[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.8 # Vayupurana 1.8 Vāyupurāṇa 1.8 - **Language:** Sanskrit ### [1.8.1](https://indike.org/pramana/in.purana.vayu.1.8.1) ..sūta uvāca.. ### [1.8.2](https://indike.org/pramana/in.purana.vayu.1.8.2) tulyaṃ yugasahasrasya naiśaṃ kālamupāsya saḥ. śarvaryante prakurute brahmatvaṃ sargakāraṇāt ..1.. ### [1.8.3](https://indike.org/pramana/in.purana.vayu.1.8.3) brahmā tu salile tasmin vāyurbhūtvā tadācarat. andhakāre tadā tasmin naṣṭe sthāvarajaṅgame ..2.. ### [1.8.4](https://indike.org/pramana/in.purana.vayu.1.8.4) jalena samanuvyāpte sarvataḥ pṛthivītale. avibhāgena bhūteṣu samantātsusthiteṣu ca ..3.. ### [1.8.5](https://indike.org/pramana/in.purana.vayu.1.8.5) niśāyāmiva khadyotaḥ prāvṛṭ‌kāle tatastataḥ. tadākāśe caran so'tha vīkṣyamāṇaḥ svayambhuvaḥ ..4.. ### [1.8.6](https://indike.org/pramana/in.purana.vayu.1.8.6) pratiṣṭhāyā hyapāyantu mārgamāṇastadā prabhuḥ. tatastu salile tasmin jñātvā hyantargatāṃ mahīm ..5.. ### [1.8.7](https://indike.org/pramana/in.purana.vayu.1.8.7) anumānāttu sambuddho bhūmeruddharaṇaṃ prati. cakārānyāṃ tanuñcaiva pūrvakalpādiṣu smṛtām ..6.. ### [1.8.8](https://indike.org/pramana/in.purana.vayu.1.8.8) sa tu rūpaṃ varāhasya kṛtvā'paḥ prāviśat prabhuḥ. adbhiḥ sañchāditāmurvīṃ samīkṣyātha prajāpatiḥ ..7.. ### [1.8.9](https://indike.org/pramana/in.purana.vayu.1.8.9) uddhṛtyorvīmathādbhyastu apastāstu sa vinyasat. sāmudrīstu samudreṣu nādeyīrnimnagāsvapi. pārthivīstu sa vinyasya pṛthivyāṃ so'cinodgirīn ..8.. ### [1.8.10](https://indike.org/pramana/in.purana.vayu.1.8.10) prāksarge dahyamāne tu tadā saṃvarttakāgninā. tenāgninā pralīnāste parvatā bhuvi sarvaśaḥ ..9.. ### [1.8.11](https://indike.org/pramana/in.purana.vayu.1.8.11) śaityādekārṇave tasmin vāyunāpastu saṃhṛtāḥ. niṣaktā yatra yatrāsaṃstatratatrā'calo'bhavat ..10.. ### [1.8.12](https://indike.org/pramana/in.purana.vayu.1.8.12) skannācalatvādacalāḥ parvabhiḥ parvatāḥ smṛtāḥ. girayo'dbhirnigīrṇatvāccayanācca śiloccayāḥ ..11.. ### [1.8.13](https://indike.org/pramana/in.purana.vayu.1.8.13) tatastu tāṃ samuddhṛtya kṣitimantarjjalāt prabhuḥ. svasthāne sthāpayitvā ca vibhāgamakarot punaḥ ..12.. ### [1.8.14](https://indike.org/pramana/in.purana.vayu.1.8.14) sapta sapta tu varṣāṇi tasyā dvīpeṣu saptasu. viṣamāṇi samīkṛtya śilābhiracinodgirīn ..13.. ### [1.8.15](https://indike.org/pramana/in.purana.vayu.1.8.15) dvīpeṣu teṣu varṣāṇi catvāriṃśattathaiva ca. tāvantaḥ parvatāścaiva varṣānte samavasthitāḥ. sargādau sanniviṣṭāste svabhāvenaiva nānyathā ..14.. ### [1.8.16](https://indike.org/pramana/in.purana.vayu.1.8.16) sapta dvīpāḥ samudrāśca anyonyasya tu maṇḍalam. sannikṛṣṭāḥ svabhāvena samāvṛtya parasparam ..15.. ### [1.8.17](https://indike.org/pramana/in.purana.vayu.1.8.17) bhūrākhyāṃścaturo lokāṃścandrādityau grahaiḥ saha. pūrvaṃ tu nirmmame brahmā sthānānīmāni sarvaśaḥ ..16.. ### [1.8.18](https://indike.org/pramana/in.purana.vayu.1.8.18) kalpasya cāsya brahmā vai hyasṛjat sthāninaḥ purā. āpo'griḥ pṛthivī vāyurantarikṣaṃ divaṃ tathā ..17.. ### [1.8.19](https://indike.org/pramana/in.purana.vayu.1.8.19) svargaṃ diśaḥ samudrāṃśca nadīḥ sarvāṃśca parvatān. oṣadhīnāṃ tathātmānamātmānaṃ vṛkṣavīrudhām ..18.. ### [1.8.20](https://indike.org/pramana/in.purana.vayu.1.8.20) lavāḥ kāṣṭhāḥ kalāścaiva muhūrtaṃ sandhirātryaham. arddhamāsāṃśca māsāṃśca ayanābdayugāni ca ..19.. ### [1.8.21](https://indike.org/pramana/in.purana.vayu.1.8.21) sthānābhimāninaścaiva sthānāni ca pṛthak pṛthak. sthānātmānaḥ sa sṛṣṭvā vai yugāvasthāṃ vinirmame ..20.. ### [1.8.22](https://indike.org/pramana/in.purana.vayu.1.8.22) kṛtaṃ tretā dvāparaṃ ca kaliṃ caiva tathā yugam. kalpasyādau kṛtayuge prathame so'sṛjat prajāḥ ..21.. ### [1.8.23](https://indike.org/pramana/in.purana.vayu.1.8.23) prāguktā yā mayā tubhyaṃ pūrvakālaṃ prajāstu tāḥ. tasmin saṃvarttamāne tu kalpe dagdhāstadā'gninā ..22.. ### [1.8.24](https://indike.org/pramana/in.purana.vayu.1.8.24) aprāptā yāstapolokaṃ janalokaṃ samāśritāḥ. pravartanti punaḥ sarge bījārthaṃ tā bhavanti hi ..23.. ### [1.8.25](https://indike.org/pramana/in.purana.vayu.1.8.25) bījārthena sthitāstatra punaḥ sargasya kāraṇāt. tatastāḥ sṛjyamānāstu santānārthaṃ bhavanti hi ..24.. ### [1.8.26](https://indike.org/pramana/in.purana.vayu.1.8.26) dharmmārthakāmamokṣāṇāmiha tāḥ sādhakāḥ smṛtāḥ. devāśca pitaraścaiva ṛṣayo manavastathā ..25.. ### [1.8.27](https://indike.org/pramana/in.purana.vayu.1.8.27) tataste tapasā yuktaḥ sthānānyāpūrayanti hi. brahmaṇo mānasāste vai siddhātmāno bhavanti hi ..26.. ### [1.8.28](https://indike.org/pramana/in.purana.vayu.1.8.28) ye sargā dveṣayuktena karmaṇā te divaṃ gatāḥ. āvarttamānā iha te sambhavanti yuge yuge ..27.. ### [1.8.29](https://indike.org/pramana/in.purana.vayu.1.8.29) svakarmaphalaśeṣeṇa khyātāścaiva tathātmikāḥ. saṃbhavanti janāllokāt karmasaṃśayabandhanāt ..28.. ### [1.8.30](https://indike.org/pramana/in.purana.vayu.1.8.30) āśayaḥ kāraṇaṃ tatra boddhavyaṃ karmaṇāṃ tu saḥ. taiḥ karmabhistu jāyante janāllokāḥ śubhāśubhaiḥ ..29.. ### [1.8.31](https://indike.org/pramana/in.purana.vayu.1.8.31) gṛhṇanti te śarīrāṇi nānārūpāṇi yoniṣu. devādyasthāvarānte ca utpadyante parasparam ..30.. ### [1.8.32](https://indike.org/pramana/in.purana.vayu.1.8.32) teṣāṃ ye yāni karmāṇi prāk sṛṣṭeḥ pratipedire. tānyete pratipadyante sṛjyamānāḥ punaḥ punaḥ ..31.. ### [1.8.33](https://indike.org/pramana/in.purana.vayu.1.8.33) hisrāhiṃsre mṛdukrūre dharmādharme ṛtānṛte. tadbhāvitāḥ prapadyante tasmāttattasya rocate ..32.. ### [1.8.34](https://indike.org/pramana/in.purana.vayu.1.8.34) kalpeṣvāsan vyatīteṣu rūpanāmāni yāni ca. tānyevānāgate kāle prāyaśaḥ pratipedire ..33.. ### [1.8.35](https://indike.org/pramana/in.purana.vayu.1.8.35) tasmāttu nāmarūpāṇi tānyeva pratipedire. punaḥ punaste kalpeṣu jāyante nāmarūpataḥ ..34.. ### [1.8.36](https://indike.org/pramana/in.purana.vayu.1.8.36) tataḥ sarge hyavaṣṭabdhe sisṛkṣorbrahmaṇastu vai. prajāstā dhyāyatastasya satyābhidhyāyinastadā ..35.. ### [1.8.37](https://indike.org/pramana/in.purana.vayu.1.8.37) mithunānāṃ sahasrantu so'sṛjadvai mukhāttadā. janāste hyupapadyante sattvodriktāḥ sucetasaḥ ..36.. ### [1.8.38](https://indike.org/pramana/in.purana.vayu.1.8.38) sahasramanyadvakṣasto mithunānāṃ sasarjja ha. te sarve rajasodriktāḥ śuṣmiṇaścāpyaśuṣmiṇaḥ ..37.. ### [1.8.39](https://indike.org/pramana/in.purana.vayu.1.8.39) sṛṣṭvā sahasramanyattu dvandvānāmūrutaḥ punaḥ. rajastamobhyāmudriktā īhāśīlāstu te smṛtāḥ ..38.. ### [1.8.40](https://indike.org/pramana/in.purana.vayu.1.8.40) padbhyāṃ sahasramanyattu mithunānāṃ sasarjja ha. udriktāstamasā sarve niḥśrīkā hyalpatejasaḥ ..39.. ### [1.8.41](https://indike.org/pramana/in.purana.vayu.1.8.41) tato vai harṣamānāste dvandvotpannāstu prāṇinaḥ. anyonyā hṛcchapāvipṭā maithunāyopacakramuḥ ..40.. ### [1.8.42](https://indike.org/pramana/in.purana.vayu.1.8.42) tataḥprabhṛti kalpe'smin mithunotpattirucyate. māse māserttavaṃ yadyattadājñāsiddhi yoṣitāt ..41.. ### [1.8.43](https://indike.org/pramana/in.purana.vayu.1.8.43) tasmāttadā na suṣuvuḥ sevitairapi maithunaiḥ. āyuṣo'nte prasūyante mithunānyeva te sakṛt ..42.. ### [1.8.44](https://indike.org/pramana/in.purana.vayu.1.8.44) kuṭakāḥ kuvikāścaiva utpadyante mumūrṣitāḥ. tataḥprabhṛti kalpe'smin mithunānāṃ hi sambhavaḥ ..43.. ### [1.8.45](https://indike.org/pramana/in.purana.vayu.1.8.45) dhyāte tu manasā tāsāṃ prajānāṃ jāyate sakṛt. śabdādi viṣayaḥ śuddhaḥ pratyekaṃ pañcalakṣaṇaḥ ..44.. ### [1.8.46](https://indike.org/pramana/in.purana.vayu.1.8.46) ityevaṃ manasā pūrvaṃ prāksṛṣṭiryā prajāpateḥ. tasyānvavāye sambhūtā yairidaṃ pūritaṃ jagat ..45.. ### [1.8.47](https://indike.org/pramana/in.purana.vayu.1.8.47) saritsaraḥ samudrāṃśca sevante parvatānapi. tadā nātyambuśītoṣṇā yuge tasmin caranti vai ..46.. ### [1.8.48](https://indike.org/pramana/in.purana.vayu.1.8.48) pṛthvīrasodbhavaṃ nāma āhāraṃ hyāharanti vai. tāḥ prajāḥ kāmacāriṇyo mānasīṃ siddhimāsthitāḥ ..47.. ### [1.8.49](https://indike.org/pramana/in.purana.vayu.1.8.49) dharmādharmau na tāsvāstāṃ nirviśeṣāḥ prajāstu tāḥ. tulyamāyuḥ sukhaṃ rūpaṃ tāsāṃ tasmin kṛte yuge ..48.. ### [1.8.50](https://indike.org/pramana/in.purana.vayu.1.8.50) dharmādharmau na tāsvāstāṃ kalpādau tu kṛte yuge. svena svenādhikāreṇa jajñire te kṛte yuge ..49.. ### [1.8.51](https://indike.org/pramana/in.purana.vayu.1.8.51) catvāri tu sahasrāṇi varṣāṇāṃ divyasaṃkhyayā. ādyaṃ kṛtayugaṃ prāhuḥ sandhyānāntu catuḥ śatam ..50.. ### [1.8.52](https://indike.org/pramana/in.purana.vayu.1.8.52) tataḥ sahasraśastāsu prajāsu prathitāsvapi. na tāsāṃ pratighāto'sti na dvandvannāpi ca kramaḥ ..51.. ### [1.8.53](https://indike.org/pramana/in.purana.vayu.1.8.53) parvatodadhisevinyo hyaniketāśrayāstu tāḥ. viśokāḥ sattvabahulā ekāntasukhitaprajāḥ ..52.. ### [1.8.54](https://indike.org/pramana/in.purana.vayu.1.8.54) tā vai nikāmacāriṇyo nityaṃ muditamānasāḥ. paśavaḥ pakṣiṇaścaiva na tadāsan sarīsṛpāḥ ..53.. ### [1.8.55](https://indike.org/pramana/in.purana.vayu.1.8.55) nodbhijjā nārakāścaiva te hyadharmaprasūtayaḥ. na mūlaphalapuṣpañca nārttavaṃ hyṛtavo na ca ..54.. ### [1.8.56](https://indike.org/pramana/in.purana.vayu.1.8.56) sarvakāmasukhaḥ kālo nātyarthaṃ hyuṣṇaśītatā. manobhilaṣitāḥ kāmāstāsāṃ sarvatra sarvadā ..55.. ### [1.8.57](https://indike.org/pramana/in.purana.vayu.1.8.57) uttiṣṭhanti pṛthivyāṃ vai tābhirdhyātā rasotthitāḥ. balavarṇakarī tāsāṃ siddhiḥ sā roganāśinī ..56.. ### [1.8.58](https://indike.org/pramana/in.purana.vayu.1.8.58) asaṃskāryaiḥ śarīraiśca prajāstāḥ sthirayauvanāḥ. tāsāṃ viśuddhāt saṅkalpājjāyante mithunāḥ prajāḥ ..57.. ### [1.8.59](https://indike.org/pramana/in.purana.vayu.1.8.59) samaṃ janma ca rūpañca mriyante caiva tāḥ samam. tadā satyamalobhaśca kṣamā tuṣṭiḥ sukhaṃ damaḥ ..58.. ### [1.8.60](https://indike.org/pramana/in.purana.vayu.1.8.60) nirviśeṣāḥ kṛtāḥ sarvā rūpāyuḥśīlaceṣṭitaiḥ. abuddhipūrvakaṃ vṛttaṃ prajānāṃ jāyate svayam ..59.. ### [1.8.61](https://indike.org/pramana/in.purana.vayu.1.8.61) apravṛttiḥ kṛtayuge karmaṇoḥ śubhapāpayoḥ. varṇāśramavyavasthāśca na tadāsanna saṅkaraḥ ..60.. ### [1.8.62](https://indike.org/pramana/in.purana.vayu.1.8.62) anicchādveṣayuktāste varttayanti parasparam. tulyarūpāyuṣaḥ sarvā adhamottamavarjjitāḥ ..61.. ### [1.8.63](https://indike.org/pramana/in.purana.vayu.1.8.63) sukhaprāyā hyaśokāśca utpadyante kṛte yuge. nityaprahṛṣṭamanaso mahāsattvā mahābalāḥ ..62.. ### [1.8.64](https://indike.org/pramana/in.purana.vayu.1.8.64) lābhālābhau nāsvāstāṃ mitrāmitre priyāpriye. manasā viṣayastāsānnirīhāṇāṃ pravarttate. na lipsanti hi tā'nyonyannānugṛhṇanti caiva hi ..63.. ### [1.8.65](https://indike.org/pramana/in.purana.vayu.1.8.65) dhyānaṃ paraṃ kṛtayuge tretāyāṃ jñānamucyate. pravṛttaṃ dvāpare yajñaṃ dānaṃ kaliyuge varam ..64.. ### [1.8.66](https://indike.org/pramana/in.purana.vayu.1.8.66) sattvaṃ kṛtaṃ rajastretā dvāparantu rajastamau. kalau tamastu vijñeyaṃ yugavṛttavaśena tu ..65.. ### [1.8.67](https://indike.org/pramana/in.purana.vayu.1.8.67) kālaḥ kṛte yuge tveṣa tasya saṃkhyānnibodhata. catvāri tu sahasrāṇi varṣāṇāṃ tta kṛtaṃ yugam ..66.. ### [1.8.68](https://indike.org/pramana/in.purana.vayu.1.8.68) sandhyāṃśau tasya divyāni śatānyaṣṭau ca saṃkhyayā. tadā tāsāṃ babhūvāyurnna ca kleśavipattayaḥ ..67.. ### [1.8.69](https://indike.org/pramana/in.purana.vayu.1.8.69) tataḥ kṛtayuge tasmin sandhyāṃśe hi gate tu vaiḥ. pādāvaśiṣṭo bhavati yugadharmastu sarvaśaḥ ..68.. ### [1.8.70](https://indike.org/pramana/in.purana.vayu.1.8.70) sandhyāyāmapyatītāyāmantakāle yugasya tu. pādataśvāvatiṣṭhettu sandhyādharmo yugasya tu. evaṃ kṛte tu niḥśeṣe siddhi stvantardadhe tadā ..69.. ### [1.8.71](https://indike.org/pramana/in.purana.vayu.1.8.71) tasyāñca siddhau bhraṣṭāyāṃ mānasyāmabhavattataḥ. siddhiranyā yuge tasmistretāyāmantare kṛtāḥ ..70.. ### [1.8.72](https://indike.org/pramana/in.purana.vayu.1.8.72) sargādau yā mayāṣṭau tu mānasyo vai prakīrttitāḥ. aṣṭau tāḥ kramayogena siddhayo yānti saṃkṣayam ..71.. ### [1.8.73](https://indike.org/pramana/in.purana.vayu.1.8.73) kalpādau mānasī hyeṣā siddhirbhavati sā kṛte. manvantareṣu sarveṣu caturyugavibhāgaśaḥ. varṇāśramācārakṛtaḥ karmasiddhodbhavaḥ smṛtaḥ ..72.. ### [1.8.74](https://indike.org/pramana/in.purana.vayu.1.8.74) sandhyākṛtasya pādena sandhyāpādena cāṃśataḥ. kṛtasandhyāṃśakā hyete trīṃstrīn pādān parasparān. hrasanti yugadharmaiste tapaḥ śrutabalāyuṣaiḥ ..73.. ### [1.8.75](https://indike.org/pramana/in.purana.vayu.1.8.75) tataḥ kṛtāṃśe kṣīṇe tu babhūva tadanantaram. tretāyāṃ yugamanyantu kṛtāśamṛṣisattamāḥ ..74.. ### [1.8.76](https://indike.org/pramana/in.purana.vayu.1.8.76) tasmin kṣīṇe kṛtāṃśe tu tacchiṣṭāsu prajāsviha. kalpādau saṃpravṛttāyāstretāyāḥ pramukhe tadā ..75.. ### [1.8.77](https://indike.org/pramana/in.purana.vayu.1.8.77) praṇaśyati tadā siddhiḥ kālayogena nānyathā. tasyāṃ siddhau praṇaṣṭāyāmanyā siddhiravarttata ..76.. ### [1.8.78](https://indike.org/pramana/in.purana.vayu.1.8.78) apāṃ saukṣmye pratigate tadā meghātmanā tu tau. meghebhyastanayitnubhyaḥ pravṛttaṃ vṛṣṭisarjjanam ..77.. ### [1.8.79](https://indike.org/pramana/in.purana.vayu.1.8.79) sakṛdeva tayā vṛṣṭyā saṃyukte pṛthivītale. prādurāsaṃstadā tāsāṃ vṛkṣāstu gṛhasaṃsthitāḥ ..78.. ### [1.8.80](https://indike.org/pramana/in.purana.vayu.1.8.80) sarvapratyupabhogastu tāsāṃ tebhyaḥ prajāyate. varttayanti hi tebhyastāstretāyugamukhe prajāḥ ..79.. ### [1.8.81](https://indike.org/pramana/in.purana.vayu.1.8.81) tataḥ kālena mahatā tāsāmeva viparyayāt. rāgalobhātmako bhāvastadā hyākasmiko'bhavat ..80.. ### [1.8.82](https://indike.org/pramana/in.purana.vayu.1.8.82) yattadbhavati nārīṇāṃ jīvitānte tadārttavam. tadā tadvai na bhavati punaryugabalena tu ..81.. ### [1.8.83](https://indike.org/pramana/in.purana.vayu.1.8.83) tāsāṃ punaḥ pravṛttaṃ tu māse māse tadārttavam. tatastenaiva yogena varttatāṃ mithune tadā ..82.. tāsāṃ tatkālabhāvitvānmāsi māsyupagacchatām. akāle hyārttavotpattirgarbhotpattirajāyata ..83.. ### [1.8.84](https://indike.org/pramana/in.purana.vayu.1.8.84) viparyayeṇa tāsāṃ tu tena kālena bhāvinā. praṇaśyanti tataḥ sarve vṛkṣāste gṛhasaṃsthitāḥ ..84.. ### [1.8.85](https://indike.org/pramana/in.purana.vayu.1.8.85) tatasteṣu praṇaṣṭeṣu vibhrāntā vyākulendriyāḥ. abhi dhyāyanti tāṃ siddhiṃ satyābhidhyāyinastadā ..85.. ### [1.8.86](https://indike.org/pramana/in.purana.vayu.1.8.86) prādurbabhūvustāsāṃ ca vṛkṣāste gṛhasaṃsthitāḥ. vastrāṇi ca prasūyante phalānyābharaṇāni ca ..86.. ### [1.8.87](https://indike.org/pramana/in.purana.vayu.1.8.87) teṣveva jāyate tāsāṃ gaṃdhavarṇarasānvitam. amākṣikaṃ mahāvīryaṃ puṭake puṭake madhu ..87.. ### [1.8.88](https://indike.org/pramana/in.purana.vayu.1.8.88) tena tā vartayanti sma mukhe tretāyugasya ca. hṛṣṭatuṣṭāstayā siddhyā prajā vai vigatajvarāḥ ..88.. ### [1.8.89](https://indike.org/pramana/in.purana.vayu.1.8.89) punaḥ kālāṃtareṇaiva punarllobhāvṛtāstu tāḥ. vṛkṣāṃstān paryagṛhṇanta madhu vā mākṣikaṃ balāt ..89.. ### [1.8.90](https://indike.org/pramana/in.purana.vayu.1.8.90) tāsāṃ tenāpacāreṇa punarllokakṛtena vai. praṇaṣṭā madhunā sārddhaṃ kalpavṛkṣāḥ vkacit vkacit ..90.. ### [1.8.91](https://indike.org/pramana/in.purana.vayu.1.8.91) tasyāmevālpaśiṣṭāyāṃ saṃdhyākālavaśāttadā. prāvartaṃta tadā tāsāṃ dvaṃdvānyabhyutthitāni tu ..91.. ### [1.8.92](https://indike.org/pramana/in.purana.vayu.1.8.92) śītavātātapaistīvraistatastā duḥkhitā bhṛśam.. ### [1.8.93](https://indike.org/pramana/in.purana.vayu.1.8.93) dvaṃdvaistāḥ pīḍyamānāstu cakrurāvaraṇāni ca ..92.. ### [1.8.94](https://indike.org/pramana/in.purana.vayu.1.8.94) kṛtvā dvaṃdva pratīkāraṃ niketāni hi bhojire. pūrvaṃ nikamipārāste aniketāśrayā bhṛśam ..93.. ### [1.8.95](https://indike.org/pramana/in.purana.vayu.1.8.95) yathāyogyaṃ yathāprīti niketeṣvavasan punaḥ. marudhanvasu nimneṣu parvateṣu nadīṣu ca. saṃśrayanti ca durgāṇi dhanvānaṃ śāśvatodakam ..94.. ### [1.8.96](https://indike.org/pramana/in.purana.vayu.1.8.96) yathāyogaṃ yathākāmaṃ sameṣu viṣameṣu ca. ārabdhāste niketā vai karttaṃ śītoṣṇa vāraṇam ..95.. ### [1.8.97](https://indike.org/pramana/in.purana.vayu.1.8.97) tataḥ saṃsthāpayāmāsa kheṭāni ca purāṇi ca. grāmāṃścaiva yathābhāgaṃ tathaivāntaḥ purāṇi ca ..96.. ### [1.8.98](https://indike.org/pramana/in.purana.vayu.1.8.98) tāsāmāyāmaviṣkambhān saṃniveśāntarāṇi ca. cakrustadā yathāprajñaṃ pradeśaḥ saṃjñitastu taiḥ ..97.. ### [1.8.99](https://indike.org/pramana/in.purana.vayu.1.8.99) aṃguṣṭhasya pradeśinyā vyāsaḥ prādeśa ucyate. tālaḥ smṛto madhyamayā gokarṇaścāpyanāmayā ..98.. ### [1.8.100](https://indike.org/pramana/in.purana.vayu.1.8.100) kaniṣṭhayā vitastistu dvādaśāṅula ucyate. ratniraṅgulaparvvāṇi saṃkhyayā tvekaviṃśatiḥ ..99.. ### [1.8.101](https://indike.org/pramana/in.purana.vayu.1.8.101) caturviṃśatibhiścaiva hastaḥ syādaṅgulāni tu. kiṣkuḥ smṛto dviratnistu dvicatvāriṃśadaṅgulam ..100.. ### [1.8.102](https://indike.org/pramana/in.purana.vayu.1.8.102) caturhastaṃ dhanurdaṇḍo nālikāyugameva ca. dhanuḥ sahasre dve tatra gavyūtistairvibhāvyate ..101.. ### [1.8.103](https://indike.org/pramana/in.purana.vayu.1.8.103) aṣṭau dhanuḥsahasrāṇi yojanaṃ taurnirucyate. etena yojanenaiva sanniveśastataḥ kṛtaḥ ..102.. ### [1.8.104](https://indike.org/pramana/in.purana.vayu.1.8.104) caturṇāmeva durgāṇāṃ svasamutthāni trīṇi tu. caturthaṃ kṛtrimaṃ durgaṃ tasya vakṣyāmyahaṃ vidhim ..103.. ### [1.8.105](https://indike.org/pramana/in.purana.vayu.1.8.105) saudhoccavapraprākāraṃ sarvataścātakāvṛtam. tadekaṃ svastikadvāraṃ kumārīpurameva ca ..104.. ### [1.8.106](https://indike.org/pramana/in.purana.vayu.1.8.106) śrotasīsaha taddvāraṃ nikhātaṃ punareva ca. hastāṣṭau ca daśa śreṣṭhā navāṣṭau vā'pare matāḥ ..105.. ### [1.8.107](https://indike.org/pramana/in.purana.vayu.1.8.107) kheṭānāṃ nagarāṇāñca grāmāṇāñcaiva sarvvaśaḥ. trividhānāñca durgāṇāṃ parvva todakabandhanam ..106.. ### [1.8.108](https://indike.org/pramana/in.purana.vayu.1.8.108) trividhānāñca durgāṇāṃ viṣkambhāyāmameva ca. yojanānāñca viṣkambhamaṣṭabhāgārddhamāyatam ..107.. ### [1.8.109](https://indike.org/pramana/in.purana.vayu.1.8.109) paramārddhārddhamāyāmaṃ pragudak‌pravaraṃ puram. chinnakarṇaṃ vikarṇantu vyañjanaṃ kṛśasaṃsthitam ..108.. ### [1.8.110](https://indike.org/pramana/in.purana.vayu.1.8.110) vṛttaṃ hīnañca dīrghañca nagaraṃ na praśasyate. caturasrārjavaṃ diksthaṃ praśastaṃvai puraṃ param ..109.. ### [1.8.111](https://indike.org/pramana/in.purana.vayu.1.8.111) caturviṃśatirādyantu hastānaṣṭaśataṃ param. atra madhyaṃ praśaṃsanti hrasvotkṛṣṭavivarjjitam ..110.. ### [1.8.112](https://indike.org/pramana/in.purana.vayu.1.8.112) atha kiṣkuśatānyaṣṭau prāhurmukhyaniveśanam. nagarādardhaviṣkambhaṃ kheṭaṃ grāmaṃ tato bahiḥ ..111.. ### [1.8.113](https://indike.org/pramana/in.purana.vayu.1.8.113) nagarādyojanaṃ kheṭaṃ śeṭādgrāmo'rddhayojanam. dvikrośaṃ paramā sīmā kṣetrasīmā caturddhanuḥ ..112.. ### [1.8.114](https://indike.org/pramana/in.purana.vayu.1.8.114) viṃśaddhanūṃṣi vistīrṇo diśāṃ mārgastu taiḥ kṛtaḥ. viṃśaddhanurgrāmamārgaḥ sīmāmārgo daśaiva tu ..113.. ### [1.8.115](https://indike.org/pramana/in.purana.vayu.1.8.115) dhanūṃṣi daśa vistīrṇaḥ śrīmān rājapathaḥ smṛtaḥ. nṛvājirathanāgānāmasambādhaḥ susañcaraḥ ..114.. ### [1.8.116](https://indike.org/pramana/in.purana.vayu.1.8.116) dhanūṃṣi caiva catvāri śākhārathyāstu taiḥ kṛtāḥ. gṛharathyoparathyāśca dvikāścāpyuparathyakāḥ ..115.. ### [1.8.117](https://indike.org/pramana/in.purana.vayu.1.8.117) ghaṇṭāpathaścatuṣpādastripadañca gṛhāntaram. vṛttimārgāstvarddhapadaṃ prāgvaṃśaḥ padikaḥ smṛtaḥ ..116.. ### [1.8.118](https://indike.org/pramana/in.purana.vayu.1.8.118) avaskaraṃ parīvāhaṃ padamātraṃsamantataḥ. kṛteṣu teṣu sthāneṣu punasvakrurgṛhāṇi vai ..117.. ### [1.8.119](https://indike.org/pramana/in.purana.vayu.1.8.119) yathā te pūrvamāsanvai vṛkṣāstu gṛhasaṃsthitāḥ. tathā kartuṃ samārabdhāścintayitvā punaḥ punaḥ ..118.. ### [1.8.120](https://indike.org/pramana/in.purana.vayu.1.8.120) vṛkṣāścaivagatāḥ śākhā na tāścaiva parāgatāḥ. ata ūrddhvaṃgatā ścānyā evaṃ tiryyaggatāḥ purā ..119.. ### [1.8.121](https://indike.org/pramana/in.purana.vayu.1.8.121) buddhvā'nviṣyastathā nyāyo vṛkṣaśākhā yathā gatāḥ. tathā kṛtāstu taiḥ śākhāstasmācchālāstu tāḥ smṛtāḥ ..120.. ### [1.8.122](https://indike.org/pramana/in.purana.vayu.1.8.122) evaṃ prasiddhāḥ śākhābhyaḥ śālāścaiva gṛhāṇi ca. tasmāttā vaismṛtāḥ śālāḥ śālātvaṃ caiva tāsu tat ..121.. ### [1.8.123](https://indike.org/pramana/in.purana.vayu.1.8.123) prasīdati manastāsu manaḥ prasādayanti tāḥ. tasmādgṛhāṇi śālāśca prāsādāścaiva saṃjñitāḥ ..122.. ### [1.8.124](https://indike.org/pramana/in.purana.vayu.1.8.124) kṛtvā dvandvopaghātāṃstān vārttopāyamacintayan. naṣṭeṣu madhunā sārddhaṃ kalpavṛkṣeṣu vai tadā. viṣādavyākulāstāvai prajāstṛṣṇākṣudhātmikāḥ ..123.. ### [1.8.125](https://indike.org/pramana/in.purana.vayu.1.8.125) tataḥ prādurbabhau tāsāṃ siddhistretāyuge punaḥ. vārtārthasādhikāpyanyā vṛttistāsāṃ hi kāmataḥ ..124.. ### [1.8.126](https://indike.org/pramana/in.purana.vayu.1.8.126) tāsāṃ vṛṣṭyudakānīha yāni nimnairgatāni tu. vṛṣṭyā tadabhāvatsrotaḥ khātāni nimnagāḥ smṛtāḥ ..125.. ### [1.8.127](https://indike.org/pramana/in.purana.vayu.1.8.127) evaṃ nadyaḥ pravṛttāstu dvitīye vṛṣṭisarjjane. ye parastādapāṃ stokā āpannāḥ pṝthivītale ..126.. ### [1.8.128](https://indike.org/pramana/in.purana.vayu.1.8.128) apāmbhūmeśca saṃyogādoṣadhyastāsu cābhavan. puṣpamūlaphalinyastu oṣadhyastāḥ prajajñire ..127.. ### [1.8.129](https://indike.org/pramana/in.purana.vayu.1.8.129) aphālakṛṣṭāścānuptā grāmyā'raṇyāścaturdaśa. ṛtupuṣpaphalāścaiva vṛkṣā gulmāśca jajñire ..128.. ### [1.8.130](https://indike.org/pramana/in.purana.vayu.1.8.130) prādurbhāvaśca tretāyāṃ vārttāyāmauṣadhasya tu. tainauṣadhena varttante prajāstretāyuge tadā ..129.. ### [1.8.131](https://indike.org/pramana/in.purana.vayu.1.8.131) tataḥ punarabhūttāsāṃ rāgo lobhaśca sarvaśaḥ. avaśyambhāvinārthena tretāyugavaśena tu ..130.. ### [1.8.132](https://indike.org/pramana/in.purana.vayu.1.8.132) tatastāḥ paryagṛhṇanta nadīkṣetrāṇi parvatān. vṛkṣān gularmauṣadhīścaiva prasahya tu yathābalam ..131.. ### [1.8.133](https://indike.org/pramana/in.purana.vayu.1.8.133) siddhātmānastu ye pūrvaṃ vyākhyātāḥ prākṛte mayā. brahmaṇā mānavāste vai utpannā yojanādiha ..132.. ### [1.8.134](https://indike.org/pramana/in.purana.vayu.1.8.134) śāntāśca suṣmiṇaścaiva karmiṇo duḥkhinastadā. tataḥ pravarttamānāste tretāyāṃ jarjñire punaḥ ..133.. ### [1.8.135](https://indike.org/pramana/in.purana.vayu.1.8.135) brāhmaṇāḥ kṣatriyā vaiśyāḥ śūdrā drohijanāstathā. bhāvitāḥ pūrvajātīṣu karmabhiśca śubhāśubhaiḥ ..134.. ### [1.8.136](https://indike.org/pramana/in.purana.vayu.1.8.136) itastebhyo balā ye tu satyaśīlā hyahiṃsakāḥ. vītalobhā jitātmāno nivasanti sma teṣu vai ..135.. ### [1.8.137](https://indike.org/pramana/in.purana.vayu.1.8.137) pratigṛhṇanti kurvanti tebhyaścānye'lpatejasaḥ. evaṃ vipratipanneṣu prapanneṣu parasparam ..136.. ### [1.8.138](https://indike.org/pramana/in.purana.vayu.1.8.138) tena doṣeṇa teṣāṃ tā oṣadhyo miṣatāṃ tadā. praṇaṣṭā hriyamāṇā vai muṣṭibyāṃ sikatā yathā ..137.. ### [1.8.139](https://indike.org/pramana/in.purana.vayu.1.8.139) agrasadbhūryugabalādgrāmyāraṇyāścaturdaśa. phalaṃ gṛhṇanti puṣpaiśca puṣvaṃ patraiśca yāḥ punaḥ ..138.. ### [1.8.140](https://indike.org/pramana/in.purana.vayu.1.8.140) tatastāsu praṇaṣṭāsu vibhrāntāstāḥ prajāstadā. svayambhuvaṃ prabhuṃ jagmuḥ kṣudhāviṣṭāḥ prajāpatim ..139.. ### [1.8.141](https://indike.org/pramana/in.purana.vayu.1.8.141) vṛttyarthamabhi lipsanta ādau tretāyugasya tu. brahmā svayambhūrbhagavān jñātvā tāsāṃ manīṣitam ..140.. ### [1.8.142](https://indike.org/pramana/in.purana.vayu.1.8.142) yuktaṃ pratyakṣadṛṣṭena darśanena vicārya ca. grastāḥ pṛthivyā oṣadhyo jñātvā pratyaduhatpunaḥ ..141.. ### [1.8.143](https://indike.org/pramana/in.purana.vayu.1.8.143) kṛtvā vatsaṃ sumeruṃ tu dudoha pṛthivīmimām. dugdheyaṃ gaustadā tena bījāni pṛthivītale ..142.. ### [1.8.144](https://indike.org/pramana/in.purana.vayu.1.8.144) jajñire tāni bījāni grāmyāraṇyāstu tāḥ punaḥ. oṣadhyaḥ phalapākāntāḥ saptasaptadaśāstu tāḥ ..143.. ### [1.8.145](https://indike.org/pramana/in.purana.vayu.1.8.145) vrīhayaśca yavāścaiva godhūmā aṇavastilāḥ. priyaṅgavau hyudārāśca kāraṣāśca satīnakāḥ ..144.. ### [1.8.146](https://indike.org/pramana/in.purana.vayu.1.8.146) māṣā mudgā masūrāśca niṣpāvāḥ sakulatthakāḥ. āḍhakyaśvaṇakāścaiva saptasaptadaśāḥ smṛtāḥ ..145.. ### [1.8.147](https://indike.org/pramana/in.purana.vayu.1.8.147) ityetā oṣadhīnāṃ tu grāmyāṇāṃ jātayaḥ smṛtāḥ. oṣadhyo yajñiyāścaiva grāmyāraṇyā ścaturddaśa ..146.. ### [1.8.148](https://indike.org/pramana/in.purana.vayu.1.8.148) vrīhayaḥ sayavā māṣā godhūmā aṇavastilāḥ. priyaṅusaptamā hyete aṣṭamī tu kulatthikā ..147.. ### [1.8.149](https://indike.org/pramana/in.purana.vayu.1.8.149) śyāmākā stvatha nīvārā jarttilāḥ sagavedhukāḥ. kuruvindā veṇuyavāstathā markaṭakāśca ye ..148.. ### [1.8.150](https://indike.org/pramana/in.purana.vayu.1.8.150) grāmyāraṇyāḥ smṛtā hyetā oṣadhyastu caturddaśa. utpannāḥ prathamā hyetā ādau tretāyugasya tu ..149.. ### [1.8.151](https://indike.org/pramana/in.purana.vayu.1.8.151) aphālakṛṣṭā oṣadhyo grāmyāraṇyāstu sarvaśaḥ. vṛkṣā gulmalatāvallīvīrudhastṛṇajātayaḥ ..150.. ### [1.8.152](https://indike.org/pramana/in.purana.vayu.1.8.152) mūlaiḥ phalaiśca rohiṇyo gṛhṇan puṣpaiśca jāyate. pṛthvī dugdhā tu bījāni yāni pūrvaṃ svayambhuvā ..151.. ### [1.8.153](https://indike.org/pramana/in.purana.vayu.1.8.153) ṛtupuṣpaphalāstā vai oṣadhyo jajñire tviha. yadā prasṛṣṭā oṣadhyo na prarehanti tāḥ punaḥ ..152.. ### [1.8.154](https://indike.org/pramana/in.purana.vayu.1.8.154) tataḥ sa tāsāṃ vṛttyarthaṃ vārttopāyaṃ cakāra ha. brahmā svayaṃbhūrbhagavān dṛṣṭvā siddhiṃ tu karmajām ..153.. ### [1.8.155](https://indike.org/pramana/in.purana.vayu.1.8.155) tataḥ prabhṛtyathauṣadhyaḥ kṛṣṭapacyāstu jajñire. saṃsiddhāyāntu vārttāyāntatastāsāṃ svayaṃbhuvaḥ. maryādāḥ sthāpayāmāsa yathārabdhāḥ parasparam ..154.. ### [1.8.156](https://indike.org/pramana/in.purana.vayu.1.8.156) ye vai parigṛhītārastāsāmāsanvidhātmakāḥ. itareṣāṃ kṛtatrāṇāḥ sthāpayāmāsa kṣatriyān ..155.. ### [1.8.157](https://indike.org/pramana/in.purana.vayu.1.8.157) upatiṣṭhanti ye tānvai yāvanto nirbhayāstathā. satyaṃ brahma yathā bhūtaṃ yathā bhūtaṃ bruvanto brāhmaṇāśca te ..156.. ### [1.8.158](https://indike.org/pramana/in.purana.vayu.1.8.158) ye cānyepyabalāsteṣāṃ vaiśyasaṃkarmasaṃsthitāḥ. kīnāśā nāśayanti sma pṛthivyāṃ prāgatandritāḥ. vaiśyāneva tu tānāhuḥ kī nāśān vṛttisādhakān ..157.. ### [1.8.159](https://indike.org/pramana/in.purana.vayu.1.8.159) śocantaśca dravantaśca paricaryāsu ye ratāḥ. nistejaso'lpavīryāśca śūdrāstānabravīttu saḥ ..158.. ### [1.8.160](https://indike.org/pramana/in.purana.vayu.1.8.160) teṣāṃ karmāṇi dharmāśca brahmā tu vyadadhāt prabhuḥ. saṃsthitau prākṛtāyāṃ tu cāturvarṇasya sarvaśaḥ ..159.. ### [1.8.161](https://indike.org/pramana/in.purana.vayu.1.8.161) punaḥ prajāstu tā mohāt tān dharmāṃstānapālayan. varṇa dharmairajīvantyo vyarudhyanta parasparam ..160.. ### [1.8.162](https://indike.org/pramana/in.purana.vayu.1.8.162) brahmā tamarthaṃ buddhvā tu yāthātathyena vai prabhuḥ. kṣatriyāṇāṃ balaṃ daṇḍaṃ yuddhamājīvamādiśat ..161.. ### [1.8.163](https://indike.org/pramana/in.purana.vayu.1.8.163) yājanādhyāpanaṃ caiva tṛtīyaṃ ca parigraham. brāhmaṇānāṃ vibhusteṣāṃ karmāṇyetānyathādiśat ..162.. ### [1.8.164](https://indike.org/pramana/in.purana.vayu.1.8.164) pāśupālyaṃ ca vāṇijyaṃ kṛṣiṃ caiva viśāṃ dadau. śilpājīvaṃ bhṛtiñcaiva śūdrāṇāṃ vyadadhāt prabhuḥ ..163.. ### [1.8.165](https://indike.org/pramana/in.purana.vayu.1.8.165) sāmānyāni tu karmāṇi brahmakṣatraviśāṃ punaḥ. yajanādhyayanaṃ dānaṃ sāmānyāni tu teṣu ca ..164.. ### [1.8.166](https://indike.org/pramana/in.purana.vayu.1.8.166) karmājīvaṃ tato dattvā tebhyaścaiva parasparam. lokāntareṣu sthānāni teṣāṃ siddhyā'dadat prabhuḥ ..165.. ### [1.8.167](https://indike.org/pramana/in.purana.vayu.1.8.167) prājāpatyaṃ brāhmaṇānāṃ smṛtaṃ sthānaṃ kriyāvatām. sthānamaindraṃ kṣatriyāṇāṃ saṃgrāmaṣvepalāyinām ..166.. ### [1.8.168](https://indike.org/pramana/in.purana.vayu.1.8.168) vaiśyānāṃ mārutaṃ sthānaṃ svadharmamupajīvinām. gāndharvaṃ śūdrajātīnāṃ praticāreṇa tiṣṭhatām ..167.. ### [1.8.169](https://indike.org/pramana/in.purana.vayu.1.8.169) sthānānyetāni varṇānāṃ vyatyācāravatāṃ svayam. tataḥ sthiteṣu varṇeṣu sthāpayāmāsa cāśramān ..168.. ### [1.8.170](https://indike.org/pramana/in.purana.vayu.1.8.170) gṛhastho brahmacāritvaṃ vānaprasthaṃ sabhikṣukam. āśramāṃścaturo hyetān pūrvamāsthāpayat prabhuḥ ..169.. ### [1.8.171](https://indike.org/pramana/in.purana.vayu.1.8.171) varṇakarmāṇi ye kecitteṣāmiha na kurvate . kutaḥ karmā kṣitiṃ prāhurāśramasthānavāsinaḥ ..170.. ### [1.8.172](https://indike.org/pramana/in.purana.vayu.1.8.172) brahmā tān sthāpayāmāsa āśramānnāmanāmataḥ. nirddeśārthaṃ tatasteṣāṃ brahmā dharmān prabhāṣata. prasthānāni ca teṣāṃ vai yamāṃśca niyamāṃśca ha ..171.. ### [1.8.173](https://indike.org/pramana/in.purana.vayu.1.8.173) cāturvarṇātmakaḥ pūrvaṃ gṛhasthaścāśramaḥ smṛtaḥ. trayāṇāmāśramāṇāñca pratiṣṭhāyonireva ca. yathākramaṃ pravakṣyāmi yamaiśca niyamaiśca te ..172.. ### [1.8.174](https://indike.org/pramana/in.purana.vayu.1.8.174) dārā'gnayo'thātitheya ijyāśrāddhakriyāḥ prajāḥ. ityeṣa vai gṛhasthasya samāsāddharmasaṃgrahaḥ ..173.. ### [1.8.175](https://indike.org/pramana/in.purana.vayu.1.8.175) daṇḍī ca mekhalī caiva hyadhaḥ śāyī tathā jaṭī. guruśuśrūṣaṇaṃ bhaikṣaṃ vidyādvai brahmacāriṇaḥ ..174.. ### [1.8.176](https://indike.org/pramana/in.purana.vayu.1.8.176) cīrapatrājināni syurddhānyamūlaphalauṣadham. ubhe sandhye'vagāhaśca homaśvāraṇya vāsinām ..175.. ### [1.8.177](https://indike.org/pramana/in.purana.vayu.1.8.177) āsannamusale bhaikṣamasteyaṃ śaucameva ca. apramādo'vyavāyaśca dayā bhūteṣu ca kṣamā ..176.. ### [1.8.178](https://indike.org/pramana/in.purana.vayu.1.8.178) akrodho guruśuśrūṣā satyañca daśamaṃ smṛtam. daśalakṣaṇiko hyeṣa dharmaḥ proktaḥ svayambhuvā ..177.. ### [1.8.179](https://indike.org/pramana/in.purana.vayu.1.8.179) bhikṣorvratāni pañcātra pañcaivopavratāni ca. ācāraśuddhirniyamaḥ śaucañca pratikarma ca. samyagdarśanamityevaṃ pañcaivopavratānyapi ..178.. ### [1.8.180](https://indike.org/pramana/in.purana.vayu.1.8.180) dhyānaṃ samādhirmanasendriyāṇāṃ sasāgarairbhaikṣamathopagamya. maunaṃ pavitropacitairvimuktiḥ parivrajo dharmamimaṃ vadanti ..179.. ### [1.8.181](https://indike.org/pramana/in.purana.vayu.1.8.181) sarve te śreyase prokto āśramā brahamaṇā svayam. satyārjjavantapaḥ kṣāntiryogejyā damapūrvikā ..180.. ### [1.8.182](https://indike.org/pramana/in.purana.vayu.1.8.182) vedāḥ sāṅgāśca yajñāśca vratāni niyamāśca ye. na siddhyanti praduṣṭasya bhāvadoṣa upāgate ..181.. ### [1.8.183](https://indike.org/pramana/in.purana.vayu.1.8.183) bahiḥ karmāṇi sarvāṇi prasiddhayanti kadācana. antarbhāvapraduṣṭasya kurvato'pi parākramān ..182.. ### [1.8.184](https://indike.org/pramana/in.purana.vayu.1.8.184) sarvasvamapi yodadyāt kaluṣeṇāntarātmanā. na tena dharmabhāk sa syādbhāva evātra kāraṇam ..183.. ### [1.8.185](https://indike.org/pramana/in.purana.vayu.1.8.185) evaṃ devāḥ sapitara ṛṣayo manavastathā. teṣāṃ sthānamamuṣmistu saṃsthitānāṃ pracakṣate ..184.. ### [1.8.186](https://indike.org/pramana/in.purana.vayu.1.8.186) aṣṭāśītisahasrāṇi ṛṣīṇāmūrddhvaretasām. smṛtaṃ tu teṣāṃ tatsthānaṃ tadeva guruvāsinām ..185.. ### [1.8.187](https://indike.org/pramana/in.purana.vayu.1.8.187) saptarṣīṇāntu yatśthānaṃ smṛtantadvai divaukasām. prājāpatyaṃ gṛhasthānāṃ nyāsināṃ brahmaṇaḥ kṣayaḥ. yogināmamṛtaṃ sthānaṃ nānādhīnāṃ na vidyate ..186.. ### [1.8.188](https://indike.org/pramana/in.purana.vayu.1.8.188) sthānānyāśramiṇāṃ tāni ye svadharme vyavasthitāḥ. catvāra ete panthāno devayānā vinirmitāḥ ..187.. ### [1.8.189](https://indike.org/pramana/in.purana.vayu.1.8.189) brahmaṇā lokatantreṇa ādye manvantare bhuvi. panthāno devayānāya teṣāṃ dvāraṃ raviḥ smṛtaḥ ..188.. ### [1.8.190](https://indike.org/pramana/in.purana.vayu.1.8.190) tathaiva pitṛyāṇānāṃ candramādvāramucyate. evaṃ varṇāśramāṇāṃ vai pravibhāge kṛte tadā. yadāsya na vyavarttanta prajā varṇāśramātmikāḥ ..189.. ### [1.8.191](https://indike.org/pramana/in.purana.vayu.1.8.191) tato'nyā mānasīḥ so'tha tretāmagadhye'sṛjat prajāḥ. ātmanaḥ svaśarīrācca tulyāśvaivātmanā tu vai ..190.. ### [1.8.192](https://indike.org/pramana/in.purana.vayu.1.8.192) tasmistretāyuge tvādye madhyaṃ prāpte krameṇa tu. tato'nyā mānasīstatra prajāḥ sraṣṭuṃ pracakrame ..191.. ### [1.8.193](https://indike.org/pramana/in.purana.vayu.1.8.193) tataḥ sattvarajodriktāḥ prajāḥ so'thāsṛjat prabhuḥ. dharmārthakāmamokṣāṇāṃ vārttāyāścaiva sādhikāḥ ..192.. ### [1.8.194](https://indike.org/pramana/in.purana.vayu.1.8.194) devāśca pitaraścaiva ṛṣayo manavastathā. yugānurūpā dharmeṇa yairimā vicitāḥ prajāḥ ..193.. ### [1.8.195](https://indike.org/pramana/in.purana.vayu.1.8.195) upasthite tadā tasmin prajādharme svayammuvaḥ. abhidadhyau prajāḥ sarvā nānārūpāstu mānasīḥ ..194.. ### [1.8.196](https://indike.org/pramana/in.purana.vayu.1.8.196) pūrvoktā yā mayā tubhyañjanalokaṃ samāśritāḥ. kalpe'tīte tu te hyāsan devādyāstu prajā iha ..195.. ### [1.8.197](https://indike.org/pramana/in.purana.vayu.1.8.197) dhyāyatastasya tāḥ sarvāḥ sambhūtyarthamupasthitāḥ. manvantarakrameṇeha kaniṣṭhe prathame matāḥ ..196.. ### [1.8.198](https://indike.org/pramana/in.purana.vayu.1.8.198) khyātyānubandhaistaistaistu sarvārthairiha bhāvitāḥ. kuśalākuśalaprāyaiḥ karmabhistaiḥ sadā prajāḥ. tatkarmaphalaśeṣeṇa upaṣṭabdhāḥ prajajñire ..197.. ### [1.8.199](https://indike.org/pramana/in.purana.vayu.1.8.199) devāsurapitṛtvaiśca paśupakṣisarīsṛpaiḥ. vṛkṣanārakikīṭatvai staistairbhāvairupasthitāḥ. ādhīnāṃrtha prajānāñca ātmano vai vinirmame ..198.. ### [1.8.200](https://indike.org/pramana/in.purana.vayu.1.8.200) iti śrīmahāpurāṇe vāyuprokte caturāśramavibhāgo nāmāṣṭamo'dhyāyaḥ .. 8 .. ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.1.7.1) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.49.5) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.156) — Vyāsa, Sanskrit - [Garuḍapurāṇa](https://indike.org/pramana/in.purana.garuda.1.4.36) — Vyāsa, Sanskrit - [Śivadharmaśāstra](https://indike.org/pramana/in.sampradaya.saiva.sivadharma.sivadharmasastra.4.19) — Sanskrit - [Śūdrācāraśiromaṇi](https://indike.org/pramana/in.niti.dharma.acara.sudradharma.sudracarasiromani.1.p49) — Kṛṣṇaśeṣa 1520, Sanskrit --- Source: [https://indike.org/pramana/in.purana.vayu.1.8](https://indike.org/pramana/in.purana.vayu.1.8) · Pramāṇa