[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.55 # Vayupurana 1.55: adhyāyaḥ 55 Vāyupurāṇa 1.55 - **Language:** Sanskrit ### adhyāyaḥ 55 ### [1.55.1](https://indike.org/pramana/in.purana.vayu.1.55.1) ..ṛṣaya ūcuḥ.. ### [1.55.2](https://indike.org/pramana/in.purana.vayu.1.55.2) guṇakarmaprabhāvaiśca ko'dhiko vadatāṃ varaḥ. śrotumicchāmahe samyagāścaryaṃ guṇavistaram .. 55.1 .. ### [1.55.3](https://indike.org/pramana/in.purana.vayu.1.55.3) ..sūta uvāca.. ### [1.55.4](https://indike.org/pramana/in.purana.vayu.1.55.4) atrāpyudāharantīmamiti hāsaṃ purātanam . mahādevasya māhātmyaṃ vibhutvañca mahātmanaḥ .. 55.2 .. ### [1.55.5](https://indike.org/pramana/in.purana.vayu.1.55.5) pūrvaṃ trailokyavijaye viṣṇunā samudāhṛtam. baliṃ baddhvā mahaujāstu trailokyādhi patiḥ purā .. 55.3 .. ### [1.55.6](https://indike.org/pramana/in.purana.vayu.1.55.6) praṇaṣṭeṣu ca daityeṣu prahṛṣṭe ca śacīpatau. athājagmuḥ prabhuṃ draṣṭuṃ sarve devāḥ savāsavāḥ .. 55.4 .. ### [1.55.7](https://indike.org/pramana/in.purana.vayu.1.55.7) yatrāste viśvarūpātmā kṣīrodasya samī pataḥ. siddhabrahmarṣayo yakṣā gandharvāpsarasāṅgaṇāḥ .. 55.5 .. ### [1.55.8](https://indike.org/pramana/in.purana.vayu.1.55.8) nāgā devarṣayaścaiva nadyaḥ sarve ca parvatāḥ. abhigamya mahātmānaṃ stuvanti puruṣaṃ harim .. 55.6 .. ### [1.55.9](https://indike.org/pramana/in.purana.vayu.1.55.9) tvaṃ dhātā tvañca karttā'sya tvaṃ lokān sṛjasi prabho. tvatprasādācca kalyāṇaṃ prāptaṃ trailokyamavyayam. asurāśca jitāḥ sarve balirbaddhaśca vai tvayā .. 55.7 .. ### [1.55.10](https://indike.org/pramana/in.purana.vayu.1.55.10) eva muktaḥ surairviṣṇuḥ siddhaiśca paramarṣibhiḥ. pratyuvāca tato devān sarvāṃstān puruṣottamaḥ .. 55.8 .. ### [1.55.11](https://indike.org/pramana/in.purana.vayu.1.55.11) śrūyatāmabhidhāsyāmi kāraṇaṃ surasattamāḥ. yaḥ sraṣṭā sarvabhūtānāṃ kālaḥ kālakaraḥ prabhuḥ .. 55.9 .. ### [1.55.12](https://indike.org/pramana/in.purana.vayu.1.55.12) yena hi brahmaṇā sārddhaṃ sṛṣṭā lokāśca māyayā. tasyaiva ca prasādena ādau siddhatvamāgatam .. 55.10 .. ### [1.55.13](https://indike.org/pramana/in.purana.vayu.1.55.13) purā tamasi cāvyakte trailokye grāsite mayā. udarastheṣu bhūteṣu loke'haṃ śayitastadā .. 55.11 .. ### [1.55.14](https://indike.org/pramana/in.purana.vayu.1.55.14) sahasraśīrṣā bhūtvā ca sahasrākṣaḥ sahasrapāt. śaṅkhacakragadā pāṇiḥ śayito vimale'mbhasi .. 55.12 .. ### [1.55.15](https://indike.org/pramana/in.purana.vayu.1.55.15) etasminnantare dūrāt paśyāmi hyamitaprabham. śatasūryapratīkāśaṃ jvalantaṃ svena tejasā .. 55.13 .. ### [1.55.16](https://indike.org/pramana/in.purana.vayu.1.55.16) caturvakraṃ mahā yogaṃ puruṣaṃ kāñcanaprabham. kṛṣṇājinadharaṃ devaṃ kamaṇḍaluvibhūṣitam. nimeṣāntaramātreṇa prāpto'sau puruṣottamaḥ .. 55.14 .. ### [1.55.17](https://indike.org/pramana/in.purana.vayu.1.55.17) tato māmabravīdbrahmā sarvaloka namaskṛtaḥ. kastvaṃ kuto vā kiñceha tiṣṭhase vada me vibho .. 55.15 .. ### [1.55.18](https://indike.org/pramana/in.purana.vayu.1.55.18) ahaṃ karttā'smi lokānāṃ svayambūrviśvatomukhaḥ. evamuktastadā dena brahmaṇāhamuvāca tam .. 55.16 .. ### [1.55.19](https://indike.org/pramana/in.purana.vayu.1.55.19) ahaṃ karttā ca lokānāṃ saṃharttā ca punaḥ punaḥ. evaṃ sambhāṣamāṇābhyāṃ parasparajayaiṣiṇām. uttarāṃ diśamāsthāya jvālā dṛṣṭāpyadhiṣṭhitā .. 55.17 .. ### [1.55.20](https://indike.org/pramana/in.purana.vayu.1.55.20) jvālāntatastāmālokya vismittau ca tadānayoḥ . tejasā caiva tenātha sarvaṃ jyotiḥkṛtaṃ jalam .. 55.18 .. ### [1.55.21](https://indike.org/pramana/in.purana.vayu.1.55.21) varddhamāne tadā vahnāvatyantaparamādbhute. atidudrāva tāṃ jvālāṃ brahmā cāhañca satvaraḥ .. 55.19 .. ### [1.55.22](https://indike.org/pramana/in.purana.vayu.1.55.22) divaṃ bhūmiñca viṣṭabhya tiṣṭhantaṃ jvālamaṇḍalam. tasya jvālasya madhye tu paśyāvo vipulaprabham .. 55.20 .. ### [1.55.23](https://indike.org/pramana/in.purana.vayu.1.55.23) prādeśamātramavyaktaṃ liṅgaṃ paramadīpitam. na ca tatkāñcanaṃ madhye na śailaṃ na ca rājatam .. 55.21 .. ### [1.55.24](https://indike.org/pramana/in.purana.vayu.1.55.24) anirddeśyamacintyañca lakṣyālakṣyaṃ punaḥ punaḥ. mahaujasaṃ mahāghoraṃ varddhamānaṃ bhṛśaṃ tadā. jvālāmālāyataṃ nyastaṃ sarvabhūtabhayaṅkaram .. 55.22 .. ### [1.55.25](https://indike.org/pramana/in.purana.vayu.1.55.25) asya liṅgasya yo'ntaṃ vai gacchate mantrakāraṇam. ghora rūpiṇamatyarthaṃ bhindantamiva rodasī .. 55.23 .. ### [1.55.26](https://indike.org/pramana/in.purana.vayu.1.55.26) tato māmabravīdbrahmā adho gaccha tvatandritaḥ. antamasya vijānīmo liṅgasya tu mahātmanaḥ .. 55.24 .. ### [1.55.27](https://indike.org/pramana/in.purana.vayu.1.55.27) ahamūrddhvaṃ gamiṣyāmi yāvadanto'sya dṛśyate. tadā tau samayaṃ kṛtvā gatāvūrddhvamadhaśca ha .. 55.25 .. ### [1.55.28](https://indike.org/pramana/in.purana.vayu.1.55.28) tato varṣasahasrantu ahaṃ punaradho gataḥ. na ca paśyāmi tasyāntaṃ bhītaścāhaṃ na saṃśayaḥ .. 55.26 .. ### [1.55.29](https://indike.org/pramana/in.purana.vayu.1.55.29) tathā brahmā ca śrāntaśca na cāntantasya paśyati. samāgato mayā sārddhaṃ tatraiva ca mahāmbhasi .. 55.27 .. ### [1.55.30](https://indike.org/pramana/in.purana.vayu.1.55.30) tato vismayamāpannāvubhau tasya mahātmanaḥ .. ### [1.55.31](https://indike.org/pramana/in.purana.vayu.1.55.31) māyayā mohitau tena naṣṭasaṃjñau vyavasthitau .. 55.28 .. ### [1.55.32](https://indike.org/pramana/in.purana.vayu.1.55.32) tato dhyānagatantatra īśvaraṃ sarvatomukham. prabhavaṃ nidhaṉañcaiva lokānāṃ prabhumavyayam .. 55.29 .. ### [1.55.33](https://indike.org/pramana/in.purana.vayu.1.55.33) brahmāñjalipuṭo bhūtvā tasmai śarvāya śūline. mahābhairavanādāya bhīmarūpāya daṃṣṭriṇe. avyaktāya mahāntāya namaskāraṃ prakurmahe .. 55.30 .. ### [1.55.34](https://indike.org/pramana/in.purana.vayu.1.55.34) namo'stu te lokasureśa deva namo'stu te bhūtapate mahāṃśca. namo'stu te śāśvata siddhayone namo'stu te sarvajagatpratiṣṭha .. 55.31 .. ### [1.55.35](https://indike.org/pramana/in.purana.vayu.1.55.35) parameṣṭhī paraṃ brahma akṣaraṃ paramaṃ padam. śreṣṭhastvaṃ vāmadevaśca rudraḥ skandaḥ śivaḥ prabhuḥ .. 55.32 .. ### [1.55.36](https://indike.org/pramana/in.purana.vayu.1.55.36) tvaṃ yajñastvaṃ vaṣaṭ‌kārastvamoṅkāraḥ paraṃ padam. svāhākāro namaskāraḥ saṃskāraḥ sarvakarmaṇām .. 55.33 .. ### [1.55.37](https://indike.org/pramana/in.purana.vayu.1.55.37) svadhākāraśca jāpyaśca vratāni niyamāstathā. vedā lokāśca devāśca bhagavāneva sarvaśaḥ .. 55.34 .. ### [1.55.38](https://indike.org/pramana/in.purana.vayu.1.55.38) ākāśasya ca śabdastvaṃ bhūtānāṃ prabhavāvyayam. bhūmergandho rasaśvāpāṃ tejorūpaṃ maheśvara .. 55.35 .. ### [1.55.39](https://indike.org/pramana/in.purana.vayu.1.55.39) vāyoḥ ruparśaśca devaśca vapuścandramasastathā . budho jñānañca deveśa prakṛtau bījameva ca .. 55.36 .. ### [1.55.40](https://indike.org/pramana/in.purana.vayu.1.55.40) tvaṃ karttā sarvabhūtānāṃ kālo mṛtyuryamo'ntakaḥ. tvaṃ dhārayasi lokāstrīṃstvameva sṛjasi prabho .. 55.37 .. ### [1.55.41](https://indike.org/pramana/in.purana.vayu.1.55.41) pūrveṇa vadanena tvamindratvañca prakāśase. dakṣiṇena ca vakreṇa lokān saṃkṣīyase prabho .. 55.38 .. ### [1.55.42](https://indike.org/pramana/in.purana.vayu.1.55.42) paścimena tu vakreṇa varuṇatvaṃ karoṣi vai. uttareṇa tu vakreṇa saumyatvañca vyavasthitam .. 55.39 .. ### [1.55.43](https://indike.org/pramana/in.purana.vayu.1.55.43) rājase bahudhā deva lokānāṃ prabhavāvyayaḥ. ādityā vasavo rudrā marutaścāśvinīsutau .. 55.40 .. ### [1.55.44](https://indike.org/pramana/in.purana.vayu.1.55.44) sādhyā vidyādharā nāgāśvāraṇāśca tapodhanāḥ. vālakhilyā mahātmānastapaḥ siddhāśca suvratāḥ .. 55.41 .. ### [1.55.45](https://indike.org/pramana/in.purana.vayu.1.55.45) tvattaḥ prasūtā deveśa ye cānye niyatavratāḥ. umā sītā sinī vālī kuhūrgāyatrireva ca .. 55.42 .. ### [1.55.46](https://indike.org/pramana/in.purana.vayu.1.55.46) lakṣmīḥ kīrttirdhṛtirmedhā lajjā kṣāntirvapuḥ svadhā. tuṣṭiḥ puṣṭhiḥ kriyā caiva vācāṃ devī sarasvatī. tvattaḥ prasūtā deveśa sandhyā rātristathaiva ca .. 55.43 .. ### [1.55.47](https://indike.org/pramana/in.purana.vayu.1.55.47) sūryāyutānāmayutaprabhā ca namo'stu te candrasahasragocara. namo'stu te parvatarūpadhāriṇe namo'stu te sarvaguṇākarāya .. 55.44 .. ### [1.55.48](https://indike.org/pramana/in.purana.vayu.1.55.48) namo'stu te paṭṭiśarūpadhāriṇe namo'stu te carmavibhūtidhāriṇe . namo'stu te rudrapinākapāṇaye namo'stu te sāyakacakradhāriṇe .. 55.45 .. ### [1.55.49](https://indike.org/pramana/in.purana.vayu.1.55.49) namo'stu te bhasmavibhūṣitāṅga namo'stu te kāmaśarīranāśana. namo'stu te deva hiraṇyavāsase namo'stu te deva hiraṇyabāhave .. 55.46 .. ### [1.55.50](https://indike.org/pramana/in.purana.vayu.1.55.50) namo'stu te deva hiraṇyarūpa namo'stu te deva hiraṇyanābha. namo'stu te netrasahasracitra namo'stu te deva hiraṇyaretaḥ .. 55.47 .. ### [1.55.51](https://indike.org/pramana/in.purana.vayu.1.55.51) namo'stu te deva hiraṇyavarṇa namo'stu te deva hiraṇyagarbha. namo'stu te deva hiraṇyacīra namo'stu te deva hiraṇyadāyine .. 55.48 .. ### [1.55.52](https://indike.org/pramana/in.purana.vayu.1.55.52) namo'stu te deva hiraṇyamāline namo'stu te deva hiraṇyavāhine. namo'stu te deva hiraṇyacīra namo'stu te bhairavanādanādine .. 55.49 .. ### [1.55.53](https://indike.org/pramana/in.purana.vayu.1.55.53) namo'stu te bhairavavegavega namo'stu te śaṅkara nīlakaṇṭha. mano'stu te divyasahasrabāho namo'stu te narttanavādanapriya .. 55.50 .. ### [1.55.54](https://indike.org/pramana/in.purana.vayu.1.55.54) evaṃ saṃstūyamānastu vyakto bhūtvā mahāmatiḥ. bhāti devo mahāyogī sūryakoṭisamaprabhaḥ .. 55.51 .. ### [1.55.55](https://indike.org/pramana/in.purana.vayu.1.55.55) abhibhāṣyastadā hṛṣṭo mahādevo maheśvaraḥ. vakrakoṭisahasreṇa grasamāna ivāparam .. 55.52 .. ### [1.55.56](https://indike.org/pramana/in.purana.vayu.1.55.56) ekagrīvastvekajaṭo nānābhūṣaṇbhūṣitaḥ. nānācitravicitrāṅgo nānāmālyānulepanaḥ .. 55.53 .. ### [1.55.57](https://indike.org/pramana/in.purana.vayu.1.55.57) pinākapāṇirbhagavān vṛṣabhāsanaśūladhṛk . daṇḍakṛṣṇājinadharaḥ kapālī ghorarūpadhṛk .. 55.54 .. ### [1.55.58](https://indike.org/pramana/in.purana.vayu.1.55.58) vyālayajñopavītī ca surāṇāmabhayaṅkaraḥ. dundubhisvananirghoṣaparjanyaninadopamaḥ. mukto hāsastadā tena nabhaḥ sarvamapūrayat .. 55.55 .. ### [1.55.59](https://indike.org/pramana/in.purana.vayu.1.55.59) tena śabdena mahatā vayaṃ bhītā mahātmanaḥ. tadovāca mahāyogī prīto'haṃ surasattamau .. 55.56 .. ### [1.55.60](https://indike.org/pramana/in.purana.vayu.1.55.60) paśyetāñca mahāmāyāṃ bhayaṃ sarvaṃ pramucyatām . yuvāṃ prasūtau gātreṣu mama pūrvasanātanau .. 55.57 .. ### [1.55.61](https://indike.org/pramana/in.purana.vayu.1.55.61) ayaṃ me dakṣiṇo bāhurbrahmā lokapitāmahaḥ. vāmo bāhuśca me viṣṇurnityaṃ yuddheṣu tiṣṭhati. prīto'haṃ yuvayoḥ samyagvaraṃ dajhi yathepsitam .. 55.58 .. ### [1.55.62](https://indike.org/pramana/in.purana.vayu.1.55.62) tataḥ prahṛṣṭamanasau praṇatau pādayoḥ punaḥ . ūcatuśca mahātmānau punareva tadānaghau .. 55.59 .. ### [1.55.63](https://indike.org/pramana/in.purana.vayu.1.55.63) yadi prītiḥ samutpannā yadi deyo varaśca nau. bhaktirbhavatu nau nityaṃ tvayi deva sureśvara .. 55.60 .. ### [1.55.64](https://indike.org/pramana/in.purana.vayu.1.55.64) ..bhagavānuvāca.. ### [1.55.65](https://indike.org/pramana/in.purana.vayu.1.55.65) evamastu mahābhāgau sṛjatāṃ vividhāḥ prajāḥ. evamuktvā sa bhagavāṃstatraivāntaradhīyata .. 55.61 .. ### [1.55.66](https://indike.org/pramana/in.purana.vayu.1.55.66) evameṣa mayokto vaḥ prabhāvastasya yoginaḥ. tena sarvamidaṃ sṛṣṭaṃ hetumātrā vayantviha .. 55.62 .. ### [1.55.67](https://indike.org/pramana/in.purana.vayu.1.55.67) etaddhi rūpamajñātamavyaktaṃ śivasaṃjñitam. acintyaṃ tadadṛśyañca paśyanti jñānacakṣuṣaḥ .. 55.63 .. ### [1.55.68](https://indike.org/pramana/in.purana.vayu.1.55.68) tasmai devādhipatyāya namaskāraṃ prayuṅkta ha. yena sūkṣmamacintyañca paśyanti jñānacakṣuṣaḥ .. 55.64 .. ### [1.55.69](https://indike.org/pramana/in.purana.vayu.1.55.69) mahādeva namaste'stu maheśvara namo'stu te. surāsuravara śreṣṭha manohaṃsa namo'stu te .. 55.65 .. ### [1.55.70](https://indike.org/pramana/in.purana.vayu.1.55.70) ..sūta uvāca.. ### [1.55.71](https://indike.org/pramana/in.purana.vayu.1.55.71) etacchrutvā gatāḥ sarve surāḥ svaṃ svaṃ niveśanam. namaskāraṃ prayuñjānāḥ śaṅkarāya mahātmane .. 55.66 .. ### [1.55.72](https://indike.org/pramana/in.purana.vayu.1.55.72) imaṃ stavaṃ paṭhedyastu īśvarasya mahātmanaḥ. kāmāṃśca labhate sarvān pāpebhyastu vimucyate .. 55.67 .. ### [1.55.73](https://indike.org/pramana/in.purana.vayu.1.55.73) etatsarvaṃ sadā tena viṣṇunā prabhaviṣṇunā. mahādevaprasādena uktaṃ brahma sanātanam. etadvaḥ sarvamākhyātaṃ mayā māheśvaraṃ balam .. 55.68 .. ### [1.55.74](https://indike.org/pramana/in.purana.vayu.1.55.74) iti śrīmahāpurāṇe vāyuprokte liṅgodbhavastavo nāma pañcapañcāśo'dhyāyaḥ .. 55 .. ## Linked texts (3) - [Brahmāṇḍapurāṇa](https://indike.org/pramana/in.purana.brahmanda.1.26.3) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.2.1.9.23) — Sanskrit - [Mudgalapurāṇa](https://indike.org/pramana/in.purana.upa.surya.mudgala.2.14.35) — Sanskrit --- Source: [https://indike.org/pramana/in.purana.vayu.1.55](https://indike.org/pramana/in.purana.vayu.1.55) · Pramāṇa