[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.12 # Vayupurana 2.12: adhyāyaḥ 12 Vāyupurāṇa 2.12 - **Language:** Sanskrit ### adhyāyaḥ 12 ### [2.12.1](https://indike.org/pramana/in.purana.vayu.2.12.1) ..bṛhaspatiruvāca.. sauvarṇaṃ rājataṃ tāmraṃ pitṝṇāṃ pātramucyate. rajataṃ rajatāktaṃ vā pitṝṇāṃ pātramucyate .. 12.1 .. ### [2.12.2](https://indike.org/pramana/in.purana.vayu.2.12.2) rajatasya tathā cāpi darśanaṃ dānameva ca. anantamakṣayaṃ svargyaṃ pitṝṇāṃ dānamucyate. pitṝnetena dānena satputrāstārayantyuta .. 12.2 .. ### [2.12.3](https://indike.org/pramana/in.purana.vayu.2.12.3) rājate hi svadhā dugdhā pātre'sminpitṛbhiḥ purā. svadhādāyārthibhistāta tasmindatte tadakṣayam .. 12.3 .. ### [2.12.4](https://indike.org/pramana/in.purana.vayu.2.12.4) kṛṣṇājinasya sānnidhyaṃ darśanaṃ dānameva vā. rakṣoghnaṃ brahmavarccasyaṃ pitṝṃstattadvitārayet .. 12.4 .. ### [2.12.5](https://indike.org/pramana/in.purana.vayu.2.12.5) kāñcanaṃ rājataṃ tāmraṃ dauhitraṃ kutapastilāḥ. vastrañca pāvanīyāni tridaṇḍo yogameva ca .. 12.5 .. ### [2.12.6](https://indike.org/pramana/in.purana.vayu.2.12.6) śrāddhakarmaṇyayaṃ śreṣṭho vidhirbrāhyaḥ sanātanaḥ. āyuḥ kīrttiḥ prajāścaiva prajñāsantativarddhanaḥ .. 12.6 .. ### [2.12.7](https://indike.org/pramana/in.purana.vayu.2.12.7) diśi dakṣiṇapūrvasyāṃ vidikūsthānaṃ viśeṣataḥ. sarvatoratnimātrantu caturasraṃ susaṃhitam .. 12.7 .. ### [2.12.8](https://indike.org/pramana/in.purana.vayu.2.12.8) vakṣyāmi vidhivatsthānaṃ pitṝṇāmanuśāsanāt. dhanyamārogyamāyuṣyaṃ balavarṇavivarddhanam .. 12.8 .. ### [2.12.9](https://indike.org/pramana/in.purana.vayu.2.12.9) tatra garttāstrayaḥ kāryyāstrayo daṇḍāśca khādirāḥ. ratnimātrāstu te kāryyā rajatena vibhūṣitāḥ. tevitastyāyatāḥ kāryyāḥ sarvvataścaturaṅgulāḥ .. 12.9 .. ### [2.12.10](https://indike.org/pramana/in.purana.vayu.2.12.10) prāgdakṣiṇamukhānbhūmau sthitānasuṣiraṃstathā. adbhiḥ pavitrapūtābhiḥ plāvayetsatataṃ śuciḥ .. 12.10 .. ### [2.12.11](https://indike.org/pramana/in.purana.vayu.2.12.11) payasā hyājagavyena śodhanaṃ vāgbhireva tu. tarpaṇātsatataṃ hyevaṃ tṛptirbhavati śāśvatī .. 12.11 .. ### [2.12.12](https://indike.org/pramana/in.purana.vayu.2.12.12) iha cāmutra ca śrīmānsarvakarmasamanvitaḥ. evaṃ triṣavaṇasnāto yo'rcayeta pitṝnsadā . mantreṇa vidhivatsamyagaśvamedhaphalaṃ labhet .. 12.12 .. ### [2.12.13](https://indike.org/pramana/in.purana.vayu.2.12.13) tatsthāpayedamāvāsyāṃ gartte bhūcaturaṅgule . triḥsaptasaṃjñāste yajñāstrailokyaṃ dhāryyate tu vai .. 12.13 .. ### [2.12.14](https://indike.org/pramana/in.purana.vayu.2.12.14) tasya puṣṭirathaiśvaryyamāyuḥ santatireva ca. vicitrā bhajate lakṣmīrmokṣaṃ ca labhate kramāt .. 12.14 .. ### [2.12.15](https://indike.org/pramana/in.purana.vayu.2.12.15) pāpmāpahaṃ pāvanīyamaśvamedhaphalaṃ tathā. aśvamedhaphalaṃ hyetaddvijaiḥ satkṛtya pūjitam. mantraṃ vakṣyāmyahaṃ tasmādamṛtaṃ brahmanirmitam .. 12.15 .. ### [2.12.16](https://indike.org/pramana/in.purana.vayu.2.12.16) devatābhyaḥ pitṛbhyaśca mahāyogibhya eva ca. namaḥ svadhāyai svāhāyai nityameva bhavantyuta .. 12.16 .. ### [2.12.17](https://indike.org/pramana/in.purana.vayu.2.12.17) ādyāvasāne śrāddhasya trirāvarttaṃ japetsadā. piṇḍanirvapaṇe caiva japedetatsamāhitaḥ. pitaraḥ kṣipramāyānti rākṣasāḥ pradravanti ca .. 12.17 .. ### [2.12.18](https://indike.org/pramana/in.purana.vayu.2.12.18) pitṝṃstatrtriṣu lokeṣu mantro'yaṃ tārayatyuta. paṭhyamānaḥ sadā śrāddhe niyataṃ brah‌mavādibhiḥ .. 12.18 .. ### [2.12.19](https://indike.org/pramana/in.purana.vayu.2.12.19) rājyakāmo japedenaṃ sadā mantramatandritaḥ. vīryyaśaucārthasattvañca śrīrāyurbalavarddhanam .. 12.19 .. ### [2.12.20](https://indike.org/pramana/in.purana.vayu.2.12.20) prīyante pitaro yena japyena niyamena ca. saptārcciṣaṃ pravakṣyāmi sarvakāmapradaṃ śubham .. 12.20 .. ### [2.12.21](https://indike.org/pramana/in.purana.vayu.2.12.21) amūrtānāṃ samūrtānāṃ pitṝṇāṃ dīpta tejasām. namasyāmi sadā tebhyo dhyānibhyo yogacakṣuṣā .. 12.21 .. ### [2.12.22](https://indike.org/pramana/in.purana.vayu.2.12.22) indrādīnāṃ janayitāro bhṛgumārīcayostathā. saptarṣīṇāṃ pitṝṇāñca tānnamasyāmi kāmadān .. 12.22 .. ### [2.12.23](https://indike.org/pramana/in.purana.vayu.2.12.23) manvādīnāṃ sureśānāṃ sūryyācandramasostathā. tānnamaskṛtya sarvānvai pitṝnkuśaladāyakān .. 12.23 .. ### [2.12.24](https://indike.org/pramana/in.purana.vayu.2.12.24) nakṣatrāṇāṃ carādīnāṃ pitṝnatha pitāmahān. dyāvāpṛthivyośca tathā namasyāmi kṛtāñjaliḥ .. 12.24 .. ### [2.12.25](https://indike.org/pramana/in.purana.vayu.2.12.25) devarṣīṇāñjanayitṝṃśca sarvalokanamaskṛtān. abhayasya sadā dātṝnnamasye'haṃ kṛtāñjaliḥ .. 12.25 .. ### [2.12.26](https://indike.org/pramana/in.purana.vayu.2.12.26) prajā pateḥ kaśyapāya somāya varuṇāya ca. yogayogeśvarebhyaśca namasyāmi kṛtāñjaliḥ .. 12.26 .. ### [2.12.27](https://indike.org/pramana/in.purana.vayu.2.12.27) pitṛgaṇebhyaḥ saptabhyo namo lokeṣu saptasu. svayambhuve namaścaiva brahmaṇe yogacakṣuṣe .. 12.27 .. ### [2.12.28](https://indike.org/pramana/in.purana.vayu.2.12.28) etaduktaṃ sasaptarṣibrahmarṣigaṇapūjitam . pavitraṃ paramaṃ hyetacchrīmadrakṣovināśanam .. 12.28 .. ### [2.12.29](https://indike.org/pramana/in.purana.vayu.2.12.29) anena vidhinā yuktastrīnvarān labhate naraḥ. annamāyuḥ sutāṃścaiva dadate pitaro bhuvi .. 12.29 .. ### [2.12.30](https://indike.org/pramana/in.purana.vayu.2.12.30) bhaktyā paramayā yuktaḥ śraddadhāno jitendriyaḥ. saptārcciṣaṃ japedyastu nityameva samāhitaḥ. saptadvīpasamudrāyāṃ pṛthivyāmekarāḍbhavet .. 12.30 .. ### [2.12.31](https://indike.org/pramana/in.purana.vayu.2.12.31) yatkiṃcitpacyate gehe bhakṣyaṃ vā bhojyameva ca. anivedya na bhoktavyaṃ tasminnāyatane sadā .. 12.31 .. ### [2.12.32](https://indike.org/pramana/in.purana.vayu.2.12.32) kramaśaḥ kīrttayiṣyāmi balipātrāṇyataḥ param. yeṣu yacca phalaṃ proktaṃ tanme nigadataḥ śrṛṇu .. 12.32 .. ### [2.12.32\_1](https://indike.org/pramana/in.purana.vayu.2.12.32_1) iti śrīmahāpurāṇe vāyuprokte śrāddhakalpo nāma dvādaśo'dhyāyaḥ .. 12 .. \* ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.2.11.1) — Vyāsa, Sanskrit - [Padmapurāṇa](https://indike.org/pramana/in.purana.padma.1.9.143) — Vyāsa, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.4.p75) — Govindānanda 1500, Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.36.3) — Kamalākarabhaṭṭa, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.59.3-6) — Kamalākarabhaṭṭa 1612, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p184.3) — Dalapatirāja 1511, Sanskrit --- Source: [https://indike.org/pramana/in.purana.vayu.2.12](https://indike.org/pramana/in.purana.vayu.2.12) · Pramāṇa