[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vayupurana](https://indike.org/pramana/in.purana.vayu) › 2.19 # Vayupurana 2.19: adhyāyaḥ 19 Vāyupurāṇa 2.19 - **Language:** Sanskrit ### adhyāyaḥ 19 ### [2.19.1](https://indike.org/pramana/in.purana.vayu.2.19.1) bṛhaspatiruvāca.. ### [2.19.2](https://indike.org/pramana/in.purana.vayu.2.19.2) ata ūrddhvaṃ pravakṣyāmi śrāddhakarmmaṇi pūjitam. kāmyanaimittikājasraṃ śrāddhakarmmaṇi nityaśaḥ .. 19.1 .. ### [2.19.3](https://indike.org/pramana/in.purana.vayu.2.19.3) putra dāradhanamūlā aṣṭakāstisra eva ca. pūrvapakṣo variṣṭho hi pūrvā citrī udāhṛtā .. 19.2 .. ### [2.19.4](https://indike.org/pramana/in.purana.vayu.2.19.4) prājāpatyā dvitīyā syāt tṛtīyā vaiśvadevikī. ādyā pūpaiḥsadā kāryā māsairanyā bhavetsadā .. 19.3 .. ### [2.19.5](https://indike.org/pramana/in.purana.vayu.2.19.5) śākairanyā tṛtīyā syādevaṃ dravyagato vidhiḥ . anvaṣṭakā pitṝṇāṃ vai nityameva vidhīyate .. 19.4 .. ### [2.19.6](https://indike.org/pramana/in.purana.vayu.2.19.6) yadyanyā ca caturthī syāttāñca kuryyādviśeṣataḥ. tāsu śrāddhaṃ budhaḥ kuryyāt sarvvasvenāpi nityaśaḥ .. 19.5 .. ### [2.19.7](https://indike.org/pramana/in.purana.vayu.2.19.7) paratreha ca sarvveṣu nityameva sukhī bhavet . pūjakānāṃ sadotkarṣo nāstikā nāmadho gatiḥ .. 19.6 .. ### [2.19.8](https://indike.org/pramana/in.purana.vayu.2.19.8) pitaraḥ sarvvakāleṣu tithikāleṣu devatāḥ. sarvve puruṣamāyānti nipānamiva dhenavaḥ .. 19.7 .. ### [2.19.9](https://indike.org/pramana/in.purana.vayu.2.19.9) mā sma te pratigaccheyuraṣṭakāḥ surapūjitāḥ . moghastasya bhavelloko labdhaṃ cāsya vinaśyati .. 19.8 .. ### [2.19.10](https://indike.org/pramana/in.purana.vayu.2.19.10) devāṃstu dāyino yānti tiryyaggacchantyadāyinaḥ. prajāṃ puṣṭiṃ smṛtiṃ medhāṃ putrānaiśvaryyameva ca .. 19.9 .. ### [2.19.11](https://indike.org/pramana/in.purana.vayu.2.19.11) kurvvāṇaḥ paurṇamāsyāṃ ca pūrvvaṃ pūrṇaṃ samaśnute. pratipaddhanalābhāya labdhaṃ cāsya na naśyati .. 19.10 .. ### [2.19.12](https://indike.org/pramana/in.purana.vayu.2.19.12) dvitīyāyāṃ tu yaḥ kuryyāddvipadādhipatirbhavet. varārthinā tṛtīyā tu śatrughnī pāpanāśinī .. 19.11 .. ### [2.19.13](https://indike.org/pramana/in.purana.vayu.2.19.13) caturthyāṃ kurute śrāddhaṃ śatrośchidrāṇi paśyati. pañcamyāṃ vai prakurvāṇaḥ prāpnoti mahatīṃ śriyam .. 19.12 .. ### [2.19.14](https://indike.org/pramana/in.purana.vayu.2.19.14) ṣaṣṭhyāṃ śrāddhāni kurvāṇaṃ dvijāstaṃ pūjayantyuta. kurute yastu saptamyāṃ śrāddhāni satataṃ naraḥ .. 19.13 .. ### [2.19.15](https://indike.org/pramana/in.purana.vayu.2.19.15) mahāsatramavāpnoti gaṇānāmadhipo bhavet. sampūrṇāmṛddhimāpnoti yo'ṣṭamyāṃ kurute naraḥ .. 19.14 .. ### [2.19.16](https://indike.org/pramana/in.purana.vayu.2.19.16) śrāddhaṃ navamyāṃ kurvāṇa aiśvaryyaṃ kāṃkṣitāṃ striyam. kurvan daśamyāṃ tu naro brāhmīṃ śriyamavāpnuyāt .. 19.15 .. ### [2.19.17](https://indike.org/pramana/in.purana.vayu.2.19.17) vedāṃścaivāpnuyāt sarvān praṇāśamenasastathā. ekādaśyāṃ paraṃ dānamaiśvaryyaṃ satataṃ tathā .. 19.16 .. ### [2.19.18](https://indike.org/pramana/in.purana.vayu.2.19.18) dvādaśyāṃ rāṣṭralābhaṃ tu jayamāhurvasūni ca . prajāṃ buddhiṃ paśūn medhāṃ svātantryaṃ puṣṭimuttamām . dīrghamāyurathaiśvaryyaṃ kurvāṇastu trayodaśīm .. 19.17 .. ### [2.19.19](https://indike.org/pramana/in.purana.vayu.2.19.19) yuvānaśca mṛtā yasya gṛhe teṣāṃ pradāpayet. śastreṇa tu hatā ye vai teṣāṃ dadyāccaturdaśīm .. 19.18 .. ### [2.19.20](https://indike.org/pramana/in.purana.vayu.2.19.20) tathā viṣamajātānāṃ yamalānāṃ tu sarvaśaḥ . amāvāsyāṃ prayatnena śrāddhaṃ kuryyācchuciḥ sadā .. 19.19 .. ### [2.19.21](https://indike.org/pramana/in.purana.vayu.2.19.21) sarvvān kāmānavāpnoti svargamānantyamaśnute . ṛtaṃ dadyādamāvāsyāṃ somamāpyāyanaṃ mahat .. 19.20 .. ### [2.19.22](https://indike.org/pramana/in.purana.vayu.2.19.22) evamāpyāyitaḥ somastrīm̐llokān dhārayiṣyati. siddhacāraṇagandharvvaiḥ stūyamānastu nityaśaḥ .. 19.21 .. ### [2.19.23](https://indike.org/pramana/in.purana.vayu.2.19.23) stavaiḥ puṣpairmanojñaiśca sarvvakāmaparicchadaiḥ. nṛtya vāditragītaiśca hyapsarobhiḥ sahasraśaḥ .. 19.22 .. ### [2.19.24](https://indike.org/pramana/in.purana.vayu.2.19.24) upakrīḍairvvimānaistu pitṛbhaktaṃ dṛḍhavratam. stuvanti devagandharvvāḥ siddhasaṅghāśca taṃ sadā .. 19.23 .. ### [2.19.25](https://indike.org/pramana/in.purana.vayu.2.19.25) pitṛbhaktastvamāvasyāṃ sarvān kāmānavāpnuyāt. pratyakṣamarcitāstena bhavanti pitaraḥ sadā .. 19.24 .. ### [2.19.26](https://indike.org/pramana/in.purana.vayu.2.19.26) pitṝdevā maghā yasmāt tasmāttāsvakṣayaṃ smṛtam. pitryaṃ kurvvanti tasyāṃ tu viśeṣeṇa vicakṣaṇaḥ .. 19.25 .. ### [2.19.27](https://indike.org/pramana/in.purana.vayu.2.19.27) tasmānmaghāṃ vai vāñchanti pitaro nityameva hi . pitṝdaivatabhaktā ye te'pi yānti parāṃ gatim .. 19.26 .. ### [2.19.28](https://indike.org/pramana/in.purana.vayu.2.19.28) iti śrīmahāpurāṇe vāyuprokte śrāddhakalpe tithiviśeṣe śrāddhaphalavarṇanaṃ nāmonaviṃśo'dhyāyaḥ .. 19 .. \* ## Linked texts (2) - [Brahmāṇḍapurāṇa](https://indike.org/pramana/in.purana.brahmanda.2.17.1) — Vyāsa, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.6.p121) — Govindānanda 1500, Sanskrit --- Source: [https://indike.org/pramana/in.purana.vayu.2.19](https://indike.org/pramana/in.purana.vayu.2.19) · Pramāṇa