54.47](https://indike.org/pramana/in.purana.vayu.1.54.47) viśuddhamuktāmaṇiratnabhūṣite śilātale hemamaye manorame. sukhopaviṣṭaṃ madanāṅganāśanaṃ provāca vākyaṃ girirājaputrī .. 54.43 .. ### [1.54.48](https://indike.org/pramana/in.purana.vayu.1.54.48) ..devyuvāca.. ### [1.54.49](https://indike.org/pramana/in.purana.vayu.1.54.49) bhagavan bhūtabhavyeśa govṛṣāṅkitaśāsana. tava kaṇṭhe mahādeva bhrājate'mbudaśannibham .. 54.44 .. ### [1.54.50](https://indike.org/pramana/in.purana.vayu.1.54.50) nātyulbaṇaṃ nātiśubraṃ nīlāñjanacayopamam. kimidaṃ dīpyate deva kaṇṭhe kāmāṅga nāśana .. 54.45 .. ### [1.54.51](https://indike.org/pramana/in.purana.vayu.1.54.51) ko hetuḥ kāraṇaṃ kiñca kaṇṭhe nīlatvamīśvaraḥ . etatsarvaṃ yathānyāyaṃ brūhi kautūhalaṃ hime .. 54.46 .. ### [1.54.52](https://indike.org/pramana/in.purana.vayu.1.54.52) śrutvā vākyaṃ tatastasyāḥ pārvatyāḥ pārvatīpriyaḥ . kathāṃ maṅgalasaṃyuktāṃ kathayāmāsa śaṅkaraḥ .. 54.47 .. ### [1.54.53](https://indike.org/pramana/in.purana.vayu.1.54.53) mathyamāne'mṛte pūrvaṃ kṣīrode suradānavaiḥ. agre samutthitaṃ tasmin viṣaṃ kālānalaprabham .. 54.48 .. ### [1.54.54](https://indike.org/pramana/in.purana.vayu.1.54.54) taṃ dṛṣṭvā surasaṅghāśca daityāścaiva varānane. viṣaṇṇavadanāḥ sarve gatāste brahmaṇo'ntikam .. 54.49 .. ### [1.54.55](https://indike.org/pramana/in.purana.vayu.1.54.55) dṛṣṭvā suragaṇān bhītān brahmo vāca mahādyutiḥ. kimarthaṃ bho mahābhāgā bhītā udvignacetasaḥ .. 54.50 .. ### [1.54.56](https://indike.org/pramana/in.purana.vayu.1.54.56) mayāṣṭaguṇamaiśvaryaṃ bhavatāṃ samprakalpitam. kena vyāvarttitaiśvaryā yūyaṃ vai surasattamāḥ .. 54.51 .. ### [1.54.57](https://indike.org/pramana/in.purana.vayu.1.54.57) trailokyasyeśvarā yūyaṃ sarve vai vigatajvarāḥ. prajāsarge na so'stīha ājñāṃ yo me nivarttayet .. 54.52 .. ### [1.54.58](https://indike.org/pramana/in.purana.vayu.1.54.58) vimānagāminaḥ sarve sarve svacchandagāminaḥ. adhyātme cādhibhūte ca adhidaive ca nityaśaḥ. prajāḥ karmavipākena śaktā yūyaṃ pravarttitum .. 54.53 .. ### [1.54.59](https://indike.org/pramana/in.purana.vayu.1.54.59) tatkimarthaṃ bhayodvignā mṛgāḥ siṃhārditā iva. kiṃ duḥkhaṃ kena santāpaḥ kulo vā bhayamāgatam. etatsarvaṃ yathānyāyaṃ śīgramākhyātumarhatha .. 54.54 .. ### [1.54.60](https://indike.org/pramana/in.purana.vayu.1.54.60) śrutvā vākyaṃ tatastasya brahmaṇo vai mahātmanaḥ. ūcuste ṛṣibhiḥ sārdhdhaṃ suradaityendradānavāḥ .. 54.55 .. ### [1.54.61](https://indike.org/pramana/in.purana.vayu.1.54.61) surāsurairmathyamāne pāthodhau ca mahātmabhiḥ. bhujaṅgabhṛṅgasaṅkāśaṃ nīlajīmūtasannibham. prādurbhūtaṃ viṣaṃ ghoraṃ saṃvartāgnisamaprabham .. 54.56 .. ### [1.54.62](https://indike.org/pramana/in.purana.vayu.1.54.62) kālamṛtyurivodbhūtaṃ yugāntādityavarcasam. trailokyotsādi sūryābhaṃ prasphurantaṃ samantataḥ .. 54.57 .. ### [1.54.63](https://indike.org/pramana/in.purana.vayu.1.54.63) viṣeṇottiṣṭhamānena kālānalasamatviṣā. nirdagdho raktagaurāṅgaḥ kṛtakṛṣṇo janārdanaḥ .. 54.58 .. ### [1.54.64](https://indike.org/pramana/in.purana.vayu.1.54.64) dṛṣṭvā taṃ raktagaurāṅgaṃ kṛtakṛṣṇaṃ janārdanam. bhītāḥ sarve vayaṃ devāstvāmeva śaraṇaṃ gatāḥ .. 54.59 .. ### [1.54.65](https://indike.org/pramana/in.purana.vayu.1.54.65) surāṇāmasurāṇāñca śrutvā vākyaṃ pitāmahaḥ. pratyuvāca mahātejā lokānāṃ hitakāmyayā .. 54.60 .. ### [1.54.66](https://indike.org/pramana/in.purana.vayu.1.54.66) śrṛṇudhvaṃ devatāḥ sarve ṛṣayaśca tapodhanāḥ. yattadagre samutpannaṃ mathyamāne mahodadhau .. 54.61 .. ### [1.54.67](https://indike.org/pramana/in.purana.vayu.1.54.67) viṣaṃ kālānalaprakhyaṃ kālakūṭeti viśrutam. yena prodbhūtamātreṇa kṛtakṛṣṇo janārdanaḥ .. 54.62 .. ### [1.54.68](https://indike.org/pramana/in.purana.vayu.1.54.68) tasya viṣṇurahañcāpi sarve te surapuṅgavāḥ. na śaknuvanti vai soḍhuṃ vegamanye tu śaṅkarāt .. 54.63 .. ### [1.54.69](https://indike.org/pramana/in.purana.vayu.1.54.69) ityuktvā pajhagarbhābhaḥ pajhayonirayonijaḥ . tataḥ stotuṃ samārabdho brahmā lokapitāmahaḥ .. 54.64 .. ### [1.54.70](https://indike.org/pramana/in.purana.vayu.1.54.70) namastubhyaṃ virūpākṣa namaste'nekacakṣuṣe. namaḥ pinākahastāya vajrahastāya vai namaḥ .. 54.65 .. ### [1.54.71](https://indike.org/pramana/in.purana.vayu.1.54.71) namastrailokyanāthāya bhūtānāmpataye namaḥ. namaḥ surārisaṃhartre tāpasāya tricakṣuṣe .. 54.66 .. ### [1.54.72](https://indike.org/pramana/in.purana.vayu.1.54.72) brahamaṇe caiva rudrāya viṣṇave caiva te namaḥ. sāṅkhyāya caiva yogāya bhūtagrāmāya vai namaḥ .. 54.67 .. ### [1.54.73](https://indike.org/pramana/in.purana.vayu.1.54.73) manmatāṅgavināśāya kālakālāya vai namaḥ. rudrāya ca sureśāya devadevāya te namaḥ. 54.68. kapardine karālāya śaṅkarāya kapāline. virūpāyaikarūpāya śivāya varadāya ca .. 54.69 .. ### [1.54.74](https://indike.org/pramana/in.purana.vayu.1.54.74) tripuraghnāya vandyāya mātṝṇāmpataye namaḥ. buddhāya caiva śuddhāya muktāya kevalāya ca .. 54.70 .. ### [1.54.75](https://indike.org/pramana/in.purana.vayu.1.54.75) namaḥ kamalahastāya digvāsāya śikhaṇḍine . loka trayavalidhātre ca candrāya varuṇāya ca .. 54.71 .. ### [1.54.76](https://indike.org/pramana/in.purana.vayu.1.54.76) agrāya caiva cogrāya viprāyānekacakṣuṣe. rajase caiva sattvāya tamase'vyaktayonaye .. 54.72 .. ### [1.54.77](https://indike.org/pramana/in.purana.vayu.1.54.77) nityāyānityarūpāya nityānityāya vai namaḥ. vyaktāya caivāvyaktāya vyaktāvyaktāya vai namaḥ .. 54.73 .. ### [1.54.78](https://indike.org/pramana/in.purana.vayu.1.54.78) cintyāya caivācintyāya cintyācintyāya vai namaḥ. bhaktānāmārtināśāya naranārāyaṇāya ca .. 54.74 .. ### [1.54.79](https://indike.org/pramana/in.purana.vayu.1.54.79) umāpriyāya śarvāya nandicakrāṅkitāya ca. pakṣamāsārddhamāsāya namaḥ saṃvatsarāya ca .. 54.75 .. ### [1.54.80](https://indike.org/pramana/in.purana.vayu.1.54.80) bahurūpāya muṇḍāya daṇḍine'tha varūthine. namaḥ kapālahastāya digvāsāya śikhaṇiḍane .. 54.76 .. ### [1.54.81](https://indike.org/pramana/in.purana.vayu.1.54.81) dhvajine rathine caiva yamine brahmacāriṇe. ṛgyajuḥ sāmavedāya puruṣāyeśvarāya ca. ityevamādicaritaistubhyaṃ deva namo'stu te .. 54.77 .. ### [1.54.82](https://indike.org/pramana/in.purana.vayu.1.54.82) ..śrīmahādeva uvāca.. ### [1.54.83](https://indike.org/pramana/in.purana.vayu.1.54.83) evaṃ stutastato devaiḥ praṇipatya varānane .. 54.78 .. ### [1.54.84](https://indike.org/pramana/in.purana.vayu.1.54.84) jñātvā tu bhaktiṃ mama devadevo gaṅgājalāplāvitakeśadeśaḥ. sūkṣmo'tiyogātiśayādacintyo na hi pluto vyaktamupaiti candraḥ .. 54.79 .. ### [1.54.85](https://indike.org/pramana/in.purana.vayu.1.54.85) evaṃ bhagavatā pūrvaṃ brahmaṇā lokakartṛṇā. stuto'haṃ vividhaiḥ stotrai rvedavedāṅgasambhavaiḥ .. 54.80 .. ### [1.54.86](https://indike.org/pramana/in.purana.vayu.1.54.86) tataḥ prīto hyahaṃ tasmai brahmaṇe sumahātmane. tato'haṃ sūkṣmayā vācā pitāmahamathābruvam .. 54.81 .. ### [1.54.87](https://indike.org/pramana/in.purana.vayu.1.54.87) bhagavan bhūtabhavyeśa lokanātha jagatpate. kiṃ kārye te mayā brahman karttavyaṃ vada suvrata .. 54.82 .. ### [1.54.88](https://indike.org/pramana/in.purana.vayu.1.54.88) śrutvā vākyaṃ tato brahmā pratyuvācāmbujekṣaṇaḥ . bhūtabhavyabhavannātha śrūyatāṃ kāraṇeśvara .. 54.83 .. ### [1.54.89](https://indike.org/pramana/in.purana.vayu.1.54.89) surāsurairmathyamāne payodhāvambujekṣaṇa. bhagavanmegha saṅkāśaṃ nīlajīmūtasannibham .. 54.84 .. ### [1.54.90](https://indike.org/pramana/in.purana.vayu.1.54.90) prādurbhūtaṃ viṣaṅghoraṃ saṃvarttāgnisamaprabham. kālamṛtyurivodbhūtaṃ yugāntādityavarccasam .. 54.85 .. ### [1.54.91](https://indike.org/pramana/in.purana.vayu.1.54.91) trailokyotsādi sūryābhaṃ visphurantaṃ samantataḥ. agre samutthitaṃ tasmin viṣaṅkālānalaprabham .. 54.86 .. ### [1.54.92](https://indike.org/pramana/in.purana.vayu.1.54.92) taṃ dṛṣṭvā tuṃ vayaṃ sarve bhītāḥ sambhrāntacetasaḥ. tat pibasva mahādeva lokānāṃ hitakāmyayā . bhavānagryasya bhoktā vai bhavāṃśvaiva varaḥ prabhuḥ .. 54.87 .. ### [1.54.93](https://indike.org/pramana/in.purana.vayu.1.54.93) tvāmṛte'nyo mahādeva viṣaṃ soḍhuṃ na vidyate . nāsti kaścit pumān śaktastrailokyeṣu ca gīyate .. 54.88 .. ### [1.54.94](https://indike.org/pramana/in.purana.vayu.1.54.94) evaṃ tasya vacaḥ śrutvā brahmaṇaḥ parameṣṭhinaḥ. bāḍhamityeva tadvākyaṃ pratigṛhya varānane .. 54.89 .. ### [1.54.95](https://indike.org/pramana/in.purana.vayu.1.54.95) tato'haṃ pātumārabdho viṣamantakasannibham. pibato me mahāghoraṃ viṣaṃ surabhayaṅkaram. kaṇṭhaḥ samabhavattūrṇaṃ kṛṣṇo me varavarṇini .. 54.90 .. ### [1.54.96](https://indike.org/pramana/in.purana.vayu.1.54.96) taṃdṛṣṭvo tpalapatrābhaṃ kaṇṭhe saktamivoragam . takṣakaṃ nāgarājānaṃ lelihānamiva sthitam .. 54.91 .. ### [1.54.97](https://indike.org/pramana/in.purana.vayu.1.54.97) athovāca mahātejā brahmā lokapitāmahaḥ. śobhase tvaṃ mahādeva kaṇṭhenānena suvrata .. 54.92 .. ### [1.54.98](https://indike.org/pramana/in.purana.vayu.1.54.98) tatastasya vacaḥ śrutvā mayā girivarātmaje. paśyatāṃ devasaṅgānāṃ daityānāñca varānane .. 54.93 .. ### [1.54.99](https://indike.org/pramana/in.purana.vayu.1.54.99) yakṣagandharvabhūtānāṃ piśācoragarakṣasām. dhṛtaṃ kaṇṭhe viṣaṃ ghoraṃ nīlakaṇṭastato hyaham .. 54.94 .. ### [1.54.100](https://indike.org/pramana/in.purana.vayu.1.54.100) tat kālakūṭaṃ viṣamugratejaḥ kaṇṭhe mayā parvatarājaputri. niveśyamānaṃ suradaityasaṅgho dṛṣṭvā paraṃ vismayamājagāma .. 54.95 .. ### [1.54.101](https://indike.org/pramana/in.purana.vayu.1.54.101) tataḥ suragaṇāḥ sarve sadaityoragarākṣasāḥ. ūcuḥ prāñcalayo bhūtvā mattamātaṅgagāmini .. 54.96 .. ### [1.54.102](https://indike.org/pramana/in.purana.vayu.1.54.102) aho balaṃ vīryaparākramaste aho punaryogabalaṃ tavaiva. aho prabhutvaṃ tava devadeva gaṅgājalāsphālitamuktakeśa .. 54.97 .. ### [1.54.103](https://indike.org/pramana/in.purana.vayu.1.54.103) tvameva viṣṇuścaturānanastvaṃ tvameva mṛtyu rvaradastvameva. tvameva sūryo rajanīkaraśca tvameva bhūmiḥ salilaṃ tvameva .. 54.98 .. ### [1.54.104](https://indike.org/pramana/in.purana.vayu.1.54.104) tvameva yajño niyamastvameva tvameva bhūtaṃ bhavitā tvameva. tvameva cādi rnidhanaṃ tvameva sthūlaśca sūkṣmaḥ puruṣastvameva .. 54.99 .. ### [1.54.105](https://indike.org/pramana/in.purana.vayu.1.54.105) tvameva sūkṣmasya parasya sūkṣmastvameva vahniḥ pavanastvameva. tvameva sarvasya carācarasya lokasya karttā pralaye ca goptā .. 54.100 .. ### [1.54.106](https://indike.org/pramana/in.purana.vayu.1.54.106) itīdamuktvā vacanaṃ surendrāḥ pragṛhya somaṃ praṇipatya mūrdnā. gatā vimānairanigṛhya vegairmahātmano merumupetya sarve .. 54.101 .. ### [1.54.107](https://indike.org/pramana/in.purana.vayu.1.54.107) ityetatparamaṃ guhyaṃ puṇyātpuṇyamahattaram. nīlakaṇṭheti yat proktaṃ vikhyātaṃ lokaviśrutam .. 54.102 .. ### [1.54.108](https://indike.org/pramana/in.purana.vayu.1.54.108) svayaṃ svayambhuvā proktāṃ puṇyāṃ pāpapraṇāśanīm. yastu dhārayate nityamenāṃ brahmodbhavāṃ kathām. tasyāhaṃ saṃpravakṣyāmi phalaṃ vai vipulaṃ mahat .. 54.103 .. ### [1.54.109](https://indike.org/pramana/in.purana.vayu.1.54.109) viṣaṃ tasya varārohe sthāvaraṃ jaṅgamantathā. gātraṃ prāpya ca suśroṇi kṣipraṃ tat pratihanyate .. 54.104 .. ### [1.54.110](https://indike.org/pramana/in.purana.vayu.1.54.110) śamayatyaśubhaṃ ghoraṃ duḥsvapnañcāpakarṣati. strīṣu vallabhatāṃ yāti sabhāyāṃ pārthivasya ca .. 54.105 .. ### [1.54.111](https://indike.org/pramana/in.purana.vayu.1.54.111) vivāde jayamāpnoti yuddhe śūratvameva ca. gacchataḥ kṣemamadhvānaṃ gṛhe ca nityasampadaḥ .. 54.106 .. ### [1.54.112](https://indike.org/pramana/in.purana.vayu.1.54.112) śarīrabhede vakṣyāmi gatiṃ tasya varānane. nīlakaṇṭho haricchamaśruḥ śaśāṅkāṅkitamūrddhajaḥ .. 54.107 .. ### [1.54.113](https://indike.org/pramana/in.purana.vayu.1.54.113) tryakṣastriśūlapāṇiśca vṛṣayānaḥ pinākadhṛk. nandhitulyabalaḥ śrīmān nanditulyaparākramaḥ .. 54.108 .. ### [1.54.114](https://indike.org/pramana/in.purana.vayu.1.54.114) vicaratyacirāt sarvān sarvalokānmamājñayā . na hanyate gatistasya anilasya yathāmbare. mama tulyabalo bhūtvā tiṣṭhatyābhūtasamplavam .. 54.109 .. ### [1.54.115](https://indike.org/pramana/in.purana.vayu.1.54.115) mama bhaktā varārohe ye ca śrṛṇvanti mānavāḥ. teṣāṃ gatiṃ pravakṣyāmi iha loke paratra ca .. 54.110 .. ### [1.54.116](https://indike.org/pramana/in.purana.vayu.1.54.116) brāhmaṇo vedamāpnoti kṣatriyo jayate mahīm. vaiśyastu labhate lābhaṃ śūdraḥ sukhamavāpnuyāt .. 54.111 .. ### [1.54.117](https://indike.org/pramana/in.purana.vayu.1.54.117) vyādhito mucyate rogādbaddho mucyeta bandhanāt. gurviṇī labhate putraṃ kanyā vindati satpatim. naṣṭañca labhate sarvamihaloke paratra ca .. 54.112 .. ### [1.54.118](https://indike.org/pramana/in.purana.vayu.1.54.118) gavāṃ śatasahasrasya samyagdattasya yat phalam. tat phalaṃ bhavati śrutvā vibhordivyāmimāṃ kathām .. 54.113 .. ### [1.54.119](https://indike.org/pramana/in.purana.vayu.1.54.119) pādaṃ vā yadi vāpyarddhaṃ ślokaṃ ślokārddhameva vā. yastu dhārayate nityaṃ rudralokaṃ sa gacchati .. 54.114 .. ### [1.54.120](https://indike.org/pramana/in.purana.vayu.1.54.120) kathāmimāṃ puṇyaphalādiyuktāṃ nivedya devyāḥ śaśibaddha mūrddhajaḥ. vṛṣasya pṛṣṭhena sahomayā prabhurjagāma kiṣkindhaguhāṃ guhapriyaḥ .. 54.115 .. ### [1.54.121](https://indike.org/pramana/in.purana.vayu.1.54.121) krāntaṃ mayā pāpaharaṃ mahāpadaṃ nivedya tebhyaḥ pradadau prabhañjanaḥ. adhītya sarvaṃ tvakhilaṃ sulakṣaṇaṃ jagāma ādityapathaṃ dvijottamaḥ .. 54.116 .. ### [1.54.122](https://indike.org/pramana/in.purana.vayu.1.54.122) iti śrīmahāpurāṇe vāyu prokte nīlakaṇṭhastavo nāma catuḥ pañcāśo'dhyāyaḥ .. 54 .. ## Linked texts (5) - [Brahmāṇḍapurāṇa](https://indike.org/pramana/in.purana.brahmanda.1.25.4) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.7.12.584_125) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.4.399) — Jīva Gosvāmin 1555, Sanskrit - [Vīraśaivānandacandrikā (Maritontadārya)](https://indike.org/pramana/in.sampradaya.saiva.virasaiva.virasaivanandacandrika-maritontadarya.30.35) — Maritontadārya 1725, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.65.1) — Kumāra Kavi, Sanskrit --- Source: [https://indike.org/pramana/in.purana.vayu.1.54](https://indike.org/pramana/in.purana.vayu.1.54) · Pramāṇa