[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.18 # Vayupurana 2.18: adhyāyaḥ 18 Vāyupurāṇa 2.18 - **Language:** Sanskrit ### adhyāyaḥ 18 ### [2.18.1](https://indike.org/pramana/in.purana.vayu.2.18.1) bṛhaspatiruvāca.. ### [2.18.2](https://indike.org/pramana/in.purana.vayu.2.18.2) ataḥ paraṃ pravakṣyāmi dānāni ca phalāni ca. tāraṇaṃ sarvvabhūtānāṃ svargamārgaṃ sukhāvaham .. 18.1 .. ### [2.18.3](https://indike.org/pramana/in.purana.vayu.2.18.3) loke śreṣṭhatamaṃ svargyamātman ścāpi yat priyam. sarvvaṃ pitṝṇāṃ dātavyaṃ teṣāmevākṣayārthinā .. 18.2 .. ### [2.18.4](https://indike.org/pramana/in.purana.vayu.2.18.4) jāmbūnadamayaṃ divyaṃ vimānaṃ sūryyasannibham. divyāpsarobhiḥ saṅkīrṇamannado labhate phalam .. 18.3 .. ### [2.18.5](https://indike.org/pramana/in.purana.vayu.2.18.5) ācchādanantu yo dadyādāhataṃ śrāddhakarmmaṇi. āyuḥ prakāmamaiśvaryyaṃ rūpañca labhate sutam .. 18.4 .. ### [2.18.6](https://indike.org/pramana/in.purana.vayu.2.18.6) upavītantu yo dadyācchrāddhakāleṣu dharmavit . pānañca sarvaviprāṇāṃ brahmadānasya yat phalam .. 18.5 .. ### [2.18.7](https://indike.org/pramana/in.purana.vayu.2.18.7) kṛtaṃ vipreṣu yo dadyāchrāddhakāle kamaṇḍalum. madhukṣīrasravā dhenurdātāramupatiṣṭhati .. 18.6 .. ### [2.18.8](https://indike.org/pramana/in.purana.vayu.2.18.8) cakrāviddhaṃ tu yo dadyācchrāddhakāle kamaṇḍalum. dhenuṃ sa labhate divyāṃ payodāṃ kāmyadohinīm .. 18.7 .. ### [2.18.9](https://indike.org/pramana/in.purana.vayu.2.18.9) pūrṇasayyāṃ tu yo dadyāt puṣpamālāvibhūṣitām. prāsādo hyuttamo bhūtvā gacchantamanugacchati .. 18.8 .. ### [2.18.10](https://indike.org/pramana/in.purana.vayu.2.18.10) bhavanaṃ ratnasampūrṇaṃ saśayyāsanabhojanam. śrāddhe dattvā yatibhyastu nākapṛṣṭhe sa modate .. 18.9 .. ### [2.18.11](https://indike.org/pramana/in.purana.vayu.2.18.11) muktā vaiḍhūryyavāsāṃsi ratnāni vividhāni ca. vāhanāni ca divyāni ayutānyarbbudāni ca .. 18.10 .. ### [2.18.12](https://indike.org/pramana/in.purana.vayu.2.18.12) sumahajjvalanaprakhyaṃ ratnakāmasamanvitam . sūryyacandra prabhaṃ divyaṃ vimānaṃ labhate'kṣayam .. 18.11 .. ### [2.18.13](https://indike.org/pramana/in.purana.vayu.2.18.13) apsarobhiḥ parivṛtaṃ kāmagaṃ tu manojavam. vasate sa vimānāgre stūyamānaḥ samantataḥ .. 18.12 .. ### [2.18.14](https://indike.org/pramana/in.purana.vayu.2.18.14) divyairgandhaiḥ prasiñcanti puṣpavṛṣṭibhireva ca. gandharvāpsarasastatra gāyante vādayanti ca .. 18.13 .. ### [2.18.15](https://indike.org/pramana/in.purana.vayu.2.18.15) kanyā yuvatayo mukhyāḥ sahitāścāpsarogaṇaiḥ. susvaraistaṃ vibudhyante satataṃ hi manoramaiḥ .. 18.14 .. ### [2.18.16](https://indike.org/pramana/in.purana.vayu.2.18.16) aśvadānasahasreṇa rathadānaśatena ca. dantināṃ ca sahasreṇa yoginyā vasate naraḥ .. 18.15 .. ### [2.18.17](https://indike.org/pramana/in.purana.vayu.2.18.17) dadyāt pitṛbhyo yogibhyo yastūjjvalanamambhasi. atha niṣkasahasrāṇāṃ phalaṃ prāpnoti mānavaḥ .. 18.16 .. ### [2.18.18](https://indike.org/pramana/in.purana.vayu.2.18.18) jīvitasya pradānāddhi nānyaddānaṃ viśiṣyate. tasmāt sarvaprayatnena deyaṃ prāṇābhirakṣaṇam .. 18.17 .. ### [2.18.19](https://indike.org/pramana/in.purana.vayu.2.18.19) ahiṃsā sarvvadevebhyaḥ pavitrā sarvvadāyinī. dānaṃ hi jīvitasyāhuḥ prāṇināṃ paramaṃ budhāḥ .. 18.18 .. ### [2.18.20](https://indike.org/pramana/in.purana.vayu.2.18.20) lakṣaṇāni suvarṇāni śrāddhe pātrāṇi dāpayet. rasāstamupatiṣṭhanti gavāṃ puṣṭistathaiva ca .. 18.19 .. ### [2.18.21](https://indike.org/pramana/in.purana.vayu.2.18.21) pātraṃ vai taijasaṃ dadyānmanojñaṃ śrāddhabhojane. pātraṃ bhavati kāmānāṃ rūpasya ca dhanasya ca .. 18.20 .. ### [2.18.22](https://indike.org/pramana/in.purana.vayu.2.18.22) rājataṃ kāñcanaṃ vāpi dadyācchrāddhe tu karmmaṇi. dattvā tu labhate dātā prakāmaṃ dharmmameva ca .. 18.21 .. ### [2.18.23](https://indike.org/pramana/in.purana.vayu.2.18.23) dhenuṃ śrāddhe tu yo dadyāt vṛṣṭi kumbhopadohanām. gāvastamupatiṣṭhanti gavāṃ puṣṭistathaiva ca .. 18.22 .. ### [2.18.24](https://indike.org/pramana/in.purana.vayu.2.18.24) śiśireṣu tathā tvagniṃ bahukāṣṭhaṃ tathaiva ca. indhanāni tu yo dadyāddvijebhyaḥ śiśi rāgame .. 18.23 .. ### [2.18.25](https://indike.org/pramana/in.purana.vayu.2.18.25) nityaṃ jayati saṃgrāme śriyā yuktaścadīpyate. surabhīṇi ca mālyāni gandhavanti tathaiva ca .. 18.24 .. ### [2.18.26](https://indike.org/pramana/in.purana.vayu.2.18.26) pūjayitvā tu pātrāṇi śrāddhe satkṛtya dāpayet. gandhavāhā mahānadyaḥ sukhāni vividhāni ca .. 18.25 .. ### [2.18.27](https://indike.org/pramana/in.purana.vayu.2.18.27) dātāramupatiṣṭhanti yuvatyaśca manoramāḥ. śayanāsanāni ramyāṇi bhūmayo vāhanāni ca .. 18.26 .. ### [2.18.28](https://indike.org/pramana/in.purana.vayu.2.18.28) śrāddhe'pyetāni yo dadyādaśvamedhaphalaṃ labhet. śrāddhakālenivedyaṃ ca darśaśrāddha upasthite .. 18.27 .. ### [2.18.29](https://indike.org/pramana/in.purana.vayu.2.18.29) viprāṇāṃ guṇayuktānāṃ smṛtiṃ medhāṃ ca vindati. sarpiṣpūrṇāni pātrāṇi śrāddhe satkṛtya dāpayet .. 18.28 .. ### [2.18.30](https://indike.org/pramana/in.purana.vayu.2.18.30) kumbhadohanadhenūnāṃ bahvīnāṃ ca phalaṃ labhet. asmistu modate loke syandanaiśca suvāhanaiḥ .. 18.29 .. ### [2.18.31](https://indike.org/pramana/in.purana.vayu.2.18.31) śrāddhe yathepsitaṃ dattvā puṇḍarīkasya yatphalam. ramyamāvasathaṃ dattvā rājasūyaphalaṃ labhet .. 18.30 .. ### [2.18.32](https://indike.org/pramana/in.purana.vayu.2.18.32) vanaṃ puṣpaphalopetaṃ dattvā saurabhamaśnute. kūpārāmataḍāgāni kṣetraghoṣagṛhāṇi ca .. 18.31 .. ### [2.18.33](https://indike.org/pramana/in.purana.vayu.2.18.33) dattvaitān modate svarge nityamācandratārakam. āstīrṇaśayanaṃ dattvā śrāddhe ratnavibhūṣitam .. 18.32 .. ### [2.18.34](https://indike.org/pramana/in.purana.vayu.2.18.34) pitarastasya tuṣyanti svargaṃ cānantyamaśnute. rājabhiḥ pūjyate cāpi dhanadhānyaiśca varddhate .. 18.33 .. ### [2.18.35](https://indike.org/pramana/in.purana.vayu.2.18.35) ūrṇākauśeyavastrāṇi tathā pravarakambalau. ajinaṃ kāñcanaṃ paṭṭaṃ praveṇī mṛgalomakam .. 18.34 .. ### [2.18.36](https://indike.org/pramana/in.purana.vayu.2.18.36) dānānyatāni viprebhyo bhojayitvā yathāvidhi. prāpnoti śraddadhānastu vājapeyaśataṃ phalam .. 18.35 .. ### [2.18.37](https://indike.org/pramana/in.purana.vayu.2.18.37) bahvayo nāryyaḥ surūpāstu putrā bhṛtyāśca kiṅkarāḥ. vaśe tiṣṭhanti bhūtāni asmim̐lloke tvanāmayam .. 18.36 .. ### [2.18.38](https://indike.org/pramana/in.purana.vayu.2.18.38) kauśeyaṃ kṣaumakārpāsaṃ dukūlasahitaṃ tathā. śrāddheṣvetāni yo dadyāt kāmānāpnoti puṣkalān .. 18.37 .. ### [2.18.39](https://indike.org/pramana/in.purana.vayu.2.18.39) alakṣmīṃ vinudatyāśu tamaḥ sūryyodaye yathā. bhrājate sa vimānāgre nakṣatreṣviva candramāḥ .. 18.38 .. ### [2.18.40](https://indike.org/pramana/in.purana.vayu.2.18.40) vāso hi sarvadaivatyaṃ sarvadevaistvabhiṣṭutam. vastrābhāve kriyā nāsti yajñā vedāstapāṃsi ca .. 18.39 .. ### [2.18.41](https://indike.org/pramana/in.purana.vayu.2.18.41) tasmādvastrāṇi deyāni śrāddhakāle viśeṣataḥ. tāni sarvāṇyavāpnāpnoti yajñavedatapāṃsi ca .. 18.40 .. ### [2.18.42](https://indike.org/pramana/in.purana.vayu.2.18.42) nityaṃ śrāddheṣu yo dadyāt prayatastatparāyaṇaḥ . sarvān kāmānavāpnoti sarvaṃ rājyaṃ tathaiva ca .. 18.41 .. ### [2.18.43](https://indike.org/pramana/in.purana.vayu.2.18.43) sarvakāmasamṛddhasya yajñasya phalamaśnute. bhakṣyān dhānāḥ karambhāṃśca piṣṭakān ghṛtaśarkarāḥ .. 18.42 .. ### [2.18.44](https://indike.org/pramana/in.purana.vayu.2.18.44) kṛśarānmadhu karkañca payaḥ pāyasameva ca. snigdhāṃśca pūpān yo dadyādagniṣṭomasya yat phalam .. 18.43 .. ### [2.18.45](https://indike.org/pramana/in.purana.vayu.2.18.45) dadhi gavyamasaṃsṛṣṭaṃ bhakṣyā nānāvidhāstathā. tadannaṃ śocati śrāddhe varṣāsu ca maghāsu ca .. 18.44 .. ### [2.18.46](https://indike.org/pramana/in.purana.vayu.2.18.46) ghṛtena bhojayedviprān ghṛtaṃ bhūmau samutsṛjet. gayāyāṃ hastinaścaiva dattvā śrāddhe na śocati .. 18.45 .. ### [2.18.47](https://indike.org/pramana/in.purana.vayu.2.18.47) odanaṃ pāyasaṃ sarpirmadhumūlaphalāni ca. bhakṣyāṃśca vividhāndattvā pretya ceha ca modate .. 18.46 .. ### [2.18.48](https://indike.org/pramana/in.purana.vayu.2.18.48) śarkarākṣīrasaṃyuktaṃ pṛthukaṃ nityamakṣayam. yaśca saṃvatsaraṃ prītyā kṛsarairmasureṇa ca .. 18.47 .. ### [2.18.49](https://indike.org/pramana/in.purana.vayu.2.18.49) saktulājāstathā pūpāḥ kulmāṣavyañjanaistathā. sārpeḥsnigdhāni hṛdyāni dadhnā saktūṃstu bhojayet. śrāddheṣvetāni yo dadyāt pajhāni labhate nidhim .. 18.48 .. ### [2.18.50](https://indike.org/pramana/in.purana.vayu.2.18.50) navasasyāni yo dadyācchrāddhe satkṛtya yatnataḥ. sarvabhogānavāpnoti pūjyate ca divaṃ gataḥ .. 18.49 .. ### [2.18.51](https://indike.org/pramana/in.purana.vayu.2.18.51) bhakṣyabhojyāni coṣyāṇi peyalehyavarāṇi ca. sarvaśreṣṭhāni yo dadyāt sarvvaśreṣṭho bhavennaraḥ .. 18.50 .. ### [2.18.52](https://indike.org/pramana/in.purana.vayu.2.18.52) vaiśvadevaṃ ca saumyaṃ ca khāḍgamāṃsaṃ paraṃ haviḥ. viṣāṇaṃ varjjayet khāḍgamasūyāṃ nāśayāmahe .. 18.51 .. ### [2.18.53](https://indike.org/pramana/in.purana.vayu.2.18.53) bhojane'grāsanaṃ dadyādatithibhyaḥ kṛtāñjaliḥ . sarvayajñakriyāṇāṃ sa phalaṃ prāpnotyanuttamam .. 18.52 .. ### [2.18.54](https://indike.org/pramana/in.purana.vayu.2.18.54) kṣipramatyuṣṇa makliṣṭaṃ dadyāccānnaṃ bubhukṣate. vayañjanaṃ ca tathā snigdhaṃ bhaktyā satkṛtya yatnataḥ .. 18.53 .. ### [2.18.55](https://indike.org/pramana/in.purana.vayu.2.18.55) taruṇādityasaṅkāśaṃ vimānaṃ haṃsavāhanam. annado labhate tisraḥ kalpakoṭīstathaiva ca .. 18.54 .. ### [2.18.56](https://indike.org/pramana/in.purana.vayu.2.18.56) annadānātparaṃ dānaṃ vidyate neha kiñcana. annādbhūtāni jāyante jīvanti ca na saṃśayaḥ .. 18.55 .. ### [2.18.57](https://indike.org/pramana/in.purana.vayu.2.18.57) jīvadānāt paraṃ dānaṃ na kiñcidiha vidyate. annairjīvati trailokyamannasyaiva hi tatphalam .. 18.56 .. ### [2.18.58](https://indike.org/pramana/in.purana.vayu.2.18.58) anne lokāḥ pratiṣṭhanti lokadānasya tatphalam . annaṃ prajāpatiḥ sākṣāttena sarvvamidaṃ tatam. tasmādannasamaṃ dānaṃ na bhūtaṃ na bhaviṣyati .. 18.57 .. ### [2.18.59](https://indike.org/pramana/in.purana.vayu.2.18.59) yāni ratnāni medinyāṃ vāhanāni striyastathā. kṣipraṃ prāpnoti tat sarvaṃ pitṛbhakto hi mānavaḥ .. 18.58 .. ### [2.18.60](https://indike.org/pramana/in.purana.vayu.2.18.60) pratiśrayaṃ sadā dadyādatithibhyaḥ kṛtāñjaliḥ. devāste saṃpratīkṣante divyātithyaiḥ sahasraśaḥ .. 18.59 .. ### [2.18.61](https://indike.org/pramana/in.purana.vayu.2.18.61) sarvāṇyetāni yo dadyāt pṛthivyāmekarāḍ bhavet. tribhirdvābhyāmathaikena dānena tu sukhī bhavet .. 18.60 .. ### [2.18.62](https://indike.org/pramana/in.purana.vayu.2.18.62) dānāni paramo dharmmaḥ sadbhiḥ satkṛtya pūjitaḥ. trailokyasyādhipatyaṃ hi dānādeva vyavasthitam .. 18.61 .. ### [2.18.63](https://indike.org/pramana/in.purana.vayu.2.18.63) rājā tu labhate rājyamadhanaścottamaṃ dhanam. kṣīṇāyurlabhate cāyuḥ pitṛbhaktaḥ sadā naraḥ. yān kāmān manasā'rtheta tāṃstasya pitaro viduḥ .. 18.62 .. ### [2.18.64](https://indike.org/pramana/in.purana.vayu.2.18.64) iti śrīmahāpurāṇe vāyuprokte śrāddhakalpe dānaphalaṃ nāmāṣṭādaśo'dhyāyaḥ .. 18 .. \* ## Linked texts (5) - [Brahmāṇḍapurāṇa](https://indike.org/pramana/in.purana.brahmanda.2.16.1) — Vyāsa, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.21.p108) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.18.p115) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.18.p115) — Gadādhara (Pāraskara commentator), Sanskrit - [Śrāddhadīpa](https://indike.org/pramana/in.niti.dharma.sraddha.sraddhadipa.8.478) — Divyasiṃha Mahāpātra 1640, Sanskrit --- Source: [https://indike.org/pramana/in.purana.vayu.2.18](https://indike.org/pramana/in.purana.vayu.2.18) · Pramāṇa