[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.60 # Vayupurana 1.60: adhyāyaḥ 60 Vāyupurāṇa 1.60 - **Language:** Sanskrit ### adhyāyaḥ 60 ### [1.60.1](https://indike.org/pramana/in.purana.vayu.1.60.1) ..ṛṣaya ūcuḥ.. ### [1.60.2](https://indike.org/pramana/in.purana.vayu.1.60.2) ṛṣayastadvacaḥ śrutvā sūtamāhuḥ sudustaram. kathaṃ vedā purā vyastāstanno brūhi mahāmate .. 60.1 .. ### [1.60.3](https://indike.org/pramana/in.purana.vayu.1.60.3) ..sūta uvāca .. ### [1.60.4](https://indike.org/pramana/in.purana.vayu.1.60.4) dvāpare tu parāvṛtte manoḥ svāyambhuve'ntare . brahmā manumuvācedaṃ tadvadiṣye mahāmate .. 60.2 .. ### [1.60.5](https://indike.org/pramana/in.purana.vayu.1.60.5) parivṛtte yuge tāta svalpavīryā dvijātayaḥ. saṃvṛttāṃ yuga doṣeṇa sarve caiva yathākramam .. 60.3 .. ### [1.60.6](https://indike.org/pramana/in.purana.vayu.1.60.6) bhraśyamānaṃ yugavaśādalpaśiṣṭaṃ hi dṛśyate. daśasāhasrabhāgena hyavaśiṣṭaṃ kṛtādidam .. 60.4 .. ### [1.60.7](https://indike.org/pramana/in.purana.vayu.1.60.7) vīryaṃ tejo balaṃ vākyaṃ sarvañcaiva praṇaśyati. vedavedā hi kāryāḥ syurmābhūdvedavināśanam .. 60.5 .. ### [1.60.8](https://indike.org/pramana/in.purana.vayu.1.60.8) vede nāśamanuprāpte yajño nāśaṃ gamiṣyati. yatre naṣṭe devanāśastataḥ sarvaṃ praṇaśyati .. 60.6 .. ### [1.60.9](https://indike.org/pramana/in.purana.vayu.1.60.9) ādyo vedaścatuṣpādaḥ śatasāhasrasaṃjñitaḥ. punardaśaguṇaḥ kṛtsno yajño vai sarvakāmadhuk .. 60.7 .. ### [1.60.10](https://indike.org/pramana/in.purana.vayu.1.60.10) evamuktastathetyuktvā manurlokahite rataḥ. vedamekaṃ catuṣpādaṃ caturdhā vyabhajatprabhuḥ .. 60.8 .. ### [1.60.11](https://indike.org/pramana/in.purana.vayu.1.60.11) brahmaṇo vacanāttāta lokānāṃ hitakāmyayā. tadidaṃ varttamānena yuṣmākaṃ vedakalpanam .. 60.9 .. ### [1.60.12](https://indike.org/pramana/in.purana.vayu.1.60.12) manvantareṇa vakṣyāmi vyatītānāṃ prakalpanam. pratyakṣeṇa parokṣaṃ vai tannibodhata sattamāḥ .. 60.10 .. ### [1.60.13](https://indike.org/pramana/in.purana.vayu.1.60.13) asmin yuge kṛto vyāsaḥ pārāśaryaḥ parantapaḥ. dvaipāyana iti khyāto viṣṇoraṃśaḥ prakīrtitaḥ .. 60.11 .. ### [1.60.14](https://indike.org/pramana/in.purana.vayu.1.60.14) brahmaṇā coditaḥ so'smin vedaṃ vyastuṃ pracakrame. atha śiṣyān sa jagrāha caturo vedakāraṇāt .. 60.12 .. ### [1.60.15](https://indike.org/pramana/in.purana.vayu.1.60.15) jaiminiñca sumantuñca vaiśampāyanameva ca. pailanteṣāṃ caturthantu pañcamaṃ lomaharṣaṇam .. 60.13 .. ### [1.60.16](https://indike.org/pramana/in.purana.vayu.1.60.16) ṛgvedaśrāvakaṃ pailañjagrāha vidhivad dvijam . yajurvedapravaktāraṃ vaiśampāyanameva ca .. 60.14 .. ### [1.60.17](https://indike.org/pramana/in.purana.vayu.1.60.17) jaiminiṃ sāmavedārthaśrāvakaṃ so'nvapadyata. tathaivātharvavedasya sumantumṛṣisattamam .. 60.15 .. ### [1.60.18](https://indike.org/pramana/in.purana.vayu.1.60.18) itihāsapurāṇasya vaktāraṃ samyageva hi. māñcaiva pratijagrāha bhagavānīśvaraḥ prabhuḥ .. 60.16 .. ### [1.60.19](https://indike.org/pramana/in.purana.vayu.1.60.19) eka āsīdyajurvedastañcaturddhā vyakalpayat. caturhotramabhūttasmiṃstena yajñamakalpayat .. 60.17 .. ### [1.60.20](https://indike.org/pramana/in.purana.vayu.1.60.20) ādhvaryavaṃ yajurbhistu ṛgbhirhotraṃ tathaiva ca. udgātraṃ sāmabhiśvakre brahmatvañcāpyatharvabhiḥ. brahmatvamakarodyajñe vedenātharvaṇena tu .. 60.18 .. ### [1.60.21](https://indike.org/pramana/in.purana.vayu.1.60.21) tataḥ saṛcamuddhṛtya ṛgvedaṃ samakalpa yat. hotṛkaṃ kalpyate tena yajñavāhaṃ jagaddhitam .. 60.19 .. ### [1.60.22](https://indike.org/pramana/in.purana.vayu.1.60.22) sāmabhiḥ sāmavedañca tenodgātramarocayat . rājñastvatharvavedena sarvakarmāṇyakārayat .. 60.20 .. ### [1.60.23](https://indike.org/pramana/in.purana.vayu.1.60.23) ākhyānaiścāpyupākhyānairgāthābhiḥ kulakarmabhiḥ. purāṇasaṃhitāścakre purāṇārthaviśāradaḥ .. 60.21 .. ### [1.60.24](https://indike.org/pramana/in.purana.vayu.1.60.24) yacchiṣṭantu yajurvede tena yajñamathāyujat. yuñjānaḥ sa yajurvede iti śāstraviniścayaḥ .. 60.22 .. ### [1.60.25](https://indike.org/pramana/in.purana.vayu.1.60.25) padānāmuddhṛtatvācca yajūṃṣi viṣamāṇi vai . sa tenoddhṛtavīryastu ṛtvigbhirvedapāragaiḥ. prayujyate hyaśvamedhastena vā yujyate tu saḥ .. 60.23 .. ### [1.60.26](https://indike.org/pramana/in.purana.vayu.1.60.26) ṛco gṛhītvā pailastu vyabhajattad vidhā punaḥ . dviṣkṛtvā saṃyuge caiva śiṣyābhyāmadadatprabhuḥ .. 60.24 .. ### [1.60.27](https://indike.org/pramana/in.purana.vayu.1.60.27) indrapramataye caikāṃ dvitīyāṃ bāṣkalāya ca. catasraḥ saṃhitāḥ kṛtvā bāṣkalirdvijasattamaḥ. śiṣyānadhyāpayāmāsa śuśrūṣābhiratān hitān .. 60.25 .. ### [1.60.28](https://indike.org/pramana/in.purana.vayu.1.60.28) bodhantu prathamāṃ śākhāṃ dvitīyāmagnimāṭharam. pārāśaraṃ tṛtīyāntu yājñavalkyāmathāparām .. 60.26 .. ### [1.60.29](https://indike.org/pramana/in.purana.vayu.1.60.29) indrapramatirekāntu saṃhitāṃ dvijasattamaḥ. adhyāpayanmahābhāgaṃ mārkaṇḍeyaṃ yaśasvinam .. 60.27 .. ### [1.60.30](https://indike.org/pramana/in.purana.vayu.1.60.30) satyaśravasamagryantu putraṃ sa tu mahāyaśāḥ. satyaśravāḥ satyahitaṃ punaradhyāpayad dvijaḥ .. 60.28 .. ### [1.60.31](https://indike.org/pramana/in.purana.vayu.1.60.31) so'pi satyataraṃ putraṃ punaradhyāpayadvibhuḥ. satyaśriyaṃ mahātmānaṃ satyadharmaparāyaṇam .. 60.29 .. ### [1.60.32](https://indike.org/pramana/in.purana.vayu.1.60.32) abhavaṃstasya śiṣyā vai trayastu sumahaujasaḥ . satyaśriyastu vidvāsaḥ śāstragrahaṇatatparāḥ .. 60.30 .. ### [1.60.33](https://indike.org/pramana/in.purana.vayu.1.60.33) śākalyaḥ prathamasteṣāṃ tasmādanyo ratha(ā)ntaraḥ . bāṣkaliśca bharadvāja iti śākhāpravartakāḥ .. 60.31 .. ### [1.60.34](https://indike.org/pramana/in.purana.vayu.1.60.34) devamitrastu śākalyo jñānāhaṅkāragarvitaḥ. janakasyasa yajñe vai vināśamagamad dvijaḥ .. 60.32 .. ### [1.60.35](https://indike.org/pramana/in.purana.vayu.1.60.35) ..śāṃśapāyana uvāca.. ### [1.60.36](https://indike.org/pramana/in.purana.vayu.1.60.36) kathaṃ vināśamagamatsa munirjñānagarvitaḥ. janakasyāśvamedhena kathaṃ vādo babhūva ha .. 60.33 .. ### [1.60.37](https://indike.org/pramana/in.purana.vayu.1.60.37) kimarthañcābhavadvādaḥ kena sārddhamathāpi vā. sarvametadyathāvṛttamācakṣva viditantava. ṛṣīṇāntu vacaḥ śrutvā taduttaramathābravīt .. 60.34 .. ### [1.60.38](https://indike.org/pramana/in.purana.vayu.1.60.38) ..sūta uvāca.. ### [1.60.39](https://indike.org/pramana/in.purana.vayu.1.60.39) janakasyāśvamedhe tu mahānāsītsamāgamaḥ. ṛṣīṇāntu sahasrāṇi tatrājagmuranekaśaḥ. rājarṣerjanakasyātha taṃ yajñaṃ hi didṛkṣavaḥ .. 60.35 .. ### [1.60.40](https://indike.org/pramana/in.purana.vayu.1.60.40) āgatān brāhmaṇān dṛṣṭvā jijñāsāsyābhavattataḥ. konveṣāṃ brāhmaṇaḥ śreṣṭhaḥ kathaṃ me niścayo bhavet. iti niścitya manasā buddhiṃ cakre janādhipaḥ .. 60.36 .. ### [1.60.41](https://indike.org/pramana/in.purana.vayu.1.60.41) gavāṃ sahasramādāya suvarṇamadhikaṃ tataḥ. grāmān ratnāni dāsāṃśca munīn prāha narādhipaḥ. sarvānahaṃ prapannano'smi śirasā śreṣṭhabhāginaḥ .. 60.37 .. ### [1.60.42](https://indike.org/pramana/in.purana.vayu.1.60.42) yadetadāhṛtaṃ vittaṃ ye vaḥ śreṣṭhatamo bhavet. tasmai tadupanītaṃ hi vidyāvittaṃ dvijottamāḥ .. 60.38 .. ### [1.60.43](https://indike.org/pramana/in.purana.vayu.1.60.43) janakasya vacaḥ śrutvā munayaste śrutikṣamāḥ. dṛṣṭvā dhanaṃ mahāsāraṃ dhanavṛddhyā jighṛkṣavaḥ . śraddhayāñcakruranyonyaṃ vedajñānamadolbaṇāḥ .. 60.39 .. ### [1.60.44](https://indike.org/pramana/in.purana.vayu.1.60.44) manasā gatavittāste mamedaṃ dhanamityuta. mamaivaitanna vetyanyo brūhi kiṃ vā vikalṣyate. ityevaṃ dhanadoṣeṇa vādāṃścakruranekaśaḥ .. 60.40 .. ### [1.60.45](https://indike.org/pramana/in.purana.vayu.1.60.45) tathānyastatra vai vidvān brahmavāhasutaḥ kaviḥ. yājñavalkyo mahātejāstapasvī brahmavittamaḥ .. 60.41 .. ### [1.60.46](https://indike.org/pramana/in.purana.vayu.1.60.46) brahmaṇo'ṅgāt samutpanno vākyaṃ provāca susvaram. śiṣyaṃ brahmavidāṃ śreṣṭho dhanametad gṛhāṇa bho .. 60.42 .. ### [1.60.47](https://indike.org/pramana/in.purana.vayu.1.60.47) nayasva ca gṛhaṃ vatsa mamaitannātra saṃśayaḥ. sarvavedeṣvahaṃ vaktā nānyaḥ kaścittu matsamaḥ. yovā na prīyate vipraḥ sa me hyavatu mā'ciram .. 60.43 .. ### [1.60.48](https://indike.org/pramana/in.purana.vayu.1.60.48) tato brahmārṇavaḥ kṣubdhaḥ samudra iva samplave . tānuvāca tataḥ svastho yājñavalkyo hasanniva .. 60.44 .. ### [1.60.49](https://indike.org/pramana/in.purana.vayu.1.60.49) krodha mākārṣuvidvāṃso bhavantaḥ satyavādinaḥ. vadāmahe yathāyuktaṃ jijñāsantaḥ parasparam .. 60.45 .. ### [1.60.50](https://indike.org/pramana/in.purana.vayu.1.60.50) tato'bhyupāgamaṃsteṣāṃ vādā jagmuranekaśaḥ. sahasradhā śubhairarthaiḥ sūkṣmadarśanasambhavaiḥ .. 60.46 .. ### [1.60.51](https://indike.org/pramana/in.purana.vayu.1.60.51) loke vede tathādhyātme vidyāsthānairalaṃkṛtāḥ. śāpottamaguṇairyuktā nṛpaughaparivarjanāḥ . vādāḥ samabhavaṃstatra dhanahetormahātmanām .. 60.47 .. ### [1.60.52](https://indike.org/pramana/in.purana.vayu.1.60.52) ṛṣayastvekataḥ sarve yājñavalkyastathaikataḥ. sarve te munayastena yājñavalkyena dhīmatā . ekaikaśastataḥ pṛṣṭā naivottaramathāvruvan .. 60.48 .. ### [1.60.53](https://indike.org/pramana/in.purana.vayu.1.60.53) tānvijitya munīn sarvān brahmarāśirmahādyutiḥ. śākalyamiti hovāca vādakarttāramañjasā .. 60.49 .. ### [1.60.54](https://indike.org/pramana/in.purana.vayu.1.60.54) śākalya vada vaktavyaṃ kiṃ dhyāyannavatiṣṭase. pūrṇastvaṃ jaḍamānena vātādhmāto yathā dṛtiḥ .. 60.50 .. ### [1.60.55](https://indike.org/pramana/in.purana.vayu.1.60.55) evaṃ sa dharṣitastena roṣāttāmrāsyalocanaḥ. provāca yājñavalkyaṃ taṃ puruṣaṃ munisannidhau .. 60.51 .. ### [1.60.56](https://indike.org/pramana/in.purana.vayu.1.60.56) tvamasmāṃstṛṇavattyaktvā tathaivemān dvijottamān. vidyādhanaṃ mahāsāraṃ svayaṃgrāhaṃ jighṛkṣasi .. 60.52 .. ### [1.60.57](https://indike.org/pramana/in.purana.vayu.1.60.57) śākalyenaivanuktaḥ syādyājñavalkyaḥ samabravīt. brahmiṣṭhānāṃ balaṃ viddhi vidyātattvārthadarśanam .. 60.53 .. ### [1.60.58](https://indike.org/pramana/in.purana.vayu.1.60.58) kāmaścārthena sambaddhastenārthaṃ kāmayāmahe . kāmapraśradhanā viprāḥ kāmapraśrānvadāmahe .. 60.54 .. ### [1.60.59](https://indike.org/pramana/in.purana.vayu.1.60.59) paṇaścaiṣo'sya rājarṣestasmānnītaṃ dhanaṃ mayā. etacchrutvā vacastasya śākalyaḥ krodhamūrcchitaḥ. yājñavalkyamathovāca kāmapraśrārthamadvacaḥ .. 60.55 .. ### [1.60.60](https://indike.org/pramana/in.purana.vayu.1.60.60) brūhīdānīṃ mayoddiṣṭān kāmapraśrān yathārthataḥ. tataḥ samabhavadvādastayorbrahmavidormahān .. 60.56 .. ### [1.60.61](https://indike.org/pramana/in.purana.vayu.1.60.61) sāgraṃ praśnasahasrantu śākalyastamucūcudat. yājñavalkyo'bravītsarvān ṛṣīṇāṃ śrṛṇvatāṃ tadā .. 60.57 .. ### [1.60.62](https://indike.org/pramana/in.purana.vayu.1.60.62) śākalye cāpi nirvāde yājñavalkyastamabravīt . praśramekaṃ mamāpi tvaṃ vada śākalya kāmikam. śāpaḥ paṇo'sya vādasya abruvan mṛtyumāvrajet .. 60.58 .. ### [1.60.63](https://indike.org/pramana/in.purana.vayu.1.60.63) atha sannoditaṃ praśraṃ yājñavalkyena dhīmatā . śākalyastamavijñāya sadyo mṛtyumavāpnuyāt .. 60.59 .. ### [1.60.64](https://indike.org/pramana/in.purana.vayu.1.60.64) evaṃ mṛtaḥ sa śākalyaḥ praśravyākhyānapīḍitaḥ. evaṃ vādaśca sumahānāsītteṣāṃ dhanārthibhiḥ. ṛṣīṇāṃ munibhiḥ sārddhaṃ yājñavalkyasya caiva hi .. 60.60 .. ### [1.60.65](https://indike.org/pramana/in.purana.vayu.1.60.65) sarvaiḥ pṛṣṭāṃstu sampraśrān śataśo'tha sahasraśaḥ. vyākhyāya vai mune teṣāṃ praśrasāraṃ mahāgatiḥ .. 60.61 .. ### [1.60.66](https://indike.org/pramana/in.purana.vayu.1.60.66) yājñavalkyo dhanaṃ gṛhya yaśo vikhyāpya cātmanaḥ. jagāma vai gṛhaṃ svasthaḥ śiṣyaiḥ parivṛto vaśī .. 60.62 .. ### [1.60.67](https://indike.org/pramana/in.purana.vayu.1.60.67) devamitrastu śākalyo mahātmā dvijasattamaḥ. cakāra saṃhitāḥ pañcabuddhimān padavittamaḥ .. 60.63 .. ### [1.60.68](https://indike.org/pramana/in.purana.vayu.1.60.68) tacchiṣyā abhavan pañca mudghalo golakastathā. khālīyaśca tathā matsvaḥ śaiśireyastu pañcamaḥ .. 60.64 .. ### [1.60.69](https://indike.org/pramana/in.purana.vayu.1.60.69) provāca saṃhitāstisraḥ śākapūrṇarathītaraḥ. niruktañca punaścakre caturthaṃ dvijasattamaḥ .. 60.65 .. ### [1.60.70](https://indike.org/pramana/in.purana.vayu.1.60.70) tasya śiṣyāstu catvāraḥ ketavo dālakistathā. dharmaśarmā devaśarmā sarve vratadharā dvijāḥ .. 60.66 .. ### [1.60.71](https://indike.org/pramana/in.purana.vayu.1.60.71) śākalye tu mṛte sarve brahmaghnāste babhūvire. tadā cintāṃ parāṃ prāpya gatāste brahmaṇo'ntikam .. 60.67 .. ### [1.60.72](https://indike.org/pramana/in.purana.vayu.1.60.72) tān jñātvā cetasā brahmā preṣitaḥ pavanaḥpure. tatra gacchata yūyaṃ vaḥsadyaḥ pāpaṃ praṇaśyati .. 60.68 .. ### [1.60.73](https://indike.org/pramana/in.purana.vayu.1.60.73) dvādaśārkaṃ namaskṛtyā tathā vai vālukeśvaram . ekādaśa tathā rudrān vāyuputraṃ viśeṣataḥ. kuṇḍe catuṣṭaye snātvā brahmahatyāṃ tariṣyatha .. 60.69 .. ### [1.60.74](https://indike.org/pramana/in.purana.vayu.1.60.74) sarve śīghratarā bhūtvā tatpuraṃ samupāgatāḥ. snānaṃ kṛtaṃ vidhānena devānāṃ darśanaṃ kṛtam .. 60.70 .. ### [1.60.75](https://indike.org/pramana/in.purana.vayu.1.60.75) uttareśvaraṃ namaskṛtya vāḍavānāṃ prasādataḥ. sarve pāpavinirmuktā gatāste sūryamaṇḍalam .. 60.71 .. ### [1.60.76](https://indike.org/pramana/in.purana.vayu.1.60.76) tadā prabhṛti tattīrthaṃ jātaṃ pātakanāśanam. vāyoḥ puraṃ pavitrañca vāyunā nirmitaṃ purā .. 60.72 .. ### [1.60.77](https://indike.org/pramana/in.purana.vayu.1.60.77) añjanāgarbhasambhūtahanumānpavanātmajaḥ. yadā jāto mahādevohanumānsatyavikramaḥ. tadevaṃ nirmitaṃ tīrthaṃ vāyunā brahmayoninā .. 60.73 .. ### [1.60.78](https://indike.org/pramana/in.purana.vayu.1.60.78) ūrvyāṃ jātāstu ye śūdrā brāhmaṇānāṃ niveditāḥ. vṛttyarthaṃ brahmayajñārthaṃ karasteṣu kṛto mahān .. 60.74 .. ### [1.60.79](https://indike.org/pramana/in.purana.vayu.1.60.79) anena vidhinā jātaṃ viprāṇāṃ śāsanaṃ mahat . goghno vāpi kṛtaghno vā surāpī gurūtalpagaḥ. vāḍādityaṃ namaskṛtya sarvapāpaiḥ pramucyate .. 60.75 .. ### [1.60.80](https://indike.org/pramana/in.purana.vayu.1.60.80) iti śrīmahāpurāṇe vāyuprokte mahāsthānatīrthavarṇanaṃ nāma ṣaṣṭitamo'dyāyaḥ .. 60 .. ## Linked texts (3) - [Brahmāṇḍapurāṇa](https://indike.org/pramana/in.purana.brahmanda.1.34.4) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.3.4.2) — Sanskrit - [Nandipurāṇa](https://indike.org/pramana/in.purana.upa.saiva.nandi.1.7-3.2) — Sanskrit --- Source: [https://indike.org/pramana/in.purana.vayu.1.60](https://indike.org/pramana/in.purana.vayu.1.60) · Pramāṇa