[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 1.9 # Vayupurana 1.9: adhyāyaḥ 9 Vāyupurāṇa 1.9 - **Language:** Sanskrit ### adhyāyaḥ 9 ### [1.9.1](https://indike.org/pramana/in.purana.vayu.1.9.1) .. sūta uvāca .. tato'bhidhyāyatastasya jajñire mānasīprajāḥ. taccharīrasamutpannaiḥ kāryaistaiḥ kāraṇaiḥ saha. kṣetrajñāḥ samavarttanta gātrebhyastasya dhīmataḥ ..1.. ### [1.9.2](https://indike.org/pramana/in.purana.vayu.1.9.2) tato devāsurapitṝn mānavañca catuṣṭayam. sisṛkṣumbhāṃsyetāṃśca svātmanā samayūyujat ..2.. ### [1.9.3](https://indike.org/pramana/in.purana.vayu.1.9.3) yuktātmanastatastasya tato mātrā svayambhuvaḥ. tamabhidhyāyataḥ sargaṃ prayatno'bhut prajāpateḥ ..3.. ### [1.9.4](https://indike.org/pramana/in.purana.vayu.1.9.4) tato'sya jaghanāt pūrvamasurā jajñire sutāḥ. asuḥ prāṇaḥ smṛto viprā stajjanmānastato'surāḥ ..4.. ### [1.9.5](https://indike.org/pramana/in.purana.vayu.1.9.5) yayā sṛṣṭāḥ surāstanvā tāṃ tanuṃ sa vyapohata. sāpaviddhā tanustena sadyo rātrirajāyata ..5.. ### [1.9.6](https://indike.org/pramana/in.purana.vayu.1.9.6) sā tamobahulā yasmāttato rātristriyāmikā. āvṛtāstamasā rātrau prajāstasmāt svayambhuvaḥ ..6.. ### [1.9.7](https://indike.org/pramana/in.purana.vayu.1.9.7) dṛṣṭvā surāṃstu deveśastanumanyāmapadyata. avyaktāṃ sattvabahulāṃ tatastāṃ so'bhyayūyujat. tatastāṃ yuñjatastasya priyamāsīt prabhoḥ kila ..7.. ### [1.9.8](https://indike.org/pramana/in.purana.vayu.1.9.8) tato mukhe samutpannā dīvyatastasya devatāḥ. yato'sya dīvyato jātāstena devāḥ prakīrttitāḥ ..8.. ### [1.9.9](https://indike.org/pramana/in.purana.vayu.1.9.9) dhāturddivīti yaḥ proktaḥ krīḍāyāṃ sa vibhāvyate. tasyāntanvāntu divyāyāṃ jajñire tena devatāḥ ..9.. ### [1.9.10](https://indike.org/pramana/in.purana.vayu.1.9.10) devān sṛṣṭvātha deveśastanumanyāmapadyata. sattvamātrātmikāṃ devastato'nyāṃ so'bhyapadyata ..1.9.10.. ### [1.9.11](https://indike.org/pramana/in.purana.vayu.1.9.11) pitṛvanmanyamānastān putrān prādhyāyata prabhuḥ. pitaro hyupapakṣābhyāṃ rātryahnorantarāsṛjat. tasmātte pitaro devāḥ putratvantena teṣu tat ..11.. ### [1.9.12](https://indike.org/pramana/in.purana.vayu.1.9.12) yayā sṛṣṭāstu pitarastāntanuṃ sa vyapohata. sāpaviddhā tanustena sadyaḥ sandhyā prajāyata ..12.. ### [1.9.13](https://indike.org/pramana/in.purana.vayu.1.9.13) tasmādahastu devānāṃ rātriryā sā'surī smṛtā. tayormadhye tu vai paitrī yā tanuḥ sā garīyasī ..13.. ### [1.9.14](https://indike.org/pramana/in.purana.vayu.1.9.14) tasmāddevāsurāḥ sarve ṛṣayo manavastathā. te yuktāstāmupāsante brahmaṇo madhyamāntanum ..14.. ### [1.9.15](https://indike.org/pramana/in.purana.vayu.1.9.15) tato'nyāṃ sa punarbrahmā tanuṃ vai pratyapadyata. rajomātrātmikāyāntu manasā so'sṛjat prabhuḥ ..15.. ### [1.9.16](https://indike.org/pramana/in.purana.vayu.1.9.16) rajaḥprāyāt tataḥ so'tha mānasānasṛjat sutān. manasastu tatastasya mānasā jajñire prajāḥ ..16.. ### [1.9.17](https://indike.org/pramana/in.purana.vayu.1.9.17) dṛṣṭvā punaḥ prajāścāpi svāntanuntā mapauhata. sāpaviddhā tanustena jyotsnā sadyastvajāyata ..17.. ### [1.9.18](https://indike.org/pramana/in.purana.vayu.1.9.18) tasmādbhavanti saṃdṛṣṭā jyotsnāyā udbhave prajāḥ. ityetāstanavastena vyapaviddhā mahātmanā ..18.. ### [1.9.19](https://indike.org/pramana/in.purana.vayu.1.9.19) sadyo rātryahanī caiva sandhyā jyotsnā ca jajñire. jayotsnā sandhyā tathāhaśca sattvamātrātmakaṃ svayam. tamomātrātmikā rātriḥ sā vai tasmātrtriyāmi kā ..19.. ### [1.9.20](https://indike.org/pramana/in.purana.vayu.1.9.20) tasmāddevā divyatattvāt dṛṣ‌ṭā sṛṣṭā mukhāttu vai. yasmātteṣāṃ divā janma balinastena te divā ..1.9.20.. ### [1.9.20\_1](https://indike.org/pramana/in.purana.vayu.1.9.20_1) tanvā yadasurān rātrau jaghanādasṛ jat prabhuḥ .. ### [1.9.21](https://indike.org/pramana/in.purana.vayu.1.9.21) prāṇebhyo rātrijanmāno hyasahyā niśi tena te ..21.. ### [1.9.22](https://indike.org/pramana/in.purana.vayu.1.9.22) etānyeva bhaviṣyāṇāṃ devānāmasuraiḥ saha. pitṝṇāṃ mānavānāñca atītānāgateṣu vai. manvantareṣu sarveṣāṃ nimittāni bhavanti hi ..22.. ### [1.9.23](https://indike.org/pramana/in.purana.vayu.1.9.23) jyotsnā rātryahanī sandhyā catvāryābhāsitāni vai. bhānti yasmāttato bhāsi bhāśabdo'yaṃ manīṣibhiḥ. vyāptidīptyāṃ nigaditaḥ punaścāha prajāpatiḥ ..23.. ### [1.9.24](https://indike.org/pramana/in.purana.vayu.1.9.24) so'mbhāṃsyetāni dṛṣṭvā tu devadānavamānavān. pitṝṃśca vāsṛjatso'nyānātmano vibudhān punaḥ ..24.. ### [1.9.25](https://indike.org/pramana/in.purana.vayu.1.9.25) tāmutkṛtya tanuṃ kṛtsnāntato'nyāmasṛjat prabhuḥ. mūrtiṃ rajastamaḥprāyāṃ punarevābhyayūyujat ..25.. ### [1.9.26](https://indike.org/pramana/in.purana.vayu.1.9.26) andhakāre kṣudhāviṣṭa stato'nyāṃ sṛjate punaḥ. tena sṛṣṭāḥ kṣudhātmānaste'mbhāṃsyādātumudyatāḥ ..26.. ### [1.9.27](https://indike.org/pramana/in.purana.vayu.1.9.27) ambhāṃsyetāni rakṣāma uktavantaśca teṣu ca. rākṣasāste smṛtā loke krodhātmāno niśācarāḥ ..27.. ### [1.9.28](https://indike.org/pramana/in.purana.vayu.1.9.28) ye'bruvan kṣiṇumo'mbhāṃsi teṣāṃ dṛṣṭāḥ parasparam. tena te karmaṇā yakṣā guhyakāḥ krūrakarmiṇaḥ ..28.. ### [1.9.29](https://indike.org/pramana/in.purana.vayu.1.9.29) rakṣaṇe pālane cāpi dhātureṣa vibhāvyate. ya eṣa kṣitidhāturvai kṣayaṇe sannirucyate ..29.. ### [1.9.30](https://indike.org/pramana/in.purana.vayu.1.9.30) tāndṛṣṭvā hyapriyeṇāsya keśā aśīryaṃta dhīmataḥ. śītoṣṇāccocchritā hyūrddhvaṃ tadārohanta taṃ prabhum ..1.9.30.. ### [1.9.31](https://indike.org/pramana/in.purana.vayu.1.9.31) hīnā macchiraso vyālā yasmāccaivāpasarpitāḥ. vyālātmānaḥ smṛtā vyālāddhīnatvādahayaḥ smṛtāḥ ..31.. ### [1.9.32](https://indike.org/pramana/in.purana.vayu.1.9.32) pannatvātpannagāścaiva sarpāścaivāpasarpiṇaḥ. teṣāṃ pṛthivyāṃ nilayāḥ sūryācandramasoradhaḥ ..32.. ### [1.9.33](https://indike.org/pramana/in.purana.vayu.1.9.33) tasya krodhodbhavo yo'sāvagnigarbhassudāruṇaḥ. sa tu sarpasahotpannānāviveśa viṣātmikān ..33.. ### [1.9.34](https://indike.org/pramana/in.purana.vayu.1.9.34) sarpān dṛṣṭvā tataḥ krodhāt krodhātmāno vinirmame. varṇena kapiśenogrāste bhūtāḥ piśitāśanāḥ ..34.. ### [1.9.35](https://indike.org/pramana/in.purana.vayu.1.9.35) bhūtatvātte smṛtā bhūtāḥ piśācāḥ piśitāśanāt. vayato gāstatastasya gandharvo jajñire tadā ..35.. ### [1.9.35\_2](https://indike.org/pramana/in.purana.vayu.1.9.35_2) dhyāyatītyeṣa dhāturvai yātrārthe paripaṭhyate. pibato jajñire gāstu gaṃdharvāstena te smṛtāḥ ..36.. ### [1.9.37](https://indike.org/pramana/in.purana.vayu.1.9.37) aṣṭāsvetāsu sṛṣṭāsu devayoniṣu sa prabhuḥ. tataḥ svacchandato'nyāni vayāṃsi vaya so'sṛjat ..37.. ### [1.9.38](https://indike.org/pramana/in.purana.vayu.1.9.38) chādyatastāni chandāṃsi vayaso'pi vayāṃsyapi. śūnyān dṛṣṭvā tu devo vai'sṛjatpakṣigaṇānapi ..38.. ### [1.9.39](https://indike.org/pramana/in.purana.vayu.1.9.39) mukhato'jān sasarjjātha vakṣasaścavayo'sṛjat. gāścaivāthodarādbrahmā pārśvābhyāñca vinirmame ..39.. ### [1.9.40](https://indike.org/pramana/in.purana.vayu.1.9.40) padbhyāñcāścān samātaṅgān śarabhān gavayān mṛgān. uṣṭrānaścatarāṃścaiva tāśvānyāścaiva jātayaḥ ..1.9.40.. ### [1.9.41](https://indike.org/pramana/in.purana.vayu.1.9.41) oṣadhyaḥ phalamūlāni romatastasya jajñire. evaṃ paśvoṣadhīḥ sṛṣṭvā nyayuñjatso'dhvare prabhuḥ ..41.. ### [1.9.42](https://indike.org/pramana/in.purana.vayu.1.9.42) tasmādādau tu kalpasya tretāyugamukhe tadā. gaurajaḥ puruṣo meṣo hyaśvo'śvataragarddabhau. etān grāmyān paśūnāhurāraṇyāṃśca nibodhata ..42.. ### [1.9.43](https://indike.org/pramana/in.purana.vayu.1.9.43) śvāpadā dvikhuro hastī vānaraḥ pakṣipañcamāḥ. undakāḥ paśavaḥ sṛṣṭāḥ saptamāstu sarīsṛpāḥ ..43.. ### [1.9.44](https://indike.org/pramana/in.purana.vayu.1.9.44) gāyatraṃ varuṇañcaiva trivṛtsaumyaṃ rathantaram. agniṣṭomaṃ ca yajñānāṃ nirmame prathamānmukhāt ..44.. ### [1.9.45](https://indike.org/pramana/in.purana.vayu.1.9.45) chandāṃsi traiṣṭubhaṅkarma stomaṃ pañcadaśantathā. bṛhatsāmamathokthañca dakṣiṇātso'sṛjanmukhāt ..45.. ### [1.9.46](https://indike.org/pramana/in.purana.vayu.1.9.46) sāmāni jagatī cchandastomaṃ pañcadaśantathā. vairūpyamatirātrañca paścimādasṛjanmukhāt ..46.. ### [1.9.47](https://indike.org/pramana/in.purana.vayu.1.9.47) ekaviṃśamatharvāṇamāptoryāmāṇameva ca. anuṣṭubhaṃ savairājamuttarādasṛjanmukhāt ..47.. ### [1.9.48](https://indike.org/pramana/in.purana.vayu.1.9.48) vidyuto'śanimeghāṃśca rohitendradhanūṃṣi ca. vayāṃsi ca sasarjjādau kalpasya bhagavān prabhuḥ ..48.. ### [1.9.49](https://indike.org/pramana/in.purana.vayu.1.9.49) uccāvacāni bhūtāni gātrebyastasya jajñire. brahmaṇastu prajāsargaṃ sṛjato hi prajāpateḥ ..49.. ### [1.9.50](https://indike.org/pramana/in.purana.vayu.1.9.50) sṛṣṭvā catuṣṭayaṃ pūrvaṃ devāsurapitṝn prajāḥ. tataḥ sṛjati bhūtāni sthāvarāṇi carāṇi ca ..1.9.50.. ### [1.9.51](https://indike.org/pramana/in.purana.vayu.1.9.51) yakṣān piśācān gandharvān tathaivāpsarasāṅgaṇān. narakinnararakṣāṃsi vayaḥ paśumṛgoragān ..51.. ### [1.9.52](https://indike.org/pramana/in.purana.vayu.1.9.52) avyayañca vyayaṃ caiva yadidaṃ sthāṇu jaṅgamam. teṣāṃ ye yāni karmāṇi prāksṛṣṭyāṃ pratipedire. tānyeva pratipadyante sṛjyamānāḥ punaḥ punaḥ ..52.. ### [1.9.53](https://indike.org/pramana/in.purana.vayu.1.9.53) hiṃsrāhiṃsre mṛdukrūre dharmādharmāvṛtānṛte. tadbhāvitāḥ prapadyante tasmāttattasya rocate ..53.. ### [1.9.54](https://indike.org/pramana/in.purana.vayu.1.9.54) mahābhūteṣu nānātvamindriyārtheṣu mūrttiṣu. viniyogañca bhūtānāṃ dhātaiva vyadadhāt svayam ..54.. ### [1.9.55](https://indike.org/pramana/in.purana.vayu.1.9.55) kecit puruṣakārantu prāhuḥ karma ca mānavāḥ. daivamityapare viprāḥ svabhāvaṃ daivacintakāḥ ..55.. ### [1.9.56](https://indike.org/pramana/in.purana.vayu.1.9.56) pauruṣaṃ karma daivañca phalavṛttisvabhāvataḥ. na caikaṃ na pṛthagbhāvamadhikaṃ na tayorviduḥ. etadevañca naikañca na cobhe na ca vāpyubhe ..56.. ### [1.9.57](https://indike.org/pramana/in.purana.vayu.1.9.57) karmasthān viṣayān brūyuḥ sattvasthāḥ samadarśinaḥ. nāmarūpañca bhūtānāṃ kṛtānāñca prapañcanam. vedaśabdhebhya evādau nirmame sa maheśvaraḥ ..57.. ### [1.9.58](https://indike.org/pramana/in.purana.vayu.1.9.58) ṛṣīṇāṃ nāmadheyāni yāśca deveṣu dṛṣṭayaḥ. śarvaryante prasūtānāṃ tānyevāsya dadhāti saḥ ..58.. ### [1.9.59](https://indike.org/pramana/in.purana.vayu.1.9.59) yatharttāvṛtuliṅgāni nānārūpāṇi paryaye. dṛśyante tāni tānyeva tathā bhāvā yugādiṣu ..59.. ### [1.9.60](https://indike.org/pramana/in.purana.vayu.1.9.60) evaṃvidhāsu sṛṣṭāsu brahmaṇā'vyaktajanmanā. śarvaryante pradṛśyante siddhimāśritya mānasīm ..1.9.60.. ### [1.9.61](https://indike.org/pramana/in.purana.vayu.1.9.61) evaṃbhūtāni sṛṣṭāni carāṇi sthāvarāṇi ca. yadāsya tāḥ prajāḥ sṛṣṭā na vyavardhanta dhīmataḥ ..61.. ### [1.9.62](https://indike.org/pramana/in.purana.vayu.1.9.62) athānyānmānasān putrān sadṛśānātmano'sṛjat. bhṛguṃ pulastyaṃ pulahaṃ kratumāṅgirasantathā ..62.. ### [1.9.63](https://indike.org/pramana/in.purana.vayu.1.9.63) marīciṃ dakṣamatriṃ ca vasiṣṭhaṃ caiva mānasam. nava brahmāṇa ityete purāṇe niścayaṃ gatāḥ . teṣāṃ brahmātmakānāṃ vai sarveṣāṃ brahmavādinām ..63.. ### [1.9.64](https://indike.org/pramana/in.purana.vayu.1.9.64) tato'sṛjatpunarbrahmā rudraṃ roṣātmasaṃbhavam. saṃkalpaṃ caiva dharmaṃ ca pūrveṣāmapi pūrvajaḥ ..64.. ### [1.9.65](https://indike.org/pramana/in.purana.vayu.1.9.65) agre sasarjja vai brahmā mānasānātmanaḥ samān. sanandanaṃ sasanakaṃ vidvāṃsaṃ ca sanātanam ..65.. ### [1.9.66](https://indike.org/pramana/in.purana.vayu.1.9.66) sanatkumāraṃ ca vibhuṃ sanakaṃ ca sanandanam. na te lokeṣu sarjjante nirapekṣāḥ sanātanāḥ ..66.. ### [1.9.67](https://indike.org/pramana/in.purana.vayu.1.9.67) sarve te hyāgatajñānā vītarāgā vimatsarāḥ. teṣvevaṃ nirapekṣyeṣu lokavṛttānukāraṇāt ..67.. ### [1.9.68](https://indike.org/pramana/in.purana.vayu.1.9.68) hiraṇyagarbho bhagavān parameṣṭhī hyacintayat. tasya roṣātsamutpannaḥ puruṣo'rkkasamadyutiḥ. arddhanārīnaravapustejasā jvalanopamaḥ ..68.. ### [1.9.69](https://indike.org/pramana/in.purana.vayu.1.9.69) sarvaṃ tejomayaṃ jātamādityasamatejasam. vibhajātmānamityuktvā tatraivāntaradhīyata ..69.. ### [1.9.70](https://indike.org/pramana/in.purana.vayu.1.9.70) evamuktvā dvidhābhūtaḥ pṛthak strī puruṣaḥ pṛthak. sa caikādaśadhā jajñe arddhamātmānamīśvaraḥ ..1.9.70.. ### [1.9.71](https://indike.org/pramana/in.purana.vayu.1.9.71) tenoktāste mahātmānaḥ sarva eva mahātmanā. jagato bahulībhāvamadhikṛtya hitaiṣiṇaḥ ..71.. ### [1.9.72](https://indike.org/pramana/in.purana.vayu.1.9.72) lokavṛttāntahetorhi prayatadhvamatandritāḥ. viśvaṃ viśvasya lokasya sthāpanāya hitāya ca ..72.. ### [1.9.73](https://indike.org/pramana/in.purana.vayu.1.9.73) evamuktāstu rurudurdudruvuśca samantataḥ. rodanāddrāvaṇāccaiva rudrā nāmnetiviśrutāḥ ..73.. ### [1.9.74](https://indike.org/pramana/in.purana.vayu.1.9.74) yairhi vyāptamidaṃ sarvaṃ trailokyaṃ sacarācaram. teṣāmanucarā loke sarvalokaparāyaṇāḥ ..74.. ### [1.9.75](https://indike.org/pramana/in.purana.vayu.1.9.75) naikanāgā yutabalā vikrāntāśacava gaṇeśvarāḥ. tatra yā sā mahābhāgā śaṃkarasyārddhakāyinī ..75.. ### [1.9.76](https://indike.org/pramana/in.purana.vayu.1.9.76) prāguktā tu mayā tubhyaṃ strī svayaṃbhormukhodgatā. kāyārddhaṃ dakṣiṇantasyāḥ śuklaṃ vāmaṃ tathā'sitam ..76.. ### [1.9.77](https://indike.org/pramana/in.purana.vayu.1.9.77) ātmānaṃ vibhajasveti soktā devī svayaṃbhuvā. sā tu proktā dvidhābhūtā śūklā kṛṣṇā ca vai dvijāḥ. tasyā nāmāni vakṣyāmi śrṛṇudhvaṃ susamāhitāḥ ..77.. ### [1.9.78](https://indike.org/pramana/in.purana.vayu.1.9.78) svāhā svadhā mahāvidyā medhā lakṣmīḥ sarasvatī. aparṇā caikaparṇā ca tathā syādeva pāṭalā ..78.. ### [1.9.79](https://indike.org/pramana/in.purana.vayu.1.9.79) umā haimavatī ṣaṣṭhī kalyāṇī caiva nāmataḥ. khyātiḥ prajñā mahābhāgā loke gaurīti viśrutā ..79.. ### [1.9.80](https://indike.org/pramana/in.purana.vayu.1.9.80) viśvarūpamathāryāyāḥ pṛthagdehavibhāvanāt. śrṛṇu saṃkṣepatastasyā yathāvadanupūrvaśaḥ ..1.9.80.. ### [1.9.81](https://indike.org/pramana/in.purana.vayu.1.9.81) prakṛtirniyatā raudrī durgā bhadrā pramāthinī. kālarātrirmahāmāyā revatī bhutanāyikā ..81.. ### [1.9.82](https://indike.org/pramana/in.purana.vayu.1.9.82) dvāparāntavikāreṣu devyā nāmāni me śrṛṇu. gautamī kauśikī āryā caṇḍī kātyāyanī satī ..82.. ### [1.9.83](https://indike.org/pramana/in.purana.vayu.1.9.83) kumārī yādavī devī varadā kṛṣṇapiṅgalā. barhirdhvajā śūladharā paramabrahmacāriṇī ..83.. ### [1.9.84](https://indike.org/pramana/in.purana.vayu.1.9.84) māhendrī cendrabhaginī vṛṣakanyaikavāsasī. aparājitā bahubhujā pragalbhā siṃhavāhinī ..84.. ### [1.9.85](https://indike.org/pramana/in.purana.vayu.1.9.85) ekānasā daityahanī māyā mahiṣamarddinī. amoghā vindhyanilayā vikrāntā gaṇanāyikā ..85.. ### [1.9.86](https://indike.org/pramana/in.purana.vayu.1.9.86) devīnāmavikārāṇi ityetāni yathākramam. bhadrakālyāstavoktāni devyā nāmāni tattvataḥ ..86.. ### [1.9.87](https://indike.org/pramana/in.purana.vayu.1.9.87) ye paṭhanti narāsteṣāṃ vidyate na parābhavaḥ. araṇye prāntare vāpi pure vāpi gṛhe'pi vā ..87.. ### [1.9.88](https://indike.org/pramana/in.purana.vayu.1.9.88) rakṣāmetāṃ prayuñjīta jale vāpi sthale'pi vā. vyādhrakumbhīracaurebhyo bhūtasthāne viśeṣataḥ. ādhiṣvapi ca sarvāsu devyā nāmāni kīrttayet ..88.. ### [1.9.89](https://indike.org/pramana/in.purana.vayu.1.9.89) arbhakagrahabhūtaiśca pūtanāmātṛbhiḥ sadā. abhyarditānāṃ bālānāṃ rakṣāmetāṃ prayojayet ..89.. ### [1.9.90](https://indike.org/pramana/in.purana.vayu.1.9.90) mahādevī kule dve tu prajñā śrīśca prakīrttyate. ābhyāṃ devīsahasrāṇi yairvyāptamakhilaṃ jagat ..1.9.90.. ### [1.9.91](https://indike.org/pramana/in.purana.vayu.1.9.91) sā'sṛjad vyavasāyantu dharmaṃ bhūtasukhāvaham. saṅkalpañcaiva kalpādau jajñire'vyaktayonitaḥ ..91.. ### [1.9.92](https://indike.org/pramana/in.purana.vayu.1.9.92) mānasaśca rucirnnāma vijñeyo brahmaṇaḥ sutaḥ. prāṇāt svādasṛjaddakṣañcakṣurbhyāñca marīcikam ..92.. ### [1.9.93](https://indike.org/pramana/in.purana.vayu.1.9.93) bhṛgustu hṛdayājjajñe ṛṣiḥ salilajanmanaḥ. śiraso'ṅgirasañcaiva śrotrādatrintathaiva ca ..93. ### [1.9.94](https://indike.org/pramana/in.purana.vayu.1.9.94) pulastyañca tathodānādyvānācca pulahaṃ punaḥ. samānajaṃ vasiṣṭhantu apānānnirmame kratum ..94.. ### [1.9.95](https://indike.org/pramana/in.purana.vayu.1.9.95) abhimānātmakaṃ bhadraṃ nirmame nīlalohitam. ityete brahmaṇaḥ putrāḥ prāṇajā dvādaśa smṛtāḥ ..95.. ### [1.9.96](https://indike.org/pramana/in.purana.vayu.1.9.96) ityete mānasāḥ putrā vijñeyā brahmaṇaḥ sutāḥ. bhṛgvādayastu ye sṛṣṭā nā caite brahmavādinaḥ ..96.. ### [1.9.97](https://indike.org/pramana/in.purana.vayu.1.9.97) gṛhamedhinaḥ purāṇāste dharmastaiḥ prāk pravārttitaḥ. dvādaśaite pravarttante saha rudreṇa vaiprajāḥ ..97.. ### [1.9.98](https://indike.org/pramana/in.purana.vayu.1.9.98) ṛbhuḥ sanatkumārastu dvāvetāvūrddhvaretasau. pūrvotpannau purā tebhyaḥ sarveṣāmapi pūrvajau ..98.. ### [1.9.99](https://indike.org/pramana/in.purana.vayu.1.9.99) vyatīte prathame kalpe purāṇe lokasādhakau. vairāje tāvubhau loke tejaḥ saṃkṣipya cāsthitau ..99.. ### [1.9.100](https://indike.org/pramana/in.purana.vayu.1.9.100) tāvubhau yogadharmāṇāvāropyātmānamātmani. prajādharmañca kāmañca varttayetāṃ mahaujasā ..1.9.100.. ### [1.9.101](https://indike.org/pramana/in.purana.vayu.1.9.101) yathotpannastathaiveha kumāra iti cocyate. tasmātsanatkumāroyamiti nāmāsya kīrtitam ..101.. ### [1.9.102](https://indike.org/pramana/in.purana.vayu.1.9.102) teṣāṃ dvādaśa te vaṃśā divyā devaguṇānvitāḥ. kriyāvantaḥ prajāvanto maharṣibhiralaṃkṛtāḥ ..102.. ### [1.9.103](https://indike.org/pramana/in.purana.vayu.1.9.103) ityeṣa karaṇodbhūto lokān sraṣṭuṃ svayaṃbhuvaḥ. mahadādiviśeṣānto vikāraḥ prakṛteḥ svayam ..103.. ### [1.9.104](https://indike.org/pramana/in.purana.vayu.1.9.104) candrasūryaprabhāloko grahanakṣatramaṇḍitaḥ. nadībhiśca samudraiśca parvataiśca samāvṛtaḥ ..104.. ### [1.9.105](https://indike.org/pramana/in.purana.vayu.1.9.105) puraiśca vividhākāraiḥ prītairjjanapadaistathā. tasmin brahmavane'vyakte brahmā carati śarvarīm ..105.. ### [1.9.106](https://indike.org/pramana/in.purana.vayu.1.9.106) avyaktabījaprabhavastasyaivānugrahotthitaḥ. buddhiskandhamayaścaiva indriyāṅkurakoṭaraḥ ..106.. ### [1.9.107](https://indike.org/pramana/in.purana.vayu.1.9.107) mahābhūtapraśākhaśca viśeṣaiḥ patravāṃstathā. dharmādharmasupuṣpastu sukhaduḥkhaphalodayaḥ ..107.. ### [1.9.108](https://indike.org/pramana/in.purana.vayu.1.9.108) ājīvaḥ sarvabhūtānāmayaṃ vṛkṣaḥ sanātanaḥ. etadbrahmabalaṃ caiva brahmavṛkṣasya tasya ha ..108.. ### [1.9.109](https://indike.org/pramana/in.purana.vayu.1.9.109) avyaktaṃ kāraṇaṃ yattannityaṃ sadasadātmakam. ityeṣo'nugrahaḥ sargo brahmaṇaḥ prākṛtastu yaḥ ..109.. ### [1.9.110](https://indike.org/pramana/in.purana.vayu.1.9.110) mukhyādayastu ṣaṭ‌sargā vaikṛtā buddhipūrvakāḥ. traikāle samavartanta brahmaṇaste'bhimāninaḥ ..1.9.110.. ### [1.9.110\_3](https://indike.org/pramana/in.purana.vayu.1.9.110_3) sargāḥ parasparasyātha kāraṇaṃ te budhaiḥ smṛtāḥ. divyau suparṇau sayujau saśākhau paṭavidrumau .. ### [1.9.111](https://indike.org/pramana/in.purana.vayu.1.9.111) ekastu yodrumaṃ vetti nānyaḥ sarvātmanastataḥ ..111.. ### [1.9.112](https://indike.org/pramana/in.purana.vayu.1.9.112) dyaurmūrddhānaṃ yasya viprāstuvanti khannābhiṃ vai candrasūryau ca netre. diśaḥ śrotre caraṇau cāsya bhūmiḥ so'cintyātmā sarvabhūta prasūtiḥ ..112.. ### [1.9.113](https://indike.org/pramana/in.purana.vayu.1.9.113) vakrādyasya brāhmaṇāḥ saṃprasūtā yadvakṣastaḥ kṣatriyāḥ pūrvabhāge. vaiśyāśvororyasya padbhayāṃ ca śūdrāḥ sarve varṇā gātrataḥ saṃprasūtāḥ ..113.. ### [1.9.114](https://indike.org/pramana/in.purana.vayu.1.9.114) maheśvaraḥ paro'vyaktādaṇḍamavyaktasaṃbhavam. aṇḍājjajñe punarbrahmā yena lokāḥ kṛtāstvime ..114.. ### [1.9.114\_4](https://indike.org/pramana/in.purana.vayu.1.9.114_4) iti śrīmahāpuraṇe vāyuprokte devādisṛṣṭivarṇanaṃ nāma navamo'dhyāyaḥ ..1.9.. ## Linked texts (8) - [Brahmāṇḍapurāṇa](https://indike.org/pramana/in.purana.brahmanda.1.8.6) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.5.40) — Sanskrit - [Kūrmapurāṇa](https://indike.org/pramana/in.purana.kurma.1.7.39) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.164) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.12.18.p21) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.8.17) — Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.2.62) — Ṭoḍaramalla 1564, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.7.p7) — Ativīrarāma Pāṇṭiyar, Sanskrit --- Source: [https://indike.org/pramana/in.purana.vayu.1.9](https://indike.org/pramana/in.purana.vayu.1.9) · Pramāṇa