[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.5 # Vayupurana 1.5 Vāyupurāṇa 1.5 - **Language:** Sanskrit ### [1.5.1](https://indike.org/pramana/in.purana.vayu.1.5.1) ..lomaharṣaṇa uvāca.. ### [1.5.2](https://indike.org/pramana/in.purana.vayu.1.5.2) yaddhi sṛṣṭestu saṃkhyātaṃ mayā kālāntarandvijāḥ. etat kālāntaraṃ jñeyamaharvai pārameśvaram ..1.. ### [1.5.3](https://indike.org/pramana/in.purana.vayu.1.5.3) rātristvetāvatī jñeyā parameśasya kṛtsnaśaḥ. ahastasya tu yā sṛṣṭiḥ pralayo rātrirucyate ..2.. ### [1.5.4](https://indike.org/pramana/in.purana.vayu.1.5.4) ahaśca vidyate tasya na rātririti dhāraṇā. upacāraḥ prakriyate lokānāṃ hitakāmyayā ..3.. ### [1.5.5](https://indike.org/pramana/in.purana.vayu.1.5.5) prajāḥ prajānāmpataya ṛṣayo munibhiḥ saha. ṛṣīn sanatkumārākhyān brahmasāyujyagaiḥ saha ..4.. ### [1.5.6](https://indike.org/pramana/in.purana.vayu.1.5.6) indriyāṇīndriyārthāśca mahābhūtāni pañca ca. tanmātrā indriyagaṇo buddhiśca manasā saha ..5.. ### [1.5.7](https://indike.org/pramana/in.purana.vayu.1.5.7) ahastiṣṭhanti te sarve parameśasya dhīmataḥ. aharante pralīyante rātryante viśvasaṃbhavaḥ ..6.. ### [1.5.8](https://indike.org/pramana/in.purana.vayu.1.5.8) svātmanyavasthite satve vikāre pratisaṃhate. sādharmyeṇāvatiṣṭhete pradhānapuruṣāvubhau ..7.. ### [1.5.9](https://indike.org/pramana/in.purana.vayu.1.5.9) tamaḥ sattvaguṇāvetau samatvena vyavastitau. atrodriktau prasūtau ca tau tathā ca parasparam. guṇasāmye layo jñeyo vaiṣamye sṛṣṭirucyate ..8.. ### [1.5.10](https://indike.org/pramana/in.purana.vayu.1.5.10) tileṣu vā yathā taivaṃ ghṛtaṃ payasi vā sthitam. tathā tamasi sattve ca rajo'vyaktāśritaṃ sthitam ..9.. ### [1.5.11](https://indike.org/pramana/in.purana.vayu.1.5.11) upāsya rajanīṃ kṛtsnāṃ parāṃ māheśvarīṃ tadā. aharmukhe pravṛtte ca puraḥ prakṛtisambhavaḥ ..10.. ### [1.5.12](https://indike.org/pramana/in.purana.vayu.1.5.12) kṣobhayāmāsa yogena pareṇa parameśvaraḥ. pradhānaṃ puruṣañcaiva praviśyāṇḍaṃ maheśvaraḥ ..11.. ### [1.5.13](https://indike.org/pramana/in.purana.vayu.1.5.13) pradhānāt kṣobhyamāṇāttu rajo vai samavarttata. rajaḥ pravarttakaṃ tatra bījeṣvapi yathā jalam ..12.. ### [1.5.14](https://indike.org/pramana/in.purana.vayu.1.5.14) guṇavaiṣamyamāsādya prasūyante hyadhiṣṭhitāḥ. guṇebhyaḥ kṣobhya māṇebhyastrayo devā vijajñire. āśritāḥ paramā guhyāḥ sarvātmānaḥ śarīriṇaḥ ..13.. ### [1.5.15](https://indike.org/pramana/in.purana.vayu.1.5.15) rajo brahmā tamo hyagniḥ sattvaṃ viṣṇurajāyata. rajaḥprakāśako brahmā sraṣṭṭṛtvena vyavasthitaḥ ..14.. ### [1.5.16](https://indike.org/pramana/in.purana.vayu.1.5.16) tamaḥprakāśako'gnistu kālatvena vyavasthitaḥ. sattvaprakāśako viṣṇuraudāsīnye vyavasthitaḥ ..15.. ### [1.5.17](https://indike.org/pramana/in.purana.vayu.1.5.17) eta eva trayo devā eta eva trayo'gnayaḥ. parasparāśritā hyete parasparamanuvratāḥ ..16.. ### [1.5.18](https://indike.org/pramana/in.purana.vayu.1.5.18) paraspareṇa varttante dhārayanti parasparam. anyonyamithunāhyete hyanyonyamupajīvinaḥ. kṣaṇaṃ viyogo na hyeṣānna tyajanti parasparam ..17.. ### [1.5.19](https://indike.org/pramana/in.purana.vayu.1.5.19) īśvaro hi paro devo viṣṇustu mahataḥ paraḥ . brahmā tu rajasodriktaḥ sargāyeha pravarttate. paraśca puruṣo jñeyaḥ prakṛtiśca parā smṛtā ..18.. ### [1.5.20](https://indike.org/pramana/in.purana.vayu.1.5.20) adhiṣṭhito'sau hi maheśvareṇa pravarttate codyamānaḥ samantāt. anupravarttanti mahānta eva cirasthitāḥ sve viṣye priyatvāt ..19.. ### [1.5.21](https://indike.org/pramana/in.purana.vayu.1.5.21) pradhānaṃ guṇavaiṣamyātsargakāle pravarttate. īśvarādhiṣṭhitāt pūrvantasmātsadasadātmakāt. brahmā buddhiśca mithunaṃ yugapatsambabhūvatuḥ ..20.. ### [1.5.22](https://indike.org/pramana/in.purana.vayu.1.5.22) tasmāttamo'vyaktamayaḥ kṣetrajño brahmasaṃjñitaḥ. saṃsiddhaḥ kāryakaraṇairbrahmā'gre samavarttata ..21.. ### [1.5.23](https://indike.org/pramana/in.purana.vayu.1.5.23) tejasā prathamano dhīmānavyaktaḥ saṃprakāśate. sa vai śarīrī prathamaḥ kāraṇatve vyavasthitaḥ ..22.. ### [1.5.24](https://indike.org/pramana/in.purana.vayu.1.5.24) apratīghena jñānena aiśvaryeṇa ca so'nvitaḥ. dharmeṇa cāpratīghena vairāgyeṇa samanvitaḥ ..23.. ### [1.5.25](https://indike.org/pramana/in.purana.vayu.1.5.25) tasyeśvarasyāpratighaṃ jñānaṃ vairāgyalakṣaṇam. dharmaiśvaryakṛtā buddhirbrāhmī jajñe'bhimāninaḥ ..24.. ### [1.5.26](https://indike.org/pramana/in.purana.vayu.1.5.26) avyaktājjāyate cāsya manasā ca yadicchati. vaśīkṛtatvādvaiguṇyāt sureśatvātsvabhāvataḥ ..25.. ### [1.5.27](https://indike.org/pramana/in.purana.vayu.1.5.27) caturmukhastu brahmatve kālatve cāntako'bhavat. sahasramūrddhā puruṣastisro'vasthāḥ svayambhuvaḥ ..26.. ### [1.5.28](https://indike.org/pramana/in.purana.vayu.1.5.28) sattvaṃ rajaśca brahmatve kālatve ca rajastamaḥ. sātvikaṃ puruṣatve ca guṇavṛttiḥ svayambhuvaḥ ..27.. ### [1.5.29](https://indike.org/pramana/in.purana.vayu.1.5.29) lokān sṛjati brahmatve kālatve saṃkṣipatyapi. puruṣatve hyudāsīna stisro'vasthāḥ prajāpate ..28.. ### [1.5.30](https://indike.org/pramana/in.purana.vayu.1.5.30) brahmā kamalagarbhābhaḥ kālo jātyāñjanaprabhaḥ. puruṣaḥ puṇḍarīkākṣo rūpaṃ tatparamātmanaḥ ..29.. ### [1.5.31](https://indike.org/pramana/in.purana.vayu.1.5.31) yogeśvaraḥ śarīrāṇi karoti vikaroti ca. nānākṛtikriyārūpanāmavṛttiḥ svalīlayā ..30.. ### [1.5.32](https://indike.org/pramana/in.purana.vayu.1.5.32) tridhā yadvarttate loke tasmātriguṇa ucyate. caturddhā pravibhaktatvāccaturvyūhaḥ prakīrtitaḥ ..31.. ### [1.5.33](https://indike.org/pramana/in.purana.vayu.1.5.33) yadāpnoti yadādatte yaccāsti viṣayaṃ prati. taccāsya satataṃ bhāvastasmādātmā nirucyate ..32.. ### [1.5.34](https://indike.org/pramana/in.purana.vayu.1.5.34) ṛṣiḥ sarvagatatvācca śarīrādyatsvayaṃ prabhuḥ. svāmitvamasya tatsarvaṃ viṣṇuḥ sarvapraveśanāt ..33.. ### [1.5.35](https://indike.org/pramana/in.purana.vayu.1.5.35) bhagavān bhagasadbhāvādrāgo rāgasya śāsanāt. paraśca tu prakṛtatvādavanādomitiḥ smṛtaḥ ..34.. ### [1.5.36](https://indike.org/pramana/in.purana.vayu.1.5.36) sarvajñaḥ sarvavijñānāt sarvaḥ sarvaṃ yatastataḥ. narāṇāmayanaṃ yasmāttena nārāyaṇaḥ smṛtaḥ ..35.. ### [1.5.37](https://indike.org/pramana/in.purana.vayu.1.5.37) tridhā vibhajya svātmānaṃ trailokyaṃ sampravarttate. sṛjate grasate caiva vīkṣate ca tribhistu yat. agre hiraṇyagarbhaḥ sa prādurbhūtaścaturmukhaḥ ..36.. ### [1.5.38](https://indike.org/pramana/in.purana.vayu.1.5.38) āditvāccāditevo'sāvajātatvādajaḥ smṛtaḥ. pāti yasmātprajāḥ sarvāḥprajāpatirataḥ smṛtaḥ ..37.. ### [1.5.39](https://indike.org/pramana/in.purana.vayu.1.5.39) deveṣu ca mahān devo mahādevastataḥ smṛtaḥ. sarveśatvācca lokānāmavaśyatvāttatheśvaraḥ ..38.. ### [1.5.40](https://indike.org/pramana/in.purana.vayu.1.5.40) bṛhattvācca smṛto brahmā bhūtatvādbhūta ucyate. kṣetrajñaḥ kṣetravijñānādvibhuḥ sarvagato yataḥ ..39.. ### [1.5.41](https://indike.org/pramana/in.purana.vayu.1.5.41) yasmāt puryanuśete ca tasmāt puruṣa ucyate. notpāditatvāt pūrvatvāt svayambhūriti sa smṛtaḥ ..40.. ### [1.5.42](https://indike.org/pramana/in.purana.vayu.1.5.42) ijyatvāducyate yajñaḥ kavirvikrāntadarśanāt. kramaṇaḥ kramaṇīyatvādvarṇakasyābhipālanāt ..41.. ### [1.5.43](https://indike.org/pramana/in.purana.vayu.1.5.43) ādityasaṃjñaḥ kapilastvagrajo'gniriti smṛtaḥ. hiraṇyamasya garbho'bhūddhiraṇyasyāpi garbhajaḥ. tasmāddhiraṇyagarbhaḥ sa purāṇe'sminnirucyate ..42.. ### [1.5.44](https://indike.org/pramana/in.purana.vayu.1.5.44) svayambhuvo nivṛttasya kālo varṣāgrajastu yaḥ. na śakyaḥ parisaṃkhyātumapi varṣaśatairapi ..43.. ### [1.5.45](https://indike.org/pramana/in.purana.vayu.1.5.45) kalpasaṃkhyānivṛttestu parākhyo brahmaṇaḥ smṛtaḥ. tāvaccheṣo'sya kālo'nyastasyānte pratisṛjyate ..44.. ### [1.5.46](https://indike.org/pramana/in.purana.vayu.1.5.46) koṭikoṭisahasrāṇi antarbhūtāni yāni vai. samatītāni kalpānāntāvaccheṣāḥ parāstu ye ..45.. ### [1.5.47](https://indike.org/pramana/in.purana.vayu.1.5.47) yastvayaṃ varttate kalpo vārāhantaṃ nibodhata. prathamaḥ sāmpratasteṣāṃ kalpo'yaṃ varttate dvijāḥ ..46.. ### [1.5.48](https://indike.org/pramana/in.purana.vayu.1.5.48) tasmin svāyambhuvādyāstu manavaḥ syuścaturddaśa. atītā varttamānāśca bhaviṣyā ye ca vai punaḥ ..47.. ### [1.5.49](https://indike.org/pramana/in.purana.vayu.1.5.49) tairiyaṃ pṛthivī sarvā saptadvīpā samantataḥ. pūrṇaṃ yugasahasraṃ vai paripālyā nareśvaraiḥ. prajābhistapasā caiva teṣāṃ śrṛṇuta vistaram ..48.. ### [1.5.50](https://indike.org/pramana/in.purana.vayu.1.5.50) manvantareṇa caikena sarvāṇyevāntarāṇi vai. bhaviṣyāṇi bhaviṣyaiśca kalpaḥ kalpena caiva ha ..49.. ### [1.5.51](https://indike.org/pramana/in.purana.vayu.1.5.51) atītāni ca kalpāni sodakāni sahānvayaiḥ. anāgateṣu tadvacca tarkkaḥ kāryo vijānatā ..50.. ### [1.5.52](https://indike.org/pramana/in.purana.vayu.1.5.52) iti śrīmahāpurāṇe vāyuprokte sṛṣṭiprakaraṇaṃ nāma pañcamo'ghyāyaḥ .. 5 ..\* ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.1.4.1) — Vyāsa, Sanskrit - [Kūrmapurāṇa](https://indike.org/pramana/in.purana.kurma.1.4.54) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.46.6) — Vyāsa, Sanskrit - [Sāmbapurāṇa](https://indike.org/pramana/in.purana.upa.surya.samba.6.13) — Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.4.p9) — Ativīrarāma Pāṇṭiyar, Sanskrit - [Śivatattvaviveka (Appayya Dīkṣita)](https://indike.org/pramana/in.sampradaya.saiva.sivatattvaviveka-appayya-diksita.24-2.8) — Appayya Dīkṣita 1560, Sanskrit --- Source: [https://indike.org/pramana/in.purana.vayu.1.5](https://indike.org/pramana/in.purana.vayu.1.5) · Pramāṇa