[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.10 # Vayupurana 2.10: adhyāyaḥ 10 Vāyupurāṇa 2.10 - **Language:** Sanskrit ### adhyāyaḥ 10 ### [2.10.1](https://indike.org/pramana/in.purana.vayu.2.10.1) etacchrutvā vacastasya sutasya viditātmanaḥ. uttaraṃ paripapracchuḥ sūtaputraṃ dvijātayaḥ .. 10.1 .. ### [2.10.2](https://indike.org/pramana/in.purana.vayu.2.10.2) ..śāṃśapāyana uvāca.. ### [2.10.3](https://indike.org/pramana/in.purana.vayu.2.10.3) kathaṃ dvitīyamutpannā bhavānī prāksatī tu yā. āsīddākṣāyaṇī pūrvamumā kathama jāyata .. 10.2 .. ### [2.10.4](https://indike.org/pramana/in.purana.vayu.2.10.4) menāyāṃ pitṛkanyāyāṃ janayāmāsa śailaruṭ. kecaite pitaraścaiva yeṣāṃ menā tu mānasī .. 10.3 .. ### [2.10.5](https://indike.org/pramana/in.purana.vayu.2.10.5) mainākaścaiva dauhitro dauhitrī ca tathā hyumā. ekaparṇā tathā caiva tathā yā caikapāṭalā .. 10.4 .. ### [2.10.6](https://indike.org/pramana/in.purana.vayu.2.10.6) gaṅgā caiva saricchreṣṭhā sarvāsāṃ pūrvajā tathā. pūrvameva mayoddiṣṭaṃ śrṛṇudhvaṃ mama sarvaśaḥ .. 10.5 .. ### [2.10.7](https://indike.org/pramana/in.purana.vayu.2.10.7) aneke pitaraścaiva varttante vka ca vā punaḥ. śrotumicchāmi bhadrante śrāddhasya ca paraṃ vidhim .. 10.6 .. ### [2.10.8](https://indike.org/pramana/in.purana.vayu.2.10.8) putrāśca te smṛtāḥ keṣāṃ kathañca pitarastu te . pitaraḥ kathamutpannāḥ kasya putrāḥ kimātmakāḥ .. 10.7 .. ### [2.10.9](https://indike.org/pramana/in.purana.vayu.2.10.9) svarge tu pitaro'nye ye devānāmapi devatāḥ. evaṃ vai śrotumicchāmi pitṝṇāṃ sargamuttamam. yathāvaddattamasmābhiḥ śrāddhaṃ prīṇāti vai pitṝn .. 10.8 .. ### [2.10.10](https://indike.org/pramana/in.purana.vayu.2.10.10) yadarthaṃ tena dṛśyante tatra kiṃ kāraṇaṃ smṛtam. svarge hi ke tu varttante pitaro narake tu ke .. 10.9 .. ### [2.10.11](https://indike.org/pramana/in.purana.vayu.2.10.11) abhisandhāya pitaraṃ pituśca pitaraṃ tathā. pituḥ pitāmahañcaiva triṣu piṇḍeṣu nāmataḥ .. 10.10 .. ### [2.10.12](https://indike.org/pramana/in.purana.vayu.2.10.12) kāni śrāddhāni deyāni kathaṃ gacchanti vai pitṝn . kathañca śaktāste dātuṃ narakasthāḥ phalaṃ punaḥ .. 10.11 .. ### [2.10.13](https://indike.org/pramana/in.purana.vayu.2.10.13) ke ceha pitaro nāma kān yajāmo vayaṃ punaḥ . devā api putṝn svarge yajantīti hi naḥ śrutam .. 10.12 .. ### [2.10.14](https://indike.org/pramana/in.purana.vayu.2.10.14) etadicchāmi vai śrotuṃ vistareṇa bahuśruta. spaṣṭābhidhānamarthaṃ vai tadbhavānvaktumarhati .. 10.13 .. ### [2.10.15](https://indike.org/pramana/in.purana.vayu.2.10.15) ṛṣīṇāntu vacaḥ śrutvā sūtastattvārthadarśivān. ācacakṣe yathāpraśraṃ ṛṣīṇāṃ mānasaṃ tataḥ .. 10.14 .. ### [2.10.16](https://indike.org/pramana/in.purana.vayu.2.10.16) ..sūta uvāca.. ### [2.10.17](https://indike.org/pramana/in.purana.vayu.2.10.17) atra vo varṇayiṣyāmi yathāprajñaṃ yathāśrutam. manvantareṣu jāyante pitaro devasūnavaḥ .. 10.15 .. ### [2.10.18](https://indike.org/pramana/in.purana.vayu.2.10.18) atītānāgate jyeṣṭhāḥ kaniṣṭhāḥ kramaśastu te. devaiḥ sārddhaṃ purātītāḥ pitaro ye'ntareṣu vai. varttante sāmprataṃ ye tu tānvai vakṣyāmi niścayāt .. 10.16 .. ### [2.10.19](https://indike.org/pramana/in.purana.vayu.2.10.19) śrāddhañcaiṣāṃ manuṣyāṇāṃ śrāddhameva pravarttate. devānasṛjan brahmā nāyakṣanniti vai punaḥ . tamutsṛjya tadātmānamasṛjaṃste phalārthinaḥ .. 10.17 .. ### [2.10.20](https://indike.org/pramana/in.purana.vayu.2.10.20) te śaptā brahmaṇā mūḍhā naṣṭasaṃjñā bhaviṣyatha. na sma kiñcidvijānanti tato loke hyamuhyata .. 10.18 .. ### [2.10.21](https://indike.org/pramana/in.purana.vayu.2.10.21) te bhūyaḥ praṇatāḥ sarve yācanti sma pitāmaham. anugrahāya lokānāṃ punastānabravītprabhuḥ .. 10.19 .. ### [2.10.22](https://indike.org/pramana/in.purana.vayu.2.10.22) prāyaścittaṃ caradhvaṃ vai vyabhicāro hi yaḥ kṛtaḥ . putrānsvānparipṛcchadhvaṃ tato jñānamavāpsyatha .. 10.20 .. ### [2.10.23](https://indike.org/pramana/in.purana.vayu.2.10.23) tataste svānsutāṃścaiva prāyaścittajighṛkṣavaḥ. apṛcchan saṃyatātmāno vidhivacca mitho mithaḥ .. 10.21 .. ### [2.10.24](https://indike.org/pramana/in.purana.vayu.2.10.24) tebhyaste niyatātmānaḥ putrāḥ śaṃsuranekadhā. prāyaścittāni dharmajñā vāṅmanaḥ karmmajāni tu .. 10.22 .. ### [2.10.25](https://indike.org/pramana/in.purana.vayu.2.10.25) te putrānabruvanprītā labdhasaṃjñā divaukasaḥ. yūyaṃ vai pitaro'smākaṃ ye vayaṃ pratibodhitāḥ. dharmajñānañca kāmaśca ko varo vaḥ pradīyatām .. 10.23 .. ### [2.10.26](https://indike.org/pramana/in.purana.vayu.2.10.26) punastānabravīdbrahmā yūyaṃ vai satyavādinaḥ. tasmādyaduktaṃ yuṣmābhistattathā na tadanyathā .. 10.24 .. ### [2.10.27](https://indike.org/pramana/in.purana.vayu.2.10.27) uktañca pitaro'smākamiti vai tanayāḥ svakāḥ. pitaraste bhaviṣyanti tebhyo'yaṃ dīyatāṃ varaḥ .. 10.25 .. ### [2.10.28](https://indike.org/pramana/in.purana.vayu.2.10.28) tenaiva vacasā putrā brahmaṇaḥ parameṣṭhinaḥ. putrāḥ pitṛttvamājagmuḥ putratvaṃ pitaraḥ punaḥ .. 10.26 .. ### [2.10.29](https://indike.org/pramana/in.purana.vayu.2.10.29) tasmātte pitaraḥ putrāḥ pitṛtve teṣu tatsmṛtam . evaṃ smṛtvā pitṝn putrānputrāśca pitarastathā. vyājahāra punarbrahmā pidṝnātmavivṛddhaye .. 10.27 .. ### [2.10.30](https://indike.org/pramana/in.purana.vayu.2.10.30) yo hyaniṣṭvā pitṝñchrāddhe kriyāṃ kāñicitkariṣyati. rākṣasā dānavāścaiva phalaṃ prāpsyanti tasya tat .. 10.28 .. ### [2.10.31](https://indike.org/pramana/in.purana.vayu.2.10.31) śrāddhairāpyāyitāścaiva pitaraḥ somamavyayam. āpyāyyamānā yuṣmābhirvarddhayiṣyanti nityaśaḥ .. 10.29 .. ### [2.10.32](https://indike.org/pramana/in.purana.vayu.2.10.32) śrāddhairāpyāyitaḥ somo lokānāpyāyayiṣyati . kṛtsraṃ saparvatavanaṃ jaṅgamājaṅgamairvṛtam .. 10.30 .. ### [2.10.33](https://indike.org/pramana/in.purana.vayu.2.10.33) śrāddhāni puṣṭikāmāśca ye kariṣyanti mānavāḥ. tebhyaḥ puṣṭiṃ prajāścaiva dāsyanti pitaraḥ sadā .. 10.31 .. ### [2.10.34](https://indike.org/pramana/in.purana.vayu.2.10.34) śrāddhe yebhyaḥ pradāsyanti trīn piṇḍān nāmagotrataḥ. sarvatra varttamānāste pitaraḥ prapitāmaham. teṣāmāpyāyayiṣyanti śrāddhadānena vai prajāḥ .. 10.32 .. ### [2.10.35](https://indike.org/pramana/in.purana.vayu.2.10.35) evamājñā kṛtā pūrvaṃ brahmaṇā parameṣṭhinā. tenaitatsarvathā siddhaṃ dānamadhyayanaṃ tapaḥ .. 10.33 .. ### [2.10.36](https://indike.org/pramana/in.purana.vayu.2.10.36) te tu jñānapradātāraḥ pitaro vo na saṃśayaḥ. ityete pitaro devā devāśca pitaraḥ punaḥ . anyonyaṃ pitaro hyete devāśca pitaraśca ha .. 10.34 .. ### [2.10.37](https://indike.org/pramana/in.purana.vayu.2.10.37) etadbrahmavacaḥ śrutvā sūtasya vihitātmanaḥ . papracchurmunayo bhūyaḥ sūtaṃ tasmādyaduttaram .. 10.35 .. ### [2.10.38](https://indike.org/pramana/in.purana.vayu.2.10.38) ..ṛṣaya ūcuḥ .. ### [2.10.39](https://indike.org/pramana/in.purana.vayu.2.10.39) kiyanto vai pitṛgaṇāḥ kasminkāle ca te gaṇāḥ . varttante devapravarā devānāṃ somavarddhanāḥ .. 10.36 .. ### [2.10.40](https://indike.org/pramana/in.purana.vayu.2.10.40) ..sūta uvāca.. ### [2.10.41](https://indike.org/pramana/in.purana.vayu.2.10.41) etadvo'haṃ pravakṣyāmi pitṛsargamanuttamam. śaṃyuḥ papraccha yatpūrvaṃ pitaraṃ vai bṛhaspatim .. 10.37 .. ### [2.10.42](https://indike.org/pramana/in.purana.vayu.2.10.42) bṛhaspatimupāsīnaṃ sarvajñānārthakovidam. putraḥ śaṃyurimaṃ praśnaṃ papraccha vinayānvitaḥ .. 10.38 .. ### [2.10.43](https://indike.org/pramana/in.purana.vayu.2.10.43) ka ete pitaro nāma kiyantaḥ ke ca nāmataḥ. samudbhūtāḥ kathañcaite pitṛtvaṃ samupāgatāḥ .. 10.39 .. ### [2.10.44](https://indike.org/pramana/in.purana.vayu.2.10.44) kasmācca pitaraṃ pūrvaṃ yajñe yujyanti nityaśaḥ. kriyāśca sarvā varttante śrāddhapūrvā mahātmanām .. 10.40 .. ### [2.10.45](https://indike.org/pramana/in.purana.vayu.2.10.45) kasmai śrāddhāni deyāni kiñca dattaṃ mahāphalam. keṣu vāpyakṣayaṃ śrāddhaṃ tīrtheṣu ca nadīṣu ca .. 10.41 .. ### [2.10.46](https://indike.org/pramana/in.purana.vayu.2.10.46) keṣu vai sarvamāpnoti śrāddhaṃ kṛtvā dvijottamaḥ. kaśca kālo bhaveccrāddhe vidhiḥ kaścānuvarttate .. 10.42 .. ### [2.10.47](https://indike.org/pramana/in.purana.vayu.2.10.47) etadicchāmi bhagavan vistareṇa yathātatham. vyākhyātumānupūrvyeṇa yatra codāhṛtaṃ mayā .. 10.43 .. ### [2.10.48](https://indike.org/pramana/in.purana.vayu.2.10.48) bṛhaspatiridaṃ samyagevaṃ pṛṣṭo mahāmatiḥ. vyājahārānupūrvyeṇa praśnaṃ praśnavidāṃ varaḥ .. 10.44 .. ### [2.10.49](https://indike.org/pramana/in.purana.vayu.2.10.49) ..bṛhaspatiruvāca.. ### [2.10.50](https://indike.org/pramana/in.purana.vayu.2.10.50) kathayiṣyāmi te tāta yanmāṃ tvaṃ paripṛcchasi. vinayena yathānyāyaṃ gambhīraṃ praśnamuttamam .. 10.45 .. ### [2.10.51](https://indike.org/pramana/in.purana.vayu.2.10.51) dyaurantarikṣaṃ pṛthivī nakṣatrāṇi diśastathā. sūryācandramasau caiva tathāhorātrameva ca .. 10.46 .. ### [2.10.52](https://indike.org/pramana/in.purana.vayu.2.10.52) na babhūvustadā tāta tamobhūtamidaṃ jagat. brahmaiko duścaraṃ tatra cacāra paramaṃ tapaḥ .. 10.47 .. ### [2.10.53](https://indike.org/pramana/in.purana.vayu.2.10.53) śaṃyustamabravīdbhūyaḥ pitaraṃ brahmavittamam. sarvadaiva vratasnātaṃ sarvajñānavidāṃvaram .. 10.48 .. ### [2.10.54](https://indike.org/pramana/in.purana.vayu.2.10.54) kīdṛśaṃ sarvabhūte śastapastepe prajāpatiḥ. evamukto bṛhattejā bṛhaspatiruvāca tam .. 10.49 .. ### [2.10.55](https://indike.org/pramana/in.purana.vayu.2.10.55) sarveṣāṃ tapasāṃ yuktistapoyogamanuttamam. dhyāyaṃstadā tadbhagavāṃstena lokanavāsṛjat .. 10.50 .. ### [2.10.56](https://indike.org/pramana/in.purana.vayu.2.10.56) bhūtabhavyāni jñānāni lokānvedāṃśca kṛtsnaśaḥ. yogamāviśya tatsṛṣṭaṃ brahmaṇā yogacakṣuṣā .. 10.51 .. ### [2.10.57](https://indike.org/pramana/in.purana.vayu.2.10.57) lokāḥ sāntānikā nāma yatra tiṣṭhanti bhāsvarāḥ. te vairājā iti khyātā devānāṃ divi devatāḥ .. 10.52 .. ### [2.10.58](https://indike.org/pramana/in.purana.vayu.2.10.58) yogena tapasā yuktaḥ pūrvameva tadā prabhuḥ. devānasṛjata brahmā yogaṃ yuktvā sanātanam .. 10.53 .. ### [2.10.59](https://indike.org/pramana/in.purana.vayu.2.10.59) ādidevā iti khyātā mahāsattvā mahaujasaḥ. sarvakāmapradāḥ pūjyā devadānavamānavaiḥ .. 10.54 .. ### [2.10.60](https://indike.org/pramana/in.purana.vayu.2.10.60) teṣāṃ sapta samākhyātā gaṇāstrailokyapūjitāḥ . amūrttayastrayasteṣāṃ catvārastu sumūrttayaḥ .. 10.55 .. ### [2.10.61](https://indike.org/pramana/in.purana.vayu.2.10.61) upariṣṭātrayasteṣāṃ varttante bhāvamūrttayaḥ. teṣāmadhastādvarttante catvāraḥ sūkṣamamūrttayaḥ .. 10.56 .. ### [2.10.62](https://indike.org/pramana/in.purana.vayu.2.10.62) tato devāstato bhūmireṣā lokaparamparā. loke varttanti te hyasmiṃstebhyaḥ parjanyasambhavaḥ . vṛṣṭirbhavati tairvṛṣṭyā lokānāṃ sambhavaḥ punaḥ .. 10.57 .. ### [2.10.63](https://indike.org/pramana/in.purana.vayu.2.10.63) āpyāyayanti te yasmātsomañcānnañca yogataḥ. ūcustānvai pitṝṃstasmāllokānāṃ lokasattamāḥ .. 10.58 .. ### [2.10.64](https://indike.org/pramana/in.purana.vayu.2.10.64) manojavāḥ svadhābhakṣāḥ sarvakāmaparicchadāḥ. lobhamohabhayāpetā niścitāḥ śokavarjitāḥ .. 10.59 .. ### [2.10.65](https://indike.org/pramana/in.purana.vayu.2.10.65) ete yogaṃ parityajya prāptā lokānsudarśanān. divyāḥ puṇyā mahātmāno vipāpmāno bhavantyuta .. 10.60 .. ### [2.10.66](https://indike.org/pramana/in.purana.vayu.2.10.66) tato yugasahasrānte jāyante brahmavādinaḥ. pratilabhya punaryogaṃ mokṣaṃ gacchantyamūrttayaḥ .. 10.61 .. ### [2.10.67](https://indike.org/pramana/in.purana.vayu.2.10.67) vyaktāvyaktaṃ parityajya mahāyogabalena vā . naśyantyulkeva gagane kṣīṇavidyutprabheva ca .. 10.62 .. ### [2.10.68](https://indike.org/pramana/in.purana.vayu.2.10.68) utsṛjya dehajātāni mahāyogabalena ca. nirākhyopākhyatāṃ yānti saritaḥ sāgare yathā .. 10.63 .. ### [2.10.69](https://indike.org/pramana/in.purana.vayu.2.10.69) kriyayā gurupūjābhirye ca kurvanti nityaśaḥ. tābhirāpyāyayantyete pitaro yogavarddhanāḥ .. 10.64 .. ### [2.10.70](https://indike.org/pramana/in.purana.vayu.2.10.70) śrāddhe prītāḥ punaḥ somaṃ pitaro yogamāsthitāḥ. āpyāyayanti yogena trailokyaṃ yena jīvati .. 10.65 .. ### [2.10.71](https://indike.org/pramana/in.purana.vayu.2.10.71) tasmācchrāddhāni deyāni yogibhyo yatnataḥ sadā. pitṝṇāṃ hi balaṃ yogo yogātsomaḥ pravarttate .. 10.66 .. ### [2.10.72](https://indike.org/pramana/in.purana.vayu.2.10.72) sahasraśastu viprānvai bhojayedyāvadāgatān .. ### [2.10.73](https://indike.org/pramana/in.purana.vayu.2.10.73) ekastu yogavitprītaḥ sarvānarhati tacchṛṇu .. 10.67 .. ### [2.10.74](https://indike.org/pramana/in.purana.vayu.2.10.74) kalpitānāṃ sahasreṇa snātakānāṃ śatena ca. yogācāryeṇa yadbhuktaṃ trāyate mahato bhayāt .. 10.68 .. ### [2.10.75](https://indike.org/pramana/in.purana.vayu.2.10.75) gṛhasthānāṃ sahasreṇa vānaprasthaśatena ca. brahmacārisahasreṇa yogī hyeko viśiṣyate .. 10.69 .. ### [2.10.76](https://indike.org/pramana/in.purana.vayu.2.10.76) nāstiko vā vikarmā vā saṅkīrṇastaskaro'pi vā. nānyatra kāraṇaṃ dānaṃ yogeṣvāha prajāpatiḥ .. 10.70 .. ### [2.10.77](https://indike.org/pramana/in.purana.vayu.2.10.77) pitarastasya tuṣyanti suvṛṣṭeneva karṣakāḥ. putro vāpyatha vā pautro dhyāninaṃ bhojayiṣyati .. 10.71 .. ### [2.10.78](https://indike.org/pramana/in.purana.vayu.2.10.78) alābhe dhyānibhikṣūṇāṃ bhojayedbrahmacāriṇau . tadalābhepyudāsīnaṃ gṛhasthamapi bhojayet .. 10.72 .. ### [2.10.79](https://indike.org/pramana/in.purana.vayu.2.10.79) yastiṣṭhedekapādena vāyubhakṣaḥ śataṃ samāḥ . dhyānayogī parastasmāditi brahmānuśāsanam .. 10.73 .. ### [2.10.80](https://indike.org/pramana/in.purana.vayu.2.10.80) siddhā hi viprarūpeṇa caranti pṛthivīmimām. tasmādatithimāyāntamabhigacchetkṛtāñjaliḥ .. 10.74 .. ### [2.10.81](https://indike.org/pramana/in.purana.vayu.2.10.81) pūjayeccārghyapātreṇa veśmanā bhojanena ca. ūrvoḥ sāgaraparyantāṃ devā yogeśvarāḥ sadā. nānārūpaiścarantyete prajā dharmeṇa pālayan .. 10.75 .. ### [2.10.82](https://indike.org/pramana/in.purana.vayu.2.10.82) tasmāddadyācca vai dānaṃ viprāyātithaye naraḥ. pradānāni pravakṣyāmi phalañcaiṣāṃ tathaiva ca .. 10.76 .. ### [2.10.83](https://indike.org/pramana/in.purana.vayu.2.10.83) aśvamedhasahasreṇa rājasūyaśatena ca. puṇḍarīkasahasreṇa yogiṣvāvasatho varam .. 10.77 .. ### [2.10.84](https://indike.org/pramana/in.purana.vayu.2.10.84) ādya eṣa gaṇaḥ proktaḥ pitṝṇāmamitaujasām. bhāvayansaptakālānvai sthita eṣa gaṇastadā .. 10.78 .. ### [2.10.85](https://indike.org/pramana/in.purana.vayu.2.10.85) ata ūraddhvaṃ pravakṣyāmi sarvān pitṛgaṇānpunaḥ . santatiṃ saṃsthitiñcaiva bhāvanāñca yathākramam .. 10.79 .. ### [2.10.86](https://indike.org/pramana/in.purana.vayu.2.10.86) iti śrīmahāpurāṇe vāyuprokte śrāddhaprakriyārambho nāma daśamo'dhyāyaḥ .. 10 .. \* ## Linked texts (7) - [Brahmāṇḍapurāṇa](https://indike.org/pramana/in.purana.brahmanda.2.9.1) — Vyāsa, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p28) — Dalapatirāja 1511, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.104.22) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.104.22) — Basava, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p88) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.18.p85) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p85) — Gadādhara (Pāraskara commentator), Sanskrit --- Source: [https://indike.org/pramana/in.purana.vayu.2.10](https://indike.org/pramana/in.purana.vayu.2.10) · Pramāṇa